Close Rolls, December 1262

Close Rolls, December 1262

Pro Johanne de Sulye.—Rex Willelmo Weylond', escaetori suo citra Trentam, salutem. Quia accepimus per inquisicionem quam per vos fieri fecimus quod R. quondam comes Glouc' in vita sua feofavit Johannem de Sulye de una carucata terre cum pertinenciis in Knuk et de una carucata terre cum pertinenciis in Orcheston', quam quidem terram occasione mortis prefati comitis cepistis in manum nostram, et quod idem Johannes plenam et pacificam inde seisinam habuit ante decessum ejusdem comitis et inde ut de re propria pro sua voluntate disposuit et ordinavit sine alicujus contradiccione vel impedimento; vobis mandamus quod prefato Johanni predictam terram sine dilacione restitui facias una cum omnibus inde perceptis a tempore capcionis ejusdem in manum nostram. Teste Philippo Basset etc. apud Westmonasterium vij. die Decembris.

Pro magistro Rogero quondam coco regis.—Rex baronibus suis de scaccario salutem. Cum pro diutino et laudabili servicio magistri Rogeri quondam coci nostri nobis impenso nuper concesserimus eidem per litteras nostras patentes quatuor denarios et obolum singulis diebus ad vitam suam percipiendos ad scaccarium predictum de elemosina nostra constituta, videlicet de primis denariis quos de hujusmodi elemosina ibidem vacare contingeret, ac Nicholaus de Bethlem, qui sex denarios diurnos de elemosina predicta precipere consuevit ad idem scaccarium nuper in fata concesserit, ut accepimus, nos de illis sex denariis prefato Rogero quatuor denarios diurnos et obolum et Johanni de Rocheby, nuncio nostro, qui per multa tempora nobis laudabiliter obsecutus est, residuos tres obolos diurnos de predictis sex denariis concessimus, percipiendos ad sustentationem suam quoad vixerint eodem modo quo prefatus Nicholaus illos sex denarios percipere consuevit dum tamen illi sex denarii sint de elemosina nostra constituta. Et ideo vobis mandamus quod prefato Rogero dictos quatuor denarios et obolum et predicto Johanni dictos tres obolos habere faciatis quoad vixerint percipiendos sicut predictum est. Teste Philippo Basset etc. apud Westmonasterium vij. die Decembris. Per regem, Philippum Basset et J. Mansel.

Pro hominibus de Gernem' et Lodinglond'.—Rex vicecomiti Norf' salutem. Cum ex contencionibus motis inter homines de Gernemuth' et homines de Lodinglond' et de morte quorundam de Lodinglond' suborta sint appella in comitatu Suff' versus homines de Gernem' quorum multitudo fere usque ad ejusdem ville communitatem attingit, ut dicitur, ac ex nimio regore (sic) possent in hac parte pericula suscitari que postea de facili nequirent emendari; tibi precipimus quod, si ita est et singuli appellatorum de morte predicta, videlicet de vi vel consilio, se coram te ad prisonam nostram reddiderint et tibi invenerint duodecim probos et legales homines qui eos manucapiant habere coram justiciariis nostris ad primam assisam cum in partes illas venerint, vel coram dilecto et fideli nostro Philippo Basset justiciario nostro Anglie si prius ad partes illas venerit, ad standum recto de morte predicta, tunc illos singulos taliter appellatos prefatis manucaptoribus tradas in ballium sicut predictum est: et nomina sic appellatorum una cum nominibus eorum qui eos manuceperint nobis habere facias (fn. 1) de singulis balliis predictis tibi warantum habere faciamus. Teste etc.

Pro Johanne Biset.—Rex Willelmo le Latymer, escaetori suo ultra Trentam, salutem. Cum Ingeramus de Percy nuper ante mortem suam Paris' dederit et concesserit per cartam suam Johanni Byset vadletto suo totam terram quam idem Ingeramus habuit de dono nostro in Hauesey in comitatu Ebor', sicut ex testimonio dilecti et fidelis nostri Johannis Mansel thesaurarii Ebor' et aliorum fidelium nostrorum intelleximus, et vos terram illam ceperitis in manum nostram occasione mortis predicti Ingerami ut dicitur; nos pretextu dileccionis quam ad predictum Ingeramum habebamus quantum in nobis est ratam habentes et gratam, vobis mandamus quod, si terra illa ea occasione et non alia in manu nostra existat, tunc eidem Johanni de terra illa salvo jure cujuslibet seisinam qualem scilicet prefatus Ingeramus inde habuit die quo ultimo ab Anglia nobiscum recessit ad partes transmarinas. (fn. 2) Teste ut supra.

Pro Mathia Bezill'.—Rex Willelmo de Mohun salutem. Cum in recompensacionem sexaginta libratarum terre, in quibus providere tenemur dilecto et fideli nostro Mathie Bezill' per litteras nostras patentes, concesserimus ei custodiam terrarum et heredum Galfridi de Aubemarl' nuper defuncti qui de nobis tenuit in capite, tenendam et habendam usque ad legitimam etatem heredum predictorum una cum maritagio eorundem heredum; vobis mandamus quod prefatos heredes, qui sunt in custodia vestra, ut dicitur, predicto Mathie sine dilacione habere faciatis. Teste etc.
Eodem modo mandatum est uxori predicti G. etc.

Pro executoribus Felicie que fuit uxor Thome de Denton'.— Rex baronibus suis de scaccario salutem. Cum Thomas de Denton' nuper interfecerit Feliciam uxorem suam et occasione illius felonie omnia bona et possessiones ejusdem Thome capta sint in manum nostram, cumque eadem Felicia ante decessum suum testamentum suum de parte bonorum suorum ipsam contingente legittime condiderit, certos executores ad testamentum perficiendum assignans, nec est juri consonum quod eidem Felicie occasione felonie ab alio in ipsam commisse de porcione sua quicquam depereat; vobis mandamus quod executores predicte Felicie de parte bonorum predictorum ipsam contingente liberam et plenam administracionem habere faciatis ad execucionem testamenti sui inde faciendam. Teste Philippo Basset, justiciario nostro Anglie, apud Westmonasterium xiij. die Decembris. Per consilium regis.

De ponendo per ballium.—Ricardus de Cofton' junior et Henricus de Hulle, capti et detenti in prisona regis Wigorn' pro morte Henrici de Goshull' unde appellati sunt, habent breve vicecomiti Wigorn' quod ponantur per ballium. Teste etc.

Pro Willelmo de Wodholgan'.—Rex vicecomiti Cornub' salutem. Quia per litteras patentes venerabilis patris W. Exoniensis episcopi accepimus quod, cum Willelmus de Wodholgan clericus sue diocesis rettatus esset coram justiciariis nostris ultimo itinerantibus in comitatu Cornub' de receptamento Rogeri le Rus, qui Robertum dictum Hobbe le Maryner interfecit et in prisona de Lanceveton' detentus et postmodum ab ipso episcopo per privilegium clericale esset requisitus et ei liberatus, idem Willelmus coram dicto episcopo canonica purgacione ei secundum morem ecclesie indicta innocenciam suam super dicto crimine canonice et legittime purgavit; tibi precipimus quod terras, domos et catalla sua que occasione dicti retti capta sunt in manum nostram ei sine dilacione restitui faciatis de gracia nostra speciali. Teste Philippo Basset, justiciario nostro Anglie, apud Cantuar' xvj. die Decembris.

Hic die Mercurii in vigilia Beati Thome apostoli rediit dominus rex in Angliam.

Pro Johanne Fillol.—Rex Willelmo de Weilond', escaetori suo citra Trentam, salutem. Quia accepimus per inquisicionem quam per vos fieri fecimus quod Osbertus de Daggeworth' nichil de nobis tenuit in capite die quo obiit set quod idem Osbertus manerium de Daggewrth' cum pertinenciis tenuit de Johanne de Fillol tanquam medio inter nos et eundem Osbertum, vobis mandamus quod manerium predictum, quod occasione mortis predicti Osberti cepistis in manum nostram, prefato Johanni sine dilacione restitui faciatis. Teste me ipso apud Dovor' xx. die Decembris. Per consilium regis.

De novo milite faciendo.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Willelmo de Fruges, quem rex ad instanciam Ingrami de Fenes in proximo cingulo milicie decorabit, ea que ad novam miliciam suam pertinent sicut aliis novis militibus inveniri consuevit. Teste ut supra apud Dovor' xxij. die Decembris. Per Imbertum de Montferant.

De robis datis.—Mandatum est eisdem quod habere faciant Alenardo de Seningham se tercio robas contra instans festum Natalis Domini. Teste ut supra. Per ipsum regem.

Mandatum est Ricardo de Ewell et Hugoni de Turri, emptoribus garderobe regis etc. (cancelled).

De venacione mittenda ad regem.—Mandatum est Ricardo de Tillebur', constabulario Turris Lond', quod de venacione que est in custodia sua in turri predicta sine dilacione viginti cervos et viginti et quinque damos usque Cantuar' mittat liberandos ibi custodibus lardarii regis. Teste ut supra.

Pro Petro de Nevill'.—Cum rex nuper mandaverit thesaurario et baronibus quod de terris et catallis Petri de Nevill' levari facerent omnia debita in quibus regi tenetur, ac iidem thesaurarius et barones vicecomiti Warr' et Leyc' dederint in mandatis quod dicta debita levari faceret de terris et catallis suis predictis, mandatum est predicto vicecomiti quod districcionem quam ei facit occasione eorundem debitorum ponat in respectum donec rex aliud inde preceperit. Teste ut supra. Per ipsum regem.

[m. 14.]

De castris Edwardi filii regis muniendis.—Cum ex turbacione jam suborta in Marchia regis Wallie inter L. filium Griffini et quosdam fideles regis regi et Edwardo filio suo grave periculum possit iminere ac castra dicti filii regis de Grosemund, Album Castrum, Skenefrit' et Monem' sint commissa Gilberto Talebot custodienda; mandatum est eidem Gilberto quod modis omnibus castra illa muniri faciat, ita quod regi aut filio suo per defectum municionis dampnum vel periculum non eveniat. Et custum, quod ad hoc posuerit, per visum legalium hominum rex sibi a rege vel filio suo reddi faciet. Teste rege apud Cantuar' xxiiij.^o die Decembris.

Pro episcopo Herefordensi. De quercubus datis.—Mandatum est custodi haie de Hereford' quod in haia predicta per visum viridariorum ejusdem haie faciat habere episcopo Herefordensi xl. vel l. quercus, si opus fuerit, ad operaciones et ad castrum Hereford inde muniendum; et virgas similiter ad haias et cleias prout idem episcopus ei injunxerit. Teste ut supra.

Pro Roberto de Oye.—Mandatum est Michaeli de Mivill', ballivo regis de Wynchilse, quod de exitibus ballive sue faciat habere Roberto de Oye, servienti regis, duodecim marcas in recompensacione cujusdam equi sui quem nuper amisit in servicio regis quando rex applicuit apud Dovor'. Et rex eas sibi faciet allocari. Teste ut supra.

De bremiis et luciis capiendis ad opus regis.—Mandatum est Roberto Walraunt, constabulario castri regis de Marleberge, quod in vivariis regis de Marleberge sine dilacione triginta bremas capi et in pane poni et ad regem venire faciat usque Westmonasterium, ita quod eas habeat in vigilia festi Beati Edwardi proximo futuri, quod ibidem celebrare proponit Domino concedente. Et custum quod ad hoc posuerit, cum rex illud sciverit, sibi faciet allocari. Teste ut supra.
Mandatum est ballivo de Bricstok' quod permittat Rogerum de Assewell' capere in vivariis de Bricstok' quinquaginta lucios et xxx. bremias ad opus regis contra instans festum Sancti Edwardi et, cum eos ceperit et ei liberaverit, dictas bremias in pane poni et lucios illos vivos una cum bremiis illis ad regem usque Westmonasterium cariari faciat, ita quod rex eos habeat ibidem in vigilia festi predicti. Et, cum rex sciverit custum etc. sibi faciet allocari. Teste ut supra.
Eodem modo mandatum est ballivo de Silveston' de decem luceis. Teste ut supra.

De denariis mittendis ad regem.—Mandatum est Jacobo de Aldithel, vicecomiti Salop' et Stafford', quod de ducentis libris quas Willelmus de Caverswell subvicecomes suus nuper apud Westmonasterium veraciter promiserat thesaurario regis de exitibus comitatuum predictorum mittendas ad scaccarium regis ante festum Natalis Domini, mittat regi centum libras ad expensas si rex forte pro presenti turbacione Marchie Wallie personaliter adire opporteat vel ibidem mittere pro defensione partium illarum. Et residuas centum libras ponat in municione castrorum sibi commissorum in partibus illis ad tuicionem et defensionem partium illarum. Et rex illas centum libras una cum aliis misis et providenciis quas circa defensionem partium illarum per visum et testimonium legalium hominum necessario posuerit similiter et predictas centum libras regi, ut predictum est, mittendas sibi faciet allocari. Teste ut supra.

De roba data.—Mandatum est Ricardo de Ewell et Hugoni de Turri, emptoribus garderobe regis, quod habere faciant magistro Johanni de Herting', carpentario castri regis Dovor', unam robam hac vice de dono regis. Teste rege apud Cantuar' xxv. die Decembris.

Pro Philippo le Hare.—Rex intuitu obsequii quod Philippus le Hare nuper defunctus regine regis impendit concessit Johanni le Hare filio prefati Philippi tres obolos diurnos quos predictus Philippus pater suus percepit de elemosina regis constituta per manus vicecomitis regis Glouc' qui pro tempore fuerit, percipiendos eidem Johanni tota vita sua ad sustentacionem suam eodem modo quo predictus Philippus illos percipere consuevit. Et mandatum est thesaurario et baronibus de scaccario quod eidem Johanni predictos tres obolos habere faciant percipiendos quoad vixerit, sicut predictum est, una cum arreragiis eorundem post mortem predicti Philippi. Teste ut supra. Per ipsum regem.

De roba data.—Mandatum est R. de Ewell et Hugoni de Turri, emptoribus garderobe regis, quod habere faciant Cok Bretun unam bonam robam hac vice de dono regis. Teste rege apud Cantuar' xxvij. die Decembris. Per J. de Montf'.

De robis datis.—Mandatum est eisdem quod habere faciant Guidoni de Leziniaco robam integram et duobus militibus suis duas robas, sicut eas habere consuevit, nisi eas sibi per aliud breve regis prius liberaverint. Teste ut supra.
Mandatum est eisdem quod habere faciant Rogero de Messenden' unam robam integram, videlicet tunicam supertunicam et pallium, de termino Natalis Domini proximo preterito. Teste ut supra. Per regem et J. Mansel.
Mandatum est eisdem quod habere faciant Willelmo Darel robam suam de termino predicto.
Mandatum est eisdem quod habere faciant Guidoni de Rocheford se tercio milite robas de termino predicto. Teste ut supra.
Mandatum est eisdem quod habere faciant Radulfo Barri, valletto regine, quem rex in instanti festo beati Edwardi cingulo milicie decorabit, ea que ad novam miliciam suam pertinent sicut aliis novis militibus regis inveniri consuevit. Teste rege apud Cantuar' xxvij^o. die Decembris.
Mandatum est eisdem quod habere faciant Laurencio de Nes et Johanni Curteys duas robas, videlicet utrique eorum unam robam, hac vice de dono regis. Teste etc.
Mandatum est eisdem quod faciant habere Radulfo de Bello Campo ea que ad novam miliciam etc.
Mandatum est eisdem quod habere faciant Willelmo Charles se tercio ea que ad novam miliciam etc.
Mandatum est eisdem quod habere faciant Willelmo de Rameford, quem rex ad instanciam Guidonis de Leziniaco fratris sui cingulo milicie etc. ea etc.
Mandatum est eisdem quod habere faciant Willelmo Belet ea que ad novam miliciam etc.
Mandatum est eisdem quod habere faciant magistro Ade Wymer unam robam sibi competentem hac vice de dono regis. Teste etc.
Mandatum est eisdem quod habere faciant magistro Willelmo le Plomer unam robam hac vice de dono regis. Teste etc.