Close Rolls, March 1264

Close Rolls, March 1264

Mandatum est custodi forestarum de Cipham et Melkesham quod in eisdem forestis faciat habere abbatisse de Lacok' quindecim quercus, videlicet in predicta foresta de Cipham viij. quercus et in predicta foresta de Melkesham' septem quercus ad maeremium ubi ad minus dampnum earundem forestarum capi possint, de dono regis. Teste rege apud Oxoniam xiij. die Marcii.
Mandatum est custodi haie Hereford' quod in eadem haia faciat habere Hugoni de Turbervill', custodi castri Hereford', xx. quercus ad pontem ejusdem castri et alias operaciones in eodem castro inde faciendas. Teste ut supra.
Mandatum est Alano la Zuch', justiciario foreste citra Trentam, quod in foresta de Pamber' faciat habere Johanni Launceleve tres quercus ad maeremium de dono regis. Teste ut supra.
Mandatum est eidem Alano quod in eadem foresta faciat habere Roberto de Sancto Johanne xiij. quercus aptas ad maeremium de dono regis. Teste ut supra.

Pro abbate et conventu Sancti Petri Glouc'.—Rex Rogero de Clifford, constabulario castri Glouc', et subconstabulario suo ejusdem castri salutem. Cum assignaverimus abbati et conventui Sancti Petri Glouc' diem Dominicam proximam ante mediam quadragesimam ad satisfaciendum nobis de quibusdam transgressionibus eis nuper apud Glouc' impositis, vobis mandamus quatinus eisdem abbati et conventui bona sua in manum nostram capta occasione predicta et alia per vos et vestros sibi ablata una cum bertonis suis Glouc' sine dilacione deliberari faciatis; nec inferentes eis vel inferri permittentes injuriam, molestiam, dampnum, aut gravamen. Teste rege apud Oxoniam xv. die Marcii.

Pro Edwardo filio regis.—Rex vicecomiti Somerset' salutem. Cum dudum concesserimus dilecto et fideli nostro Petro de Chauvent custodiam unius heredum Willelmi de Fortibus defuncti, qui de nobis tenuit in capite, una cum terris et tenementis ipsum heredem jure hereditario contingentibus, habendam usque ad legitimam etatem ipsius heredis; et idem Petrus nuper in presencia nostra concesserit, quantum ad ipsum pertinet, Edwardo primogenito nostro custodiam predictam; tibi precipimus quod eidem filio suo vel certo attornato suo has literas deferenti de omnibus terris et tenementis predictis in balliva tua plenam seisinam habere facias. Teste ut supra.

De denariis mittendis ad regem.—Mandatum est Rogero de Clyfford' quod de primis denariis provenientibus de fine, quem burgenses Glouc' nuper fecerunt pro quibusdam transgressionibus in predicta villa sua factis, regi centum libras sub omni festinacione qua fieri poterit mitti faciant, liberandas in garderoba regis custodi ejusdem garderobe; ita quod eas habeat citra diem Dominicam proximam ante mediam quadragesimam. Et hoc nullo modo omittat. Teste ut supra.

De prisonibus custodiendis.—Mandatum est majori et ballivis Oxonie quod prisones, quos Fulco de Ricote, vicecomes regis Oxon' eis per preceptum regis liberabit, ab eo recipiant et eos salvo custodiri faciant donec rex aliud inde preceperit. Teste rege apud Oxoniam xviij. die Marcii.

Pro hominibus de Dimmok'.—Cum homines manerii regis de Dimmok', quod est in manu Philippi Basset ex commissione regis, eidem Philippo talliagium proveniens de manerio predicto de tempore quando rex ultima (sic) dominica sua talliari fecit per preceptum regis solverint, ut dicunt, mandatum est vicecomiti Glouc' quod demandam quam predictis hominibus facit per summonicionem scaccarii regis pro talliagio predicto ponat in respectum usque a die Pasche in xv. dies: ut tunc super hoc plenius certioratus rex inde fieri faciat quod de jure fuerit faciendum. Teste rege apud Oxoniam xviij. die Marcii.

De quercubus datis.—Mandatum est custodi foreste de Brehull' quod in eadem foresta faciat habere abbati de Messenden' quatuor quercus ad maeremium de dono regis. Teste ut supra.
Mandatum est custodi foreste de Wittlewod quod in eadem foresta faciat habere Ricardo de Wik' duodecim quercus quas rex ei concessit ad instanciam Guidonis de Lezin' de dono regis. Teste ut supra.
Mandatum est Alano la Zuch', justiciario foreste citra Trentam, quod in foresta de Pokesl' faciat habere Fratribus Predicatoribus de Dunstapl' xx. quercus aptas ad maeremium cum escaetis ad fabricam ecclesie sue de dono regis. Teste rege apud Oxoniam xxvj. die Marcii.

Pro Willelmo de Valencia.—Mandatum est Drogoni de Barentin, constabulario castri Windes', quod de minoribus balistis regis de Truill' que sunt in custodia sua apud Windes' faciat habere Willelmo de Valencia fratri regis unam balistam de cornu de Truil' cum attilio et ducentis quarellis de prestito regis. Teste ut supra. Per regem et H. le Bigod.

De quercubus datis.—Mandatum est custodi foreste de Windes' quod in eadem foresta faciat habere uxori Martini Senche, balistarii regis, quatuor quercus ad focum predicte uxoris sue de dono regis. Teste ut supra. Per H. le Bigod.
Preceptum est custodi foreste de Shottour' quod in eadem foresta faciat habere Waltero le Orfevre burgensi Oxonie unam quercum de dono regis. Per P. de Chavent.

[m. 6.]

Pro Waltero Wyther.—Rex constabulario castri sui de Sancto Briavello salutem. Sciatis quod ad instanciam Edwardi primogeniti nostri et pro laudabili servicio quod dilectus serviens noster Walterus Wither nobis et prefato filio nostro impendit, necnon et pro dampnis que sustinuit in servicio nostro, concessimus et reddidimus Ricardo Wauding, avo Thome Walding, cujus heres ipse est, infra etatem existentis ad opus ejusdem Thome, consanguinei predicti Walteri, ballivam forestarie de Staunton' que est infra forestam nostram de Dene, de quo idem Ricardus abjudicatus fuit coram Roberto Passelewe et sociis suis, justiciariis nostris dudum itinerantibus ad placita foreste nostre in comitatu Glouc' habendam et tenendam eidem Thome adeo integre, libere et quiete cum omnibus proficuis ad eandem ballivam spectantibus sicut idem Ricardus eam tenuit de nobis dum fuit in manu sua: ita tamen quod predictus Walterus habeat custodiam ejusdem ballive nomine ipsius Thome usque ad legitimam etatem ejusdem de gracia nostra speciali. Et ideo vobis mandamus quod eidem Ricardo ballivam supradictam cum pertinenciis ad opus ipsius Thome sine dilacione restitui et prefato Waltero custodiam ejusdem ballive habere faciatis tenenda usque ad legitimam etatem ejusdem Thome sicut predictum est. Teste rege apud Oxoniam xxv. die Marcii. Per regem et consilium.

De quercubus datis.—Mandatum est custodi foreste de Sancto Briavello quod in eadem foresta faciat habere Waltero de Wither octo quercus aptas ad maeremium ad domos suas de Lidenhye nuper combustas inde reparandas, de dono regis. Teste ut supra.

Pro Roberto le Chaumberleyn.—Rex de gracia sua speciali concessit Roberto le Chamberlein quod vendere possit viginti acras de subbosco in bosco suo de Farleye, qui est infra forestam regis de Assel', et quod placeam illam includere valeat ita quod recrescere possit. Et mandatum est Alano la Zuche, justiciario foreste citra Trentam, quod ipsum contra hanc concessionem regis non vexet vel a ballivis suis vexari permittat.

De quercubus datis.—Mandatum est Rogero de Saunford, custodi foreste de Porecestr', quod in predicta foresta faciat habere burgensibus Suthampt' decem quercus ad barreras in villa sua predicta inde faciendas de dono regis. Teste rege apud Oxoniam xxviij. die Marcii.

De roboribus datis.—Mandatum est custodi foreste de Clarendon' quod in eadem foresta faciat habere Elie de Rabain quatuor robora ad focum suum de dono regis. Teste ut supra.

De damis datis.—Mandatum est Johanni de Swineford', custodi vinorum regis, quod de vinis regis que sunt in custodia sua faciat habere Elie de Rabain unum dolium vini de dono regis. Teste ut supra.