Calendar of Close Rolls, Henry III: Volume 12, 1261-1264. Originally published by His Majesty's Stationery Office, London, 1936.
This premium content was digitised by double rekeying. All rights reserved.
'Close Rolls, November 1263', in Calendar of Close Rolls, Henry III: Volume 12, 1261-1264, (London, 1936) pp. 369-371. British History Online https://www.british-history.ac.uk/cal-close-rolls/hen3/vol12/pp369-371 [accessed 23 April 2024]
Close Rolls, November 1263
1263.
[m. 10d.]
Rex magistro Philippo de Caturco et Johanni de Valencines, nunciis domini regis Francie illustris, salutem. Super eo quod nobis litteratorie significastis de compromisso baronum nostrorum nuper facto Lond', vobis scire facimus quod nuncios nostros in proximo missuri sumus ad prefatum dominum regem, qui ad plenum sibi constare facient ex parte nostra quidquid actum est de negocio memorato. Et hoc eidem domino regi poteritis intimare si placet. Teste rege apud Oxoniam vj. die Novembris.
Rex Willelmo le Latimer, escaetori ultra Trentam, salutem.
Cum de consilio nostro providerimus quod omnes terre et tenementa Johannis Mansell, thesaurarii Ebor', in comitatu Ebor',
que nuper capi precepimus in manum nostram occasione turbacionis in regno nostro suborte, eidem Johanni restituantur;
vobis mandamus quod de omnibus terris et tenementis predictis
Simoni persone ecclesie de Daunteseye et Thome de Lond',
attornatis predicti Johannis, vel eorum alteri presentes litteras
deferenti ad opus ipsius plenam restitucionem sine dilacione
habere faciatis. Teste rege apud Oxoniam viij. die Novembris.
Eodem modo scribitur Willelmo de Weiland escaetori regis
citra Trentam.
Eodem modo Simoni de Monte Forti juniori quod de omnibus
terris et tenementis in manu sua existentibus eisdem plenam
restitucionem sine dilacione habere faciat.
Eodem modo Johanni de Eyvill etc.
Eodem modo vicecomitibus Lond' de domibus prefati
Johannis in civitate Lond' prefatis Simoni et Thome liberent
custodienda ad opus regis. Teste ut supra.
Rex Johanni la War' salutem. Cum de consilio nostro
providerimus quod omnes terre et tenementa Petri de Sabaudia
nuper a quibusdam occasione turbacionis habite in regno nostro
occupata committantur Wichardo de Charron custodienda ad
opus nostrum quamdiu nobis placuerit; vobis mandamus quod
omnes terras et tenementa predicti Petri in rappis de Pevens'
et Hasting' in manu vestra existentia prefato Wichardo vel
ejus certo attornato has litteras deferenti sine dilacione liberetis
custodienda sicut predictum est. Teste.
Eodem modo mandatum est Johanni de Vallibus quod
maneria de Frampton', Costesey, Swafham una cum villa de
Sancto Botulpho et omnibus aliis terris et tenementis predicti
Petri in manu sua existentibus.
Et Willelmo de Weilond escaetori citra Trentam de omnibus
terris et tenementis predicti Petri in manu sua existentibus.
Et Roberto de Ros quod maneria de Longbynigton' et Wik'
una cum omnibus terris et tenementis predicti Petri etc.
Et Nicholao de Segrave quod manerium de Bassingburn'
una cum omnibus terris et tenementis etc.
Et Roberto de Veteri Ponte quod castra de Rich' et Beghes
una cum omnibus terris etc. sine dilacione liberet custodienda
sicut predictum est. Teste ut supra.
Consimilia brevia habet Imbertus de Muntferrant directa Willelmo de Colevill' et J. Wintoniensi episcopo et Nicholao Sifrewast quod liberent Ivoni de Elinton' et Gilberto Harang' etc.
Consimile breve habet Robertus de Briwes directum Hugoni de Nevill' etc. et Willelmo de Beumunt', Olivero Dinant' etc. quod liberent prefato Roberto terras et tenementa sua occupata.
Consimile breve habet magister Johannes Mansel' directum Willelmo de Ros etc. quod liberet eidem magistro terras et tenementa sua occupata occasione predicta etc.
Elyas de Cumbe venit etc. die Martis proxima post festum Sancti Martini et petiit terram suam Cumbe sibi etc. propter defaltam etc. coram justiciariis de banco versus Matheum de Falefeld et Margaretam uxorem ejus, Matillem que fuit uxor Walteri de Hagel', Gilbertum de Mars, Ceciliam filiam Mathei et Ceciliam filiam Walteri de Hagel'.
Abbatissa de Godestowe attornavit coram rege Wakelinum de Godestowe et Willelmum de Cassinton' ad lucrandum vel perdendum in loquela que est coram rege inter Johannem de Sancto Egidio petentem et predictam abbatissam tenentem de duabus acris terre cum pertinenciis in la Wyk'.
Radulphus de Cesterton' ponit loco suo Johannem de Bermingh' et Rogerum filium Andree in loquela que est coram rege inter Eliam de Odderton' et predictum Radulphum et Ricardum de Loges de quadam transgressione.
[m. 9d.]
Rex vicecomiti Oxon' salutem. Quia intelleximus quod quidam qui se harlotos appellant vagi et ocium foventes in diversis partibus regni nostri congregaciones et conventicula necnon contractus illicitos juxta ritum suum contra honestatem ecclesie et bonos mores faciunt impudenter, quod sustinere nolumus nec debemus; tibi precipimus quod predictis harlotis in comitatibus predictis ex parte nostra firmiter inhibeas ne decetero congregaciones hujusmodi seu contractus aut conventicula facere vel juxta sue coruptele modum more solito per regnum nostrum vagari presumant, ipsos ad hoc, si necesse fuerit, distringendo, prout de jure fuerit faciendum. Et taliter te habeas in hac parte quod tuam diligenciam commendare debeamus. Teste rege apud Rading' xxij. die Novembris.