Calendar of Close Rolls, Henry III: Volume 13, 1264-1268. Originally published by His Majesty's Stationery Office, London, 1937.
This premium content was digitised by double rekeying. All rights reserved.
'Close Rolls, November 1264', in Calendar of Close Rolls, Henry III: Volume 13, 1264-1268, (London, 1937) pp. 81-82. British History Online https://www.british-history.ac.uk/cal-close-rolls/hen3/vol13/pp81-82 [accessed 17 April 2024]
Close Rolls, November 1264
Rex Johanni de Littlebir' salutem. Cum dilectus clericus
noster W. de Merton' ad fidem nostram et pacem sit, nec inde
aliquando recesserit, propter quod sustinere nolumus nec debemus
injurias sibi inferri aut terras vel res ejus occupari; tibi precipimus quod manerium de Dodington' cum pertinenciis, quod
Johannes de Littlebir' pater tuus ei dimisit ad totam vitam ejusdem Walteri, et quod occasione turbacionis nuper habite in
regno nostro cum bonis et catallis suis ibidem inventis occupasti,
eidem sine dilacione restituas. Alioquin dedimus vicecomiti
nostro Hunted' in preceptis quod ei inde sine dilacione plenam
seisinam rehabere faciat. Teste rege apud Windes' xviij. die
Novembris. Per regem, Petrum de Monte Forti, Egidium de
Argent', Radulphum de Kam' et Rogerum de Sancto Johanne
ex parte totius consilii regis.
Et mandatum est vicecomiti Hunt' quod, nisi dictus
Johannes dictum manerium eidem Waltero prout rex ei precepit
restituat, ipse ei inde plenam seisinam habere faciat. Et ita se
habeat in hac parte quod idem Walterus per defectum sui
dampnum ulterius non incurrat. Teste ut supra.
Galfridus de Suleny attornavit loco suo Thomam de Sancto Vigore et Willelmum de Monk ad lucrandum etc. in loquela que est coram rege versus Robertum de Boynton' de placito transgressionis.
Isabella de Haya attornavit coram rege loco suo Johannem de Pekham, Henricum de Hanton' ad lucrandum etc. in assisa ultime presentacionis de ecclesia de Bradford que arramiata est versus Hawisiam de Nevill' et que summonita est coram rege in octabis Sancti Hillarii proximo futuris.