Close Rolls, August 1266

Close Rolls, August 1266

De damis datis.—Mandatum est Rogero de Clifford', justiciario foreste citra Trentam, quod in foresta de Hatfeld faciat habere Willelmo de Say quinque damos de dono regis. Teste rege apud Kenillewrth' ij°. die Augusti.

De fagis datis.—Mandatum est Ebuloni de Montibus, constabulario castri Windes', quod in foresta de Windes' faciat habere abbati Westmonasterii decem fagus (sic), de dono regis. Teste ut supra.

De damis datis.—Mandatum est Rogero de Clifford', justiciario foreste citra Trentam, quod faciat habere Elye de Rabayn duos damos de dono regis. Teste ut supra.

De quercubus datis.—Mandatum est custodi foreste Essex' quod in foresta de Havering' faciat habere (fn. 1) Westmonasterii duas quercus aptas ad maeremium de dono regis. Teste ut supra.

De damis datis.—Mandatum est predicto Rogero quod in foresta de Bernewode habere faciat abbati Westmonasterii octo damos de dono regis. Teste ut supra.

De damis liberandis magistro milicie Templi in Anglia.— Rex Rogero de Clifford', justiciario foreste citra Trentam, salutem. Cum magister et fratres milicie Templi in Anglia singulis annis habere consueverunt decem damos in aliqua forestarum nostrarum per cartam domini J. regis, patris nostri, ad capitulum suum tenendum, vobis mandamus quod dictos damos in una vel duabus forestarum nostrarum que sunt in custodia vestra, ubi provideritis per ballivos et ministros vestros, capi et eas dictis magistro et fratribus liberari faciatis. Teste rege apud Kenilwrth' iij. die Augusti.

De cervis datis.—Mandatum est Rogero de Clifford', justiciario foreste citra Trentam, quod in foresta de Minedep faciat habere W. Bathoniensi episcopo tres cervos de dono regis.

De quercubus datis.—Mandatum est eidem Rogero quod in foresta de Kannock faciat habere priori de Stanes duodecim quercus aptas ad maeremium, de dono regis. Teste rege apud Ken' v. die Augusti.

De quercubus datis.—Mandatum est Rogero de Clifford', justiciario foreste citra Trentam, quod in bosco de Gatesl', qui est infra forestam de Geytington', faciat habere Petro de Riston' tres quercus ad maeremium de dono regis. Teste rege ut supra.

De damis datis.—Mandatum est Rogero de Cliff', justiciario foreste citra Trentam, quod in foresta nostra de Porecestr' faciat habere Reginaldo filio Petri tres damos de dono nostro. Teste rege apud Ken' x. die Augusti.
Mandatum est Rogero de Clyfford', justiciario foreste citra Trentam, quod in foresta de Wychewod' faciat habere Thome Corbet duos damos de dono regis. Teste ut supra.

Pro Matildi uxore Ricardi de Ewell.—Mandatum est Ricardo de Bamfeld' et Willelmo filio Ricardi, custodibus cambii sui, quod de exitibus ejusdem cambii faciant habere Matildi uxori Ricardi de Ewell', servientis nostri, viginti libras ad sustentacionem ejusdem Matildis, de dono nostro. Et computabitur vobis ad scaccarium. Teste me ipso apud Norhamt' vij. die Julii.

De cervis cariandis ad opus regis.—Mandatur vicecomiti Wilt' quod decem cervos, quos venatores nostri capient in foresta nostra de Braden', et sibi per preceptum nostrum liberabunt, ab eis recipiat, et cervos illos bene saliri et ad nos sub omni festinacione cariari faciat, liberandos custodi lardarii nostri ibidem. Et custum quod ad hoc posuerit computabitur sibi ad scaccarium. Teste rege apud Ken' xiij. die Augusti.
Sic mandatur vicecomiti Dors' de decem cervis capiendis in warrenna de Corff'.

Pro Willelmo de Hastentot.—Rex vicecomiti Salop' salutem. Monstravit nobis dilectus et fidelis noster Willelmus de Hastentot quod, cum quandam terram suam in Lideham quam habuit de dono nostro dudum dimisisset Ricardo de Amundevil', nunc inimico nostro, habendam ad terminum qui nondum preteriit, reddendo eidem Willelmo inde per annum quatuordecim libras et decem solidos, Edwardus primogenitus noster, credens terram illam esse jus et hereditatem ipsius Ricardi, dedit terram illam Ade de Mungomery habendam sibi et heredibus suis imperpetuum; quam quidem donacionem postmodum, non recolentes quod terra illa esset prefati Willelmi, eidem Ade per cartam nostram confirmavimus. Quia vero prefatus Willelmus nostre et Edwardi primogeniti nostri fidelitati hactenus constanter adhesit, per quod volumus et de consilio magnatum nostrorum qui sunt de consilio nostro providimus quod idem Willelmus dampnum vel jacturam terre sue predicte non incurrat, reddidimus eidem Willelmo terram suam predictam in Lideham, quam idem Willelmus habuit de dono nostro, et quam idem Willelmus tradiderat prefato Ricardo ad terminum nondum transactum. Et ideo tibi precipimus quod non obstantibus concessione predicti filii nostri et confirmacione nostra predicta eidem Willelmo de terra sua predicta cum suis pertinenciis plenam seisinam habere facias et eundem Willelmum in eadem terra manuteneas, protegas et defendas, et, si necesse fuerit, sufficiens posse comitatus tui ad hoc tecum assumas. Teste ut supra.

De quercubus datis.—Mandatum est Rogero de Clifford', justiciario foreste citra Trentam, quod in bosco nostro de Hanleye faciat habere Jordano del Ille, valletto, quatuor quercus ad maeremium cum omnibus escaetis suis de dono regis. Teste rege apud Kenilwurth' xxiij. die Augusti.
Mandatum est eidem justiciario quod in parco de Hapewasse, qui infra metas foreste del Canek, faciat magistro Roberto de Outheb' sex quercus ad maeremium de dono regis.

Pro Hugone de Beaumes.—Rex magistro Willelmo de Clifford, escaetori citra Trentam, salutem. Cum nuper dederimus et concesserimus dilecto valletto nostro Hugoni de Beaumes, custodiam terrarum et heredum Roberti de Beysin nuper defuncti, qui de nobis tenuit in capite, habendam usque ad legitimam etatem eorundem heredum cum omnibus ad custodiam illam pertinentibus; ac Stephanus de Butreley, subescaetor vester in comitatu Salop, prius quam custodiam illam prefato Hugoni dedimus, cepit de terris predictis quosdam redditus ad opus nostrum, ut intelleximus; nos, prefato Hugoni graciam facere volentes uberiorem, vobis mandamus quod eidem Hugoni redditus predictos et omnia alia inde percepta ad opus nostrum a tempore mortis predicti Roberti sine dilacione habere faciatis. Teste rege apud Kenilwurth' xxv. die Augusti.

De ponendo per ballium.—Thomas de la Bir', captus et detentus in prisona Salop' pro morte Rogeri de Plesse unde appellatus est, habet litteras regis vicecomiti Salop' quod ponatur per ballium.

De quercubus datis.—Mandatum est Rogero de Clyfford, justiciario foreste citra Trentam, quod faciat habere Simoni de Passelewe, clerico, octo quercus in foresta de Axhiholt de dono regis.
Mandatum est eidem Rogero quod in foresta de Axiesholt faciat habere magistro Petro de Sancto Mario, archidiacono Surr', quatuor quercus de dono regis.

Pro rege. De pecunia liberanda Hagino filio Mossei Judeo.— Rex Hagino filio Mossei Judeo Lond' statum vite melioris. Cum per litteras nostras mandaverimus dilecto et fideli nostro Johanni de la Lynd' et vobis quod de pecunia mercatorum Flandrie per ipsum et vos in civitate Lond' arestata habere faciatis eidem Johanni quadraginta libras, et dilecto clerico nostro Simoni Passelewe et eidem Johanni quater viginti marcas, et dilecto et fideli nostro Rogero de Leyburn' centum et sexaginta et quatuor libras tresdecim solidos et quatuor denarios, prout in litteris nostris quas vobis inde mittimus plenius continetur; et jam mittamus prefatum Johannem in nuncium nostrum ad partes transmarinas, per quod volumus quod totum residum dicte pecunie quod idem Johannes et vos in custodia habetis remaneat in custodia vestra ad opus nostrum custodiendum, donec aliud inde preceperimus; vobis mandamus quod residuum illud in presencia dilecti clerici nostri magistri Thome de Wymundeham, thesaurarii nostri, a prefato Johanne recipiatis, custodiendum in forma predicta. Mandavimus enim prefato thesaurario quod liberacioni dicte pecunie intersit et prefato Johanni quod pecuniam illam vobis liberet, sicut predictum est. Teste rege apud Kenillewurth' xxix. die Augusti.

De uno dolio vini dato.—Mandatum est Reginaldo de Suff', camerario Lond', quod de vinis regis que sunt in custodia sua habere faciat de Burdeg' (sic) unum dolium vini de dono regis. Teste rege ut supra.

Pro Rogero filio Hugonis le Bygod.—Rex dilecto clerico suo magistro Ricardo de Clifford', escaetori suo ultra Trentam, salutem. Volentes Rogero le Bygod, filio et heredi Hugonis le Bygod qui de nobis tenuit in capite, intuitu diuturni et laudabilis obsequii ejusdem Hugonis nobis impensi, graciam facere specialem, vobis mandamus quod de omnibus terris et tenementis de quibus prefatus Hugo, pater suus, fuit seisitus in dominico suo ut de feodo in balliva vestra, et que occasione mortis sue capta sunt in manum nostram, prefato Rogero sine dilacione plenam seisinam habere faciatis; ita tamen quod per sacramentum proborum et legalium hominum per quos rei veritas melius sciri poterit diligenter inquiratis quantum terre prefatus Hugo tenuit de nobis in capite in balliva vestra, et quantum de aliis, et per quod servicium, et quantum terre ille valeant per annum in serviciis, redditibus, feodis militum, advocacionibus ecclesiarum et in omnimodis exitibus terre, et quod idem Rogerus secundum extentam illam nobis inde respondeat, si non sit plene etatis: et recipiatis super hoc sufficientem securitatem ab eodem. Teste ut supra.
Consimiles littere diriguntur magistro Willelmo de Clifford', escaetori citra Trentam, pro eodem.