Close Rolls, October 1266

Close Rolls, October 1266

Pro Rogero de Clifford'.—Rex baronibus suis de scaccario salutem. Sciatis quod pro laudabili servicio et strenuo adjutorio a dilecto et fideli nostro Rogero de Clifford' nobis et Edwardo filio nostro impenso perdonavimus eidem Rogero trescentas, quater viginti, decem novem libras et decem et septem solidos, in quibus nobis tenetur, videlicet, decem libras decem novem solidos et duos denarios de duobus debitis, sexaginta tresdecim libras, quatuor solidos et sex denarios de debitis Judeorum, ducentas quater viginti sex libras tresdecim solidos et quatuor denarios de debitis Johannis le Bretun et viginti et novem libras de debito Walteri de Baschervill'. Et ideo vobis mandamus quod predictum Rogerum de predictis debitis quietum esse faciatis. Teste me ipso apud Kenilwrh' v. die Octobris anno 1°.

De novo milite faciendo.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Petro de la Dus' ea que ad novam miliciam suam pertinent, de dono regis, sicut aliis novis militibus fieri consuevit. Teste ut supra.

De quercubus datis.—Mandatum est Rogero de Clifford', justiciario foreste citra Trentam, quod in bosco nostro de Henle, qui est infra forestam nostram de Whytlewod', faciat habere magistro et fratribus hospitalis Sancti Johannis extra portam orientalem Oxonie sex quercus ad maeremium de dono nostro. Teste rege apud Ken' vij. die Octobris.

De damis datis.—Mandatum est eidem Rogero quod in foresta nostra de Whychewod' faciat habere magistro Godefrido Gyffard' sex damas de dono regis.

Pro Alexandro Huse.—Rex justiciariis ad custodiam Judeorum assignatis salutem. Sciatis quod ad instanciam Edwardi primogeniti nostri karissimi perdonavimus dilecto et fideli nostro Alexandro Huse quadraginta marcas in quibus tenetur Benetto filio Licoricie, Judeo Wynton', per cartam suam. Et ideo vobis mandamus quod cartam, per quam prefatus Alexander tenetur eidem Judeo in predictis quadraginta marcis, ab archis cyrographorum Judeorum nostrorum Wynton' extrahi et prefatum Alexandrum de eisdem quadraginta marcis quietum esse, et sic fieri et irrotulari faciatis. Teste rege apud Kenill' xij. die Octobris.

Pro executoribus testamenti Godefridi de Escudemore.—Rex vicecomiti Wyltes' salutem. Precipimus tibi quod accepta sufficienti securitate ab executoribus testamenti Godefridi de Escudemore' defuncti de debitis que nobis debuit ad scaccarium nostrum die quo obiit de tempore quo fuit vicecomes noster Wylt' aut alius ballivus noster nobis ad dictum scaccarium reddendis tunc eisdem executoribus liberam administracionem bonorum que fuerunt ipsius Godefridi habere permittatis, ad execucionem predicti testamenti inde faciendam. Teste ut supra.

De quercubus datis.—Mandatum est Rogero de Clifford, justiciario foreste citra Trentam, quod in haya de Hereford' faciat habere Roberto de Turbervill' quinque quercus ad maeremium de dono regis. Teste ut supra.
Mandatum est Rogero de Leyburn', justiciario foreste ultra Trentam, quod in bosco de Billeshagh', qui est infra forestam de Chirewod', faciat habere magistro Ricardo de Clifford', escaetori ultra Trentam, septem quercus, et in bosco de Biteland' septem quercus, et in bosco de Clipston' septem marcas (sic) ad domos regis de Clipston' inde reparandas. Teste rege apud Kenill' xxij. die Octobris.

De busca data.—Mandatum est Rogero de Clifford escaetori (sic) citra Trentam, quod in parco regis extra Norhampt' faciat habere domino legato buscam ad sufficienciam foci sui dum steterit apud Norhampt' in instanti congregacione prelatorum ibidem. Teste ut supra.

De coronatore eligendo.—Rex vicecomiti Salop' salutem. Quia Rogerus Bardulf, nuper coronator noster in comitatu tuo, diem clausit extremum, ut accepimus, tibi precipimus quod in pleno comitatu illo per assensum totius comitatus loco ipsius Rogeri eligi facias unum alium coronatorem de legalioribus et discretioribus ejusdem comitatus, qui, prestito sacramento fidelitatis sicut fieri solet, ea faciat et conservet que ad officium coronatoris pertinent in comitatu predicto. Et talem eum eligi facias qui melius sciat et possit ad hoc intendere: et nomen ejus nobis scire facias. Teste.

De quercubus datis.—Mandatum est Rogero de Clifford, justiciario foreste citra Trentam, quod faciat habere fratribus hospitalis Sancti Michaelis de Warr' in bosco de Kenill' tres quercus ad maeremium ad molendinum suum inde reparandum. Teste.
Mandatum est Rogero predicto quod in haya de Teddesl' faciat habere Willelmo Bagot sex quercus de dono regis.

De damis datis.—Mandatum est Rogero de Leyburn', justiciario foreste ultra Trentam, quod in foresta de Galtres faciat habere abbati Sancte Marie Ebor' duas damas de dono regis. Teste rege ut supra.
Mandatum est Rogero de Clifford', justiciario foreste citra Trentam, quod in foresta de Chete faciat habere Edmundo filio regis quatuordecim damas de dono regis.

De robis liberandis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Willelmo de Orlaveston' robas suas, sicut aliis justiciariis ad custodiam Judeorum assignatis retroactis temporibus inveniri consuevit, quamdiu steterit in officio justiciarie predicte. Teste rege apud Kenill' xxvij. die Octobris.

De rotulis et brevibus liberandis justiciariis ad custodiam Judeorum assignatis.—Mandatum est Thome Bacun quod rotulos et brevia Judaismum tangentia que sunt in custodia sua liberet justiciariis ad custodiam Judeorum assignatis custodienda quamdiu rex aliud inde preceperit. Teste ut supra.