Close Rolls, March 1268

Close Rolls, March 1268

Pro Stephano de Houton'.—Baronibus suis de scaccario salutem. Cum nuper concesserimus dilecto et fideli nostro Stephano de Houton' quod de debitis que nobis debet ad scaccarium nostrum de debitis Simonis de Houton', patris sui, de tempore quo idem Simon fuit vicecomes noster in Cantebr' et Hunt' redderet nobis per annum decem solidos ad scaccarium Pasche donec debita predicta nobis essent persoluta, ac idem Stephanus propter impedimentum guerre in regno nostro habite terminum illum non observaverit, nos, intuitu diutini et fidelis obsequii predicti Stephani nobis impensi graciam facere volentes eidem, concessimus ei quod terminum predictum recuperet: ita quod de debitis predictis reddat nobis ad scaccarium Pasce proximo futurum decem solidos, et sic de anno in annum decem solidos ad eundem terminum donec debita illa nobis fuerint persoluta. Et ideo vobis mandamus quod sic fieri et irrotulari faciatis. Teste rege apud Westmonasterium primo die Marcii.

De ponendo per ballium.—Johannes de Ryngeston', captus et detentus in prisona de Middelton' pro morte Isabelle de Orival unde appellatus est, habet litteras regis quod ponatur per ballium directas vicecomiti Kanc'.

De uno dolio vini dato.—Mandatum est Waltero de Capeles, camerario Lond', quod de vinis regis que sunt in custodia sua faciat habere Philippe filie Henrici de Norwico unum dolium vini de recta prisa regis de dono regis. Teste ut supra.

De uno dolio vini dato.—Mandatum est eidem Waltero quod de vinis regis que sunt in custodia sua faciat habere Willelmo de Leuekenore unum dolium vini de recta prisa regis de dono regis. Teste rege apud Westmonasterium iij. die Martii.

Pro Philippo Basset.—Rex mandavit Willelmo de Sancto Omero et sociis suis, justiciariis ad placita de terris datis occasione turbacionis habite in regno audienda in comitatu Essex' assignatis, quod, cum Johannes de Bemflet nuper dederit et concesserit Philippo Basset quasdam terras et tenementa sua in Hathfeud Peverel, quas, quantum in ipso est, eidem Philippo confirmavit: et quicquid de terris et tenementis illis ad ipsum pertinet occasione forisfacti Alexandri de Bemflet, dudum in conflictu apud Lewes interfecti, prefato Philippo concessit et remisit: quod, si dictas terras et tenementa occasione forisfactorum ipsius Alexandri in manum domini regis capi fecerint, tunc eas prefato Philippo sine dilacione deliberari faciant, nec de terris et tenementis illis contra concessionem et remissionem predictas in ipsius Philippi prejudicium decetero intromittant. Teste rege ut supra.

Pro Johanne de la Lynd.—Rex justiciariis ad custodiam Judeorum assignatis salutem. Sciatis quod pro laudabili servicio, quod dilectus et fidelis noster Johannes de la Lynd nobis impendit, perdonavimus ei centum marcas in quibus tenetur Manassero filio Salomonis de Bradewurth, Judeo nostro Linc', per cartam suam. Et ideo vobis mandamus quod cartam predictam ab archa cirographorum Judeorum extrahi et prefato Johanni liberari, et predictum Johannem de predictis centum marcis quietum esse faciatis. Et ad instanciam prefati Johannis et pro perdonacione nostra predicta concessimus prefato Judeo centum marcas de debitis Judeorum in thesauro nostro existentium (sic), que ad manum nostram devenerunt per mortem eorundem Judeorum; vobis mandantes quod eidem Judeo predictas centum marcas de debitis predictorum Judeorum sine dilacione assignari et habere faciatis prout secundum legem et consuetudinem Judaismi nostri fuerit faciendum. Teste rege apud Westmonasterium iij. die Martii.

De quercubus datis.—Mandatum est Ebuloni de Montibus, constabulario castri de Windes', quod in parco de Langeleye, qui fuit Ricardi de Muntfichet nuper defuncti, qui de rege tenuit in capite, de cableiceo vento prostrato [in] (fn. 1) eodem faciat habere monialibus de Bromhal' decem quercus ad focum suum de dono regis. Teste ut supra.

Pro magistro Nicholao de Curteney.—Mandatum est thesaurario garderobe regis quod habere faciat magistro Nicholao de Curteney robas suas integras decetero, videlicet, tunicam, supertunicam et pallium cum pelluris competentibus sicut eas prius habere consuevit. Et hanc concessionem nostram irrotulari faciat. Teste ut supra.

De uno dolio vini dato.—Mandatum est Waltero de Capeles, camerario London', quod de vinis regis que sunt in custodia sua faciat habere Juliane de Albiniaco unum dolium vini de dono regis. Teste rege apud Westmonasterium v. die Marcii.

Pro Ricardo de Polstead et aliis appellatis in comitatu Salop'.— Rex vicecomiti Salop' et coronatoribus ejusdem comitatus salutem. Cum per litteras nostras patentes perdonaverimus dilecto et fideli nostro Hamoni Extraneo et omnibus illis de familia et societate sua omnes transgressiones et excessus quos fecerint occasione provisionum seu statutorum Oxonie non observatorum, ut dicitur, unde nuper habebatur turbacio in regno nostro, et insuper remiserimus eisdem omnes rancores et odia que erga ipsos conceperamus occasione predicta seu alia de causa usque ad hodiernum diem, eis bona fide permittentes quod ipsos penes quoscumque occasione transgressionum et excessuum per ipsos factorum tempore turbacionis predicte de ipsis conquerentes et conqueri volentes conservabimus indempnes: cumque Loukia que fuit uxor Ythonis de Munsterleg' appellet coram vobis in comitatu predicto Ricardum de Polsted, Ricardum Dun et Thomam de Moneton' de morte predicti Ithonis quondam viri sui; et Cristiana que fuit uxor Roberti Coc appellet in eodem comitatu predictos Ricardum, Ricardum et Thomam de morte predicti Roberti quondam viri sui; et Hawisia que fuit uxor Ricardi filii Bele appellet in comitatu predicto Robertum Corbet et Thomam Hord de morte predicti Ricardi quondam viri sui; et Emma que fuit uxor Hugonis de Abberbir' appellet in eodem comitatu predictos Robertum et Thomam de morte predicti Hugonis quondam viri sui; et Isabella que fuit uxor Willelmi de Hadenhal' appellet in comitatu predicto Odonem de Hodenet de morte predicti Willelmi quondam viri sui; et Willelmus filius Alicie de Yukehull' appellet in eodem comitatu Robertum Corbet et Thomam Hord de robberia et imprisonamento contra pacem nostram; que quidem felonie, robberia et transgressiones tempore turbacionis predicte perpetrate et predicti appellati de familia et societate predicti Hamonis eo tempore extiterunt, sicut per eundem Hamonem veraciter intelleximus; nos predictos appellatos juxta promissi nostri debitum indempnes conservare volentes in hac parte vobis precipimus firmiter injungentes quatinus appella predicta coram vobis in comitatu predicto existentia sine dilacione cassetis penitus et anulletis, et appellatos predictos inde quietos esse faciatis. Teste ut supra. Per ipsum regem, dominum Edwardum et totum consilium.

Pro abbatissa Shafton'.—Rex baronibus de scaccario salutem. Sciatis quod abbatissa Shafton' per preceptum nostrum solvit karissimo filio Edwardo primogenito nostro quadraginta marcas, per quas finem fecit nobiscum pro servicio suo, in partem solucionis illarum mille marcarum quas ei concessimus de finibus nobiscum factis pro servicio nostro. Et ideo vobis mandamus quod predictam abbatissam de illis quadraginta marcis quietam esse faciatis. Teste ut supra.

Pro Ebulone de Montibus et Willelmo de Boveneye.—Rex justiciariis suis ad custodiam Judeorum assignatis salutem. Cum dederimus dilecto et fideli nostro Ebuloni de Montibus octo marcas in quibus Willelmus de Boveneye per cartam suam tenetur Jurinno filio Abbrahe, Judeo Lond', de annuo feodo centum solidorum, una cum omnibus debitis, arreragiis, penis et usuris ejusdem feodi, in quibus prefatus Willelmus prefato Judeo tenetur racione cujuscumque mutui: et prefatum Willelmum, non obstante concessione dicto [Judeo] (fn. 2) per nos facta de predictis octo marcis annui feodi, de debitis, arreragiis, penis et usuris predictis quietaverimus imperpetuum: vobis mandamus quod cartam predictam dicti feodi annui centum solidorum ab archa cirographorum Judeorum sine dilacione extrahi et prefato Ebuloni liberari et ipsum Willelmum de predicto feodo, debitis, arreragiis, penis et usuris quibuscumque quietum esse, et sic fieri et irrotulari faciatis. Et, si quid prefatus Judeus de debito et feodo predictis a prefato Willelmo receperit, id prefato Ebuloni sine dilacione restitui faciatis: et hoc nullatenus omittatis. Teste rege apud Westmonasterium x. die Marcii.

De ponendo per ballium.—Ricardus filius Fulconis de Rissinden' et Robertus Felawe, capti et detenti in prisona de Northamt' pro morte Willelmi filii Edekyn unde rettati sunt, habent litteras vicecomiti Northamt' quod ponantur per ballium.
Consimiles litteras Willelmus Arthur et Alexander de Rammesy, capti et detenti in prisona Sancti Edmundi pro morte Saeri de Wrabeneyse unde rettati sunt, directas vicecomiti Norff', etc.

Pro Johanne filio Alani. (fn. 3) —Rex baronibus suis de scaccario salutem. Volentes ad instanciam dilecti et fidelis Rogeri de Mortuo Mari dilecto nobis Johanni filio Alani graciam facere specialem, perdonavimus eidem Johanni medietatem relevii sui, quod nobis debet ad scaccarium predictum; ita quod reddat nobis aliam medietatem ad idem scaccarium a festo Pasche proximo futuro in unum annum sequentem. Et ideo vobis mandamus quod predictum Johannem de dicta medietate quietum esse et de alia medietate terminum illum habere et sic fieri et irrotulari faciatis. Teste rege apud Westmonasterium xiij. die Marcii.

De uno dolio vini dato.—Mandatum est Waltero de Capele, camerario Lond', quod de vinis regis que sunt in custodia sua faciat habere sacriste Beati Petri Westmonasterii unum dolium vini ad divina ibidem celebranda de dono regis.

Pro Stephano de Eddewurth.—Rex etc. dilecto et fideli suo Willelmo de Sancto Omero et sociis suis, justiciariis ad placita de terris datis occasione turbacionis habite in regno audienda et terminanda in comitatibus Essex' et Hertford' assignatis, salutem. Cum nuper dederimus et concesserimus dilecto et fideli nostro Stephano de Eddeworth omnes terras et tenementa in comitatibus Leyc' et Warr' que fuerunt Thome de Edenesour' inimici nostri, et idem Stephanus postmodum terras illas et tenementa ad mandatum nostrum reddiderit, que postea dilecto et fideli nostro Philippo Marmiun dedimus per cartam nostram; nos, indepnitati prefati Stephani in hac parte prospicere et sibi recompensacionem facere volentes, concessimus ei quod de terris inimicorum nostrorum, quas in comitatibus predictis per vos in manum nostram capi contigerit, habeat redempcionem viginti libratarum terre, secundum dictum de Kenillworth per nos et venerabilem patrem O. Sancti Adriani diaconum cardinalem apostolice sedis legatum et magnatos regni nostri concorditer provisum. Et ideo vobis mandamus quod predicto Stephano redempcionem viginti libratarum terre de terris predictis assignari faciatis. Teste etc.

[m. 8.]

De ponendo per ballium.—Rogerus filius Martini, captus et detentus in prisona Wintonie pro morte Petri Baldewyn unde appellatus est, habet litteras vicecomiti Suthamt' quod ponatur per ballium. Teste rege apud Westmonasterium xviij. die Marcii.

Pro Willelmo de Valenc' et Ricardo de Sancto Dionisio.— Cum Ricardus de Sancto Dionisio nuper apud Kenilwrth' coram rege peteret versus Willelmum de Valenc' maneria de Heryetesham, Trotteclyve, Raydon', Possewik', Chardesley et Policote, que fuerunt Stephani de Cressy, iidem Ricardus et Willelmus posuerunt se super hoc in dictum domini regis, qui quidem dictum suum pronunciavit in hac forma, Scilicet, quod omnia maneria predicta cum pertinenciis extenderentur, et quod per extentam illam predictus Ricardus recuperaret versus predictum Willelmum medietatem maneriorum predictorum, et alia medietas remaneret predicto Willelmo et suis heredibus quieta de predicto et suis heredibus imperpetuum; facta inde extenta, idem Willelmus per extentam illam reddidit predicto Ricardo maneria de Herietesham et Troteclyve in comitatu Kanc' pro medietate omnium maneriorum predictorum, preter decem libratas, duodecim solidatas, sex denariatos et quadrantem terre et redditus, quas sibi in terra et redditu assignavit et reddidit in manerio suo de Reydon' in comitatu Suff', et idem Ricardus remisit et quietum clamavit de se et heredibus suis predicto Willelmo et heredibus suis imperpetuum totum jus et clamium quod uncquam habuit aut quacumque racione habere seu vendicare potuit in maneriis de Cherdesle, Policote, Possewik' et Reydon, preter dictas decem libratas, duodecim solidatas, sex denariatas et quadrantatam terre et redditus. Que quidem maneria per predictam extentam per assensum predicti Ricardi predicto Willelmo et heredibus suis pro sua medietate remanent imperpetuum, sicut predictum est. Et idem Willelmus remisit et quiete clamavit de se et heredibus suis predicto Ricardo et heredibus suis predictas decem libratas, duodecim solidatas et sex denariatos et quadrantatam imperpetuum.

Pro burgensibus de Donewico.—Rex baronibus suis de scaccario etc. Sciatis quod pro dampnis et gravaminibus que dilecti et fideles nostri burgenses de Donewyco sustinuerunt et fidei nostre et Edwardi primogeniti nostri constanter adherendo, et eciam pro laudabili servicio eorum in navigio et aliis tempore predicto nobis gratanter impenso, perdonavimus eisdem burgensibus nostris firmam ville sue predicte quatuor annorum proximo preteritorum, cujus summa est per idem tempus novies viginti et decem libre: ita scilicet quod ad scaccarium nostrum Sancti Michaelis anno regni nostri quinquagesimo secundo nobis respondeant de firma ville sue predicte, quantum pertinet ad eundem terminum, et sic deinceps sicut inde respondere consueverunt. Et ideo vobis mandamus quod predictos burgenses nostros de predictis novies viginti et decem libris quietos esse et sic fieri et irrotulari, et firmam de termino Sancti Michaelis predicto et sic deinceps firmam predictam levari faciatis. Teste etc. Per ipsum regem, dominum Edwardum et totum consilium.

Pro Edwardo filio regis. De manerio de Langel' sibi commisso.—Rex magistro W. de Clifford, custodi terrarum que fuerunt Ricardi de Munfichet, salutem. Cum nuper dederimus et concesserimus Edwardo primogenito nostro custodiam terrarum et heredum Willelmi de Fortibus, quondam comitis Albemarl', habendam cum feodis militum, advocacionibus ecclesiarum, dotibus, cum acciderint, et omnibus aliis que custodie illi accidere contigerit, usque ad legitimam etatem heredum predictorum, ac quedam terre et tenementa que fuerunt prefati Ricardi de Munfichet defuncti, qui de nobis tenuit in capite, heredes predicti Willelmi jure hereditario contingant, ut pro certo accepimus, et que sunt in manu nostra racione custodie predicte; vobis mandamus quod prefato filio nostro manerium de Langel' una cum membro suo de Wredbir', quod fuit predicti Ricardi, liberari faciatis habendum ad voluntatem nostram. Teste rege apud Westmonasterium xxiiij. die Marcii. Per regem et Robertum Waleraund.

De uno dolio vini dato.—Mandatum est Waltero de Capeles, camerario Lond', quod de vinis regis que sunt in custodia sua habere faciat Willelmo de Cheny unum dolium vini de dono regis. Teste ut supra. Per ipsum regem.

Pro Nicholao de Romeny.—Rex justiciariis suis ad custodiam Judeorum assignatis salutem. Quia Nicholaus de Rumeny tenetur diversis Judeis regni nostri in pluribus debitis, ad que terre et tenementa sua non sufficiunt, ut accepimus: nos ad instanciam dilecti et fidelis nostri Rogeri de Leyburn' sibi graciam facere volentes specialem, vobis mandamus quod per sacramentum proborum et legalium hominum, per quos rei veritas melius sciri poterit, terras et tenementa predicti Nicholai extendi faciatis, quantum videlicet valeant per annum in dominicis, serviciis, redditibus, villenagiis, et omnibus aliis exitibus terre; eidem Nicholao secundum extentam illam et legem et consuetudinem Judaismi nostri, salvo contenemento suo, de terminis (sic) pre dictis rationabiles terminos habere faciatis. Teste ut supra. Per regem et Rogerum de Leyburn'.

Pro Petro de Monte Forti.—Rex baronibus suis de scaccario salutem. Cum dudum concesserimus pro nobis et heredibus nostris Petro de Monte Forti, nuper defuncto, quinquaginta libras annuatim sibi et heredibus suis percipiendas de scaccario nostro pro quieta clamancia, quam nobis fecit de quibusdam boscis in foresta nostra de Roteland', quos erga nos clamavit, donec eis in quinquaginta libratis terre providerimus, ac dicte quinquaginta libre in nostras manus capte fuerunt post bellum de Evesham, in quo idem Petrus fuerat interfectus; nos predictas quinquaginta libras dilecto et fideli nostro Petro de Monte Forti, primogenito filio Petri supradicti, quem ad pacem et graciam nostram suscepimus, reddidimus in forma dicti de Kenilleworth, habendas et percipiendas sibi et heredibus suis eo modo quo predicto Petro patri suo a nobis prius fuerant concesse. Et ideo vobis mandamus quod sic fieri et irrotulari faciatis. Teste ut supra.

Pro Edmundo filio regis.—Rex vicecomiti Ebor' salutem. Precipimus tibi quod omnes fines et omnia amerciamenta hominum Edmundi filii nostri karissimi in comitatu predicto una cum anno, die et vasto et catallis fugitivorum et dampnatorum de feodis ejusdem filii nostri, quorum extractas justiciarii nostri itinerantes in comitatu predicto tibi per preceptum nostrum liberabunt, levari et prefato filio nostro habere facias juxta concessionem quam sibi inde fecimus. Et hoc nullatenus omittatis. Teste ut supra apud Westmonasterium xxv. die Marcii. Per ipsum regem et totum consilium, et per W. de Merton'.

Pro hominibus de Brampton'.—Preceptum est vicecomiti Huntedon' quod demandam ix. librarum quam facit hominibus de Brampton' solvendis (sic) Imberto de Muntferrant profecto in nuncium regis ad partes transmarinas, et quas Henricus de Hastinges tempore quo fuit contra regem cepit ab eisdem, ponat in respectum usque ad festum Pentecostes proximo futurum. Et averia sua ea occasione capta interim deliberari faciat. Teste rege apud Westmonasterium xxviij. die Marcii. Per regem et consilium.

Pro Henrico de Alem'.—Rex justiciariis ad placita de terris datis etc. in comitatu Linc' salutem. Sciatis quod dedimus dilecto nepoti nostro Henrico de Allemannia redempcionem que ad nos pertinet de septem libratis terre Rogeri de Nevill' in Wyleweby occasione transgressionum nobis per ipsum factarum tempore turbacionis predicte. Et ideo vobis mandamus quod eidem Henrico redempcionem illam secundum formam dicti de Kenilleworth habere et assignari faciatis. Teste rege apud Westmonasterium, xxviij. die Marcii. Per Walterum de Merton' et magistrum Johannem de Chyshill'.

De pannis ad mandatum regis contra Pascha liberandis elemosynario regis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Johanni de Colecestr', elemosynario regis, centum et quinquaginta tunicas ad mandatum regis et regine nostre contra instans festum Pasche inde faciendum. Teste ut supra.

Pro fratre Johanne de Belested'.—Rex vicecomiti Suff' salutem. Scias quod ad instanciam dilecti nobis Alexandri capellani dilecte regine nostre perdonavimus fratri Johanni de Belested', attornato abbatis Albe Marl', centum solidos, qui nuper assessi fuerunt super eum coram dilecto et fideli nostro Willelmo Karol et dilecto clerico nostro Hugone de Kendal' in subsidium defensionis partium maritime in comitatu predicto contra inimicos nostros tunc in insula de Eli existentes. Et ideo tibi precipimus quod ipsum in pace inde esse permittas. Et districtionem, si quam ei feceris occasione predicta, ei penitus relaxes. Teste ut supra.

De novo milite faciendo.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Galfrido de Chambun, quem rex cingulo milicie decoraturus est, ea que ad miliciam pertinent, prout aliis novis militibus regis fieri consuevit. Teste ut supra.

De uno dolio vini dato.—Mandatum est custodi vinorum regis Sar' quod habere faciat Willelmo de Auyn (fn. 4) illud dolium vini, quod apud Clarendon' remansit post ultimum reditum regis a partibus illis, de dono regis. Teste ut supra.

De quercubus datis.—Mandatum est Warino de Bassingburn senescallo foreste regis inter pontem Oxonie et Stafford', quod habere faciat in foresta de Wauberg' priori (fn. 5) et monialibus Sancti Jacoby duas bonas quercus vento prostratas ad maeremium, de dono regis. Teste ut supra.

De ponendo per ballium.—Ricardus le Geynur et Willelmus de Keneford, capti et detenti in prisona Exonie pro morte Roberti Puk' unde rettati sunt, habet litteras vicecomiti Devonie quod ponatur per ballium.
Galfridus Little, Walterus filius Roberti, Willelmus de Valenc' et Willelmus Parent, capti et detenti in prisona Exonie unde rettati sunt (sic), habent litteras vicecomiti Devonie quod ponantur per ballium.

Adam le Geynur, captus et detentus in prisona Exonie pro morte Roberti Puk' unde rettatus est. habet litteras vicecomiti Devonie quod ponatur per ballium.