Close Rolls, December 1267

Calendar of Close Rolls, Henry III: Volume 13, 1264-1268. Originally published by His Majesty's Stationery Office, London, 1937.

This premium content was digitised by double rekeying. All rights reserved.

'Close Rolls, December 1267', in Calendar of Close Rolls, Henry III: Volume 13, 1264-1268, (London, 1937) pp. 501-505. British History Online https://www.british-history.ac.uk/cal-close-rolls/hen3/vol13/pp501-505 [accessed 29 March 2024]

Image
Image
Image
Image
Image

Close Rolls, December 1267

1267.

Thomas Donekan venit coram rege apud Wintoniam die Martis in festo Sancti Johannis Apostoli et Ewangeliste et petiit terram decani et capituli Oxon' (sic) in Medele sibi replegiari, que capta est in manum regis propter defaltam quam iidem decanus et capitulum fecerunt versus Frenfredum de Arundel et Aliciam uxorem ejus ut dicitur. Et mandatum est vicecomiti Cornubie.

Rogerus de Orlyens venit coram regis apud Wintoniam die Veneris proxima post festum Sancti Thome Apostoli et petiit quindecim solidos et octo denarios redditus cum pertinenciis in Oxonia sibi replegiari que capta est in manu regis propter defaltam quam idem Rogerus fecit coram justiciariis de Banco versus Julianam que fuit uxor Laurencii Wyth', ut dicitur. Teste rege apud Wintoniam xxv. die Decembris.

Reginaldus de Frideyestret' venit coram rex apud Wyntoniam die Sabbati in vigilia Natalis Domini et petiit terram suam in parochia Sancti Clementis extra London' sibi replegiari que capta est in manum regis propter defaltam quam fecit coram justiciariis de Banco versus Willelmum le Eremite ut dicitur. Teste.

Memorandum quod provisum est per consilium regis quod Walterus de Ripar' decetero non habeat quietanciam aut warantum de aliquo die per servicium regis in placito quod est coram J. le Bretun inter ipsum Walterum et Thomam Heming', Ivonem de Elinton' et Johannem de Chelmerford'.

Wlilelmus de Mortongu' (sic) cognovit se debere Roberto Agelyun septingintas marcas pro Willelmo Marmiun de Wintringham pro redempcione ipsius Willelmi Marmiun, de quibus reddet ei apud Novum Templum London' ad Pascha anno l°ij. centum libras, et ad festum Sancti Michaelis proximo proximo (sic) sequens centum libras, et ad Pascha proximo sequens centum libras, et ad festum Sancti Michahelis proximo sequens centum libras, et ad Pascha proximo sequens l. marcas, et ad festum Sancti Michaelis proximo sequens quinquaginta marcas, si contingat, videlicet quod prefatus Willelmus Marmiun ad istos terminos suprascriptos in solucione predicte pecunie defecerit. Et nisi fecerit, concedit quod vicecomes fieri faciat de terris etc. Et si contingat quod prefatus Willelmus Marmiun vel aliquis pro eo predictam pecuniam ad istos terminos prefato Roberto vel assignatis suis reddiderit, extunc prefatus Willelmus de Morteyn et heredes sui quieti erunt de solucione predicta, prout in quodam scripto sub nomine ipsius Willelmi de Morteyn confecto, quod idem Robertus inde habet, plenius continetur.

Rogerus de Lasceles recognovit se debere Roberto Agillyun septingintas marcas pro Willelmo Marmiun de Wntingham (sic) pro redempcione ipsius Willelmi Marmiun, de quibus reddet ei apud Novum Templum Lond' ad Pasca anno quinquagesimo secundo centum libras, et ad festum Sancti Michaelis proximo sequens centum libras, et ad Pascha proximo sequens centum libras, et ad festum Sancti Michaelis proximo sequens centum libras, et ad Pascha proximo sequens l. marcas, et ad festum Sancti Michaelis proximo sequens l. marcas, si contingat, videlicet, quod prefatus Willelmus ad illos terminos suprascriptos in solucione predicte pecunie defecerit. Et nisi fecerit concedit quod vicecomes fieri faciat de terris etc. Et si contingat quod prefatus Willelmus Marmyun vel aliquis pro eo pecuniam predictam prefato Roberto vel assignatis suis reddiderit, extunc prefatus Rogerus et heredes sui quieti erunt de solucione predicta, prout in quodam scripto sub nomine ipsius Rogeri confecto, quod idem Robertus inde habet, plenius continetur.

Wigorn.—Alexander Edwine ponit loco suo Rogerum de Becker et Petrum de Aumbresl' sub alternacione in loquela que est coram rege in octabis Purificacionis inter ipsum Alexandrum querentem et magistrum Johannem filium Petri et alios de quadam transgressione eidem Alexandro per dictum Johannem et alios illata ut dicitur.

[m. 11d.]

Rex justiciariis suis proximo itineraturis in comitatu Wilt' salutem. Mandamus vobis quod occasione communis summonicionis coram vobis facte de itinere vestro in comitatu predicto, dilecta nobis Matillis Lungespeye non ponatur in defaltam nec in aliquo sit perdens, quia absenciam suam quo ad hoc hac vice ei warantizamus. Teste rege apud Clarendon xxij. die Decembris.
Consimiles litteras habet in comitatu Sumers'.

Nicholas Poynz recognovit se debere Henrico Cowe civi Wyntonie viginti et quinque libras et duos solidos (fn. 1) solvendos eidem Henrico ad duos terminos, videlicet decem libras in festo Sancti Hillarii anno regni regis l°. secundo, quinque libras et duos solidos in festo Purificacionis Beate Marie proximo sequente, (fn. 2) et decem libras ad (fn. 3) le Hokeday proximo sequente. Et nisi fecerit, concessit quod distringatur per terras etc. Et habet terras in comitatu Dors'.

Johannes de Clinton' recognovit in cancellaria regis se debere Rogero de Clifford trescentas marcas, unde solvet in quindena Pasche proximo futura centum marcas, et in quindena Sancti Michaelis proximo sequenti centum marcas, et in quindena Pasche proximo sequenti residuas centum marcas. Et, nisi fecerit, concessit quod dicta pecunia levetur de terris et catallis suis in comitatu Warr'. Et pro ista recognicione reddidit prefatus Rogerus predicto Johanni manerium suum de Coleshull' cum pertinenciis, quod idem Rogerus habuit de dono regis.

Omnibus Christi fidelibus presens scriptum visuris vel audituris Nicholaus de Wymale salutem in Domino. Sciatis me teneri domino Roberto de Turbervill' juniori in sexaginta et decem libris sterlingorum, solvendis eidem vel suo certo attornato, videlicet, triginta et quinque libris in domo Fratrum Minorum apud Northamt' in festo Sancti Michaelis anno domini etc. sexagesimo octavo, et triginta et quinque libris ibidem in festo Sancti Michaelis proximo sequente sine dilacione ulteriori: et, si in solucione predicte pecunie aliquo predictorum terminorum, quod absit, defecero, concessi pro me et heredibus meis quod idem dominus Robertus, vel heredes sui, vel sui assignati, manerium meum de Wymale in comitatu Northamt' libere et sine omni contradictione mei vel heredum meorum ingrediantur, et idem manerium sine reclamio mei vel heredum meorum predictorum habeant et teneant jure hereditario imperpetuum: et, si forte contingat, quod absit, quod predictus Robertus vel heredes sui circa dictam pecuniam non solutam terminis supradictis perquirendam sumptus posuerint, volo et concedo pro me et heredibus meis quod prefatus Robertus omnes sumptus quos in hac parte posuerit versus me vel heredes meos recuperet una cum debito principali, de quibus omnibus simplici verbo suo credatur sine alterius onere probacionis. In cujus rei testimonium hoc presens scriptum meum sigilli mei impressione roboravi. Et ad majorem securitatem hanc meam concessionem in curia domini regis recognovi et spontanea voluntate mea tam in rotulis justiciariorum domini regis quam cancellarie sue feci irrotulari, hiis testibus, domino Willelmo filio Warini, Simone filio Simonis, Nicholao de Kygelh', Philippo de Luttan, Philippo filio Roberti, Ricardo de Hanred', militibus, et aliis.

Henricus de Seymor recognovit se debere Galfrido Gacelin ducentas marcas, solvendas eidem, videlicet, ad festum Pentecostes proximo futurum quinquaginta marcas, et ad festum Sancti Michaelis proximo sequens quinquaginta marcas, et ad Pascha proximo sequens centum marcas. Et pro pecunia predicta prefatus Henricus invadiavit predicto Galfrido manerium suum de Rudon' in comitatu Wiltes'. Et concessit idem Henricus pro se et heredibus suis quod, nisi terminos illos observaverit, predictum manerium Rudon' prefato Galfrido et heredibus suis remaneat imperpetuum.

Memorandum quod die Veneris in crastino Sancti Thome Apostoli anno etc. lij°. Isabella de Fortibus comitissa Albe Marl' recognovit se debere Edmundo de Wesery fratri W. de Wisery centum libras pro quadam terra in Parva Fakeham, solvendas eidem in octabis Purificacionis Beate Marie proximo futuro (sic) l. marcas, et in quindena Sancti Michaelis proximo sequenti l. marcas, et in octabis Beati Andree Apostoli sequentibus l. marcas. Et nisi fecerit, concessit quod dicta pecunia levetur de terris et catallis suis in comitatu Suthamt'. Et pro predicta pecunia idem Edmundus remisit et quietum clamavit dicte comitisse totum jus et clamium quod habuit in terra predicta, quam idem Willelmus habuit de dono Baldewini de Insula, cujus heres idem Edmundus est.

Omnibus Christi fidelibus presens scriptum visuris vel audituris Robertus Hasteng salutem in Domino. Sciatis me teneri domino Hugoni de Turbervill' in cccc. marcis sterlingorum solvendis eidem Hugoni vel suo certo attornato, videlicet, in festo Nativitatis Beati Johannis Baptiste anno regni regis H. filii regis J. l. secundo cc. marcis in prioratu Wygorn', et ad Pentecosten anno regni regis H. filii regis J. l. tertio cc. marcis in loco predicto sine ulteriori dilacione. Et, si in solucione dicte pecunie aliquo predictorum terminorum, quod absit, defecero, concessi pro me et heredibus meis quod idem dominus Hugo et heredes sui, vel sui assignati, manerium meum de Liminton' in comitatu Warr' libere et sine omni contradictione mei vel heredum meorum ingrediantur et illud manerium sine reclamacione mei vel heredum meorum predictorum habeant et teneant jure et hereditarie imperpetuum. Et si forte contingat, quod absit, quod predictus Hugo vel heredes sui circa dictam pecuniam non solutam terminis supradictis perquirendam sumptus posuerit, volo et concedo pro me et heredibus meis quod prefatus Hugo omnes sumptus quos in hac parte posuerit versus me vel heredes meos recuperaret una cum debito principali; de quibus omnibus simplici verbo suo credatur sine alterius onere probacionis. In cujus rei testimonio presens scriptum meum sigilli mei impressione roboravi; et ad majorem securitatem hanc meam concessionem in curia domini regis recognovi et spontanea mei voluntate in rotulis cancellarie domini regis feci irrotulari. Hiis testibus:— dominis Rogero de Clifford, Johanne de Turbervill', Willelmo de Aette, Willelmo Belet, militibus. Rogero de Evesham clerico, Ada de Ardern', Johanne de Kirkeby, clerico, et aliis.

Footnotes

  • 1. et quinque and et duos solidos added above the line.
  • 2. quinque libras to sequente added above the line.
  • 3. Altered from in.