Close Rolls, June 1269

Close Rolls, June 1269

De vinis regis acquietandis.—Rex vicecomiti Linc' salutem. Cum Robertus del Estr', captor vinorum nostrorum, ceperit ad opus nostrum diversa vina de recta prisa nostra in instantibus nundinis Sancti Botulphi prout ad officium suum pertinet que per te de exitibus comitatus nostri predicti acquietari volumus sine mora, tibi precipimus firmiter injungentes quod de exitibus ejusdem comitatus sub omni festinacione qua fieri poterit vina predicta acquietari facias prout idem Robertus tibi scire faciet ex parte nostra. Et vina illa salvo custodiri facias donec aliud inde preceperimus. Et custum etc. tibi allocari etc. Teste rege apud Winton' xiij. die Junii.

De quercubus datis.—Mandatum est custodi foreste de Axhisholt quod in eadem foresta faciat habere Fratribus Predicatoribus Wyntonie decem bonas quercus cum omnibus escaetis suis ad ecclesiam suam inde reparandam et lambruscandam de dono regis, non obstante inhibicione nuper facta ne aliquid de viridi aut venacione caperetur in forestis regis per Angliam ad certum tempus. Teste rege apud Winton' iiij. die Junii.

Pro Galfrido de Cuberleg'.—Rex baronibus suis de scaccario salutem. Cum justiciariis nostris nuper itinerantibus in comitatu Berk' mandaverimus quod occasione communis summonicionis coram eis tunc facte de itinere suo in comitatu predicto dilectus clericus noster magister Galfridus de Cuberleg' non poneretur in defaltam nec in aliquo esset perdens, et idem Galfridus pro eo quod non venit ad communem summonicionem predictam amerciatus sit ad dimidiam marcam ut accepimus, vobis mandamus quod ipsum Galfridum de illa dimidia marca quietum esse faciatis. Teste rege apud Winton' v. die Junii.

Pro magistro Galfrido de Cuberleg'.—Rex justiciariis suis ad custodiam Judeorum assignatis salutem. Cum perdonaverimus dilecto clerico nostro magistro Galfrido de Cuberleg' omnes usuras et penas in quibus tenetur Isaac de Pulet Judeo nostro Oxonie, ita quod de pecunia quam idem Galfridus ab eodem Judeo mutuo cepit satisfaceret eidem, et mandaverimus constabulario castri nostri Oxonie quod eidem Galfrido vadia sua, que idem Judeus inde habet, deliberari faceret in forma predicta, qui nichil in hac parte hactenus facere curavit ut accepimus; vobis mandamus quod, si prefatus Galfridus dicto Judeo satisfecerit de pecunia quam ab eo mutuo cepit, tunc ipsum Galfridum de usuris et penis predictis quietum esse et vadia sua predicta sibi deliberari faciatis juxta perdonacionem nostram predictam.

De quercubus datis.—Mandatum est custodi foreste de Chothour' quod in eadem foresta faciat habere Fratribus Predicatoribus Oxonie septem bonas quercus cum omnibus escaetis suis ad studia sua inde reparanda de dono regis. Et hoc nullatenus omittat non obstante inhibicione quam rex nuper fieri fecit de viridi et venacione in forestis regis ad certum tempus capiendis.

De roboribus datis.—Cum rex mandaverit dilecto et fideli suo Willelmo de Dun nuper custodi foreste de Clarendon' quod in bosco de Bocholte, qui est infra eandem forestam, faceret habere Fratribus Minoribus Sarr' sex robora de dono suo et iidem fratres robora illa nondum habuerit (sic) mandatum est custodi ejusdem foreste quod, si ita est, tunc dicta sex robora predictis fratribus in bosco predicto juxta concessionem suam predictam habere faciat. Teste rege apud Wynton' vij. die Junii.

Pro Gerardo Belet.—Rex subescaetori suo in comitatu Devon' salutem. Cum nuper dederimus et concesserimus dilecto et fideli nostro Gerardo Belet custodiam terrarum et heredum Roberti Russel nuper defuncti qui de nobis tenuit in capite, si ad nos pertineat, habendam usque ad legitimam etatem heredum predictorum, nos eidem Gerardo in hac parte graciam facere volentes uberiorem dedimus et concessimus eidem omnes exitus et proventus de predicta custodia perceptos a tempore capcionis ejusdem custodie in manum nostram, si ad nos similiter racione custodie predicte debeant pertinere. Et ideo vobis mandamus quod eidem Gerardo exitus et proventus predictos sine dilacione habere faciatis sicut predictum est.

De quercubus datis.—Mandatum est custodi foreste de Savernak' quod in eadem foresta faciat habere Rogero de Akel', constabulario castri Merleberg', decem quercus ad operaciones ejusdem castri inde faciendas.

[m. 5.]

Pro Hawisia que fuit uxor Roberti de Gurney.—Rex dilecto et fideli suo Johanni le Moyne, escaetori suo citra Trentam, salutem. Cum Hawisia de Longo Campo, que fuit uxor Roberti de Gurney nuper defuncti, qui de nobis tenuit in capite, in presencia nostra constituta sacramentum prestiterit quod se non maritabit sine licencia nostra, per quod commisimus ei manerium de Oure quod fuit predicti Roberti quondam viri sui habendum in tenanciam quousque sibi racionabilem dotem suam ipsam contingentem de omnibus terris et tenementis que fuerunt predicti Roberti fecerimus assignari, volentes quod prefate Hawisie dos sua racionabilis de terris et tenementis predictis assignetur vobis mandamus quod, facta extenta omnium terrarum et tenementorum de quibus prefatus Robertus fuit seisitus in dominico suo ut de feodo die quo obiit et que occasione mortis sue cepistis in manum nostram, eidem Hawisie racionabilem dotem suam ipsam contingentem de terris et tenementis predictis secundum legem et consuetudinem regni nostri assignari faciatis proviso quod prefata Hawysia predictum manerium de Oure cum pertinenciis habeat et teneat et quod inde non eciatur quousque dos sua predicta sibi fuerit assignata sicut predictum est. Teste rege apud Winton' xv. die Junii.

Pro executoribus testamenti Alicie Haryngot.—Mandatum est baronibus de scaccario quod, accepta securitate ab executoribus testamenti Alicie Haryngot de debitis regi reddendis ad scaccarium regis si que regi debuit ad scaccarium regis die quo obiit, eisdem executoribus de omnibus bonis et catallis que fuerunt ejusdem Alicie die quo obiit liberam administracionem sine dilacione habere faciatis ad execucionem testamenti predicti inde faciendam. Teste ut supra.

Pro magistro milicie templi.—Rex perdonavit magistro milicie templi in Anglia transgressionem quam frater Ambelardus quondam magister dicte milicie in Anglia fecit capiendo unam bissam apud Haningfeld' infra forestam predictam sine licencia regis ut dicitur. Et mandatum est justiciariis proximo itineraturis ad placita foreste in comitatu Essex' quod ipsum magistrum de dicta transgressione quietum esse faciant.

Pro hominibus Veteris Sarr'.—Rex baronibus suis de scaccario salutem. Cum dilectus et fidelis noster Johannes le Moyne, assessor tallagii nostri citra Trentam in presenti tallagio nostro, probos homines Veteris Sarr' ad decem libras et viginti et unum denarios fecerit talliari, nos hominum predictorum paupertati compatientes perdonavimus eis centum solidos et viginti et unum denarios de tallagio suo predicto et residuos centum solidos solverunt iidem homines in garderoba nostra Petro de Winton' custodi ejusdem garderobe die Jovis proxima post festum Sancti Botulphi anno regni nostri quinquagesimo tercio. Et ideo vobis mandamus quod homines predictos tam de predictis centum solidis et viginti et uno denariis quos eis perdonavimus quam de residuis centum solidis sic in garderoba nostra solutis quietos esse faciatis. Teste ut supra.

Pro communitate ville Suthampt'.—Rex baronibus suis de scaccario salutem. Cum nobis nuper existentibus apud Clarindon' propter defectum quem tunc ibidem habuimus de vinis per litteras nostras patentes quietassemus communitatem ville nostre Suthampt' de presenti tallagio nostro quod super eos fecimus assideri per sic quod ipsi citra festum Purificacionis Beate Marie proximo sequens acquietarent quadraginta dolia vini que Robertus del Estr', captor vinorum nostrorum, tunc in villa Suthampt' ceperat ad opus nostrum de Bernardo Bonet, Reimundo de Ros, Ernardo de Burdeg' et Bernardo Vallettun, mercatoribus Wasconie, ac communitas predicta dicta quadraginta dolia vini infra tempus predictum acquietaverit, sicut per Willelmum de Wintreshull' senescallum nostrum coram nobis est testificatum, per quod ipsa communitas quieta esse debet de dicto tallagio in forma supradicta, vobis mandamus quod predictam communitatem de tallagio predicto hac vice quietam esse faciatis et facta quietancia predicta recipiatis a dicta communitate litteras nostras predictas quas habet de quietancia predicta et eciam litteras ejusdem communitatis per quas obligata fuit versus eosdem mercatores pro vinis predictis. Teste rege apud Wintoniam xxj. die Junii.

De quercubus datis.—Mandatum est custodi foreste de Pembere quod in eadem foresta faciat habere custodibus operacionum ecclesie Beate Katerine extra Wintoniam tres bonas quercus cum escaetis suis ad turrim ejusdem ecclesie prostratam de novo constituendam de dono regis non obstante inhibicione quam rex nuper fieri fecit de viridi et venacione in forestis regis ad certum tempus capiendis.

De homagio capto.—Rex cepit homagium Rogeri de Clifford', qui Isabellam primogenitam filiam et unam heredum Roberti de Veteri Ponte dudum defuncti, (fn. 1) de medietate omnium terrarum et tenementorum que prefatus Robertus pater suus tenuit de rege in capite die quo obiit, quorum quidem terrarum et tenementorum custodiam Rogero de Clifford' patri ipsius Rogeri rex prius concesserat habendam usque ad legitimam etatem ipsius Isabelle, et eisdem Rogero et Isabelle terras illas et tenementa reddidit, et mandatum est Johanni de Raygate, escaetori ultra Trentam, quod eisdem Rogero et Isabelle de medietate omnium terrarum et tenementorum predictorum et de qua prefatus Robertus pater ipsius Isabelle fuit seisitus in dominico suo ut feodo (sic) in balliva sua die quo obiit et que occasione mortis ipsius Roberti capta fuerunt in manum regis plenam seisinam sine dilacione habere faciat. Teste rege apud Wintoniam xxxiiij. die Junii.
Eodem modo scribitur Johanni le Moyne, escaetori citra Trentam, pro predictis Rogero et Isabella de seisina habenda. Teste ut supra.

Pro Radulfo de Gorges.—Rex baronibus suis de scaccario salutem. Sciatis quod pro dampnis, depredacionibus, roberiis et gravaminibus que dilectus et fidelis noster Radulphus de Gorges quondam vicecomes Devon' sustinuit in servicio nostro tempore turbacionis habite in regno nostro perdonavimus eidem Radulpho viginti libras ad quas amerciatus fuit coram vobis ad scaccarium predictum pro eo quod non venit ad computandum ad diem sibi datum, scilicet diem Lune proximam ante festum Sancte Margarete anno regni nostri quinquagesimo secundo, nec die Martis nec die Mercurii nec eciam die Jovis proximo sequentibus, secundum quod vicecomites consueverunt amerciari pro hujusmodi defaltis; perdonavimus eciam eidem Radulpho quadraginta solidos ad quos similiter amerciatus fuit coram vobis pro eo quod non retornavit brevia nostra coram vobis ad idem scaccarium anno supradicto; perdonavimus insuper eidem Radulpho centum solidos ad quos similiter amerciatus fuit coram vobis pro eo quod non venit coram vobis ad visum suum faciendum die Mercurii proxima ante festum Sancte Margarete anno regni nostri quinquagesimo quo quidem tempore turbacio et guerra communis fuit in regno nostro. Et ideo vobis mandamus quod predictum Radulphum de pecunia predicta quietum esse faciatis. Teste rege apud Wint' xxiiij. die Junii.

Pro Rogero de Molys.—Rex baronibus suis de scaccario de salutem. Volentes dilecto et fideli nostro Rogero de Molys graciam facere specialem concessimus ei quod de denariis in quibus nobis tenetur ad scaccarium nostrum pro relevio suo reddat nobis unam medietatem ad scaccarium nostrum Sancti Michaelis proximo futurum et aliam medietatem ad scaccarium nostrum Sancti Michaelis proximo sequens. Et ideo vobis mandamus quod eidem Rogero terminos illos habere et sic fieri et irrotulari faciatis. Teste ut supra.

De ponendo per ballium.—Isabella filia Johannis le Fevre de Sheper', capta et detenta in prisona Cant' pro morte Margarete que fuit uxor Alani filii Isabelle unde rettata est, habet litteras vicecomiti Cantebrig' quod ponatur per ballium.

De vinis datis.—Mandatum est Roberto del Estr', captori vinorum regis, quod de vinis regis que sunt in custodia sua apud Suthampt' faciat habere magistro Willelmo de Fiscampis unum dolium vini de dono regis.

Pro Simone le Draper et quibusdam aliis hominibus de Wintonia.—Cum rex ipso ultimo existente apud Winton' per pincernas suos capi fecerit a diversis hominibus ibidem vina ad opus regis, videlicet de Simone le Draper quatuor dolia vini, de Rogero Dalerun quinque dolia vini, de Johanne Dalerun septem dolia vini, de Roberto Wyhard' tria dolia vini, de Petro de Neubir' tria dolia vini, de Adam de Norhamt' tria dolia vini, de Johanne de Neubir' unum dolium vini, de Hugone de Folflod' duo dolia vini, de Roberto le Bal quatuor dolia vini, de Thoma Sauntere duo dolia vini, mandatum est Poncio de Mora emptori vinorum regis quod de vinis regis que empturus est ad opus regis apud Suthampt' habere faciat prefatis Simoni quatuor dolia, Rogero v. dolia, Johanni septem dolia, Roberto iij. dolia, Petro iij. dolia, Waltero ij. dolia, Ade tria dolia, Johanni unum dolium, Hugoni ij. dolia, Roberto iiij. dolia et Thome duo dolia vini habere faciat in recompensacionem vinorum predictorum. Et hoc nullatenus omittat. Teste rege apud Farnham xxvij. die Junii.

Mandatum est Rogero de Clifford', justiciario foreste regis citra Trentam, quod in foresta regis de Hynkel' faciat habere Petro de Winton' quatuor quercus ad maeremium de dono regis, non obstante inhibicione facta ne quid de viridi aut venacione in forestis regis per Angliam caperetur. Teste rege apud Westmonasterium ij. die Julii anno regni nostri liij°. (Cancelled) vacat quia non habuit hic set inferius.