|
| Syllabus Entry |
Foedera Text |
1455. Jan. 14. Safe conduct for Andrew Hunter, abbot of Mewros, in Scotland, coming to England on a pilgrimage to S. Thomas of Canterbury. Westm.
O. xi. 350. H. v. p. ii. 61. |
Pro Abbate de Mewros.
An. 33. H. 6. Scot. 33. H. 6. m. 2.
Rex, per Literas suas Patentes, per Tres Menses duraturas, suscepit in salvum & securum Conductum suum, ac in Protectionem, Tuitionem, & Defensionem suas speciales, Fratrem Andream Hunter, Abbatem de Mewros Scotum, in Regnum Regis Angliae, cum Duodecim
Servientibus in Comitiva sua, vel infra, equestrè vel pedestrè, ad sanctum & gloriosum Martirem Sanctum Thomam Cantuariensem peregrè veniendo, in eodem Regno Regis morando, perhendinando, pausando, & conversando, & abinde in Regnum Scotiae Transeundo & redeundo, &c. prout in similibus de Conductu Literis.
Teste Rege apud Westmonasterium, decimo quarto die Januarii.
Per Breve de Privato Sigillo. |
Feb. 5. Humfrey duke of Buckingham, James earl of Wiltshire, sir Thomas de Roos, and sir William de Fitzwaren become bail for the duke of Somerset, a prisoner in the Tower of London.
O. xi. 361. H. v. p. ii. 61. |
De Manucaptione pro Duce Somerset.
An. 33. H. 6. Claus. 33. H. 6. m. 25. dor.
Memorandum, quòd quinto Die Februarii, Anno Regni Regis Henrici Sexti post Conquestum Angliae Tricesimo tertio, Humfridus Dux Bukinghamiae, Jacobus Comes Wiltesiae, Thomas de Roos Miles, & Willielmus de Fitzwaren Miles, coram ipso Domino Rege in Cancellaria sua personaliter constituti, MANUCEPERUNT, videlicet, quilibet eorum, Corpus pro Corpore, pro Edmundo Duce Somersetiae, in Prisona in Turri Londoniae, sub Custodia Constabularii ejusdem Turris, de Mandato dicti Domini Regis & Concilii sui existente, de habendo ipsum Ducem Somersetiae apud Westmonasterium, in Crastino Animarum proximò futuro, coram praedicto Domino Rege & Concilio suo, vel coram Cancellario Angliae pro tempore existente, ad Respondendum super hiis quae eidem Duci Somersetiae obicientur tunc ibidem. |
Feb. 5. Writ to the constable of the Tower of London for the liberation of the duke of Somerset. Westm.
O. xi. 361. H. v. p. ii. 61. |
De Duce Somerset extra Turrim Elargando.
An. 33. H. 6. Claus. 33. H. 6. m. 27.
Rex, Constabulario Turris suae Londoniae, vel ejus Locumtenenti ibidem, Salutem.
Cùm Nos, quarto Die instantis Mensis Februarii, apud Westmonasterium, per avisamentum Magni Concilii nostri,
Venerabilibus Patribus, Cantuariensi & Eborum Archiepiscopis:
Londoniensi, Wyntoniensi, Bathoniensi, Norwicensi, Herefordensi, Lincolniensi, & Bangorensi,
Episcopis:
Eborum & Bukinghamiae,
Ducibus:
Warwicensi, Sarum, Devoniensi, Wiltesiae, Wygorniensi Thesaurario nostro Angliae,
Comitibus:
Beaumond & Bourghchier,
Vicecomitibus:
Priori Sancti Johannis;
Necnon,
Cromwell, Roos, Sudeley, Bonevile, Graystocke, Saye, Fitz Waren, & Stourton.
Militibus,
In eodem Concilio praesentibus existentibus, ob certas Causas Nos & dictum Concilium nostrum moventes, Ordinavimus & Concesserimus quòd Dux Somersetiae in Custodia vestra, infra Turrim nostram praedictam existens, in Ballium usque Crastinum Animarum proximò futurum Commissus fuerit;
Vobis, pro eo quòd praedictus Dux Somersetiae in Ballium sic Commissus existit, Mandamus quòd ipsum Ducem Somersetiae extra Turrim praedictam Elargari faciatis.
Teste Rege apud Westmonasterium, Quinto Die Februarii.
Per Breve de Privato Sigillo, & de Data &c. |
March 31. Discharge of the bail of the duke of Somerset, who was detained in the Tower of London for one year and ten months. Westm.
O. xi. 361. H. v. p. ii. 61. |
De Ballio praefati Ducis exonerando.
An. 33. H. 6. Pat. 33. H. 6. p. 2. m. 22.
Rex omnibus, ad quos &c. Salutem.
Inspeximus Tenorem cujusdam Actûs, apud Grenewich, de Mandato nostro, Quarto Die Martii ultimò praeterito, facti, Venerabili Patri, Th. Archiepiscopo Cantuariensi, totius Angliae Primati Cancellario nostro, per Custodem Privati Sigilli nostri, ad Exemplificationem Tenoris praedicti, sub Magno Sigillo nostro, in forma debita fiendam, nuper Deliberatum, & in Filaciis Cancellariae nostrae Residentem, in haec verba,
The fourth Day of March, the Yere &c. xxxiij at Grenewich, in the High Presence of our Soveraigne Lord the King, being there present the Lords of his Councill th'Archbishop of Yorke,
The Bisshops of London, Wynchestre, Duresme, Bathe, Norwiche, Chestre, Lincoln, Ely, Karlill, and Bangor,
The Ducks of York and Buckyngham,
The Erls of Pembroke, Oxenford, Salesbury, Chaunceller of England, Northumberland, Wilts, and Worcestre Tresorer of England,
The Viscountes Beaumont and Borgchier,
The Lords the Prior of Seint Johns, Cromwell, Roos, Scales, Duddeley, Beauchamp, Fitz Waren, Berners, Graystok, Clyfford, and Boneville,
Edward Duc of Somerset Recited and Opened that He, in the time of the Disease of oure said Soveraigne Lord, was Committed to the Towre of London, and there kepte bi the Space of One hole Yere, Ten Weks and more, and as he conceived, without any resonable Ground or lawefull Processe, like as he hadde more at large opened to our said Soveraigne Lord afore, as he said, and couthe not be enlarged for any Suete made bi Him, or in his Name, till the seventh Day of Feverer last passed, at which Day he was by the Lordes of the Counsaill Committed to Baille, undre the which he is yet now: And for so much he humbly besought the King's good Grace considered, that ther is noo lawfull Cause or Matier laufully proposed ayenst him, for the which he sholde be kept in Warde, that his said Baylle myght be Discharged, and He to be at his full Fredome as the King's feithfull trewe Subgitte, the which he had ever be and ever shold;
And, if so were that eny Persone wold Charge him with any thyng contrarie to his Trouth or Ligeance, he wold be redy at all tymes in due ordre of Lawe to Aunswere and do all thyng that a trewe Knight oweth to do according to Law and Knighthood; The which Rechersall and Desire made by the said Duc of Somerset, it pleased the King our said Soveraigne Lord's good Grace to saye, that he knewe well the said Duc hathbe, and is his True and Feithfull Liegeman and Cousin, and doone unto him right true, good, and pleasaunt Service; and therefore, in presence of all the Lordes abovesaid, and divers others, openly declared the seid Duc of Somerset his feithfull and true Liegeman and Subgitte, to the which noe Persone said contrarie, willyng it were knowen and understand that he so taketh and reputeth him;
And as touching the goeing undre Baille of the said Duc, the King havyng Consideration to the Premisses, and for such resonable Causes as moeved him, Discharged such as hadde hym in Bayle, That is to say, the Duk of Buckingham, th'Erle of Wiltshire, the Lords Roos and Fitzwaren, of the said Charge, putting the said Duc at Large, and at his full Fredome; Willyng alsoe and Commaunding the Keper of his Privy Seal to do make suche, and as many Lettres undre the said Seal, as well directed to his Chauncellour of Engeland to doe make Writtes and Lettres undre the Grete Seal, as othre such as shall be thought to the said Duc of Somerset necessarie and expedient for the said Discharge; and also all thees Premisses to be Exemplifyed undre the King's Grete Seall, for the said Duc of Somerset's Declaration.
Nos autem Tenorem Actûs praedicti, ad Requisitionem praefati Ducis Somersetiae, duximus EXEMPLIFICANDUM per Praesentes,
In cujus &c.
Teste Rege apud Westmonasterium, tricesimo primo Die Martii.
Per Breve de Privato Sigillo & de Data praedicta, Auctoritate Parliamenti. |
March 4. Obligation of Richard duke of York to the duke of Somerset in 20,000 marks to abide by the decision of Thomas abp. of Canterbury, William bp. of Ely, Humfrey duke of Buckingham, and five others, as to the differences between them. Westm.
O. xi. 362. H. v. p. ii. 61. |
Super Debatis Cum Duce Somerset.
Recognitio Ducis Eborum.
An. 33. H. 6. Claus. 33. H. 6. m. 22. d.
Ricardus Dux Eborum RECOGNOVIT se Debere Edmundo Duci Somersetiae Viginti Milia Mercarum, solvenda ei vicesimo Die Junii proximò futuro; &, nisi fecerit, CONCESSIT quòd dicta Pecunia Levetur de Terris & Catallis suis in Comitatu Dorsetiae & alibi.
Teste Rege apud Westmonasterium, Quarto Die Martii.
Conditio istius Recognitionis talis est, quòd si praefatus Dux Eborum steterit Arbitrio, Ordinationi, & Judicio Thomae, Permissione Divinâ, Cantuariensis Archiepiscopi totius Angliae Primatis & Apostolicae Sedis Legati,
Ac,
Venerabilis Patris, Willielmi Eliensis Episcopi,
Humfridi Ducis Bukinghamiae,
Jacobi Wiltesiae,
Johannis Wygorniae,
Comitum:
Johannis Vicecomitis Beaumont,
Radulphi Cromwell,
Et Johannis Stourton,
Militum,
Arbitratorum, inter praefatum Ducem Eborum ex parte una, & praedictum Ducem Somersetiae ex parte altera, indifferenter Electorum, de & super omnibus & omnimodis Actionibus, Querelis, Contraversiis, Materiis, Debatis, Litibus, & Demandis, inter eundem Ducem Eborum & dictum Ducem Somersetiae motis, habitis, sive pendentibus; & Arbitrium, Ordinationem, & Judicium illa idem Dux Eborum in omnibus, ex Parte sua, perimpleverit, & illis obedierit;
Ita quòd eadem Arbitrium, Ordinatio, & Judicium citra dictum Vicessimum Diem Junii fiant & reddantur, ac in Scriptis sub Sigillis dictorum Arbitratorum Partibus praedictis citra eundem Vicessimum Diem liberentur, tunc praesens Recognitio pro nulla habeatur, alioquin in omni suo Robore permaneat & Virtute. |
March 4. Similar obligation of the duke of Somerset to the duke of York. Westm.
O. xi. 363. H. v. p. ii. 62. |
Recognitio Ducis Somersetiae.
An. 33. H. 6. Ibid.
Edmundus Dux Somersetiae RECOGNOVIT Se debere Ricardo Duci Eborum Viginti Milia Marcarum, Solvenda Ei Vicesimo Die Junii proximò futuro; &, nisi fecerit, CONCESSIT quòd dicta Pecunia Levetur de Terris & Catallis suis in Comitatu Dorsetiae & alibi.
Teste Rege apud Westmonasterium, quarto Martii.
Conditio istius Recognitionis talis est, quòd si praefatus Dux Somersetiae steterit Arbitrio, Ordinationi, & Judicio Thomae, Permissione Divinâ, Cantuariensis Archiepiscopi totius Angliae Primatis & Apostolicae Sedis Legati,
Ac,
Venerabilis Patris Willielmi Eliensis Episcopi,
Humfridi Ducis Bukinghamiae,
Jacobi Wiltesiae,
Johannis Wygorniae,
Comitum:
Johannis Vicecomitis Beaumont,
Radulphi Cromwell,
Et Johannis Stourton,
Militum,
Arbitratorum, inter praefatum Ducem Eborum ex parte una, & praedictum Ducem Somersetiae ex parte altera, indifferenter Electorum, de & super omnibus & omnimodis Actionibus, Querelis, Contraversiis, Materiis, Debatis, Litibus, & Demandis, inter eundem Ducem Eborum & dictum Ducem Somersetiae motis, habitis, sive pendentibus; & Arbitrium, Ordinationem, & Judicium illa idem Dux Somersetiae in omnibus, ex Parte sua, perimpleverit, & illis obedierit;
Ita quòd eadem Arbitrium, Ordinatio, & Judicium, citra dictum Vicessimum Diem Junii fiant & reddantur, ac in Scriptis sub Sigillis dictorum Arbitratorum Partibus praedictis citra eundem Vicessimum Diem liberentur, tunc praesens Recognito pro nulla habeatur, alioquin in omni suo Robore permaneat & Virtute. |
March 6. The duke of York is removed from the government of Calais at his own request. Westm.
O. xi. 363. H. v. p. ii. 62. |
De exonerando Ducem Eborum.
An. 33. H. 6. Franc. 33. H. 6. m. 18.
Rex omnibus, ad quos &c. Salutem.
Sciatis quòd,
Cùm Nos, apud Grenewiche, Quarto Die Martii ultimò praeterito, Dominis de Concilio nostro tunc ibidem nobiscum existentibus, pro diversis Causis, Nos moventibus, assumpserimus super Nos Capitaniam Villae Castri & Marchiarum nostrorum Calesii, ac tunc ibidem Declaraverimus Nos praefato Concilio nostro Capitaneum Villae Castri & Marchearum nostrorum praedictorum,
Super quo, Fidelis & Dilectus Consanguineus noster, Dux Eborum desideravit de Nobis (eo quòd ipse Indentavit Nobiscum pro Custodia Villae Castri & Marchiarum praedictorum) quòd ipse inde exonerari possit per sufficiens Warrantum,
Nos proinde ipsum, Consanguineum nostrum, Ducem Eborum de Custodia & Capitania Villae Castri & Marchiarum praedictarum Exoneramus, ac per Praesentes Volumus & Concedimus quòd Ipse & Haeredes sui erga Nos & Hae-
redes nostros Acquietentur & Exonerentur.
In cujus &c.
Teste Rege apud Westmonasterium, sexto die Martii.
Per Breve de Privato Sigillo, & de Data praedicta, Auctoritate Parliamenti. |
March 15. Letters of safeguard for a ship of Charles K. of Sweden, of which Nicholas Skynkell is master. Westm.
O. xi. 364. H. v. p. ii. 62. |
De Salva Gardia, ad Instantiam Regis Sweciae.
An. 33. H. 6. Franc. 33. H. 6. m. 20.
Rex, per Literas suas Patentes, per unum Annum duraturas, ad specialem Instantiam Carissimi Consanguinei Regis Karoli Regis Sweciae, ac de avisamento Concilii Regis, suscepit in Protectionem & Defensionem, ac Salvam Gardiam Regis speciales quandam Navem praedicti Consanguinei Regis, vocatam Bargeam Regis, Portagii Mille Doliorum vel infra, Bonis & Mercandisis quibuscumque Carcatam, unde Nicholaus Skynkell est Magister, in Regnum Regis Angliae aut alia Jurisdictiones & Loca Regis, cum Bonis, Mercandisis, & Magistro praedictis, ac Generosis, Mercatoribus, Marinariis, & Pilotis, usque ad Numerum Centum & Viginti Personarum vel infra, necnon Rebus & Hernesiis suis quibuscumque, conjunctim vel divisim, tàm per Terram, quàm per Mare, veniendo, ibidem morando, Nocte Dieque perhendinando, mercandisando, ac Navem illam, cum aliis Bonis & Mercandisis licitis, recarcando, & extra Regnum Jurisdictiones & Loca praedicta cum Bonis & Mercandisis illis, ac Magistro, Generosis, Mercatoribus, Marinariis, & Pilotis, usque ad Numerum praedictum, necnon Rebus & Hernesiis suis praedictis, liberè & absque impedimento aliquo redeundo,
Aliqua Marqua, Contramarqua, sive Reprisalia, concessis sive concedendis, aut aliquo Statuto, Actu, Ordinatione, Causâ, Materiâ, vel aliâ Re quacumque, non obstantibus;
Proviso semper quòd Regi de Custumis, Subsidiis, & aliis Deveriis Regis, pro Bonis & Mercandisis praedictis debitis, fideliter respondeatur, ut est justum.
Teste Rege apud Westmonasterium, decimo quinto die Martii.
Per Breve de Privato Sigillo, & de Data praedicta, Auctoritate Parliamenti. |
March 18. Robert Flemmyng, dean of Lincoln, is appointed the K.'s proctor at the court of Rome. Westm.
O. xi. 364. H. v. p. ii. 62. |
De Procuratore Regis Constituto in Curia Romana.
An. 33. H. 6. Pat. 33. H. 6. p. 2. m. 22.
Rex, dilecto Capellano suo, Roberto Flemmyng Sacrae Theologiae Bacallario, & Ecclesiae Cathedralis Lincolniensis Decano, Salutem.
Sciatis quòd Nos,
De Discretione, Fidelitate, & Industria vestris plenam in Domino fiduciam habentes,
Ad Respondendum & Prosequendum in Romana Curia, pro Nobis & Nomine nostro, Promotiones quorumcumque Clericorum nostrorum ad Ecclesias Cathedrales, pro Tempore vacaturas, per Nos Recommendatorum ad easdem,
Necnon ad Gerendum, Excercendum, & Expediendum omnia alia Negotia nostra quaecumque apud Sedem Apostolicam quomodolibet Nos tangentia, cum Potestate Inducendi quascunque Probationes requisitas in hoc Casu,
Vos nostrum verum, legitimum, & indubitatum Procuratorem, Actorem, Factorem, Negotiorum Gestorem, & Nuncium specialem Constituimus, Praeficimus, & Creamus per Praesentes, cum Emolumentis & Salario ejusdem Officii consuetis, Injungentes & firmiter Mandantes quibuscumque Ligeis nostris apud Sedem eandem pro tempore existentibus (cujuscumque Statûs, Gradûs, seu Conditionis existant) quatenus Vobis, in Executione Praemissorum, cum suis sanis Consiliis, Auxiliis, & Favoribus effectualiter obediant & intendant, prout decet.
In cujus &c.
Teste Rege apud Westmonasterium, decimo octavo die Martii.
Per Breve de Privato Sigillo, & de Data &c. |
March 19. The K. orders sir Humfrey Stafford, son of Humfrey duke of Buckingham, to conduct Henry duke of Exeter to his presence from Pontefract castle. Westm.
O. xi. 365. H. v. p. ii. 62. |
De Conducendo Ducem Exoniae ad Praesentiam Regis.
An. 33. H. 6. Claus. 33. H. 6. m. 19.
Rex, universis & singulis Vicecomitibus, Majoribus, Ballivis, Constabulariis, ac aliis Officiariis & Ministris nostris, necnon Fidelibus Ligeis nostris quibuscunque, tàm infra Libertates, quàm extra, & eorum cuilibet, Salutem.
Sciatis quòd,
Cùm Nos, certis de Causis & Considerationibus, Nos moventibus, per Breve nostrum, mandaverimus Constabulario Castri nostri de Pountfret, vel ejus Locumtenenti, sive Deputato ibidem, quòd carissimum Consanguineum nostrum Henricum Ducem Exoniae, in Castro praedicto sub Custodia sua existentem, Dilecto & Fideli Consanguineo nostro Humfrido Stafford Militi, Filio & Haeredi Carissimi Consanguinei nostri Humfridi Ducis Bukinghamiae, unà cum Causa Captionis & Detentionis ipsius Ducis Exoniae in Castro praedicto, deliberaret seu deliberari faciat indilatè,
Et per aliud Breve nostrum mandaverimus eidem Humfrido Stafford quòd ipsum Ducem Exoniae, unà cum Causa praedicta, ab ipso Constabulario, vel ejus Locumtenente, sive Deputato, recipiat, & usque Praesentiam nostram salvò & securè ducat,
Nos, ipsum Ducem Exoniae usque Praesentiam nostram praedictam salvò & securè, juxta Tenorem Mandatorum nostrorum praedictorum, Conduci volentes, vobis & cuilibet vestrûm Mandamus quòd praefato Humfrido Stafford, in hujusmodi Conductione praefati Ducis Exoniae, usque Praesentiam nostram praedictam, Assistentes sitis, Obedientes, & Auxiliantes in omnibus diligenter.
Teste Rege apud Westmonasterium, decimo nono Die Martii.
Per Breve de Privato Sigillo. |
May 14. Grant of the custody of the temporalities of the vacant see of Canterbury to Humfrey duke of Buckingham, Henry viscount Bourghchier, and five others. Westm.
O. xi. 365. H. v. p. ii. 62. |
De Custodia Temporalium Commissa.
An. 33. H. 6. Pat. 33. H. 6. p. 2. m. 19.
Rex Omnibus, ad quos &c. Salutem.
Sciatis quòd,
Per Manucaptionem Johannis Ansty de Comitatu Cantebrigiae Gentilman, & Johannis Cheyne de eodem Comitatu Armigeri,
Commisimus Humfrido Duci Bukynghamiae, Henrico Vicecomiti Bourghchier, Johanni Bourghchier Domino de Berners, Rogero Leukenore Militi, Willielmo Hextall Armigero, Richardo Bruyn Armigero, & Johanni Hay Armigero, Custodiam omnium Temporalium Archiepiscopatûs Cantuariensis, in Manibus nostris per Mortem Johannis nuper Archiepiscopi ejusdem existentium,
Habendam a Crastino Nativitatis Sancti Johannis Baptistae ultimò praeterito quamdiu ea in Manibus nostris fore contigerint, Reddendo Nobis pro Custodia praedicta Centum & tres Libras, ac Sustentando Domos, Clausuras, & Aedificia, necnon Supportando omnia alia Onera, eisdem Temporalibus cum Pertinentiis spectantia sive aliquo modo incumbentia, quamdiu Custodiam habuerint supradictam.
In cujus &c.
Teste Rege apud Westmonasterium, decimo quarto die Maii.
Per Billam The saurariae, & de Data praedicta, Auctoritate Parliamenti. |
May 20. Safe conduct for James Kenady bp. of S. Andrew's, George Shoriswode bp. of Brechin, Andrew abbot of Melrose, and seven other Scots coming to England. Westm.
O. xi. 365. H. v. p. ii. 63. |
De Salvo Conductu.
An. 33. H. 6. Scot. 33. H. 6. m. 2.
Rex, per Literas suas Patentes, per Tres Menses proximò futuros duraturas, de avisamento Concilii Regis, suscepit in salvum & securum Conductum Regis, ac in Protectionem, Tuitionem, & Defensionem Regis speciales, Venerabiles Patres, Jacobum Kenady Episcopum Sancti Andreae, & Georgium Shoriswode Episcopum de Berchyng, ac Andream Abbatem de Melrose, Magistrum Nicholaum Oterburn, Andream Steward Gardianum Westmarchiae, Jacobum de Leyffyngston Magnum Camerarium Scotiae, Andream Dominum de Mungumry, Dominum Hamylton, Willielmum de Cravyston, & Patricium de Cokburne, Scotos, in Regnum Regis Angliae, cum Centum
Personis in Comitiva sua vel infra (cujuscumque Statûs, Gradûs, aut Conditionis existant) conjunctim vel divisim, per Terram, Mare, vel Aquas, equestrè vel pedestrè, cum Equis, Hernesiis, Bogeis, Jocalibus, Auro, & Argento, Literis & Scripturis clausis & apertis, & aliis Bonis & Rebus suis quibuscumque, salvò & securè veniendo, ibidem morando, perhendinando, expectando, & conversando, ac totiens quotiens eis visum fuerit expedire, conjunctim vel divisim, equestrè vel pedestrè, per Terram, Mare, vel Aquas, durante praesenti salvo Conductu Regis, Repatriando, Revertendo, & ad Securitates proprias Redeundo, necnon, ad ipsorum beneplacitum conjunctim vel divisim Regnum nostrum Intrando, & de eodem liberè & absque Arestatione seu Impedimento aliquo Exeundo, aliqua Marqua, Contramarqua, sive Reprisalia, concessis vel concedendis, non obstantibus;
Proviso semper &c. prout in similibus de Conductu Literis.
Teste Rege apud Westmonasterium, vicesimo die Maii.
Per Breve de Privato Sigillo, & de Data praedicta, Auctoritate Parliamenti. |
June 2. The K. informs pope Calixtus that he has given his assent to the election of Richard Oldom to the abbacy of S. Werburg, in Chester. Westm.
O. xi. 366. H. v. p. ii. 63. |
Ad Papam de Assensu Regio.
An. 33. H. 6. Pat. 33. H. 6. p. 2. m. 8.
Sanctissimo in Christo Patri & Domino Domino Kalixto, Divinâ Providentiâ, Sacrosanctae Romanae ac Universalis Ecclesiae Summo Pontifici, Henricus, Dei gratiâ, Rex Angliae & Franciae, & Dominus Hiberniae, devota Pedum oscula beatorum.
Noverit Paternitas vestra Sanctissima quòd Nos Electioni, nuper factae in Ecclesiâ Conventuali Sanctae Werburgae Cestriae, Ordinis Sancti Benedicti, Lichfeldensis Dioecesis, Sanctae Romanae Ecclesiae immediatè subjectâ, de, dilecto Nobis in Christo, Fratre Richardo Oldom, dicti Monasterii Priore, in Abbatem Loci illius, petitâ prius a Nobis Licentiâ Eligendi, & prout moris est optentâ, Regium Assensum adhibemus & Favorem,
Et hoc vestrae Sanctitati innotescimus per Praesentes, ut quod vestrum est in hac parte exequi dignemini cum Favore.
In cujus &c.
Teste Rege apud Westmonasterium, secundo die Junii.
Per ipsum Regem, & de Data praedicta, Auctoritate Parliamenti. |
June 5. The K. orders Gilbert Kemer, dean of Salisbury, physician, to attend on him at Windsor on the 12th inst. Westm.
O. xi. 366. H. v. p. ii. 63. |
Pro Medico, ad Intendendum Personae Regis.
By The King.
An. 33. H. 6. Pell.
Trusty and Welbeloved, we greet you wel.
And for as moche as we be occupied and laboured, as ye knowe wel, with Sicknesse and Infirmitees, of the whiche to be delivered and cured, by the Grace of our Lord, as nedeth the Helpe, Entendance, and Laboure of suche expert, notable, and proved Men in the Crafte of Medicines, as ye be, in whom, among alle other, our affection and desire right especially is sette,
We desire, wille, and hertily pray you that ye be with us at oure Castell of Wyndesore the Twelfth Day of this Moneth, and Entende upon oure Persone for the Cause abovesaid, and that ye faille not as oure singuler Trust is in you, and as ye desire and tendre of oure Helth and Welfare.
Yeven undre oure Prive Seel at Westm. the v day of Juyn.
Dors.
To Maistre Gilbert Kemer, Dean of Salesbury. |
Aug. 7. Grant of an annuity of 500l. to James earl of Douglas. Westm.
O. xi. 367. H. v. p. ii. 63. |
Pro Comite de Douglas.
An. 33. H. 6. Pat. 33. H. 6. p. 2. m. 9.
Rex Omnibus, ad quos &c. Salutem.
Sciatis quòd Nos, de Gratia nostra speciali, ac de avisamento Concilii nostri, pro bono Servitio quod dilectus & fidelis noster Jacobus Comes de Douglas Nobis impendet,
Concessimus ei Quingentas Libras percipiendas annuatim ad Receptam Scaccarii nostri, ad Festa Sancti Michaelis & Paschae per aequales Portiones, quousque praedictus Comes recuperet aut restituatur ad Possessiones suas vel ad majorem Partem indè per ipsum dicentem seu vocantem se Regem Scottorum captas,
Et, si praedictus Comes recuperet vel restituatur ad Medietatem Possessionum suarum praedictarum, tunc praedictus Comes habebit Medietatem Summae praedictae, ad Festa praedicta, per aequales Portiones.
In cujus &c.
Teste Rege apud Westmonasterium, septimo die Augusti.
Per Breve de Privato Sigillo, & de Data &c. |
Nov. 6. The K. to the pope; he desires the promotion of George Nevyll, son of the earl of Salisbury, to the see of Exeter. Westm.
O. xi. 367. H. v. p. ii. 63. |
Ad Papam.
Sanctissimo in Christo Patri & Domino Domino Calixto Sacrosanctae Romanae ac Universalis Ecclesiae Summo Pontifici
An. 34. H. 6. Pell.
Beatissime Pater,
Post devotissima Pedum oscula Beatorum & humillimam Filialem Recommendationem, meminimus superiori Tempore Nos scripsisse ad bonae Memoriae Sanctissimum Dominum nostrum Nicholaum, Praedecessorem Sanctitatis vestrae, persuadentes Promotionem Reverendissimi Archiepiscopi Cantuariensis, & etiam Reverendi Patris Eliensis, subjunxisse quoque illas, quas valuimus, Preces pro Dilecto Consanguineo nostro Georgeo Nevyll, Filio carissimi Consanguinei nostri Comitis Sarum, ut ad proximum Vacaturum Episcopatum Angliae Promoveri poterat; quae singula a Nobis acta fuere ad instantiam Dominorum & Communitatis nostrae in Parliamento existentium; qui eundem Georgeum omni Dignitate dignissimum acclamabant.
Sed nuper, dùm vacabat Episcopatus Exoniensis, trajecimus repentè Oculos in Magistrum Johannem Hals, Litteras dirigentes ad Sanctitatem vestram pro eodem, immemores equidem, diversis & magnis occupati Negotiis, Litterarum quas prius scripseramus:
Cùm autem Collaterales & Consiliarii nostri, in unum jam Congregati, ad Memoriam nostram id reduxerunt, deprecamur eandem Sanctitatem vestram quatinus illae Priores Litterae nostrae Effectum sortiri valeant, & dictus Georgeus Consanguineus noster in praefatae Ecclesiae Exoniensis Pastorem Promoveri; cujus Probitas, Scientia, praeclari Mores, egregiae Virtutes, Experientia Rebus in agendis, & Nobile Genus, dignissimum ipsum testantur & praedicant ad Summam Dignitatem extollendum, qui, singulari Constantiâ & Gravitate, omniumque magnâ cum Commendatione, Universitatem nostram Oxoniae Cancellarius plurimis jam rexit Annis; acceditque in ejus Laudem quòd eos, qui Studio longè praecesserunt, non certè sequi scientia visus est, sed etiam praecurrere.
Et quoniam praelibata Ecclesia nostra Exoniensis remotiori ferè Regni nostri Plaga sita dinoscatur, quâ nonnulli interdum Insolentes Cornua tendunt, maximè utile arbitramur ut illic Pontifex habeatur, qui strenuâ suorum Potentiâ Malorum Conatus deprimere valeat & dare Pacem Hominibus bonae Voluntatis; quod hic noster Consanguineus facillimè absolvet, qui ex maximis & potentissimis Parentibus Ortum traxit, quos sibi & innumeros Propinquos & necessarios Adjutores habebit in Tuitionem Ecclesiae & Pacis nostrae;
Sanctitatemque vestram, ad universalis Ecclesiae feclicissimum Regimen, & Fidei Christianae Augmentum, conservet Altissimus.
Datum ex Palatio nostro Westmonasterii, nostro sub Privato Sigillo, Mensis Novembris die sexto, Regnorum verò nostrorum Anno Tricesimo quarto.
Ejusdem Vestrae Sanctitatis,
Devotus Filius Henricus, Dei gratiâ, Rex Angliae & Franciae ac Dominus Hiberniae &c.
Die, Anno, & Loco praedictis Rex, per Avisamentum Concilii sui, Voluit & Mandavit quòd Custos Privati Sigilli sui Litteras fieri faceret sub eodem Sigillo, secundùm Formam praescriptam;
Praesentibus Dominis,
Cancellario,
Et Thesaurario Angliae,
Archiepiscopo Eborum:
Episcopis,
Londoniae,
Wintoniensi,
Lincolniensi,
Et Eliensi:
Ducibus,
Eborum,
Et Buckinghamiae:
Comitibus,
Warrewicae,
Sarum,
Et Wigorniae:
Baronibus,
Priore Sancti Johannis,
Faucomberge,
Stourton,
Seudeley,
Fitz Waren,
Scroop,
Et Berners:
Decano Sancti Severini,
Et,
Johanne Say, &c.
T. Kent.
W. Ebor.
R. York.
Abbas Sancti Petri,
H. Buckingham.
Hyde.
Willielmus Abbas Dycheceb.
J. Worcestre.
H. Bourgchier.
Grey.
Ric. Abbas de Bello.
Fitz Waryn. |
Nov. 18. Licence to Peter Gytton, of Lymington, to convey 50 pilgrims to S. James of Galicia. Westm.
O. xi. 368. H. v. p. ii. 63. |
De Licentia Traducendi versus Sanctum Jacobum.
An. 34. H. 6. Franc. 34. H. 6. m. 28.
Rex, universis & singulis Admirallis, &c. ad quos &c. Salutem.
Supplicavit Nobis Petrus Gytton de Lymyngton, Possessor cujusdam Navis vocatae le Heryng de Lemyngton, Portagii Quadraginta & Septem Doliorum vel infra, ut ei Licentiam concedere velimus quòd ipse Navem praedictam, cum Quinquaginta Peregrinis, versus Sanctum Jacobum in Galaciis traducere possit licitè & impunè,
Nos (Supplicationi praedictae annuentes) Licentiam illam, Tenore Praesentium, duximus concedendam; dùm tamen Aurum vel Argentum, in Massa vel Moneta, colore praesentis Licentiae nostrae, non transmittant seu transmitti faciant quovismodo;
Et ideò vobis Mandamus quòd ipsum Petrum Navem praedictam, cum Quinquaginta Peregrinis praedictis, versus dictum Sanctum Jacobum Cariare & Traducere permittatis,
Dùm tamen Peregrini praedicti aliqua, Nobis seu Regno nostro Angliae praejudicialia, secum non deferant quovis modo, quodque ipsi Ligei nostri & de Amicitia nostra existant, & fideles Ligei nostri permaneant.
In cujus &c.
Teste Rege apud Westmonasterium, decimo octavo die Novembris. |
Nov. 19. The K. orders Henry Fyllungley, keeper of the great wardrobe, to deliver to John Fetplace, a garter and robes to be conveyed to the K. of Portugal. Westm.
O. xi. 368. H. v. p. ii. 64. |
Pro Rege Portugaliae in Ordinem Garterii Electo.
An. 34. H. 6. Pell.
Henry, &c. to oure trusty and welbeloved Squier Henry Fylungley Keper of our Grete Warderobe, Greting.
For as muche as oure right entierly welbeloved Brothere the Kyng of Portugale is chosen to be a Knyght of the Gartiere; to whom We will send in all haste by oure welbeloved Squier John Fetplace the Gartiere and all that longith therto:
We Will therfor and Charge yowe streytly that, anoone after the sight of Thees, ye Delyvere unto the said John, oute of oure said Warderobe, the Parcelles hereaftre ensuyng, for to bere them to oure saide Brother, and Deliver them unto hym of oure Gyft:
First, a Mantel of Blue Velvet pleyn, Lyned with White Damask, and Garnyshed with a Garter Enbroidered with Gold, with oon Escochon in the mydds therof, of the Armes of Saint George, and Laced with Lace of Blue Silk, with Knopps and Tassells.
Item, a Gowne with rounde Sleves made of Scarlet, and Garnyshed with Garters Enbroudered with Golde, and Furred with Ermyns, the Sleves therof Lyned with Clothe undernethe the Furre.
Item, a Hoode of Scarlet Garnyshed with lyk Garters of Golde, with a rowe of Pitthes for the same.
Item, two Elnes of Lynnen Clothe for the Carriage of the saide Garnements.
And We Wol that thees oure Letters be unto you herein sufficeaunt Warraunt, and that by the same ye have therof due Allouance in youre Accompte.
Yeven &c.
T. Cant.
W. Ebor.
T. London.
J. Lincoln.
R. York.
R. Salisbury.
Prior Sancti Johannis.
Bourgchier.
W. Faucomberge.
Stourton.
Dors.
Decimo nono die Novembris, Anno &c. xxxiv apud Westmonasterium, Rex de Avisamento Concilii sui Voluit & Mandavit quòd Custos Privati Sigilli sui Litteras sub eodem Sigillo fieri faceret secundùm Tenorem praedictum Dominis se subscribentibus ut patet.
Kent. |
Nov. 19. Richard duke of York is appointed protector of the kingdom until discharged by the parliament. Westm.
O. xi. 369. H. v. p. ii. 64. |
De Duce Eborum, Protectore & Defensore Regni & Ecclesiae Anglicanae, constituto.
An. 34. H. 6. Pat. 34. H. 6. m. 23.
Rex Omnibus, ad quos &c. Salutem.
Sciatis quòd,
Cùm Communitas Regni nostri Angliae, in praesenti Parliamento nostro existens, Nobis saepiùs humillimè supplicaverit & instanter persuaserit,
Ob Reprimendas Insolentias, Rebelliones, Murdra, & Riotas quae indies diversis ejusdem Regni Partibus attemptantur & committuntur, & ob bonum Publicum, Tuitionemque ejusdem Regni ac Pacis nostrae, necnon Tranquillitatis Subditorum nostrorum Conservationem,
Inclinare & consentire velimus Personam aliquam Potentem & Idoneam PROTECTOREM & DEFENSOREM Regni nostri praedicti Constituere & Ordinare, cujus Sapientiâ & Industriâ, Potentiâ & Juvamine, Regni Negotia meliùs, tutiùs, & feliciùs Dirigi & Expediri valeant,
Nos,
Petitionem Comunitatis praedictae contemplantes, Infirmitateque, quâ Altissimo Salvatori nostro Personam nostram visitare placuit, Impedimentum praestante quo minus ad Actualem Executionem Protectionis & Defensionis Regni nostri praedicti & Ecclesiae Anglicanae intendere possimus, &, si plurimis vexaremur Negotiis, celeri Sanitati recuperandae Obstaculum foret, consideratâ,
De Circumspectione & Industria carissimi Consanguinei nostri Richardi Ducis Eborum plenam fiduciam reportantes,
De avisamento & assensu tàm Dominorum Spiritaliuum & Temporalium, quàm de assensu Comunitatis Regni nostri Angliae, in Parliamento nostro existentium, Ordinavimus & Constituimus ipsum Consanguineum nostrum dicti Regni nostri Angliae & Ecclesiae Anglicanae praedictorum PROTECTOREM & DEFENSOREM ac CONSILIARIUM NOSTRUM PRINCIPALEM,
Et quòd ipse ejusdem Regni nostri Angliae & Ecclesiae Anglicanae praedictae PROTECTOR & DEFENSOR ac PRINCIPALIS CONSILIARIUS NOSTER sit & nominetur, quousque idem Consanguineus noster de Occupatione sive Onere & Nomine hujusmodi per Nos, in Parliamento, de avisamento & assensu Dominorum Spiritualium & Temporalium, in Parliamento existentium, Exoneretur, in & juxta vim, formam, & effectum cujusdam Acti, in dicto instanti Parliamento Die Datae Praesentium habiti & concordati,
Auctoritate tamen dicti Ducis, quoad Excercitium & Occupationem Oneris PROTECTORIS & DEFENSORIS praedictorum, omnimodò cessante cùm sive quando Edwardus Filius noster Primo-
genitus ad Annos Discretionis pervenerit,
Praesentibus Literis nostris Patentibus necnon vigore & effectu earumdem extunc minimè valituris, si dictus Edwardus, cùm ad hujusmodi Annos pervenerit, Onus PROTECTORIS & DEFENSORIS praedictorum super se assumere voluerit;
Damus autem universis & singulis Archiepiscopis, Episcopis, Abbatibus, Prioribus, Ducibus, Comitibus, Vicecomitibus, Baronibus, Militibus, & omnibus aliis Fidelibus & Subditis nostris dicti Regni nostri Angliae, quorum interest, Tenore Praesentium, firmiter in Mandatis quòd praefato Consanguineo nostro Duci Eborum, quotiens & quamdiu PROTECTIONEM & DEFENSIONEM hujusmodi sic habuerit & occupaverit, in Praemissis faciendis, Pareant, Obediant, & Intendant, prout decet.
In cujus &c.
Teste Rege apud Westmonasterium, decimo nono Die Novembris.
Per ipsum Regem Auctoritate Parliamenti. |
Dec. 12. Commission to Richard duke of York to prorogue the parliament until Jan. 14. Westm.
O. xi. 370. H. v. p. ii. 64. |
Pro eodem Duce, de Potestate ad Parliamentum tenendum.
An. 34. H. 6. Rot. Parl. 33. H. 6. n. 49. Pat. 34. H. 6. m. 23.
Henricus, Dei gratiâ, Rex Angliae & Franciae, & Dominus Hiberniae, omnibus, ad quos praesentes Literae pervenerint, Salutem.
Sciatis quòd,
Cùm Nos, Undecimo Die Novembris ultimò praeterito, de assensu Concilii nostri, pro eo quod Nos Parliamento nostro, quod Nono Die Julii ultimò praeterito, apud Palatium nostrum Westmonasterii Tenuimus, & Tricesimo primo Julii tunc proximò sequente usque ad Duodecimum Diem Novembris ultimò praeteritum ad Palatium nostrum praedictum Prorogavimus & Adjornavimus, ob certas justas & rationabiles Causas in Persona nostra interesse non possumus,
De Circumspectione & Industria carissimi Consanguinei nostri Ricardi Ducis Eborum plenam fiduciam reportantes, eidem Consanguineo nostro, ad Parliamentum praedictum Nomine nostro Tenendum, & in eodem Procedendum, & ad Faciendum omnia & singula quae pro Nobis & per Nos pro bono Regimine & Gubernatione Regni nostri Angliae & aliorum Dominiorum nostrorum eidem Regno nostro pertinentium, ibidem forent facienda, necnon ad Parliamentum illud Finiendum & Dissolvendum, plenam Commiserimus Potestatem, prout in Literis nostris Patentibus, indè confectis, pleniùs continetur,
Nos jam, ob certas varias & notabiles Causas, Nos & dictum Concilium nostrum specialiter moventes, de avisamento & assensu ejusdem Concilii nostri, Damus & Committimus praefato Consanguineo nostro plenam Potestatem & Auctoritatem ad Parliamentum praedictum, pro Nobis & Nomine nostro, a decimo tertio die instantis Mensis Decembris usque ad decimum quartum Diem Januarii proximò futurum, ac ad dictum Palatium nostrum Westmonasteriense, Prorogandum & Adjornandum, ac Parliamentum illud ad Diem illum & extunc Tenendum, ac in eodem Procedendum, & ad Faciendum omnia & singula quae pro Nobis & per Nos pro bono Regimine & Gubernatione Regni nostri praedicti & aliorum Dominiorum nostrorum eidem Regno nostro pertinentium ibidem fuerint facienda, necnon ad Parliamentum illud Finiendum & Dissolvendum;
Dantes ulterius, de assensu ejusdem Concilii nostri, tàm universis & singulis Archiepiscopis, Episcopis, Abbatibus, Prioribus, Ducibus, Comitibus, Vicecomitibus, Baronibus, & Militibus, quàm omnibus aliis, quorum interest, ad Parliamentum nostrum praedictum conventuris, Tenore Praesentium, firmiter in Mandatis quòd eidem Consanguineo nostro Intendant in Praemissis in forma praedicta.
In cujus rei Testimonium has Literas nostras fieri fecimus Patentes.
Teste meipso apud Westmonasterium duodecimo Die Decembris, Anno Regni nostri Tricesimo quarto. |
