|
| Syllabus Entry |
Foedera Text |
Aug. 6. Walter abp. of Dublin is appointed chancellor of Ireland. Westm.
O. xii. 633. H. v. p. iv. 104. |
Pro Cancellario Hiberniae.
An. 11. H. 7. Pat. 11. H. 7. p. 2. m. 6.
Rex universis & singulis Subditis nostris Terrae nostrae Hiberniae ac aliis quibuscumque, ad quos &c. Salutem.
Sciatis quòd,
Cùm Praecarissimum Filium nostrum Secundogenitum Henricum Ducem Eborum, Marescallum nostrum Angliae ac Custodem Quinque Portuum nostrorum, certis de Causis & Considerationibus Nos specialiter moventibus, Nominaverimus & Deputaverimus Locum nostrum tenentem Dominii & totius Terrae nostrae Hiberniae,
Plurimùm cupientes ut, eo Absente & ejus Juvenili Aetate durante, in dictâ Terrâ nostrâ Justitia recto tramite singulis Administretur,
De Fidelitate, Industriâ, Vitae Integritate, sanâ Conscientiâ, Experientiâ, atque Doctrinâ Reverendi in Christo Patris Walteri Archiepiscopi Dubliniae plurimùm confidentes,
Ordinavimus & Constituimus ipsum Archiepiscopum Cancellarium nostrum atque ejusdem Filii nostri Henrici Terrae nostrae Hiberniae,
Habendum, Tenendum, & Occupandum dictum Officium, cum omnibus Feodis, Vadiis atque aliis Emolumentis eidem Officio ab antiquo debitis & conseutis, quamdiu Nobis placuerit;
Dantes & Concedentes praefato Archiepiscopo plenam, Tenore Praesentium, Potestatem & Auctoritatem Magnum nostrum & ejusdem Filii nostri Sigillum, Officio Cancellarii Terrae nostrae praedictae Deputatum & Assignatum, Custodiendi, & cum eodem Sigillo omnia Brevia Comunis Justitae, aliasque Cartas & Literas, pro Bono Pacis dictae nostrae sive Administratione Justitiae in eadem, seu Utilitate nostrâ, prout Juris dictaeque Terrae nostrae consuetudinis & rationis fuerit, Sigillandi, Causasque Lites, coram eo in Cancellaria nostra infra eandem Terram nostram Hiberniae motas seu movendas, omni cum circumspectione Examinandi, easque Fine debito & prout Merita Causarum exigerint Terminandi, caeteraque omnia & singula, quae ad Officium Cancellarii Terrae nostrae praedictae de Jure sive Consuetudine ipsius Terrae nostrae pertinent aut pertinere debeant, Faciendi & Exequendi.
In cujus &c.
Teste Rege apud Westmonasterium, sexto die Augusti.
Per ipsum Regem. |
Aug. 11. Ratification of the treaty of Etaples by the three estates of Paris. Paris.
O. xii. 633. H. v. p. iv. 105. |
Ratifficatio Pacis per Tres Status de Paris.
An. 11. H. 7. Ex Autogr.
A Tous ceulx, qui ces presentes Lettres verront, Jaques d'Estouteville, Chevalier, Seigneur de Berne & de Blainuille Baron Duiry & de Sainct Andry en la Marche, Conseiller Chambellan du Roy nôtre Sire, & Garde de la Prevoste de Paris, Salut.
Savoir faisons que, l'An de Grace Mille, Quatrecens, Quatrevingtz & seize, le jeudi unzeime Jour d'Aoust, en ensuyvant & acomplissant le Contenu es Lettres Patentes du Roy nôtre dit Seigneur, Donnees ou Montilz le Vingt Septiesme Jour de Feurier derrenier passe, a Nous adrecans, a este de nôtre ordonnance, par les Examinateurs du Roy nôtre dit Seigneur ou Chstelet de Paris, fait Commandement depar le dit Seigneur & Nous a Grant Nombre de Personnes, tant Gens d'Eglise, Nobles de Conseil, Bougois, Marchans, que autres Citoiens de ceste Ville de Paris, de Venir & Comparoir le Jourduy en l'Auditoire Civil du dit Chastelet de Paris, pour Oyr le Traictie de Paix & Appoinctement fait entre le Roy nôtre dit Seigneur & le Roy d'Angleterre, & icelluy Ratiffier, Confermer & Approuver se ilz veoient que bon fust & que ce fust le Bien Prouffit & Utilite du Roy nôtre dit Seigneur & de son Royaume,
Ou quel Lieu & Auditoire sont Venuz & Comparus en grant Nombre Gens des ditz Estatz, en la presence des quelz & des Gens & Officiers du Roy nôtre dit Seigneur ou dit Chastelet a este fait Lecture par nôtre Greffier des dites Lettres du Roy nôtre dit Seigneur, ensemble des Articles faisans mencion des Traictie, Accord & Appoinctement faiz entre le Roy nôtre dit Seigneur & le dit Roy d'Angleterre, parmy les quelles ces presentes sont annexees soubz le Seel de la Prevoste de Paris,
Et, ce fait, leur a este par Nous Demande que leur en sembloit & estoit
Avis? A quoy par eulx & chascun d'eulx a este dit Declaire & Respondu, que il leur sembloit & estoit avis que le Contenu es ditz Articles Estoit & est le Bien Prouffit & Utilite du Royaume de France & de la Chose publicque, & que a ceste Cause le Contenu en iceulx ilz avoient & ont pour bien Agreables, & les avoient & ont Louez, Grees, Ratiffiees, Confermees & Approuvees en tous leurs Poins & Articles & en tant que mestier est & faire le peuent, & tout ainsi & par la forme & maniere que le dit Seigneur le Veult & Mande par ses dites Lettres.
En Tesmoing de ce Nous avons fait mettre a ces Presentes le Seel de la dite Prevoste de Paris; ce fut fare les An & Jour dessusdites.
Giguet.
Sub Sigillo Cerae nigrae, papiro obducto, pendente a Caudâ Pergamenae.
Philippus de Crevecuer, &c.
Charles, par le Grace de Dieu, Roy de France, au Prevoste de Paris ou a son Lieutenant, Salut.
Comme puis aucun temps &c. mutatis mutandis.
Sub Sigillo Magno Ceraealbae pendente a Caudâ Pergamenae. |
Aug. 26. Pardon for David abp. of Cashel, Thomas bp. of Lismore and Waterford, Gerald bp. of Cork and Cloyne, Maurice earl of Desmond, Edmund FitzMorys, baron of Clannor, and their adherents. Lewes.
O. xii. 634. H. v. p. iv. 105. |
De Pardonatione pro Hibernicis.
An. 12. H. 7. Pat. 12. H. 7. m. 9.
Rex omnibus Ballivis & Fidelibus suis, ad quos &c. Salutem.
Sciatis quòd, de Gratiâ nostrâ speciali, ac ex certâ Scientiâ & mero Motu nostris, PARDONAVIMUS, REMISIMUS & RELAXAVIMUS,
David Archiepiscopo de Kassell,
Thomae Episcopo de Lysmore & Waterford,
Geraldo Episcopo de Corke & Cloue,
Mauricio Comiti de Dessemond,
Edmundo Fitz Morys Baroni de Clannor,
Magistro Thomae de Dessemond,
Magistro Johanni de Dessemond,
Magistro Geraldo Fitz Gerard de Dessemond,
Mauricio Geralte,
Et Thomae Fitz Gerot de Dessemond,
Mauritio Domino Roche,
Jacobo Domino Courfy,
Jacobo Domino Barete,
Domino Mauritio le White Knight,
Domino Mauritio Militi de Kerye,
Domino Edmundo Militi de Waley,
Majori, Ballivis & Communitati de Yoghell,
Ac totae Sequelae suae quibuscumque aliis Nominibus iidem, Archiepiscopus, Episcopi, Comes, Edmundus, Thomas, Johaunes, Geraldus, Johannes, Mauricius, Jacobus, Jacobus, Mauricius, Mauricius, Edmundus, Major, Ballivi & Communitas, seu eorum aliquis, aut aliquis de Sequela praedicta censeatur,
Omnimoda, Proditiones, Rebelliones, Infurrectiones, Conspirationes, Mesprisiones, Concelamenta, Felonias, Murdra, Raptus Mulierum, Transgressiones, Cambipartias, Confoederationes, Manutenentias, Riotas, Routas, Conventicula illicita, Congregationes, Coadunationes, falsas Alligantias, Offensas, & alia Malefacta quaecumque, per ipsos Archiepiscopum, Episcopos, Comitem, Edmundum, Thomam, Johannem, Geraldum, Johannem, Mauricium, Thomam, Mauricium, Jacobum, Jacobum, Mauricium, Mauricium, Edmundum, Majorem, Ballivos & Communitatem, aut eorum aliquem, aut aliquem de Sequelâ praedictâ, ante haec tempora facta sive perpetrata, quamquam iidem Archiepiscopus, Episcopi, Comes, Edmundus, Thomas, Johannes, Johannes, Mauricius, Thomas, Mauricius, Jacobus, Jacobus, Mauricius, Mauricius, Edmundus, Major, Ballivi, Communitas, & Sequela sua praedicta inde Indictati, Appellati, Rectati, Impetiti, Attincti, Convicti, vel Adjudicati, aut aliquis eorum Indictatus, Appellatus, Rectatus, Impetitus, Attinctus, Convictus, vel Adjudicatus, existant vel existat, aut non existant vel non existat, aut Indictari, Appellari, Rectari, Impetiri, Attingi, Convinci, vel Adjudicari contigerit sive contigerint in futurum,
Necnon omnia & omnimoda Judicia, Executiones & Poenas Mortis super ipsos seu eorum aliquem, occasionibus praedictis seu eorum aliqua, redditas sive adjudicatas, aut reddendas sive adjudicandas,
Ac etiam Utlagarias, si quae in ipsos Archiepiscopum, Episcopos, Comitem, Edmundum, Thomam, Johannem, Geraldum, Johannem, Mauricium, Thomam, Mauricium, Jacobum, Jacobum, Mauricium, Mauricium, Edmundum, Majorem, Ballivos & Communitatem, aut aliquem de Sequela praedicta, occasionibus
praedictis, seu earum aliquâ, fuerint promulgatae, & Firmam Pacem nostram eis & eorum cuilibet indè Concedimus; ita tamen quòd stent & eorum quilibet stet Recto in Curia nostra, si quis versus eos aut eorum aliquem loqui voluerit de Praemissis, vel aliquo Praemissorum;
Proviso semper quòd praesens Pardonatio nostra se non extendat ad Dominum Barry, & Johannem Water, nec eorum alterum, pro aliquibus hujusmodi Offensis per ipsos seu eorum alterum factis sive perpetratis.
In cujus &c.
Teste Rege apud Lewys, vicesimo sexto die Augusti.
Per ipsum Regem. |
Sept. 2. Restitution of the temporalities to John Ingleby, bp. of Llandaff, vice John late bp., deceased. Westm.
O. xii. 635. H. v. p. iv. 105. |
De Restitutione Temporalium.
An. 12. H. 7. Pat. 12. H. 7. p. 1. m. 9.
Rex Escaetori in Comitatu Herefordiae ac Marchiis Waliae eidem Comitatui adjacentibus, Salutem.
Cùm Dominus Alexander Summus Pontifex nuper, Vacante Sede Episcopali Ecclesiae Cathedralis Landavensis, per Obitum, bonae memoriae, Johannis ejusdem Ecclesiae ultimi Pastoris & Episcopi, Personam Dilecti & Fidelis nostri Johannis Ingleby, ejusdem Ecclesiae Electi, in ipsius Ecclesiae Episcopum & Pastorem praefecerit, sicut per Literas Bullatas ipsius Summi Pontificis, nobis ostensas, plenius constare poterit,
Nos,
Pro eo quòd idem Electus in omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter se Submisit, volentes cum eo in hac parte agere gratiosè,
Cepimus Fidelitatem ipsius Electi, & Temporalia Episcopatûs illius, prout moris est, Restituimus eidem;
Et ideò Tibi Praecipimus quòd eidem Electo Temporalia praedicta, cum Pertinentiis, in Ballivâ tuâ, sine dilatione, Liberes in formâ praedictâ; salvo Jure cujuslibet.
Teste Rege apud Westmonasterium, secundo die Septembris.
Per Breve de Privato Sigillo.
Consimile Breve dirigitur Escaetori subscripto, in Comitatu subscripto, sub eadem Datâ; videlicet,
Escaetori Regis in Com. Salopiae ac Marchiis Walliae eidem Comitatui adjacentibus.
Et Mandatum est Militibus, &c. |
Sept. 2. Power for Richard bp. of Durham, keeper of the privy seal, William bp. of Carlisle, Thomas earl of Surrey, Ralph lord Nevyll, and two others, to negotiate a marriage between the K.'s daughter Margaret and James K. of Scotland. Similar commission to Richard bp. of Durham.
O. xii. 635. H. v. p. iv. 106. |
De Tractando cum Rege Scotorum super Matrimonio.
An. 12. H. 7. Scot. 12. H. 7. m. 25.
Rex omnibus, ad quos &c. Salutem.
Sciatis quòd Nos,
De Fidelitatibus, Industriis & providis Circumspectionibus, Dilectorum & Fidelium Consiliariorum nostrorum, Reverendorum in Christo Patrum, Ricardi Dunolmensis praefati Sigilli nostri Custodis, & Willielmi Carliolensis, Episcoporum, atque Carissimi Consanguinei nostri Thomae Comitis Surriae, necnon, Dilectorum & Fidelium nostrorum, Radulphi Nevyll Domini de Nevyll, Thomae Dacre Domini Dacre Militis Locumtenentis nostri Westmerchiarum versus Scotiam, & Willielmi Tyler Militis Locumtenentis nostri Villae nostrae Berewici, quamplurimùm confidentes,
Ipsos nostros veros & indubitatos Commissarios, Procuratores, Legatos, Deputatos & Nuncios speciales Assignamus, Facimus, Ordinamus, Deputamus & Constituimus per Praesentes,
Dantes & Concedentes eisdem, Quinque, Quatuor, Tribus & Duobus eorum (quorum praefatum Episcopum Dunolmensem unum esse volumus) plenam, Tenore Praesentium, Potestatem & Auctoritatem ac Mandatum generale & speciale, pro Nobis & Nomine nostro atque Praecarissimae Filiae nostrae Margaretae, cum Illustrissimo Principe Jacobo Scotorum Rege Consanguineo nostro Carissimo, seu ejus Commissariis, Procuratoribus, Deputatis, Oratoribus sive Legatis sufficientem Potestatem & Auctoritatem ab eodem Consanguineo nostro ad hoc habentibus, de & super Sponsalibus & Matrimonio, inter ipsum Illustrissimum Principem & Filiam nostram antedictam
contrahendis, & annuente Domino celebrandis,
Ac de & super Dote, seu Dotalitiis, & Donatione propter Nuptias, ex causa hujusmodi Matrimonii assignandâ, promittendâ, dandâ & solvendâ,
Necnon de & super tempore & forma Traditionis sive Traductionis & Deliberationis ipsius Filiae nostrae eidem Consanguineo nostro fiendae,
Tractandi, Concordandi, Appunctuandi, Conveniendi, Paciscendi, & finaliter Concludendi, Donationemque propter Nuptias praedicto Illustrissimo Principi, pro Nobis & Nomine nostro, Concedendi, Assignandi & Promittendi, caeteraque Loca & Tempora pro ipsius Filiae nostrae Traductione & Liberatione hujusmodique Dotis sive Donationis propter Nuptias Solutione Statuendi, Conveniendi & Limitandi,
Atque hujusmodi Dotem & Dotalitia seu Donationem propter Nuptias, ab eodem Illustrissimo Principe pro praedicta Filia nostra, Stipulandi, Petendi & Exigendi, Terrasque, Castra & Dominia, quae in Dotem praefatae Filiae nostrae per ipsum Consanguineum nostrum Scotorum Regem, aut ejus Nomine & Auctoritate Assignanda, Promittenda & Danda fuerint, Supervidendi, Taxandi, Aestimandi, & Possessionem eorum Nomine ejusdem Filiae nostrae Recipiendi, aut Supervideri, Taxari, Aestimari & Possessionem hujusmodi per alium vel alios Recipi, Appunctuandi & Committendi,
Necnon Cautiones, Securitates, Promissa, Obligationes, Literas & Scripturas sigillatas, pro Praemissorum complemento, Nomine nostro, Promittendi, Sigillandi, Tradendi & Deliberandi, ac Juramentum in Animam nostram, si opus fuerit, Praestandi, consimiliaque Secritates, Cautiones, Promissa, Obligationes, Literas ac Juramentum a praefato Illustrissimo Principe similiter Stipulandi, Petendi, Exigendi & Recipiendi,
Novamque Dietam, in talibus Loco & Tempore, prout melius eis visum fuerit, Statuendi & Appunctuandi, & inibi Communicandi, Conveniendi, Appunctuandi, Concordandi & Concludendi,
Caeteraque Faciendi & Expediendi quae in Praemissis seu circa ea necessaria fuerint seu quomodolibet oportuna; etiam si talia sint quae de se Mandatum exigant magis speciale;
Promittentes, bonâ Fide & in Verbo Regio, Nos Ratum, Gratum & Firmum habituros & observaturos totum & quicquid per dictos Commissarios, Oratores, Procuratores, Deputatos, Legatos sive Nuncios nostros Nomine nostro Actum, Gestum sive Procuratum fuerit in Praemissis, vel aliquo Praemissorum.
In cujus &c.
Teste Rege apud
secundo die Septembris.
Per ipsum Regem.
Consimilis Commissio dirigitur Dilecto Consiliario nostro Reverendo in Christo Patri Ricardo Episcopo Dunolmensi Custodi Privati Sigilli nostri &c. ut supra mutatis mutandis.
Per ipsum Regem. |
Sept. 22. Commission to Thomas bp. of London to conclude an alliance with the K. and Q. of Castile, and to treat concerning the marriage of prince Arthur with the lady Katharine. Windsor.
O. xii. 636. H. v. p. iv. 106. |
De Matrimonio Primogeniti Regis cum Infante Castellae.
An. 12. H. 7. Franc. 12. H. 7. m. 13.
Rex &c.
Quamquam cum omnibus Christianis Principibus Foedus & Amicitiam libenter habere & volumus & optamus, ut omnes intenti ad Comunem Pacem Christiana Respublica augeretur, tamen id libentius agimus cum illis Principibus cum quibus mutuus Amor & Benevolentia Nobis est,
Igitur, pro Conservanda, Confirmanda Augendaque Amicitia & Affinitate, quae est inter Nos & Serenissimos Principes Ferdinandum & Elizabetham, Dei gratiâ, Regem & Reginam Castellae, Legionis, Aragonum, &c. Consanguineos nostros Carissimos, & quia scimus ipsos idem velle & cupere,
Confidentes admodùm de Peritiâ, Prudentiâ, & Legalitate vestri Reverendi in Christo Patris Thomae Londoniensis Episcopi Commissarii & Consiliarii nostri,
Tenore Praesentium, de nostra certa Scientia, deliberatè & consultò, omnibus melioribus viâ, modo & formâ quibus de Jure & aliis possumus & valemus, Facimus, Constituimus, Creamus & Ordinamus nostrum verum, certum, legitimum & indubitatum Procuratorem, Oratorem & Nuncium specialem & ad Infrascripta generalem, ita tamen quòd Specialitas Generalitati non deroget, nec e contra, vos eundem Episcopum Absentem tanquam praesentem;
Videlicet, ut pro Nobis & Nomine nostro possitis & valeatis Tractare, Concordare, Facere & Firmare cum praedictis Rege & Regina Consanguineis nostris Confoederationem, Amicitiam, Ligam & Intelligentiam Strictam vel minus Strictam, Perpetuam vel ad Tempus (scilicet) inter Nos Haeredesque & Successores nostros Reges Angliae & Franciae, Regnaque & Dominia nostra, ac Subditos nostros Parte ex una, &, eosdem Serenissimos Principes, Ferdinandum & Elizabetham Regem & Reginam Castellae, Legionis, Aragonum, &c. Haeredes & Successores suos, ac Regna & Dominia sua, & Subditos suos, Parte ex altera, cum expressa tamen Exceptione Sanctissimi Domini nostri Papae, & Sanctae Matris Ecclesiae, &, Serenissimorum Principum, Johannis Daciae & Manuelis Portugaliae Regnum Consanguineorum & Confratrum nostrorum Carissimorum, vel ipsis in eadem Confoederatione expressè inclusis, si in ea includi voluerint,
Et possitis quaecumque Capitula & Instrumenta & quoscumque Contractus Confoederationis & Amicitiae, pro Nobis & Nomine nostro, cum eisdem Serenissimis Rege & Regina facere, stipulare & firmare, fierique facere, petere & instare, cum illis Pactis, Vinculis, Conditionibus, Promissionibus, Obligationibus, Poenis, Summissionibus, Renuntiationibus, Securitatibus, Juramentis, Clausulis & Cautelis, quibus volueritis & vobis benè visum fuerit, & pro eisdem firmiter tenendis, adimplendis & inviolabiliter observandis quaecumque Juramenta in Animam nostram facere & praestare, & quascumque Obligationes & Securitates Nomine nostro & pro Nobis facere & firmare, eisdem Serenissimis Regi & Reginae Castellae, Legionis, Aragonum, &c.
Et eadem Juramenta & similes Obligationes & Securitates ab eisdem Serenissimis Rege & Regina Petere, Recipere & Acceptare,
Et alia omnia & singula Facere & Firmare, quae in Praedictis & circa ea requirantur & necessaria sint seu quomodolibet oportuna:
Et quoniam, pro majori Conservatione & Securitate praedictae Confoederationis & Amicitiae, inter Nos & dictos Serenissimos Regem & Reginam, ut praedictitur, faciendae, & pro Augmento Affinitatis nostrae, fuit inter Nos & Ipsos Tractatum, Medio Oratorum nostrorum, quòd Praecarissimus Arthurus Princeps de Gales Filius legitimus Primogenitus & Haeres noster contrahat Matrimonium cum Illustrissima Catherina Infante Castellae & Araganum Filia sua Carissima,
Et quia Mens & Voluntas nostra est, si eisdem Regi & Reginae Castellae, Legionis, Aragonum &c. ita placuerit, quòd praedictum Matrimonium fiat & concludatur,
Propterea eodem Tenore Praesentis, Damus & Concedimus vobis dicto Episcopo Commissario & Procuratori nostro plenum posse nostrum, ut, pro Nobis & Nomine nostro, possitis Tractare, Concordare & Firmare cum dictis Serenissmis Rege & Regina Castellae, Legionis, Aragonum, &c. Consanguineis nostris Sponsalia & Matrimonium praedicti Praecarissimi Arthuri Principis Filii nostri Primogeniti & Haeredis cum praedicta Illustrissima Infante Catherina Filia eorumdem Regis & Reginae Consanguineorum nostrorum Carissima, & Promittere quòd Nos faciemus & curabimus dabimusque operam cum effectu quòd praedictus Praecarissimus Arthurus Princeps de Gales Filius Primogenitus & Haeres noster, cùm ad legitimam pervenerit Aetatem ad faciendum, concedendum, & contrahendum praedicta Sponsalia & Matrimonium, illud faciet, concedet & contrahet, per Verba de praesenti, Matrimonium facientia, juxta ordinem Sanctae Romanae Ecclesiae, cum dicta Illustrissima Infante Catherina Filia eorumdem Regis & Reginae cùm Ipsa quoque ad legitimam pervenerit Aetatem ad illud faciendum, concedendum & contrahendum, & quòd postea Celebrabit & Consummabit dictum Matrimonium cum dicta Illustrissima Catherina prout & quemadmodum legitimi Vir & Uxor id facere debent,
Possitisque Nomine nostro & dicti Praecarissimi Arthuri Filii nostri Primogeniti & Haeredis Petere & Recipere similem Promissionem & Obligationem a dictis Rege & Regina Castellae, Legionis, Aragonum, &c. pro seipsis & Nomine praedictae Illustrissimae Katherinae, eorumdem Regis & Reginae Filiae (videlicet) quòd, cùm ipsa Illustrissima Katerina ad legitimam pervenerit Aetatem, ut praefertur, faciet Sponsalia & contrahet Matrimonium, per Verba de praesenti, juxta Ordinem Sanctae Matris Ecclesiae Romanae, cum dicto Praecarissimo Arthuro Principe Filio nostro Primogenito & Haerede, & Consummabit & Celebrabit cum eo dictum Matrimonium prout & quemadmodum legitimi Vir & Uxor id facere debent,
Et possitis Concordare & Firmare quòd praedicta fieri debeant & adimpleri Modis, Formis, Temporibus & Locis quibus vobis dicto Commissario & Procuratori nostro benè visum fuerit, & prout Vos ea concordabitis, concedetis, capitulabitis & firmabitis,
Damus etiam Potestatem & Facultatem Vobis, dicto Commissario & Procuratori nostro, ut possitis Petere, Concordare & Firmare cum dictis Rege & Regina Castellae, Legionis, Aragonum, &c. Consanguineis nostris Dotem, quam ipsi dare teneantur cum dicta Illustrissima Katerina Filia sua, in Jocalibus Auri, Lapidibus preciosis & in Argento & Vestibus & Ornamentis Personae & Domûs suae & in Pecuniis, Summam (videlicet) & quantitatem quae vobis benè visa fuerit, ac Terminis & Locis quibus illam dare & solvere teneantur, & Conditiones Pacta & Conventiones quae in Solutione & in Restitutione ejusdem Dotis poni, concedi & firmari debeat,
Et nichilominus Damus Vobis Potestatem & Facultatem ut possitis Concordare Augmentum Dotis & Donationem propter Nuptias & Cameram, quae debent dari & assignari dictae Illustrissimae Catherinae Filiae eorumdem Regis & Reginae, & in quibus Civitatibus, Villis & Locis & Redditibus, prout vobis dicto Commissario & Procuratori nostro benè visum fuerit,
Et demùm possitis Facere & Firmare Omnia & Singula, quae pro expeditione & complemento dicti Matrimonii necessaria convenientia & oportuna vobis videbuntur,
Et de Praedictis omnibus & singulis possitis Concordare, Facere & Firmare, Nomine nostro, cum praefatis Serenissimis Rege & Regina Castellae, Legionis, Aragonum, &c. Consanguineis nostris, fierique Facere, Petere & Instare, quaecumque Capitula & quoscumque Contractus, cum illis Pactis, Conditionibus, Obligationibus, Juramentis, Securitatibus, Poenis, Summissionibus, Renunciationibus & Promissionibus quibus volueritis,
Et generaliter omnia alia & singula Facere & Firmare, cujuscumque Naturae, Qualitatis & Importantiae fuerint aut esse poterint in Praedictis & circa ea, quae Nos facere possemus si in Praemissis personaliter adessemus, etiam si talia sint quae ad ea conficienda Praeceptum exigant magis speciale,
Damusque etiam & Concedimus vobis dicto Commissario & Procuratori nostro plenum Posse, ut possit Jurare in Animam nostram quòd Tenebimus, Observabimus & Adimplebimus realiter, & cum effectu, omnia & singula quae in Praedictis & circa ea Nomine nostro concordabitis, capitulabitis, jurabitis, concedetis & firmabitis, omni Fraude cautela & dolo cessantibus,
Possitisque simile Juramentum Petere & Accipere ab eisdem Serenissimis Rege & Regina Castellae, Legionis, Aragonum, &c. Consanguineis nostris,
Pro quibus & singulis Antedictis cum Incidentibus, Dependentibus & Emergentibus ex eisdem ac eis Annexis Damus & Concedimus Vobis plenum Posse cum libera & generali Administratione,
Promittimusque, in Fide & Verbo nostro Regio, praefatis Serenissimis Regi & Reginae Castellae, Legionis, Aragonum, &c. & Nos Obligamus Nos Tenere, Observare & Adimplere realiter & cum effectu Omnia & Singula quae in Praedictis & circa ea, Nomine nostro, per Vos dictum Commissarium & Procuratorem nostrum fuerint Facta, Concordata, Capitulata, Assecurata, Promissa, Jurata & Firmata, eis modo & formâ quibus Vos ea concordabitis, capitulabitis & firmabitis, & nullo unquam tempore Revocare, nec contra ea aut eorum aliquod facere vel venire aliquo tempore nec modo aliquo, sub Obligatione omnium Bonorum nostrorum Patrimonialium & Fiscalum.
In quorum testimonium &c.
Dat. in Castro nostro de Wyndesore, Die vicesimo secundo Mensis Septembris, Anno a Nativitate Domini Millesimo, Quadringentesimo, Nonagesimo Sexto, & Regni nostri Duodecimo.
Per ipsum Regem. |
Sept. 23. The K. declares that Robert Shirbourn, his ambassador at Rome, has entered in his name into the league between pope Alexander [VI.], Maximilian K. of the Romans, Ferdinand and Isabella [Elizabetha], K. and Q. of Spain, Augustin Barbadico, doge of Venice, and Lewis Maria Sforza, duke of Milan, at Rome, July 18, 1496. Windsor.
O. xii. 628. H. v. p. iv. 107. |
Literae, super Liga Italica, de Approbando & Ratificando.
An. 12. H. 7. Franc. 12. H. 7. m. 12.
Rex Universis & singulis, ad quos &c. Salutem.
Cùm Sanctissimus Dominus noster Alexander Sextus, Serenissimusque Dominus Maximilianus Romanorum Rex, ac Serenissimi Principes Ferdinandus Rex & Elizabetha Regina Hispaniarum, necnon Illustrissimus Domi-
nus Augustinus Barbadico Venetiarum Dux, & Illustrissimus Dominus Ludovicus Maria Sforcia Anglus Dux Mediolani, quandam Confoederationem, Colligationem, Unionem, Intelligentiam & Ligam, ad finem Pacis & pro conservanda Dignitate & Auctoritate praefati Sanctissimi Domini nostri Papae atque Sedis Apostolicae, necnon pro totius Christianae Religionis Salute, sub Anno Domini Millesimo, Quadringentesimo, Nonagesimo quinto, Die ultimoâ Mensis Martii, prout Nobis significârunt, invicem contraxerint, inierint atque firmaverint, & ut in eandem Confoederationem & Ligam intraremus saepenumerò Nos requisiverunt & inviteârunt,
Undè Nos, summopere Deo complacere Sanctissimoque Domino nostro inservire, ac Dignitati, Auctoritatique suae Sanctitatis ac Sacrae Sedis Apostolicae consevandis, totique Christianae Religioni pro viribus Prodesse studentes, necnon ad contemplationem Serenissimorum praefatorum Dominorum, atque tàm Salutaribus tamque honestissimis eorum Votis & Desideriis, quantum cum Honore nostro valeamus, annuere cupientes, nostrum ad eandem Sanctitatem suam Oratorem sive Nuncium Dominum Robertum Shirbourn, cum quibusdam Instructionibus nostram super Praemissis Mentem continentibus, jam paulo ante transmisimus.
Qui quidem Orator sive Nuncius noster, in Urbe Romana cum sua Sanctitate caeter orumque Serenissimorum Principum antedictorum Oratoribus constitutus, & ab eodem Sanctissimo Domino nostro Confoederatorumque praedictorum Oratoribus ac Procuratoribus de novo requisitus & invitatus, dictam Ligam, Colligationem & Unionem Anno Domini Millesimo, Quadringentesimo, Nonagesimo sexto, Die verò Decimâ octavâ Mensis Julii, Nomine nostro intravit,
Ipsumque sic intrantem praefatus Sanctissimus Dominus noster & praedictorum Principum Oratores & Procuratores No minibus suorum Dominorum acceptârunt & admiserunt, ac de novo Ligam, Colligationem & Unionem praedictas, quoad Capitula subsequentia, ut praemittitur, Nominibus praedictis, inierunt & contraxerunt,
Quorum autem dictorum Ligae ac Capitulorum, sic ut praefertur per ipsum Oratorem nostrum de novo conclusorum, Tenor sequitur, & est talis,
Et Primo, supranominati, Sanctissimus Dominus noster Dominus Alexander Papa Sextus pro Se & Successoribus suis canonicè intrantibus ac Sanctae Romanae Ecclesiae Adhaerentibus Commendatis & Subditis, necnon Serenissimus Dominus Maximilianus Romanorum Rex, Henricus Angliae Rex ejus Nominis Septimus, Ferdinandus & Elizabetha Rex & Regina Hispaniarum, & Illustrisimi Domini, Augustinus Barbadico Dux Venetiarum, & Ludovicus Maria Sforcia Anglus Dux Mediolanensis, pro se & Successoribus suis ac Adhaerentibus Commendatis & Subditis & pro eis & quolibet eorum respectivè Procuratores & Oratores Supranominati nominibus quibus Supra ineunt & contrahunt bonam meram & puram Unionem, Confoederationem, Intelligentiam & Ligam, duraturam usque ad Annos Viginti quinque, & ultra usque ad illud totum tempus quòd ipsis Partibus placitum fuerit, ad mutuam, ut dictum est, Conservationem Statuum Partium praedictarum & unius cujusque earum, contra omnes & quoscumque, quiqui illi fuerint, Dominos & Potentatus, in Italia impraesentiarum Statum habentes & tenentes, & si, durante Liga hujusmodi, Statum habere in Italia desierint, qui de caetero non Provocati & non Lacessiti offenderent per Se vel alium Partes praedictas, vel ipsarum aliqum, seu Status Adhaerentes Commendatos & Subditos uniuscujuque Partium praedictarum,
Item, Convenerunt quòd praefatus Sanctissimus Dominus noster Juvare debeat Confoederatos praedictos cum Armis Spiritualibus, juxta rei exigentiam & quantum de Jure liceret suae Sanctitati.
Item, si forte occurreret (quod Deus avertat) quòd ad Bellum deveniret, non possit quovis modo fieri Pax nisi cum scientia Sociorum, & cum Reservatione & sine prejudicio praesentis Confoederationis & Ligae.
Item, Casu quo Offendens Offenso pro Offensione Satisfactionem exhiberet, Treogas & Inducias peteret a Bello aut Molestia desistere, & Se coram Confoederatis Juri subicere vellet, teneatur tunc Offensus acquiescere, & Partes illas oblatas Judicio & Consilio Confoederatorum acceptare & relinquere; & si talis Offensus nollet, possint Caeteri ex Liga Auxilium in eo Casu ab ipso Offenso amovere, & pro eo Bello de caetero denegare.
Item, Convenerunt quòd aliqua Pars praedictarum, factâ Conclusione praesentis Ligae, non possit ad aliquam Intelligentiam seu Ligam devenire cum ali-
qua Potentia habente, ut Superius est expressum, in Italia Statum, nisi de Comuni Consensu & Voluntate omnium Partium, & nisi fuerit sine Praejudicio & cum Reservatione Capitulorum praesentis Ligae, quibus nullo modo liceat derogari.
Item, Reservetur unicuique Domino & Potentatui Locus ingrediendi hanc Ligam, secundùm uniuscujusvisque decentiam, cum illis Modis Conditionibus & Obligationibus quae Partibus, contrahentibus hanc Ligam, visae fuerint & placebunt.
Item, post Conclusionem praesentis Ligae teneantur Partes & quaelibet earum, infra Menses Tres, nominâsse invicem suos Adhaerentes & Commendatos, cum hac Declaratione, pro majori Cautela, quòd nulla Partium nominare possit in hujusmodi Denominatione facienda aliquem Dominum aut Potentatum, qui Dignitate Titulo aut Potentiâ non sit inferior unicuique Partium Principalium hujus Confoederationis; & hoc quoniam si quis majoris gradûs Beneficio ipsius Confoederationis uti voluerit, aequum quoque est eum aliorum Confoederatorum Cognitionibus & Alligationibus pariter subjacere, prout Partibus contrahentibus visum fuerit conveniens.
Item, praesens Liga & Confoederatio per Partes contrahentes, infra Terminum Trium Mensium, a Die Stipulationis praesentis Unionis & Ligae, hincinde in forma publica & autentica, per publica Instrumenta & Literas, debeat Approbari & Ratificari, Instrumentaque vel Literae Ratificationis hujusmodi vicissimmitti & tradi debeant; firmis nichilominus remanentibus in omnem eventum aliis omnibus Capitulis hujus Confoederationis.
Item, convenerunt quòd praesens Liga per Sanctissimum Dominum nostrum & Illustrissimos Duces praefatos solempniter publicari debeat Die Dominicâ ultimoâ praesentis Mensis Julii, qui erit in Terris & Dominiis cujuslibet eorum, cum Solempnitatibus & Processionibus Demonstrationibusque & Signis Gaudii & Laetitiae ut est consuetum; & hoc idem servetur a Caesaria Majestate, Serenissimis Regibus Hispaniarum & Angliae, faciantque similem Publicatinem post habitam Notitiam, in una ex Festivitatibus pro Signis sequentibus ipsam Notitiam a Majestatibus suis habitam.
Item, nè magis Potentes minus Potentes opprimant, utque culibet quod sibi Jure competit reddatur, convenerunt Partes praedictae quòd, si fortè occurreret ad Bellum devenire, in quo Belló caperentur à Copiis Confoederatorum Dominia, Castra, Loca aut Bona quae essent aut fuissent alicujus ipsarum Partium sive earum Adhaerentium & Commendatorum, similiterque illorum qui de Consensu & Voluntate Confoederatorum, post conclusionem Ligae, Ligam intrabunt, in hoc Casu ipsa Dominia, Castra, Loca & Bona restitui debeant Spoliatis, cum illis Pactis & Conditionibus quae Partibus contrahentibus hanc Ligam videbuntur.
Item, si aliqua Pars in Liga comprehensa, vel quae post contractum Ligae Ligam intrabit, aut Domini vel Comunitates pro Adhaerentibus aut Commendatis dati, per aliquam Partium in Liga comprehensarum offenderet aliquem ex Partibus Principalibus, seu Adhaerentes aut Commendatos alicujus ipsarum Partium, non intelligatur Liga violata quoad alias Partes Principales contra facientes, sed omnes aliae Partes Principales in Liga comprehensae teneantur, ad Requisitionem Offensi contra Offendentem Subsidia praestare Offenso pro ejus Defensione, bonâ fide, secondùm Casus exigentiam, quemadmodum facerent & facere deberent si talis Offendens esset in Liga tanquam Principalis aut Accessorius in Liga comprehensus.
Item, contingente Casu Belli (quod absit) cum aliquo ex Colligatis vel in Liga comprehensis, Partes aliae non solùm teneantur non date Transitum & Receptum, ac Victualia Gentibus ad Offensam alicujus Partium transeuntibus, sed illis Tansitum interdicere, non solum denegando sibi praedicta, sed etiam Obsistendo nè transeant ad Offensam ut supra, bonâ fide & secondùm Casûs exigentiam.
Item, quòd aliqua Partium praedictarum non possit nec debeat accipere nec conducere ad Servitia & Stipendia sua aliquem Capitaneum Armorum, Ductorem, Conestabilem, vel alium Stipendiarium alicujus alterius Partis sine Scientia & consensu illius Partis cujus esset Stipendiarius; Et, si aliquis ex praedictis Capitaneis Armorum, Ductoribus, Armigeris, Conestabilibus, & Stipendiariis fugeret & se reciperet in Dominium alicujus ex eisdem Partibus, Pars illa, in cujus Dominium hujusmodi transfugerent, teneatur, ad omnem requisitionem & instantiam Partis a quâ aufugerent, eas realiter & personaliter detineri facere in quocumque Loco Dominii sui, nec possint relaxari donec restituerint quicquid abstulerint, aut cum hiis a quibus aufugerint concordes fuerint.
Item, cùm, ex laudabili Consuetudine & Sacrorum Canonum institutis, Serenissimus Dominus Romanorum Rex, ad Imperatorium Culmen Electus, pro Caesareo Diademate accipiendo Romam sit profecturus, praefati Sanctissimus Dominus noster & Illustrissimi Domini Duces promiserunt & promittunt praefatae Caesariae Majestati & omnibus Copiis suis Transitum liberum per omnes Civitates & quaecumque Loca & Passus Ditionum suarum & cum exhibitione Commeatuum necessariorum, qui tamen solvi debeant ab ipsis Gentibus Pretio convenienti, nec aliqua Molestia, Injuria, Dampnum aut Offensio inferri debeant ab eisdem Copiis alicui Subditorum aut Locorum praefati Sanctissimi Domini nostri & Illustrissimorum Dominorum Ducum, qui similiter praestabunt omne Auxilium & Favorem oportunum pro habundantiori Copia Commeatuum praedictorum.
Item, pro Declarandâ universo Orbisummâ observantiâ, quâ Illustrissimi & Excellentissimi Domini Veneciarum & Mediolani Duces prosequuntur Caesaream Majestatem, praefati Illustrissimi Domini Duces promiserunt eidem Majestati, proficiscenti Romam ad accipiendum Coronam Imperii sui, mittere ad eam Comitandum Elmettos Quadringentos pro quolibet ipsorum Dominorum Ducum propriis Stipendiis & Impensis; quae quidem Copiae comitari debeant Majestatem praenominatam Romam usque, & stare ad omnem ipsius Obedientiam & Mandatum: Et insuper supra nominatus Dominus Robertus, ut Principalis ac privata Persona, ac Vice & Nomine supranominati Serenissimi Domini Regis Angliae, pro quo de rato & ratihabitione Promisit & Convenit simili solempni Stipulatione intervenienti cum Confoederatis & Colligatis praedictis, & Stephano quondam Alexandri Civi Narvien. Publico Apostolicâ & Imperiali Auctoritatibus & Camerae Apostolicae Notario, tunc ut publicae Personae praesenti Stipulanti & Recipienti pro eis, quòd Serenissimus Rex Angliae suus Principalis omnia & singula, in dictis Capitulis & praesenti Contractu contenta & expressa, per publicum Instrumentum, sive per ejus Literas Regias suae Majestatis signatas, & solito Sigillo pro more Regni ejus sigillatas, in autenticâ formâ, liberè & absolutè, infra Tres Menses proximò futuros, a Die praesentis Stipulationis computandos, apud Dominos Confoederatos, Ratificabit, Acceptabit & Emologabit ut jacent; Promittentes supranominatus Sanctissimus Dominus noster ut supra, ac Oratores & Procuratores praefati & ipsorum quilibet Nomine suorum Principalium praedictorum respectivè, invicem inter se, solempni Stipulatione interveniente, & Notario suprascripto ut publicae Personae praesenti Stipulanti & Recipienti pro eis & eorum quolibet, Haeredibusque & Successoribus suis, & omnibus quorum interest, intererit aut interesse poterit quomodolibet futurum, Praemissa omnia & singula, in praesenti Contractu & Capitulis suprascriptis contenta & expressa, prout jacent, Attendere, Observare & effectualiter Adimplere, & nullo modo contrafacere vel venire per se vel per alium seu alios, aliquâ ratione, occasione vel causâ, directè vel indirectè, tacitè vel expressè, publicè vel occultè, aut quovis quaesito colore, sub Poena eadem, quae in Contractu alterius Ligae, de qua supra, exposita & expressa fuit & est per Partem Contrafacientem ipso facto incurrenda, & Partibus Observantibus applicanda, quâ Poenâ commissâ vel non, Soluta vel non, exactâ vel non, nichilominus praedicta omnia & singula recta sint & firma perdurent, Obligantesque (videlicet) Sanctissimus Dominus noster sua & Romanae Ecclesiae, Procuratores verò praefati, eisdem Nominibus eorumdem suorum Principalium, Bona respectivè praesentia & futura, Statusque & Dominia eorum pro Observatione & Impedimento praedictorum omnium & singulorum, Renunciantes Exceptioni non sic celebrati Contractûs, Rei non sic vel aliàs gestae, Exceptioni Doli Mali, Metûs, Conditioni indebitae sine Causâ vel ex injustâ Causâ, & omnibus aliis Exceptionibus eis & ipsorum cuilibet Nominibus praedictis adversus Praemissa & quodlibet Praemissorum quomodolibet competentibus & competituris,
Per hunc autem praesentis Ligae Contractum, cum praefato Serenissimo Domino Rege Angliae initae, praefati Confoederati (videlicet) Sanctissimus Dominus noster, Serenissimi Romanorum & Hispaniarum Reges & Regina, necnon Illustrissimi Domini Venetiarum & Mediolani Duces, & pro eis Procuratores praefati, dictis nominibus, non intellexerunt nec intelligunt recedere aliquo modo a supradictâ Ligâ & Confoederatione inter eos initâ & celebratâ, Die ultimâ Mensis Martii, Millesimo, Quadringentesimo, Nonagesimo quinto, de qua supra in Principio fit mentio, neque intelligunt in aliquo ab eadem Liga Capitulis & Obligationibus caeterisque aliis in ea contentis esse Recessum, aliis-
que Derogatum praejudicatum seu quomodolibet alteratum; sed in omnibus & per omnia illam Firmam, Ratam & Immutatam perdurare ac penitùs observare & implere, perinde ac si praesens Liga & Confoederatio cum praedicto Serenissimo Domino Rege facta minimè fuissent,
Et, pro majori omnium & singulorum praedictorum Robore & Firmitate, Sanctissimus Dominus noster IN VERBO PONTIFICIS affirmavit, Oratores verò & Procuratores praefati & quilibet ipsorum in Animas suorum Principalium praedictorum, in Pectoribus ad Sancta Dei Evangelia corporaliter manu tacta scripturae, respectivè Jurârunt Praemissa omnia & singula vera esse & ea attendere & observare ut supra, sub Poenâ & Obligatione praedictis,
Rogantes Notarium suprascriptum ut de praedictis omnibus & singulis publicum conficeret Instrumentum unum vel plura conformia ad futuram rei memoriam.
Acta fuerunt haec Romae in Palatio Apostolico apud Sanctum Petrum in Aula Pontificum, Anno Domini Millesimo, Quadringentesimo, Nonagesimo sexto, Dieque Decimâ octavâ Mensis Julii supradicti.
Praesentibus ibidem,
Reverendis in Christo Patribus & Dominis,
Bartholomaeo Archiepiscopo Cusenten.
L. Episcopo Caputaquen.
Sanctissimi Domini nostri Secretariis,
Jeronimo Episcopo Archadien.
Felino Episcopo Pennen,
Johanne Electo Tullen.
Johanne Baptista Episcopo Mutinen. ipsius Sanctissimi Domini nostri Datario,
Francisco de Bogia Electo Thrauen.
Martino de Azpedia Apostolicae Sedis Prothonotario,
Antonio de Monte Sacri Palatii Apostolici Causarum Auditore,
Johanne de Montay Oratore Serenissimi Domini Regis Hungariae,
Johanne Copis Archidiacono Leodien.
Francisco de Parma in Majori Parco Abbreviatore,
Et Antonia Fabregnes Cubiculario Sanctissimi Domini nostri Papae,
Testibus ad Praemissa vocatis habitis & specialiter requisitis & rogatis.
Quae quidem omnia et singula praefata Capitula sive Articulos, in hac nova Liga contenta, Laudamus, Approbamus, Confirmamus, Ratificamus & Emologamus.
In quorum &c.
Dat. in Castro nostro de Wyndesore, Anno Domini Millesimo, Quadringentesimo, Nonagesimo sexto, Regni verò nostri Duodecimo, Mensisque Septembris Die Vicesimo tertio.
Consimiles Literae in omnibus erant per Dominum Regem eisdem Loco & Tempore signatae, sigillatae & expeditae, praeterquam quòd in Themate ista Clausula erat apposita & adjecta post verbum UNIONEM primitùs tamen contentis, in dictâ Ligâ, Die ultimâ Martii conclusa, mutuum (videlicet) Succursum sive Subsidium dictorum Confoederatorum concernentibus, propter nimiam Locorum distantiam, caeterasque Causas, in dictis nostris Instructionibus palàm exhibitas & ostensas, specificatas, ex Sanctissimi Domini nostri ac aliorum Serenissimorum Principum praefatorum Oratorum & Procuratorum Consensu, penitùs omissis,
Et in Ratificatione ejusdem apponatur ista Clausula, Mutuum Succursum sive Subsidium minimè concernentia (videlicet) immediatè post hoc verbum CONTENTA, & immediatè ante hoc verbum Laudamus. |
Oct. 6. Restitution of the temporalities to Henry bp. of Bangor, vice Richard late bp., deceased. Westm.
O. xii. 642. H. v. p. iv. 108. |
De Restitutione Temporalium.
An. 12. H. 7. Pat. 12. H. 7. m. 5.
Rex Escaetori suo in Comitatu Salopiae ac Marchiis Walliae eidem Comitatui adjacentibus, Salutem.
Cùm Dominus Summus Pontifex nuper, vacante Ecclesiâ Cathedrali Bangorensi per Obitum, bonae memoriae, Ricardi ejusdem Ecclesiae ultimi Pastoris & Episcopi, Personam Dilecti nobis in Christo, Henrici ejusdem Ecclesiae Electi in ipsius Ecclesiae Episcopum praefecerit & Pastorem, sicut per Literas Bullatas ipsius Domini Summi Pontificis, Nobis indè directas, Nobis constat,
Nos,
Pro eo quòd idem Electus omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae no-
strae humiliter se Submisit, volentes cum eo in hac parte agere gratiosè,
Cepimus Fidelitatem ipsius Electi, & Temporalia Episcopatûs illius, prout moris est, Restituimus eidem;
Et ideò Tibi Praecipimus quòd eidem Electo Temporalia praedicta, cum Pertinentiis, in Ballivâ tuâ, sine dilatione, Liberes in formâ praedictâ; salvo Jure cujuslibet.
Teste Rege apud Westmonasterium, sexto Die Octobris.
Per Breve de Privato Sigillo.
Et Mandatum est Militibus, &c. |
Oct. 10. Warrant for the payment of 10 marks, a whole year's annuity, to Bernard Andree, the blind poet. Sheen.
O. xii. 643. H. v. p. iv. 109. |
Pro Bernardo Andreae, Poeta Caeco.
An. 12. H. 7. Pen. Cler. Pell.
Henry, by the Grace of God, King of England and of France, and Lord of Ireland, to the Tresourer and Chamberlains of our Eschequier, Greting.
Where Wee, by our Lettres Patents under Our Great Seal, have Yeven and Granted unto Bernard Andree the Blind Poet an Annuity of Tenn Marcs by the Yeare, to be perceived by your Hands at the Receipt of our said Eschequier, whereof v. Marcs were payable at the Fest of Saint Michel th'Archaungell last past,
We, for divers Considerations Us moeving, be content that ye pay unto him, in hand, at this time, in redy Money, Tenn Marcs for the hool Yere to be ended at Ester next comyng,
And therefore We Wol and Charge you that without delaie ye content and pay unto the said Bernard, or to his Deputie bringer herof, the said Tenn Marcs, which shall be due unto him at Ester next comyng as is aforesaid, without Prest or other Charge to be sette upon him for the same;
And thies our Letters shall be your sufficient Warrant and Discharge in that Partie.
Yeven under our Prive Seal at our Mannor of Shene, the tenth Day of October the twelfth Yere of our Reigne. |
Oct. 28. Pope Alexander [VI.] desires the abp. of Canterbury, and the bps. of Durham, Bath and Wells, and London, to appoint Irish bps. to hold a convocation of the clergy of Ireland. Rome.
O. xii. 643. H. v. p. iv. 109. |
Pro Praelatis Hyberniae convocandis.
Registrata apud me L. Podocatharum.
An. 12. H. 7. Ex Origine.
Alexander Episcopus, Servus Servorum Dei, Venerabilibus Fratribus, Archiepiscopo Cantuariensi, & Dunclmensi, ac Bathoniensi & Wellensi, necnon Londoniensi Episcopis, Salutem & Apostolicam Benedictionem.
Inter Curas multiplices, quae Nobis ex Apostolatûs Officio incumbere dinoscuntur, illam libenter amplectimur per quam Ecclesiarum omnium, praesertim Metropolitanarum & Cathedralium, Statui, & Indemnitati, ac prospero & felici Regimini salubriter consulatur, prout Catholicorum Regum & Principum exposcit Devotio, & id in Domino conspicimus salubriter expedire.
Sanè, pro Parte Carissimi in Christo Filii nostri Henrici Angliae Regis Illustris Nobis nuper exhibita Petitio continebat, quòd in Insula Hiberniae, praesertim in certa illius Parte quae est Sylvestris, expedit de necessitate, pro directione ac bono & felici Regimine Ecclesiarum Metropolitanarum & Cathedralium dictae Insulae, ac Cleri & Populi illarum, de aliquo oportuno Remedio provideri,
Quare pro Parte dicti Regis Nobis fuit maximâ cum instantiâ humiliter Supplicatum, ut in Praemissis opportunè providere de Benignitate Apostolicâ dignaremur,
Nos igitur, qui Ecclesiarum omnium Statum in melius dirigi, nostris potissimè temporibus, supremis desideramus Affectibus, hujusmodi Supplicationibus inclinati, Fraternitati vestrae, de qua in hiis & aliis specialem in Domino fiduciam obtinemus, ac cuilibet vestrûm, hac vice duntaxat, aliquos Archiepiscopos, Episcopos sive Praelatos bonae & timoratae Conscientiae, quos magis ydoneos esse noveritis, vel quilibet vestrûm noverit, ad Convocandum universos Archiepiscopos, & Episcopos, ac Clerum, & Populum dictae Insulae ad aliquem Locum, ad id aptum & ydoneum,
In qua quidem Convocatione per ipsos Archiepiscopos, Episcopos sive Praelatos de rebus Statum ac bonum prosperum & salubre Regimen Ecclesiarum, ac Cleri, & Populi praedictorum concernentibus agatur & tractetur, & desuper
juxta Sanctorum Patrum Decreta ac Canonicas Sanctiones debitè provideatur, & qui contra Contradictores quoslibet & Rebelles per Censuras Ecclesiasticas ac alia Juris opportuna Remedia Appellatione postpositâ, prout opus fuerit, procedere possint, Nominandi,
Apostolicis necnon, bonae memoriae, Ottonis & Ottoboni olim in dicto Regno Apostolicae Sedis Legatorum, ac in Provincialibus & Sinodalibus Conciliis editis Generalibus vel Specialibus Constitutionibus & Ordinationibus, caeterisque contrariis nequaquam obstantibus, plenam & liberam Auctoritate Apostolicâ, Tenore Praesentium, Concedimus Facultatem.
Dat. Romae apud Sanctum Petrum, Anno Incarnationis Dominicae Millesimo, Quadringentesimo, Nonagesimo sexto, quinto Kal. Novembris, Pontificatûs nostri Anno quinto.
L. Podocatharus.
Super Plicam,
P. Tuba.
Sub Filis Cannabeis. |
Oct. 28. Papal bull of indulgence for the chapel royal at Windsor. Rome.
O. xii. 644. H. v. p. iv. 109. |
De Indulgentia pro Regia Capella.
Registrata apud me L. Podocatharum.
An. 12. H. 7. Ex Autogr.
Alexander Episcopus, Servus Servorum Dei, universis Christi Fidelibus, praesentes Litteras inspecturis, Salutem & Apostolicam Benedictionem.
Dùm praecelsa Meritorum insignia, quibus Coelorum Regina Virgo Dei Genetrix gloriosa, Sedibus praelata Sidereis, quasi Stella matutina praerutilat, devotâ considerationis indagine perscrutamur; dùm etiam inter Pectoris archana revolvimus, quòd ipsa, utpotè Mater Misericordiae, Mater Gratiae, Pietatis Amica, Humani Generis Consolatrix, pro Salute Fidelium qui Delictorum onere praegravantur sedula Exoratrix & Pervigil ad Regem quem genuit intercedit, Dignum, quin potius Debitum reputamus ut Ecclesias in Honorem sui Nominis dedicatas gratiosis Remissionum prosequamur Impendiis & Indulgentiarum Muneribus Decoremus.
Cupientes igitur ut Capella Regia, sub Invocatione & in Honorem ejusdem Beatae Mariae in Ecclesia Sancti Georgii Opidi Windesoriae Sarisbiriensis Dioecesis sita, ad quam ut accepimus Carissimus in Christo Filius noster Henricus Rex Angliae Illustris singularem gerit Devotionis affectum, & in ea Sepulturam suam eligere, illamque de Bonis suis pro nonnullis Presbyteris, qui inibi Missas celebrent, dotare intendit, congruis frequentetur Honoribus, Christique Fideles eo libentiùs Devotionis causâ consluant ad eandem quo ex hoc ibidem Dono coelestis Gratiae uberiùs conspexerint se refectos,
De Omnipotentis Dei Misericordia ac Beatorum Petri & Pauli Apostolorum ejus Auctoritate confisi omnibus & singulis, utriusque Sexûs Christi Fidelibus, verè Poenitentibus & Consessis, qui Capellam praedictam, Quarta Feria Quatuor Temporum post Festum Pentecostes, a primis Vesperis usque ad secundas Vesperas, devote visitaverint annuatim, plenariam omnium Peccatorum suorum, de quibus Corde contriti & Ore confessi fuerint, Indulgentiam & Remissionem Auctoritate Apostolicâ Tenore Praesentium Elargimur; praesentibus perpetuò post Annum Jubilei valituris.
Dat. Romae apud Sanctum Petrum, Anno Incarnationis Dominicae Millesimo, Quadringentesimo, Nonagesimo sexto, quinto Kal. Novembris, Pontificatûs nostri Anno quinto.
L. Podocatharus.
P. Tuba.
Alexander Papa Sextus.
Sub Filis Sericis flavi rubeique Colorum. |
Nov. 3. Grant to John Morgan, clerk, of the custody of the temporalities of the see of S. David's, void by the death of Hugh the late bp. Westm.
O. xii. 645. H. v. p. iv. 109. |
De Custodia Temporalium.
An. 12. H. 7. Pat. 12. H. 7. p. 1. m. 10.
Rex omnibus, ad quos &c. Salutem.
Sciatis quòd, de Gratia nostra speciali, ac ex certis Considerationibus Nos moventibus, Dedimus & Concessimus, ac per Praesentes Damus & Concedimus Praedilecto & Fideli Clerico & Consiliario nostro Johanni Morgan Custodiam Temporalium Episcopatûs Menevensis, cum Pertinentiis, omnia Exitus & Proficua eorumdem quaecumque, necnon quascumque Portiones & Pensiones, quae Nobis, per Mortem, bonae memoriae, Hugonis Pany Clerici ultimi Episcopi Loci praedicti, ac ratione Vacationis Sedis ejusdem Episcopatûs aliquo modo pertinent seu pertinere poterunt aut debent,
Habendam & Tenendam Custodiam praedictam eidem Johanni & Assignatis suis, unà cum Exitibus & Proficuis praedictis, ac cum Feodis Militum, Advocationibus Ecclesiarum, Decanatuum, Capellarum, Cantariarum, & omnium aliorum Beneficiorum Ecclesiasticorum quorumcumque, & omnibus aliis Temporalibus praedictis pertinentibus, a tempore Mortis praefati nuper Episcopi, quamdiu Temporalia illa in Manibus nostris contigerint remanere, absque aliquo Nobis vel Haeredibus nostris pro Praemissis reddendo, solvendo, seu Compoto inde faciendo, & absque Impetitione, Inquietatione, Molestatione, seu Perturbatione nostri aut Officiariorum seu Ministrorum nostrorum quorumcumque; Eo quòd expressa mentio de vero Valore annuo aut Certitudine Praemissorum, aut de aliis Donis sive Concessionibus, eidem Johanni per Nos ante haec tempora factis, in praesentibus minimè facta existit, aut aliquo Statuto, Actu, sive Ordinatione, in contrarium factis, non obstantibus.
In cujus &c.
Teste Rege apud Westmonasterium, Tertio Die Novembris.
Per ipsum Regem. |
Sept. 18. Restitution of the temporalities to John Arundell, bp. of Coventry and Lichfield, void by the translation of William late bp. Westm.
O. xii. 645. H. v. p. iv. 109. |
De Restitutione Temporalium.
An. 12. H. 7. Pat. 12. H. 7. m. 8.
Rex Escaetori suo in Comitatu Staffordiae, Salutem.
Cùm Dominus Summus Pontifex, nuper vacantibus Ecclesiis Coventriae & Lichfeldiae, per Translationem Venerabilis Patris Willielmi Episcopi ejusdem Episcopatûs Coventriae & Lichfeldiae, & ipsum a vinculo, quo dictis Coventriae & Lichfeldiae Ecclesiis, invicem unitis, quibus tunc praeerat, tenebatur, Absolverit, Venerabilem in Christo Patrem Johannem Arundell in Episcopum Locorum illorum praefecerit & Pastorem, sicut per Literas Bullatas ipsius Domini Summi Pontificis, Nobis indè directas, Nobis constat,
Nos,
Pro eo quòd idem Electus omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter se submisit, volentes cum eo in hac parte agere gratiosè,
Cepimus Fidelitatem ipsius Electi, & Temporalia Episcopatûs illius, prout moris est, Restituimus eidem;
Et ideò Tibi Praecipimus quòd eidem Electo Temporalia praedicta, cum Pertinentiis, in Ballivâ tuâ, Liberes in formâ praedictâ; salvo Jure cujuslibet.
Teste Rege apud Westmonasterium, decimo octavo die Septembris.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Datâ; videlicet,
Escaetori Regis in Com. Derb.
Escaetori Regis in Com. Warr.
Escaetori Regis in Com. Salop.
Escaetori Regis in Com. Midd.
Camerario Cestr.
Et Mandatum est Militibus, &c. |
Nov. 23. Restitution of the temporalities to John Morgan, bp. of S. David's. Westm.
O. xii. 646. H. v. p. iv. 110. |
Pro Episcopo Menevensi.
An. 12. H. 7. Ibid.
Rex Escaetori suo in Comitatu Herefordiae ac Marchiis Walliae eidem Comitatui adjacentibus, Salutem.
Cùm Dominus Summus Pontifex, nuper Vacante Sede Episcopali Ecclesiae Cathedralis Menevensis, per Obitum, bonae memoriae, Hugonis ejusdem Ecclesiae ultimi Pastoris & Episcopi, Personam Dilecti & Fidelis nostri Magistri Johannis Morgan ejusdem Ecclesiae Electi, in ipsius Ecclesiae Episcopum praefecerit & Pastorem, sicut per Literas Bullatas ipsius Summi Pontificis, Nobis inde directas, Nobis constat,
Nos,
Pro eo quod idem Electus omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter se submisit, volentes cum eo in hac parte agere gratiosè,
Cepimus Fidelitatem ipsius Electi, & Temporalia Episcopatûs illius, prout moris est, Restituimus eidem;
Et ideò Tibi Praecipimus quòd eidem Electo Temporalia praedicta, cum Pertinentiis, in Ballivâ tuâ, sine dilatione, Liberes in formâ praedictâ; salvo Jure cujuslibet.
Teste Rege apud Westmonasterium, vicesimo tertio die Novembris.
Per Breve de Privato Sigillo.
Consimile Breve dirigitur Dilecto & Fideli suo Johanni Tate Majori Civitatis suae Londoniae ac Escaetori suo in eadem Civitate.
Et Mandatum est Militibus, &c. |
Dec. 2. Restitution of the temporalities to Thomas bp. of London, translated from Rochester, vice Richard late bp. deceased. Westm.
O. xii. 646. H. v. p. iv. 110. |
Pro Episcopo Londoniensi.
An. 12. H. 7. Pat. 12. H. 7. p. 1. m. 9.
Rex Dilecto sibi Johanni Tate Majori Civitatis suae Londoniae ac Escaetori suo in eadem Civitate, Salutem.
Cùm Dominus Summus Pontifex, nuper vacante Ecclesiâ Cathedrali Londoniensi, per Obitum, bonae memoriae, Ricardi nuper Episcopi Ecclesiae praedictae, Venerabilem in Christo Patrem Th. nuper Episcopum Roffensem a vinculo, quo dictae Ecclesiae Roffensi, cui tunc praeerat, tenebatur, de Apostolicae plenitudinis Potestate Absolvens, ipsum ad dictam Ecclesiam Londoniensem Auctoritate Apostolicâ transtulerit, ipsumque in Episcopum Loci illius praefecerit & Pastorem, sicut per Literas Bullatas ipsius Domini Summi Pontificis, Nobis indè directas, Nobis constat,
Nos,
Pro eo quòd idem Th. omnibus & singulis Verbis, Nobis & Coronae nostrae praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter se Submisit, volentes cum eo in hac parte agere gratiosè,
Cepimus Fidelitatem ipsius Thomae, & Temporalia Episcopatûs illius, prout moris est, Restituimus eidem;
Et ideò vobis Mandamus quòd eidem Thomae Temporalia praedicta, cum Pertinentiis, in Balliva vestra, sine dilatione, Liberetis in forma praedicta; salvo Jure cujuslibet.
Teste Rege apud Westmonasterium, Secundo Die Decembris.
Per Breve de Privato Sigillo.
Consimilia Brevia diriguntur Escaetoribus subscriptis, in Comitatibus subscriptis, sub eadem Data; videlicet,
Escaetori Regis in Com. Essex. & Hertf.
Escaetori Regis in Com. Midd.
Escaetori Regis in Com. Surr. & Sussex.
Et Mandatum est Militibus, &c. |
