Close Rolls, September 1263

Close Rolls, September 1263

Pro Johanna de Avering'.—Consimiles litteras habet Johanna de Avering' directas custodibus pacis in comitatibus Gloucestr', Oxon' et Berkes' de omnibus terris et tenementis suis et de bonis suis sibi ablatis. Teste rege apud Westmonasterium primo die Septembris. Per justiciarium.

Pro Henrico le Waleis.—Consimiles litteras habet Henricus le Waleys directas custodi pacis in comitatu Sumers' de terris et tenementis et de bonis suis post pacem proclamatam etc. Teste ut supra. Per justiciarium.

Pro Jacobo de Honyton'.—Consimiles litteras habet Jacobus de Huniton' directas custodi pacis in comitatu Devon' de terris et tenementis post pacem etc. Teste ut supra. Per justiciarium.

De damis datis.—Mandatum est Alano la Zuche quod in foresta de Wauberg' faciat habere Ade de Cesterton', clerico regis, tres damos de dono regis. Teste ut supra.
Mandatum est eidem Alano quod in foresta de Wyttelwud' faciat habere Ide de Bello Campo duos damos de dono regis. Teste ut supra.

Pro Willelmo de Albiniaco.—De consilio procerum preceptum est custodi pacis in comitatu Somers' quod omnes terras et tenementa Willelmi Daubeny nuper in balliva sua occasione contencionis habite in regno a quibusdam occupatas una cum bonis et catallis suis ea occasione post diem Lune proximam post festum Sancti Johannis, quo die venit et statuta ac provisiones Oxonie juravit se observaturum, ablatis, eidem sine dilacione sibi restitui faciat, non inferens etc. Teste rege ij. die Septembris.

Pro priore de Wotton'.—Consimiles litteras habet prior de Wotton' sine juramento etc. in comitatibus Hereford' et Glouc'.

Pro Aymone Thurumbert'.—Consimiles litteras habet Aymo Thurumberd' de inquisicione etc. qui bona et catalla sua etc. ceperunt etc. et quo devenerunt et ea prefato Aymoni vel attornato suo sine dilacione restitui faciat. Talem ad hoc diligenciam etc.

Pro Hugone de Baillol'.—Rex custodi pacis in comitatu Suff' salutem. Quia Hugo de Balliolo, filius et heres dilecti et fidelis nostri Johannis de Balliolo, in crastino Sancti Egidii proximo preterito ad nos venit et prestitit sacramentum coram nobis pro se et patre suo predicto de provisionibus et statutis factis apud Oxoniam firmiter observandis, de consilio procerum nostrorum tibi precipimus quod omnes terras et tenementa predicti Johannis nuper a quibusdam in balliva tua occasione turbacionis nuper habite in regno nostro, eidem Hugoni, nomine predicti patris sui, sine dilacione restitui facias una cum bonis et catallis ipsius Johannis in predictis terris et tenementis post dictum crastinum Sancti Egidii. Teste rege apud Westmonasterium iij. die Septembris. Per justiciarium.

Pro Johanne de Baillol.—Consimiles litteras habet idem Johannes in comitatibus Ebor', Leyc', Linc', Derb', Norhumbr', Bed', Hunted', Midd', Essx' et Hertford'.

Pro fratribus leprosis extra Windes'.—Ex parte fratrum et sororum leprosorum hospitalis Sancti Petri extra Windes' est ostensum quod, cum ipsi et eorum predecessores singulis diebus percipere consueverint unum quadrantem de firma ville regis de Windes' de elemosina regis constituta, Aymo Thurumberd, nuper constabularius castri predicti, elemosinam predictam a festo Nativitatis Sancti Johannis Baptiste anno etc. xlvj. usque modo subtrahi fecit eisdem, rex volens super hoc plenius certiorari preceptum est constabulario castri de Windes' quod per sacramentum proborum et legalium hominum per quos etc. diligenter inquiras qualiter et a quo tempore dicti fratres et sorores elemosinam illam percipere consueverunt. Et, si per inquisicionem illam invenerit quod ipsi et eorum predecessores elemosinam predictam singulis diebus de firma predicta ut predictum est usque ad predictum festum Sancti Johannis percipere consueverint, tunc elemosinam illam eis decetero habere faciat eodem modo quo eam percipere consueverunt una cum arreragiis ejusdem a festo Nativitatis Sancti Johannis supradicto. Teste rege apud Westmonasterium iij. die Septembris.

De damo dato.—Mandatum est Johanni de Eyvyle, justiciario foreste ultra Trentam quod habere faciat Willelmo de Steyneby, valetto regis, unum damum in foresta de Schyrwode de dono regis.

De roboribus ad focum regis.—Mandatum est Ricardo de Munfichet quod in foresta de Havering habere faciat quatuor capellanis commorantibus in foresta de Havering' quatuor robora ad focum de dono regis.

De venacione capienda ad opus regis.—Preceptum est custodi foreste de Chete quod permittat Johannem Lovel et Henricum de Candover, venatores regis, capere ad opus regis triginta damos contra festum Sancti Edwardi proximo futurum. Teste rege apud Westmonasterium vij. die Septembris.
Eodem modo mandatum est custodi foreste de Savernak' quod permittat eosdem venatores capere xxx. damos in eadem foresta contra festum predictum.

De quadam garlandea ad opus Markisie neptis regis.— Mandatum est Rogero de Leyburn' quod in instantibus nundinis Sancti Egidii Winton' modis omnibus perquiri faciat unam carlandam auream precii xx. marcarum ad opus Markisie neptis nostre, quam dux Brunwic' in brevi ducturus est in uxorem; et rex de predictis xx. marcis responderi faciet. Teste ut supra.

De damis datis.—Mandatum est Johanni la War', custodi pacis in comitatu Sussex', quod in foresta Petri de Sabaud' de Assendun' faciat habere Johanni de la Haye senescallo hospicii regis quatuor damos de dono regis. Teste ut supra.

De ponendis (sic) per ballium.—Johannes filius Roberti de Gritton', captus et detentus in prisona regis de Cantebr' pro morte Baldewini de Dowan unde rettatus est, habet breve custodi pacis in comitatu Cant' quod ponatur per ballium. Teste rege apud Westmonasterium viij. die Septembris.

Pro Philippo Basset.—Mandatum est Ricardo de Munfichet, senescallo foreste Essex', quod loco quatuor damorum, quos rex nuper dedit Philippo Basset in foresta de Havering', unde idem Ricardus breve regis recepit, faciat habere eidem Philippo quatuor damos in parco regis de Havering', nisi idem Philippus eos prius habuerit. Teste ut supra per regem.

De roboribus datis.—Mandatum est Alano la Zuch', justiciario foreste citra Trentam, quod in foresta de Clyve faciat habere Matilli de Cestreton' matri Ade de Cestreton' tria bona robora de dono regis. Teste supra.

De ponendo per ballium.—Johannes Clement, Semannus Clement, Adam Harmiunt, Willelmus Verdun, Radulfus filius Semanni, Thomas frater ejus, Nicholaus Chamheyn, Walterus Pullegos, Philippus Harneys, Adam Tollewine, Willelmus Candelman, Johannes Cristemesse, Hugo Alpe, Willelmus Goldhauk, Ricardus le Pelter, Edmundus Bele, Godefridus Skyrefag', Alexander le Serjaunt, Robertus Wulfon, Laurencius Rodland, Thomas de la Porte, Matheus de la Porte, Robertus Davy, Edmundus le Gros, Semannus le Long, Alexander Lovegod, Godefridus filius Semanni, Willelmus Costyn, Robertus Polyte, Thomas de la Pere, Petrus Alpe, Thomas le Yepe, Manserus de Bordishou, Hugo Lu, Jacobus Crawe, Galfridus Baldewini, Galfridus de Holebrok, Willelmus Ballard, Ricardus du Marche, Adam Tolle et Walterus Dant, capti et detenti in prisona regis de Gippewic' pro morte Rogeri le Chapelman et Roberti filii ejus unde appellati sunt, habent breve custodi pacis in comitatu Suff' quod ponantur per ballium. Teste rege apud Westmonasterium x. die Septembris.

Pro priore et conventu de Evesham.—Rex baronibus de scaccario salutem. Sciatis quod prior et conventus de Evesham solverunt in garderoba nostra apud Westmonasterium die Lune proxima post festum Nativitatis beate Marie anno regni nostri xlvij. magistro Henrico de Gandavo, tunc custodi ejusdem garderobe, per manum Ade le Butyller ducentas libras per quas finem fecerunt nobiscum pro custodia domus sue habenda in proxima vacacione ejusdem. Et ideo vobis mandamus quod predictos priorem et conventum de predictis ducentis libris quietos esse faciatis. Teste rege apud Westmonasterium x. die Septembris.

De damis datis.—Mandatum est Alano la Zusch', justiciario foreste regis citra Trentam, quod in foresta de Wytlewode habere faciat dilecto et fideli suo Johanni Lovel duos damos de dono regis. Teste rege.

[m. 2.]

Pro Ernaldo de Bosco'.—De consilio procerum preceptum est custodi pacis in comitatu Oxon' quod omnes terras et tenementa Ernaldi de Bosco nuper in balliva sua occasione contencionis habite in regno a quibusdam occupatas una cum bonis et catallis suis ea occasione post pacem proclamatam in partibus illis eidem ablatis, sine dilacione sibi restitui faciat non ei inferens etc. Teste rege apud Westmonasterium xij. die Septembris.

Pro Isabella de Clifton.—Consimiles litteras habet Isabella de Clifton' in comitatu Glouc'. Teste rege.

De quadam corda ad puteum de Clarendon'.—Mandatum est Radulfo Russel quod faciat habere Waltero de Burges, ballivo regis de Clarendon', quandam bonam cordam ad puteum regis de Clarendon. Et, cum rex sciverit custum quod adhoc posuerit, illud sibi faciet allocari. Teste rege apud Westmonasterium xij. die Septembris.

Pro Mathia Bezill'.—Mandatum est Ricardo de Ewell et Hugoni de Turri, emptoribus garderobe regis, quod faciant habere Mathie Bezill' tunicam, supertunicam, pallium et capam de quocunque panno eligere voluerit et fururas de minuto vario ad supertunicam et capam et penulam ad pallium, unam curtepiam cum bona furura, unam peliciam de bono griso, culcitram punctatam, bonum coopertorium de griso cum panno de scarleto, duo paria lintheaminum et unum tapetum de Reyns de dono regis. Teste ut supra.

De damis datis.—Mandatum est Alano la Zusch' justiciario foreste citra Trentam quod in foresta de Bernewode habere faciat Henrico filio regis Alemannie quatuor damos de dono regis nisi eos prius etc.

Pro Ricardo de Frivill'.—Rex cepit homagium Ricardi de Frivill' filii et heredis Baldewini de Frivill' dudum defuncti de omnibus terris et tenementis que idem Baldewinus pater suus tenuit de rege in capite, et ei reddidit terras illas et tenementa. Et ideo mandatum est Willelmo de Weyland, escaetori citra Trentam, quod eidem Ricardo de omnibus terris et tenementis de quibus predictus Baldewinus pater suus fuit seisitus in dominico suo ut de feodo die quo obiit plenam seisinam habere faciat. Teste rege apud Westmonasterium xiij. die Septembris.

De quercubus datis.—Mandatum est Alano la Zusch', justiciario foreste citra Trentam, quod in exteriori foresta de Wauberg', videlicet nec in Wauberg' nec in Sappel', habere faciat Nicholao de Sancto Mauro duas quercus ad maeremium de dono regis.
Mandatum est prefato Alano quod in foresta de Geytinton' habere faciat Bertramo de Beyvyl, vadletto regis, sex quercus ad maeremium de dono regis. Teste ut supra.

De damis datis.—Mandatum est prefato Alano quod in foresta de Salop' habere faciat Willelmo de Ebroicis duos damos de dono regis. Teste ut supra.

Pro magistro Reymundo, phisico regine.—Preceptum est custodi pacis in comitatu Huntedon' quod per sacramentum etc. per quos etc. qui bona magistri Reimundi de Wariamona, clerici regine regis, apud Eynesbir' ceperunt et asportaverunt et ad quorum manus devenerunt, et inventis bonis predictis ea prefato Reimundo sine dilacione restitui faciat. Teste ut supra. Per comitem et justiciarium.
Eodem modo mandatum est custodi pacis in comitatu Suthamt' pro eodem. Per comitem et justiciarium.

De damis datis.—Mandatum est Alano la Zuch', justiciario foreste citra Trentam, quod in foresta de Bernewode faciat habere Ade de Stratton' duos damos de dono regis. Teste ut supra.

De decima venacionis pro abbate de Burgo.—Mandatum est Alano la Zuche, justiciario foreste citra Trentam, quod faciat habere abbati de Burgo quinque damos in foresta regis de Clyve et quinque damos in foresta regis de Rokingham' pro decima venacionis regis capte in forestis regis in comitatu Norhampt', annis videlicet regni regis xliij, xliiij. quinti (sic) et sexti. Teste supra.

Pro Jordano de Kilmoworth'.—Rex custodi pacis in comitatu Devon' salutem. Quia per patentes litteras venerabilis patris W. Exoniensis episcopi accepimus quod Jordanus de Kylmeworthi, clericus sue diocese, rettatus coram justiciariis nostris ultimo itinerantibus in predicto comitatu Devon' de morte Radulfi de Bouteport et in prisona nostra Exonie detentus et postmodum ab ipso episcopo per privilegium clericale requisitus et ei liberatus, coram dicto episcopo canonica purgacione ei secundum morem ecclesie indicta innocenciam suam super dicto crimine canonice et legittime purgavit; tibi precipimus quod eidem Jordano terras, domos et catalla sua que occasione dicti retti capta sunt in manum nostram sine dilacione restitui facias de gracia nostra speciali. Teste ut supra.

Pro Willelmo de Sancto Phileberto.—Quia rex dedit respectum Willelmo de Sancto Phileberto de xj. marcis et dimidia quas regi debet de fine amerciamentorum suorum coram justiciariis regis ultimo itinerantibus apud Wintoniam, ita quod solvat ad scaccarium regis ad festum Omnium Sanctorum proximo futurum vj. marcas et ad festum Purificationis Beate Marie proximo sequens v. marcas et dimidiam; mandatum est Reginaldo filio Petri et Herwardo de Marisco quod respectum illud ei inde habere permittat. Teste ut supra.

De quercubus datis.—Mandatum est Alano la Zuch', justiciario foreste citra Trentam, quod in exteriori parte foreste regis de Clyve faciat habere elemosinario de Burgo Sancti Petri quatuor quercus ad maeremium ad domos elemosinarie sue inde reparandas de dono regis. Teste ut supra.

De dolio vini dato.—Mandatum est constabulario castri de Windes' quod de vinis regis que sunt in custodia sua sine dilacione faciat habere Egidio de Argentem unum dolium boni vini de dono regis.

De damis datis.—Mandatum est Alano la Zuch', justiciarios foreste citra Trentam, quod in foresta regis de Wauberg' faciat habere Radulfo de Kameys duos damos de dono regis. Teste ut supra.

De cervis datis.—Mandatum est Alano la Zuch', justiciario quod faciat habere Rogero de Somery tres cervos in foresta de Kenefar' de dono regis. Teste ut supra.

Quia rex amovit Sampsonem de Duyno, quondam coronatorem in comitatu Derb', propter impotenciam corporis sui preceptum est custodi pacis (cancelled) Vacat.

De quercubus datis.—Mandatum est custodi foreste de Den' quod in eadem foresta faciat habere Johanni de Grey decem quercus de dono regis. Teste ut supra.

Pro monachis de Bona Requie.—Rex Willelmo de Weilond', escaetori suo citra Trentam, salutem. Quia monachi de Bona Requie singulis annis in festo Sancti Michaelis percipiunt in manerio Petri de Sabaud' de Costeseye decem libras de elemosina constituta, sicut ex testimonio Wischardi de Charun, senescalli dicti Petri, didicimus, vobis mandamus quod de exitibus terrarum dicti Petri, quas per preceptum nostrum nuper cepistis in manum nostram, decem libras habere faciatis monachis supradictis de termino Sancti Michaelis proximo venturo et nos eas vobis allocari faciemus. Teste ut supra.

Pro Fratribus Predicatoribus de Gippeswic'.—Rex dilecto et fideli suo Johanni de Vallibus, custodi pacis in comitatu Suff', salutem. Cum Hugo filius Gerardi de Langeston' nuper quoddam mesuagium cum suis pertinenciis in Gipewico nobis dederit et concesserit habendum et tenendum nobis et heredibus vel assignatis nostris adeo integre et plenarie cum omnibus ad mesuagium illud pertinentibus, sicut idem Hugo mesuagium illud integrius tenuit ante donacionem predictam, ac nos pro salute anime nostre et animarum antecessorum nostrorum idem mesuagium cum omnibus suis pertinenciis ut predictum est postea dederimus et concesserimus Fratribus Predicatoribus habendum et tenendum sibi et successoribus suis inperpetuum ad inhabitandum et commorandum ibidem, vobis mandamus quod in propria persona vestra ad locum illum accedatis et eisdem fratribus de mesuagio predicto cum omnibus ad illud pertinentibus plenam seisinam habere faciatis. Et quid inde feceritis nobis sine dilacione significetis. Teste rege apud Westmonasterium xv. die Septembris.

Pro Willelmo le Baud.—Mandatum est Willelmo Bagod quod ponat in respectum usque ad quindenam Sancti Michaelis demandam viginti solidorum quam facit per summonicionem scaccarii regis Willelmo le Baud pro disseisina, accepta prius ab eodem Willelmo sufficienti securitate quod tunc inde ad scaccarium predictum regi satisfaciet. Teste ut supra.

De damis datis.—Mandatum est Alano la Zuche, justiciario foreste citra Trentam, quod in foresta de Rokingham faciat habere J. Glascuensi episcopo tres damos de dono regis. Teste supra.

De quercubus datis.—Mandatum est eidem justiciario quod in foresta de Alsiholt faciat habere Alano Plugenet sex quercus aptas ad maeremium de dono regis. Teste supra.

Pro Roberto filio Walteri de Daventr'.—Quia rex accepit per inquisicionem, quam per Alexandrum de Hampden quondam vicecomitem regis Buk' fieri fecit, quod manerium de Bradeham in comitatu predicto, quod est in manu regis occasione mortis Johannis de Plessetis quondam comitis Warr', non est escaeta Humfridi de Bohun comitis Heref' set hereditas Roberti filii Walteri de Daventr'; et eciam quia Hugo de Plessetis filius et heres predicti Johannis de Plessetis per finem lv. librarum inter eos factum recognovit coram rege predictum manerium esse jus et hereditatem predicti Roberti, et illud ei remisit pro se et heredibus suis et quietum clamavit imperpetuum; mandatum est Willelmo de Weilond, escaetori regis citra Trentam, quod eidem Roberto de manerio predicto plenam seisinam habere faciat. Teste rege apud Westmonasterium xvj. die Septembris. Per consilium.

De roboribus datis.—Mandatum est Ricardo de Muntfichet, senescallo foreste Essex', quod in foresta predicta faciat habere fratribus de Penitencia Jhesu Christi quatuor robora ad focum suum de dono regis.

De quercubus datis.—Mandatum est Johanni de Eyvill, justiciario foreste ultra Trentam, quod in foresta regis de Shirewod' faciat habere Radulfo Basset de Sapecot' decem quercus de dono regis.

Pro Thoma Corbet.—Rex Griffino filio Wenunwen salutem. De consilio procerum nostrorum vobis mandamus firmiter injungentes quod castrum dilecti et fidelis nostri Thome Corbet de Wydeg' et totam terram suam inter Kemelek et Sabrinam et totam terram suam de Goldouer exceptis Botenton', Allereton' et Hop', que occasione turbacionis nuper in regno nostro suborte occupastis, una cum bonis et catallis ejusdem Thome eadem occasione per vos sibi ablatis citra quindenam Sancti Michaelis proximo venturam restituatis eidem. Scituri quod, nisi feceritis, omnes terras et tenementa vestra in potestate nostra in manum nostram capiemus. Teste ut supra.

Pro executoribus R. quondam comitis Glouc'. De galea.— Preceptum est ballivo regis de Westmene et de Porlaunde quod galiam que fuit Ricardi de Clare quondam comitis Glouc', que capta fuit in manum regis infra ballivam suam post mortem predicti comitis, executoribus ejusdem comitis cum batello et atillio ejus sine dilacione deliberari faciat. Teste ut supra.

De bremiis datis.—Mandatum est custodi vivarii regis de Fecham quod in vivario suo de Fecham habere faciat dilecto et fideli suo Rogero de Somery duodecim bremias de dono regis. Teste ut supra.

De damis datis.—Mandatum est Alano la Zuch', justiciario foreste citra Trentam, quod in foresta regis de Clyve faciat habere Roberto de Veteri Ponte duodecim damas de dono regis. Teste.

Pro Hugone le Bigod.—Rex justiciariis suis itinerantibus in comitatu Linc' salutem. Quia dilectus et fidelis noster Hugo le Bigot nobiscum per preceptum nostrum profecturus est ad partes transmarinas, vobis mandamus quod omnia placita ipsum tangentia ponatis in respectum usque a die Sancti Michaelis in tres septimanas; ita quod extunc procedatur in eisdem secundum legem et consuetudinem regni nostri. Teste ut supra. Per regem.

De denariis assignandis ad clausuram parci regis Windes'.— Quia rex assignavit omnes denarios provenientes de exitibus pannagii parci de Windes' de anno presenti ad defectus clausure ejusdem parci reparandos et perficiendos, preceptum est agistatoribus parci predicti quod omnes denarios predictos habere faciant Egidio de Argentem', constabulario ejusdem castri, ad premissa facienda. Et, cum denarios illos ei liberaverint, eos sibi faciet allocari. Teste ut supra.

De doliis vini pro vinis.—Preceptum est custodibus vinorum regis apud Westmonasterium quod de vinis predictis faciant habere Willelmo Emel et Joeli de Stok' tria dolia vini pro tribus doliis vini captis a prefato Willelmo et Joele London' ad opus regine regis. Teste ut supra. Per reginam. Teste rege apud Westmonasterium xviij. die Septembris.

Littere facte in Anglia post transfretacionem regis ad partes transmarinas.