Close Rolls, October 1265

Close Rolls, October 1265

De quercubus datis.—Mandatum est Rogero de Clifford', justiciario foreste citra Trentam, quod in bosco regis de Dersleg', qui est infra metas foreste de Geytinton', faciat habere Willelmo de Hamton' duas quercus cum escaetis ad maeremium de dono regis. Teste rege apud Windes' iij. die Octobris.

De passagio Willelmi de Aete et Simonis Passelewe.—Rex baronibus et ballivis portus sui Dovor' salutem. Mittimus dilectos et fideles nostros Willelmum de Aete et Simonem Passelewe ad partes Francie pro quibusdam negociis nostris ibidem expediendis, vobis mandantes quod eisdem Willelmo et Simoni festinum passagium in portu vestro, et in transfretando versus partes predictas et exinde redeundo salvum et securum conductum habere faciatis. Et, cum sciverimus custum etc. illud vobis faciemus allocari. Teste ut supra.

De quercubus datis.—Mandatum est Rogero de Lancastr', custodi foreste de Lounesdale, quod in eadem foresta faciat habere Fratribus Predicatoribus Lancastr' viginti quercus ad maeremium ad fabricam ecclesie sue ibidem de dono regis. Teste rege apud Windes' vij. die Octobris.

Pro Philippo de Liministr'.—Rex vicecomiti Hereford' salutem. Scias quod pro laudabili servicio quod Philippus de Leministr', quondam janitor castri nostri Hereford', qui in fide nostra interfectus fuit in conflictu de Evesham' nobis impendit, concessimus Alicie, que fuit uxor ejusdem Philippi, duos denarios diurnos percipiendos ad sustentacionem suam de exitibus comitatus tui, donec ei de duobus denariis diurnis de elemosina nostra constituta ad scaccarium nostrum vel alibi providerimus. Et ideo tibi precipimus quod ei dictos duos denarios habere facias in forma predicta, et nos eos ad scaccarium nostrum faciemus allocari. Teste ut supra.

De quercubus datis.—Mandatum est Rogero de Clifford, custodi foreste citra Trentam, quod in foresta de Gillingham faciat habere Willelmo de Sancto Gorono decem quercus ad maeremium de dono regis. Teste rege apud Windes' viij. die Octobris.

De robis datis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Nicholae, que fuit uxor magistri Thome coci regis, nuper interfecti apud Lewes, unam robam hac vice de dono regis. Teste ut supra.
Mandatum est eisdem Ricardo et Hugoni quod habere faciant Margerie, que fuit uxor Ricardi balistarii regis, nuper interfecti apud Lewes, unam robam hac vice de dono regis.

De quercubus datis.—Mandatum est Rogero de Clifford', justiciario foreste citra Trentam, quod in foresta de Windes' faciat habere Johanni Sunegun duas quercus ad maeremium de dono regis. Teste ut supra.

De roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Johanni Tartarin, quondam sumetario regine, unam robam de dono regis. Teste ut supra.
Mandatum est eisdem quod habere faciant Willelmo, capellano ministranti in capella parci Windes', unam robam de dono regis. Teste ut supra.

Pro Radulpho capellano, custode hospitalis Sancti Petri extra Windes'.—Rex ballivis Windes' salutem. Monstravit nobis Radulphus capellanus, custos hospitalis Sancti Petri extra Windes', quod, cum ipse et predecessores sui ab antiquo percipere consueverint singulis diebus unum quadrantem de firma ville predicte, per manus ballivorum de Windes' qui pro tempore fuerint; ac eidem custodi a retro sint viginti et tres solidi et novem denarii de tribus annis proximo preteritis; volentes quod dicta pecunia prefato custodi de firma predicta persolvatur, vobis mandamus quod eidem custodi dictos viginti et tres solidos et novem denarios habere faciatis, et sic deinceps singulis diebus unum quadrantem sicut prius eum percipere consuevit. Et hoc nullo modo omittas. Et nos illud vobis ad scaccarium in firma predicta faciemus allocari. Teste rege ut supra.

De robis datis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Johanni Pollard', uxori ejusdem et magistro Gilberto cementario tres robas de dono regis.

Pro Johanne Tartaryn.—Mandatum est baronibus de Scaccario quod id quod a retro est Johanni Tartarin de duobus denariis et obolo quos ad idem scaccarium percipere consuevit de elemosina regis constituta, ei habere faciant. Teste ut supra.

Pro mercatoribus comitisse Flandr'.—Cum rex susceperit in salvum et securum conductum suum mercatores M. comitisse Flandr' in veniendo in regnum Anglie cum rebus et mercandisis suis, in eodem regno morando, et inde redeundo; mandatum est baronibus et ballivis portus Dovor' quod predictos mercatores in veniendo in regnum predictum cum rebus et mercandisis suis et inde redeundo libere et absque impedimento transfretare permittant. Teste rege apud Westmonasterium xij. die Octobris.

Pro Ricardo valletto Reineri abbatis.—Item mandatum est eisdem quod permittant Ricardum le Rus, vallettum Reyneri abbatis, quem episcopus Bathoniensis mittit ad partes transmarinas pro quibusdem litteris obligatoriis, per portum predictum transfretare permittant. Teste ut supra.
Item mandatum est eisdem quod Johannem de Mes et Johannem de Burgund', mercatores Ambian', cum tribus garcionibus et duobus equis, per portum suum transfretare permittant. Teste ut supra.

De passagio per portum Dovor' habendo.—Item mandatum est eisdem quod Reymund' Aubeter' et Maurinum de Telene, mercatores Wascon', cum duobus equis et duobus garcionibus, per portum predictum transfretare permittant. Teste ut supra.

[m. 1.]

Pro Matilli que fuit uxor Willelmi de Ebroicis.—Rex magistro Egidio de Avenebur', thesaurario Hereford', salutem. Cum Willelmus de Ebroicis, nuper interfectus in conflictu apud Evesham, dudum ante mortem suam quedam jocalia et hernesia in thesauraria Hereford' deposuit, ac nos ad instanciam venerabilis patris W. Bathoniensis et Wellensis episcopi, cancellarii nostri, dederimus et concesserimus Matildi que fuit uxor predicti Willelmi, sorori predicti episcopi, jocalia et hernesia predicta de gracia nostra speciali; vobis mandamus quod jocalia et hernesia predicta in predicta thesauraria existentia eidem Matildi sine dilacione liberetis habenda sicut predictum est. Teste ut supra.

De ponendo per ballium.—Willelmus Pluket et Mabilia uxor ejus et Willelmus de Newetok', capti et detenti in prisona de Lenn' pro morte Andree Bataill unde appellati sunt, habent litteras regis quod ponantur per ballium vicecomiti North'.

De robis datis.—Mandatum est Ricardo de Ewell et Hugoni de Turri, emptoribus garderobe regis, quod faciant habere Johanni capellano Turris Lond' unam robam hac vice de dono regis. Teste ut supra.
Mandatum est eisdem quod faciant habere Willelmo, capellano regis de Kenyton', unam robam hac vice de dono regis. Teste ut supra.

De damis datis.—Quia Adam de Cestreton' nondum habuit duos damos quos rex sibi dedit anno preterito in foresta de Wauberg', mandatum est Rogero de Clifford', justiciario foreste citra Trentam, quod loco illorum damorum duas damas eidem Ade habere faciat in foresta predicta. Teste.

[De robi]s datis.—Mandatum est Ricardo de Ewell et Hugoni de Turri, emptoribus garderobe regis, quod habere faciant Julio le Goldbeter' unam robam de dono regis. Teste ut supra.
Mandatum est eisdem quod habere faciant Alicie que fuit uxor Philippi de Liministr' unam robam hac vice de dono regis.

De ponendo per ballium.—Willelmus filius Hugonis le Bercher, captus et detentus in prisona de Caumpes pro morte Roberti le Porcher unde rettatus est, habet litteras regis vicecomiti Cant' quod ponatur per ballium. Teste rege apud Westmonasterium xvij. die Octobris.
Hugo filius Johannis de Norhou, Agnes que fuit uxor Ricardi de Finchinfeld', et Willelmus filius ejus, et Isabella et sorores (sic) ejusdem Willelmi, capti et detenti in prisona de Wratting' pro morte Roberti le Porcher, unde rettati sunt, habent litteras regis vicecomiti Cant' quod ponantur per ballium.

[Pro prio]re de Dunstapl'.—Quia testificatum est coram rege per viros fidedignos quod prior de Dunestaple fidelitati regis et Edwardi fideliter adhesit, et de turbacione habita in regno in nullo se intromisit, per quod sue indempnitati rex prospicere vult ut tenetur; mandat seisiatoribus terrarum fautorum quondam comitis Leyc' in comitatu Leyc' quod de medietate dicti prioris ville de Kateby, que est in manu regis racione occupacionis quam Hamo Extraneus nuper inde fecit occasione turbacionis predicte, eidem priori seisinam suam rehabere faciant, unacum omnibus inde perceptis a tempore captionis ejusdem medietatis in manum regis. Teste ut supra.

Mandatum est Rogero de Clifford', justiciario foreste citra Trentam, quod in foresta de Clive faciat habere Matildi matri Ade de Cestreton' sex bona robora de dono regis. Teste ut supra.

Pro Sall' de Cantuaria judeo.—Rex vicecomiti Kancie et ballivis suis Cantuarie salutem. Cum Sall' de Cantuaria, judeus, nuper in turbacione in regno nostro habita se post conflictum de Lewes pro timore turbacionis ejusdem transtulerit ad partes transmarinas, per quod domos suas in civitate Cantuarie postmodum capi fecimus in manum nostram; ac nos nuper concesserimus universis et singulis judeis regni nostri, quod ipsi quoad bona et possessiones suas recuperandas sint in eodem statu in quo fuerunt die conflictus predicti; vobis mandamus quod prefato judeo de omnibus domibus suis predictis occasione predicta in manum nostram captis plenam seisinam et restitucionem sine dilacione habere facias. Et, si quos in eisdem resistentes inveneritis, eos inde sine dilacione amoveri faciatis. Et ipsum judeum in seisina earundem manuteneatis et defendatis. Teste rege apud Cantuariam xxiij. die Octobris.

De saltatoriis faciendis.—Mandatum est Matheo de Columbariis, custodi foreste de Chette, quod permittat ballivos Edwardi, primogeniti regis, de Luttegarsall' facere in parco regis de Luttegarsall' tria saltatoria, et eis maeremium in foresta predicta quantum necesse fuerit ad ipsa facienda habere faciat. Teste ut supra.

De quercubus datis.—Mandatum est Rogero de Clifford' custodi foreste sue citra Trentam quod in foresta de La Dene faciat habere Roberto de Turbervill' triginta quercus ad maeremium ad emendacionem domorum suarum in comitatu Hereford' de dono regis. Teste ut supra.

Pro Galfrido de Wykeresley.—Rex justiciariis ad custodiam judeorum assignatis salutem. Sciatis quod ad instanciam dilecti et fidelis nostri Saeri de Huntingfeud' perdonavimus Galfrido de Wikelers' decem libros in quibus tenetur per cartas suas Jude filio Milonis et Diay le Prestr', judeis nostris Linc'. Et ideo vobis mandamus quod predictum Galfridum de predictis decem libris quietum esse et cartas suas ab archa chirographariorum judaismi nostri Linc' extrahi et ei liberari faciatis. Teste rege apud Cantuariam xxvij. die Octobris.

Pro Willelmo de Hewis'.—Rex justiciariis suis ad custodiam judeorum assignatis salutem. Cum Willelmus de Hewis' Salomoni filio Salomonis de Merleberg, judeo, teneatur in octo libris, ad quarum solucionem terre et tenementa ejusdem Willelmi non sufficiunt, ut dicitur; nos, paupertati sue compatientes, vobis mandamus quod terras et tenementa sua extendi faciatis et secundum extentam illam eidem Willelmo de predictis octo libris racionabiles terminos habere faciatis. Teste rege apud Cantuariam xxvij. die Octobris.

De homagio capto.—Rex escaetori suo in comitatu Kanc' salutem. Quia Radulphus, filius et heres Johanni filii Bernardi, qui fuit in custodia nostra, sufficienter probavit coram nobis ipsum esse legittime etatis et quod usque ad etatem illam fuit in custodia nostra, cepimus homagium ejusdem Radulphi de terris et tenementis que predictus Johannis, pater suus, tenuit de nobis in capite die quo obiit, et ei reddidimus terras illas et tenementa. Et ideo vobis mandamus quod de omnibus terris et tenementis predictis in balliva vestra de quibus predictus Johannis, pater suus, fuit seisitus in dominico suo ut de feodo die quo obiit et que occasione mortis ejusdem capta sunt in manum nostram plenam seisinam eidem habere faciatis. Teste ut supra.
Eodem modo mandatum est escaetori in comitatu Buck'.

Pro Alicie uxore Roberti de Veer.—Rex vicecomiti Essex' salutem. Scias quod de gracia nostra speciali concessimus Alicie uxori Roberti de Veer, quondam comitis Oxon', omnes terras et tenementa ipsam hereditarie contingentia, habenda ad sustentacionem suam quamdiu nobis placuerit. Et ideo tibi precipimus quod eidem Alicie de omnibus terris et tenementis cum pertinenciis suis ipsam hereditarie contingentibus in balliva tua plenam seisinam sine dilacione habere facias, habenda sicut predictum est. Teste rege apud Cantuariam xxix. die Octobris.
Eodem modo mandatum est vicecomitibus Midd', Hereford', Berk' de terris in comitatibus predictis.