1217, membranes 4, 3, 2, 1

1217, membranes 4, 3, 2, 1

[m.4.]

De denariis receptis.—Rex omnibus etc. Sciatis quod recepimus in garderoba comitis W. Marescalli, die Veneris proxima post festum Sancti Jacobi apostoli, anno regni nostri primo, apud Gloucestre, de redempcione Thome de Muleton, per manum Thome de Muleton, filii sui, clerici, centum marcas. Et in hujus rei etc. Teste eodem comite, apud Gloucestre, xxviij die Julii, anno eodem.

De licencia eligendi episcopum concessa.—Rex decano et capitulo Cicestrensibus, salutem. Venientes ad nos decanus ecclesie vestre et magister S. de Waltham, concanonicus vester, petierunt a nobis licenciam eligendi vobis episcopum et pastorem. Quam vobis, intuitu dei, concedimus, mandantes quatinus virum honestum nobis et regno nostro utilem et fidelem eligatis. Et in hujus rei testimonium, has literas etc. vobis inde mittimus. Teste eodem comite, apud Oxoniam, xxiiij die Julii, anno regni nostri primo.

De conductu.—Ricardus filius Arturi habet litteras de conductu, in eundo per totam potestatem domini regis, ad perquirendam redempcionem suam, duraturo usque ad Decollacionem beati Johannis Baptiste, anno regni domini regis primo. Teste comite, apud Oxoniam, vij die Augusti, anno eodem. Per eundem.

De protectione.—Rogerus de Bernevall, clericus, habet litteras de protectione patentes, sine termino. [Teste ut supra.]

De conductu.—Walterus de Clinton habet litteras de conductu, duraturo usque ad diem Martis proximam post festum Sancti Laurencii. Teste comite, apud Oxoniam, viij die Augusti. Per eundem.

Matildis, que fuit uxor Jacobi de Novo Mercato, habet litteras de conductu, duraturo usque ad diem Martis proximam post festum Sancti Laurencii, in veniendo ad comitem. Teste comite, apud Oxoniam, ix die Augusti, anno eodem. Per eundem.

Rex Roberto de Cortenay, salutem. Mandamus vobis quod, sine dilacione et difficultate aliqua, dabere faciatis domine I. regine, matri nostre, stacnariam comitatus Devonie, cum cucneo, et omnibus pertinenciis suis, sicut sepius vobis mandavimus. Et quoniam etc. Teste comite W. Marscallo, apud Oxoniam, ix die Augusti.

Rex omnibus militibus, libere tenentibus et aliis de abbatia de Grimesby, salutem. Sciatis quod nos electioni facte de Ricardo, priore de Sned, in abbatem de Grimesby, regium prehibuimus assensum et favorem. Et ideo vobis mandamus quod eidem in omnibus, tanquam domino vestro, sitis intendentes et respondentes. Et in hujus rei testimonium, has literas nostras patentes, sigillatas etc. vobis inde mittimus. Teste comite, apud Oxoniam, x die Augusti, anno regni nostri primo. Per cancellarium.

Walterus de Soureby et Adam, persona de Cotingeham, habent literas de conductu, usque ad Nativitatem beate Marie. Teste comite, eodem die.

Reymundus de Perille, mercator de Navare, habet literas de conductu, in eundo per totam potestatem domini regis, ad negociandum cum rebus et mercandisis suis, faciendo inde debitas et rectas consuetudines. Durat autem conductus a die Sancti Laurencii, anno regni domini regis primo, usque ad Purificacionem beate Marie, anno regni domini regis secundo. Teste comite, apud Oxoniam, x die Augusti.

Rex G. de Marisco, justiciario Hibernie, salutem. Mandamus vobis, sicut alias mandavimus, firmiter precipientes, quod, sine dilacione et difficultate aliqua, habere faciatis dilecto et fideli nostro, Willelmo filio Johannis, terram suam de Crumelin, cum pertinenciis, sicut bone memorie dominus rex J., pater noster, vobis significavit. Et quamplurimum miramur et movemur quod mandatum nostrum super hoc non fecistis, cum idem Willelmus fideliter semper domino patri nostro servierit, et fideliter adhuc in nostro sit servicio. Scire autem vos volumus quod nullas literas patentes decetero, preter istas, vobis mittemus super hujusmodi mandatis de saisinis faciendis, nisi tantum de castris liberandis. Et quia nondum etc, Teste comite, apud Oxoniam, x die Augusti, anno ut supra.

Rex omnibus militibus et libere tenentibus de honore de Lancastre per Angliam, salutem. Mandamus vobis, firmiter precipientes, quod dilecto et fideli nostro, R. comiti Cestrie, cui honorem Lancastrie, cum omnibus pertinenciis, commisimus custodiendum, in omnibus sitis intendentes et respondentes et nulli alii baillivo nostro, nisi ipsi comiti, vel baillivis suis, in aliquo intendatis vel respondeatis de hiis que pertinent ad predictum honorem Lancastrie. Et in hujus rei testimonium, has litteras etc. Teste comite, apud Oxoniam, x die Augusti, anno regni nostri primo. Per eundem.

Et mandatum est omnibus vicecomitibus et ballivis, in quorum balliis terre sunt vel tenementa de honore Lancastrie, quod in nullo se intromittant de predictis terris vel tenementis de honore predicto. Teste eodem.

Willelmus de Essetford habet literas de conductu, sibi et suis, veniendi et redeundi ad comitem W. Marscallum, usque ad Nativitatem beate Marie duraturo. Teste eodem comite, apud Oxoniam, xj die Augusti.

Robertus Marmiun, junior, habet litteras de conductu, sibi et suis, veniendi ad comitem W. Marescallum, usque ad octabas Assumpcionis beate Marie. Teste eodem comite, ut supra. Per Wint [oniensem].

Rogerus de Montebegonis habet literas de conductu, sibi et suis, veniendi ad comitem W. Marescallum, duraturas a die Dominica proxima post festum Sancti Laurencii, in iij septimanas. Teste eodem, ut supra.

Rex dilecto et fideli suo W. de Albuniaco. Sciatis quod Tomas de Muleton venit ad fidem et servicium nostrum, et ideo vobis mandamus quod ei, sine dilacione, talem habere faciatis saisinam de domo sua de Muleton, et omnibus terris suis cum pertinenciis, que de precepto nostro sunt in custodia vestra, qualiter inde habuit die qua recessit a fide et servicio domini regis, patris nostri. Et in hujus rei testimonium, etc. Teste comite, ut supra.

Osbertus Arsic habet literas domini regis de conductu, duraturo usque ad festum Sancti Michaelis, anno regni domini regis primo, in eundo per totam potestatem domini regis, ad perquirendum redempcionem suam. Teste comite, apud Oxoniam, xiij die Augusti.

Dominus rex Roberto de Gaugi, salutem. Miramur plurimum et movemur quod vos, contra judicium curie nostre, venerabili patri nostro, H. Lincolniensi episcopo, castrum suum de Neuwerc, quod bona fide domino patri nostro commissum fuerat, in pessimum regni exemplum presumitis detinere, unde, licet de jure et consuetudine, contemptoris [rectius contemptores] judiciorum curie nostre gravissimo judicio noscantur non inmerito subjacere, volentes tamen in bono vincere malum, et rigori preferre mansuetudinem, eo quod predicto patri nostro et nobis diutius servistis, vobis mandamus et districte precipimus, in fide qua nobis tenemini, quatinus, sicut nos et pacem nostram et regni nostri diligitis, omni occasione et excusatione postpositis, die Veneris proxima post instans festum Sancti Bartholomei, sitis ad nos in propria persona apud Oxoniam, facturi quod curia nostra judicavit de castro memorato; et nos per Dei graciam, et per consilium fidelium nostrorum, tantum vobis ibidem tunc faciemus, quod de nobis vel consilio nostro juste conqueri non debebitis. Et in hujus rei testimonium, vobis mittimus litteras has patentes. Et quia nondum sigillum etc. Teste comite, apud Oxoniam, xiij die Augusti.

Matillis de Breusa habet literas de conductu, in eundo per potestatem domini regis, usque ad diem Veneris proximam post octabas Assumpcionis beate Marie. Teste comite, apud Oxoniam, xiij die Augusti, anno regni domini regis [primo].

Rex omnibus militibus, libere tenentibus et aliis de terra comitatus Gloucestrie, salutem. Sciatis quod commisimus dilecto et fideli nostro, H. de Burgo, justiciario nostro Anglie, totam terram comitisse Gloucestrie, cum omnibus feodis ad eam pertinentibus, et aliis pertinenciis suis. Et ideo vobis mandamus quod eidem Huberto in omnibus sitis intendentes et respondentes. Et in hujus rei etc. Teste eodem comite, etc.

Rex Reginaldo de Pontibus, salutem. Quia scimus quod domina et mater nostra Isabella, regina Anglie, bene et salvo custodiet castrum de Melpins et partes illas, vobis mandamus quod castrum illud, cum omnibus pertinenciis suis, ei sine dilacione liberetis. Et in hujus rei testimonium etc. Teste comite, apud Oxoniam, xiij die Augusti, anno regni nostri primo.

Eodem modo scribitur domino Burdegalensi archiepiscopo de eodem castro. Teste eodem, ibidem, anno eodem.

Rex Philippo de Ulecot, salutem. Mandamus vobis, firmiter precipientes, quod sicut nos diligitis in fide qua nobis tenemini, sine dilacione aliqua et difficultate, liberetis venerabili patri nostro, domino R. Dunholmensi episcopo, episcopatum Dunholmensem, cum omni integritate sua, sicut ipsum melius vel integrius tenuit predecessor ejus, die qua obiit, cum castris, wardis, escaetis et omnibus aliis ad predictum episcopatum pertinentibus, sicut vobis dicet venerabilis pater noster, dominus W. Eboracensis archiepiscopus, quem satis bene nostis esse de consilio nostro, et quem propter hoc mittimus in partes vestras. Et in hujus rei etc. Teste comite, apud Oxoniam, xiij die Augusti, anno ut supra.

Rex clero Armachane provincie, salutem. Venit ad nos magister Lucas, Armachane ecclesie archidiaconus, cum decreto vestri capituli ut electus in archiepiscopum ejusdem ecclesie. Quoniam vero modo indebito et contra consuetudinem regni nostri processum fuit in electione illa facienda, maxime quia non petita fuit licencia a nobis eligendi, vel regius non petitus fuit assensus, ipsum ad vos remittimus, concedentes vobis liberam potestatem eligendi, et vos rogamus pro eo quatinus cum sit vir honeste conversacionis et fame, si vobis sederit, et nobis et regno nostro utilis fuerit et fidelis, quod vestra decreverit universitas faciendum de persona ipsius, invocata Spiritus Sancti gratia, preficienda, vobis in pastorem eligatis. Quia vero nondum etc. Teste comite, apud Oxoniam, xiij die Augusti.

Mandatum est omnibus tenentibus de honore de Eya, quod sint intendentes et respondentes Falkesio de Breaute, cui dominus rex commisit honorem illum, custodiendum quamdiu ei placuerit. Teste ut supra.

Mandatum est similiter tenentibus de manerio de Gumecestre, quod sint eidem Falkesio intendentes et respondentes. Teste eodem, ut supra.

Jacobus de Valle Badonis habet literas domini regis de conductu, in eundo per totam potestatem domini regis, usque ad diem Veneris proximam post octabas Assumpcionis beate Marie. Teste comite, apud Rading, xiiij die Augusti, anno regni primo.

Rex Petro de Maulay. Sciatis quod recepimus homagium dilecti awunculi nostri, W. comitis Sarisburie, de omnibus terris suis, quas de nobis tenet, et maxime de comitatu Sumersete, quem ei dedimus cum omnibus pertinenciis suis, pro homagio et servicio, salvo regali nostro nobis. Et ideo vobis mandamus quod ei plenam saisinam habere faciatis de predicto comitatu, cum omnibus pertinenciis suis, nec in aliquo de cetero de predicto comitatu vos intromittatis. Et in hujus rei testimonium, has literas nostras patentes etc. vobis mittimus. Teste comite, apud Rading, xiiij die Augusti, anno regni nostri primo.

Et mandatum est omnibus comitibus, baronibus, militibus et libere tenentibus de comitatu Sumersete, quod eidem comiti faciant fidelitatem et homagium, salva fide domini regis, et quod ei decetero sint intendentes et respondentes, tamquam domino suo. Teste eodem, ibidem, anno eodem.

Eodem modo scribitur Roberto de Curtenay, de comitatu Devonie, sicut scribitur P. de Maulay de comitatu Sumersete, hoc adjecto, salva domine regine Y., matri nostre, dote sua. Teste ut supra.

Et mandatum est similiter omnibus etc. de predicto comitatu Devonie, quod eidem comiti faciant homagium etc. et ei sint intendentes et respondentes, tamquam domino suo. Teste comite, ut supra. Anno eodem.

Rex Falkesio de Breaute, salutem. Sciatis quod concessimus dilecto et fideli nostro, Rogero la Zuche, maneria de Fuleburn [et] Suaves [eye], cum pertinenciis, que fuerunt G. vicecomitis Rothomagensis, in exscambium terre sue de Britannia, quamdiu nobis placuerit, et ideo vobis mandamus quod eidem Rogero sine dilacione plenam saisinam inde habere faciatis, cum pertinenciis. Et in hujus rei testimonium, has literas nostras patentes etc. Teste ut proximo supra. Anno eodem.

Michael de Puninges habet literas de conductu, duraturo usque ad Nativitatem beate Marie, in eundo per totam potestatem domini regis. Teste comite, apud Lewes, xvij die Augusti, anno regni domini regis primo.

De conductu.—Petrus, clericus Templi, habet literas de conductu, in eundo per totam potestatem domini regis, per eundem terminum. Teste comite, apud Rumenel, xix die Augusti, anno ut supra.

Radulfus de la Bruwere habet literas de conductu, duraturo usque ad eundem terminum, in veniendo ad comitem W. Marescallum, ad loquendum cum eo de pace sua. Teste comite, apud Rumenel, xix die Augusti, anno ut supra.

Johannes filius Hugonis habet literas de conductu, in eundo per totam potestatem domini regis. Et durat conductus a vigilia Sancti Bartholomei apostoli in viij dies. Teste comite, apud Cantuariam, xxiij die Augusti, anno regni domini regis primo.

Mercatores de Havreford habent literas domini regis de conductu, usque ad festum Sancti Michaelis, in eundo per totam potestatem domini regis, cum navi sua quam ducunt, et rebus et mercandisis suis ad negociandum inde, faciendo inde debitas et rectas consuetudines. Teste comite, apud Cantuariam, xxiij die Augusti, anno ut supra.

Rex baronibus Quinque Portuum, salutem. Grates vobis referimus multiplices de bonis serviciis, que nobis fideliter sepius et strenue fecistis, et, quia volumus quod omnia jura et omnes libertates vestre vobis integre conserventur, mittimus ad vos fideles nostros, Galfridum Tutquor et Tomam de Wilardeby, conbarones vestros, ad videndum quod omnes vestri, qui inimicos nostros nuper in mari spoliaverunt, habeant inde quod habere debent, et ad arestam de lucro illo id quod ad nos de jure spectat habendum. Et quia sigillum etc. Teste comite, apud Sondwiz, xxv die Augusti.

Rex omnibus baillivis et fidelibus suis presentes literas inspecturis et audituris, salutem. Sciatis quod dedimus salvum et securum conductum nostrum Hugoni Baulufard, cum marchandisis et rebus suis, salvo eundo et redeundo per totam terram nostram, usque Natale Domini, anno regni nostri secundo. Et ideo vobis mandamus quatinus illi dampnum, molestiam vel gravamen non inferatis, vel inferri permittatis. Et quia nondum etc. Teste eodem comite, apud Sondwich, xxviij die Augusti.

Rex omnibus baillivis et fidelibus suis, salutem. Sciatis quod concessimus dilecto et fideli nostro, Thome de Benninges, custodiam terrarum et heredum Johannis de Northye, cum omnibus pertinenciis suis, cum maritagio ipsorum heredum. Et in hujus rei testimonium, has literas nostras patentes sigillo comitis W. Marescalli, rectoris nostri et regni nostri, etc. Teste comite, apud Sondwich, xxvij die Augusti, anno regni nostri primo.

Alexander filius Ricardi de Dunewich, habet literas patentes de conductu, sine termino, in eundo per potestatem domini regis, cum navi sua et rebus et mercandisis suis, quas ducit ad negociandum inde, faciendo inde debitas et rectas consuetudines. Et est conductus sine termino. Teste comite, apud Sandwich, xxvij die Augusti, anno ut supra.

Radulfus filius Bernardi habet literas de conductu, duraturo a die Decollacionis Sancti Johannis, usque ad festum Sancti Michaelis, in veniendo ad comitem W. Marescallum, ad loquendum cum eo de pace sua. Teste comite, apud Cantuariam, xxx die Augusti, anno primo.

Petrus de Hasting' habet literas de conductu, usque ad festum Sancti Andree apostoli, anno regni domini regis secundo, in eundo per totam potestatem domini regis, cum galia sua quam ducit. Teste comite, apud Cantuariam, xxx die Augusti, anno ut supra.

Rex Dei gratia omnibus etc. Sciatis quod navis, que vocatur la Contesse, de precepto nostro proficissitur in negocium nostrum cum gente fidelis nostri, Philippi de Albiniaco, usque in insulam de Gerese, et bargia de Portm[ue] similiter. Unde vobis mandamus quod eisdem navibus, in eundo, redeundo vel moram faciendo, non faciatis vel fieri permittatis malum vel inpedimentum, quia dicte naves redibunt ad servicium nostrum in Anglia ad festum omnium sanctorum. Et in hujus rei testimonium etc. Et quia nondum etc. Teste eodem comite, apud Sondwich, xxviij die Augusti.

Rex vicecomiti Kencie, salutem. Precipimus tibi quod habere faciatis dilecto nobis in Christo, abbati Sancti Augustini de Cantuaria, omnes consuetudines, jura et libertates in hundredo de Middelton et alibi in bailliva tua, sicut melius tempore pacis habere consuevit. Et quia nondum etc. Teste comite etc. apud Cantuariam, xxxj die Augusti, anno regni nostri primo.

[m. 3.]

Rex etc baronibus de Quinque Portubus, salutem. Mandamus vobis, firmiter precipientes, quod, sicut corpora vestra et puerorum vestrorum et omnia que de nobis tenetis diligitis, sub omni festinatione et sine occasione aliqua, veniatis cum toto navigio vestro, tam nuper lucrato quam alio, in servicium nostrum in Tamisiam, nec aliquam alibi navium vestrarum aliquo modo divertere presumatis, vel aliquam divertere permittatis; scituri pro certo quod si aliqui hoc attemptare presumpserint, ipsos inimicos nostros perpetuo reputabimus et ad corpora sua et terras suas et tenementa sua nos graviter capiemus. Tantum super hoc facientes ut fidem vestram et servicium vestrum et laborem vestrum digna mercede respicere debeamus cum uberrima gratiarum actione. Et quia nondum etc. Teste comite, apud Cantuariam, j die Septembris, anno regni nostri primo.

Rex omnibus baillivis et fidelibus suis presentes literas inspecturis, salutem. Sciatis quod suscepimus in protectionem et defensionem nostram omnes terras, de quibus fideles nostri Nicolaus de Dunewich et socii sui tenserias acceperint, quia ipsi nobis de tenseria illa respondebunt. Et ideo vobis mandamus quod terras predictas in pace dimittatis, et predictis Nicolao et sociis suis tenserias predictas sine difficultate habere permittatis. Et in hujus rei testimonium etc. quia nondum etc. Teste comite, apud Cantuariam, j die Septembris, anno regni regis primo.

Nicolaus de Anestye habet literas de conductu, a die Veneris in festo Nativitatis beate Marie usque in viij dies sequentes, ad veniendum ad comitem Marescallum, ad loquendum de pace sua.

Philippus de Culumbers et Willelmus, frater suus, habent similiter literas de conductu, duraturas usque ad eundem terminum.

Willelmus Overal habet literas de conductu, in eundo per totam potestatem domini regis, usque ad Natale Domini, anno domini regis secundo. Teste comite, apud Certesheie, vij die Septembris.

Marmaducus de Tweng et Robertus de Monell et Engelr[am] de Boninton habent literas de conductu, duraturo a die Jovis, Nativitatis beate Marie, usque in xv dies sequentes. Teste comite, apud Certeseie, vij die Septembris.

Herebertus le Franceis habet literas de conductu, cum navi quam ducit, per totam potestatem domini regis, usque ad Natale Domini, anno regni regis secundo, ad negociandum cum rebus et mercandisis suis. Teste comite, apud Certeseie, vij die Septembris.

Matildis uxor Hugonis Bygod habet literas de conductu, per totam potestatem domini regis, morando [et] redeundo, usque ad festum Sancti Michaelis, anno regni regis primo. Teste comite, apud Certeseie, vij die Septembris.

Eudo Arsic et Philippus de Snaringes habent literas de conductu, duraturo usque ad festum Sancti Michaelis, in eundo per potestatem domini regis, ad perquirendum redempcionem Willelmi de Huntingefeld, domini sui. Teste comite, apud Certeseie, ix die Septembris.

Margareta uxor Elye de Lungvil habet literas de conductu, duraturo usque ad festum Sancti Andree, anno regni domini regis secundo, in veniendo ad comitem W. Marescallum, ad loquendum cum eo. Teste comite, apud Certesheie, ix die Septembris, anno regni nostri primo.

Rex archiepiscopis, episcopis, abbatibus, comitibus, baronibus, militibus, libere tenentibus et aliis de comitatibus Norfolchie et Suffolchie, salutem. Sciatis quod commisimus dilecto et fideli nostro Huberto de Burgo, justiciario nostro Anglie, comitatus Norfolchie [et] Suffolchie, custodiendos quamdiu nobis placuerit. Et ideo vobis mandamus quod eidem Huberto, tanquam baillivo et vicecomiti nostro, in omnibus sitis intendentes et respondentes. Et in hujus rei testimonium etc. Teste comite, apud Certeseie, x die Septembris, anno regni nostri primo.

Rex Philippo de Ulecot, salutem. Mandamus vobis quod, cum venerabilis pater R. Dunolmensis episcopus vobis mandaverit per literas suas quod plenam acceperit securitatem a Rogero Bertram et suis de fideli servicio suo nobis faciendo, tunc talem eis saysinam habere faciatis de castris, terris et feodis suis in baillia vestra, sicut alias vobis mandavimus, qualem inde habuerunt, die qua recesserunt a fide et servicio domini regis, patris nostri. Et in hujus testimonium etc. Teste comite, apud Certeseie, xj die Septembris, anno regni nostri primo.

Thomas de Chymill [y], clericus, habet literas patentes de protectione, sine termino. Teste comite, apud Certeseie, x die Septembris. Per eundem comitem.

Adam de Bendenges habet litteras de conductu, in veniendo ad comitem W. Marescallum, usque ad diem Dominicam proximam post octabas Nativitatis beate Marie. Teste comite, apud Certeseie, xij die Septembris, anno regni domini regis primo.

Rex W. Briwerr, juniori, salutem. Sciatis quod W. comes de Insula mortuus est, sicut pro certo didicimus. Et ideo vobis mandamus quod castrum de Carebroc, quod fuit predicti comitis, sine dilacione liberetis vicecomiti Suhamptonie, cui illud commisimus custodiendum quamdiu nobis placuerit. Et in hujus rei testimonium, has etc. Teste ut supra, anno eodem.

Rex R. comiti Cestrie, salutem. Sciatis quod, divina cooperante gratia, plena pax est inter nos et dominum Ludovicum reformata, et in forma pacis continetur quod omnes prisones ex utraque parte detenti deliberentur. Et ideo vobis mandamus quod sine dilacione delibeari faciatis Johannem de Fossa, quem captum tenetis in custodia vestra. Et in hujus rei testimonium etc. vobis mittimus. Teste comite, apud Kingeston, xiiij die Septembris, anno regni domini regis primo.

Rex majori et baronibus London, salutem. Cum jam, cooperante Domino, plena pax inter nos et dominum Ludovicum, domini regis Francie primogenitum, cognatum nostrum, fuerit reformata, vobis mandamus firmiter precipientes quatinus, sicut nos et honorem nostrum et corpora vestra et omnia que in dominio nostro habetis diligitis, dictum dominum Ludovicum et omnes suos custodiatis et defendatis, tamquam corpus nostrum et nostros. Nec ei vel suis aliquam inferatis vel ab aliquo inferri permittatis, pro posse vestro, molestiam vel injuriam; cum quicquid ei vel suis factum fuerit a vobis, nobis et nostris factum, reputemus et reputabimus. Et in hujus rei testimonium etc. vobis mittimus. Teste comite, apud Kingeston, xiiij die Septembris.

Rex baronibus, militibus, et omnibus libere tenentibus et aliis de terra, que fuit comitis W. Devonie, salutem. Sciatis quod commisimus dilectis et fidelibus nostris, Henrico de Ponte Aldemari, et Radulfo de Norwico, clerico, totam terram cum pertinenciis que fuit ejusdem comitis, custodiendam quamdiu nobis placuerit, excepta terra que fuit ejusdem comitis in comitatu Suhamtonie. Et ideo vobis mandamus quod eis, tamquam custodibus et ballivis nostris, in omnibus sitis intendentes et respondentes. Et in hujus rei testimonium, etc. Teste eodem comite, apud Kingeston, xv die Septembris, anno regni nostri primo.

Rex omnibus vicecomitibus et ballivis suis, in quorum ballivis W. comes Devonie terras habuit et tenementa, salutem. Sciatis quod commisimus dilectis et fidelibus nostris, Henrico de Ponte Audomari et Radulfo de Norwico, clerico, omnes terras et tenementa que fuerunt ipsius comitis Devonie, cum omnibus pertinensiis suis, exceptis terris quas habuit in comitatu Suhamtonie. Et ideo vobis mandamus quod eisdem Henrico et Radulfo de terris predictis et tenementis sine dilacione plenam saisinam habere faciatis, cum omnibus pertinenciis suis. Et in hujus rei testimonium, etc. Teste eodem comite, apud Kingeston, xv die Septembris, anno regni nostri primo.

Rex Reginaldo de la Werth, constabulario de Plinton, salutem. Sciatis quod commisimus Henrico de Ponte Audomari et Radulfo de Norwico, clerico, castrum de Plinton, quod fuit comitis W. Devonie, quod est in custodia vestra, quamdiu nobis placuerit. Et ideo vobis mandamus quatinus eidem Henrico et Radulfo sine dilacione castrum illud liberetis. Et in hujus rei etc. Teste eodem comite, apud Kingeston, xv die Septembris, anno regni nostri primo.

Rex archiepiscopis, episcopis, abbatibus, comitibus, baronibus, militibus, libere tenentibus et aliis de comitatu Susexie, salutem. Sciatis quod commisimus dilecto et fideli nostro Matheo, filio Hereberti, comitatum Susexie, cum omnibus pertinenciis suis, custodiendum quamdiu nobis placuerit. Et ideo vobis mandamus quod eidem Matheo, tanquam vicecomiti nostro et ballivo nostro, in omnibus sitis intendentes et respondentes. Et in hujus rei etc. Teste ipso comite, apud Kingeston, xv die Septembris, anno regni nostri primo.

Petrus Estugun litteras habet de conductu, duraturas usque ad festum Sancti Michaelis, anno regni nostri primo.

Magister Willelmus de Bidingdon habet literas de conductu, in eundo per totam potestatem domini regis, usque Lundon, duraturo a die Dominica proxima post Exaltacionem Sancte Crucis, anno regni ipsius domini regis j in xv dies sequentes. Teste comite, apud Kingeston, xvij die Septembris. Anno eodem.

Rex dilecto et fideli suo, R. de Clifford, salutem. Sciatis quod I. cometissa Glocestrie venit ad fidem et servicium nostrum. Et ideo vobis mandamus quod sine dilacione illi, vel certo nuncio suo has litteras defferenti, reddatis domum suam et totam terram suam in Henlea, cum pertinenciis. Et quia etc. Teste comite, apud Kingeston, xvij die Septembris.

Rex dilecto et fideli suo, P. de Maulay, vicecomiti Sumersete et Dorsete, salutem. Sciatis quod cometissa Glocestrie venit ad fidem et servicium nostrum. Et ideo vobis mandamus quod sine dilacione illi, vel certo nuncio suo has litteras defferenti, faciatis habere plenariam saisinam de terris, wardis, [et] eschaetis suis in bailliva tua cum pertinenciis. Et quia, etc. Teste comite, apud Kingeston, xvij die Septembris.

Rex omnibus militibus, libere tenentibus et aliis de cometissa Gloucestrie, salutem. Sciatis quod cometissa Glocestrie venit ad fidem et servicium nostrum. Et ideo vobis mandamus quatinus in omnibus illi, tanquam domine vestre, sitis intendentes et respondentes. Et quia etc. Teste comite, apud Kingeston, xvij die Septembris.

Rex G. constabulario de Meauton, Radulfo de Bray, Olivero filio Regis, et Ricardo filio Hugonis, salutem. Sciatis quod pax firma facta est inter nos et dominum Ludovicum, domini regis Francie primogenitum. Et ideo vobis mandamus quod nulli in partibus Norfolchie Suffolchie, Essexie et Hoertfordie dampnum aliquod faciatis, vel fieri per mittatis, vel impedimentum. Et in hujus rei testimonium, etc. Teste comite, apud Mereton, xix die Septembris, anno regni primo.

Rex omnibus etc., salutem. Sciatis quod mittimus dilectum et fidelem nostrum, Alanum Basset, ad conducendum S. comitem Wintonie, ad veniendum ad fideles nostros de consilio nostro ad loquendum cum eis, et eidem Alano salvum conductum nostrum concedimus, ad veniendum cum predicto comite ad consilium nostrum. Et in hujus rei testimonium, has litteras etc. eidem Alano fieri fecimus. Teste eodem comite, apud Mereton, xix die Septembris, anno regni nostri primo.

Rex venerabili patri, W. archiepiscopo Eboracensi, et R. Dunolmensi episcopo, R. comiti Cestrie, W. comiti de Ferrariis, W. comiti de Aubemarla, J. constabulario Cestrie, G. de Nevill, B. de Insula, Hugoni de Bailol, Philippo de Ulecot, Rogero Bertram, et ceteris fidelibus suis presentes litteras inspecturis, salutem. Mandamus vobis rogantes quod in fide qua nobis tenemini, sicut nos et indemnitatem nostram et regni nostri diligitis, nisi rex Scott [orum] reddiderit Roberto de Veteri Ponte, castrum de Karliol, et omnes terras, quas occasione guerre habite inter nos et dominum Lodovicum, occupavit, et omnes prisones, quos captos tenet de hac guerra, efficaciter auxilium et consilium vestrum in omnibus predicto Roberto impendatis ad predictum castrum Karleel recuperandum, et terras occupatas occasione dicte guerre ab eodem rege Scott [orum] et prisones quos captos tenet. Ita quod diligenciam vestram habeamus commendatam. Et in hujus rei etc. Teste ipso comite, apud Westmonasterium, xxiij die Septembris, anno eodem.

Rex omnibus etc. Sciatis quod [cepimus] in protectionem et salvum conductum nostrum Adam vicecomitem Meled', Gilon[em] nepotem ipsius, et omnes milites et socios suos, et omnes suos, morando in potestate nostra donec idem vicecomes, qui infirmabatur, convaluerit, et in eundo ad mare ad revertendum ad partes suas. Et ideo vobis mandamus quod eisdem vicecomiti vel Gilon [i] nepoti ipsius vel militibus suis vel alicui hominum suorum nullum faciatis, vel fieri permittatis, dampnum, gravamen, vel impedimentum, in morando in potestate nostra, vel in redeundo ad partes suas. Et in hujus etc. Teste eodem comite, apud Westmonasterium, xxiij die Septembris, anno eodem.

Rex omnibus, salutem. Sciatis quod dedimus salvum conductum nostrum Matheo de Abbetot, et Jordano de Berengevill, duraturas usque ad festum Omnium Sanctorum, anno regni nostri primo.

Rex nobili viro, A. regi Scoc [ie], spiritum consilii sanioris. Mandamus vobis quod, sine dilacione et difficultate aliqua, liberetis dilecto et fideli nostro, R. de Veteri Ponte, castrum nostrum de Karl[eel] et omnes prisones, quos captos tenetis de hac guerra, et omnes terras quas occupastis occasione hujus guerre, secundum tenorem litterarum domini Lodovici, quas vobis inde mittit. Et in hujus rei etc. Teste ipso comite, apud Westmonasterium, xxiij die Septembris, anno eodem.

Eodem modo scribitur Alano de Galweya, constabulario Scocie.

Rex archiepiscopis, episcopis, abbatibus, comitibus, baronibus, militibus, et libere tenentibus et aliis de comitatu Cumberlande, salutem. Sciatis quod commisimus dilecto et fidelo nostro, Roberto de Veteri Ponte, castrum Karl [eel] et comitatum de Cumberlande, cum omnibus pertinenciis suis, custodiendos quamdiu nobis placuerit. Et ideo vobis mandamus quod ei, tanquam vicecomiti nostro et ballivo, in omnibus sitis intendentes et respondentes. Et in hujus etc. Teste ipso comite, apud Westmonasterium, xxiij die Septembris, anno regni nostri primo.

Rex majori et prepositis de London, salutem. Mandamus vobis quod sine dilacione plenam saisinam habere faciatis domine regine, matri nostre, de Riparia Regine, que est de dote sua. Quia vero sigillum etc. Teste comite Marscallo, apud Westmonasterium, xxiij die Septembris.

Rex Falcasio de Breute, salutem. Sciatis quod Henricus de Breebrok venit ad fidem et servicium nostrum, et ideo vobis [crossed through].

Rex omnibus, salutem. Johannes de Ely litteras habet de conductu, duraturo usque ad festum Omnium Sanctorum, cum omnibus rebus et mercandisis. Et quoniam, etc. Teste ipso comite, apud Lamheye, xxiij die Septembris, anno eodem.

Rex omnibus etc. Sciatis quod dedimus salvum et securum conductum nostrum Willelmo de Bello Monte, mar[escallo] domini Lodovici et omnibus qui cum eo fuerint, tam municioni castri Norwici, quam aliis, cum rebus et hernesiis suis, in eundo [et] morando per totam potestatem nostram, cum obsidibus suis ducendis in potestatem ipsius Lodovici. Si vero idem mar [escallus] prefatos obsides in potestatem nostram dimittere noluerit, eos salvo ad opus Lodovici salvo custodiri permittemus quousque idem mar [escallus] eos interogaverit, nisi prefati obsides versus prenominatum Lodovicum perquirere possint pacem suam, quod si non fecerint, eos bona fide conduci faciemus usque in potestatem Lodovici. Duret autem conductus iste usque in xv dies post festum Omnium Sanctorum. Et in hujus rei etc. Teste ipso comite, apud Lamheye, xxiij die Septembris.

Rex probis hominibus de Norwic, Dunwic, Gernemue, Lenn, et aliis ballivis et fidelibus suis, salutem. Mandamus vobis, firmiter precipientes, quod de omnibus debitis, que Lodovico debetis de terminis transactis, Willelmo de Bello Monte, marescallo ipsius Lodovici, vel certo attornato suo, satisfaciatis, ne amplius inde clamorem audiamus, quoniam pro bono pacis hoc Lodovico pepigimus. Et quoniam etc. Teste ipso comite, apud Lamheye, xxiij die Septembris, anno eodem.

Rex omnibus militibus, et libere tenentibus, et aliis de honore de Heye, salutem. Mandamus vobis quod Godefrido de Luvein in omnibus sitis intendentes et respondentes, sicut fuistis ante gwerram motam inter patrem nostrum et barones suos Anglie. Teste ut supra.

Rex Willelmo de Bello Monte, salutem. Mandamus vobis quod sine dilacione liberetis comiti W. Marescallo, rectori nostro et regni nostri, vel certo nuncio suo has litteras deferenti, omnes cartas et omnia cirographa, que habetis de Ysaac de Norwico, Judeo, et aliis Judeis. Teste ut supra.

Ysaac de Norwico, Judeus, litteras habet de conductu sine termino. Teste ut supra.

Comes David litteras habet de conductu, duraturas usque ad Purificacionem beate Marie. Teste ut supra.

Rex Burdegalensi archiepiscopo, salutem. Sciatis quod pro bono et fideli servicio W. comitis de Albemarla, cujus fidem et servicium plurimum commendamus, concessimus ei custodiam terre et heredis Ernoldi de Forez in Lulay, cum omnibus pertinenciis suis. Et ideo vobis mandamus quod ei inde plenam saisinam habere faciatis. Et in hujus rei etc. Teste ut supra, apud Lamheye, xxiij die Septembris, anno eodem.

De castro liberando. Duplicate.—Rex Roberto de Veteri Ponte, salutem. Mandamus vobis quod sine dilacione liberetis R. comiti Augy castrum suum de Tykehull, cum pertinenciis suis, quod est in manu vestra. Et tantum inde faciatis ne terre nostre Pictavie vel terre nostre Anglie malum vel dampnum per vos eveniat. Et in hujus rei etc. Teste ipso comite, apud Lamheye, xxiij die Septembris, anno regni nostri primo.

Eodem modo mandatum est eidem Roberto quod castrum illud et totam terram predicti comitis, que est in manu sua liberet Warino, filio predicti R. comitis Augy. Teste comite, apud Cantuariam, xxix die Septembris.

Rex Petro de Maulay, salutem. Mandamus vobis quod si Reginaldus de Cornh [ull] terminos redempcionis sue statutos, ante diem Martis proximam ante Exaltacionem Sancte Crucis, anno regni nostri primo, qua pax reformata fuit inter nos et Lodovicum, domini regis Francie primogenitum, servaverit, vel ipsos terminos adhuc servare voluerit, ipsis servatis, sine dilacione obsides suos deliberetis nec amplius de redempcione sua exigatis, quia ita continetur in forma pacis reformate. Et in hujus etc. Teste apud Gillingham, xxv die Septembris, anno eodem.

Eodem modo scribitur eidem P. pro Johanne de Sancto Leodagario. Data eadem.

Rex Petro de Maulay, salutem. Mandamus vobis quod sine dilacione deliberetis Johannem Mautravers et socium suum, cum hominibus et equis suis, et hernisio suo, quos cepistis ; et plurimum miramur quod eos cepistis, cum sciretis eos esse de familia dilecti et fidelis nostri comitis W. Marescalli, et eos jampridem venisse ad fidem et servicium nostrum. Et in hujus rei testimonium etc. Teste comite, apud Cantuariam, xxvj die Septembris, anno regni nostri primo.

Rex majori et vicecomitibus Londonie, salutem. Mandamus vobis quod, per manum dilecti et fidelis nostri Johannis Mar [escalli], liberari faciatis dilecto et fideli nostro H. de Burgo, justiciario nostro Anglie, cuneum nostrum et excambium Londonie. Et in hujus rei testimonium, literas sigillo comitis W. Marescalli, rectoris nostri et regni nostri, sigillatas, quia nondum sigillum habuimus, vobis inde mittimus. Teste eodem comite, apud Ewell, xxviij die Septembris, anno regni nostri primo.

Rex Steffano Crabbe, salutem. Precipimus vobis quod sine dilacione et occasione aliqua deliberetis homines comitis Britannie, quos captos tenetis, et eos quietos abire permittatis. Et in hujus rei testimonium, has litteras nostras patentes, sigillatas sigillo comitis W. Marescalli, rectoris nostri et regni nostri, quia nondum sigillum habuimus, vobis inde mittimus. Teste eodem comite, apud Ewell, xxviij die Septembris, anno regni nostri primo.

Rex baronibus de Quinque Portibus, salutem. Mandamus vobis firmiter precipientes quod, sicut corpora vestra et omnia que habetis diligitis, omni occasione et dilacione postpositis, statim deliberetis omnes prisones quos captos tenetis, quoniam ita continetur in forma pacis facte inter nos et dominum Ludovicum. Et in hujus rei etc. Teste comite, apud Dovre, xxix die Septembris, anno regni nostri primo.

Robertus de Bello Monte habet litteras de conductu, duraturas usque ad Natale Domini anno regni domini regis secundo, in morando in Anglia. Teste comite, ut supra.

Johannes de Montiniaco similes habet literas de conductu, in morando in Anglia, usque ad festum Sancti Martini, anno regni domini regis secundo. Teste ut supra.

Rex Falkesio de Breaute, salutem. Mandamus vobis quod sine dilacione deliberetis omnes prisones, quos captos tenetis, et quos vestri captos tenent, secundum formam pacis facte inter nos et dominum Ludovicum, sicut bene scitis. Et quoniam nondum habuimus sigillum etc. Teste comite, apud Dover, xxix die Septembris, anno regni nostri primo.

Mandatum est G. de Nevill, camerario, quod habere faciat R. comiti Augi, omnes terras suas, cum omnibus pertinenciis suis in ballia sua, sicut eas habuit in principio guerre. Teste ut supra.

[m. 2.]

[In the margin, faintly written:—] "Here spacce the cuccu, Srewarchin scol Srewe."

Rex W. comiti Aubemarle, salutem. Mandamus vobis quod sine dilacione deliberetis Robertum filium Walteri, secundum formam pacis inter nos et dominum Ludovicum, domini regis Francie primogenitum, reformate, et per nos et alios fideles nostros jurate. Et in hujus rei testimonium, has litteras nostras patentes etc. vobis mittimus. Teste comite, apud Cantuariam, xxix die Septembris, anno regni nostri primo.

Walterus de Dunstanvile et Johannes filius Alani habent litteras de conductu, duraturas usque ad concilium quod erit a die Sancti Michaelis in tres septimanas. Teste comite, apud Lameth, ij die Octobris, anno regni domini regis secundo.

Rex Falkesio de Breaute, salutem. Mandamus vobis quod sine dilacione deliberetis Osbertum filium Nigelli, quem captum tenetis, secundum formam pacis inter nos et dominum Ludovicum, domini regis Francie primogenitum, reformatam, et per nos et alios fideles nostros juratam. Et in hujus rei testimonium has litteras nostras patentes etc. vobis mittimus. Teste comite, apud Lameth, ij die Octobris, anno regni nostri primo.

Odo de Puncy et Milo de Marcheis habent litteras de conductu, in eundo ad mare, cum omnibus illis quos secum ducunt, ad revertendum in partes suas. Teste ut proximo supra, anno eodem.

Rex omnibus baillivis et fidelibus suis has literas inspecturis, salutem. Sciatis quod suscepimus in protectionem et defensionem nostram homines, res, redditus, terras et omnes possessiones dilecti et fidelis nostri abbatis de Bello. Et ideo vobis mandamus quatinus ipsum, res, redditus, homines, terras et omnes possessiones suas manuteneatis, protegatis et defendatis, nullam eis facientes vel fieri permittentes injuriam, molestiam vel gravamen. Et si quid ei vel suis in aliquo forisfactum fuerit, id ei sine dilacione faciatis emendari. Libertates etiam quas habent de predecessoribus nostris, regibus Anglie, illesas eis conservetis et conservari faciatis secundum tenorem cartarum quas inde habent. Et in hujus rei testimonium etc. Teste ipso comite, apud Lameth, ij die Octobris.

Walo serviens Hugonis de Malo Alneto habet litteras de conductu, duraturo usque ad festum Omnium Sanctorum, anno regni domini regis secundo, in eundo per terras ipsius Hugonis, et in revertendo versus partes suas. Teste comite, apud Lameth, iij die Octobris.

Rex probis hominibus de Cestrehunte, salutem. Mandamus vobis quod nulli sitis intendentes et [respondentes] nisi Joclengo Balu, atornato comitis Britannie. Et in hujus rei testimonium, has etc. vobis mittimus. Teste comite, ibidem, anno eodem et eodem die.

Rex comiti de Clare, salutem. Mandamus vobis quod, omni occasione et dilacione postpositis, deliberetis Thomam de Den', servientem nostrum, quem captum tenetis, qui secundum formam pacis facte inter nos et Lodovicum deliberandus est. Et in hujus etc. Teste ut supra.

Rex omnibus ballivis suis in quorum balliis Willelmus de Lanvalay terras habuit et tenementa, salutem. Sciatis quod commisimus dilectis et fidelibus nostris, Roberto de la Mare et Thome de Winton, omnes terras et omnia tenementa, que fuerunt. Willelmi de Lanvalay, cum omnibus pertinenciis suis, custodiendum quamdiu nobis placuerit. Et ideo vobis mandamus quod predictis Roberto et Thome sine dilacione plenam saisinam habere faciatis de omnibus terris et tenementis, que fuerunt predicti Willelmi in balliis vestris. Et in hujus etc. Teste ut supra, anno eodem.

Rex constabulario de Norwico, salutem. Sciatis quod suscepimus in protectionem et defensionem nostram Isaac, Judeum nostrum Norwic [ensem], et omnes suos et omnia sua et omnes alios Judeos nostros de Norwico. Et ideo vobis madamus quod ipsum Isaac et suos et omnia sua et omnes alios Judeos nostros Norwic [enses] manuteneatis et protegatis, non inferentes eis vel suis etc. Et si quid eis fuerit forisfactum, id ei sine dilacione faciatis emendari, quia ipsos et omnia sua, tanquam nostra dominica, volumus et precipimus protegi et manuteneri. Ipsum etiam Isaac et suos et sua in castro nostro receptetis. Et in hujus rei etc. Teste comite, ibidem, anno eodem.

Mandatum est Willelmo Marescallo, juniori, quod sine dilacione talem saisinam habere faciat S. comiti Wintonie, qui rediit ad fidem domini regis, de omnibus terris suis quas tenet, qualem idem S. inde habuit die quo recessit a fide et servicio domini regis J. patris domini regis. Teste comite, apud Lameth, iiij die Octobris, anno regni domini regis primo.

Et mandatum est ballivis ejusdem Willelmi quod decetero se non intromittant de aliquibus terris predicti comitis, set eas ei in pace permittat habere, et talem saisinam earum qualem habuit die quo recessit etc. Teste comite, ut proxima.

Rex dilecto et fideli suo Philippo de Ulecot, salutem. Mandamus vobis quatinus in fide qua nobis tenemini, sicut alias vobis mandavimus, sine dilacione liberetis venerabili patri nostro, R. dei gracia Donolmensi episcopo, castra sua de Donolmia et de Norham, cum omnibus ad ea pertinentibus. Et in hujus rei testimonium, has litteras nostras patentes, sigillatas etc. vobis inde mittimus. Teste eodem comite, apud Westmonasterium, iiij die Octobris, anno regni nostri primo.

Rex Roberto le Sauvage, salutem. Mandamus vobis quod sine dilacione deliberetis Willelmum Reyne, mercatorem, quem gentes nostre de garnisione castri nostri de Brembre ceperunt, in conductu magistri et fratrum milicie Templi in Anglia, et vos captum detinetis. Et in hujus rei testimonium etc. vobis mittimus. Teste eodem comite, apud Westmonasterium, iiij die Octobris, anno regni nostri primo.

Rex W. comiti Warennie, salutem. Mandamus vobis quod sine dilacione deliberetis Rogerum de Horn et Ricardum, filium suum, quos cepistis et captos tenetis. Teste comite, apud Lameth, v die Octobris.

Rex Falkesio de Brewte, salutem. Mandamus vobis quod si Hugo de Vivonia et ceteri ballivi Savarici de Malo Leone facere noluerunt plenariam saisinam W. de Mandevill de terris suis et terris que fuerunt G. de Mandevill, fratris sui, in balliva vestra, vos sine dilacione eidem Willelmo de eisdem terris plenariam saisinam habere faciatis. Et in hujus etc. Teste comite, apud Westmonasterium, v die Octobris.

Rex dilecto et fideli suo W. comiti Albemarle, salutem. Mandamus vobis quod sine dilacione deliberetis Robertum filium Walteri, quem captum tenetis, qui, secundum formam pacis facte inter nos et dominum Ludovicum, deliberandus est. Et in hujus rei etc. Teste ipso comite, apud Westmonasterium, v die Octobris.

Rex dilecto et fideli suo W. comiti Albemarle, salutem. Mandamus vobis quod sine dilacione deliberetis Gilebertum de Gant per obsides suos usque ad concilium, quod erit a die Sancti Michaelis in tres septimanas, quem captum tenetis ; et nisi feceritis, habeatis eum coram nobis ad predictum concilium. Et in hujus rei etc. Teste eodem comite, apud Westmonasterium, v. die Octobris.

Rex omnibus fidelibus suis de foresta Essexie, salutem. Mandamus vobis quod sitis intendentes Ricardo de Muntfichet de foresta Essex, sicut fuistis die quo idem Ricardus recessit a fide et servicio domini regis J. patris nostri. Et in hujus rei etc. Teste comite, apud Westmonasterium, vj die Octobris, anno regni nostri primo.

Rex abbati de Waltham, salutem. Mandamus vobis quod sitis intendentes et respondentes domine regine, matri nostre, de firma manerii de Waltham, sicut respondere solebant ad Scaccarium domini regis. Teste comite, ibidem, eodem die, anno eodem.

Rex omnibus libere tenentibus et aliis de villa de Writele, salutem. Sciatis quod commisimus dilecto et fideli nostro Philippo de Albuniaco villam nostram de Writele, cum omnibus pertinenciis suis, quamdiu nobis placuerit, ad se sustentandum in servicio nostro. Et ideo vobis mandamus quod eidem Philippo in omnibus sitis intendentes et respondentes. Et in hujus rei etc. has litteras nostras patentes etc. vobis mittimus. Teste comite, apud Westmonasterium, vj die Octobris, anno regni nostri primo.

Rex civibus Lincolnie, salutem. Sciatis quod volumus quod Willelmus nepos Gwarnerii sit major civitatis nostre Lincolnie, [sicut] fuit tempore domini regis J., patris nostri. Et ideo vobis mandamus quod eidem Willelmo, tanquam majori vestro, sitis intendentes et ei, tanquam ballivo nostro, respondentes. Et in hujus rei testimonium etc. vobis mittimus. Teste comite, ut supra, anno eodem.

Rex Falkesio de Breaute, salutem. Mandamus vobis quod sine dilacione, secundum formam pacis facte inter nos et dominum Ludovicum, liberetis filium et heredem Henrici de Braybroc, quem captum tenetis. Et in hujus rei etc. Teste ut supra, anno eodem.

Rex Santoniensi episcopo, salutem. Sciatis quod de prosperitate vestra plurimum congratulamur, cujus statum cum incremento conservet Dominus et honore, et vestram rogamus dignitatem quatinus fidelitatem, quam nobis facere debetis, coram venerabili patre nostro, domino Burdegalensi archiepiscopo, faciatis. Et quoniam etc. Teste comite, apud Lameth, vj die Octobris.

Rex G. de Marisco, justiciario Hibernie, salutem. Mandamus vobis, sicut sepius mandavimus, firmiter precipientes, quod, de primis redditibus, exitibus et perquisitis terre nostre Hibernie, habere faciatis, sine dilacione et difficultate, venerabili patri nostro domino H. Dublinensi archiepiscopo, quingentas marcas, quas ei debemus pro expensis suis, quas fecit in concilio generali in curia Romana pro negociis nostris et regni nostri; ita solucionem dicte pecunie accelerantes, ne, per moram solucionis, dampnum vel jacturam per vos nobis eveniat. Et in hujus rei etc. Teste comite, apud Lameth, vj die Octobris, anno regni nostri primo.

Rex dilecto et fideli suo G. de Mariscis, justiciario suo Hibernie, salutem. Sciatis quod concessimus venerabili patri nostro in Christo, domino H. Dublinensi archiepiscopo, apostolice sedis legato, usque ad quartumdecimum annum etatis nostre completum, in recompensacionem dampnorum illatorum de ecclesis suis extra Dublin, occasione castri nostri Dublinie firmati, unde dampnificata est ecclesia Dublinensis, sicut idem dominus archiepiscopus nobis intimavit, usque decem libras annuatim, duas carucatas terre cum pertinenciis extra Dublin, videlicet tahmod [as], quas tenuerunt Hertah et Gyllys Ohmochan, de quibus percipere solebamus annuatim decem marcas et dimidiam. Et ideo vobis mandamus quod eidem domino archiepiscopo de predicta terra, cum omnibus pertinenciis suis, plenam habere faciatis saisinam, nisi terra illa reddere consueverit annuatim ad Scaccarium nostrum plus quam decem marcas et dimidiam. Et in hujus rei etc. Teste eodem comite, apud Lamhethe, vij die Octobris.

Rex Anglie etc. dilectis et fidelibus suis probis hominibus de Lenn, salutem. Mandamus vobis quod dilecto et fideli nostro Roberto filio Swynolf, tanquam majori vestro, in omnibus sitis intendentes et respon dentes, sicut esse solebatis tempore domini regis J. patris nostri. Pecuniam autem, quam pro vobis solvit, ultra quam pro se ipso solvisse debuit, de fine quem cum domino Ludovico fecistis, eidem allocetis et restituatis; tantum inde facientes ne manum nostram ad hoc, per defectum vestrum, extendamus. Quoniam vero etc. Teste ipso comite, apud Lamhethe, vij die Octobris, anno regni nostri primo.

Rex omnibus libere tenentibus et aliis de manerio de Kingeshatfeud, salutem. Sciatis quod commisimus Willelmo de Casingham manerium de Kingeshatfeud, quamdiu nobis placuerit, ad se sustentandum in servicio nostro. Et ideo vobis mandamus quod eidem Willelmo in omnibus sitis intendentes et respondentes. Et in hujus rei [etc.] Teste etc. ipso comite, apud Westmonasterium, viij die Octobris, anno regni nostri primo.

Rex Petro de Maulay, salutem. Mandamus vobis, quod alias mandavimus, quod sine dilacione deliberetis Johannem Mautravers, militem W. comitis Marescalli, et Ricardum Burdun, socium suum, cum hominibus, equis et hernisio suo, et miramur quamplurimum quod per primum mandatum nostrum eum non deliberastis. Si vero eum quietum abire dimittere nolueritis, ipsum per plevinam dimittatis quod erit apud London. Et in hujus rei etc. Teste ipso comite, apud Westmonasterium, viij die Octobris, anno eodem.

Rex Willelmo de Casingham, salutem. Mandamus vobis quod ei (sic) sine dilacione deliberetis Galfridum Tresgoz, prisonem quem captum detinetis, sub forma pacis. facte inter nos et Lodovicum. Et in hujus rei etc. Teste ipso comite, apud Westmonasterium, viij die Octobris, anno regni nostri primo.

Rex omnibus militibus, libere tenentibus et aliis de comitatu Lincolnie, salutem. Sciatis quod commisimus dilectis et fidelibus nostris Simoni Trussebut et Ricardo, clerico, sokam de Geyton, cum pertinenciis, et omnes alias escaetas nostras, cum omnibus pertinenciis suis, in comitatu Lincolnie, custodiendas quamdiu nobis placuerit. Et ideo vobis mandamus quod eis, tanquam ballivis et escaetis (sic) nostris in omnibus sitis intendentes et respondentes. Et in hujus rei testimonium etc. Teste ipso comite, apud Westmonasterium, ix die Octobris, anno regni nostri primo.

Rex Thome filio Bernardi et Willelmo de Bosco, salutem. Mandamus vobis quod, secundum formam pacis inter nos et Lodovicum facte, deliberetis Willelmum de Reygat, quem captum tenetis. Et in hujus rei testimonium, etc. Teste ipso comite, apud Westmonasterium, ix die Octobris, anno regni nostri primo.

Rex omnibus hominibus et fidelibus suis, manentibus infra ballivam, que fuit Fulconis de Lisuris, de foresta, has litteras visuris et audituris, salutem. Sciatis quod reddidimus dilecto et fideli nostro H. de Nevill,ballivam, que fuit Fulconis de Lisuris, de foresta nostra, custodiendam adeo integre et plenarie, sicut eam melius solebat custodire. Et ideo vobis mandamus quod ei sitis intendentes et respondentes ut forestario nostro, sicut solebatis. Et in hujus rei testimonium etc. Teste ipso comite, apud Westmonasterium, viij die Octobris, anno regni nostri primo.

Rex Galfrido de Nevill, camerario, salutem. Mandamus vobis, firmiter precipientes, quod sicut nos et tranquillitatem terre nostre diligitis, sine dilacione restitui faciatis Stephano de Croy et sociis suis, mercatoribus de potestate domini regis Francie, tria lasta coriorum et xv tachr' (rectius dikeres) et sep [tem] saccos lane, vel precium eorum, que marinelli vestri de Dunwic eis abstulerunt in mari et ad castrum nostrum de Scardeburg, per preceptum nostrum, distulerunt. Quod nisi feceritis, sciatis quod nos ad terram vestram inde capiemus, et ea ei ablata inde restitui faciemus. Et in hujus rei etc. Teste ipso comite, apud Westmonasterium, ix die Octobris, anno regni nostri primo.

Eodem modo scribitur W. comiti de Alba Marla pro mercatoribus de potestate regis Francie de vj^xx et vj summis bladi, que capte fuerunt per gentem ipsius comitis apud Heddon.

Eodem modo scribitur Philippo de Ulecot pro Stephano de Croy, qui est de eadem potestate, de sexaginta m[arcis] et xiij, quas gentes vestre eis abstulerunt inter Pontem Fractum et Danecastre.

Eodem modo scribitur Roberto de Curtenay pro Stephano de Croy de iiij^xx et vj doliis vini Andegavensis, et ab eo cepistis (sic) apud Exoniam.

Eodem modo scribitur Philippo de Albiniaco pro eodem mercatore de ix^x summis frumenti, captis apud Ryam per eundem Philippum et suos.

Rex dilectis et fidelibus suis Roberto de Veteri Ponte, G. de Nevill, Philippo de Ulecot, et Briano de Insula, et omnibus suis presentes literas inspecturis, salutem. Sciatis quod dedimus salvum et securum conductum nostrum Ricardo de Percy, Rogero de Monte Begonis, Gileberto filio Reinfridi, et Ade de Stafleg in veniendo ad dilectum et fidelem nostrum W. Marescallum, comitem Penbrokie, rectorem nostrum et regni nostri, et cum eo loquendo de pace sua. Et ideo vobis mandamus quod eis, vel suis quos secum ducent, nullum in eundo, morando vel redeundo faciatis, vel fieri permittatis, dampnum vel inpedimentum. Duret autem conductus iste usque ad festum apostolorum Simonis et Jude, anno regni nostri secundo. Et in hujus rei etc. Quia nondum etc. Teste ipso comite, apud Lamhethe, x die Octobris, anno regni nostri primo.

Rex Gileberto filio Reinfridi, Rogero de Monte Begonis, Ricardo de Per[c]y et Ade de Stafleg, spiritum consilii sanioris. Mandamus vobis quod secure veniatis ad fidem et servicium nostrum, et sciatis quod suscepimus vos, et omnes illos qui vobiscum venient, in salvum et securum conductum nostrum, in veniendo ad dilectum et fidelem nostrum W. Marescallum, comitem Penbrokie, rectorem nostrum et regni nostri, et cum eo loquendo de pace vestra. Duret autem conductus iste usque ad festum apostolorum Simonis et Jude, anno regni nostri secundo. Et in hujus rei etc. Teste ut supra.

Dominus rex dedit salvum conductum suum Rohero, congnato H. regis Norwegie, in morando in potestate sua, quamdiu fuerit ad fidem suam. Teste comite, apud Lamheth, x die Octobris.

Rex dilecto et fideli suo Henrico de Trascy, salutem. Mandamus vobis firmiter precipientes quod, sicut omnia que de nobis tenetis diligitis, in pace habere permittatis dilecto et fideli nostro Roberto de Curtenay, ballivam suam in comitatu Devonie, cum omnibus pertinenciis suis. Nec in ea manum mittatis, vel mitti permittatis. Faciatis etiam L. comitisse Leircestrie maritagium suum habere, cum pertinenciis suis, quod ei injuste detinetis. Et in hujus rei etc. Quia nondum etc. Teste comite, apud Lamheth, ix die Octobris, anno regni nostri j.

Rex dilecto et fideli suo Henrico filio Comitis, salutem. Mandamus vobis firmiter precipientes quod, sicut omnia que de nobis tenetis diligitis, in pace habere permittatis dilecto et fideli nostro Roberto de Curtenay ballivam suam de comitatu Devonie, cum pertinenciis suis, nec in ea manum mittatis, vel mitti permittatis. Castrum etiam Reginaldi de Bray osa de Toneteis sine dilacione deliberetis dilecto et fideli nostro W. Marescallo, comiti Penbrokie, rectori nostro et regni nostri, ad liberandum illud per manum suam predicto fideli nostro Reginaldo de Brayosa, cui illud reddidimus ut jus suum. Et in hujus rei etc. Teste ipso comite, apud Lamheth, ix die Octobris, anno regni nostri primo.

Rex omnibus ballivis et prepositis de terris, que fuerunt W. comitis Devonie, in comitatibus Middelsexie et Surreie, salutem. Mandamus vobis firmiter precipientes quod in omnibus sitis respondentes et intendentes dilecto et fideli nostro comiti W. Marescallo, rectori nostro et regni nostri, nec alii quam ei, vel certo aturnato suo, respondeatis de predictis terris provenientibus. Et in hujus rei etc. Teste comite, ut supra, ibidem, et eodem die. [Cancelled.]

Walterus de Lacy et Henricus de Aldidelee habent literas ad conducendum omnes illos quos secum duxerint apud London, ad fidem et servicium domini regis. Quia nondum etc. Teste comite, apud Lamheth, ix die Octobris, anno regni nostri primo.

Rex etc. dilecto et fideli suo Falkesio de Brewte, salutem. Mandamus vobis quod sine dilacione deliberetis Johannem de Huntingefeld, quem captum tenetis, quia S. comes Wintonie, et Robertus filius Walteri et Willelmus de Albiniaco manuceperunt quod habebunt eum at concilium a die Sancti Michaelis in tres septimanas, ad faciendum de reddempcione sua quod inde facere debet. Quoniam vero etc. Teste ut supra.

Willelmus filius Benedicti et Ricardus de la Barre, et homines sui, habent conductum domini regis, in eundo per totam potestatem suam cum omnibus mercandisis predictorum Willelmi et Ricardi, usque ad Natale Domini, anno regni domini regis secundo. Teste comite, apud Westmonasterium, xij die Octobris.

[m. 1.]

Rex probis hominibus de Basingestok, salutem. Sciatis quod commisimus dilecto et fideli nostro Luce de Drumare manerium de Ba [s] ingstok, cum pertinenciis, ad se sustinendum in servicio nostro, et ideo vobis [mandamus] quod ei in omnibus sitis intendentes et respondentes, sicut prius fuistis per preceptum nostrum. Et in hujus rei etc. Teste comite, apud Lamheth, xij die Octobris.

Omnes barones Londonie habent literas patentes domini regis de protectione, sine termino, addita hac clausula;—omnes autem libertates et liberas consuetudines quas habent vel habere debent [vel] consueverunt per cartas antecessorum nostrorum, regum Anglie, eis illesas conservetis et conservari faciatis, sicut illas aliquo tempore melius et liberius habuerunt. Et in hujus rei etc. Teste comite, [apud] Westmonasterium, iiij die Octobris.

Rex omnibus ballivis et fidelibus suis presentes literas inspecturis, salutem. Sciatis quod dedimus salvum et securum conductum nostrum Michaeli de Watevill, in eundo et negociando per totam po [testatem] nostram cum rebus et mercandisis suis, faciendo inde debitas et rectas consuetudines. Et ideo vobis mandamus quod eidem Michaeli, vel suis quos secum ducet, vel rebus vel mercandisis suis, nullum in eu[ndo] vel redeundo faciatis, vel fieri permittatis, dampnum, molestiam vel inpedimentum. Duret autem conductus iste usque ad festum Sancti Johannis Baptiste, anno regni nostri secundo. Et in hujus etc. T[este comite] apud Lamheth, xiiij die Octobris.

Mandatum est Simoni de Cheindut et Willelmo, fratri suo, quod sine dilacione faciant deliberari Alexandrum Galun, quem captum tenent, secundum formam pacis, etc. Et in hujus rei, etc. Teste comite, apud Lamheth, xiiij d [ie Octobris].

Rex vicecomiti Norfolchie, salutem. Precipimus tibi quod sine dilacione plenariam saisinam habere facias Ricardo de Marchia de terra sua de Rollesby quam dimisit Warino de Rollesby ad vitam suam, qui mortu [us est]. Talem etiam eidem Ricardo saisinam de eadem terra habere facias [unfinished].

Mandatum est Thome de Sancto Walerico, vel ballivis suis, quod sine dilacione faciant deliberari prisonem, quem servientes de hundredo suo per ballium gentis domini Ludovici captum ten [ent]. [Teste] comite, apud Lamheth, xiiij die Octobris.

Rex abbatibus, prioribus, baronibus, militibus, et libere tenentibus et aliis fidelibus suis de honore comitatus Gloucestrie, salutem. Sciatis quod comitissa Gloucestrie in fata concessit, unde vobis mittimus dilectos et fideles [nostros] Philippum de Longbergh et Willelmum de Leie, quibus honorem Gloucestrie cum omnibus pertinenciis suis, quamdiu nobis placuerit, tradidimus custodiendum. Et ideo vobis mandamus quod eis in omnibus, sicut baillivis nostris de predicto [honore sitis in] tendentes et respondentes. Et in hujus rei testimonium etc. Teste ipso comite, apud Caveresham, xv die Octobris, anno regni nostri primo.

Rex omnibus burgensibus et libere tenentibus et aliis hominibus de Bureford et de Thornebiri, salutem. Sciatis quod comitissa Gloucestrie nuper in fata concessit, quare commisimus dilectis et fidelibus nostris [Philippo de Longbergh] et Willelmo de Leie custodiam ville de Bureford et manerii de Thornbiri quamdiu nobis placuerit. Et ideo vobis mandamus quod eis in omnibus, sicut baillivis nostris, sitis intendentes et res [pondentes. Et in hujus] rei etc. Teste ipso comite, apud Caveresham, xv die Octobris, anno regni nostri primo.

Walterus de Gloucestre, mercator de Cork, habet literas pendentes (sic) de protectione sine termino. Teste comite, apud Caveresham, xvij die Octobris, anno etc.

Rex baronibus, militibus, libere tenentibus et aliis omnibus de manerio de Peteresfeld et Apeldoueham, salutem. Sciatis quod commisimus dilectis et fidelibus nostris Radulfo de Norewyz, clerico nostro, et R [andolfo…] resham maneria de Peteresfeld et Appeldoueham, custodienda quamdiu nobis placuerit. Et ideo vobis mandamus quod eisdem Radulfo et Randolfo, tanquam custodibus et ballivis nostris, in omnibus sitis intendentes et respo [ndentes. Et in hujus] rei etc. Teste comite, apud Chaveresham, xviij die Octobris, anno regni nostri primo.

Rex dilecto sibi in Christo priori de Norwico, salutem. Mandamus vobis quod cartas et cyrographa Ysaac de Norwiz, que vos recepistis per mandatum nostrum, ea sine dilacione eidem [Ysaac vel] nuncio suo has literas nostras patentes deferenti, deliberetis. Et in hujus rei etc. Teste comite, apud London, xxvj die Octobris.

Rex dilecto et fideli suo Radulfo Musard, salutem. Mandamus vobis quod Willelmum de Sancto Leodegario et Ricardum Bataill, milites dilecti et fidelis nostri Ricardi Munfich [et, qui sunt] in prisona nostra et custodia vestra, sine dilacione deliberetis. Quia fideles nostri Robertus de Ferariis et prenominatus Ricardus de Munfichet manuceperunt pro eisdem Willelmo et Ricardo [quod] quamcito deliberabuntur ad dilectum et fidelem nostrum, comitem W. Marescallum, rectorem nostrum et regni nostri, venient sine mora, scituri utrum per for [mam pacis] reformate inter nos et dominum Ludovicum deliberari teneantur, necne. Et in hujus rei etc. Teste comite, apud London, xxvj die Octobris.

Rex Anglie dilecto et fideli suo Roberto de Veteri Ponte, salutem. Mandamus vobis quod sine dilacione deliberari faciatis dilecto et fideli nostro Roberto de Ros filium suum, quia comes Rogerus le Bigod, comes de Ferrariis, Petrus filius Herberti, G. . . de Harecurt manuceperunt super terras suas et corpora sua quod, si predictus Willelmus de Ros per judicium poni debeat ad redempcionem, ipsi redempcionem suam aquietabunt, nisi per formam pacis inter nos et dominum Ludovicum debeat delib [erari] coram dilecto et fideli nostro W. Marescallo, comite Penbrochie, et aliis fidelibus nostris, apud Westmonasterium, a die Martis proxima ante festum apostolorum Simonis et Jude in tres septimanas, ubi predictus Robertus de Ros comparebit cum filio suo. Et in hujus rei t [estimonium has literas] patentes, sigillatas sigillo predicti W. etc. Quia nondum etc. Teste ipso comite, apud London, xxvj Octobris, anno regni nostri primo.

Rex Johanni de Manebreg, salutem. Scias quod dominus rex J. pater noster dedit dilecto et fideli nostro W. Bruwer illos xl solidos, quos per annum consuevisti reddere ad Scaccarium suum, de ter[ra de] Maneberg, quos etiam eidem W. concessimus. Et ideo tibi precipimus quod de illis eidem W. sis respondens et intendens. Teste comite, apud London, xxviij die Octobris, anno regni nostri primo.

Rex dilecto et fideli suo G. de Marisco, justiciario Hibernie, salutem. Sciatis quod concessimus venerabili in Christo patri nostro, H. dei gracia Dublinensi archiepiscopo, apostolice sedis leg [ato], exitus archiepiscopatus Armacensis et omnium ecclesiarum chathedrarium Armacensis provincie, cum vacaverint, donec juxta consilium nostrum secundum deum fuerint ordin[ati. Et ideo vobis] mandamus quod eidem archiepiscopo sine dilacione custodiam et exitus dicte Armacensis ecclesie et aliarum, cum vacaverint, sicut dictum est, habere faciatis. Et in hujus rei [testimonium. Teste comite], apud London, xxviij die Octobris, anno regni nostri primo.

Burgenses de Dunwic litteras habent de proteccione patentes. Teste apud Westmonasterium, xxx die Octobris, anno regni nostri ij.

Abbas de Fescampo litteras habet de proteccione patentes. Teste ut supra.

[Membrane 1 has been cut along the margin: the missing words are supplied in square brackets.]