Extracts from the Records: 1507

1507

20 February 1506–7.

For the byrth of our King.

The provest baillies and counsall hes ordanit the seriandis to pas throw the toun and charge euery honest man merchand and craftsmen that they have ilk ane ane new tortys reddy, and pas in thair best aray to the abbay with the provest and baillies quhane God sall provyde the Quene to be deliuerit, and that ilk man be reddy to sett furth thair fyre quhane thai sall be chargit be the bell.

21 April 1507.

Aill.

It is statute ordanit and thocht expedient be the provest baillies and counsale for the commoun proffitt and till eschew the greitt skayth that mycht happin to the pure nychtbouris of this burgh browsteris tapparis and selleris of aill till proceid vpoun thame to the third falt quhilkis spayning fra the operatioun that in tyme to cum thai sall nor tap na deirare aill fra this day furth than xij d. the galloun, vnder the payne of viij s. to be raisit of the brekare als aft as it happinis, and that to be gevin to the kirk werk; and ordanis thairfore the officeris to raise and inbring the said vnlawes and the poyndis taken thairfor to the dene of gild, to be ponit to the kirk werk as said is but favouris. (In the convict buik, beginnand July 1505.—Tr.)

6 October 1507.

Regratouris.

It is statute and ordanit be the provest baillies and counsale, for the commoun proffitt of this towne and the nychtbouris thairof and all vtheris repairand thairto, that in tyme that na maner of regratouris of quheitt, meile, malt, fische, powltrie, wylde fowle or tayme, butter, egs nor cheise, nor siclyke, tak vpoun to by ony of the said victuall or stufe abouewrittin to sell and regraitt agane vnto the tyme that the nycbtboures of the town be first seruit to thair awin vse, vnder the paynis, the first of ane vnlaw, the secund falt escheitt of the stufe, and the thrid time spayning fra the occupatioun, after the tenour of the awld statutes maid thairvpoun obefoir viz:

Merkat tyme.

That the quheitt be nocht oppinit to sell nor sene before the hour of xj houris in wynter and x houris in summer.

Item, the meile apoun the Mononday quhill ij houris afternone, and on the Wednisday and Fryday quhill x before none be strikkin.

And the malt quhill x houris be strikkin before none.

And at all victuallis cvmmand to this towne to sell be putt in the Kings merkett oppinly to sell, and nocht to be hid nor kepit in hous priuately to be sawld be the bringers allanerly. (In the same buik.—Tr.)