|
| Syllabus Entry |
Foedera Text |
July 6. Commission to Sir Richard Nanfan, deputy lieutenant of Calais, sir Authony Broun, constable of Calais, and two others, to receive the 25,000 francs due from the K. of France on May 1. Westm.
O. xii. 683. H. v. p. iv. 124. |
Pro Ludovico Franciae, super Solutionibus faciendis, de Recipiendo & Acquietando.
An. 13. H. 7. Franc. 13. H. 7. m. 1.
Rex omnibus, ad quos &c. Salutem.
Cùm Anno Domini Millesimo, Quadringentesimo, Nonagesimo secundo, inter Nos &, perhennis memoriae, Regis Karoli, dudùm Gallorum Principis, Commissarios, Procuratores, Oratores, Deputatos & Nuncios, inter caetera, Conventum, Concordatum, Appunctuatum, & Conclusum fuerat quòd idem nuper Rex Karolus solveret & deliberaret, solvive & deliberari faceret, Nobis & Haeredibus nostris, seu nostris Deputatis vel dictorum Haeredum nostrorum Deputato vel Deputatis, Summam Septingentarum Quadraginta & quinque Millium Coronarum Auri.
Quam quidem Summam Septingentarum Quadraginta quinque Millium Coronarum Auri praefatus nuper Rex Karolus Confessus fuerit & Declaraverit, Seque & Haeredes atque Successores suos per Literas suas Nomine suo signatas Obligaverit, & pro Se & dictis Haeredibus atque Successoribus suis Consentiit & Promisit solvere & deliberare, solvive & deliberari facere, Nobis & Haeredibus nostris, seu nostris Deputatis, seu dictorum Haeredum nostrorum Deputato seu Deputatis, sub modo & formâ sequentibus; videlicet,
Quòd idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostrisve Deputatis seu dictorum Haeredum nostrorum Deputato vel Deputatis, in Villa nostra Calesii, Die Primo Mensis Maii extunc proximò sequente, Viginti & Quinque Millia Francorum in Coronis Auri, unoquoque Franco valente Viginti Solidos Turonenses secundum Cursum & Aestimationem quam tunc habuerunt,
Et Primo Die Mensis Novembris tunc proximò futuro consimilia Viginti Quinque Millia Francorum in Coronis Auri, in praedicta Villa nostra Calesii,
Et sic, de Anno in Annum, & de Termino in Terminum, idem nuper Rex Karolus solveret & deliberaret, Solvive & Deliberari faceret, suique Haeredes & Successores Solverent & Deliberarent, Solvive & Deliberari facerent, Nobis & dictis Haeredibus nostris, aut nostris seu dictorum Haeredum nostrorum Deputato vel Deputatis, Loco & Terminis antedictis, donec & quousque dicta Summa Septingentarum Quadraginta & quinque Millium Coronarum Auri per ipsum nuper Regem Karolum Gallorum Principem, Haeredes & Successores suos, Nobis & Haeredibus nostris, ut praedictum est, plenè & integrè Soluta & Contenta foret,
Et quia Prima Dies Mensis Maii ultimò praeterita fuit Undecimus Terminus Solutionis antedictae (videlicet) Anno Domini Millesimo, Quadringentesimo, Nonagesimo Octavo, in qua Summa Viginti & quinque Millium Francorum in Coronis Auri, in praedicta Villa nostra Calesii, ut praemittitur, solvi debuisset & adhuc remanet Nobis non numerata neque soluta,
Hinc est quòd Nos,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum, Ricardi Nanfan Militis Deputati Locumtenentis Villae nostrae Calesii, Anthonii Broun Militis Constabularii Castri nostri Calesii, Nicholai Boughton Thesaurarii Guerrarum Villae nostrae Calesii, & Radulphi Lathom, quamplurimùm confidentes,
Ipsos nostros veros & indubitatos Commissarios, Procuratores, Factores, Negotiorum Gestores, Receptores, & Deputatos, Facimus Constituimus, Ordinamus, & Deputamus per Praesentes,
Dantes Eisdem, Tribus, & Duobus, plenam, Tenore Praesentium, Potestatem & Auctoritatem, ac Mandatum speciale cum Commissariis, Procuratoribus, Deputatis, sive Nunciis Illustrissimi Principis Regis Fratris & Consanguinei nostri Regis Lodouvici Franciae, apud dictam Villam nostram Calesii, Nomine nostro, Tractandi & Communicandi, & ab ipsis dictam Summam Viginti & quinque Millium Francorum in Coronis Auri (unoquoque Franco Viginti Solidos Turonenses, ut praemittitur, valente) Nobis dicto Primo Die Mensis Maii per ipsum Gallorum Principem debitam & solvendam, Recipiendi, & eorum Solutiones Acceptandi,
ipsumque; Serenissimum Lodouvicum Consanguineum nostrum & dictam Summam Solventes de hujusmodi Receptis Acquietandi & Exonerandi, atque Literas sua; Acquietantiae & Exonerationis eorumdem Conficiendi, ipsasque Literas a que nostras Acquietantiae & Exonerationis hujusmodi, Magno Sigillo nostro sigillatas, praefatis Commissariis, Procuratoribus, Deputatis, sive Nunciis praedicti Fratris & Consanguinei nostri Nomine nostro ac suo Tradendi & Deliberandi,
Caeteraque Faciendi & Perimplendi quae in Praemissis seu circa ea necessaria fuerint seu quomodolibet oportuna;
Promittentes, bonâ Fide & in Verbo Regio, Nos Ratum, Gratum & Firmum habituros totum & quicquid praefati Commissarii, Procuratores, Factores, Negotiorum Gestores, Receptores, & Deputati Nomine nostro fecerint in Praemissis, seu eorum aliquo.
In cujus &c.
Teste Rege apud Westmonasterium, sexto Die Julii.
Per ipsum Regem. |
July 14. Confirmation by Lewis K. of France of the treaty of Etaples. Paris.
O. xii. 684. H. v. p. iv. 125. |
Confirmatio Pacis & Amicitiae per Ludovicum Franciae.
An. 13. H. 7. Ex Autogr.
Ludovicus, Dei gratiâ, Francorum Rex, universis praesentes Litteras inspecturis, Salutem.
Cùm Die Tertiâ Novembris, Anno Domini Millesimo, Quadringentesimo, Nonagesimo secundo, APUD STAPULAS SUPRA MARE, inter Inclitae Recordationis Deffuncti Caroli Regis Domini Fratris & Praedecessoris nostri Carissimi, ac Serenissimi Angliae Regis Henrici Carissimi etiam Fratris & Consanguinei nostri Oratores, Procuratores Ambassiatores, & Commissos fuerint contracta, conventa, tractata, & conclusa nonnulla Cappitula, Bonum Pacis, & Concordiae utriusque Regis & Regni concernentia,
Quorum Tenor sequitur, & est talis,
Inprimis, bonae, sincerae, firmae, & perfectae sint & inviolabiliter &c.
Quae quidem Cappitula praeinserta, omniaque & singula in eisdem contenta, per utrumque dictorum Dominorum Fratrum & Consanguineorum nostrorum Regum fuere postea Ratifficata, Confirmata, & Approbata juxta eorum Formam & Tenorem,
Et quia per eadem Cappitula expressè Cavetur, quòd Successor Regis Praemorientis Amicitiam, Pacem, & omnia in dictis Cappitulis contenta, infra Annum a Die Obitûs dicti Regis Praemorientis computandum, teneretur per suas Patentes Litteras, Magno Sigillo suo sigillatas, Ratifficare & Confirmare, dictamque Ratifficationem & Confirmationem Regi Superstiti Notifficare, Transmittere, & Deliberare,
Hinc est quòd Nos, qui ejusdem Fratris Domini & Praedecessoris nostri Caroli Francorum Regis Successores sumus, praedicta Cappitula, omniaque & singula in eisdem contenta, Laudavimus, Rtifficavimus, Confirmavimus, & Approbavimus, Tenoreque Praesentium de nostrae Regiae Potestatis plenitudine Laudamus, Ratifficamus, Confirmamus, & Approbamus, inviolabiliterq; Observare, & à Subditis nostris Observari facere Promisimus & Promittimus.
In cujus Rei Testimonium Sigillum nostrum praesentibus Litteris duximus apponendum.
Datum Parisius, Die Decimâ quartâ Mensis Julii, Anno Domini Millesimo, Quadringentesimo, Nonagesimo octavo, & Regni nostri Primo.
Sigillo avulso.
Super Plicam,
Per Regem, Vobis, Archiepiscopo Rothomagensi, Domino de Gye Marescallo Franciae, & aliis Praesentibus.
Aheruoet. |
July 14. Notarial attestation of the oath taken by Lewis K. of France to observe the treaty of Etaples. Paris.
O. xii. 685. H. v. p. iv. 125. |
Instrumentum super Forma Juramenti, per Ludovicum Franciae praestiti, de observatione Pacis & Amicitiae.
An. 13. H. 7. Ex Autogr.
In Nomine Domini Amen.
Per hoc praesens Publicum Instrumentum cunctis pateat evidenter & sit notum quòd, Anno ejusdem Domini Millesimo, Quadringentesimo, Nonagesimo octavo, Indictione primâ, Mensis verò Julii Die Quartâ decimâ, Pontificatûs Sanctissimi in Christo Patris & Domini nostri Domini Alexandri, Divinâ Providentiâ, Papae Sexti Anno sexto, Serenissimus & Illustrissimus Princeps & Dominus noster Dominus Ludovicus, Dei gratiâ, Francorum Rex Christianissimus, existens in Venerabili Ecclesiâ Parisiensi juxta Majus Altare ejusdem Ecclesiae, Praesentibus ibidem, Reverendissimis in Christo Patribus & Dominis, Dominis, Guillermo Archiepiscopo Remensi Primo Franciae Pari & Legato nato, & Raymundo Episcopo Gurcensi, Sanctae Romanae Ecclesiae Cardinalibus, ac Illustri Domino Domino Duce de Nemours, & Magnifico Domino Domino Cancellario Franciae, ac Reverendissimis in Christo Patribus & Dominis Dominis Rothomagensi Bituricensi & Aquensi Archiepiscopis, necnon, Nobilibus & Potentibus Dominis Dominis de Ligny, de Nevers, de Dunoys, de Ravestaing, & de Guyse, Comitibus, Nobisque etiam subscriptis Notariis Publicis & Testibus superiùs & inferiùs scriptis ad infrascripta specialiter vocatis & rogatis, habens & tenens suis in Manibus quandam Pargameni Cedulam, inferiùs incorporatam, formam Juramenti in se continentem, tunc & ibidem publicè, distinctè, & apertè lectam, suâ sponte & liberâ voluntate Pacem & Amicitiam dudùm inter Serenissimum Principem & Dominum Dominum Henricum Regem Angliae &, Recolendae Memoriae, Illustrissimum Principem & Dominum nostrum Dominum Carolum Francorum Regem Novissimum, pro se suisque Regnis, Dominiis, & Subditis, per Ambassiatores utriusque Regum apud Stapulas juxta Mare, Anno Domini Millesimo, Quadringentesimo, Nonagesimo, Secundo, Die Tertiâ Mensis Novembris factas & initas, Approbando, Laudando, & Confirmando, Eandem Pacem & Amicitiam inter Se & dictum Regem Henricum firmiter & inviolabiliter observandam juravit, ad Sancta Dei Evangelia super Canone Missae, Scripturis Sacrosanctis corporaliter per eum manu tactis, etiam per Osculum & Tactum Sacratissimae Crucis, & hoc in praesentiâ Nobilis & Potentis Domini Domini Caroli de Sombreset Militis Consiliarii & Cambellani ac Capitanei Guardiae dicti Henrici Angliae Regis, & Eminentis Scientiae Viri Domini Thomae de Rotwthall Decretorum Doctoris, saepedicti Regis Angliae Oratorum & Ambassiatorum, in formâ Juramenti sequentis,
Nous Promectons sur nostre Honneur en Parolle de Roy, & Jurons sur le Canon de la Messe es Sanctes Evangilles par Nous presentement touchees, & sur le fust de la Vraye Croix, que touchans pareillement, que Nous Entretiendrons & ferons Entretenir par noz Royaume, Paiis, Seigneuries, & Subgectz fermement & inviolablement, le Traictie de Paix, Union, & Amitie, fait & conclud en la Ville d'Estaples, le Tiers Jour de Novembre, l'An Mil, Quatre Cens, Quatre Vings & Donze, par les Ambassadeurs & Orateurs Commis de Treshault & Trespuissant Prince nostre Trescher Frere & Cousin le Roy Henry d'Engleterre, & les Ambassadeurs de feu nostre Trescher Seigneur & Frere le Roy Charles de France, que Dieu absoille, dernier Decede, & oultre Ratiffions, Approvons, & avons Aggreables tous & chacuns les Poinctz & Articles, en tout leur effect & contenu qui sont plus a plain declairez en tous & chascuns les Traictez, Appendances, & Deppendances d'iceulx, faiz au dit Lieu d'Estaples, entre les diz Ambassadeurs, Datees du Date susdite; & Jurons comme devant iceulx & chascun d'eulx Garder, & inviolablement Tenir de Point en Point, sans a iceulx ne l'un d'eulx contre venir, ne aller a l'encontre en aucune maniere; & d'abondant Jurons, que de ce Jour en avant, Nous serons bon Frere & Amy a nostre dit Cousin d'Engleterre, & Luy Aiderons & Assisterons a nostre loyal Povoir en tout ce que concernerale bien Estat & Seurete de sa Personne.
De & super quibus Praemislis omnibus & singulis, Dominus Carolus de Sombreset, & Dominus Thomas de Rotwthall, Oratores & Ambassiatores praedicti, Vice & Nomine supradicti Henrici Angliae
Regis petierunt a nobis Notariis Publicis subscriptis, eis fieri atque tradi Publicum Instrumentum, seu Publica Instrumenta, unum vel plura.
Acta fuerunt haec in jam dictâ Ecclesiâ Parisiensi, sub Anno, Indictione, Mense, Die, & Pontificatu quibus supra.
Praesentibus,
Unà cum Reverendissimis Dominis Cardinalibus,
Duce de Nemours,
Archiepiscopis & Comitibus suprascriptis,
Reverendis in Christo Patribus & Dominis Dominis Parisiensi, Andegavensi, Cabilonensi, & Constantiensi Episcopis,
Ac Nobili & Potente Domino Domino Petro de Rohan Marescallo Franciae de Gye vulgariter appellato,
Et Rigaldo Doreilhe dicti Domini nostri Regis Magistro Domûs & suo Baillivo Carnotensi,
Testibus ad Praemissa vocatis specialiter & rogatis.
Et ego Johannes Rougeault Subdiaconus de Paris, in Artibus Magister, & in Decretis Baccalarius, Publicus Apostolicâ & Imperiali Auctoritatibus Curiaeque Vituricensis Notarius Juratus, Reverendissimique in Christo Patris & Domini Domini Bituricensis Archiepiscopi praedicti Notarius & Secretarius, quia dùm Praemissa omnia & singula dicerentur & fierent, cum Notario subscripto, & Testibus suprascriptis praesens extiti, idcirco hic me subscripsi & signavirequisitus & rogatus.
J. Rougeault.
Et ego Reginaldus Sohier Presbiter Aurelianensis Dioecesis in Decretis Baccalarius, Publicus Apostolicâ & Imperiali Auctoritatibus, ac Venerabili Curiae Parisiensis Notarius, quia in praestatione Juramenti, caeterisque Praemissis omnibus & singulis, dùm sic, ut suprascribuntur, dicerentur, promitterentur, agerentur, & fierent, unà cum Notario Publico, & Testibus suprascriptis praesens interfui, eaque omnia & singula sic fieri vidi, scivi, & audivi, ac in Notam sumpsi: Ideo hoc praesens Publicum Instrumentum, Manu meâ scriptum, Signo & Subscriptione meis solitis & consuetis signavi, in Praemissorum omnium & singulorum Robur & Testimonium requisitus atque rogatus.
R. Sohier. |
July 14. Obligation of Lewis K. of France for the payment of the residue of the 745,000 crowns which his predecessor engaged to pay to K. Henry. Paris.
O. xii. 686. H. v. p. iv. 126. |
Appunctuamenta super Solutionibus faciendis.
An. 13. H. 7. Franc. 13. H. 7. m. 2.
Ludovicus, Dei gratiâ, Francorum Rex, universis & singulis, praesentes Literas inspecturis, Salutem.
Cùm dudùm, clarae Memoriae, Carissimus Dominus Frater & Praedecessor noster Rex Carolus (quem Deus absolvat) volens Adimplere & Executioni debitae Demandari ea quae Promissa & Conclusa fuerant per Tractatum Pacis & Amicitiarum, inter certos Ambassiatores & Commissarios suos, Parte ex una, & Ambassiatores & Commissarios Carissimi Fratris & Consanguinei nostri Henrici Angliae Regis, Parte ex altera, apud Stapulas prope Mare, factum & Conclusum in hac forma; videlicet,
Quod,
Pro Acquietamento & Redemptione Obligationum, quas ipse Consanguineus noster habebat & tenebat de Carissima & Dilectissima Consanguinea nostra Anna de Britannia, tunc Consorte, nunc verò Relictâ dicti Fratris nostri Regis Caroli, ante Matrimonium inter eos contractum, quibus Obligationibus dicta Consanguinea nostra promiserat solvere & restituere eidem Angliae Regi & suis Haeredibus omnes & singulas Expensas ac Pecuniarum Summas, quas ipse Rex Angliae exposuerat & exinde expositurus esset pro Stipendiis Armatorum & aliis Oneribus & Sumptibus, factis & fiendis pro Excercitibus Succursu & Subsidio, per dictum Fratrem nostrum Angliae Regem diversis Vicibus antedictae Consorti suae ac Subditis de Britannia, tunc suam Partem tenentibus, missis & tradictis,
Et etiam pro Acquietamento seu Redemptione Obligationum, quas Defunctus Edwardus Rex Angliae habuerat per Tractatum Picquigni a quondam Ludovico Rege Progenitore dicti Fratris nostri Regis Caroli etiam Praedecessore nostro, & pro Arreragiis Quinque Terminorum, ad Summam Centum & Vigin-
ti Quinque Milium Coronarum Auri ascendentibus,
Ipse Frater noster Rex Carolus, suique Haeredes, Solverent aut Solvi facerent dicto Carissimo Fratri & Consanguineo nostro Henrico Regi Angliae, & ejus Haeredibus, Septingenta & Quadraginta Quinque Milia Coronarum Auri (unaquaque Corona valente Triginta Quinque Solidos Turonenses) in Terminis Modo & Formâ in Literis dictorum Suorum Ambassiatorum latiùs contentis & expressis, per suas Patentes Literas, Manu suâ Signatas, Datas Ambasiae xiij Die Mensis Decembris, Anno Domini Millesimo, Quadringentesimo, Nonagesimo Secundo, & Regni sui Decimo, Confessus fuerit, Declaraverit, Seque & Haeredes suos Nomine suo Obligaverit, ac pro Se & eisdem suis Haeredibus Concluserit & Promiserit, solvere & deliberare seu solvi & deliberari facere, dicto Carissimo Fratri & Consanguineo nostro Henrico Regi Angliae, & ejus Haeredibus, seu ipsius aut ipsorum Deputato aut Deputatis, dictam Summam Septingentarum & Quadraginta Quinque Milium Coronarum praedicti valoris Monetae in Regno Franciae tunc Cursum habentis, sub modo & formâ sequentibus; videlicet,
In Villa Calesiae, Die Primo Mensis Maii tunc proximò futuro, Viginti Quinque Millia Francorum in Coronis Auri valoris supradicti, unoquoque Franco valente Viginti Solidos Turonenses,
Et Primo Die Mensis Novembris extunc etiam proximò sequente Viginti Quinque Milia Francorum in Coronis Auri valoris antedicti,
Et sic, de Anno in Annum & de Termino in Terminum, ipse Dominus Fraterque Rex Carolus & sui Haeredes solverent & deliberarent, solvive & deliberari facerent, dicto Consanguineo nostro Carissimo Regi Angliae, & ejus Haeredibus, aut ejus seu eorum Deputato seu Deputatis, Loco & Terminis praedictis, donec & quousque dicta Summa Septingentarum & Quadraginta Quinque Milium Coronarum Auri plenè & integrè soluta & contenta foret, prout in dictis Literis pleniùs continetur,
Et deinde dictus Dominus & Frater noster Rex Carolus, ad Executionem Praemissorum supradictorum ritè procedens, solvi & deliberari fecerit Annuatim praedicto Fratri & Consanguineo nostro Regi Angliae seu Deputato ab eo Summam Quinquaginta Milium Francorum in Coronis Auri valoris antedicti, ac in Terminis & Locis ut supra praefixis, prout per Quietantias ac Recognitiones de super habitas latiùs apparet,
Notum Facimus quòd Nos,
Qui, post Obitum dicti Domini & Fratris Praedecessorisque nostri Caroli Regis, ad Regnum & Coronam Franciae haereditariâ Successione venimus,
Cupientes, tanquam Haeres suus, Debitis suis satisfacere, Promissaque per eum, ut praedicitur, ad unguem complere,
Ob Causas antedictas & alias Considerationes in hac parte nos moventes,
Deductis priùs & defalcatis de praedicta Summa Septingentarum Milium Coronarum Auri omnibus & singulis summis & Solutionibus, per eundem Fratrem & Praedecessorem nostrum Regem Carolum antedicto Fratri & Consanguineo nostro Carissimo Regi Angliae seu ejus Deputatis quolibet Anno factis & solutis, de quibus constat ut praedicitur,
Confitemur & declaramus, Nosque & Haeredes nostros, per Literas Patentes, Nomine nostro subsignatas, Obligamus, & pro Nobis ac dictis nostris Haeredibus Consentimus & Promittimus, Persolvere & Deliberare seu Persolvi & Deliberari facere Carissimo Fratri & Consanguineo nostro praedicto Henrico Regi Angliae, & ejus Haeredibus, seu ipsius aut ipsorum Deputato aut Deputatis, totum Residuum & Restum dictae Summae Septingentarum & Quadraginta Quinque Milium Coronarum (unaquaquecorona valoris Triginta quinque Solidorum Turonensium monetae nunc in Regno nostro cursum habentis) secundùm quod inter praefatos Fratres nostros Conventum fuit, ipsumque Residuum & Restum dictae Summae Septemcentum & Quadraginta Quinque Mille Coronarum Auri Nos & Haeredes nostros Solvemus & Deliberabimus, Solvive & Deliberari faciemus, eidem Angliae Regi, & ejus Haeredibus, aut ejus seu eorum Deputato vel Deputatis, in Villa Calesiae,
Die Primo Mensis Novembris proximò futuro, Viginti Quinque Milia Francorum in Coronis Auri valoris supradicti, unoquoque Franco valente viginti Solidos Turonenses,
Et Primo Die Mensis Maii extunc proximò sequente Viginti quinque Milia Coronarum in Coronis Auri valoris supradicti, in Villa Calisiae,
Et sic, de Anno in Annum, & de Termino in Terminum, Nos & Haeredes nostri solvemus & deliberabimus, solvive & deliberari faciemus, dicto Consanguineo nostro, & ejus Haeredibus, aut
ejus seu eorum Deputato vel Deputatis, Loco & Terminis praedictis, donec & quousque dicta Summa Septingentarum & quadraginta quinque Milium Coronarum Auri, Aestimationis praedictae, per Nos & Haeredes nostros praefato Regi Angliae & Haeredibus suis, ut praedictum est, plenè & integrè soluta & contentata fuerit,
Ad quam quidem Solutionem, fideliter & sic, ut praemittitur, faciendam, Promittimus, Assignamus, & Obligamus, bonâ Fide & in Verbo Regio, Nos & Haeredes nostros, Regnum, Patrias, & Dominia, & Bona nostra praesentia & futura, singulos Subditos dictos nostros ac eorum Bona ubicumque fuerint reperta,
Renunciantes, in hac parte, omni Privilegio, Cautelae, Juris Beneficio, Exceptioni non Numeratae Pecuniae, & aliis Exceptionibus atque Defensionibus quibuscumque,
Et ad omnium & singulorum Praemissorum securiorem Observantiam Obligamus Nos sub Poenis Camerae Apostolicae, & per Obligationem de Nisi, & ultra ac citra Praemissa Rescriptum Apostolicum Sigillo Plumbeo munitum Sumptu & Expensis nostris impetrabimus & obtinebimus, ipsique Serenissimo Regi Angliae vel ejus Haeredibus infra Decem & octo Menses Datam Praesentium proximò sequentes Deliberabimus Deliberarive realiter faciemus,
Quae omnia & singula Praemissa Sedis Apostolicae Auctoritate Confirmabuntur, appositis Poenis Interdicti in Regnum, Patrias, & Dominia nostra antedicta, atque Excommunicationis in Personam nostram, si & quatenus omnia & singula Praemissa, quantum Nos concernunt, ut praefertur, minimè conservaverimus & impleverimus,
In quorum omnium & singulorum Praemissorum Fidem & Testimonium his praesentibus Literis nostris Patentibus Manu nostrâ subscriptis Sigillum nostrum Magnum fecimus apponi.
Datum Parisius, Die decimâ quartâ Mensis Julii, Anno Domini Millesimo, Quadringentesimo, Nonagesimo octavo, & Regni nostri Primo.
Per Regem,
Dominis Cardinalibus, Gurciae ac Remensis,
Duce de Nemours,
Vobis Archiepiscopis,
Rothomagensi & Bituriensi,
Comite de Liney,
Episcopis,
Pariensi ac Trecensi,
Dominis,
De Gye Marescallo Franciae,
De Bouthage,
Et aliis Praesentibus. |
July 14. John bp. of Paris promises to pronounce a sentence of excommunication against Lewis K. of France if he fail to pay the above-mentioned sum. Paris.
O. xii. 688. H. v. p. iv. 126. |
Instrumentum Submissionis pro Solutionibus praedictis.
An. 13. H. 7. Ibid. m. 3.
Johannes, Miseratione Divinâ, Episcopus Parisiensis univer sis & singulis, praesentes Literas sive praesens Publicum Instrumentum inspecturis, Salutem in Domino.
Notum facimus quòd, Anno ejusdem Domini Millesimo, Quadringentesimo, Nonagesimo octavo, Indictione Primâ, Mensis Julii Die Quartadecimâ, Pontificatûs Sanctissimi in Christo Patris & Domini nostri Domini Alexandri, Divinâ Providentiâ, Papae Sexti Anno Sexto, in nostra & Notariorum Publicorum subscriptorum & Testium infrascriptorum ad haec vocatorum specialiter & rogatorum praesentia, Serenissimus, & Illustrissimus Princeps & Dominus noster Dominus Lodovicus, Dei gratiâ, Francorum Rex, in Ecclesia Parisiensi, juxta Majus Altare ejusdem, personaliter existens, ex sua Benignitate & spontanea Voluntate supposuit & submisit se, quoad Infrascripta, Nobis, Johanni Episcopo Parisiensi, nostrique ac Curiae Causarum Camerae Apostolicae Jurisdictioni Cohertioni & mero Examini, ipsamque nostram & Camerae nostrae Apostolicae praedictae Jurisdictionem in eum quoad Infrascripta prorogavit adtunc & ibidem, coram nobis Johanne Parisiensi Episcopo Judice sic in ea parte competente ac pro Tribunali sedentel, dictus Serenissimus Princeps Ludovicus Francorum Rex gratis sponte & ex ejus certa Scientia Recognovit & Confessus fuit, palàm & publicè, Se Haeredesque suos Teneri & per Pactum validum & solempne justè Obligari Illustrissimo Principi Henrico, eadem gratiâ, Angliae Regi & ejus Haeredibus, ad Solvendum Eidem & ejus Haeredibus praedictis aut ejus seu eorum Deputato vel Deputatis, formâ loco & tempore infrascriptis, id quod restat Insolutum de Summa Centum & Viginti quinque Milium Coronarum Auri (unaquaque Corona valente Triginta quinque Solidos Turonenses Monetae jam currentis in Francia) pro
Arreragiis debitis, Inclitae Recordationis, Edwardo nuper Angliae Regi ratione Obligationis sibi factae per, Inclitae Recordationis, Dominum Ludovicum nuper Francorum Regem,
Et insuper ad Solvendum eidem Regi Henrico & Haeredibus suis, aut ejus vel eorum Deputato vel Deputatis, pro Expensis, per eundem Regem Henricum factis, pro Defensione Dominae Annae de Britannia, Relictae, Inclitae Recordationis, Domini Caroli nuper & novissimi Franciae Regis, & Patriae Britanniae, id quod restat Insolutum de Summa Sexcentarum & Viginti Millium Coronarum Auri modo & formâ sequentibus; videlicet,
Dictus Dominus noster Rex Ludovicus Francorum Rex, pro Causi supradictis & aliis Considerationibus ipsum moventibus, promittit Se suosque Haeredes Solvere & Deliberare, Solvive & Deliberari facere Regi Angliae supradicto, & ejus Haeredibus aut ejus seu eorum Deputato vel Deputatis, in Opido Calesii, Primo Die Mensis Novembris Proximò futuro, Viginti quinque Milia Francorum in Coronis Auri Valoris supraedicti, unoquoque Franco valente Viginti Solidos Turonenses,
Et Primo Die Mensis Maii extunc proximò sequente Viginti quinque Milia Francorum in Coronis Auri, Valoris supradicti, in loco supradicto.
Et sic de Anno in Annum, & de Termino in Terminum, Solvet & Deliberabit, Solvive & Deliberari faciet eidem Regi Angliae & ejus Haeredibus praedictis, seu ejus vel eorum Deputato vel Deputatis, loco & Temporibus antedictis, donec & quousque integra Summa Septingentarum & quadraginta quinque Milium Coronarum Auri, ex Causis supradictis dicto Consanguineo suo Henrico Regi Angliae debita, eidem & suis Haeredibus, aut ejus seu eorum Deputato vel Deputatis per Ipsum seu Haeredes suos praedictos plenè & integrè persoluta & contentata fuerit, sub omnibus Poenis Ecclesiasticis & Obligationis Camerae Apostolicae, formam cujus hic habere vult pro inserta,
Renunciando in ea parte omni Privilegio Cautelae ac Juris Beneficio sibi competenti aut competituro, omnibusque aliis & singulis Exceptionibus, Cavilationibus, & Cautelis, quibus mediantibus contra Praemissa vel eorum aliqua ipse Lodovicus Rex facere, dicere, venire, aut Se quovis modo tueri possit,
Insuper, Requisivit Nos Johannem Episcopum Parisiensem antedictum tunc & ibidem in Eum Sententiam Excommunicationis Fulminare exnunc prout extunc, & extunc prout exnunc, nisi annuatim sic, ut praedicitur, ipsi Regi Angliae ejusve Haeredibus, seu ejus vel eorum Deputato vel Deputatis, Loco & Temporibus antedictis, Solverit fecerit Summam Quinquaginta Millium Francorum in Coronis Auri, Valoris supradicti, donec & quousque ex Causis praedictis dicta Summa Septingentarum & quadraginta quinque Millium Coronarum Auri Valoris supradicti per Ipsum & Haerdes suos praefato Regi Angliae & Haeredibus suis plenè & integrè persoluta fuerit,
Nos igitur Johannes Episcòpus antedictus, Deum prae oculis habentes, & pro Tribunali sedentes, visis & auditis praedictis Confessatis, praefatum Dominum nostrum Regem Ludovicum & eidem injunximus, Tenore Praesentium, monemus & injungimus quatenus annuatim & singulis Annis Solvat solvive faciat in Coronis Auri eidem Regi Angliae, & ejus Haeredibus, seu ejus vel eorum Deputato vel Deputatis, Loco & Temporibus antedictis, in Coronis Auri Aestimationis praedictae, Summam Quinquaginta Milium Francorum Valoris supradicti, donec & quousque dicta Summa Septingentarum & Quadraginta quinque Millium Coronarum Auri, Valoris supradicti, ex Causis Supradictis, eidem Regi Angliae debita, Eidem, & ejus Haeredibus, per praefatum Dominum nostrum Regem Ludovicum & ejus Haeredes plenè & integrè persoluta & contenta fuerit, juxta & secundùm Conventiones inter Inclitae Recordationis, Carolum Regem Francorum & praefatum Regem Angliae conclusas; Et hoc sub Poena Excommunicationis,
Quam quidem Sententiam Excommunicationis Nos Johannes Episcopus in eundem Dominum nostrum Regem Francorum exnunc prout extunc, & extunc prout exnunc Ferimus & Promulgamus in hiis Scriptis, nisi praefato Regi Angliae aut ejus Haeredibus seu ejus vel eorum Deputato vel Deputatis, Loco & Temporibus antedictis, ut praemittitur, solverit solvive fecerit annuatim in Corouis Auri Quinquaginta Milia Francorum Monetae jam Currentis in Francia, Valoris supradicti, ac donec & quousque id quod de dicta Septingentarum Quadraginta quinque Milium Coronarum Auri Summa adhuc restat Insolutum ex Causis praedictis, ut praemittitur, eidem Henrico Angliae Regi, aut ejus Haeredibus, vel ejus seu eorum Deputato vel Deputatis, per praefatum Dominum nostrum Regem Ludovicum plenè & integre
persoluta fuerit, ipsumque fic Excommunicatum publicè Nunciari volumus, sicque fieri faciemus & mandabimus.
Inquorum omnium & singulorum Praemissorum Fidem & Testimonium Nos Johannes Episcopus antedictus praesentes Literas sive praesens Publicum Instrumentum fieri, & per Notarios Publicos subseribi mandavimus, Sigillique Jurisdictionis nostrae Episcopalis Parisiensis jussimus appensione communiri.
Dat. & Actum in dicta Ecclesia Parisiensi, sub Anno, Indictione, Mense, Die, & Pontificatu quibus supra; Praesentibus ad haec, Reverendissimis in Christo Patribus & Dominis, Domino Domino Guillermo Archiepiscopo & Duce Remensi Primo Franciae Pari & Legato Nato, Raymondo Episcopo Gurcensi, Sanctae Romanae Ecclesiae Cardinalibus, ac Illustri Domino Duce de Nemors, Magnisicoque Viro Domino Cancellario Franciae, ac Reverendissimis in Christo Patribus & Dominis, Domino Rothomagensi, Bituricensi, & Aquensi Archiepiscopis, necnon Nobilibus & Potentibus Dominis de Nevers, de Lign, & Dunoys, de Ravestang & de Guyse Comitibus, Testibus ad Praemissa vocatis & rogatis, Praesentibus etiam Nobili & Potenti Domino Domino Carolo de Sombreset Milite Consiliario & Cambellano ac Capitaneo Guardiae saepedicti Angliae Regis, ac Eminentis Scientiae Viro Domino Thoma de Routhall Decretorum Doctore, Regis Angliae Ambassiatoribus, & id quod supra dicitur fieri petentibus.
Et ego Johannes Rogeauls Subdiaconus de Parisius in Artibus Magister & in Decretis Bacalarius Publicus Apostolicâ & Imperiali Auctoritatibus Curiaeque Bituricensis Notarius juratus ac Reverendissimi in Christo Patris Domini Bituricensis Archiepiscopi praenominati Secretarius, quia, dum Praemissa omnia & singula Promitterentur, Dicerentur, & Fierent, cum Notario subscripto & Testibus praenominatis, praesens interfui, idcircò hic me subscripsi & signavi requisitus & rogatus.
Et ego Reginaldus Sohier Phr. Aurelianensis Dioecesis in Decretis Bacallarius Publicus Apostolica & Imperiali Auctoritatibus ac Venerabilis Curiae Parisiensis Notarius, quia in Praemissis omnibus & singulis, dùm sic, ut Suprascribuntur, Dicerentur, Agerentur, & Fierent atque Promitterentur, unà cum Notario Publico suprascripto & Testibus infrascriptis, praesens interfui, eaque omnia & singula sic fieri vidi, scivi, ac in Notam sumpsi, ex qua hoc praesens Publicum Instrumentum Manu meâ scriptum confeci, ideo dictum Publicum Instrumentum Signo & Subscriptione meis solitis, unà cum praefati Reverendi in Christo Patris Domini Episcopi Parisiensis Curiae Episcopalis Sigilli appensione Signavi, in Fidem, Robur, & Testimonium omnium & singulorum supradictorum, requisitus atque rogatus. |
July 14. Confirmation by Lewis K. of France of a treaty between his predecessor and the K. of England for the redress of piracies. Paris.
O. xii. 690. H. v. p. iv. 127. |
Confirmatio Tractatus contra Spolia Maritima & pro Depraedatoribus Cohercendis.
An. 13. H. 7. Ex Autogr.
Ludovicus, Dei gratiâ, Francorum Rex, universis, praesentes Litteras inspecturis, Salutem.
Cùm, inter, Inclitae Recordationis, Caroli Regis Domini Fratris & Praedecessoris nostri Carissimi, ac Serenissimi Angliae Regis Henrici Dilectissimi'etiam Fratris & Consanguinei nostri Oratores, nonnulla Capitula, pro Justitia eorum Subditis supra Mare ac Portus maritimos administrandâ & Piratarum Cohercendâ Saevitiâ tractata conclusaque postmodum per eosdem Reges suis Litteris Patentibus (videlicet) per eundem Dominum & Fratrem nostrum Carolum Regem & praefatum Angliae Regem Fratrem & Consanguineum nostrum Serenissimum, Approbata, Ratifficataque fuerint,
Quorum forma sequitur,
Inprimis, ut dispendiosa Litium prorogatio Aequitatis compendio coartetur, & Judicia absque cujusvis Suspitionis scrupulo sincerè procedant, pro Pacificandis, Componendis, & Terminandis Controversiis & Querelis praeteritis & jam natis, super quibus Lis nondum mota est coram aliquibus Judicibus, subest tamen actu materia & lis movenda speratur, in Relevamen Subditorum taliter Provisum, Conclusum, & Concordatum est,
Quòd per utriusque Regni Principes deputabuntur in utroque Regno Judices in Civitatibus aut Oppidis utriusque Regni, Locorum, Terrarum, & Domi-
niorum eorumdem Portubus proprioribus, aut in Locis Maritimis Damnificatis commodioribus; in quibus tamen Spoliatores Piratae aut Turba Navalis non dominentur: Qui quidem Judices Lites super quibuscumque Querelis jam natis coram eis proponendas & ventilandas summariè & de plano absque strepitu & figura Judicii intra certum & competentem Terminum pro Causarum & Negotiorum qualitate brevem, Annale tempus nullo modo excedentem, finali Sententiâ Decident atque Diffinient, tàm super Damnis & Spoliationibus, quàm Interesse Partium: Quorum Judicum Decreta Jussus & Sententiae tàm Interlocutoriae quàm Diffinitivae incontinenti & indilatè per dictorum Principum Officiarios, etiam si opus fuerit Manum Militarem, Executioni demandabuntur, omni penitùs Appellationis Remedio sublato: Licebit tamen Partibus, per Sententias dictorum Judicum Se Gravatas praetendentibus, ad Supprema Concilia dictorum Principum aut alterius eorumdem pro Reformatione hujusmodi Gravaminis recurrere, praestitâ tamen per eum Cautione, qui illius Sententiae petit Executionem, de eo Restituendo quòd per Sententiam obtinuit in eventum contrariae Sententiae: In quibus quidem Consiliis seu altero eorumdem dictae Causae infra Sex Menses, postea quàm Processus primorum Judicum ibidem fuerint introducti & recepti, finali Sententiâ terminabuntur.
Et quia difficile, aut prope impossibile erit, Spoliatorum Personas apprehenre aut Domicilia eorumdem Cognoscere, satis erit illos citari sive adjornari in Portubus aut Oppidis suo Principi subjectis Loco ubi Damnum illatum est propioribus per Proclamationem generalem Praeconis voce, personante Tubâ, & affixione Querelae, aut aliter secundùm modum & formam Publici Edicti, in utroque Regno, Locis, Terris, & Dominiis eisdem Principibus subditis & subjectis fieri soliti & consueti; quae quidem praeconisatio Geminata competenti intervallo non minus Quindecim Dierum vim perhemptorii habebit, tenebunturque Judices Locorum Damnificatis seu eorum Procuratoribus postulantibus illam facere fieri ydoneè & dare factae Praeconizationis certifficationem, quae erit per omnia paris Auctoritatis Roboris & Effectûs, ac si Reus Ter super hoc personaliter Citatus fuisset.
Item, pro maturiore Decisione Causarum per Appellationes coram Judicibus suppremarum Curiarum pendentium, taliter Ordinatum & Conclusum est, quòd dicti Judices Lites hujusmodi, coram eis pendentes, si in ipsis fuerit in Causa conclusum, infra Semestre tempus Partibus instantibus finali Sententiâ determinent atque decident, quod si in ipsis minimè sit Conclusum, ordinabuntur ad Partis Requisitionem Duo vel Tres suppremarum Curiarum Consiliarii, qui Partes audient, Lites discutient, & instrui facient donec in Causa sit Conclusum: Cui Rei etiam certus Terminus (videlicet) Semestre tempus praefixum statutum & designatum est, & exinde infra alios Sex Menses per Judices ipsarum Suppremarum Curiarum finali Marte terminabuntur; Quod si factum non erit, ex tunc Causae illae ad Concilia dictorum Principum advocabuntur illic infra Sex Menses finaliter Terminandae.
Item, pro Abbreviatione Litium, eoram Judicibus Inferioribus super Spoliationibus, Damnis, Injuriis, & Interesse pendentium, quas Damnificati conqueruntur supra modum in suum Dispendium protelatas, desperantes etiam ullum unquam Finem imponi, propter Appellationum & aliorum Incidentium multiplicitates, Ordinatum, Conclusum, & Concordatum est, quòd omnes hujusmodi Causae, coram dictis Judicibus pendentes, ab eisdem exnunc prout extunc advocentur, & cum Processibus ad Judices, in Locis Maritimis constituendos, si hoc Actores maluerint, devolvantur & remittantur: Qui quidem Judices easdem Causas, modo & formâ in Primo Articulo expressis, & infra idem tempus decidere & determinare habent:
Et, nè inferiores Judices se difficiles reddant in transmittendo Processus coram eis habitos ad dictos Commissarios, Ordinatum est quòd praefati Judices, recusantes infra decem Dies, a tempore Requisitionis sibi per alterutrum Partium factae numerandos, hujusmodi Processus, dictis Commissariis transmittendos, tradere, eo ipso Poenam Triginta Marcarum Argenti Fisco Regio applicandarum incurrant: Et nichilominus, si forte in hiis Causis ipsi Judices posteà procedant, eorum invalidus & Irritussit Processus, nisi expresso Consensu Partium, illic ubi coeptum est Judicium terminari optantium, dictorum Judicum Jurisdictio Prorogata fuerit:
Et quia opus est utriusque Principis Subditos alteri Preces & Libellos supplicatorios porrigere, ut inde Rescripta Principalia obtineant, provisum est pro Commoditate Subditorum in utriusque Regis Consilio certos Consiliarios de-
bere deputari, ad quos utriusque Regis Subditi sciant se in promptu aditum habere posse, & a quibus Sollicitatores de beneplacito Principis possunt certiores reddi.
Item, quoniam Damnificati conqueruntur in alterius Principis Regno, Locis, Terris, & Dominiis se parùm tutos fore dùm Jus suum prosequuntur, Provisum & Ordinatum est quòd Litigatoribus per ipsos Judices, in Locis Maritimis deputandos Auctoritate Regiâ, plena dabitur Securtias:
Et quia diversae porrectae sunt Querelae super Spoliationibus, Damnis, & Injuriis in Praejudicium Foederum antehac per Terram perpetratis & commissis, providebitur per Commissiones, Commissariis in Locis Maritimis deputandis destinandas, quòd ipsi Judices peraequè pari modo & infra idem tempus super hiis decidere & determinare poterint, quemadmodùm super Depraedationibus & Spoliationibus antehac in Mari commissis Cognoscere & Sententiare valeant.
Et, ut inposterùm Latrociniis Piraticis obvietur, ac sincera Pax firma inviolataque Amicitia inter eosdem Principes eorumque Subditos jugiter perseveret, Cautum prospectumque est per utriusque Principis Oratores ut sequitur,
Inprimis, quandocumque aliqua Navis indigena exitura est ab aliquo Portu Regnorum Franciae sive Angliae, Terrarum, Locorum, aut Dominiorum eisdem Subditorum, Admiraldus, Viceadmiraldus, seu eorum Vices gerentes talis Portûs, Opidi, Villae, aut Civitatis unde exitura est capient ydoneam Cautionem a Dominis, Cappitaneis, Excercitatoribus, Praefectis, Magistris, seu Bursariis Navis hujusmodi, ad Valorem Navis Apparatûs & Victualium ejusdem, quòd Excercitator, Magister, Marinarii, & Nautae, ac omnes in ea Navi existentes servabunt Pacem erga quoscunque Subditos alterius Principis, & nullam eisdem Injuriam, Damnum, seu Violentiam in Terrâ, Mari, Aquisve dulcibus, aut in Portu aliquo facient, inferent, aut inferri procurabunt.
Praeterea, Praefecti, Magistri, Exercitores, & caeteri Praeheminentiam in Navi habentes non suscipient aliquos Vectores, Nautas, aut Viros Militares, nisi priùs illos sisterint & exhibuerint coram Admiraldo, Viceadmiraldo, aut eorum Vices seu Officia gerentibus, qui illorum Nomina in Publico Registro super eo conficiendo scribi facient: Et, antequam Navis hujusmodi Portum egredi permittatur, omnes ibi Exeuntes & qui profecturi in ea sunt jurabunt solenniter coram dicto Domino Admiraldo, Viceadmiraldo, aut eorum Vices gerentibus se in Expeditione illa, in quam profecturi sunt, Navigando, Eundo, Stando, aut Redeundo, nullum Damnum, Vim, Injuriam Facient, Inferent, aut Inferii procurabunt alterius Regis Subditis, Terris, & Dominiis sive per Terram, Mare, aut Aquas dulces: Simili quoque Juramento solenniter praestando promittent quòd de qualibet Praedâ Capturâ Manubiis sive Spoliis adducent Duos aut Tres Viros in captâ Navi praecipuum Locum obtinentes (ut Magistrum, Submagistrum, Patronum, aut hujusmodi conditionis) quos Admiraldo, Viceadmiraldo, aut eorum Officiariis exhibebunt, ut per eosdem aut eorum alterum debitè examinetur ubi super quibus & qualiter Navis sive Bona capta sint, nec facient aut fieri permittent aliquas Praedarum, Spoliorum, Mercium, aut Bonorum, per eos capiendorum, Divisiones, Partitiones, Traditiones, Permutationes, Alienationesve, priusquam Se, Viros captos, Bona & Merces integrè Dominis Admiraldo. Viceadmiraldo, aut eorum Vices gerentibus repraesentaverint, qui de illis disponi, si aequum putabunt, permittent, aliàs nichil hujusmodi permissuri.
Item, jurabunt quòd, postquam reversi fuerint sive appulerint aliquem Portum dicti Regni unde exierint, cum suis Navibus Apparatibus & Spoliis, si quae capturi sint, incontinenti & indilatè iidem reddent certiores Admiraldum, Viceadmiraldum, seu eorum Officiarios illius Portûs, a quo egressi sunt, de eorum Praedâ, Spoliis, Mercibus, & Bonis, sine quorum vel alterius eorum Officiariorum Decreto & Permissione non permittentur aliquid ex Mercibus Transferre, Permutare, Vendere, vel Alienare; ad quae implenda & integrè observanda dictus Capitaneus, Magister, Submagister, Bursarii, Socii, & alii Praeheminentiam in Navi habentes se Obligabunt, Satisdabunt, & Fidejubebunt per Corpora & Bona, unus pro aliis omnibus, qui unà profecturi in Navi sunt, de quibus Securitatibus & Cantionibus confici facient publicum Instrumentum, quod Admiraldo, Viceadmiraldo, aut eorum Officiariis tradent, ac simile ab eis capient, ut quocunque delati fuerint, inde abire liberè permittantur,
Item, tenebuntur dicti Capitanei, Magistri, Excercitatores, Socii, Bursarii, & alii Praeheminentiam in Navi haben-
tes tradere Cautionem ydoneam de hiis inviolabiliter observandis, usque ad extimationem Navis, Apparatûs, & Victualium, aliàs & nisi omnia Praemissa impleantur non permittetur illa Navis abire: Quod si Admiraldus aut is qui Praesidebit illi Loco & Portui Maritimo, unde aliqua Navis egressa fuerit, Cautionem & Juramenta praedicta non exegerit, hoc Casu suo proprio Nomine tenebitur Damnum passis de omnibus Damnis & Interesse per dictam Navem & eos qui in ea fuerint illatis.
Insuper Edicto Publico interdicetur sub Poenis Incarcerationis Corporum & Confiscationis Bonorum, Mercatoribus aut aliis, cujuscumque Statûs Conditionisve existant, nè emant Dono, Permutatione, aut alio quovis Titulo seu Colore Accipiant, Celent, Occultent, Teneant, Receptent, aut hujusmodi fieri procurent aut permittant Merces aut Bona depraedata quaecumque abducta Mari, antequam Admiraldus, Viceadmiraldus aut eorum Vices gerentes declaraverint Praedam & Capturam justas justi & legitimi Lucri esse.
Item, praefati Admiraldus, Viceadmiraldus, & eorum Vices gerentes teneantur, infra Quadraginta Dies a Die Requisitionis sibi factae per Partem Damnificatam computandos, exequi praedictam Obligationem, postquam de hujusmodi Spolio sibi constiterit, contra Dominum, Possessorem, Magistrum, Exercitorem, seu Bursarium Navis & eorum Fidejussores qui tale Damnum intulerint: Quod si compertum sit Praedam ab alterius Regis Subditis, Terris, Regnis, sive Dominiis abductam & ablatam, Causa summariè & sine strepitu & figura Judicii Discutietur, indilatè Bona capta Damna & Interesse Restitui Spoliatis jubebuntur, atque Sententia, quae per Admiraldum, Viceadmiraldum, seu eorum Vices gerentes tàm contra Cappitaneos illos Magistros, Socios, Bursarios, & alios Praeheminentiam in Navi habentes feretur, quàm etiam contra Fidejussores, juxta Tenorem Obligationum in ea parte praestitarum, & per Admiraldum, Viceadmiraldum, vel eorum Officiarios Receptarum, incontinenti per eosdem Judices sive eorum alterum Executioni demandabitur; omni penitùs Appellationis Remedio sublato: Et, quanquam de facto Appellatum fuerit, tamen Judices Suppremarum Curiarum neque per Inhibitiones seu alio quovis quaesito colore se in hiis Causis impedient sive intromittent, quod si secus per eos factum fuerit, Irritum sit & Inane: Et, si per Interlocutorias dictorum Judicum partes se gravatas praetenderint, Judices nichilominus super Principali usque ad Sententiam diffinitivam inclusivè procedere poterunt; sed, si Sententia super Bonorum Restitutione seu Principali feretur, illa Executioni demandabitur, Tractatum Pacis insequendo: Licebit tamen Parti, Praetendenti se praetextu hujusmodi Sententiae Gravatam, ad Suprema Concilia pro Reformatione hujusmodi Gravaminis recurrere; praestitâ tamen ab utraque parte Cautione, ab ea (videlicet) qui Sententiae Executionem obtinuit de Rebus obtentis per Sententiam restituendis in eventum contrariae Sententiae, a Supplicante verò de restituendis Expensis, Damnis, & Interesse si in Causa succubuerit; quae quidem Consilia infra Sex Menses, posteaquam Processus Primorum Judicum illic introducuntur, finali Sententiâ terminabunt.
Item, Auctoritate Regiâ per Admiraldum, Viceadmiraldum, seu eorum Vices gerentes Litigatoribus, dùm Jus suum prosequuntur, plena dabitur Securitas.
Item, providebitur, per Litetas Regias ad Admiraldum, Viceadmiraldum, & eorum Vices gerentes, taliter quòd ipsi omnia & singula Praemissa Observabunt seu Observari facient publicabuntur super hiis Principum Decreta in Portubus & Locis Maritimis utriusque Regni.
Nos ejusdem Praedecessoris nostri tamquam artissimae Pacis & Amicitiae Vincula inter Nos & praedictum Serenissimum Fratrem nostrum Angliae Regem non modo Confirmare, sed perpetuo Robore Stabilire cupientes, habito Tractatu & Conclusione secutâ cum suis Oratoribus ad hoc Potestatem habentibus, illa eadem Capitula Approbavimus, Ratifficavimus, eaque pro Conclusis habuimus & habemus, & illa inviolabiliter necnon a Subditis nostris facere Observari Promisimus, cum Duobus aliis Capitulis illis additis quae sequuntur.
Item, quòd Admiraldus & qui suas Vices gerunt tenebuntur infra Semestre a tempore incepti Processûs illum debita Sententia Terminare; quod si non fecerit praefato tempore elapso, Causa, in eo Statu, in quo erit, si ita Actori placuerit, ad Concilium Majus utriusque Principis evocabitur.
Item, quòd si contigerit a Sententia Admiraldi aut ejus Vicegerentis appellari, Appellatio ad praefatum Concilium Majus devolvetur, ubi praefata Causa Appellationis & etiam illa quae per negligentiam evocaretur, ut in Casu praecedenti, infra aliud Semestre termina-
bitur: Inhibebitque uterque Regum nè aliqua Curiarum Parlamenti de hujusmodi Causis & Negotiis Cognitionem ullo modo suscipiat.
In quorum Fidem & Testimonium Sigillum nostrum praesentibus Literis duximus apponendum.
Datum Parisius, Die decimâ quartâ Mensis Julii, Anno Domini Millesimo, Quadringentesimo, Nonagesimo octavo, Regni verò nostri Primo.
Per Regem, Vobis, Archiepiscopo Rothomagensi, Domino de Gye Marescallo Franciae, & aliis Praesentibus.
Heruoet.
Sub Sigillo Magno albo pendente a Cauda Pergamenae. |
July 18. Confirmation by K. Lewis of the article for the delivery of rebels. Paris.
O. xii. 694. H. v. p. iv. 129. |
Articulus de Rebellibus non Recipiendis.
An. 13. H. 7. Ex Autogr.
Lvdovicus, Dei gratiâ, Francorum Rex, universis & singulis, praesentes Litteras inspecturis, Salutem.
Notum facimus quòd, pro securiore Firmitate & Observatione Pacis seu Amicitiae nuper inter Nos & Carissimum Fratrem & Consanguineum nostrum Henricum Angliae Regem factae & conclusae, Nos, ultra Articulos in Tractatu dictae Pacis specificatos & per Nos ratificatos, Concordavimus & Conclusimus, ac per Praesentes Concordamus & Concludimus Articulum subsequentem; videlicet,
Quòd, dictis Amicitiis durantibus, neuter nostrûm Regum quovismodo Receptabit nec a Subditis suis eorum alter Receptari permittet aliquos Rebelles sive Proditores de Crimine Laesae Majestatis suspectos & Transfugas ex Subditis alterius Nostrûm scelestam Factionem contra alterum Nostrûm machinantes, nec hujusmodi Rebellibus sive Proditoribus, Rebelli sive Proditori, qui in aliquem Locum Obedientiae nostrae seu alterius Nostrûm declinaverint seu declinaverit, quoquomodo dabit seu praestabit Consilium, Auxilium, Favorem, Subsidium, aut Assistentiam, set eum aut eos, infra Viginti Dies posteà quàm per Litteras alterius Nostrûm, cujus hujusmodi Rebelles aut Rebellis Subditi aut Subditus extiterint sive extiterit, alter ex Nobis requisitus fuerit, eum vel eos Litterarum hujusmodi Requisitionis Latori aut alii ad hoc in hujusmodi Litteris Nominato sive Deputato Tradet, Restituet, & Deliberabit, Tradive, Restitui, & Deliberari faciet; ita tamen quòd hujusmodi nostra Praescripta Declaratio sive Ordinatio non priùs Nos aut alterum Nostrûm astringat aut obliget quàm in Portubus & aliis Locis Maritimis utriusque Regni publicata fuerit: quam Publicationem Nos & uterque Nostrûm infra Quadraginta Dies post Datam Praesentium faciemus & cum effectu uterque Nostrûm faciet.
In cujus Rei Testimonium Litteris praesentibus, Manu nostrâ subscriptis, Sigillum nostrum Magnum fecimus apponi.
Datum Parisius, die decimâ octavâ Mensis Julii, Anno Domini Millesimo, Quadringentesimo, Nonagesimo octavo, & Regni nostri Primo.
Loys.
Per Regem, vobis Archiepiscopo Rothomagensi, & aliis Praesentibus.
Notereau.
Sub Magno Sigillo pendente a Caudâ Pergamenae. |
Aug. 24. Confirmation by the K. of England of the treaty concerning piracy Westm.
O. xii. 694. H. v. p. iv. 129. |
Tractatus, contra Spolia Maritima, Confirmatio.
An. 14. H. 7. Franc. 14. H. 7. m. 29.
Henricus, Dei gratiâ, Rex Angliae & Franciae, & Dominus Hiberniae, universis, praesentes Literas inspecturis, Salutem.
Cùm, inter nostros & Inclitae Recordationis Regis Caroli nuper Franciae Oratores nonnulla Capitula, pro Justitiâ Subditis nostris & fuis supra Mare ac Portus Maritimos administrandâ & Piratarum cohercendâ saevitiâ, tractata nostrisque ac suis Literis Patentibus approbata ratificataque fuerint,
Ipsaque etiam Capitula jamdudùm per Oratores nostros sufficienti Auctoritate fulsitos, cum Serenissimo Rege Lodowico Franciae moderno Dilecto Fratre & Consanguineo nostro de novo tractata & conclusa fuerint,
Quorum Sententia sequitur & est talis,
Inprimis, ut dispendiosa Litium Prorogatio aequitatis compendio coartetur, & Judicia absque cujusvis suspitionis scrupulo sincerè procedant, pro pacificandis, componendis, & terminandis Controversiis & Querelis praeteritis & jam natis, super quibus Lis nondum mota est coram aliquibus Judicibus, subest tamen actu materia & Lis movenda speratur, in relevamen Subditorum taliter provisum, conclusum, & concordatum est quòd,
Per utriusque Regni Principes deputabuntur; in utroque Regno, Judices in Civitatibus aut Opidis utriusque Regni, Locorum, Terrarum, & Dominiorum eorumdem Portubus prioribus, aut in Locis maritimis damnificatis commodioribus,
In quibus tamen Spoliatores Piratae aut Turba navalis &c. prout supra (in Literis Ludovici) de An. 13 & 14 Die Julii.
In Quorum Fidem Et Testimonium Magnum Sigillum nostrum praesentibus Literis duximus apponendum.
Dat. apud Westmonasterium, vicesimo quarto Die Augusti, Anno Domini Millesimo, Quadringentesimo, Nonagesimo octavo, & Regni nostri Anno Quartodecimo. |
Confirmation by the K. of England of the article concerning rebels.
O. xii. 695. H. v. p. iv. 129. |
Confirmatio Articuli de Rebellibus non Recipiendis.
An. 14. H. 7. Ibid.
Rex, universis & singulis, praesentes Literas inspecturis, Salutem.
Notum Facimus quòd, Pro securiore Firmitate & Observatione Pacis seu Amicitiae, nuper inter Nos & carissimum Fratrem & Consanguineum nostrum Regem Lodowicum Franciae factae & conclusae,
Nos, ultra Articulos in Tractatu dictae Pacis specificatos & per Nos ratificatos, Concordavimus & Conclusimus, ac per Praesentes Concordamus & Concludimus Articulum subsequentem; videlicet,
Quòd, dictis Amicitiis durantibus, neuter nostrûm Regum quovis modo receptabit, &c. prout supra de An. 13, 18 Die Julii. |
Aug. 25. Power for Richard bp. of Rochester, William Warham, keeper of the rolls of chancery, sir John Risley, and Richard Hatton, to treat with the ambassadors of Philip duke of Austria for mercantile intercourse and redress of injuries. Westm.
O. xii. 695. H. v. p. iv. 129. |
De Tractando cum Duce Burgundiae.
An. 14. H. 7. Ibid. m. 17.
Rex omnibus, ad quos &c. Salutem.
Sciatis quòd Nos,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum, Reverendi in Christo Patris Ricardi Roffensis Episcopi, necnon, Dilectorum ac Fidelium Consiliariorum nostrorum, Willielmi Warham Legum Doctoris Magistri sive Custodis Rotulorum Cancellariae nostrae, Johannis Risley Militis, ac Magistri Ricardi Hatton utriusque Juris Doctoris, quamplurimùm confidentes,
Ipsos nostros veros & indubitatos Commissarios, Oratores, Procuratores, & Deputatos Assignamus Facimus, Constituimus, & Deputamus per Praesentes,
Dantes & Concedentes eis Quatuor, Tribus, aut Duobus eorum plenariam Potestatem & Auctoritatem, ac Mandatum generale & speciale, Nomine nostro, & pro Nobis, Regnis, Patriis, Terris, Dominiis, Subditis, & Vassallis nostris quibuscumque, cum Carissimo Consanguineo nostro Philippo Archiduce Austriae, Duce Burgundiae, &c. seu ejus Ambassiatoribus, Oratoribus, Commissariis, Procuratoribus, Deputatis, & Nunciis, Potestatem sufficientem ab eodem Consanguineo nostro habentibus, de & super quibuscumque Commerciis, Excercitioque Commercium, ac mutuo & amicabili Intercursu Mercandisarum, inter Nos Haeredes & Successores nostros, atque Regna, Patrias, Terras, Dominia, & Loca nostra quaecumque, Subditos, Vassallos, Confoederatos, Amicos, Alligatos, Faventes, & Adhaerentes nostros & suos quoscumque, Conveniendi, Appunctuandi, Celebrandi, Componendi, Concordandi, & finaliter Concludendi,
Necnon de & super omnibus & singulis Contentionibus, Quaestionibus, Causis, Querelis, Litibus, Attemptatis, Dampnis, Injuriis, Gravaminibus, & Demandis, ac injustis Detentionibus Mercium & Mercatorum alicujus Partium praedictarum, unà cum suis Circumstantiis, Emergentibus, Incidentibus, Dependentibus, & Connexis, quae inter Nos & praefatum Consanguineum nostrum,
ac Regna, Patrias, Terras, Dominia, Loca, Subditos, Vassallos, Alligatos, Confoederatos, Amicos, Faventes, & Adharentes nostros & suos praedictos hincinde pendere dinoscuntur,
Necnon de & super omnibus & singulis Differentiis, Querelis, seu Quaestionibus quibuscumque in Capitulis Amicitiarum & Mercium Intercursûs, inter Nos & dictum Consanguineum nostrum vel Commissarios nostros & Commissarios ipsius Consanguinei nostri ante haec tempora initis & conclusis,
Conveniendi, Communicandi, Tractandi, Exponendi, Interpretandi, Declarandi, & Concordandi, atque ea omnia & singula Componendi, Paciscendi, Appunctuandi, Reparandi, Reformandi, & plenariè ac integrè Determinandi & finaliter Concludendi, vel ad aliam Dietam, prout eis expediens visum fuerit & oportunum, Prorogandi & Continuandi,
Ac de & super hujusmodi Appunctuatis & Conclusis, caeterisque omnibus & singulis Praemissa concernentibus, quae cum praefatis Commissariis, Oratoribus, Procuratoribus, Legatis, Deputatis, & Nunciis dicti Consanguinei nostri, Appunctuata, Concordata, & Conclusa fuerint, Literas validas & efficaces pro Parte nostra Tradendi & Deliberandi, Literasque alias consimilis vigoris & effectûs ex altera Parte Petendi, Exigendi, & Recipiendi,
Et generaliter omnia Praemissa & Praemissorum singula qualitercumque concernentia Faciendi, Exercendi, & Expediendi, ita & eodem modo sicut Nos ipsi faceremus si in Personâ nostrâ interessemus, etiam si talia sint quae Mandatum de se magis exigant speciale;
Promittentes, bonâ Fide & in Verbo Regio, omnia & singula quae per praefatos Commissarios, Oratores, Procuratores, & Deputatos nostros Appunctuata, Promissa, Concordata, Conventa, & Conclusa fuerint in hac Parte, Nos Rata, Grata, & Firma habituros & observaturos, & superinde Literas nostras Patentes Confirmatorias daturos.
In cujus &c.
Teste Rege apud Westmonasterium, vicesimo quinto die Augusti. |
Sept. 13. Power for Thomas Harrys, the K.'s chaplain, William Hatclyff, clerk of the household, and Roger Holland to pardon the adherents of Michaell Joseph, and Peter Warbek, in Devon and Cornwall, and to impose fines on them. William Hatclyff is appointed receiver of the fines. Maidstone.
O. xii. 696. H. v. p. iv. 130. |
Pro Adhaerentibus Michaeli Joseph & cuidam Idolo, Nomine Petro Warbek, de Gratia Regis.
An. 14. H. 7. Pat. 14. H. 7. p. 1. m. 18.
Rex, Dilectis & Fidelibus suis, Magistro Thomae Harrys Clerico Capellano nostro, Willielmo Hatclyff Armigero Compotorum Hospitii nostri Clerico, & Rogero Holand Armigero, Salutem.
Sciatis quòd Nos,
De Fidelitatibus, Industriis, & providis Circumspectionibus vestris quamplurimùm confidentes,
Assignavimus & Constituimus vos Commissarios & Deputatos nostros in Comitatibus nostris Devoniae & Cornubiae & singulis Partibus earumdem,
Dantes & Concedentes vobis plenam, Tenore Praesentium, Potestatem & Auctoritatem ad omnes & singulos Subditos nostros Comitatuum praedictorum, qui Michaeli Joseph Rebelli & Proditori nostro, aut cuidam Idolo sive Simulacro Nomine PETRO WARBEK, Infimi Statûs Viro, adhaeserint, aut Consilium, Favorem, Auxilium, sive Assistentiam eis seu eorum alteri aliquo modo adhibuerint, & coram vobis sive aliis Commissariis in Partibus illis nuperrimè assignatis non comparuerint, & Se Gratiae nostrae non submiserint, & superinde Gratiam & Pardonationem nostras non optinuerint, neque Fines suos pro rata & qualitate Delictorum suorum nobiscum Commissariisve nostris fecerint, aut alios quoscumque qui fugerint & se retraxerint, & in eorum Malitia persteterint & adhuc existunt,
Necnon omnes & singulas Personas, quae aliqua Bona seu Catalla dictorum Subditorum nostrorum Delinquentium sive non Delinquentium ceperint, abduxerint, & detinuerint,
Coram vobis per publicas Proclamationes, infra Comitatus praedictos & in singulis Locis eorumdem faciendas, aut aliàs prout vobis melius visum fuerit, ad certos Dies & Loca, quos ad hoc provideritis, Evocandum & venire faciendum,
Ac ipsos & eorum quemlibet super hujusmodi Criminibus & Delictis suis diligenter Examinandum,
Ac eos omnes & singulos, qui se Gratiae nostrae submittere & se Nobis dare voluerint, ad Gratiam nostram Acceptandum & Admittendum,
Ipsosque ad Fines & Redemptiones, Nobis pro Delictis suis solvendos, con-
sideratâ qualitate & quantitate Dilectorum suorum, juxta sanas discretiones vestras, Limitandum & Assidendum,
Ac quascumque Recognitiones, Securitates, Cautiones, Promissa, & Obligationes, tàm pro Solutione hujusmodi Finium Nobis fiendorum, quàm de Se versus Nos benè Gerendo, ab ipsis & eorum quolibet Petendum & Exigendum, ac hujusmodi Recognitiones, Securitates, Cautiones, & Obligationes, cùm sic captae fuerint, in Cancellariam nostram Mittendum & debitè Retornandum,
Necnon Fines & Redemptiones hujusmodi Requirendum, Levandum, & Recipiendum, ac ipsos & eorum quemlibet super omnibus & singulis Solutionibus debitè Acquietandum, ac Literas vestras Acquietantiae superinde Deliberandum, quas tanquam nostras validas habere volumus:
Et insuper vobis, Tenore Praesentium, Potestatem & Auctoritatem Damus & Committimus quibuscumque Parochiis, Villatis, Constabulariatibus, Hamelettis, ac aliis quibuscumque, qui vobis pro Pardonatione & Abolitione nostris habendis prosequi voluerint, hujusmodi Pardonationem & Abolitionem, pro rationabilibus Finibus suis Nobis solvendis, pro Nobis & Nomine nostro, Concedendi, & hujusmodi Pardonationis sive Abolitionis Literas, eis & eorum cuilibet, qui eas petere velint, per Nos sub Magno Sigillo nostro Dandas & Deliberandas, pro Nobis & Nomine nostro Promittendi,
Necnon omnes & singulos, quos in hac parte Disobedientes & coram vobis comparere, aut Fines suos pro Delictis suis facere recusantes inveneritis, ut Rebelles & Proditores nostros in singulis Locis infra Comitatus praedictos & eorum alterum publicè Proclamandi, Publicandi, & Declarandi, publiceve Proclamari & Declarari faciendi,
Ac Terras, Tenementa, Redditus, & Possessiones suas quascumque, ac Bona & Catalla sua quaecumque, ubicumque, & in quorumcumque Manibus fuerint, per Vicecomites, Escaetores, & alios Officiarios nostros Comitatuum praedictorum, aut alios pro Nobis & Nomine nostro Arestari, & in Manus nostras Seisiri faciendi,
Ac Corpora ipsorum Rebellium, sic Delinquentium, ubicumque inveniri poterunt, Arestandi, & Prisonis nostris Committendi, ibidem, absque Cautione sive aliquâ aliâ Securitate, moraturos quousque pro ipsorum Deliberatione duxerimus aliter fore Ordinandum,
Et ideò vobis & cuilibet vestrûm Mandamus quòd circa Praemissa diligenter intendatis, & ea faciatis & exequamini in forma praedicta:
Damus autem universis & singulis Dominis, Militibus, Proceribus, Majoribus, Vicecomitibus, Ballivis, Senescallis, Constabulariis, caeterisque Officiariis, Ministris, Fidelibus, Ligeis, & Subditis nostris quibuscumque, Tenore Praesentium, firmiter in Mandatis quòd vobis & vestrûm cuilibet, in Executione Praemissorum, Intendentes sint, Faventes, & Auxiliantes in omnibus, prout decet.
In cujus &c.
Teste Rege apud Maydeston, decimo tertio die Septembris.
Rex Dilecto & Fideli suo Willielmo Hatclyff Armigero Compotorum Hospitii nostri Clerico, Salutem.
Cùm Nos nuper, per Literas nostras Patentes, Assignaverimus & Constituerimus, Dilectos & Fideles nostros, Thomam Darcy Militem, Magistrum Thomam Harys Clericum Capellanum nostrum, & Vos, Deputatos & Commissarios nostros infra Comitatus nostros Devoniae & Cornubiae, ac in singulis Partibus eorumdem,
Dantes & Concedentes eisdem & vobis Potestatem & Auctoritatem omnes & singulos Subditos nostros Comitatuum praedictorum, qui Michaeli Joseph Proditori nostro, sive cuidam Pet, Warbek adhaeserint, aut Consilium sive Assistentiam eis seu eorum alteri aliquo modo adhibuerint, & coram Nobis sive aliis Commissariis in Partibus illis nuperimè assignatis non comparuerint, & se Gratiae nostrae non submiserint, ad certos Dies & Loca, coram vobis ac Thoma & Thoma antedictis evocandum & venire faciendum,
Ac ipsos de & super Criminibus & Excessibus suis Examinandum,
Ipsosque ad Fines suos Recipiendum,
Hujusmodique Fines, consideratâ qualitate Delictorum suorum, eis Limitandum, Assignandum, & Assidendum,
Et ad caetera alia, in dictis Literis nostris Patentibus specificata, Faciendum & Exequendum, prout in eisdem Literis latiùs apparet,
Hinc est quòd Nos,
Omnes & singulos Fines & Redemptiones, per dictos nuper Commissarios & vos ex causa praedicta Assessos sive Limitatos, ac jam quovis modo Nobis debitos seu imposterùm debendos, per
vos levari & nobis inde fideliter responderi violentes,
De Fidelitate & Circumspectione vestrâ quamplurimùm confidentes,
Assignavimus & Deputavimus vos Commissarium & Receptorem nostrum in hac Parte infra Comitatus praedictos,
Ac vobis plenam, Tenore Praesentium, Potestatem & Auctoritatem Damus & Committimus tàm omnes & singulas Denariorum Summas, Nobis pro Finibus & Redemptionibus dictorum Subditorum nostrorum, ut praemittitur, Delinquentium, Assessas sive Limitatas, ac jam Nobis debitas ac imposterùm debendas & solvendas, quàm omnia & singula Bona, Exitus, Reventiones, & Proficua, nobis provenientia & crescentia, aut provenire & crescere debentia de quibuscumque Terris, Tenementis, Redditibus, Possessionibus, Bonis, & Catallis, Nobis per nonnullos Rebelles & Proditores nostros, qui contra Nos in Plano Campo Interfecti fuerunt, vel qui coram Justiciariis nostris ad hoc assignatis Morti fuerunt adjudicati, necnon per alios Rebelles qui Fugerunt, & Se Gratiae nostrae adhuc non submiserunt, set impraesentiarùm in eorum Malitia persteterint, Forisfactis, pro Nobis & Nomine nostro, de tempore in tempus, Petendi, Levandi, Colligendi, & Recipiendi,
Ac Indenturas, super hujusmodi per vos Receptis, inter vos & singulas Personas, dictas Summas, pro dictis Finibus ac pro Exitibus, Reventionibus, & Proficuis praedictis, vobis solventes, Mentionem de singulis suis Solutionibus facientes & testificantes, Conficiendi,
Mandamus insuper vobis quòd fidelem Compotum de omnibus & singulis hujusmodi Receptis nobis, de tempore in tempus, faciatis, & ulterius de toto Facto vestro in hac parte Nobis certificetis, caeteraque faciatis & perimpleatis quae in hac parte necessaria fuerint seu quomodolibet oportuna;
Et ideò vobis Mandamus &c.
Teste ut supra. |
