3 January 1657.
Lettre to Air.
Ordaines ane lettre to be direct to Aire, and the deane of gild to draw
the draught thairof, anent thair refusal to suffer sume of our burgessis to
sellar sume of ther commoditeis, thair, castine in be storme of wather.
Lettre to agentis.
Ordaines ane lettre to be direct to Robert Merschell and Williame Braidie
to be verie cairfull anent the tounis mater with Greinock, and ordaines the
clark to send ane lettre to Robert Wrie to joyne as ane agent with them in
that particular, and fyve dollowris to be sent him for that effect.
10 January 1657.
It is ordoured that the twentie punds was gottin fra the executouris of
vmquhill Johne Wilsoune, writter, for suffering of him to be buried in the
Hie Kirk, be distribute equallie to Jonat Geddes and ane poore mane, Mathow
Currie, quha is havilie trublit with the gravell.
Johnesone, wright, crafts.
The act efterspecifeit, being voitit and concludit vpon, on the twentie seavin
day of December last bypast, was this day ordainit to be bookit ver[ba]time as it
was this day red in counsell, quhairof the tenour fallowis:—Anent the supplicatioune given in be Johne Johnstoune, wright, schewing that quhair thes four
yeiris bygane he hes bein exerceising his calling within this brughe, serving
wnder frie men thairin, bot neglected to book himself as ane servand in the
craftis book, and now he is burges and gild brother of this brughe be right of
his wyfe, ane burges and gild brotheris dochter, and so intendis to mack his
residence heirin, exerceising his calling honestlie as ane member of that trede
of wright craft, and for this effect hes oft verie humblie requyred and desyred
the dekin and maisteris of that calling to admitt and receave him ane frie
mane with them in that corporatioune and hes offerit them his purse for
tacking out therof any moderat fyne they pleasit for his vpsett, but they did
altogither reject him and refusit to grant him any heiring, coumpting and
esteiming him ane strainger and outtentounismane, althoe he be burges and
gildbrother heir as said is; efter which the said Johne did meane himself to
the dekin conveinar and dekin thairanent, who could gett nothing done in
respect of the outcrying of the frie men of that craft, so that now he is
forcit to mack his redres to the saids provest, bailleis and counsell, humblie
beseiking them that they wald move the dekin, maisteris and brethrein
of the said wright craft, to receave him ane frie mane in ther said tred,
vpone payment of ony fyne or vpsett the saids provest, bailleis and counsell
sould think meit; as the said supplicatioune mair fullie proportis. Quhilk
being red and at lenth considderit be the saids provest, bailleis and counsell, efter mature advyce and deliberatioune had thairanent, the said mater
being at lenth debaited and reasounit publictlie in counsell, the good of
this brughe being foirsein, be pluralitie of voittis, it is inactit, statut and
ordainit be the saids provest, bailleis and counsell, that what persoune craftisman soever, being burges of this brughe, as mariand ane burges dochter or
vtherwayis, (except ane burges gratis) who sall desyre to be admittit and
receavit ane frie mane with any craft or corporatioune within the same with
the rest of the brethrein thairof, sall be admittit and receavit thairto be the
dekin, masteris and bodie of that craft within this brughe to the quhilk sutche
ane persoune sall desyre to be admittit, he being fund ane sufficient and
qualified craftismane thairintill, and that vpone payment of suche ane vpsett
or fyne as is injoynit to be payit be thais quho servis as prenteissis of that
tred or calling when they are admittit friemen thairin, and as is conteinit and
sett doune in the lettre of dekinheid grantit to that respective craft be the
provest, bailleis and counsell of this brughe for the tyme, without ony farder
kynd of objectioune or impediment quhatsumever. And immediatlie thairefter Johne Hall, ane of the present bailleis of this brughe, for himself and in
name of the haill craftis in Glasgow, as also Walter Neilsoune, dekin conveinar,
for himself and in mame of the haill dekins of craftis within the samyn,
Alexander Jafra, dekin of hammermen, for himself and in name of his trede,
Robert Carutheris, dekin of tailyouris, for himself and in name of the haill
brethrein of his calling, and Patrick Bryce, visitour of maltmen and meilmen,
for himself and in name of the haill brethrein of his vocatioune, enterit ther
disasentis thairto and protestit in the contrarie of the said act, as ane thing
distructive to the former liberteis grantit be the magistratis and counsell of
this brughe for the tyme to the severall tradis and corporatiounis within the
samyn; and thairvpone askit actis publictlie at the counsell table. And then,
therefter, Johne Bell, deane of gild, declairit for himself and in name of the
merchand rank that he did meane no sutche thing in prosequuting of the said
act but if the samyn act sould be fund to be prejudiciall to ony heid or article
conteinit in ony of the lettres of dekinheid grantit to ony tred or corporatioune
within this brughe he was content the same sould be nule and of non
availl, and thervpone also askit actis.
17 January 1657.
Anent the supplicatioune given in be James Bell, craveing that the maill
of the baickhous was tackin for the baxteris cam from Edinbrugh may be
payit according to the tounis promeis, recommendis the same to David Scott,
and he to considder quhat is to be rebaited therof for materialls made.
Ordaines the sextein pund that is to be gottin for the twa tries was
cutt in the church yaird be delyverit to the deane of gild, to be given and
bestowed be him on Jonat Wilsoune, dochter to Johne Wilsoune, condoner,
for hir transporting to Irland.
22 January 1657.
[Appointed the dean of guild, deacon-convener, John Walkingschaw and James
Stirling, chamberlain of Muckduck, "all or ather of them, to repair to Leith against
the twentie sex of this instant, and ther to tack the excyse of beir, aill and acquavytie,
as of befoir, for the tounis vse, and to tack the brughe the allone if it can be gottin, and
give not to tack also the excyse of the schyre thairwith as of befoir, and that at alse eisie
ane rate as they cane for the townis good."]
24 January 1657.
Schoole in hospitall.
Report being made that Hutchesounis Hospitall is mutch wrongit be the
schole keepit thairin, recommendis to Baillie Hall and James Bornis to speik
with Mr. James King and to requyre him to tack his schoole in ane vther
place althoe the toune sould pay him ane yeiris maill therof.
30 January 1657.
The deane of gild and Johne Walkingschaw made report of thair last
dilligence in Leith anent the tacking of the excyse, and ordains ane lettre of
advyce to be sent to the dekin conveinar to advyse him that give the fyft
pairt be addit to the excyse, as is reportit, then at most to offer thairfore twa
hundreth and four scoir pund starling, per mensem, bot give that aditioune
beis not made then to offer twa hundreth twentie, threttie, fourtie or fyftie
punds starling, per mensem, for the haill, give the towne and schyre cannot be
7 February 1657.
[The deacon-convener reported that the excise of both town and shire had been taken
on behalf of the town for the months of February, March, and April.]
Appoyntis the magistratis to speik the ministers anent the collectioune
14 February 1657.
Minister of Govane.
Ordainis Williame Colquhoune, colectour to the Gorballis, to pay to the
minister of Govane his ordinar stipend dew to him be the toune for the landis
of Gorballis for this last yeir, 1656, with the best conveniencie.
Loftis in Kirkis.
At the desyre of the ministers, it is appoyntit that loftis be builded both
in the Inner Hie Kirk and in the kirk in Trongait quhair it sall be fund most
necessar and commodious, and that with the best convenience.
Ane former act reschindit, crafts.
[Referring to the act passed on 27 December and inserted in the council
book on 10 January last] and seing that that mater was endit and concludit on
at only one meiting of the saidis magistratis and counsell, quhairas the severall
dekins of the respective craftis and corporatiounis within this burghe sould
have bein acquentit thairwith and they hard to speik for themselfis leist the
samyn sould have provin prejudiciall to ony of thair liberteis and priviledgis
grantit to them and thair predicessouris be the provest, bailleis and counsell
of this brughe for the tyme, quhilk was not done, and that at the cloising and
buiking of the said act thair was divers disasentis and protestatiounis enterit
against the same and promissis made that give it sould prove ony wayis prejudiciall to ony of the respective craftis and corporatiounis within this brughe
that the samyn sould be made nule and of non availl as thogh the samyn had
never bein spockin of or concluded on; and now seing it is averrit and affirmit
be the haill dekins of the respective craftis within this brughe that the said
act is verie prejudiciall to sundrie of thair former liberties and priviledgis
grantit to them and thair predicessouris be the magistratis and counsell of
this brughe for the tyme, conform to thair severall and respective lettres of
deikeinheidis, and thairfore the saids provest, bailleis and counsell, for the
better interteining of the old wonted love, concord, peice and amitie, hes bein
inviolablie keepit and observit within this brughe among all rankis and persounis therin now past memorie of mane, quhilk thrughe the blissing of God
thairon hes provin verie profitable to this place (as is sein this day) hes, be
pluralitie of voitis, reschindit, cassit and annolit, and be the tenour of this
present act rescindis, cassis and annolis the forsaid act and ordinance above
mentionat, haill tenour and substance thairof, with all that hes fallowit or may
fallow thairvpone, swa that the samyn sall be of no force, strenth or effect in
tyme cumying, as if the samyn had never bein sett doune, ordainit or concluded vpone; and quhat hes bein spokin and ordainit heirtofoir thairintill is
heirby ordained to remaine in oblivioune as if it had never bein done or
spockin of, in all tyme heirefter. Lykas, immediatlie, Johne Bell, deane of
gild, protestit against the reschinding of the said act, becaus it was never mad
yit apeir be ony of the craftis that they did sustein any prejudice thairby, and
thairvpone askit actis, publictlie, at the counsell table; and Baillie Hall and
the dekin conveinar protestit in the contrair.
18 February 1657.
In ansuer to the supplicatioune given in be the commissioners of the
brughe of Sanctandrowis, it is wnanimuslie concluded that ane colectioune be
made in ane convenient tyme for the help and supplie of the said brughe,
for the reassounis conteinit in the said supplicatioune.
Ordaines the thesaurer to have ane warrand for the soume of ane
thousand fyve hundreth thrie scoir ten pundis, debursit be him to Johne
Walkingschaw, for certane jeistis and daillis, for building of loftis in the Hie
Kirk and kirk in Trongait, conforme to the former ordour sett doune
thairanent; and the loftis in the said Trongait kirk to be builded with all
dilligence; and Baillie Hall and Johne Walkingschaw to have ane cair of the
building thairof, and to agrie with craftismen thairanent; and appoyntis the
dekin conveinar and Williame Andersoune to speik with the regentis of the
Colledge for building of ane loft above thair seatis in the Hie Kirk.
21 February 1657.
It being regraited be sundrie that divers persounis within this brughe
buyis ane great quantitie of lint in the mercat to sell over againe, quhilk
proves verie hurtfull and prejudiciall to many poore people quha buyis that
commoditie to spine and mack yairne therof as the only mein of ther lyvlihood, and therfore it is heirby inactit, statute and ordainit, be the saids
provest, bailleis and counsall, that no maner of persoune buy any lint in the
mercat to sell over againe befoir alleivin houris in the day, wnder the paine of
fyve punds how oft and swa oft as they sall contravein.
Appoyntis the haill horologis to be mendit in lettres for the better
knowing of the houris, and that with all conveniancie; and Baillie Hall to
speik James Colquhoune thairanent and to report.
25 February 1657.
Lettre to Dumbarten.
Ordainis ane lettre to be sent to Dumbarten schawin the burdin of the
borrowis to be verie great and not licklie to be made les, and being informed
of ane great loadning of salt is to be broght in heir be the tackismen of the
excyse of salt, quhilk will prove verie distructive to the haill merchand rank
in this brughe and vtheris about the samyn; and seing Thomas Flyming,
quhome the said brughe of Dumbarten hes made burges, is ane of thais
tackismen, to inquyre at the said brughe be the said lettre whither they will
awin that mane or not quha is lyklie to prove so distructive to them and this
brughe also; and James Pollok is directed to carie doune the lettre and to
bring back ane ansuer; and ordainis the clark to subscryve the said lettre
according as vse is in the lyk.
28 February 1657.
Appoyntis Baillie Allane, Johne Walkingschaw and James Bornis to have
ane cair of the loftis quhilkis ar to be builded in the Laigh Kirk.
Appoyntis Johne Millar, tailyour, to ryd doune to the Sklait Craig and
buy sume sklait for wse of the kirkis.
Appoyntis the provest and Johne Walkingschaw to deall with James
Colquhoune anent the collouring of the horologis in the tolbuith.
Appoyntis Baillie Allane, the deane of gild, dekin conveinar, Johne
Andersoune, John Walkingschaw, Manasses Lyill, James Pollok, James Bornis
and Johne Millar, tailyour, to meit and considder vpone the petitioune presentit this day be the dekin conveinar and dekins of craftis within this
brughe anent thair demandis thairin in relatioune to the craftismen in
Gorballis, and to informe themselfis what priviledge the lyk wnfrie men as
they ar quha dwellis in the subvrbis of Edinbrugh and vther frie borrowis
hes, and quhat thes and the lyk ar obleisit to the frie men in the saids
frie borrowis; and to mack report thairanent this day aught dayis.
7 March 1657.
Recommendis, as of befoir, to the deane of gild, dekin conveinar, and
James Bornis, to agrie anent the buying in for the tounis vse the rowinous
hous at the New Kirk, to be ane iyle thairto.
Appoyntis ane stair to be built vpone the north syd of the Blackfreir
Kirk, for macking ane entrie to the counsell loft thair be ane of the windowes,
and Johne Walkingschaw to have ane cair to sie the samyn done.
14 March 1657.
Old hous for New Kirk.
Appoyntis, as of befoir, the deane of gild and James Bornis to buy in for
the tounis vse the old hous at the New Kirk.
Dekin conveinar to Edinburgh, Gorballis.
Appoyntis the dekin conveinar to ryd to Edinburgh and to seik the
advyce of the tounis advocatis anent the petitioune presentit be the craftis
against thais in Gorballis.
Purdoune to have the knocks.
It is concluded vpon that Androw Purdoune have the knockis in rewling,
and is to have ane cair of the haill thrie knockis, for payment of the old
yeirlie fiall was payit to vmquhill Johne Neill.
21 March 1657.
Deane of gild and Hammiltoun to be spockin to.
Appoyntis Johne Walkingschaw and James Bornis yit to speik the deane
of gild and also James Hammiltoune, and to requyre them to keep counsall
meitings anent the giveing of thair best advycis in materis relaiting to the
It is concluded to delay to give any answer anent ane vther minister
to be added to thais quho ar alreaddie whill the meitting of the burrowis
be bypast, and Williame Andersoune to report the same.
Appoyntis Baillie Hall, James Bornis and Johne Millar, tailyour, to agrie
anent the pryce of the old hous at the New Kirk.
28 March 1657.
[Ordained the treasurer to have a warrant for £55 2s. "debursit with advocatis in
Edinburgh anent the mater of the craftis with thais in Gorballis."]
Libertie is grantit to thes craftismen in Gorballis quha ar pleasit to grie
with the craftismen within this burghe to have ane ovirsmane in ilk craft, to
be choysin according as they and the craftis within this toune can agrie
thairvpone, quha sall have power to judge in all materis relaiting to thair
calling, thes alwayis in Gorballis being subject to the bailleis thair according
in all thingis as the frie men within this burghe ar subject to the magistratis
The magistratis and counsall being informit the suckine is greatlie
slightit be sundrie of the toune, and eivin be sume quha hes given thair
aithis not to wrong the samyn, ordaines thairfore ane banck to be sent
thrughe the toune, be touk of drume, to inhibite and discharge all burgesses
to brew or cause brew any malt bot sutche as is grund at the tounis mylnes,
as also all vther subject to the suckine, with certificatioune to all quha
contravenis sall be made to pay ane wnlaw of ane hundreth pundis and
thair fredome is to be cryd doune without any forbeirance.
Recommendis yit to James Bornis, maister of Hutchesounis Hospitall, to
caus mend the ruif of the steiple thairof for beter preserving of the knock of
Ordainis James Andersoune, in Gorballs, to be dischargit to pute any
cobills on the water.
4 April 1657.
Old hous at the New Kirk.
Baillie Hall and vtheris, quho wer appoyntit to buy in for the tounis vse
the old brunt hous at the Laigh Kirk in Trongait, made thair report that they
had endit thairanent with the appryseris, and with the relict of vmquhill
Johne Wilsoune, for hir lyfrent, in all for ane thousand punds, wherwith the
saids magistratis and counsall war content and did accept the bargane and
ordainit to draw vpe the securities thairanent.
Baillie Allane, in obedience to the counsallis former ordowris, producit
the last subscryvit role sett doune anent the poris contributioune, and it
being sufficientlie knowine that sundrie persouns quha might pay contributioune war omitted furth thairof, it was thairfore condischendit vpone
that ane searche sould be made thrughe the haill toune for tacking vpe the
names of the maister of ilk familie, or weidous keeping houssis, and of young
men quha keepis chalymeris or hes bedis in vther famaleis; and thairfor they
made choyse of the persounis fallowing to doe the same, and to report this day
aught dayis:—[here follow names].
Anent the communioune.
The provest and bailleis reportit in counsall that Mr. George Young
had bein at them in name of the sessioune, and did signifie to them that the
communioune was to be celebrat within this burghe the twa last Sabuthis of
Appryle, it was tharfor appoyntit that the maister of wark sould provyde
the elimentis and vther thingis relaiting thairto, and Bailleis Allane and
Hall to provyd the wyne.
Colectioune St. Androis.
In regaird that the colectioune for St. Androis is to be on Thurisday, the
sextein of this instant, it being appoynit to be keepit as ane fast day befoir
the receaving of the sacrament of our Lordis Supper, for the better furthering
of the said contributioune appoyntis Baillie Allane, with William and Walter
Neilsouns, to attend the said colectioune the said day at the Hie Kirke dore;
Bailie Cunyngham, Johne Andersoune and Johne Walkingschaw, to attend
the Laigh Kirk dore; Baillie Hall, James Campbell, James Bornis and
Alexander M'Kinnie, to attend the Blackfrier Kirk dore.
Deane of gild and Marschall, Greinock.
Be pluralitie of voitis, it was concludit that the deane of gild sould ryde
to Edinburgh, with all dilligence, and Robert Merschall to ryd with him, to
attend the counsall of estait anent Greinockis mater.
Ordainis ane visitatioune to be made on Fryday nixt of the Gramer
Schole, conforme to the wounted maner, and the ministeris to be warnit
for that effect.
Minister, Barounie Kirk.
Appoyntis the thesaurer to pay to the minister of the Barrounrie Kirk
quhat he is able to pay him in pairt payment of his stipand, and to receave
his discharge thairof accordinglie.
11 April 1657.
Appoyntis Johne Walkingschaw and Walter Neilsoune to meit with
Allane Fergisoune, and to deall with him anent his concurrance anent the
better inbringing of the teynd tack dewtie of the paroschoune of Drymen
quhair he is minister.
Grahme to Edinburghe.
It is concludit that Johne Grahme ryd to Edinburgh anent the tounis
mater with Greinock, and ather Robert Mershall or Williame Braidie to ryd
with him; and give Johne Grahme refuissis to ryd, Johne Walkingschaw
wndertackis to ryde.
Wrytis to Edinburgh, Puckie.
Ordainis thes writtis Johne Nicoll writt for to be sent to Edinbrugh to
him for drawing vpe the tounis confirmatioune of Puckie and Puckie Mylne,
be the provest, bailleis and counsall of St. Androis.
The moutwall contract and agreiment past and endit betwixt the weiveris,
friemen within this burghe, and the weiveris in Gorballis, beiring dait the
tent of this instant and subscryvit be baith pairteis, was red publictlie in
counsall, and thairefter was ratified, allowed and approvin be them, in evrie
heid and artickle thairin conteinit, sum of bothe pairteis being present and
declaring thair assent thairto.
Ordanis the thesaurer to have ane warrand for the soume of ane hundreth
and fyftie pundis money debursit be him for wyne to the communioune, quhilk
is to be celebrat within this burghe the twa last Sabothis of this instant.
It is concluded that the magistratis sall sett doune ane pryce on everie
persoune quha refussis to pay ther dewis to the drummer, and thairefter the
officiaris to poynd for the samyn.
Flyming, his pairtners and thair servandis.
Appoyntis the magistratis to put Thomas Flyming, as also Collonellis
Biltoune and Aikein wnder cawtioune, quhen they cum to the toune, that
they sall not wrong the toune in thair liberteis, as also to send for thair
servandis and to command and injoyne them not to wrong the toune in its
liberties wnder any cullour or pretext quhatsumevir.
Pewderer in Gorballis.
Appoyntis Walter Neilsoune and James Bornis to goe to the Gorballis
and to speik with the peuderer thair and to command him in the tounis
name to desist from vseing his trade at that place.
18 April 1657.
Appoyntis Johne Walkingschaw and Walter Neilsoune to ryd eist to
Edinburgh or Leith and to tack ane new tack of the excyse was last tackin
be the said Walter, at the most eisiest rait they can for good of the toune.
Weiveris in Gorballis.
It is concluded that the provest, bailleis, and sum vtheris of the counsall,
goe over to the Gorballis on Mononday nixt to sie the oversmane of the
weiveris in Gorballis laitlie choysin instalit in his place, and to requyre
thais weiveris in Gorballis to give him dew obedience as becumeth.
Puckie and Puckie Myline.
Thair was red in counsall the scolle or coppie of ane confirmatioune sent
hither be Johne Nicoll, quhilk is to be gottine subscryvit be the magistratis
and counsall of St. Androwis anent Puckie and Puckie Mylne, quhilk was
approvine, and ordanis it to be sent back again to Johne Nicoll to be
drawine vpe accordinglie; and appoyntis thais quha rydis eist to tack the
excyse to goe over to it and gett it past.
It is concludit that the hundreth pund starling now drawine be Commissar
Lockhart, commissionar at the parliament, be payit; and ordainis the remanent
burghis in the wast to be writtin to to send in thair pairtis thairof.
Lettre to Lie.
Appoyntis the clerk to writt ane lettre to the Lord Lie, schawing that
the towne will concure with him anent the getting of moultir malt excyse
frie, and hes therfore appoyntit thair commissionaris quha ar to goe to Edinburgh to concure with ony of his quha goes thither for that effect.
20 April 1657.
It is ordainit in counsall that the provest and bailleis subscryve ane nott
of the abeatment of the tounis cese of seaven pund ten schillings sterling per
mensem for the last sex monethis the yeir preceiding, quhilk is abaited for the
vse of the poore conteinit in the warrand; and to declair be the said not that
the samyn is distribute alreadie.
Act in favour of the clark.
The saids provest, bailleis and counsall, haveing considerit the complaint
and regrait made to them be Williame Yair, thair commoune clark depute,
anent the not lowseing out from him of seasingis, be many and divers within
this burghe, to quhom they belong, notwithstanding he hes them alredie
writtin out and extractit according to his dewtie, quhilk thing was sufficientlie
knowin to be trew be many and divers of the counsall; and thairfor the saidis
provest, bailleis and counsall does heirby inact, statute and ordaine that all
persounis to quhom seasings ar alredie given extract the same within fourtie
dayis efter the dait heirof, and sicklyke that all persounis to quhom seasings
sall be given heirefter extract the same within twentie dayis efter the giveing
thairof, quhilk if they failyie to doe it sall be leassum to thair said clark deputc
to exact fra the burgessis, getteris of the saidis seasingis, the prycis conteinit
in the lait act of parliament, quhilk is exponit and declairit to be twentie
schillings Scottis for ilk seasing mor nor the old ordinarie pryce allowed be
the toune to be payit to thair clark, and that in relatioune and according to
ane former act of the same natour sett doune be the magistratis and counsall
of this burghe for the tyme in favouris of vmquhill John Thomsoune, then
thair commoune clark, about threttie fyve yeiris syne.
27 April 1657.
Appoyntis Baillie Hall and William Neilsoune to sight and tack ane vew
of the brockin hoillis in the commoune wayis and loanis about the toune, for
eschewing to be vnlawit at the nixt quarter sessioune, and to report.
28 April 1657.
[Appointed a leter to be sent in answer to one from the town's commissioners at
Leith, authorising them to offer £250 sterling per month for the excise, or £10 further if
2 May 1657.
The foirsaidis Johne Walkingschaw and Walter Neilsoune made report
that according to the commissioune given to them they went eist anent the
tacking of the excize as formerlie, and that with mwtch painis and travell,
cannie and wyse dealing, they had now gottin the schyre sched from the
toune in the mater relaiting to the excize, and that they had now tackin the
excize of the toune onlie, of the aille, beir and acquavytie topit thairin, and
that to the first day of Maij nixttocum, at ane hundreth four scoir pund
starling per mensem.
Appoyntis the drume to be sent thrugh the toun on Mononday nixt for
setting of the excyse of the acquavytie.
Mr. Allane Fergusoune.
The foirsaidis provest, bailleis and counsall, tacking to thair consideratioune how that they ar far disapoyntit and ever hes bein anent the dew
payment of the tynd tack dewtie of the paroschoune of Drymen, and seing
Mr. Allane Fergusoune, minister thairat, hes wndertackin to be verie helpfull
and instrumentall for inbringing thairof heirefter, so that the toune sall not
neid bott to send vpe ane mane thither twyse in the yeir as he sall give
adverteisment to receave the samyn, quha dureing his aboad thair sall be at
no chargeis bot sall remaine in his hous and be susteanit, mane and horse;
and vpone performance of this his ingadgment, and no vther wayis, the saidis
magistratis and counsall heirby wndertakis and faithfullie promeissis to pay to
the said Mr. Allane, according as he sall deserve at thair handis in macking
good this his wndertackin, the soume of ane hundreth merkis Scottis, yeirlie,
and that dureing his aboad and service at the said kirk and performance of
his said ingadgment forsaid allenerle and as he sall deserve thairfore at thair
handis; and in the first end thairof thair is to be allowit to him the four bollis
tynd tack dewtie now awand be himself out of thair landis laitlie boght be
him, callit Ballantone, and this is so grantit be the saidis magistratis and
counsall as they may ever recall the samyn quhensoever they find the said
Mr. Allane to prove deficient in performeing his said wndertacking.
9 May 1657.
Appoyntis John Andirsoune, Johne Walkingschaw, Walter Neilsoune
and Williame Andirsoune, to meit with some of the colledge, it being thair
desyre to speik and confer anent sum particulars relaiting to the toune and is
thoght to be soght be them in thair new gift and to report.
13 May 1657.
Pollok to St. Androws.
James Pollok is ellect commissioner to goe to St. Androwis to get the
confirmatioune past anent Puckie and Puckie Myline.
16 May 1657.
Mylnars sworn anent the excyse.
The haill mylinars and onder myliners of the touns mylines and old
myline of Partick, with thair servandis that callis the malt, gave all thair
great bodilie aithis to be helpfull and assistfull to the tounis colectoris at
the mylines, in teling of them, to thair best judgment, quhat quantitie of
malt is in everie seck, that they may gett the excyse accordinglie, so that
sex furlotis malt pas not for fyve, nor fyve for ane boll, and the lyk.
Muntrose, Gorballis house.
Appoyntis Walter Neilsoune and Williame Andersoune to speik with
James Stirling anent quhat sall be the maill of the hous in Gorballis tackin be
him for the vse of the earle of Muntrose.
Appoyntis the thesaurer ane warrand for the soume of ane thowsand
merkis debursit be him to George Aisdaill, and that in pairt payment of the
pryce of the sklait boght be the toune fra him for use of thair kirkis, and
quhilk he is to delyver with all convenient dilligence.
23 May 1657.
Grahame and Walkingschaw to Edinburgh.
Johne Walkingschaw is electit commissioner to the particular conventioune of burrowis to be haldin at Edinburgh the secund day of Julij
nixttocum . . . Lykas, Johne Grahame and the said Johne Walkingschaw
ar heirby commissionat to ryd to Edinburgh, for agenting sundrie particularis
relaiting to the toune, as to petitioune the counsall of estait for geting the
cese imposit on the Gorballis and Craigis remittit and defalcit af the schyre,
these landis being now mortified to the hospitallis conforme to the proclamatioune emittit for that effect; as also to petitioune the generall for geting the
abetment of seavine pundis ten schilling starling per mensem aff the tounis
ces, to be distribut at the sight of the magistratis as formerlie, for the moneth
of Febrwarij, March, Apryle last, May instant, Junij and Julij nixt; as also
quhat can be done in the tounis particularis against Argyle, and for agenting
all vther maters thair relaiting to the toune.
[Approved of a contract dated 22 inst. between the skinners in Glasgow and the
skinners in Gorbals.]
30 May 1657.
The table drawine vpe be James Bornis and vtheris apoyntit for that
effect, anent the custumes to be colectit at the bridge heirefter, was producit
and allowit and approvine, and ordainis the samyn to be printed or ovyrwayis writtin and fixit on ane table and fixit on the bridge in sume convenient place.
Recommendis to the deane of gild to call in the wheit furlott and to
rectifie it conforme to the principall missour thairof af Linlithgow that is
in the tolbuith; and becaus thair is but ane of thais furlotis, appoyntis the
said deane of gild to caus mack ane vther right conforme to the standart.
Warrand, Bornis, fire ingyne.
Ordainis James Bornis to have ane warrand for the soume of twentie
fyve pund stairling, debursit be him to James Colquhoune out of the money
he colectit for the bucketis, and that for the pryce of the ingyne laitlie made
be the said James Colquhoune for the occatioune of suddent fyre, in spouting
out of water thairof, conforme to the counsallis former ordouris given thairanent.
Clark, Laigh Kirk.
Ordainis Baillie Allane, Johne Walkingschaw, James Bornis and James
Colquhoune, to meit with Johne Clark, maissoune, and to setle and agrie
with him anent the building of the iyle at the Laigh Kirk, and to considder
vpone the most commodious way the samyn can be done and for macking the
entrie to the said kirk alse spacius as can be.
M'Lucas, custume, bridge.
In ansuer to the supplicatioune given in be Colein McLucas anent the
lose susteinit be him for the want of the custume of fulyie at the bridge efter
the emiting of the proclamatioune that no fulyie sould be transportit but
to the Gorballis and vther toune landis, it is condischendit that the thesaurer
quyte him twentie four pund Scottis.
2 June 1657.
Common good set.
[Mills, 9650 merks; ladles, 3200 merks; meal market, 700 merks; tron, 670 merks;
bridge, 1530 merks; grass of Little St. Mungo's kirkyaird, a rex dollar, "given to the
officiaris to buy thair drinke."]
13 June 1657.
Report being made that the merchand rank and craftis are wiling to
mentein thair awine poore, the haill counsall does allow and approve the
same, and recommends to the deane of gild and dekin conveinar to meit so
sone as they can with sutche of thair respective number as they think convenient, and laye doune the best meins they think convenient for fallowing
thrughe the samyn.
It is condischendit and agried to pay to James Colquhoune thrie hundreth and fyftie merkis for to collor and dres againe the horologis and gilting
of the lettres.
Report was made be thais quha war appoyntit to speik with Johne Clark
anent the building of the iyle at the Laigh Kirk that they had agried with
him thairfore for twelf hundreth merkis.
Hous in Gorballis.
Appoyntis Baillie Allane, the dekin conveinar and James Pollok, to pas
with James Colquhoune and sight the tounis hous in Gorballs and sie quhat
is neidfull to be repairit thairintill, and that they give ordour for rectifeing
quhat is neidfull to be done against the entrie of the earle of Muntrose to
quhome the samyn is sett.
It is concluded that the ingyne laitlie made be James Colquhoune be
saitlit neir himself, and the maister of wark to mack ane hous of daillis
Loft in Hie Kirk.
Appoyntis Johne Andersoune and Johne Walkingschaw to speik the
maisteris of the colledge anent the loft to be builded in the Hie Kirk, and to
Maissounes and wrightis.
In ansuer to the supplicatioune given in be the meassounis and wrightis,
Baillie Allane, Johne Andersoune, Johne Walkingschaw and Walter Neilsoune, to tack ane vew of the brunt landis yit wnbuilded and how the frie
men meassounis and wrightis ar imployed, and to report this day aught dayis.
20 June 1657.
Walter Neilsoune made report that, conforme to the counsallis ordour, he
had agried with Patrick Wilsoune for drawing of the Hie Kirk knock paisis,
quhilk the toune is to pay heirefter, and it is to be rememberit.
Warrandis, house in Trongait.
[Ordained the treasurer to have warrants for £380 disbursed to Thomas Pollok,
merchant, and his partners, and £180 disbursed to Jonat Neilsoune, for their rights to
"that rowinous hous in Trongait at the Laigh Kirk quhilk sumtyme perteinit to the
deceist Johne Wilsoune."]
Logane in Gorballis.
Appoyntis the provest, bailleis, and vtheris of the counsall quha pleissis
to goe with them, to pas at ony convenient tyme heirefter to the Gorballis
and sie the twa corballis putt out be Johne Logane cuttit, becaus he was
severall tymes dischargit of befoir to doe the samyn.
It is concluded that ther be ane contributioune colectit thrugh the toune
for the helpe and supplie of Johne Adam and vtheris quha war damnified at
the last suddent fyre.
Anent the poore.
Appoyntis the deane of gild, Johne Walkingschaw and Walter Neilsoune,
James Campbell and William Andersoune, to meitt with the ministers and
vtheris of the sessioune, for composeing of the differance that is betwixt
the toune and sessioun anent the pooris contributioune and distributioune
Ordainis the thesaurer ane warrand for the soume of four scoir merkis
debursit be him to David Biskat, tailyour, for the right and dispositioune
made be him to the toune of twa ruids land at the Goose Dubes formerlie sett
in few be the toune and now disponit back againe be him.
Forgusoune, Jamiesoun in Gorballis contra Paull, thair.
The saidis provest, bailyeis and counsall, being conveinit and of befoir the
tryall of the complaints given in be David Fergusoun in Gorballis and Jonat
Jamesoune, thair, against Claud Paull, officiar thair, beiring that wnder culour
of ane few chartour sett to him be the saids provest, bailyeis and counsall, of
the hous and yaird belonging to the Lipper Hospitall thair, the said Claud
did oppres the saidis compleinaris, out of plaine malice, neidleslie, and did
quhat in him lay to mak thair lands altogither wnprofitable to them, maynlie
thrugh closeing of ane old stank was ever thair, past memorie of mane, for
convoying the watter fell thairin to Clyd, and for stoping maliciouslie the said
David Forgisounis lightis and macking the water so to ryse that it did slockine
out the said Jonat Jamesounis furnace. [A committee who had visited the
ground and considered the complaints reported] that they had ordained the
said Claud Paull to remove his twa new syd wallis fra the said David Forgisounes gavill ane full ell, and to opine vp the syour againe and keep it vpone
the full breid it was of befoir, for the better convoying away the water fallis
thairin to Clyd, and that betwixt and this night at eivine, wnder the paine of
twentie punds, by and attour he sall be subject to performe the premissis; and
alse that they had decernit the said Claud Pawll presentlie to remove his treis
af the said Jonat Jamesouns grund and hir fulyie fra the syd wall of hir
brew hous, wnder the said paine; and also appoyntit the said Jonat Jamesoune
to build vpe hir awine furnace agane and the said Claud not to truble hir
Warrand, Yair, writings.
Ordainis the thesaurer to have ane warrand for the soume of ane hundreth
merkis debursit be him to Williame Yair for writing fyftie seavine long
missives to the burrowis and vther thingis done be him from tyme to tyme in
relatioune to the toune.
27 June 1657.
Agriment with the cessioune anent the poore.
Johne Walkingschaw, for himself and in name of thes wha war appoyntit
to meit with the ministeris and sessioune anent the mater of the poore, made
report that they had agreid, and that the horning and suspentioune raisit sould
both of them ceise and be no further prosecuit, and that the sessioune was to
sett doune ane act anent divers vtheris artickles quhilk is appoynt to be insert
in this book how sone as it cumes in, and the magistratis ar to contribut thair
best helpis for ingeting of the pooris contributioune.
1 July 1657.
Maissouns and wrightis.
The forsaides provest, bailleis and counsell of this brughe, having now
and oft befoir taken to thair serious consideration the supplication given in
befor them be the decones off maissones and wryghtes within this brughe, for
themselves and in name of thair severall bretherine of thair trades and corporationes, schewing that now thes divers yeares bygaine they have beine hinderit
and impeidit fra injoying thes ancient liberteis and priviledges grantit and
conferit wpon them and thair predicessors be thair severall letters of deaconheidis grantit to them be the provest, bailleis and counsell of this brugh
for the tyme, and that be the greatt imployment given to strangers of thes
callinges within the samyne brughe, be the inhabitentes thairof quha hes thair
housses and landes in bulding, and yet notwithstanding of all that the saides
bretherine of the saides severall trades hes born burding of quarterings and
uthers the lyk within the brughe, quhairof the saides strangers ar frie and
nowayes burdined thairwith, it is thairfor this day concludit and agried be the
saides provest, bailleis and counsall, that no wnfrie person, aither maisson or
wryght, shall be sufferit or tollerat to tak or work any farder taskes or work
within this brughe after this day nor they have taken alredie, and that thes
strangers, maissones and wryghtes, shall not have libertie to work but wnder
friemene of the saids severall trades, burgesses of this brughe, provyding that
the saids friemen tak nor seek no farder wages in the day nor fyftine shillinges
Scotes for ilk dayes work fra thes who shall happine to imploy them; and
ordines thir presentes to be intimat be touk of drume.
20 li. remitit, Ladie Sincklar.
For divers good causes known to the magistrats and counsallers, to quyt
and remitt the tuentie pund Scotis quhilk should be goten for granting libertie
to burie the Ladie Sincklar within the High Kirk.
4 July 1657.
Report, Gorballs, Craiges.
Baillie Hall maid report of his diligence in supplicating the counsall of
state anent the abaitment of the sess of the landes of Gorballis and Craiges.
Ordaines the cordinours to produce thair right to that place quhair they
keep thair markit, this day aught days, with certificatione if they doe not, the
counsall will mak use of that markit place as they please.
Commissioun, Polok, Londone.
James Polok, lait baillie, is heirby commissionat be the saids provest,
bailleis and counsall, to repair to Londone and thair to agent all and evry
thing hes relatioune to the toune, and ordaines his charges to be allowit and
payed be the toune, and the clark hes subscryved and sealed the said commissioune.
Warrand, New Kirk.
[Ordained the treasurer to have a warrant for 400 merks disbursed to "John Clark,
maissone, in pairt payment of his task in building the yle at the New Kirk."
[Ordained the treasurer to pay back to the farmers of the mills £500 Scots in respect
of the great losses sustained by them.]
11 July 1657.
Warrand, Colladge new signatour.
[Ordained the treasurer to have warrants for £37 disbursed "anent the consultatione maid be advocatis in relation to the Colladg new signatour;" £6 for Bailie
Hall's charges attending three days thereon; and 24s. "disbursed for wryting thrie
Stirling, salmound stok.
William Stirling is appoyntit to have that place last occupied be the
deceased William Andersoune to have charge of the salmownd stok and
breking of the samyne; and that wpone conditione to tak no mair for the
tailles nor is contined and set doune in the former actes maid thairanent;
quhilk is ordained to be looked out and red to him for that effect; and he is
to have no benifit thairby for this seasoune but the defunctis relict onlie,
wnles he agrie with hir thairanent.
Appoyntes the maister of wark to cause lay, with dailles, ane peace of the
printers housse to be his wark house, and that be sight of Baillie Hall and
13 July 1657.
Report, Gorballis, Craiges cesse.
John Walkinshaw and Walter Neilsoune maid report of ther last diligence
in Edinbrughe anent the tounes affaires and produced ane act grantit be the
counsall of state anent the frething of the Gorballis and Craiges of cesse
according to the petitiounes given in thairanent. As also ther was ane lettre
direct from Commissar Lockhart.
The provest, bailleis and counsall, taking to thair consideration the greatt
abuse liklie to arise throw the frequent inputing of throwghe stones in the
Hie Kirk yard of ane far greatter lenth and bread nor befor and of far graitter
number, quhairby ther ar sundrie wronges and enormities committed in the
said High Kirk yeard; for remidie quhairof, it is heirby inacted, statut and
ordained, that no throwgh stone be permittit to enter the said kirk yaird
whill they be first hewin and dressed without, and the saids hewing removed
and takin away, and than to be booked and paid for; and that no throwgh
stone be maid of greatter quantitie nor tua elles of lenthe and one of bread,
and that thes that ar now in dressing and shall be dressed heirefter shall be
dressed so and polished accordinglie; and in lyk maner that nane of the said
throwghe stones sall be drawin in the said kirk yaird with horsses but with
slaides and the help of men allenerlie.
Recommendes to Baillie Allan and John Walkinshaw, and uthers quhom
they shall chuse, to advyse anent the best and commodious forme how the yle
in the Laigh Kirk shall be buld.
22 July 1657.
The saidis magistratis and counsall, wnderstanding that the printer is
now cume hither and that the toune is only to pay to him for his transporting
ten dollouris, and being certanlie informed that he hes above (blank) laidis of
greath broght hither, and is to pay thrie punds thrie schillings four penneis
for the cariadge of ilk laid thairof, and seing that the said printer, Androw
Andersoune, hes wndertackine to prent the table of the bridge customes, the
thesaurer is thairfore ordained to have a warrand for the soume of four scoir
punds debursit be him to the said prentar, to help to pay for his said transporting, quhairin the saids ten dollouris ar to be included.
24 July 1657.
The persounis wnderwrittin being conveinit, they ar to say, the provest,
bailleis Allane and Hall, maisters James Durahme, George Young and Hew
Blair, ministers, with Williame Neilsoune and Patrick Bryce, maltmen, thair
was producit the contrabutioune colectit for supplie of thais quha sufferit by
the lait fyre, extending to £1028 18s. 4d. quhilk the saidis persounis did
distribute as fallowis:—to Johne Adame, for repairing of his landis, £700; to
Archbald Andersoune, cordoner, £180; to Adame Gray, £80; to Jonat Muir,
weidow, £20, and to Baillie Hall for cuiring of thais quha was hurt at the fyre,
£40; and aught punds to be farder distribute to the hurt people.
1 August 1657.
The maner of the distributioune of the last contributioun colectit anent
the fyre being red publictlie was allowed and approvine.
Williame Stirling wha was formerlie appoyntit to breck the salmount,
gave this day his aith thairanent, to quhome was red the old act sett doune
anent the pryce of taillis, quhilk is conforme thairto aught penneis for the taile
of ane litle salmont and sextein penneis for the taile of ane meikle ane; at
the most, be conneivence of the counsall, to tack ane schilling for the litle and
twa schilling for the meikle and no farder, wnder the paine of deprivatioune.
Protesteris in counsall and deserteris thairof.
For preventing of sum misdemanour, quhilk hes bein formerlie vseit be
sundrie befoir in counsall, it is concluded, inactit, statut and ordained, that
quhatsumever persoune or member of counsall sall heirefter enter any protestatioune against any mater quhatsumever voycit in counsall and concluded
be pluralitie of voitis thairin, or yit wilfullie desertis the counsall, sall be fund
wncapable to beir any charge, ather as magistrat or counsallour thair, in all
Johne Walkingschaw made report of his last dilligence in Edinbrugh, and
declairit the generall conventioune of burrowis sould have conveined heir in
July last is to convein heir the twentie day of October nixttocume, and that
necessar it is to gett the warrand grant be the generall for that effect; and
ordaines the thesaurer to have ane warrand for the soume of fyftie sex punds
debursit for his and dekin conveinaris chargis and debursmentis and for ten
punds for ther horssis hyre.
8 August 1657.
Horologis, warrand, Bornis.
It is concluded and agried vpone be the saidis magistratis and counsall
that James Colquhoune paint and fix the tounes armes and yeir of God on
everie horologe brode, and that being done grantis warrand to James Bornis
to pay to the said James Colquhoune, for the paynting and cullouring of the
four horolodge brodis of the tolbuith and gilting the lettres thairof as they
now stand, the soume of four hundreth merkis money, out of the money
colectit for the buckatis, and quhat the said James does farder to the globis
he is to be satisfied thairfore be sight of Johne Walkingschaw.
It is concluded that no prenteis that beis bund be the toune heirefter
gett of prenteis fie but fourtie pundis.
Stewart, Blackfrier Kirk.
Ordaines the executouris of vmquhill Johne Stewart, youngar, to be
persewit at the siting doune of the nixt sessioune for the money was assignit
be John Stewart, elder, for the vse of the Blackfreir Kirk; and the proces was
persewit befoir the commissar to be tackine vpe.
Warrand, Blackfreir Kirk.
Ordaines the thesaurer to pay to Robert Forrest twentie punds for his
last yeiris fiall in tacking vpe of the psalmes in the Blackfreir Kirk, and to
pay him ten merkis farder for his supplie, and not to be hard anent the lyke
ten merkis heirefter.
15 August 1657.
In answer to the supplicatioune given in be William Brock, sone to
(blank) Brock, gairner, grantis licence to him to tack vpe ane schole provyding he tack it vpe in Saltmercatt.
21 August 1657.
Aditioune to the excyse.
In respect of the lettres direct hither from eist be the commissionaris of
excyse anent the aditioune made thairto, be pluralitie of voitis it is concludit
that twelf schillings Scottis of excyse be exactit of ilk maske malt mair nor
of befoir, and swa ilk maske is to pay thrie punds twelf schillings of excyse,
and to begine this day.
Fergusoune and vtheris in Gorballis.
Report being made be Bailleis Allane and Hall, and vtheris appoyntit
for setting of mairche stanes betwixt David Fergusoune, Jonat Jamesoune
and Claud Paull, that they have done thairin accordinglie, the samyn was
allowed and approvin and licence grantit to the said David and Jonat to
build ane thine dyk betwixt the said Claud and them according as the saids
mairsche stanes ar sett.
29 August 1657.
Ordaines the deane of gild to caus call in the haill meassoures the
baxters hes and to sie them maid right the most commodious way he and
the rest of his bretherine shall think expedient, conform to the standert, and
this to be don with all diligence.
Timber, kirk in Trongait.
Appoynts Baillie Allane, James Colquhoune, Walter Neilsoune, James
Campbell, James Bornes, and the maister of wark, to cause provyd and buy
timber for outreding the kirk now in building in Trongait, and thairefter the
toune to give band for the pryce thairof.
Warrand, Trongait Kirk.
[Ordained the treasurer to have a warrant for 1,000 merks "deburst be him to John
Clark, maissone, in pairt payment of the wark of the kirk in Trongait, and this by and
besyd four hundreth merkis he receavit of befor."]
In ansuer to the supplicatioune given in be the relict of vmquhill James
Rodger, grantis hir licence to keipe and deteine the twa strangers wrightes
that shoe hes, for ten dayes or thairby, for compleiting of hir house.
Appoyntes Baillie Allane, John Walkinshawe, the deacon conveinar,
Manasses Lyell and James Colquhoun, to send for the deacone of wrightes
and sum of his maisters, to let them wnderstand the great greavous reportes
given in against them be thos who hes ther land in building, and to lay doune
sum good solid course how thais evilles may be remeidit heirefter.
Warrand, Colquhoune, Gorballes.
[Ordained William Colquhoune, collector of the rents in Gorbals, to pay to James
Andersoun £517 18s. "debursit on the mendin, beiting and repairing of the tounes house
Corssis, wrights, glaswrights.
Anent the supplicatioune given in be James and John Crossis, wrightes,
burgessis of this burghe, mackand mentioune that quhair they, heiring ane
great outcry maid be sundrie of the inhabitantes of this brughe against the
great and exorbitant pryce tackin for the foot of glas, and being also informed
that shortlie efter the lait suddent fyre in anno jm vjc fyftie twa, the magistrates and counsall of this burghe for the tyme wer seiking for glaswrightes
from Edinburgh, Linlithgow, Aberdeine, and wther places, for exerceising of
that trad within the samyne, for the weill of thos who had thair land brunt, on
quhom they wer willing to confere the libertie and fredome of the toune, in
regaird the haill glaswrightes within this brughe (ecept James Elphanstoune)
wer depairted this lyfe; and now the said supplicantis, finding themselves
capable to goe about and exerce the macking of glaswindowes and wthers
belonging to that wark, and being both of them burgessis of this burghe and
friemen of the corporatioune of wright trad within the samyne, quhairof ane
glaswright is ane pendicle, they did begine to mack sume glas windows, and
sold the samyn to diverse persones to thair full contentment, and took onlie for
the foot thairof four shilling Scotis, quhairas wthers tack fyve shilling for the
lyk and no les, and the said supplicantis ar most willing to mack glaswindowes
and to serve the inhabitantis thairwith and to tack onlie thrie shillinges aught
pennies Scotis for the foot of the samyne, and ar content to have thair wark
tryed to the full anent the sufficiencie and insufficience thairof; and now John
Otterburne, present deacone of the wrightes, hes discharged the said supplicantes for macking of ony glaswindowes and exerceising of that trad ony
farder; the said magistrates and counsall ar the fathers of the commoune
wealth of this burghe, the said supplicantis did humblie requeist and desyre
them to consider aright quhither this thair offer be profitable to the said
brughe or not, and, if it be, that it wold please the said magistrates and counsell
to grant the said supplicantis warrand to conteinow in macking of glaswindowes
for the guid and profeit of all thos who pleaseth to imploy theme. Quhilk
supplicatioune being red and considerit be the said provest, bailleis and
counsall, and knowing all this to be trew as is thairin conteined, and finding
the offer abovewryttine to be profitable and conducable to the inhabitentes
wha hes to doe thairwith, and that the said supplicantis ar not only burgessis
of the said brughe but also frie with the wright trad, and that the tred of a
glaswright is nothing but ane pendicle of that calling, and seing the said
supplicantis ar capable of making of glaswindowes and able to serve the
inhabitentis thairin, and that thair offer anent the pryce of the foot of glase is
verie fair, thairfoir the said magistrates and counsall hes given and grantit,
and be thir presents gives and grants full warrand, pouer and commissioune,
to the said James and John Corssis, supplicantis, for macking of glaswindowes
and to exerce that trad for the serving of all who pleaseth to imploy them
thairintill, seing the said offer tendis so much to the guid of the inhabitentis
who pleaseth to imploy them in thair trad.
1 September 1657.
Hie Kirk, toofall.
It is concludit that, in all speid, that the south toofall of the Hie Kirk
that is sklaitit and ruinous be repaired with all speid, and for this effect
appoyntis Baillies Allane, John Walkinshaw and Walter Neilson, to agrie
with warkmen for doun tackin and rebuilding thairof.
Minister, Barronrie Kirk.
Appoynts the minister of the Barronrie Kirk to be payit of his last yeires
steipand for sex chalder, conforme to the Deuks feire, and for wther twa chalder
conform to the commissar feire.
Ratificatioune of twa decreites, crafts.
The twa decreitis given out and pronuncit be the deacon conveinar and
deacon of craftis against James Padie, John Cauldwall, Androw Love and
Williame Govane, the ane daitit the sext of August last, the wther the elivinth
of the said moneth, being red publictlie and considered wpon be the said
magistratis and counsall, they did ratifie and approve the samyne and evrie
heid thairof, according to the laudable acts of the gildrie sett doune thairanent.
5 September 1657.
Appoynts John Flyming to wryt to his man who lyes at London to send
hom for the tounes wse, weiklie, ane diurnall.
Report being maid be thes who wer apoyntit anent the doune tacking
and repairing of the south toofall of the Hie Kirk, and that they had aggried
with James Cors thairanent for sex scoir pundes, was allowed and approvine.
Appoyntis John Walkinshaw and Walter Neilson to ryd to Edinburgh to
tack ordour anent the aditional excyse; and quhen they com thair, to raise
ane suspensioune anent the charge of horning given be the wrights of this
brughe to wnfrie men wrightes.
Timber, Laigh Kirk.
Baillie Allan, and wthers appoyntit for buying of tries to the Trongait
kirk, maid report that they had alredie bought sex treis from John Walkinschaw, quhilk was allowed and approvine, and ordaines ane band to be
subscryvit to him for thes and quhat farder shall be bought from him for the
Malt maid in Gorballs.
It is statut and ordainit that the maltmen in Gorballes aither present
ther malt to the mercat, as wther contrimen does, or then to suffer the
visitour of maltmen of this brughe and his quarter maisters to sight and
visit thair killes monethlie, according as is done to the frie men maltmen
within this brughe, for tacking tryell anent the sufficiencie and insufficiencie
of the malt maid be them, for eshowing of prejudice to the buyers and
punishing of the guiltie for wnsufficient stufe.
Chirurgianes, doctoris of phisick.
James Thomson, deacone of chirurgianes, compeired in the counsall, being
sent for, and was discharged publictlie that nether he nor his bretherine of
calling should mack any kind of agriement with the doctors of phisick anent
the colledge of phisitianes, craved to be erected be them, whill he did first
aquant the counsall thairwith, quha promised it should be so.
March stones, Blacharne.
Appoynts Baillie Allane and William Neilsoun to sie the march stones
sett quhilks ar appoyntit to be sett betuixt the tounes landis and Blacharne.
The provest, bailleis and counsall of the said brughe being conveined, and
tacking to thair serious consideratioune that notwithstanding of all the haill
houssis and tenements alredie bulded within the samyn since the lait suddant
fyre, quhilk happined thairin in anno 1652, yit the far most pairt and mickle
mair is not yit rebuldit that was then brunt and consumit, and seing many of
the inhabitantis ar in resolutioune and intendis to rebuld the said decayed
and brunt places of the toune as yit not rebulded, and the said magistratis
and counsall also wnderstanding that ther is ane great desert in hindring of
that commendable pollicie, and speciallie the samyn to be much impeidit be
the strick and wnwarrandable acts sett doun be the deacones of wrightis of
this brughe and bretherine of that calling, altho, for the tender respects the
said magistrats and counsall had to the florishing estait of the said wright trad
within the samyn, they laitlie be thair act discharged any wnfrie man wright
to work within this brughe but wnder frie men wrightis burgessis thairof, yit
for all that they do quhat in them lies to hinder all good pollicie thairintill
relaiting to that calling, be thair said strict and wnwarrandable actis as said is;
it is thairfor heirby enactit, statut and ordainit, be the said provest, bailleis
and counsall (having the good of all the inhabitentis befor thair eyes, and in
particular the wtilitie and proffeit of that trad and calling) that it shall be
leassume to evrie frie man wright within this brughe, burges thairof, to keip
and hold ane prenteis with twa sufficient jornay men or servandis, and quhair
it shall happin the said frie men to have no prenteis it shall be leassum to
him to keip and hold thrie jornay men or servands, quhilks jornay men or
servandis shall be haldin and astrictit to pay yeirlie in to the craftis box of
the said calling, for the helpe and supplie of the poore thairof, threttie shilling
Scottis money, and that in satisfactioune of all can be craved of them for thair
booking as servandis be the craft; and appoyntis this to be intimat be touk of
12 September 1657.
Appoyntes the maister of wark to red the chalmer nerrest to the hous
quhair the printer duells, for his wse.
Its appoyntit and concludit that the Drygait brige be maid broder and
Ordaines the former act sett doune anent the cairters to be printed and hung
in sume publict place, to the effect they may be maid to labour according thairto.
19 September 1657.
Ordaines ane letter of thankes to be wrytine to the laird of Kilburnie for
the faverable offer he hes maid to our burgessis to have libertie to mack thair
herring on his landes in Greinok and to mack daill houssis for thair shalter,
and to have all the accommendatiounes that his land can affuird.
Recommendis to Baillie Allane and the maister of wark to cause dres
the lampes in the hie gallrie.
Recommendes to Walter Neilsoune, deacon conveinar, to suffer no thrughe
stone to be brought within the church yaird quhill first they be maid conforme to the appoyntit meassour, and that the samyne be booked and the
dewes thairof payit.
24 September 1657.
Letter from General Monk to Lord Protector regarding free elections in the burghs of Scotland. (A.P.S., vol. vi., part ii., p. 913); Letter from General Monk to Lord Protector.
Dalkeith, 24 September, 1657.—General Monck to the Protector.—May
it please your highnesse.—I have taken a view of the inclosed paper, and in
obedience to your highnesse commands doe humbly submit this my opinion
concerning the same, that your highnesse would bee pleased not to signe either
this or any other paper of the like nature to Glasgow, or any other citty or
burgh within this nation, for the reasons following:—First.—By God's great
mercy, and your hignesse unwearied indeavours, these nations, after longe and
many tumblinges, are entring into a settlement, and that uppon parliamentary
principles, which to disturbe by such interpositions can bee no way adviseable,
for the burghs of this nation hold nott only their respective incorporations, and
therein their severall liberties and priveleges, by grant under the great seal
from their severall kings, but the same are also ratified by their severall parliaments. Secondly.—The commissioners of the parliament of England, who were
sent hither in anno 1651, did, upon the submission of the said burghes unto
our government, ratifie to them their said charters, all whose proceedings being
reported to the parliament in England, upon their return, anno 1652, were by the
said parliament approved. Thirdly.—In pursuance of those proceedings, your
highnesse, by your ordinance dated the 12th of April 1654, did unite this
nation in one commonwealth with England, and therein made no exceptions
to any the afforesaid proceedings, which said ordinance is since also become
an act of parliament. Fourthly.—The ordinance herein insisted on, dated the
11th August of 1654, is by this parliament made null and voide but not confirmed. Fifthly.—In the petition and advice, it's said in the very first article,
your highnesse is to govern according to this petition and advice, in all things
therein contained, and in all other thinges according to the lawes of these
nations, and not otherwise. Wherefore, the premisses considered (though I
wish the remonstrateing party very well) I cannot in the least advise to an
act in my apprehension so clearly opposite to law, but rather to the contrary;
because in the petition and advice there is sufficient provision made for this
very particular, or at least such provision as by the parliament was adjudged
sufficient. Besides, upon a politique account, I am much more free to diswade
your highness from, then perswade to this thing, because all the burghes in
Scotland (being incorporated into one body) were the very first that owned us
and submitted to us, and have ever since lived peaceably under us, and whose
interest is most agreeable with ours, by reason of their trade and traffick, and
so more easily to bee interwoven with ours, and therefore more tenderly and
carefully to bee cherished by us. Now, by such an act (as permised) to disoblige one is to disoblige all, and will bee, I am afraid, too great a weakening
of your highness's interest and power here; and the doeing of it cannot any
way strengthen your hands. Lastly, seeing my advice is against the thing
itself, I need say nothing as to the persons, whom I hear to bee good
men; but I should humbly advise they may bee left to the free election
of their fellowburgesses rather than your highness should, by command or
otherwise, in the least interpose therein. All which is most humbly submitted to your highnesse's better judgment, by your highnesse's most humble
servant. (Signed) George Monck.
26 September 1657.
Lettre to Ranfrew.
Appoyntes James Campbell to ryd to Ranfrew with ane letter and to
inquir at the magistrates thair quhat is the caus that they impeid our water
serjentes to lift thair dewes as of old.
Ordaines ane banck to be sent throw the toune, with touk of drume, to
charge all maner of persoune to pay thair localitie thanckfullie without any
trubling of the magistrates thairfor, or then to certifie them to pay the double
29 September 1657.
Lettre producit, electioune.
The provest producit ane letter direct from his highnes the Lord Protector,
quhairby his hienes desyres the electioune of the magistrates of this brughe
be deferred wntill he sall be mor fullie informed in that particular.
3 October 1657.
It is concludit, statutit and ordainit, that no tackis be sett of the tyndis
of the landis within the paroschoune of Drysdaill bot to the heritouris thairof,
ilk ane of thame for thair awine lands allenerlie.
Corse and Elphinstoun, Kirks.
Ordaines ane hundreth and twentie pundis to be payit to James Corse,
wright, at his compleiting of the wright wark of the twa wast most toofalls
of the Hie Kirk; as also that thair be payit to Alexander Eglingtoun, wright,
the soume of (blank) awand to him for proping of the Laigh Kirk roofe and
macking of the new roofe thairto and vtheris conteinit in the agriment sett
Thair was subscryvit in favouris of the Marqueis of Muntroise [ane tack]
of the haill landis and yairds in Gorballis now presentlie occupyit be his
lordship, and that dureing the space of fyve yeiris furth and fra Whitsonday
last, for payment yeirlie of the soume of ane hundreth four scoir pundis
Scottis money, and he is to be frie at the first thrie yeiris end, or at ony
Witsonday thairefter dureing the tyme of the tack, mackand premonitioune
at the Witsonday preceiding.
Band, Clark, New Kirk.
Thair was ane band subscryvit in favouris of John Clark, maissoune,
conteining the soume of twa thowsand sex hundreth merkis, quhilk is to be
payit to him efter he compleitis the maissoune wark of the New Kirk.
Warrand, Laigh Kirk.
Ordaines the thesaurer to have ane warrand for the soume of ane thowsand
merkis quhilk was debursit be Patrick Bryce on his accoumpt to the said John
Clark, maissoun, in pairt payment of his maissoune wark at the Laigh Kirk.
The saidis magistratis and counsall, being weill satisfied with the good
service of Charles M'Clane, thair present jaylour and keeper of the tolbuith of
this burghe, and of his fidelitie, dexterous and [discreit] deportment in that
charge, they thairfore have ordainit ane admissioune to be subscrivit to him
of the said charge dureing his lyftyme, and ane right to all the fies, proffeitis
and benifeitis belonging thairto, conforme as is conteinit in the act sett doune
quhen vmquhill Gawine Naissmith was first admittit to the said charge; and
seing the said Charles hes fund cautioune alreddie to warrand the magistratis
of this burghe of quhat sall escape him in his office, he is to renew thes
cautioneris for the effect foirsaid quhensoever any of thes alreddie fund beis
removeit by death, according as the magistratis for the tyme sall requyre him
for that effect, they requyred being of no heigher degrie nor burgessis of
5 October 1657.
Justice Court fynis.
The last yeiris fynis vplifted in the justice of peace court being this day
red publictlie, and the distributioune thairof in puting of prenteissis to craftis,
was all ratified and approvin as it standis in Alexander Cumings bookis, clark
to the said court.
6 October 1657.
Protestatioune anent the continewatioune of the electioune of the magistrates.
The foirsaidis magistratis and counsall being conveinit, it being the first
Tysday efter Michalmes and so the ordinarij day quhairon the magistratis of
this burghe wer wont and in vse to be electit and choysine, and yit seing for
giveing obediance to ane lettre of advyce direct to this burghe be his hienes,
the Lord Protector, to defer the said electioune quhilk sould have bein this
day made anent the chuising of the magistratis thairof whill his hienes be
better informeit anent that mater, they did defer the samyn according thairto,
it was protestit for be the saidis magistratis and counsall present that the
said delay sould not be prejudiciall to the provest, bailleis and counsall of this
burghe, anent thair ordinarij electioune of magistratis thairin in tyme cuming
as formerlie, conforme to the freidome and libertie grantit to this burghe
thairanent, and thair vse and conswetude thairintill of befoir.
10 October 1657.
Letter from Samuel Disbrow to Mr. Secretary Thurloe as to election of magistrates. (A.P.S., vol. vi., part ii., p. 913); Letter from Samuel Disbrow to Mr. Secretary Thurloe.
Edinburgh, 10 Oct., 1657.—Mr. S. Desbrowe to Secretary Thurloe.—
Right Honorable.—There being a letter sent lately from his highnes to the
towne of Glascow, requiring them to deferr the election of theyre magistrates
untill his highness was informed, &c.; which letter hath made a great noyse
heere, and raysed feares in the burroughs that it may be their turne shortly;
and if a magistrate should be imposed upon that towne, it's lookt upon by
many as a high breach of theyr priviledges setled by law, and confirmed, as
they thinke, by the parliament in theyr petition and advise. Now, sir,
though it be a most deserable thing to have a godly magistracy setled in
that borough, as in all others, yet good things would be attayned lawfully,
and that it might be so, I have bin thinking that if his hignes may please
to recommend to that towne some honest godly man of his own knowledge,
to be elected by them to the magistracy, and to write to the council there,
or the generall, that he or they doe improve theyr interest to have other
good men chosen into the towne, I am persuaded it might effect the end,
without any noyse or trouble. This notion came sudenly into my mind; and
I could not but lay it before your honor, though raw and indigested, being
hartily desirous that in the whole administration of the government the
lawes of the nations may be inviolably observed. Pardon my boldnes in
ofering my opinion uncalled.—I am, Sir, your most humble and most affectionate servant. (Signed) Sa. Desbrowe.
31 October 1657.
Anent the tounis present debt.
The saidis magistratis and counsall, tacking to thair consideratioune the
present debt the toune is in, and that they have nothing to pay the warkmen
for the warkis of the kirkis, brigs, and vtheris now in handis, and that the
thesaurer refussis to ansuer the maister of wark, quhairby thair ar sundrie
warrands lyand in his handis yit wnanswerit; they have thairfore appoyntit
Johne Walkingschaw, Walter Neilsoun, James Campbell and James Bornis,
to meit and to cognose on the saidis debtis and to find out the best way and
overtouris they can for payment thairof, and to report the samyn this day
aught dayis, and Walkingschaw to be conveinar.
The saids magistratis and counsall, tacking to thair consideratioune the
great wrangis done and committit be severall of this burghe in buying of full
boatis full of hering at the Broomlaw, to the great hurt and prejudice of the
haill inhabitantis and cuntray about, for remeid thairof in tyme cuming it is
heirby enactit, statute and ordainit, that it sall not be leassume for ony maner
of persoune quhatsumevir to buy any boatis full of herring, or yit hering in
great quantities, at the Broomlaw to retaill and sell over againe in that place
quhair they buy them (but in the mercatt place,) wnder the paine of twentie
pundis money for ilk fault, ilk persoune, wnforgiven.
Anent the thrugh stanes to be placit in the iyle.
Grantis to Mr. Johne Young, professor in the Colledge, to place ane
thrughe stane above his wyfe quhair schoe is buried in the iyle in the Hie
Kirk; and it is heirby enactit, statute and ordainit, that it sall be leassume to
no maner of persoune quhatsumever to place any thrughe stanes in that
boundis of iyle whill first they pay to the toune for the vse of the poore thairin
ane hundreth pund Scottis.
Ordaines the thesaurer ane warrand for the soume of fyve punds sextein
schillings, debursit be him to ane poore mane that fell af George Broomes
hous, and for thrie rex dolloris to ane vther poore mane quha had hes leg to
be cutt aff him.
7 November 1657.
Ordaines the thrie bailleis, the deane of gild, James Pollok and Manasses
Lyill, to joyne with the vther persounes quha war formerlie appoyntit to tack
notice of the tounes debt awand to craftismen and for timber, and to give in
thair best overtouris in writt how the samyn sall be payit; and recomendis to
the magistratis the conditioune of David Mitchell, tailyour.
Tallow and candill.
[Ordained that the stone of rough tallow be sold for 40s., and the troy stone of well
made candle for 48s.]
No tallow to be ryndit but quhat is made candill of.
It is enactit, statute and ordainit, that it sall not be leassum to the candilmackers, or ony vther person quhatsumever, to rynd or melt any tallow within
this burghe or territorie thairof to be sold be them in great quantitie for
transportatioune af the toune, bot that they mack candill of all they rynd and
melt for serveing of the toune and cuntrie about, conforme to the lawis of
the natioune, wnder the paine of twentie punds the first falt, fourtie punds
the secund fault, thrie scoir punds the third fault, and swa oft and how oft as
ony of them does contravein.
Debt, Laigh Kirk.
The maisteris of warkis coumpt, with Alexander Jafrayis coumpt for
sume wark furnischit be him to the Laigh Kirk, was allowed and approvine
and remittit how it sall be payit to the committee anent the tounis debtis, as
also quhat is awand to George Aisdaill for sklaitis.
13 November 1657.
The decreit or verdict givin out be the inqueist against Johne Bar,
messour, anent the heigh and great ryot committit be him against Thomas
Allane, baillie, it was ordanit be the saidis magistratis and counsall that the
said Johne Bar sould produce his burges and gild, brother ticket, and being
producit, ordaines his freidom to be cryd doune publictlie, his tickat ryvine,
and his name to be scorit out of the book, and himself to pay ane hundreth
punds for violating his burges oath, conforme thairto, and himself to be put
on the cockstole and stockis at sick tymes as the bailleis sall think convenient;
and ordanis Bailleis Cunynghame and Hall to sie this present act put to
The saids provest, bailleis and counsall, tacking to thair consideratioune
the great soumes of money they are awand to Johne Walkingschaw for the
tymber he hes furnischit for reparatioune of thair kirkis, and that they have
given alredie warrand to the thesaurer to pay him ane thowsand fyve hundreth
thrie scoir ten pundis, quhilk they doe heirby recall back againe becaus the
thesaurer affirmes he is far exhawstit, it is thairfore heirby concludit and
ordanit be the saids provest, bailleis and counsall, that quhat money the said
Johne Walkingschaw hes alreddie gottine or sall gett and receave of the
excyse money fra the collectouris at the mylnis, that he sall keep the samyn
in his awine handis quhill he be compleitlie payit of quhat the toune is
awand to him, the tack dewtie of the excyse being alwayis payit.
Ordaines Johne Walkingschaw and Walter Neilsoune to speik to and
agrie with sum mane for the glaseing of the New Kirk windowes.
Report being made be thais appoyntit for cognoseing of the tounis
debtis dew now to be payit to the particular persounes efterspecifeit, for
thair workmanschipe, and sum awand to the toune be band, quhilk is as
|Williame Boyd, restane of his work at the Drygate bridge,
|Allane Gairner, for scherping of irnes,
|Thomas Dobbie, for staines and sand to the Drygait bridge,
|John Dobbie, for staines and leiding thairof to the said bridge,
|To sclaitters quha sklaittit the toofallis of the Hie Kirk, for thair warkmanschipe and foge,
|James Colquhoune, for leid to the Laigh Kirk,
|Thais quha did calsay the Drygait brig,
|Thais quha ar sklaiting the New Kirk,
|Johne Trumble, for tacking away the red thair,
|Johne Clark, for furnisching of stane, lyme and warkmanschipe, to the Laigh Kirk,
|Johne Clark, for pavementing the kirk, etc.,
|Alexander Eglingtowne for the New Kirkwork and vtheris,
|John Marschall and his coligs,
|Alexander Jafray, for bell naillis and vther iron work,
|Maister of wark, quhilk he debursit the tyme the burrowis was heir,
|Maister of wark, be thrie severall coumptes,
|George Aisdaill, for sklaitis, for compleiting the Laigh Kirk,
|David Stewart, and vther servandis, the tyme the burrowis was heir,
|Claud Cleland, his debursementis in the said tyme the burrowis was heir,
|Awand to Andrew Bell, be warrand of the magistratis and counsall,
And the saidis provest, bailleis and counsall, tacking to thair consideratioun
that they have nothing to pay the samyn with bot that quhilk is dew to be
payit at this terme of Martimes 1657 be the tackismen of the mylnis, laidills,
meill mercatt, trone, bridge and tyndis, they did thairfore nominat and apoynt
Johne Andersoune, lait baillie, and Patrick Bryce, visitour of maltmen [to
uplift these moneys and pay the debts out of the readiest thereof].
21 November 1657.
Ordaines ane lettre to be sent to the Leadie Dutches of Hammiltoune,
with Robert Marschell, quha knowis the caus, and to hir husband, anent the
ingetting of all the bygaine tynd tack dewtie of the tyndis of Cambusnethane.
Appoyntis the deane of gild, dekin conveinar, and Johne Walkingschaw,
to meit with Mr. Archbald Flyming, and to resolve with him anent the charge
given be Dumbartaine to the toune anent the old ply.
24 November 1657.
In respect of the great wrgeing made be divers persounes for subscryveing
tackis of the tyndis of the landis of Drysdaill, and divers and straing informatiounes given thairanent, seing it is alreddie ordainit be act of counsall that
everie heritour sall have the tynd of his awine land, it is thairfoir concluded
that all thingis be delayit thairintill whill the first Thursday of Marche nixttocume, and ordaines lettres to be direct for acquenting the Earle of Annandaill,
lairdis of Lag and Lockerbie thairwith.
26 November 1657.
Drymen, tyndis to be sett.
The foirsaids magistratis and counsall, tacking to thair consideratioune
the wnproffitableness of the tyndis of the paroschowne of Drymen and the
prejudice the toune receavis thairby, and being informit how willing the
Lord Kilpunt at his heir being was to wndertack the same, ordaines ane lettre
to be writtine to him for that effect; and if he refuse, ordaines intimatioune to
be made at the parosche kirk of Drymen, at ane convenient tyme, to warne
all maner of persounes quha will be pleasit to tack the same and colecting
thairof at ane competent rait to cum in at ane apoyntit tyme and to bid
thairfoir, and quho so bidis maist for the same be yeir to have them vpone
[Ordained £339 4s. to be paid out of the rents of Gorbals "for building ane hous to
the gairner within the tounes yaird in the Gorballis, and for vther wark."]
12 December 1657.
Commissioune, Walkingschawe and Neilsoune to Edinburgh.
The saidis provest, bailleis and counsall, conveined, grantis full power,
warrand and commissioune, to Johne Walkinschaw and Walter Neilsoune,
twa of the lait bailleis of this burghe, quha are now in Edinburgh agenting
the tounis affairis, to goe about be all meins in agenting thairof in all and
everie things and businesis relaiting to this burghe, and in particular in
manteining and defending of the liberties and priviledgis thairof and freidome
of election of the magistratis and counsall of the samyn.
Lettre to Edinburgh.
Ordaines ane lettre to be sent to Edinburgh to the deane of gild, Johne
Walkingschaw and Walter Neilsoune, in the counsallis name, to give them
thankes for the great paines they have tackin, and to intreat them to conteinow
whill maters be broght to ane cloise, and to receave twentie pund starling to
be imployit in the tounis affairis.
19 December 1657.
Lettre to Edinburgh.
Ordaines the clark to wryt and subscryve ane lettre to be sent to the
provest of Edinburgh for his paines tackin in the tounes maters now in handis.
24 December 1657.
Campbell to Edinburgh.
Appoyntis James Campbell to repair to Edinburgh, with the best
dilligence, and ordaines the clark to give him ane commissioune seallit and
subscryvit to agent thair all and everie mater and actioune does relait to this
burghe, and in spetiall in what concernis the preservatioune of the freidome,
liberteis and priviledgis thairof.
Lettre to Edinburgh.
Ordaines yit the clark to writt ane vther lettre to the provest of Edinburgh, of thankis for his paines tackin in the tounes affairs now in handis.