m. 3: Cy ensuent les chapeletz, sercles et colers

Richard II and the English Royal Treasure: Inventory. Originally published by Boydell & Brewer, Woodbridge, 2012.

This free content was Born digital. All rights reserved.

Citation:

'm. 3: Cy ensuent les chapeletz, sercles et colers', Richard II and the English Royal Treasure: Inventory, (Woodbridge, 2012), pp. 149-153. British History Online https://www.british-history.ac.uk/no-series/inventory-ric-ii-treasure/pp149-153 [accessed 20 June 2024].

. "m. 3: Cy ensuent les chapeletz, sercles et colers", in Richard II and the English Royal Treasure: Inventory, (Woodbridge, 2012) 149-153. British History Online, accessed June 20, 2024, https://www.british-history.ac.uk/no-series/inventory-ric-ii-treasure/pp149-153.

. "m. 3: Cy ensuent les chapeletz, sercles et colers", Richard II and the English Royal Treasure: Inventory, (Woodbridge, 2012). 149-153. British History Online. Web. 20 June 2024, https://www.british-history.ac.uk/no-series/inventory-ric-ii-treasure/pp149-153.

m. 3: Cy ensuent les chapeletz, sercles et colers

R 42    Primerement, un chapellet d'or en quele y a x pieces d'evre d'orfeovre, dez quel lez v sont garniz chescun de j (fn. 1) grosse balay quarre en milieu et viij grossez perlez embrochez, et lez autres v pieces garnis chescun d'un gros saphir de taille en milieu et entour viij grossez perlez, et a en dit chappell' viij bastons, chescun garni d'un flour de violette en milieu de chescun bastonnet d'or, pois' j lb. iiij unc', et vaut outre vcl li., donnt la somme, vclxxij li.

      [J 3]

R 43    Item, un autre chapellette d'or en quele y a x pieces d'orfeovre et x bastonnes d'or en la manere q'ensuit, c'est assavoir chescun d'icelles x pieces garniz d'un bon balay et viij grosses perles, et chescun dez ditz x bastonnes garnis de iiij perles, pois' j lb. iij unc', et vaut outre vc li., donnt la somme, vcxx li.

      [J 4]

R 44    Item, un autre chappellet d'or en quele y a vij pieces, donnt lez quatre sonnt garniz chescun d'un saphir en milieu et v balais et xv diamantz autour, et lez autres troys sonnt garniz d'un balay en milieu, iiij esmeraudes et iiij troches de perles, chescun de iiij perlez et j diamant en milieu. Item, un piece du dit chappellet garniz d'un balay, iiij esmeraudes et iiij troches de perlez, chescun de iiij perles et j diamant en milieu, pois' de Troye iiij marcz vj unc' et di., et vaut outre viijcxl li., donnt la somme, viijciiijxxxj li. vjs. viijd.

      [J 5]

R 45    Item, un autre chappell' d'or en quele y a vij pieces dont lez iiij sonnt garniz chescun d'un esmeraud', iiij balais et iiij trochez de perlez et j diamant, et lez autres trois pieces sont garniz chescun de baleys et iiij esmeraudes, et a en dit chapellet vij couplez, garniz chescun de ij saphir. Item, une piece du dit chapellet garniz de v balais et iij esmeraudes, et y tient j couplet garni de ij saphirs, pois iiij marcz v unc', et vaut outre ijcxl li., dont la somme, iijc li.

      [J 6]

R 46    Item, un cercle ove x oeverages, donnt v sonnt garnis' chescun d'un balay et vj perlez, et lez autres v garnis' chescun ove j saphir et vj perles, et entre lez oeverages roos blancs, dont faut ij (fn. 2) perlez, pois' j lb. vj unc', et vaut outre Cxxv li. donnt la somme, Cxlix li.

R 47    Item, un cercle d'or garnise de viij saphirs, viij balais, lxiiij grossez perlez et xvj troches chescun de iiij perles, pois' iij lb. viij unc' et di., et vaut outre MlMl li., donnt la somme, ijmllx li.

R 48    Item, un cercle de x oeverages, donnt lez v sonnt garnis' chescun d'un balay, iij saphirs et vj grossez perles, et l'autre v garnis chescun de iiij saphirs, iij baleis et vj grosses perlez, dont faut un balais, pois' ij lb. vj unc', et vaut outre iijcxxxiij li. vjs. viijd., dont la somme, iijclxxiij li. vjs. viijd.

R 49    Item le bon coler d'or en la quele y a viij pieces d'eovre d'orfeovre fait en maniere de flours de genestz oevertes, en iiij des quels pieces a en chescun un balay quarre, et es autres iiij pieces a en chescun un saphir quarre et viij autres piecez (fn. 3) faitz et forgiez en maniere de cosses de genestes doubles, et en chescun piece vj perles d'aconte, et le fermaill de celuy coler pendant garniz d'un balay et j saphir quarre environe de vj plus gross' perlez d'aconte et j diamant, priz par estimacion, CCxx li.

      [J 11]

R 50    Item, un autre petit coler fait en maniere d'un tuyau round envolopp' tout autour d'un coler de cosses de genestrez esmaillez de blanc, et d'un rubean d'or plat pounsonez de braunchz de genestres et de moron', en quele coler pent un fermail d'or garni d'un balay quarre environe de vj grosses perles d'acompte, et pent au bout du dit firmaill ij petitz cosses enaymellez blanc et l'autre de vert, priz par estimacion, CCxl li.

      [J 12]

R 51    Item, un chappellet apparaille de gross' saphirs et balacez contenauntz xj rosez ove saphirs, dont vj apparaillez de perlez, donnt un dez ditz rosez remaint en tresaurie, priz par estimacion, CC li.

R 52    Item, un coler a guise de ferne garnisez ove j grosse balace, v rubies et v diamantz et Cxiij perlez d'acompt, donnt j diamant perdu a Eltham en la garde la dame de Courcy, priz par estimacion, CCC li.

R 53    Item, un autre coler garnis' ove j rubie et vij perlis, priz par estimacion, xx li.

R 54    Item, un capellet noir ove grosses perles pendantz, priz par estimacion, vc marcz.

R 55    Item, un autre chapellet de perles a botonez de rosez pendantz, priz par estimacion, C li.

R 56    Item, un petit chapellet en quele y a xix trochez chescun de iiij perlez, j diamant en milieu, dont faut un perle, ix oeverages chescun garniz d'un rubie et ij diamantz et ix autres oeverages chescun garniz de ij diamantz, priz par estimacion, iiijc li.

      [D 33]

R 57    Item, un cercle ove v faucons et v roses ameles et en chescun faucon' un baleys et iiij saphirs ove deux trochez (fn. 4), chescun de iiij perles ove j diamant, et en chescun dez ditz rosez iiij baleis et iiij troches, chescun de iiij perles ove j diamant, et en un dez ditez rosez un saphir, la pois d'or xxx uncez, priz en tout, C li.

R 58    Item, un chapellet d'or ove xij oevereigues, donnt vj chescun de iiij trochez (fn. 5) de perles en milieu j rubie de Alisandre et entour iiij saphirs, et en lez v oevereiguez en milieu v esmeraudez et entour lez esmeraudez iiij saphirs et iiij rubiez d'Alisandre, pois' j lb., priz en tout, xx li.

R 59    Item, un coler d'or ove vj faucons ameles blanc, pois' v unc', pris Cxvjs. viijd.

      [P 231]

R 60    Item, un chapelet d'or ove xvj oevereiguez, dont viij chescun de xij perlez et iiij baleis, en milieu j esmeraud, et en lez autres viij oevereiguez chescun de iiij esmeraudes et en milieu un balais, pois' x unc' et di., priz en tout, xviij li.

R 61    Item, un coler de perlez ove ix oevereigues, en chescun oevereigue j tour et un flour d'or ove ix doublettis rouge, pris en tout, xii li.

R 62    Item, un chapelet de perlez garnise ove vij ouchez d'or, priz, xx li.

R 63    Item, un coler de la livere la roigne que dieu assoille, garnis' ove rubis en hostrich', xvij gross' perlez (fn. 6), xxxv autres plus petitz perlez, pois' vij unc', et vaut outre vj li., donnt la somme, Cxiij li. xviijs. iiijd.

      [P 185]

R 64    Item, un chapelet d'or (fn. 7) garnise ove v baleis, v saphirs, x diamantz, C perlez, pois' ij marcz, et vaut outre xlv li., dont la somme, lxiij li. xiijs. iiijd.

      [P 156]

R 65    Item, un autre chapellet d'or garnisez ove iiij gross' baleis, xvj petitz balais, iiij gross' esmeraudez, xvj petitz esmeraudes, viij gross' perlez, xxxij meindr' perles et viij diamantz, pois' xv unc' et di., et vaut outre Clxx li., la somme, Ciiijxxviij li. xxd.

      [P 157]

R 66    Item, j chapellet d'or de vij oeverages garnise ove iiij gross' esmeraudes, xxxix gross' perles, pois' ij lb. ij unc', et vaut outre iiijxx li., la somme, Cxx li. vjs. viijd.

      [P 173]

R 67    Item, un chapellet d'or de vj oeveragez, garnise ove lxxij baleis, Cl diamantz, dont ix contrefaitz, et Cxliiij perlez, pois' iiij lb. j unc' di. (fn. 8), et vaut outre iiijcl li., dont la somme, vcvij li. xvs.

      [P 174]

R 68    Item, j chapelet d'or, fait de ij chapellettz liez ensemble (fn. 9), garnise ove xx baleis, x saphirs, viij esmeraudez et Ciiijxxxviij perlez, pois' ij lb. iiij unc', et vaut outre Cxxx li., la somme, Clxij li. xiijs. iiijd.

      [P 176]

R 69    Item, j chapelet d'or de xxij oeverages garnis' ove v balais, vj saphirs, xj diamantz et xliiij perles pois' ij marcz et ij unc', et vaut outre Clxv li., donnt la somme, Ciiijxxxvj li.

R 70    Item, un coler d'or du livere du roy de Fraunce ove j bon baleis quarr' par entre iiij (fn. 10) bones perlez roundez, et ove vj autres bones perlez einz deux cas (fn. 11) de genestres, pois' xiij unc' j quart', et vaut outre Cxxviij li., dont la somme, Cxlj li. iijs. iiijd.

      [W 89; P 307]

R 71    Item, une coler d'or ove muskles ove xij oeverages, chescun oeverage ove j saphir et v perlez et xij roses blancs, chescun ove j baleys (fn. 12), pois' iij unc' j quart' (fn. 13), et vaut outre lxs., dont la somme, vj li. xvs. xd.

      [W 90; P 308]

R 72    Item, une chapellet au manere d'un coronall', oeverez de diz oeveragez ove x florons, v greindres, et v meindr', donnt v oeverages chescun d'un esmeraude en myelieu, iiij baleis as coroners et iiij troches, chescun troche de iiij perlez, v autres oeveragez, chescun oeverage ove j baleis en myelieu et iiij grand' esmeraudes as corners, v greindr' florons, chescun floron' de v baleis, iiij esmeraudes, ij diamantz et vij gross' perlez, v meindr' florons, chescun floron' de iij gross' saphirs, iij petitz baleis, j esmeraud', et iij perles par amont, pois' v marc' iiij unc', et vaut outre CClxviij li. vjs. viijd., la somme, iijciiij li. vjs. viijd.

R 73    Item, un autre chapellet a guise d'un coronall' de x oeverages et x florons, v greindr' et v meindr', donnt v oeveragez chescun de iiij balais, iij esmeraudes, et v autres oeverages, chescun d'un balais en mielieu et iij esmeraudes et iij troches chescun troch' de iiij perles ove (fn. 14) j diamant de deinz, v greindrez florons, chescun de v baleys, iiij esmeraudes et v perlez, donnt iij perlez en le sumet de chescun ove j diamant dedeinz, et faillent de les pieres de le v troches greindr' j esmeraud' et j diamant, et v meindr' florons, chescun de un esmeraud', iij petitz baleys, vj perles, donnt iij en une troche en le sumet, pois' iiij lb., et vaut outre Clxx li., priz, CCxviij li.

Footnotes

  • 1.    j interlined.
  • 2.    Ink smudged, probably read ij, possibly iij.
  • 3.    MS pieciecez.
  • 4.    MS torchez.
  • 5.    MS torchez.
  • 6.    P ove un ostrich' vij grosses perles.
  • 7.    Followed in P by de x. overages dont v. overages de mermeydens.
  • 8.    P 4 lb. 1 oz.
  • 9.    P fait de vj overages, omits de ij ... ensemble.
  • 10.    P omits iiij.
  • 11.    Read cos.
  • 12.    P adds en mylieu.
  • 13.    P iij quart'.
  • 14.    MS ou.