|
| Syllabus Entry |
Foedera Text |
1471. Jan. 2. Richard earl of Warwick is appointed admiral of England, Ireland, and Aquitain. Westm.
O. xi. 679. H. v. p. ii. 183. |
De Admirallo constituto.
An. 49. H. 6. & Readeptionis &c. A. 1. Pat. 49. H. 6. m. 14.
Rex Omnibus, ad quos &c. Salutem.
Sciatis quòd Nos, ob sinceram & internam Affectionem quam erga Carissimum & Praedilectissimum Consanguineum nostrum Ricardum Comitem Warrewici & Sarum gerimus & habemus, Concessimus praefato Consanguineo nostro Officium Admiralli Angliae, Hiberniae, & Aquitanniae,
Habendum & Occupandum dictum Officium Admiralli praefato Consanguineo quamdiu Nobis placuerit, cum omnibus & omnimodis Officiis, Feodis, Vadiis, Proficuis, Regardis, & Commoditatibus eidem Officio spectantibus, pertinentibus, & consuetis, absque aliquo Compoto seu aliquo alio Nobis vel Haeredibus nostris indè reddendo seu faciendo; aliquibus Statutis, Actibus, Ordinationibus, sive Restrictionibus, in contrarium factis, non obstantibus:
Et ulterius, de uberiori Gratiâ nostrâ Concessimus praefato Consanguineo nostro plenam Potestatem Audiendi & Terminandi Querelas omnium & singulorum de hiis quae ad Officium Admiralli tangunt, & Cognoscendi in Causis Maritimis, & Justitiam faciendi,
Ac Delinquentes juxta eorum Demerita Castigandi, Puniendi, & Incarcerandi, ac Incarceratos qui deliberandi fuerint Deliberandi,
Necnon ad Naves & Naviculas Guerrinas, quot necessariae fuerint, cujuscumque Portagii fuerint, quotiens necesse fuerit, Congregandi,
Et Marinarios & alios, pro eisdem Navibus & Naviculis necessarios, Eligendi & Capiendi, & in dictis Navibus Ponendi,
Et ad hujusmodi Marinarios, qui Rebelles vel Contrarientes fuerint in hac parte, debitè Puniendi & Castigandi,
Et omnia alia, quae ad Officium Admiralli in hac parte pertinent, Faciendi & Excercendi, prout de Jure & secundùm Legem Maritimam fuerit faciendum:
Et ulterius Volumus quòd, quotiens dictus Consanguineus noster ad hoc vacare non poterit, alias idoneas & sufficientes Personas ad omnia & singula Praemissa facienda Loco suo substituere & deputare possit;
Proviso semper quòd de aliquibus Contractibus, Placitis, & Querelis, seu aliis Rebus quibuscumque, infra Corpora Comitatuum factis sive emergentibus per Terram vel per Aquam, seu de Wrecco Maris, nullam habeant Cognitionem, Potestatem, nec Jurisdictionem; set quòd omnia hujusmodi Contractus, Placita, Querelae, ac alia quaecumque, infra Corpora Comitatuum emergentia per Terram vel per Aquam, ut praedictum est, ac etiam Wreccum Maris, per communem Legem Angliae & nullatenus coram dicto Consanguineo nostro seu ejus Locumtenente ullo modo Discu-
tiantur, Terminentur, Trientur, nec Remedientur:
Velimus tamen quòd praedictus Consanguineus noster, & Deputati sui hujusmodi, Cognitionem habeant de Morte Hominis & de Mahemio, facto in Grossis Navibus, in medio flotantibus Grossarum Ripariarum, tantum de Portubus earumdem Ripariarum Mari magis propinquis, & non in aliquo alio Loco Ripariarum praedictarum existentibus & flotantibus, ac etiam Arestationem Grandium Navium, cum Flotis, pro magnis Viagiis nostris & Regni nostri, necnon Jurisdictionem dictarum Flotarum praedictarum, hujusmodi Viagiis dumtaxat durantibus; salvis Dominis, ac Civitatibus, & Burgis Libertatibus suis juxta Formam Statuti indè editi;
Aliquo Statuto, Actu, Ordinatione, & Judicio, in contrarium factis, aut eo quod expressa mentio de vero Valore annuo, seu quovis alio Valore Officii praedicti, Feodorum, Vadiorum, Officiorum, Proficuorum, & Commoditatum praedictorum, aut aliarum Rerum supradictarum, seu de aliquibus aliis Donis & Concessionbus dicto Consanguineo nostro per Nos ante haec tempora factis, in Praesentibus facta non existit, seu aliquâ Causâ vel Materiâ quacumque, non obstantibus.
In cujus &c.
Teste Rege apud Westmonasterium, secundo die Januarii. |
Jan. 21. Protection for John Harrys of London in the retinue of George duke of Clarence, lieutenant of Ireland. Westm.
O. xi. 680. H. v. p. ii. 184. |
De Protectione.
An. 49. H. 6. & Readeptionis &c. A. 1. Franc. 49. H. 6. m. 8.
Johannes Harrys, nuper de Londoniâ Gentilman, aliàs dictus Johannes Harrys Civis & Grocerus Londoniae, seu quocumque alio Nomine censeatur, qui in Obsequium Regis versus Terram Regis Hiberniae profecturus est, ibidem in eodem Obsequio, in Comitiva Carissimi Consanguinei Regis Georgii Ducis Clarenciae, Locumtenentis Regis Terrae suae praedictae, super Salvâ Custodiâ, Defensione, ac Vitellatione ejusdem Terrae moraturus, habet Literas Regis de Protectione (cum Clausula Volumus) per unum Annum duraturas.
Praes. &c.
Teste Rege apud Westmonasterium, vicesimo primo die Januarii.
Per Breve de Privato Sigillo, & de Data praedicta, Auctoritate Parliamenti. |
Jan. 33. Commission to George duke of Clarence, Jaspar earl of Pembroke, and Richard earl of Warwick to raise men in South Wales for the defence of the country against Edward, the usurper late K. of England. Westm.
O. xi. 680. H. v. p. ii. 184. |
De Arraiando Wallicos, contra Edvardum, nuper, usurpative, Regem.
An. 49. H. 6. & Readeptionis &c. A. 1. Pat. 49. H. 6. m. 1. d.
Rex, Praecarissimo Consanguineo suo Georgio Duci Clarenciae, ac Praecarissimo Fratri suo Uterino Jaspari Pembrochiae, & Carissimo Consanguineo suo Ricardo Warrewici & Sarum, Comitibus, Salutem.
Sciatis quòd,
Tàm pro eo quòd Inimici & Adversarii nostri Partium Exterarum, ad Excitationem, Procurationem, & Inductionem Magni Adversarii & Inimici nostri, Edwardi nuper de Facto, licet usurpativè, Regis Angliae, & aliorum Rebellium nostrorum sibi Adhaerentium, Regnum nostrum Angliae & Partes Walliae, in diversis Locis earumdem ingredi proponunt ad Laedendum Majestatem nostram, ac Turbandum & Subvertendum Pacem & Tranquillum Statum Reipublicae, alique Mala Nobis & Fidelibus Ligeis nostris Regni & Partium praedictarum, providere volentes,
Necnon de Probitatibus, Fidelitatibus, & providis Circumspectionibus vestris pleniùs confidentes,
Assignavimus vos, ac vobis conjunctim & divisim, plenam Potestatem & Auctoritatem Damus & Committimus, ad omnes & singulos Ligeos & Subditos nostros Partium Suthwalliae & Marchiarum ejusdem, ad Laborandum Potentes, juxta Gradus suos benè & defensibiliter Arraiandum, ac ad Monstrum sive Monstrationem eorumdem, in aliquo Loco, sive aliquibus Locis, juxta Discretiones vestras, Capiendum & Supervidendum; ita quòd ipsos, in Arraiatione hujusmodi ad Intendendum super Personam nostram pro Securitate ejusdem, & Defensionem Regni & Partium praedictarum, erga Malitiam Inimicorum, Rebellium, & Adversariorum nostrorum praedictorum, super Praemunitione vobis facienda, continuè parati existant,
Et ad eosdem Ligeos & Subditos nostros, super Praemunitione facienda, omni Festinatione possibili, ad Praesentiam nostram Conducendum, & eos in Conductione illa Regendum & Gubernandum;
Et insuper Assignavimus Vos, ac Vobis & cuilibet vestrûm plenam Potestatem & Auctoritatem Damus & Committimus ad Advocandum vobis, in Absentia nostra, omnes & singulos Ligeos & Subditos nostros Partium & Marchiarum praedictarum ad Laborandum potentes (cujuscumq; statûs gradûs seu conditionis fuerint) ad proficiscendum vobiscum contra praefatos Adversarios Inimicos & Rebelles nostros, ac Assistentiam & Auxilium sua vobis, in Resistentiam eorumdem, dandum & impendendum, in casu quo iidem Adversarii Inimici & Rebelles nostri Partes praedictas Ingredi vel Arripere, aut Congregationes seu Conventicula ibidem erigere & suscitare praesumant, & ad eosdem Adversarios Inimicos & Rebelles nostros & secum comitantes Debellandum Expugnandum & Destruendum, ac ad omnia alia & singula, quae juxta sanas Discretiones vestras in Resistentiam eorumdem Adversariorum Inimicorum & Rebellium nostrorum videritis necessaria & oportuna, Faciendum, Exercendum, & Exequendum;
Et insuper Assignavimus vos, conjunctim & divisim, ad omnes illos, qui aliqua Conventicula, Congregationes, Conspirationes, Confoederationes, Insurrectiones, & Rebelliones infra Partes & Marchias praedictas fecerint & suscitaverint, ac eorum Fautores, Auxiliantes, & Abbettatores, & Confortantes, ubicumque inveniri poterunt, tàm infra Libertates, quàm extra, Arrestandum & Capiendum, & Prisonis nostris Committendum & Committi faciendum, in eisdem quousque pro eorum Punitione duxerimus ordinandum moraturos;
Et ideò vobis & cuilibet vestrûm Mandamus quòd circa Praemissa diligenter intendatis, & ea faciatis & exequamini in formâ praedictâ:
Damus autem universis & singulis Vicecomitibus, Majoribus, Ballivis, Constabulariis, ac aliis Officiariis, Ministris, Ligeis, & Subditis nostris quibuscumque, tàm infra Libertates quàm extra, Tenore Praesentium, firmiter in Mandatis quòd Vobis & cuilibet vestrûm, in Executione Praemissorum, Intendentes sint, Assistentes, & Obedientes in omnibus diligenter.
In cujus &c.
Teste Rege apud Westmonasterium, Tricesimo die Januarii.
Per ipsum Regem Ore tenus. |
