|
| Syllabus Entry |
Foedera Text |
April 26. Power for sir Giles d'Aubeney, of Daubeney, lieutenant of Calais, sir Richard Nanfan, his deputy, and five others, to receive the 25,000 francs due from Lewis K. of France on May 1. Canterbury.
O. xii. 749. H. v. p. iv. 150. |
Et Annuo Censu Recipiendo.
An. 15. H. 7. Franc. 15. H. 7. m. 15.
Rex omnibus, ad quos &c Salutem.
Cùm, Anno Domini Millesimo, Quadringentesimo, Nonagesimo secundo, inter Nos & Perhennis Memoriae Regis Karoli dudùm Gallorum Principis Commissarios, Procuratores, Oratores, Deputatos, & Nuncios, inter caetera, Conventum, Concordatum, Appunctuatum, & Conclusum fuerit,
Quòd idem nuper Rex Karolus Solveret & Deliberaret, Solvive & Deliberari faceret Nobis & Haeredibus nostris, seu nostris Deputatis, vel dictorum Haeredum nostrorum Deputatove Deputatis, Summam Septingentarum Quadraginta & Quinque Millium Coronarum Auri,
Quam quidem Summam Septingentarum Quadraginta & Quinque Millium Coronarum Auri praefatus nuper Rex Karolus Confessus fuerit & declaraverit, Seque & Haeredes atque Successores suos, per Literas suas Nomine suo subsignatas, Obligaverit, & pro se & dictis Haeredibus atque Successoribus suis Consentiit & Promisit, solvere & deliberare, solvive & deliberari facere Nobis & Haeredibus nostris, seu nostris Deputatis seu dictorum Haeredum nostrorum Deputato seu Deputatis, sub modo & formâ sequentibus; videlicet,
Quòd idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, nostrisve Deputatis seu dictorum Haeredum nostrorum Deputato vel Deputatis, in Villa nostra Calesii, Die Primo Mensis Maii extunc proximò sequente, Viginti & Quinque Millia Francorum in Coronis Auri, unoquoque Franco valente Viginti Solidos Turonenses, secundùm Cursum & Aestimationem quam tunc habuerunt:
Et Primo Die Mensis Novembris tunc proximo sequente consimilia Viginti Quinque Millia Francorum in Coronis Auri in praedicta Villa nostra Calesii,
Et sic, de Anno in Annum, & de Termino in Terminum, idem nuper Rex Karolus solveret & deliberaret, solvive & deliberari faceret, suique Haeredes & Successores solverent & deliberarent, solvive & deliberari facerent, Nobis & dictis Haeredibus nostris, aut nostris seu dictorum Haeredum nostrorum Deputato vel Deputatis, Loco & Terminis antedictis, donec & quousque dicta Summa Septingentarum Quadraginta & quinque Millium Coronarum Auri per ipsum nuper Regem Karolum Gallorum Principem Haeredes & Successores suos, Nobis & dictis Haeredibus nostris, ut praedictum est, plenè & integrè Soluta & Contenta foret,
Prout in Literis Commissariorum dicti Illustrissimi Principis Regis Caroli, plenam in ea parte ab eo Potestatem habentium, Datis apud Stapulas supra Mare, Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountilz Sextadecimâ Die Decembris extunc proximò sequente Confirmatis, necnon suis Literis superinde Obligatoriis, Datis apud Amboys Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo, plenissimè liquet,
Quas quidem Literas ac omnia & singula Contenta in eisdem Illustrissimus Carissimusque Frater & Consanguineus noster Rex Lodowicus nunc Gallorum Princeps, pro Se, Haeredibus, & Assignatis suis, Approbavit, Ratificavit, & Confirmavit,
Atque ad fidelem & debitam Solutionem & Satisfactionem Residui & Resti dictae Summae Septingentarum Quadraginta & Quinque Milium Coronarum Auri, Loco & Terminis in Literis dicti nuper Regis Caroli Praedecessoris sui specificatis, per Literas suas Patentes, Magno Sigillo suo munitas, & Manu suâ subscriptas, Datas Parisius quartadecimâ Die Mensis Julii, Anno Domini Millesimo, Quadringentesimo, Nonagesimo octavo, Se de Novo Haeredesque & Successores suos Astrinxit & Obligavit, prout in Literis suis desuper confectis pleniùs continetur,
Et quia Prima Dies Mensis Maii, quae erit Quintusdecimus Terminus Solutionis antedictae, in qua Summa Viginti & Quinque Millium Francorum in Coronis Auri, in praedictâ Villâ nostrà Calesii, ut praemittitur, solvi debeat (videlicet) Anno Domini Millesimo,
Quingentesimo, propediem est ventura,
Hinc est quòd Nos,
De Fidelitatibus, Industriis, & providis Circumspectionibus, Dilectorum & Fidelium Consiliariorum nostrorum, Egidii d'Aubeney de Daubeney Militis Locumtenentis Villae nostrae Calesii Camerarii nostri, Richardi Nanfan Militis Deputati Locumtenentis nostri ibidem, Johannis Turbervile Militis Thesaurarii dictae Villae, Antonii Broun Militis Constabularii Castri nostri ibidem, Adriani Whetehill Contrarotulatoris ejusdem Villae, Radulphi Lathom, & Francisci Marzen, quamplurimùm confidentes,
Ipsos nostros veros & indubitatos Commissarios, Procuratores, Factores, Negotiorum Gestores, Receptores, & Deputatos Facimus, Constituimus, Ordinamus, & Deputamus per Praesentes,
Dantes Eisdem, Egidio, Richardo, Johanni, Antonio, Adriano, Radulpho, & Francisco, & Duobus eorum plenam, Tenore Praesentium, Potestatem & Auctoritatem, ac Mandatum speciale cum Commissariis, Procuratoribus, Deputatis, & Nunciis dicti Illustrissimi Principis Fratris & Consanguinei nostri Carissimi, Regis Lodowici, apud Villam nostram Calesii, Nomine nostro, Tractandi & Communicandi, & ab ipsis dictam Summam Viginti & Quinque Millium Francorum in Coronis Auri Auri (unoquoque Franco Viginti Solidos Turonenses, ut praemittitur, valente) Nobis dicto Primo Die Mensis Maii per ipsum nunc Gallorum Principem debitam & solvendam, Recipiendi, & eorum Solutiones Acceptandi, ipsumque Serenissimum Principem Lodowicum Consanguineum nostrum & dictam Summam Solventes de hujusmodi Receptis Acquietandi & Exonerandi, atque Literas suas Acquietantiae & Exonerationis eorumdem Conficiendi, ipsasque Literas atque nostras Acquietantiae & Exonerationis hujusmodi, Magno Sigillo nostro sigillatas, praefatis Commissariis, Procuratoribus, Deputatis, sive Nunciis praedicti Fratris & Consanguinei nostri, Nomine nostro atque suo, Tradendi & Deliberandi,
Caeteraque Faciendi & Perimplendi quae in Praemissis seu circa ea necessaria fuerint seu quomodolibet oportuna;
Promittentes, bonâ Fide & in Verbo Regio, Nos Ratum, Gratum, & Firmum habituros totum & quicquid praefati Commissarii, Procuratores, Factores, Negotiorum Gestores, Receptores, & Deputati, Nomine nostro fecerint in Praemissis, seu eorum aliquo.
In cujus &c.
Teste Rege apud Cantuar. vicesimo sexto die Aprilis.
Per ipsum Regem. |
April 26. The K. appoints the lord de Berghes his deputy at the meeting of the order of the Toison d'Or at Brussels on May 2.
O. xii. 750. H. v. p. iv. 151. |
Procuratorium, pro Domino de Berghes, de comparendo pro Rege & interessendo, ad Festum Aurei Velleris.
An. 15. H. 7. Franc. 15. H. 7. m. 1.
Henry, par la grace de Dieu, Roy d'Angleterre & de France Seigneur d'Irlande a tous ceulx qui ces Presentes verront, Salut & Dilection.
Comme il soit ainsi que Treshault & Puissant Prince nostre Trescher & Tresame Cousin l'Archeduk d'Austriche Duc de Burgoigne &c. Chief & Souverain de l'Ordre DE LA THOISON d'OR, Nous ait, puis n'aguerres, fait Savoir, par ses Lettres, qu'il a conclu & delibere Tenir la Prouchane Feste & Chappitre Generall du dit Ordre en sa Ville de Brucelles, le Second Jour du Moys de May Prouchainent venant, & les Jours ensuyans,
Nous Suppliant & Requirant y Voulloir Commettre aus diz Jour & Lieu Procurer souffisant fonde Sur l'ung des Chevaliers nos Confreres du dit Ordre, pour y Comparoir pur Nous & faire ce a quoy Nous sommes tenuz faire par les Chappitres de celluy Ordre,
Pour ce est il que Nous,
Confians a plain es Sceus Loyaulte & grande Preudonne de nostre Trescher & Tresame Cousin & Confrere du dit Ordre le Seigneur de Berghes,
Icellui avons Constitute Commis & Depute, Instituons Commettons & Deputons par ces dictes Presentes nostre Procureur, pour de par nous & en nostre Nom Comparour a la dit Prouchaine Feste & Chappitre, y Assister, Tenir nostre Lieu, Faire noz Offrandes & Solempnites, Ovyr ce que y sera Dit Fait & Besoigne pour Honneur Bien & Augmentation d'icellui Ordre, & de Nous en faire ou faire fere Rapport, & generallement de y Dire & faire, touchant le ditte Ordre, tout
que Nous meismes Dire ou Faire pourrions ou deverons se presens y estions en propre Personne, quant ores la Chose requeroit Mandement plus especial,
Promettans tenir Ferme & Agreeable tout ce que nostre Cousin & Confrere Dit & Fait y aura en tout Choses concernans le Bien Honneur Utile & Prouffit du dit Ordre sicomme dit este, moiennant qu'il ne Nous Oblige en Chose qui puisse estre Prejudicialle a nous ne a nostre Royalme, ne Parliament, aux Reservacions & Modificacions qui Nous furent confectes & accordes en l'Accepptation d'icellui Ordre.
En Tesmoing de ce Nous avons fait mettre nostre Seignurel a ces dictes Presentes, le xxvi jour d'Aurile, l'An de Grace Mille Cinc Cens, & l'An nostre Reigne le Quinziesme. |
May 5. Ratification of the treaty for the marriage of prince Arthur with the lady Katharine. Canterbury.
O. xii. 751. H. v. p. iv. 151. |
Tractatus, de Matrimonio Principis Walliae, Ratificatio per Regem.
An. 15. H. 7. Franc. 15. H. 7. m. 10.
Rex Universis & singulis, praesentes Literas inspecturis, NOTUM FACIMUS.
Cùm Divâ Pace mutuâque Concordiâ, quae praeter caetera Deo summè placet, nil sancius nichilque utilius apud Mortales esse queat, ex ea quidem Parvae Res crescunt nichilque sine ea benè esse valeat, cum qua omnia Bona conveniunt, & qualis sit Pacis Fructus Bellorum Calamitates, quae penè innumerabiles sunt, satis ostendunt,
Praetereà cum nichil sit tàm maturè Aptum tamque Conveniens ad Res Secundas Adversasve quàm Amicitia, quae omnibus Rebus Humanis meritò est an teponenda, nam Res Secundas Splendidiores & Adversas Patiens Communicansque longè Leviores Amicitia procreare solet,
Ipsa itaque Diva Pax atque mutua Concordia a quibuscunque Catholicis Principibus, maximè Sanguine & Affinitate conjunctis, & praesertim quorum Antecessores mutuo inter se Amore vivere studuerunt, summoperè sunt exoptandae,
Cumque Nobiscum maturè commemorantes quanta & qualia inter nostros Illustrissimorumque Principum Consanguineorum nostrorum Carissimorum Ferdinandi & Elizabethae Hispaniarum Regis & Reginae & Nobilissimos Progenitores & Antecessores Pacis Amicitiarumque splendida Foedera, ad Dei Compiacentiam, longè ante hac perculsa, atque ad suam suorumque Subditorum Utilitatem continuata & observata fuerunt,
Ad quarum quidem Amicitiarum inviolabilem & firmiorem Observantiam Matrimonium inter Praedilectum Filium nostrum Primogenitum Arthurum Walliae PRINCIPEM, Cornubiae DUCEM, COMITEMQUE Cestriae, & Serenissimam Principem Consanguineamque nostram Percharam Katherinam Castellae & Aragonum Infantem dictorum Consanguineorum nostrorum Filiam, nostro eorumdemque Consanguineorum nostrorum Voluntate pariter & Assensu, legitimè est Contractum,
Nos verò, Praemissa praecipuumque dictorum Carissimorum Consanguineorum nostrorum in Nos Amorem studiosè animadvertentes, Amicitiam, Concordiam, Ligam, Confoederationem & Pacem, nuper inter Nos per Reverendum in Christo Patrem Dominum Thomam Londoniensem Episcopum Consiliarium & Deputatum nostrum, Nomine nostro, vigore Mandati seu Procurationis a nobis eidem Episcopo Londoniensi concessae, pro Nobis & Illustrissimo Arthuro Principe Walliae Filio nostro Primogenito & Legitimo Haerede, nostrisque Haeredibus & Successoribus Angliae Regibus, Regnis Dominiis & Subditis nostris Parte ex una, & praedictos Serenissimos Principes Ferdinandum & Elizabetham Hispaniarum Regem & Reginam Consanguineos nostros Carissimos, per Rodericum Gundisalvi de Puebla Jurisconsultum, eorumdem Consanguineorum nostrorum Consiliarium Oratorem & Procuratorem, eorum Nomine, & in vim Mandati seu Procurationis ab eisdem Consanguineis nostris eidem concessae, pro ipsis & Illustrissimo Domino Michaele Principe Castellae, Aragonum & Portugaliae Nepote & Legittimo Haerede eorumdem Consanguineorum, aliisque Haeredibus & Successoribus ac Regnis, Dominiis & Subditis ipsorum Consanguineorum nostrorum, Parte ex altera, sub Forma Capitulisque sequentibus Initam, Tractatam, Concordatam Firmatamque, perlibenti animo Confirmare, Corroborare, atque Auctorizare duximus,
Quorum quidem Capitulorum Tenor & Forma sequitur & est talis.
Cùm Serenissimos, Celebris Memoriae, Principes ad Unitatem Pacis Vires suas exhibuisse noscamus, Principumque officium exigat omnino pacem tueri ad dissipandam & infringendam hostium fortitudinem, & eorum vires tollendas, ut status Principum tranquillè conserventur, nullum aptius remedium videtur quàm orthodoxos Principes vires suas invicem unire, pacem ac concordiam perpetuo Foedere vinculo caritatis inter sese connectere, cum humanis rebus nichil perniciosius bello aut discordia esse possit, nec quicquam salubrius &c. prout supra Literis Ferdinandi.
Quae Quidem Omnia Et Singula Praemissa praeinserta Amicitiae, Concordiae, Ligae, Unionis, Confoederationis & Pacis Capitula, & quaecunque in eis contenta, cùm Nobis & Summè placeant & vehementer accepta sint, eaque indissolubili Firmari vinculo cupimus, nostris Patentibus Literis, Manu propriâ subscriptis, nostroque Sigillo Magno Regio munitis, Confirmare, Approbare & Corroborare decrevimus,
Praesentibus igitur Literis nostris omnibus viâ, modo, & formâ quibus meliùs & validiùs de Jure possumus & debemus, praeinserta Amicitiae, Concordiae, Ligae, Unionis, Confoederationis & Pacis Capitula, omniaque & singula in illis & quolibet eorum contenta, juxta sui seriem & tenorem, Laudamus, Approbamus, Ratificamus & Confirmamus, ac Rata, Grata & Firma habemus, & si necesse est ea omnia & singula de Novo Concedimus & Confirmamus,
Et insuper Promittimus & Juramus, super Sancta Dei Quatuor Evangelia corporaliter & manualiter per Nos tacta, bonâ Fide & in Verbo Regio, Tenere & Adimplere ac inviolabiliter Observare, pro Nobis, Regnis, Terris, & Ditionibus nostris, omnia & singula in praeinsertis Amicitiae, Concordiae. Ligae, Unionis, Confoederationis, & Pacis Capitulis contenta, prout in eisdem cavetur & continetur, & contra ipsam quovismodo directè vel indirectè non venire sub Obligatione & Ipotheca omnium Bonorum nostrorum praesentium & suturorum, necnon sub Poena Perjurii quam Rex possit tali Casu incurrere,
Insuper Nos, tanquam Pater, Tutor, & Curator Personae praefati Illustrissimi Principis Arthuri Principis Walliae &c. Filii nostri Primogeniti Haeredisque nostri Carissimi, Promittimus, Pollicemur & Juramus ad Dominum Deum nostrum Jesum Christum, & ejus Sanctam Crucem, & Sancta Quatuor Evangelia, quòd, postquam praedictus Illustrissimus Princeps Arthurus Filius Primogenitus & Legitimus Haeres noster Carissimus, Deo annuente, pervenerit ad Aetatem Annorum Quatuordecim, dabimus operam cum effectu quòd Jurabit solenniter & in forma debita per Se & Successores suos Tenere & inviolabiliter Observare, ac Teneri & Observari facere Amicitiam, Concordiam, Ligam, Unionem, Confoederationem, Pacem, Pacta, & Promissa contenta & contentas in praeinsertis Capitulis, juxta illorum & illarum seriem & tenorem, & contra eas vel ea directè vel indirectè non facere vel venire sub Obligatione omnium Bonorum suorum & sub Poena Perjurii quam Princeps potest tali Casu incurrere,
Praeterea Volumus quòd in hujusmodi Amicitiâ, Ligâ, Confoederatione, & Pace Comprehendantur Illustrissimi Principes Emanuel Portugaliae, & Jacobus Scotiae, & Johannes Daciae, Reges, Confratres & Consanguinei nostri Carissimi.
In quorum Fidem & Testimonium praesentes Literas Manibus nostris signavimus, Sigillique nostri munimine jussimus roborari.
Data & Acta infra Monasterium nostrum Sancti Augustini, in Suburbiis Civitatis nostrae Cantuariensis situatum, quinto Die Mensis Maii, Anno a Nativitate Domini Millesimo quingentesimo.
Praesentibus ibidem,
Reverendissimo in Christo Patre ac Domino Johanne, Divinâ Miseratione, Tituli Sanctae Anastasiae Sacrosanctae Romanae Ecclesiae Presbitero Cardinale Cantuariensi Archiepiscopo totius Angliae Primate & Apostolicae Sedis Legato nostroque Cancellario.
Reverendo in Christo Patre Domino Thoma Episcopo Londoniensi Concilii nostri Praesidente,
Ac,
Magnificis Dominis,
Edmundo Comite de Suffolke,
Thoma Comite de Surria,
Egidio Daubeney Camerario nostro ac Villae nostrae Calesiae Locumtenente,
Johanne Fyneueax Milite Capitale Justiciario Regni nostri Angliae,
Karolo de Somerset Milite Guardiae nostrae Capitaneo,
Richardo Guldeford Milite Hospitii nostri Contrarotulatore,
Thoma Lovel Milite Camerae nostrae Thesaurario,
Necnon,
Egregiis viris,
Richardo Nick Decretorum Doctore Capellae nostrae Decano,
Et Thoma Routhale Decretorum Doctore Apostolicae Sedis Prothonotario nostroque Secretario.
Testibus ad Praemissa vocatis.
Henricus.
Et Ego Thomas Laurence, Cantuariensis Dioecesis, Publicus auctoritate Apostolicâ Notarius, Invictissimi ac Potentissimi Principis Henrici Septimi Angliae Franciaeque Domini nostri Supremi Secretarius, dùm idem Potentissimus Dominus Rex omnia & singula Praeinserta Amicitiarum Confoederationum & Pacis Capitula, prout suprascribuntur & recitantur, Confirmavit, Ratificavit, Corroboravit, Approbavit & Auctorisavit, atque Magni Sigilli sui Regii appensione muniri praefato Reverendissimo Domino Cardinali Cancellario suo Mandavit, unà cum praenominatis Testibus praesens personaliter intersui, Majestatemque Regiam praefatam, dûm Superiorem Manu suâ propriâ Subscripsionem faceret, dumque Magnum Sigillum suum Regium apponeretur, praesens perspexi, eaque omnia & singula sic fieri vidi, & audivi, & in Notam sumpsi, ideoque, in Fidem & Testimonium eorum omnium & singulorum, hoc publicum Testimonium superinde per Me confectum, & in hanc Publicam Formam, ad ejusdem Invictissimi Domini Regis Mandatum, redactum, Manuque meâ propriâ in his Quatuor Pergamenae Foliis scriptum, Signo & Nomine meis solitis & consuetis signavi.
Constat de supraposito, in Decima septima Linea secundae Paginae Primi Folii, ubi legitur Feliciter,
Et de Raso correcto, in Decima quinta Linea Primae Paginae Quarti Folii, ubi legitur Juratos.
Thomas Laurence. |
May 6. Receipt for 25,000 francs from the K. of France. Canterbury.
O. xii. 753. H. v. p. iv. 151. |
Acquietantia pro Annuo Censu.
An. 15. H. 7. Franc. 15. H. 7. m. 15.
Rex universis & singulis, ad quos praesentes Literae pervenerint, Salutem.
Sciatis Nos Recepisse & Habuisse, Die Confectionis Praesentium, ab Illustrissimo Carissimoque Fratre & Consanguineo nostro Rege Lodowico Gallorum Principe, per Manus apud Villam nostram Calesii, Viginti & quinque Milia Francorum in Coronis Auri (unoquoque Franco Viginti Solidos Turonenses valente) Nobis Primo Die Mensis Maii, Anno Domini Millesimo, Quingentesimo, solvi debitorum, quae erit Quintusdecimus Terminus pro Parte Solutionis Septingentarum Quadraginta & quinque Millium Coronarum Auri per, Perhennis Memoriae, Regem Carolum novissimè Defunctum Nobis debitarum & solvendarum,
Prout in Literis Commissariorum Illustrissimi Regis Caroli, plenam in ea parte ab eo Potestatem habentium, Datis apud Stapulas supra Mare Tertiâ Die Mensis Novembris, & per eundem Consanguineum nostrum Regem Carolum sub Magno suo Sigillo apud Mountilz Sextadecimâ Die Decembris extunc proximò sequente Confirmatis, necnon suis Literis superinde Obligatoriis, Datis apud Amboyse Tertiadecimâ Die ejusdem Mensis Decembris, Anno Domini Millesimo, Quadringentesimo, Nonagesimo secundo, plenissimè liquet,
Quas quidem Literas ac omnia & singula contenta in eisdem Illustrissimus Princeps Rex Lodowicus Consanguineus noster antedictus, pro Se, Haeredibus, & Assignatis suis, Approbavit, Ratificavit, & Confirmavit,
Atque ad fidelem & debitam Solutionem & Satisfactionem Residui & Resti dictae Summae Septingentarum Quadraginta & quinque Millium Coronarum Auri, Loco & Terminis in Literis dicti nuper Regis Caroli Praedecessoris sui specificatis, per suas Literas Patentes, Magno Sigillo suo munitas & Manu suâ subscriptas, Datas Parisius Quartadecimâ Die Mensis Julii, Anno Domini Millesimo Quadringentesimo, Nonagesimo octavo, Se de novo Haeredesque & Successores suos Astrinxit & Obligavit,
Prout in Literis suis desuper confectis pleniùs continetur,
De quibus quidem Viginti & quinque Millibus Francorum in Coronis Auri Fatemur Nobis fideliter esse Solutum, & eundem Fratrem & Consanguineum nostrum Regem Lodowicum Haeredesq; suos
superinde fore Quietos, & exinde plenè Exoneratos.
In cujus &c.
Teste Rege apud Cantuar. sexto Die Maii.
Per ipsum Regem. |
May 12. Restitution of the temporalities to Miles, abbot of Aynesham, bp. elect of Llandaff, of the death of John the last bp. Westm.
O. xii. 754. H. v. p. iv. 152. |
De Restitutione Temporalium.
An. 15. H. 7. Pat. 15. H. 7. p. 2. m. 8.
Rex Escaetori suo in Comitatu Herefordiae ac Marchiis Walliae eidem Comitatui adjacentibus, Salutem.
Cùm Dominus Alexander Summus Pontifex nuper Vacante Sede Episcopali Ecclesiae Cathedralis Landavensis, per Obitum bonae memoriae Johannis ejusdem Ecclesiae ultimi Pastoris & Episcopi, Personam Reverendi in Christo Patris Milonis Abbatis de Aynesham, praefatae Ecclesiae Electi, in ipsius Ecclesiae Episcopum Praefecerit & Pastorem, sicut per Literas Bullatas ipsius Summi Pontificis, Nobis inde directas, nobis constat,
Nos,
Pro eo quòd idem Electus omnibus & singulis verbis, Nobis & Coronae nstrae Praejudicialibus, in dictis Literis Bullatis contentis, coram Nobis palàm & expressè Renunciavit, & Gratiae nostrae humiliter Se submisit, Volentes cum eo in hac parte agere gratiosè,
Cepimus Fidelitatem ipsius Electi,
Et Temporalia Episcopatûs illius, prout moris est, Restituimus eidem;
Et ideò Tibi Praecipimus quòd eidem Electo Temporalia praedicta, cum pertinentiis, in Balliva tua, sine dilatione, Liberes in forma praedicta; salvo Jure cujuslibet.
Teste Rege apud Westmonasterium, duodecimo die Maii.
Consimile Breve dirigitur Escaetori subscripto, in Comitatu subscripto, sub eadem Data; videlicet,
Escaetori in Com. Salop. ac March. Wall. eidem Comitatui adjacen.
Et Mandatum est Militibus, &c. |
May 28. Ratification by the K. of England of the marriage of prince Arthur with the lady Katharine, by her proctor, Roderick Gonsalvo de Puebla, at the prince's manor near Bewdley, May 19, 1499. Calais.
O. xii. 754. H. v. p. iv. 152. |
Super Facto Contractus Matrimonialis, inter Arthurum Principem, & Katherinam Infantem, Approbatio Regis.
An. 15. H. 7. Franc. 15. H. 7. m. 14.
Rex.
Notum facimus universis & singulis, praesentes Literas inspecturis, quòd, cùm neminem Hominum tantâ Ignorantiâ ductum esse arbitremur, qui Matrimonium, quod est Jure Divino Naturali & Humano, primitùs emanâsse Institutumque esse Rem Sacratissimam summaque a cunctis Mortalibus veneratione colendam non profiteatur, cujus Dignitates tot & tantas esse constat, ut nemo quanticumque ingenii ejus Laudes poterit sufficienter explicare,
Magnam, nimirum, ac multiplicem hoc Sacramentum in se continet celebritatem,
Primùm (scilicet) Auctoris ratione; Nam Deus ipse, postquam Hominem ad sui ipsius Similitudinem, nè Genus deficeret humanum, effinxerit, Foeminam deinde ad ipsius Viri Essigiem consiguravit, illos adinvicem alterum alteri, ut sibi mutuo Auxilio ac Solatio essent, conjunxit, quo inter se permixti Sextûs propagare Sobolem possent, & comunem Terram Multitudine adimplere:
Loci insuper ac Statûs ratione dignissimum est Matrimonium Sacramentum; quia in Deliciarum Paradiso initium sumpserit, atque tempore Innocentiae & ante Peccatum institutum fuit;
Nichil itaque in Rebus Humanis salubrius atque praestantius Conjugio est, ejus namque Beneficio Duo distincta Corpora tantâ Caritate & Amore concremantur inflammanturque, ut unius Animi ac coaequae Voluntatis & Desiderii reddantur,
Generatio etiam & Liberorum Procreatio, quibus Mundus in sua Subsistentia maximè conservari dinoscitur, indies magis magisque Incrementum undique capit,
Cujus item Ope fit ut, qui sub ejus Imperio & Legibus vivere student, omnem Corporis Voluptatem ac Immun-
diciam facile evitare & propulsare possint,
Exinde praeterea nonnullae Urbes peramplae & pleraque alia Domicilia praeclara, quae, ut palàm est, antea deserta & inanis Terra extiterunt, plucherimae conduntur, magnaque Hominum copia modò inhabitantur,
Hinc quoque Mundus latissimè viget atque suâ Continuatione pergit, & quaecumque, quae ad bonum statum Hominis pertinent, istâ Copulâ perdurare censentur,
Quare non sine Causa Matrimonii Sacramentum, quo nec quicquam honestius neque humanae Naturae accommodatius esse valeat, est a cunctis Mortalibus maximâ ac praecipuâ quadam veneratione Habendum Prosequendumque,
Cumque igitur Praedilectus Filius noster Primogenitus Arthurus Walliae PRINCEPS, Cornubiae DUX, atque COMES Cestriae cum Serenissima Principe Domina Katherina Infante Castellae & Aragonum, Illustrissimorum Principum Hispaniarum Regis & Reginae nostrorum Consanguineorum Carissimorum Filiâ, mediante magnifico Viro Domino Roderico Gundisalvi de Puebla Jurisconsulto, atque dictorum Illustrissimorum Regis & Reginae Hispaniarum Principum Consiliario & Oratore, necnon praefatae Principis Serenissimae Dominae Katherinae Procuratore legitimè amplissimeque constituto, ac Potestatem legitimam sufficientem specialem & specificam ab eadem Domina Katherina ad Contrahendum Nomine ipsis cum praedicto Filio nostro Arthuro Matrimonium habente, in Eum, tanquam ipsam eandem Principem, consentiit eam habere in Uxorem, atque cum Persona dicti Domini Roderici, eoque mediante & vigore dictae Potestatis suae ad hoc expressè Consentiente, per Verba de Praesenti, nostrâ Voluntate & expresso Consensu, tamquam cum eadem Domina Katherina, Matrimonium legitimè contraxerit, Ipsamque in veram legitimam & indubitatam Uxorem accepit, quem quidem Contractum Matrimonialem, ut praemittitur initum, ipsa Praeclarissima Princeps Domina Katherina, Voluntate & Consensu dictorum Illustrissimorum Principum Hispaniarum Regis & Reginae Acceptavit, Confirmavit, & Auctorisavit, sub eo qui sequitur Tenore,
In Dei Nomine Amen.
Noverint universi quòd Nos Katherina PRINCEPS Walliae, DUCISSA Cornubiae, COMITISSA Cestriae, INFANS Castellae & Aragonum, Filia Altissimorum & Potentissimorum Principum Dominorum meorum Domini Ferdinandi & Dominae Elizabethae Regis & Reginae Castellae, Legionis, Aragonum, Siciliae, Granatae, &c. in Oppido Majoreti, Die Duodecimo Mensis Martii, Anni praesentis & infrascripti Millesimi Quadringentesimi Nonagesimi noni, de Licentia, Voluntate & expresso Consensu praefatorum Regis & Reginae Parentum & Dominorum meorum, Concessimus & Dedimus nostram amplissimam Facultatem & Potestatem Roderico Gundisalvi de Puebla Jurisconsultissimo, Oratori & Consiliario eorumdem Regis & Reginae Parentum & Dominorum meorum apud Serenissimum & Potentissimum Dominum Henricum Angliae Regem; videlicet,
Ad Faciendum, Contrahendumque, pro Nobis & Nomine nostro, Matrimonium, per Verba de Praesenti, apta & sufficientia ad Matrimonium Contrahendum cum Illustrissimo Domino Arthuro PRINCIPE Walliae, DUCE Cornubiae, COMITE Cestriae praefati Serenissimi & Potentissimi Angliae Regis Filio Primogenito & Haerede, & ad Accipiendum eundem Principem Arthurum pro Viro nostro legittimo, & Promittendum & Dandum Nos eidem Illustrissimo Principi Arthuro pro Uxore sua legitima, & ad faciendum Nomine nostro omnia alia & singula necessaria & convenientia ad integrum effectum & perfectionem dicti Matrimonii, prout praedicta Data & Concessa fuit praedicto Roderico & alia latius continetur in Procuratione & Potestate quae pro praedictis per Nos Gundisalvi de Puebla Die Loco & Anno praetactis,
Et postquam Dedimus & Concessimus dictam Potestatem & Facultatem pro praedicto Matrimonio conficiendo, non Revocavimus illam, neque Nos poenituit eam Concessisse, immò semper Perseveravimus & Perseveramus in eodem Proposito & Voluntate,
Cujus Procurationis & Potestatis nostrae virtute praefatus Rodericus Gundesalvi de Puebla Procurator noster, Die Loco & Anno inferiùs contentis, Fecit & Contraxit Nomine nostro & in Personam nostram Matrimonium firmum & validum cum praefato Illustrissimo Domino Arthuro PRINCIPE Walliae, DUCE Cornubiae, COMITE Cestriae, VIRO & DOMINE MEO, per Verba de praesenti, Matrimonium facientia secundùm Ritum & Ordinem Sanctae Romanae Ecclesiae, cum omnibus Solemnitatibus &
Cerimoniis ab ipsa Romana Ecclesia canonicè statutis & ad id necessariis, prout haec & alia latius continentur in Instrumento Publico inde confecto, quod est Tenoris sequentis,
In Dei Nomine Amen.
Per praesens Publicum Instrumentum cunctis appareat evidenter & sit Notum quòd,
Anno a Nativitate Domini Millesimo, Quadringentesimo, Nonagesimo nono, Mensis Maii Die Decimo nono, circiter Horam Novenam ante Meridiem, finitâ primâ Missâ, qui Dies fuit Dies Pentecostes, in Capella situata infra Manerium Illustrissimi Domini Arthuri PRINCIPIS Walliae, DUCIS Cornubiae, COMITIS Cestriae, ac Primogeniti Excellentissimi & Invictissimi Domini Henrici Regis Angliae & Franciae & Domini Hiberniae, situatum & locatum prope Opidum de Bewedelay in Dioecese Herefordensi, in Praesentia mei Notarii Publici & Testium infrascriptorum,
Personaliter constituti fuerunt praefatus Illustrissimus Dominus Princeps, & Clarissimus Dominus Rodericus Gundesalvi de Puebla Jurisconsultus, Consiliarius & Orator Serenissimorum Dominorum Principum Domini Ferdinandi & Dominae Elizabethae Regis & Reginae Castellae, Legionis, Aragonum, Siciliae, Granatae, &c. ac Procurator legitimus Serenissimae Excellentissimaeque Dominae Dominae Katerinae praefatorum Serenissimorum Regis & Reginae Filiae Legitimae, ad Contrahendum Matrimonium verum & legitimum, per Verba de Praesenti, inter ipsam & Illustrissimum Dominum Dominum Arthurum antedictum PRINCIPEM Walliae, DUCEM Cornubiae, COMITEM Cestriae specialiter constitutus, Prout in Instrumento Procurationis inferiùs inserto pleniùs continetur,
Necnon, Reverendi in Christo Patres, Dominus Willielmus, Permissione Divinâ Lincolniensis Episcopus Praesidens Concilii dicti Illustrissimi Domini Principis, & Johannes, eadem Permissione, Conventriensis & Lichfeldensis Episcopus Cancellarius Domini Principis, clarâ & altâ voce dixit & in medium protulit,
Illustrissime & Excellentissime Princeps & Domine,
Non vos & Consiliarios vestros latet tùm Literis Regis Serenissimi Domini nostri Genitoris vestri, quas Hesterno Die Venerabilis Dominus Doctor Richardus Nic. qui adest, Consiliarius praefati Serenissimi Regis Domini nostri attulit, tùm etiam dicto Domino Doctore Mandato Regio Nobis referente, qualiter Serenissimus Dominus Genitor vester & Dominus noster Supremus affectat & plurimùm desiderat Matrimonium indissolubile per Verba de Praesenti inter Serenitatem vestram & Illustrissimam Virginem Dominam Katerinam Sponsam vestram Filiam Excellentissimorum Regis & Reginae Hispaniarum fieri & contrahi, ac eam ob Causam Dominum Doctorem de Puebla, praefatorum Dominorum Regis & Reginae Hispaniarum Auctoritate, praesentem, post magna viarum discrimina, cum sufficienti Commissione & Mandato Procuratorio ipsius Illustrissimae Virginis Dominae Katerinae huc adventâsse,
Praeterea Celsitudinem tuam non praeterit Sanctissimum Dominum nostrum Papam Alexandrum modernum Tecum & cum praefata Serenissima Domina Katerina ut, non obstante quòd in Aetate legitima constituti non essetis, Matrimonium per Verba de Praesenti contrahere valeatis, de Benignitate suâ Apostolicâ Dispensâsse,
Quocirca (Excellentissime Princeps) Te humiliter Rogamus & Obsecramus ut quid in hoc Matrimonio Contrahendo sentis declarare, Mentemque tuam superinde publicè exprimere digneris,
Quibus per praefatum Reverendum Episcopum Dictis & Prólatis, antedictus Illustrissimus Princeps altâ & clarâ Voce protulit Verba sequentia,
Clarissime Domine Orator,
Quòd Beatissimo ac Sanctissimo Patrinostro Pontifici Maximo & Serenissimis Parentibus meis hoc Matrimonium contrahi placuit, laetor equidem & gaudeo, nedùm propter Obedientiam quam illis debeo, verùm etiam propter summum Amorem quam erga Serenissimam Dominam Principissam Katerinam Sponsam meam Dilectissimam habeo,
Contentor Matrimonium inter ipsam & Me Hodierno Die perfici, & idciro vos (Clarissime Domine Orator) vehementer obsecro & opto, ut Nomine ipsius Dominae Principissae Katerinae verum hodiè mecum Matrimonium, mediante Sancti Spiritûs Gratiâ, indissolubile perficiatis, quia ad hoc sum Ego Paratissimus.
Quibus per praefatum Excellentissimum Principem prolatis, incontinenti dictus Clarissimus Dominus Doctor de Puebla prorupit in haec verba,
Serenissime & Excellentissime Princeps & Domine,
Quod Celsitudinem tuam ad hoc perficiendum Matrimonium, utrique vestrûm honorificentissimum, promptum paratumque video, non possum non mediocri affici gaudio, praesertim cum Laborum meorum Fructus jam in lucem prodeunt, Celsitudinemque tuam inteliigere velim me, Nomine Dominae meae Illustrissimae & Excellentissimae Principis Dominae Katerinae Sponsae tuae, ad hujusmodi perficiendum Matrimonium non minus ac Celsitudinem tuam Promptum ac Paratum.
Quo facto Dominus Orator antedictus, requisitus a praefato Domino Reverendo Episcopo Cancellario an Mandatum sufficiens ad hoc habuit? Idem Orator Procuratorque quoddam Procurationis Publicum Instrumentum, Manu propriâ ipsius Dominae Principis Katerinae Constituentis, & proprio suo Sigillo, in quadam Pixide Lignea pendente incluso, Viridi Cordula Serica annexo, ut apparuit, Subscriptum & Sigillatum,
Quod quidem Instrumentum praefatus Doctor Richardus Nic in publica omnium Astantium Praesentia & Audientiâ distinctè & sonorè legit,
Cujus Tenor, de verbo ad verbum, sequitur, & est talis,
In Dei Nomine Amen.
Noverint universi quòd Nos Katerina PRINCEPS Walliae, DUCISSA Cornubiae, COMITISSA Cestriae, INFANS Castellae & Aragonum, FILIA Altissimorum Principum Dominorum meorum, Domini Ferdinandi & Dominae Elizabethae Regis & Reginae Castellae, Legionis, Aragonum, Siciliae, Granatae, &c. attendentes quod per vos Rodericum Gundesalvi de Puebla, Consiliarium & Oratorem eorumdem Regis & Reginae Parentum & Dominorum meorum in Anglia Residentem, pro Nobis & Nomine nostro, virtute Potestatis per Nos, de Licentia, Voluntate, & Consensu Majestatum suarum, eidem concessae, fuerunt facta Sponsalia, secundùm quod melius & decentius tunc fieri potuerunt, inter Nos & Illustrissimum Dominum Arthurum PRINCIPEM Walliae, DUCEM Cornubiae, COMITEM Cestriae Serenissimorum & Potentissimorum Dominorum, Henrici Regis & Elizabethae Reginae Angliae Filium Primogenitum & Haeredem, in Oppido (videlicet) de Wodstok, Die Decimo quinto Mensis Augusti, Anni Millesimi, Quadringentesimi, Nonagesimi septimi,
Posteaque venerunt Literae Apostolicae Sanctissimi Domini nostri Alexandri Sexti Pontificis Maximi, more Romanae Curiae expeditae, Datae Romae apud Sanctum Petrum Anno Incarnationis Dominicae Millesimo, Quadringentesimo, Nonagesimo septimo, Idibus Februarii, Pontificatûs sui Anno sexto,
Cum quibus Sanctitas sua Auctoritate Apostolicâ Dispensavit Nobiscum & cum dicto Illustrissimo Principe Arthuro, ut dictum Matrimonium inter Nos legitimè possit contrahi, & postquam Contractum fuerit, in eodem permanere liberè & licitè possumus, ac si in Aetate legitimâ, a Canonibus ad Contrahendum Matrimonium praefinitâ, constituti essemus,
Cumque dictus Illustrissimus Dominus Princeps Arthurus & Nos effecti fuerimus Habiles ad contrahendum dictum Matrimonium, & velimus Matrimonium ipsum per Verba de praesenti contrahi, Laudantes primitùs, Approbantes, Ratificantes, & Confirmantes quaecumque per vos dictum Rodericum Gundissalvi Procuratorem nostrum circa Praemissa nostro Nomine facta, de nostra mera, libera, pura, & spontanea Voluntate, omnibus melioribus Modo, Viâ, Formâ, Jure, & Causâ quibus meliùs, validiùs, & efficaciùs possumus, ac etiam de Licentia, Voluntate, & Consensu praefatorum Regis & Reginae Parentum & Dominorum meorum, Facimus, Constituimus, Creamus, & Ordinamus Procuratorem nostrum certum & specialem, & ad Infrascripta etiam generalem, ita quòd Specialitas Generalitati non deroget nec è contra, vos eundem Rodericum Gundissalvi de Puebla Absentem tanquam Praesentem; videlicet,
Ad Faciendum, pro Nobis & Nomine nostro, Sponsalia, ad Contrahendum Matrimonium per Verba de Praesenti, apta & sufficientia ad Matrimonium Contrahendum juxta Ritum & Ordineni Sanctae Romanae Ecclesiae, aut aliàs prout de Jure meliùs fieri possit, cum dicto Illustrissimo Domino Arthuro PRINCIPE Walliae, DUCE Cornubiae, COMITE Cestriae, praedicti Serenissimi & Potentissimi Regis Angliae Filio Primogenito & Haerede, ac Manus ad peragendum hujusmodi Matrimonium Dandum Praestandum & Exhibendum, Nosque in Legitimam Sponsam & Conjugem ejusdem Illustrissimi Domini Arthuri Principis Walliae Dandum & Concedendum,
Necnon ad Accipiendum & Apprehendendum pariter, Nomine nostro & pro Nobis, a praedicto Illustrissimo Domino Arthuro Principe Walliae similia Verba de Praesenti, Matrimonium facientia, aut alia prout de Jure meliùs fieri possit, propter quae idem Illustrissimus Dominus Arthurus Princeps in Nos ut suam Legitimam Sponsam & Uxorem expressè consentiat, Manusque suas similiter ad id Capiendum & Apprehendendum,
Quibus Verbis per vos dictum Procuratorem nostrum Nomine nostro & praedictum Illustrissimum Dominum Principem Walliae mutuo concessis & prolatis, Manibusque hincinde apprehensis, exnunc prout extunc Nosmetipsam Damus, Exhibemus, & Concedimus, uti melius possumus, pro Legitima Sponsa & Uxore dicti Illustrissimi Arthuri Principis Walliae secundùm Ritum, Ordinem, & Consuetudinem Sanctae Romanae Ecclesiae,
Dantes & Concedentes praeterea vobis eidem Procuratori nostro Facultatem & Auctoritatem Verbum & Fidem nostram Regiam, ad praedicta omnia & singula Servandum, nostro Nomine Interponendum, Submittendum, & Obligandum sub quibusvis Capitulis, Scripturis, Juramentis, & aliis Roboratis, prout vobis melius & utilius visum fuerit expedire,
Et generaliter omnia alia & singula, ad id necessaria & oportuna, cum Dependentibus, Emergentibus, Annexis, & Connexis, Faciendum, Gerendum, Concedendum, & Exequendum, quaeque Nos, si personaliter adessemus, facere possemus, etiam si talia forent quae Mandatum exigerent magis speciale quàm Praesentibus est expressum;
Promittentes, bonâ Fide & in Regio Verbo, perpetuò Tenere & inviolabiliter Observare quicquid per vos dictum Procuratorem nostrum Actum, Dictum, Gestum, Concessum, Concordatum, Firmatum, & Conclusum fuerit in Praemissis, & quolibet Praemissorum, sub omni Juris & Facti Renunciatione pariter & Cautela.
In quorum omnium & singulorum Praemissorum Robur & Firmitatem praesens Publicum Instrumentum, Manu nostrâ propriâ subscriptum, ac Sigillo nostro munitum, per Secretarium Regium & Notarium infrascriptum, coram Testibus infrascriptis, per Nos concessum, signari & in Publicam Formam redigi Mandavimus.
Quae fuerunt Acta in Oppido Majoreti, Die Duodecimo Mensis Martii, Anno a Nativitate Domini Millesimo, Quadringentesimo, Nonagesimo nono.
Praesentibus ibidem,
Guterrio de Cardenas Praeceptore Majore Legionis Ordinis Sancti Jacobi de Spata Computatore Majore Castellae,
Anthonio de Fonseca Majore Domo Illustrissimae Dominae Principis Margaretae,
Et Johanne Velasquez Computatore Majore Domini Principis,
Regiis Consiliariis,
Testibus ad Praemissa vocatis specialiter & rogatis.
La Princessa De Gales.
Et Ego Michael Perez Dalmacan praedictorum Serenissimorum & Potentissimorum Dominorum nostrorum Regis & Reginae Secretarius, ac Publicus Apostolicâ & Regiâ Auctoritatibus Notarius, Praemissis omnibus & singulis, dùm sic, ut praemittitur, agerentur, dicerentur, & fierent, ac quando praedictae Majestates Licentiam concesserunt praefatae Illustrissimae Dominae Katerinae Principi & Infanti ut omnia & singula supradicta concederet, ac etiam quando ipsa Illustrissima Princeps Katerina praesens Publicum Instrumentum concessit, ac Manu propriâ subscripsit, unà cum praenominatis Testibus interfui, eaque omnia & singula sic fieri vidi & audivi & in Notam sumpsi, ideoque Signum, quo utor in publicis, hic apposui in Fidem & Testimonium Praemissorum.
Constat de Raso Correcto in Octava Linea ubi legitur tunc,
Quo sanè viso Instrumento Lecto atque Audito, mox Illustrissimus Dominus Arthurus Princeps Walliae praefatus, coram omnibus Astantibus & Me Notario & Testibus infrascriptis, Manum suam Dexteram porrexit, ac Dexterae Domini Oratoris & Procuratoris praefati, Vice & Nomine supradictae Illustrissimae Principis Dominae Katerinae recipientis, conjunxit,
Nobili & Magnifico Domino Richardo Poole Cameratio Magno Illustrissimi Domini Principis Ordinis Militiae Garroterae Manus Dexteras eorumdem Domini Principis & Oratoris ac Procuratoris invicem conjunctas suis propriis Manibus tenente,
Altâ & vivâ Voce dixit & protulit Verba sequentia,
Ego Arthurus PRINCEPS Walliae, DUX Cornubiae, COMES Cestriae, PRIMOGENITUS Serenissimi Domini Henrici Regis Angliae & Franciae & Domini Hiberniae Domini mei Parentis Te Dominum Rodericum Gundissalvi de Puebla, Procuratorem Serenissimae & Excellentissimae Dominae Katerinae Filiae Legitimae Altissimorum & Potentissimorum Dominorum Ferdinandi & Elizabethae Regis & Reginae Hispaniarum, Castellae, Legionis, Aragonum, Siciliae, Granatae, &c. Nomine ipsius Dominae Katerinae, & ipsam Dominam Katerinam, in Persona tua & Te mediante, in veram legitimam & indubitatam Vxorem meam Accipio, & in eam tanquam in Vxorem meam Consentio, Promittens Fide meâ & in Verbo Principis quòd ab hac Hora in futurum dùm vixerimus eandem Dominam Katerinam tanquam veram legitimam & indubitatam Vxorem meam Tractabo & Tenebo.
Quibus verbis prolatis disjunctè fuerunt praefatae Manus,
Et immediatè praefatus Dominus Orator & Procurator, simili modo quo supradictum est, Dexteram suam Manum, Nomine & Vice dictae Dominae Katerinae, porrexit, ac Dexterae praefati Illustrissimi Principis conjunxit,
Antedicto Nobili & Magnifico Domino Domino Richardo Poole Manus Dexteras eorumdem Oratoris ac Procuratoris & Principis iterùm invicem conjunctas suis propriis Manibus tenente,
Altâ & vivâ Voce protulit verba sequentia.
Ego Rodericus Gundissalvi de Puebla Jurisconsultus, Consiliarius & Orator Altissimorum & Potentissimorum Supremorum Dominorum meorum Regis & Reginae Hispaniarum, necnon legitimus Procurator Illustrissimae & Excellentissimae Dominae Dominae meae Katerinae PRINCIPIS Walliae, DUCISSAE Cornubiae, COMITISSAEQUE Cestriae, INFANTIS Castellae & Aragonum eorumdem Supremorum Dominorum meorum Regis & Reginae Hispaniarum FILIAE LEGITIMAE, Te Arthurum Illustrissimum PRINCIPEM Walliae, DUCEM Cornubiae, COMITEM Cestriae, ac PRIMOGENITUM FILIUM LEGITIMUM Serenissimi & Potentissimi Principis Domini Henrici Regis Angliae & Franciae & Domini Hiberniae, Nomine dictae Dominae meae Dominae Katerirae, Accipio in verum legitimum & indubitatum Maritum dictae Dominae meae Dominae Katerinae, & ipsa Domina Katerina, in Persona mea & Me mediante, & Tibi Nomine & Vice dictae Dominae Katerinae nuneiante, accipit te in verum legitimum & indubitatum Maritum suum promittitque praefata Domina mea Katerina & ego Vice & Nomine dictae Dominae Katerinae in Fide suâ & in Verbo Regio quòd ab hac Hora in futurum dum uterque vestrûm Vixerit Te tanquam suum verum legitimum & indubitatum Maritum Tractabit & Tenebit.
De quibus omnibus & singulis Ego infrascriptus Notarius Publicus rogatus fui & requisitus a praefato Domino Oratore & Procuratore, ut Publicum sive Publica Instrumenta conficerem.
Acta sunt haec omnia & singula, prout suprascribuntur & recitantur, & mei infrascripti Notarii, & praefati Domini Richardi Poole Camerarii, & Nobilis Domini Henrici Vernon Thesaurarii Domini Principis, & Domini Willielmi Wodhall Contrarotulatoris Domini Principis, & Magnifici Thomae Poyntz, & Egregii Domini Doctoris Richardi Nic Consiliarii Domini Regis, & Venerabilis Domini Roberti Elimosinarii Domini Principis, & Egregii Henrici Reynford Clerici Concilii Domini Principis, & Honorabilis Magistri Beruardi Andreae Praeceptoris Domini Principis, & Gundissalvi Ferdinandi Rectoris, & Martini Guerrero, & Alphonsi Sancti Johannis, & Edwardi Halt, & aliorum praesentiâ, sub Anno Domini, Mense, Die, Loco, & Hora superiùs recitatis & expressis.
Et ego Johannes de Tamayo, Apostolicâ Auctoritate Publicus Notarius, Praemissis omnibus & singulis, dùm sic, ut praemittitur, agerentur, dicerentur, & fierent, unà cum praenominatis Testibus, Anno, Mense, Die, Loco, & Horâ praedictis, praesens personaliter interfui, eaque omnia & singula sic fieri vidi & audivi, atque hoc Instrumentum in Publicam Formam redegi, & propriâ Manu seripsi ac publicavi, Signoque & Nomine meis solitis & consuetis, in Fidem & Testimonium omnium & singulorum Praemissorum, signavi.
Johannes De Tamayo Apostolicus Notarius.
Et quoniam dictum Matrimonium, cum omnibus in praeinserto Instrumento contentis, per dictum Procuratorem nostrum, Nomine nostro, Pro Nobis ac
in Personam nostram factum & contractum factum fuit & est de & cum Voluntate nostra, & illud pro valdè Accepto & Grato habemus, & pro bono vero, & perfecto Matrimonio Tenemus & Tenebimus omnibus Diebus Vitae nostrae,
Igitur, Tenore Praesentis, de nostra certa scientia & expresè, omnibus illis melioribus viâ, modo, & formâ quibus meliùs & validiùs de jure & aliàs possumus & debemus, ac etiam de Licentiâ, Voluntate, & Consensu praefatorum Regis & Reginae Parentum & Dominorum meorum, Laudamus, Approbamus, Ratificamus, & Confirmamus, & pro Firmo, Rato, & Grato habemus dictum Matrimonium factum & contractum per dictum Rodericum Gundissalvi de Puebla Procuratorem nostrum Nomine nostro & in Personam nostram cum praefato Illustrissimo Domino Arthuro PRINCIPE Walliae, DUCE Cornubiae, COMITE Cestriae Viro & Domino meo, & omnia alia & singula super dicto Matrimonio & super Rebus ex eo dependentibus per dictum Procuratorem nostrum Nomine nostro, ut praemittitur, facta, & Promittimus per solennem & validam Stipulationem praefato Illustrissimo Domino Principi Arthuro Absenti tanquam si Praesens esset & Secretario Regio ac Notario infrascripto tanquam publicae & autenticae Personae Nomine illius Recipienti & Stipulanti, ac etiam Juramus, ad Dominum Deum nostrum Jesum Christum, & ejus Sanctam Crucem, & Sancta Dei Quatuor Evangelia, Manibus nostris corporaliter tacta, quòd Tenebimus, Complebimus, & Observabimus realiter & cum effectu omnibus Diebus Vitae nostrae dictum Matrimonium & omnia alia & singula supradicta per dictum nostrum Procuratorem Nomine nostro facta, eis modo & formâ quibus per eum facta & concessa fuerunt, & quod contra ea aut aliquam eorum Partem non veniemus aliquo Tempore nec Causâ aliquâ vel Ratione.
In quorum omnium & singulorum Praemissorum Robur & Firmitatem praesens Publicum Instrumentum, Manu nostrâ propriâ subscriptum ac Sigillo nostro munitum, per Secretarium Regium & Notarium infrascriptum, coram Testibus infrascriptis, per Nos concessum, signari & in publicam Formam redigi Mandavimus.
Quae fuerunt Acta in Urbe Hispalensi, Die Vicesimo Mensis Decembris, Anno a Nativitate Domini Millesimo, Quadringentesimo, Nonagesimo nono.
Praesentibus ibidem,
Gutterio de Cardenas Procuratore Majore Legionis Ordinis Sancti Jacobi de Spata,
Joanne Chacon Praefecto Murciae,
Computatoribus Majoribus Castellae,
Et Johanne Velazquez Computatore Majore Illustrissimi Domini Principis,
Regiis Consiliariis,
Testibus ad Praemissa vocatis, & aliis pluribus.
La Princessa De Gales.
Et Ego Michael Perez Dalmacan, praedictorum Serenissimorum & Potentissimorum Dominorum nostrorum Regis & Reginae Secretarius, ac Apostolicâ & Regiâ Auctoritatibus Publicus Notarius, Praemissis omnibus & singulis, unà cum praenominatis Testibus, interfui, eaque omnia & singula sic fieri vidi & audivi & in Notam sumpsi, ideoque praesens Publicum Instrumentum, alterius Manu his in Tribus Foliis Pergamenae scriptum, inde confeci, & in hanc Publicam Formam redegi, Signoque meo solito signavi in Fidem & Testimoniuni Praemissorum.
Constat de Raso Correcto in Tertia & Quarta Linea Tertiae Paginae Tertii Folii, ubi legitur, Ordins Militiae Garroteae,
Et de supraposito in Secunda Linea Secundae Paginae ejusdem Folii, ubi reperitur, & honor. Magistri Bernardi Andreae Praeceptoris Domini Principis.
Michael Perez Dalmacan.
Cujus quidem Ratificationis Matrimonii Instrumento Publico, omnibusque & singulis in eodem contentis, praedicti Illustrissimi Hispaniarum Rex & Regina Consanguinei nostri Carissimi scienter & expressè Consensum & Auctoritatem suam interposuerint sub eo qui sequitur Tenore verborum,
Ferdinandus & Elizabetha, Dei gratiâ, REX & REGINA Castellae, Legionis, Aragonum, Siciliae, Granatae, Toieti, Valentiae, Galleciae, Majoricarum, Hispalis, Sardiniae, Cordubae, Corsicae, Murciae, Giennis, Algarbii, Algezirae, Gibraltaris, & Insularum Canariae, COMES & COMITISSA Barchinonae, DOMINI Vizcayae & Molinae, DUCES Athenarum & Neopatriae, COMITES Ros-
silionis & Ceritaniae, MARCHIONES Oristani & Gociani,
Quoniam praedictum Matrimonium inter praefatum Illustrissimum Arthurum Walliae Principem Serenissimi Regis Angliae Fratris nostri praedicti Filium Primogenitum & Haeredem, ac Illustrissimam Katerinam PRINCIPEM Walliae, INFANTEM Castellae & Aragonum, FILIAM nostram Dilectissimam per Verba de praesenti factum & contractum, ac praedictum Publicum Ratificationis Instrumentum per eandem Illustrissimam Principem Katerinam Filiam nostram factum & concessum, facta & concessa fuerunt & sunt, de Consensu & Voluntate nostris, ac Nobis maximè placent,
Idcircò praedicto Publico Ratificationis Matrimonii Instrumento, omnibusque & singulis in eo contentis, scienter & expressè Consensum & Auctoritatem nostram interponimus pariter & Decretum appositum hic, de nostri Mandato, Manu Michaelis Perez Dalmacan Secretarii nostri, in Urbe Hispalensi, Die Vicesimo Mensis Decembris, Anno a Nativitate Domini Millesimo, Quadringentesimo, Nonagesimo nono.
Et ad majorem Corroborationem Praemissorum nostro Regio Sigillo jussimus Communiri.
Ferdinandus & Elizabetha.
Ego Michael Perez Dalmacan Secretarius Regis & Reginae Dominorum nostrorum praedictam Consensûs Auctoritatis & Decreti interpositionem Jussu Serenitatum suarum scripsi,
Et, quoniam nobiscum considerantes quòd praefata praeclarissima Princeps Domina Katerina praedictum Contractum Matrimonialem ex suorum Parentum Voluntate & expresso Consensu, ut praemittitur, Laudavit, Approbavit, Ratificavit, & Confirmavit, dictique Illustrissimi Principes Hispaniarum Rex & Regina ejusdem Praeclarissimae Principis Dominae Katerinae Genitores antedicto Publico Ratificationis Instrumento, de eorum Consensu & Voluntate, sub Publica forma superinde confecto, omnibusque & singulis in eodem Instrumento contentis, scienter & expressè Consensum & Auctoritatem pariter & Decretum prout profertur apposuerunt,
Nos Rex Angliae, &c. antedictis praefatum Contractum Matrimonialem inter praedictum Filium nostrum Primogenitum Dominum Arthurum & praenominatam Serenissimam Principem Dominam Katerinam prout superius inseritur initum, necnon Confirmationem, Approbationem, & Autorizationem ejusdem Contractûs per eandem Principem ut supra factam & habitam, atque Instrumentum Publicum superinde antedictum, omnia & singula in eodem contenta, quae Nobis summè placent, pro Nobis & praefato Filio nostro Praedilecto Arthuro Walliae Principe, &c. Acceptamus, Laudamus, Approbamus, & Confirmamus, atque Consensum expressum eisdem per Praesentes Exhibemus, eaque Nos firmiter & inviolabiliter pro Parte nostra Observaturos fore ac Observare promittimus.
In cujus Rei Testimonium praesentes Literas nostras, per infrascriptum Notarium Publicum Secretarium nostrum confectas, Manu nostrâ propriâ subscripsimus, ac Magni Sigilli nostri Regii appensione communiri jussimus.
Data & Acta in Villa nostra Calisiae, Vicesimo octavo Die Mensis Maii, Anno a Nativitate Domini Millesimo Quingentesimo.
Henricus.
Et ego Thomas Laurence, Cantuariensis Dioecesis, Publicus Auctoritate Apostolicâ Notarius, Invictissimi ac Potentissimi Principis Henrici Septimi Angliae Franciaeque Regis Domini nostri Supremi Secretarius, Acceptioni, Laudationi, Approbationi, & Confirmationi atque Consensûs expressae Exhibitioni, necnon inviolabilis Observationis Promissioni, per eundem Supremum Dominum nostrum ut praedicitur factis, unà cum infra nominatis Testibus praesens per sonaliter interfui, eaque omnia & singula sic fieri vidi & audivi, ideoque hoc Publicum Instrumentum, per Me scriptum, exinde confeci, publicavi, & in hanc Publicam Formam redegi, illudque in Fidem & Testimonium eorumdem Signo Nomineque meis solitis & consuetis signavi Die, Mense, Anno Domini, & Loco supradictis.
Praesentibus tunc & ibidem,
Reverendo in Christo Patre Domino Thoma Londoniensi Episcopo Concilii praedicti Supremi Domini nostri Praesidente,
Ac,
Magnificis Dominis,
Thoma Comite de Surria,
Henrico Comite de Essex.
Egidio d'Aubeney ejusdem Supremi Domini nostri Camerario ac Villae Calesii Locumtenente,
Richardo Guldeford Milite, Contrarotulatore,
Et Thoma Lovell Milite, Thesaurario,
Camerae praedicti Supremi Domini nostri,
Necnon,
Egregio Doctore Nic Wellensis & Exoniensis Ecclesiarum Archidiacono Capellae ejusdem Supremi Domini nostri Regis Angliae & Franciae Decano,
Testibus ad Praemissa vocatis specialiter & rogatis.
Thomas Laurence. |
June 12. Pope Alexander [VI.] threatens Lewis K. of France with excommunication if he fail in his payments to the K. of England. Rome.
O. xii. 762. H. v. p. iv. 155. |
De Excommunicatione & Interdicto contra Ludovicum & Regnum Franciae, si deficeret in Solutionibus faciendis.
Registrata in Secretaria Apostolica. MUTINEN.
An. 15. H. 7. Ex Origine.
Alexander Episcopus Servus Servorum Dei, ad futuram Rei memoriam.
Illius Vices, licet immeriti, gerentes in Terris, cujus in Pace Locus factus est, ad ea Vigilantiae nostrae Curas libenter convertimus, per quae inter Catholicos Reges ac Principes Pacis Foedera conserventur & Populi sibi subjecti in pulchritudine Pacis sedeant & Fiduciae Tabernaculis inhabitent, & ea, quae pro hujusmodi Pace conservandâ per eosdem Reges providè gesta & inita comperimus, libenter cùm a Nobis petitur Apostolico Munimine roboramus.
Sanè pro Parte Carissimi in Christó Filii nostri Ludovici Francorum Regis Christianissimi Nobis nuper exhibita Petitio continebat quòd,
Cùm olim, Clarae Memoriae, Carolus tunc eorumdem Francorum Rex praefati Ludovici Regis immediatus Praedecessor, dùm in Humanis ageret, cum Carissimo in Christo Filio nostro Henrico Angliae Rege Illustri Pacem & Concordiam, sub certis modo & formâ, iniens, pro Adimplemento ac Observatione quarumdam Obligationum, in quibus Carissima in Christo Filia nostra Anna Francorum Regina & etiam tunc Britaniae Ducissa, pro Stipendiis Armatorum qui eidem Annae ante contractum inter eam & praefatum Carolum Regem Matrimonium ex Parte dicti Henrici Regis Succursum praebuerant, praefato Henrico Regi Obligabatur, & etiam pro Arreragiis certorum Debitorum inter, Recolendae Memoriae, Ludovicum etiam Francorum, & Edvardum Angliae Reges dùm viverent in Tractatu de Picquigni contractorum, ac ex certis aliis Causis, in Summa Septingentarum & Quadraginta quinque Millium Coronarum Auri eidem Henrico Regi, ac suis extunc imposterùm Successoribus, in certis tunc expressis Loco & Terminis, annuatim persolvenda, Se Obligâsset, & extunc Solutionem dictae Summae facere incepisset,
Praefatus Ludovicus Rex modernus, eodem Carolo Rege, sicut Domino placuit, ab hac Luce subtracto, ad fastigium Regiae Celsitudinis immediatè assumptus, Obligationem ipsam bonâ fide agnoscens, sub Poenis Obligationis formae Camerae Apostolicae & aliàs Se & Haeredes suos Regnum, Patrias, & Dominia, ac Bona sua tunc praesentia & futura, necnon singulos Subditos suos & eorum Bona Obligando promisit Promissa per dictum Carolum Regem observare, & Residuum dictae Summae persolvere, & Confirmationem Promissionis & Obligationis hujusmodi infra certum tunc expressum tempus a Nobis & Sede Apostolicâ impetrare & obtinere, appositis Poenis Interdicti in Regnum, Patrias, & Dominia sua antedicta, atque Excommunicationis in Personam suam si & quatinus Promissa per eum minimè adimplerentur, prout in quibusdam Litteris Patentibus ipsius Ludovici Regis desuper confectis, quas diligenter inspici, &, omissis Caracteribus & Signis, de verbo ab verbum Praesentibus inferi fecimus, pleniùs continetur,
Quare pro Parte praefati Ludovici Regis Nobis fuit humiliter Supplicatum ut Promissioni & Obligationi praedictis, pro illorum Subsistentiâ firmiori, Robur Apostolicae Confirmationis adjicere, aliasque in Praemissis oportunè providere de Benignitate Apostolicâ dignaremur,
Nos igitur, qui inter cunctos Christi Fideles, praesertim Catholicos Reges & Principes, Pacis Amaenitatem vigere & augeri, nostris potissimè temporibus, supremis desideramus Assectibus, quique tempus, infra quod praesens Confirmatio obtineri debebat, Causâ maturiùs Procedendi, hactenus Prorogavimus, hujusmodi Supplicationibus inclinati, Obligationem & Promissionem praedictas ac prout illas concernunt omnia & singula in dictis Patentibus Literis contenta & indè secuta quaecunque Auctoritate praefata Tenore Praesentium Approbamus & Confirmamus, ac praesentis Scripti patrocinio Communimus,
Mandantes illas juxta dictarum Litterarum Patentium continentiam & tenorem, sub Excommunicationis latae Sententiae Poena, firmiter Observari, quam si idem Ludovicus Rex contrafecerit eo ipso incurrisse noscatur, ac Decernentes praesentes Litteras ad Probandum plenè Prorogationem praedictam ubique sufficere, nec ad id Probationis alterius adminiculum requiri, irritum quoque & inane quicquid secùs super hiis a quoquam quavis Auctoritate scienter vel ignoranter contigerit attemptari,
Et nichilominus, si contingat praefatum Ludovicum Regem ejusque Haeredes aut Successores Promissioni & Obligationi praefatis contravenire, Nos exnunc prout extunc & extunc prout exnunc Regnum Patrias & Dominia sua praedicta Ecclesiastico supponimus Interdicto, tamdiu firmiter observando donec de Debitis fuerit eidem Henrico Regi ejusve Haeredibus & Successoribus, juxta dictarum Patentium Litterarum seriem & tenorem, realiter & cum effectu integrè Satisfactum; non obstantibus Constitutionibus & Ordinationibus Apostolicis caeterisque contrariis quibuscunque.
Tenor vero Literarum Ludovici Regis hujusmodi sequitur, & est talis,
Ludovicus, Dei gratiâ, Francoruw Rex universis & singulis, praesentes Litteras inspecturis, Salutem.
Cùm dudùm Clarae Memoriae, Carissimus Dominus Frater & Praedecessor noster Rex Carolus (quem Dominus absolvat) volens adimplere & executioni debitè demandari ea, quae Promissa & Conclusa fuerant per Tractatum Pacis & Amicitiarum inter certos Ambassiatores & Commissarios suos Parte ex unâ, & Ambassiatores & Commissarios Carissimi Fratris & Consanguinei nostri Henrici Angliae Regis Parte ex alterâ, apud Stapulas prope Mare factum & conclusum in hac formâ; videlicet,
Quòd, pro Acquietamento & Redemptione Obligationum, quas ipse Consanguineus noster habebat & tenebat de Carissima & dilectissima Consanguinea nostra Anna de Britannia tunc Consorte nunc vero Relicta dicti Fratris nostri Regis Caroli ante Matrimonium inter eos contractum, quibus Obligationibus dicta Consanguinea nostra promiserat solvere & restituere eidem Regi Angliae & suis Haeredibus omnes & singulas Expensas ac Pecuniarum Summas, quas ipse Rex Angliae exposuerat & exinde expositurus esset pro Stipendiis Armatorum & aliis Oneribus & Sumptibus factis & fiendis pro Exercitibus Succursu & Subsidio per dictum Fratrem nostrum Angliae Regem diversis vicibus antedictae Consorti suaeve Subditis de Britannia tunc suam Partem tenentibus missis & traditis, & etiam pro Acquietamento seu Redemptione Obligationum quas Defunctus Edvardus Rex Angliae habuerat per Tractatum de Picquigni a quondam Ludovico Rege Progenitore dicti Fratris nostri Regis Caroli etiam Praedecessore nostro, & pro Arreragiis Quinque Terminorum ad Summam Centum & Viginti quinque Millium Coronarum Auri atcendentium, ipse Frater noster Rex Carolus suique Haeredes solverent aut solvi facerent dicto Carissimo Fratri & Consanguineo nostro Henrico Regi Angliae & ejus Haeredibus Septingenta & Quadraginta quinque Millia Coronarum Auri (unaquaque Coronâ valente Triginta quinque Solidos Turonenses) in Terminis Modo & Formâ in Litteris dictorum suorum Ambassiatorum latius contentis & expressis, per suas Patentes Litteras Manu suâ signatas Dat. Ambassiae Tertiadecima Mensis Decembris, Anno Domini Millesimo, Quadringentesimo, Nonagesimo Secundo, & Regni sui Decimo, Confessus fuerit & Declaraverit, seque & Haeredes suos Obligaverit, ac pro Se & eisdem suis Haeredibus Consenserit & Promiserit solvere & deliberare seu solvi & deliberari facere dicto Carissimo Fratri & Consanguineo nostro Henrico Regi Angliae & ejus Haeredibus seu ipsius aut ipsorum Deputato aut Deputatis dictam Summam Septingentarum & Quadraginta quinque Millium Coronarum praedicti Valoris Monetae, in Regno Franciae tunc Cursum habentis, sub modo & forma sequentibus; videlicet,
In Villa Calesiae, Die primo Mensis Maii tunc proximè futuro, Viginti quinque Millia Francorum in Coronis Auri Valoris supradicti, unoquoque Franco valente Viginti Solidos Turonenses,
Et primo Die Mensis Novembris extunc etiam proximè sequenti Viginti quinque Millia Francorum in Coronis Auri valoris antedicti in Villa Calesiae,
Et sic, de Anno in Annum & de Termino in Terminum, ipse Dominus & Frater Rex Carolus & sui Haeredes solverent & deliberarent solvive & deliberari facerent dicto Consanguineo nostro Carissimo Regi Angliae & ejus Haeredibus aut ejus seu eorum Deputato seu Deputatis Loco & Terminis praedictis, donec & quousque dicta Summa Septingentarum & Quadraginta quinque Millium Coronarum Auri plenè & integrè soluta & contentata foret, prout in dictis Litteris suis pleniùs continetur,
Et deinde dictus Dominus & Frater noster Rex Carolus, ad Executionem Praemissorum supradictorum ritè procedens, solvi & deliberari fecerit annuatim praedicto Fratri & Consanguineo nostro Regi Angliae seu Deputatis ab eo Summam Quinquaginta Millium Francorum in Coronis Auri Valoris antedicti, ac in Terminis & Locis ut supra praefixis, prout per Quietantias & Recognitiones desuper habitas latiùs apparet.
Notum Facimus quòd Nos, qui post Obitum dicti Domini & Fratris Praedecessorisque nostri Caroli Regis ad Regnum & Coronam Franciae haereditariâ Successione venimus, cupientes tanquam Haeres suus Debitis suis satisfacere, Promissaque per eum ut praedicitur ad unguem complere, ob Causas antedictas & alias Considerationes in hac parte nos moventes,
Deductis prius & defalcatis de praedictâ summâ Septingentarum & Quadraginta quinque Millium Coronarum Auri omnibus & singulis Summis & Solutionibus per eundem Fratrem & Praedecessorem nostrum Regem Carolum antedicto Fratri & Consanguineo nostro Carissimo Regi Angliae seu ejus Deputatis quolibet Anno factis & solutis, de quibus constat ut praedicitur,
Confitemur & Declaramus Nosque & Haeredes nostros per has Praesentes, Nomine nostro subsignatas, Obligamus, ac pro Nobis & dictis nostris Haeredibus Consentimus & Promittimus, Persolvere & Deliberare seu Persolvi & Deliberari facere Carissimo Fratri & Consanguineo nostro praedicto Henrico Regi Angliae & ejus Haeredibus, seu ipsius aut ipsorum Deputato aut Deputatis, totum Residuum & Restam dictae Summae Septingentarum & Quadraginta quinque Millium Coronarum (unaquaque Coronâ Valoris Triginta quinque Solidorum Turonensium Monetae nunc in Regno nostro cursum habentis) secundùm quòd inter praefatos Fratres nostros Conventum fuit, ipsumque Residuum dictae Summae Septingentarum & Quadraginta quinque Millium Coronarum Auri Nos & Haeredes nostri solvemus & deliberabimus solvive & deliberari faciemus eidem Angliae Regi & ejus Haeredibus, aut ejus seu eorum Deputato seu Deputatis, in Villâ Calesiae, Die Primo Mensis Novembris proximè futuro, Viginti quinque Millia Francorum in Coronis Auri Valoris supradicti (unoquoque Franco valente Viginti Solidos Turonenses) & Primo Die Mensis Maii extunc proximè sequenti Viginti quinque Millia Francorum in Coronis Auri valoris supradicti in Villa Calesiae, & sic de Anno in Annum & de Termino in Terminum Nos & Haeredes nostri solvemus & deliberabimus solvive & deliberari faciemus dicto Consanguineo nostro, & ejus Haeredibus, aut ejus seu eorum Deputato vel Deputatis, Loco & Terminis praedictis, donec & quousque dicta Summa Septingentarum & Quadraginta quinque Millium Coronarum Auri extimationis praedictae per Nos & Haeredes nostros praefato Regi Angliae & Haeredibus suis, ut praedictum est plenè & integrè soluta & contentata fuerit.
Ad quam quidem Solutionem fideliter & firmiter sic, ut praemittitur, faciendam Promittimus, Astringimus & Obligamus bonâ Fide & in Verbo Regio Nos & Haeredes nostros Regnum Patrias & Dominia & Bona nostra praesentia & futura, singulos Subditos nostros, ac eorum Bona ubicunque reperta fuerint,
Renunciantes in hac parte omni Privilegio, Cautelae, Juris Beneficio, Exceptioni non numeratae Pecuniae, & aliis Exceptionibus atque Defensionibus quibuscunque.
Et, ad omnium & singulorum Praemissorum securiorem Observantiam, Obligamus Nos, sub Poenis Camerae Apostolicae & per Obligationem de nisi,
Et ultra ac citra praemissa Rescriptum Apostolicum, Sigillo plumbeo munitum, Sumptu & Expensis nostris, impetrabimus & obtinebimus, ipsique Serenissimo Regi Angliae vel ejus Haeredibus, infra Decem & Octo Menses Datam Praesentium proximè sequentes, Deliberabimus Deliberarive realiter faciemus, quo omnia & singula Praemissa Sedis Apostolicae Auctoritate confirmabuntur, appositis Poenis Interdicti in Regnum Patrias & Dominia nostra antedicta, atque Excommunicationis in
Personam nostram, si & quatinus omnia & singula Praemissa, quantum Nos concernunt, ut praefertur, minimè conservaverimus & impleverimus.
In quorum omnium & singulorum Praemissorum Fidem & Testimonium hiis praesentibus Litteris nostris Patentibus, Manu nostrâ subscriptis, Sigillum nostrum Magnum fecimus apponi.
Dat. Parisius, Die Decimaquarta Mensis Julii, Anno Domini Millesimo, Quadringentesimo, Nonagesimo, Octavo, & Regni nostri Primo.
Per Regem,
Dominis Cardinalibus Gurciae ac Remensi Duce de Nemours, nobis Archiepiscopis Rothomagen. & Bituricensi, Comite de Linei, Episcopis Parisiensi & Tricensi, Dominis de Guye Marescallo Franciae, du Bouchage, & aliis Praesentibus.
Nulli ergo omnino Hominum liceat hanc Paginam nostrae Approbationis, Confirmationis, Communitionis, Mandati, Decreti & Suppositionis infringere vel ei ausu temerario contra ire; siquis autem hoc attemptare praesumpserit, Indignationem Omnipotentis Dei ac beatorum Petri & Pauli Apostolorum ejus se noverit incursurum.
Dat. Romae apud Sanctum Petrum, Anno Incarnationis Dominicae Millesimo, Quingentesimo, Pridie Id. Junii, Pontificatûs nostri Anno Octavo.
Jo. Mutinen.
Super Plicam,
P. Tuba.
Sub plumbeo Sigillo pendente a filis sericis rubei, flavique Color. |
