Close Rolls, February 1229

Close Rolls, February 1229

Pro Radulfo filio Reginaldi.—Rex vicecomiti Norh' salutem. Supplicavit nobis dilectus et fidelis noster Radulfus filius Reginaldi ut quandam viam, que jacet inter duo tofta in Pokbrok ad grave nocumentum suum, licite divertere posset versus orientalem partem toftorum predictorum, asserens hoc non esse ad dampnum vel nocumentum ville predicte vel parcium vicinarum. Et ideo tibi precipimus quod assumtis tecum probis et legalibus hominibus de comitatu tuo, in propria persona tua accedas ad dictum locum et videas diligenter utrum predicta via sit ad manifestum dampnum et nocumentum ville ejusdem et parcium vicinarum diverti possit (sic), sicut predictum est; et tunc licenciam ei concedas ex parte nostra ipsam ita divertendi. Teste rege apud Wauth', iij die Februarii.

Pro Ricardo de Belhus de perdonatione j marce.—H. Dei gratia etc. vicecomiti Norf' etc. Scias quod perdonavimus Ricardo de Belhus' unam marcam unde amerciatus fuit coram justiciariis nostris ultimo itinerantibus in comitatu tuo, eo quod non venit coram eisdem justiciariis ad communem summonitionem in itinere eorum factam. Et ideo tibi precipimus quod ipsum Ricardum de predicta marca pacem habere permittas. Teste etc.

Pro monialibus de Cestrehunt'.—H. etc. vicecomiti Surr' etc. Precipimus tibi quod permittas moniales de Cestrehunt' pacifice tenere unam virgatam terre cum pertinentiis in Feltham, quam habent de dono Willelmi de Ripar', et quam dilectus et fidelis noster H. de Burgo, comes Kancie, justiciarius noster, per cartam suam eis confirmavit, villa illa existente in manu sua; quam quidem ut dicunt cepisti in manum nostram occasione manerii de Keneton', in manu nostra existentis. Teste me ipso etc.

Pro Nicholao de Molis.—Rex custodibus episcopatus Eliensis salutem. Mandamus vobis quod habere faciatis dilecto et fideli nostro Nicholao de Molis sex fagos ad maeremium in parco de Hathfeld' de dono nostro. Teste ut supra.

Pro Hugone de Barentin'.—Mandatum est baronibus de Scaccario quod liberationem unius denarii quam Hugo de Barentin' percipere solebat singulis diebus per manum vicecomitis Canteb', et liberationem unius denarii quam idem Hugo percipere solebat singulis diebus per manus ballivorum nostrorum Waling', ei habere faciant sicut percipere consuevit, non obstante prohibicione quam fecimus ne amplius liberationem illam perciperet. Teste ut supra.

Pro Warino de Jernem'.—Dominus rex de quatuor li. quas Simon filius Ricardi solebat singulis annis reddere Waleranno de Bigar, Normanno, pro una carucata terre cum pertinentiis in Bucgeton' quamdiu idem Walerannus permansit in fide et obsequio regis, et quas justiciarii qui ultimo itineraverunt in comitatu Suff' ceperunt in manum domini regis, concessit Warino de Jernem' percipiendas per annum, sicut predictus Walerannus eas percipere consuevit, quamdiu domino regi placuerit. Et mandatum est vicecomiti Norf' quod predictas iiij li. annuas ei habere faciat, sicut predictum est. Teste rege apud Westmouasterium, iiij die Februarii, anno etc. xiij°.

Hibernia. Pro Hugone de Tywe.—Rex Ricardo de Burgo, justiciario Hybernie, salutem. Sciatis quod tenemur Hugoni de Tywe in annuo feodo decem librarum quas ei concessimus ad se sustentandum in servicio nostro donec ei providerimus in terra aliqua vel excaeta ad valenciam ejusdem feodi. Et ideo vobis mandamus quod, cum idem Hugo tam domino J. regi, patri nostro, quam nobis bene et fideliter servierit, ipsum penes vos in servicio nostro retineatis, et predictum feodum decem librarum de denariis nostris ad Scaccarium nostrum Dublin' ei habere faciatis; videlicet, ad Scaccarium Pasche centum solidos et ad Scaccarium Sancti Michaelis centum solidos, donec per consilium vestrum in escaeta vel aliter in terra de Cunnoc, cum melius assecurata et assisa fuerit, ei providerimus, sicut predictum est. Teste ut supra.

Pro Radulfo Gernun de escapio cujusdam mulieris.—Rex vicecomiti Dereby salutem. Precipimus tibi quod de escapio Agnetis de Baukewell' quam ballivi Radulfi Gernun ceperunt pro latrocinio, et que evasit a prisona ipsius Radulfi, pacem ei habere permittas usque ad proximum adventum justiciariorum nostrorum in partes illas, ut per eosdem discernatur ad quem escapium illud de jure pertineat. Et habeas ibi hoc breve. Teste rege apud Westmonasterium, vj die Februarii.

Pro Matheo filio Hereberti de perdonatione.—Rex baronibus de Scaccario. Sciatis quod perdonavimus Matheo filio Hereberti demandam quam ei faciatis de proficuo comitatus Susex', quod ab eo exigitis de tempore quo fuit vicecomes Susex'. Et ideo vobis mandamus quod sic fieri et inrotulari faciatis. Teste ut supra.

Pro Thoma de Dammartin'.—Dominus rex perdonavit Thome de Dammartin' scutagium suum de duabus partibus feodi j militis quod tenet in capite de honore Bolonie; videlicet, de scuto ij m. pro exercitu de Kery. Et mandatum est vicecomiti Essex' quod eidem Thome de predicto scutagio pacem habere permittat. Teste rege apud Westmonasterium, viij die Februarii.

Pro Randulfo de Hurle.—Dominus rex perdonavit Randulfo de Hurle catalla et instaura que idem Rannulfus recepit cum quadam terra quam habuit de ballio J. regis in manerio de Norton'; que quidem catalla et instaura dominus rex ab eo exegit de tempore predicti regis, J. patris sui. Et mandatum est vicecomiti Sumerset' quod de demanda predictorum catallorum et instaurorum eidem Rannulfo pacem habere permittat. Teste ut supra.

De amovendis servientibus qui vocantur Gritserjanz.—Mandatum est vicecomiti Staff' quod servientes domini regis de comitatu suo qui dicuntur Gritserjant, amoveri faciat, ita quod decetero nullus talis serviens in comitatu suo [sit] donec rex aliud inde preceperit. Teste ut supra.

De admittendis servientibus in castro Bristoll'.—Rex R. de Wiliton', constabulario Bristolli, salutem. Mittimus ad vos Radulfum Blundum, Petrum Blundum, Henricum de Capella et Willelmum filium Warini, servientes nostros, moraturos vobiscum in castro nostro Bristolli. Et ideo vobis mandamus quod eos ad hoc admittatis. Teste ut supra.

De feria Leic' mutata.—Dominus rex concessit per cartam suam probis hominibus Leic' quod feria illa que singulis annis teneri solet apud Leic' per xv dies; videlicet, in vigilia et in die et in crastino Beati Petri ad Vincula, et per xij dies proximo sequentes, decetero teneatur ibidem per totidem dies; videlicet, in crastino Purificationis Beate Marie et per xiij dies proximo sequentes, nisi feria illa sit ad nocumentum etc. Et mandatum est [vicecomiti] Leic' quod predictam cartam in pleno comitatu suo legi, et predictam feriam per totam ballivam snam clamari faciat et teneri, sicut predictum est. Teste ut supra.
Et mandatum est custodibus nundinarum Stamford', Sancti Botulfi, et Sancti Ivonis quod in feriis suis predictam feriam clamari faciant. Teste ut supra.

De feria tenenda annuatim extra Turrim Lond'.—Rex vicecomiti Linc' salutem. Scias quod volumus quod una feria decetero teneatur singulis annis apud Estsmethefeld' extra Turrim nostram Lond' per xv dies; videlicet, a vigilia Pentecostes usque ad octabas Sancte Trinitatis. Et ideo tibi precipimus quod predictam feriam per totam bailliam tuam clamari facias, sicut predictum est, scire faciens omnibus mercatoribus baillie tue quod secure ad feriam illam veniant. Teste ut supra.
Eodem modo scribitur vicecomitibus Glouc', Kancie, Wigornie, Eboraci, Norf' et Suff', Norhamt', majori et vicecomitibus Lond'.

[m. 15.]

Pro Roberto de Tatteshal'.—Dominus rex concessit Roberto de Tatteshal' scutagium suum de feodo unius militis quod tenet de R. Dunholmensi episcopo et idem episcopus de rege in capite; videlicet, de scuto ij m. pro exercitu de Kery. Et mandatum est vicecomiti Linc' quod tam ipsum Robertum quam predictum episcopum de scutagio illo pacem habere permittat. Teste rege apud Westmonasterium, xiij die Februarii.

De ponenda loquela in respectum.—Mandatum est vicecomiti Norf' quod loquelam que est in comitatu suo per breve de recto inter Willelmum de Strumeshal' petentem, et Reginaldum de Meuton', qui profectus est ad Curiam Romanam, tenentem, de xviij acras terre in Birningeh', ponat in respectum usque ad proximum comitatum suum post festum Sancte Trinitatis, anno etc. xiij°. Teste ut supra.

Pro Maria uxore Johannis le Cincter.—Mandatum est vicecomiti War' quod plenam saisinam habere faciat Marie uxori Johannis filii Johannis le Cincter de una virgata terre in Sturton', que est maritagium ipsius Marie, sicut per inquisitionem inde factam accepit rex, et quam in manum suam idem rex capi precepit, similiter cum terra que fuit ipsius Johannis de hereditate sua, occasione fuge quam fecit pro morte Walteri filii Fulconis quem interfecit. Teste rege apud Westmonasterium, xij die Februarii.

Pro abbate Sancti Albani.—Mandatum est vicecomiti Hertford' quod de baronia abbatis Sancti Albani et libertatibus suis quas cepit in manum domini regis, talem saisinam ei habere faciat qualem inde habuit antequam capte fuerunt in manum nostram per preceptum domini regis. Teste ut supra.

Pro Johanne comite Huntindon'.—Mandatum est vicecomiti Huntind' quod de terris J. comitis Huntindon' in baillia sua, quas cepit in manum domini regis, talem saisinam ei habere faciat qualem inde habuit antequam capte fuerunt in manum domini regis. Teste ut supra.
Eodem modo scribitur vicecomiti Norhamt' de terris ipsius in baillia sua.

De damis datis.—Mandatum est Johanni de Monem' quod habere faciat comiti W. Marescallo xx damas in foresta de Clarendon' ad parcum suum de Hamsted' instaurandum. Teste ut supra.

Pro comite Marescallo.—Dominus rex concessit eidem comiti scutagium suum de feodo unius militis quod tenet de episcopo Wintoniensi et idem episcopus de rege in capite. Et mandatum est vicecomiti Suhamt' quod tam ipsum comitem quam ipsum episcopum de scutagio illo pacem habere permittat. Teste ut supra.

Pro Henrico filio Geroldi.—Dominus rex concessit per cartam suam Henrico filio Geroldi quod ipse et heredes sui habeant imperpetuum unum mercatum apud manerium suum de Camelton' in loco qui vocatur Shipford', singulis septimanis per diem Veneris, nisi etc. Et mandatum est vicecomiti Bedef' quod predictam cartam in pleno comitatu suo legi, et predictum mercatum clamari faciat et teneri, sicut predictum est. Teste ut supra.

Pro S. de Malo Leone de bobus de saisina.—Rex vicecomiti Suhamt' salutem. Constat nobis per inquisicionem, quam nobis misisti, quod temporibus H. regis, avi nostri, et R. regis, avunculi nostri, et domini J. regis, patris nostri, nunquam vicecomites Suhamt' boves ceperunt pro dissaisina in Insula de Wict' in itinere justiciariorum ad opus ipsorum regum, set ad opus comitis de Insula semper capi consueverunt, et quod nunquam temporibus predictorum regum in predicta insula coronatores exstiterunt. Et ideo tibi precipimus quod si quos boves cepisti pro dissaisina in predicta insula, eos dilecto et fideli nostro S. de Malo Leone. cui custodiam ejusdem insule commisimus, sine dilatione reddi facias; et coronatores ibidem esse non permittas. Teste ut supra.

Pro Rogero de Quency.—Mandatum est vicecomiti Oxonie quod, non obstante mandato domini regis ei facto de terra Rogeri de Quency in balliva sua capienda in manum domini regis, plenam sine dilatione eidem Rogero de predicta terra saisinam habere faciat. Et si quid inde ceperis (sic), id ei sine dilatione reddi facias. Teste ut supra.
Eodem modo scribitur vicecomiti Cumbrie.

De furchis datis.—Mandatum est Johanni de Monem' quod habere faciat Ricardo filio Henrici filii Aucheri, duas furchas in Nova Foresta ad se hospitandum, de dono domini regis. Teste rege apud Westmonasterium, xv die Februarii.

De prisis allecis non capienda (sic).—Rex constabulario Novi Castri super Tinam salutem. Scias quod protestatum est coram nobis a dilectis et fidelibus nostris Willelmo de Insula et Willelmo de Eboraco, qui fuerunt justiciarii nostri itinerantes in partibus Norhumberl', quod prisa allecis que capi consuevit de batellis et navibus venientibus cum allece apud Novum Castrum, videlicet de quolibet batello et nave centum allecia, in nullo cedit ad commodum ad opus nostrum (sic), nec pertinet ad custodiam predicti castri nostri. Et ideo tibi precipimus quod hujusmodi prisam ibidem decetero non capias nec capi permittas. Teste ut supra.

Pro Rogero de Leiburn.—Rex Hamoni de Heref', Judeo, salutem. Scias quod lxxiij li. et x s. quos Rogerus de Leiburn' tibi debet per plegium Johannis de Baalun et Pagani de Burghull', concessimus ei quod reddat tibi infra duos annos; videlicet, ad Pascha proximo futurum anno etc. xiij°, xx li. et ad festum Sancti Michaelis proximo sequens xviij li. et viij s. et ad Pascha proximo sequens anno etc. xiiij°, xiij li. et viij s. et ad festum Sancti Michaelis proximo sequens xiij li. et viij s. et ad Pascha proximo sequens anno etc. xv°, xiij li. et viij s. Ita quod decetero nullum lucrum de predicta pecunia capias quamdiu predictus Rogerus terminos predictos servaverit. Et ideo tibi precipimus quod de predicta peccunia tibi reddenda ipsi Rogero terminos memoratos habere facias, sicut predictum est. Teste rege apud Westmonasterium, xv die Februarii.

Pro priore de Bromholm'.—Dominus rex concessit per cartam suam priori et monachis Sancti Andree de Bromholm' quod ipsi et successores eorum habeant et teneant imperpetuum singulis annis unam feriam apud Bromholm', duraturam per tres dies, videlicet in die Exaltationis Sancte Crucis et per duos dies proximo sequentes; et quod habeant ibidem unum mercatum singulis septimanis per diem Lune, nisi etc. Et mandatum est vicecomiti Norf' quod predictum cartam in pleno comitatu suo legi, et predictam feriam et predictum mercatum per totam ballivam suam clamari faciat et teneri, sicut predictum est. Teste ut supra.

De binis denariis capiendis apud Sandwic' de singulis doliis vini.— Rex majori et juratis et commune Burdegale salutem. Sciatis quod ad instantiam dilectorum et fidelium nostrorum H. de Trublevill', seneschalli nostri Wasconie, et Bernardi de Acr' et Bonefacii Byger, concivium vestrorum, precepimus quod de singulis doliis vini venientibus ad portum de Sandwic', de quibus capi consueverunt quatuor denarii, decetero tantum duo capiantur. Injunximus etiam omnibus ballivis nostris, tam partium illarum quam aliarum, quod venientibus vobis in terram nostram nullum impedimentum vel gravamen inferant. Immo vos tanquam fidelissimos homines nostros quos merito habemus plurimum commendatos, custodiant et defendant et cum omni mansuetudine et benignitate tractent. Hoc igitur fidelitati vestre duximus significandum. Teste rege apud Mortelak', xv die Februarii.
Eodem modo scribitur majori et juratis et commune Baione, hoc excepto, "ad instantiam etc."

Rex vicecomiti Salopie salutem. Scias quod de tallagio ultimo assiso per preceptum nostrum in villa de Brug' ad opus nostrum, perdonavimus hominibus ejusdem ville decem marcas. Et ideo tibi precipimus quod predictum tallagium sic amensurari facias, ita quod pauperes homines nimis non graventur. Teste rege apud Westmonasterium, xvij die Februarii.

Pro Johanne filio Galfridi de Depeden' et Waleden'.—Rex Hugoni de Bibbeswrth', Humfrido de la Rokel', Myloni de Sumery et Ernaldo de Sumery salutem. Quia executores testamenti S. quondam Cantuariensis archiepiscopi non debent percipere de maneriis de Waleden' et Diepeden' nisi centum libras per annum ad executionem testamenti ipsius archiepis copi, sicut ipse archiepiscopus in vita sua percipere consuevit, vobis mandamus quod salva eisdem executoribus portione quam percipiunt de manerio de Depeden' ad predictas centum libras perficiendas una cum manerio de Waleden', de omnibus exitibus provenientibus de predicto manerio de Depeden' ultra portionem predictam, Johanni filio Galfridi sitis intendentes et respondentes, sicut fuistis in vita predicti archiepiscopi per preceptum nostrum. Teste rege apud Westmonasterium, xiij die Februarii.

Pro Henrico de Trublevill'.—Rex baronibus de Scaccario salutem. Sciatis quod perdonavimus dilecto et fideli nostro H. de Trublevill', qui habet terram et honorem de Breilles de dono nostro, trescentas et quinquaginta et septem libras, decem et novem solidos et quatuor denarios et duos palefredos, qui exigebantur ad Scaccarium nostrum de H. filio Comitis, de fine quem fecit cum domino J. rege patre nostro pro predicta terra et honore de Breilles, salvo nobis debito quod plegii ipsius H. filii Comitis nobis debent pro eodem Henrico de predicto fine. Perdonavimus eciam eidem H. de Trublevill' xl m. que exigebantur ad Scaccarium nostrum de eodem Henrico filio Comitis de prestito Pyctavie tempore ipsius patris nostri, et xl m. et vi s. et viij d. qui exigebantur de eodem H. filio Comitis ad Scaccarium nostrum de primo scutagio nostro; et quater viginti et duas marcas que exigebantur ad Scaccarium nostrum de eodem H. filio Comitis de feodis Reginaldi de Moun, que fuerunt in custodia ipsius Henrici filii Comitis; et xx li. et x s. qui exigebantur de eodem Henrico filio Comitis ad Scaccarium nostrum de scutagio nostro de Biham. Et ideo vobis mandamus quod predictum H. de Trublevill' de denariis predictis quietum esse faciatis. Teste me ipso apud Westmonasterium, xiij die Februarii.

Pro hominibus Salopie de perdonacione.—Rex vicecomiti Salopie salutem. Scias quod de tailliagio ccc marcarum ultimo assiso in villa nostra Salopie, perdonavimus probis hominibus nostris ejusdem ville centum marcas. Et de centum marcas quas nobis reddere debuerunt ad hoc instans Pascha anno regni nostri xiij de eodem tailliagio, concessimus eis quod reddant nobis ad eundem terminum quinquaginta marcas, et ad festum Sancti Michaelis proximo sequens quinquaginta marcas. Et ideo tibi precipimus quod primas predictas centum marcas de cetero ab eis non exigas, et de residuis centum marcis terminos predictos eos habere permittas. Teste me ipso apud Westmonasterium, xiij die Februarii, anno regni nostri xiij, per Radulfum filium Nicholai.

Pro Henrico de Trublevill'.—Rex baronibus suis de Scaccario salutem. Sciatis quod perdonavimus dilecto et fideli nostro H. de Trublevill', qui habet custodiam filii et heredis Willelmi filii Martini de dono nostro, xxx m. que exigebantur de eodem Willelmo per cartam ad Scaccarium nostrum; et xv m. que exigebantur de eodem Willelmo sine carta ad Scaccarium nostrum; et xvj li. que exigebantur ad Scaccarium nostrum de predicto Henrico de firma de Westal' de anno regni nostri quinto, qui predictam villam de Westal' habuit in custodia de baillio nostro. Et ideo vobis mandamus quod ipsum Henricum de denariis predictis quietum esse faciatis. Teste me ipso apud Westmonasterium, xiij die Februarii.

Pro hominibus Oxonie.—Rex justiciariis suis ad custodiam Judeorum assignatis salutem. Sciatis quod concessimus et carta nostra confirmavimus burgensibus nostris Oxonie quod ipsi et heredes sui in perpetuum habeant et teneant quandam domum cum pertinentiis in Oxonia que fuit Mossei filii Isaac, Judei, et que propinqua est inter domum que fuit Ade Vineter et domum Davyd Judei, ad placita nostra in domo predicta tenenda, salvo dominis feodi redditu suo annuo quantum ad eos pertinet. Et ideo vobis mandamus quod predictam concessionem nostram teneri et inrotulari faciatis. Teste me ipso apud Westmonasterium, xiij die Februarii.

Pro priore de Mereton'.—Mandatum est baillivis de Windlesor' quod demandam quam facit (sic) priori de Mereton' de tallagio hominum suorum de Windlesor', ponat in respectum usque in xv dies post Pascha anno etc. xiij°, de quo quidem tallagio predictus prior dicit se debere quietum esse per libertates quas habet, ut ad predictum terminum inquiratur ad Scaccarium domini regis utrum de predicto tallagio quietus esse debeat vel non. Teste ut supra.

Pro Nicholao de Molis.—Mandatum est custodibus episcopatus Elyensis quod habere faciant Nicholao de Molis quatuor quercus (fn. 1) ad maeremium in parco de Hatfeld' de dono regis. Teste ut supra.

De recipiendis denariis quos Lewelinus debet domino regi.—Mandatum est Johanni filio Alani quod ducentas sexaginta duodecim marcas et dimidiam quas L. princeps Norwallie tenetur domino regi reddere apud Album Monasterium prima die Dominica instantis Quadragesime, recipiat ad opus domini regis et eas liberet Henrico de Aldithel', cui dominus rex mandavit quod de eisdem denariis liberet Willelmo filio Warini centum marcas quas dominus rex dedit H. de Burgo justiciario in auxilium castri de Muntgomery claudendi; et quindecim libras de eisdem denariis liberet hominibus de Muntgomery pro hominibus de Mungomery interfectis a Walensibus; et omnes residuos denarios salvo custodiat ad opus domini regis, donec dominus rex aliud inde preceperit. Teste ut supra.

Pro Cecilia que fuit uxor Hugonis Peverel de Samford'.—Mandatum est vicecomiti Sumerset' quod de manerio de Taleton', quod fuit Hugonis Peverel de Samford', saisinam habere faciat Cecilie, que fuit uxor ipsius Hugonis, ad sustentationem suam donec filius et heres ipsius Hugonis ad regem venerit et ei fecerit quod de jure facere debeat, et idem heres prefate matri sue rationabilem dotem suam secundum consuetudinem terre assignaverit. Teste rege apud Croinden', xxiij die Februarii.

Pro Petro filio Hereberti.—Quia protestatum est coram rege quod Petrus filius Hereberti habuit milites suos cum domino J. rege in ultimo itinere suo in Pictavia, mandatum est baronibus de Scaccario quod de sex marcis que ab eodem Petro exiguntur per summonitionem Scaccarii de scutagio predicti itineris, ipsum Petrum quietum esse faciant. Teste ut supra.

Pro Eustachio de Ludeham.—Dominus rex de debitis que Eustachius de Ludeham ei debet de tempore quo fuit vicecomes Eboraci, et que ab eo exiguntur per summonitionem Scaccarii, perdonavit eidem Eustachio xv li. v s. et xj d. Et mandatur baronibus de Scaccario quod ipsum inde quietum esse faciant.

Pro Radulfo filio Nicholai.—Rex perdonavit Radulfo filio Nicholai scutagium suum de feodis quinque militum que habet de rege in custodia de terra que fuit Willelmi le Butiller de feodo Margarete de Riveres in Culing'; videlicet, de scuto duas marcas pro exercitu de Kery in quo fuit per preceptum regis. Et mandatum est vicecomiti Kancie quod tam eidem Radulfo quam predicte Margarete de predicto scutagio pacem habere permittat. Teste ut supra.

Pro Stephano de Mesnil.—Rex perdonavit Stephano de Mesnil scutagium quod ab eo exigitur ad opus regis de feodis v militum que tenet de archiepiscopatu Cantuariensi, ratione ejusdem archiepiscopatus vacantis etc.; scilicet, de scuto ij m. pro exercitu de Kery. Et mandatum est Bertram de Crioil etc. quod eidem Stephano pacem inde habere permittant. Teste ut supra.
Eodem modo scribitur vicecomiti Eboraci pro eodem Stephano.

[m. 14.]

Pro W. Carleolensi episcopo.—Dominus rex concessit W. Carleolensi episcopo custodiam unius carucate terre cum pertinentiis quam Bartholomeus Drasebac, qui nuper obiit, tenuit de episcopatu Londoniensi in Stubbehee, et custodiam heredis ipsius Bartholomei, que quidem ad regem pertinent racione episcopatus Londoniensis vacantis etc. Et mandatum est magistro Henrico de Bissopeston', custodi ejusdem episcopatus, quod de predicta terra simul cum predicto herede predicto episcopo saisinam habere faciat, sicut predictum est. Teste rege apud Mortelak', xxj die Februarii.

Pro quodam mercatore de Beverlaco—Rex baillivis Suhamt' salutem. Accedens ad nos Willelmus de Beverlaco nobis ostendit quod habuit decem dolia vini in navi illa que arestata fuit in villa Suhamt' occasione mortis Elye Viger. Et ideo vobis mandamus quod si ipse Willelmus invenerit nobis sufficientes plegios de reddendo precio vinorum illorum ad summonicionem nostram, predicta decem dolia vini ipsi Willelmo liberari faciatis, nisi aliquis alius ostendere possit quod majus jus habeat in vinis illis. Teste J. Bathoniensi episcopo, apud Westmonasterium, xxvij die Februarii.