Close Rolls, December 1257

Close Rolls, December 1257

Pro Roberto de Hilton'.—Rex cepit homagium Roberti de Hylton', qui duxit in uxorem Johannam filiam et unam heredum Willelmi Briton', qui de rege tenuit in capite, et rex reddidit ei porcionem predictam Johannam hereditarie contingentem de terris et tenementis que fuerunt predicti Willelmi, quam capi precepit rex in manum suam donec idem Robertus ad regem venisset et homagium inde regi fecisset: et mandatum est escaetori in comitatu Essex quod eisdem Roberto et Johanne de predicta porcione plenam seisinam habere faciat. Teste rege apud Westmonasterium primo die Decembris.

De damis datis.—Mandatum est custodi foreste de Savernak quod in predicta foresta faciat habere Mathie Besyle sex damas de dono regis. Teste ut supra.

De ponendo per ballium.—Thomas de la Hele, captus et detentus in prisona regis Sarr' pro morte Johannis Colstan unde rettatus est, habet breve vicecomiti Wiltes' quod ponatur per ballium. Teste rege apud Westmonasterium iiij. die Decembris.

De operacionibus apud Merton'.—Mandatum est magistro Johanni cementario regis quod caminum in camera regis prioratus de Merton' et caminum in garderoba regis ibidem et similiter caminum in camera cancellarie regis in prioratu predicto reparari faciat et emendari reparacione qua indigent: et custum ad hoc appositum rex faciet ei allocari in exitibus operacionum de Westmonasterio. Teste ut supra.

De providencia ad opus regis.—Quia pro reformacione status A. regis Scocie et regine rex proficisci proponit in proximo versus partes Scocie ad commodum et honorem ipsius regis, mandatum est vicecomiti Ebor' quod cum omni festinacione provideat regi in balliva sua de vinis usque ad c. dolia vini et de mille quarteriis frumenti et avene, ita quod ea prompta habeat liberanda servientibus regis quos rex missurus est ad partes predictas contra adventum suum ibidem: et, cum rex sciverit custum quod ad hoc posuerit, illud ei faciet allocari. Teste rege apud Westmonasterium v. die Decembris.
Eodem modo mandatum est vicecomiti Norhumbr' de cc. doliis vini et de mille quarteriis frumenti et avene.
Et vicecomiti Cumberl' de quingentis quarteriis frumenti et avene; et cum rex sciverit custum etc. Teste ut supra.

De catallis deliberandis.—Cum Theobaldus de Colinggeburn, Willelmus Hare et Petrus de Colinggeburn, homines Willelmi de Valenc' fratris regis, qui nuper capti fuerunt et in prisona detenti pro recto latrocinii, replegiati sint, ut dicitur, et a prisona deliberati per breve regis, et ipsi, ex quo non sunt convicti, non debent catalla sua propter hoc amittere, mandatum est vicecomiti Wyltes' quod catalla sua predicta occasione arrestata predictis hominibus replegiari faciat. Teste ut supra.

Pro abbate Glaston'.—Cum Rogerus abbas Glaston', quem rex pro negociis suis misit ad curiam Romanam, nuper commodum suum fecerit de quater viginti quercubus bosci sui de Brinton' infra forestam regis de Cedr' et Menedep' pro negociis domus sue, mandatum est justiciariis regis itinerantibus ad placita foreste in comitatu Somers' quod ipsum abbatem vel homines suos occasione predictarum quercuum non gravent nec occasionent; provisuri quod idem abbas vel sui non ponantur propter hoc in defaltam nec in aliquo sint perdentes. Teste ut supra.

De lampredis cariandis.—Mandatum est ballivis regis Glouc' quod omnes lampredas et salmones, quos Mathias Bezill, constabularius Glouc', capi fecit in gurgitibus regis que sunt in custodia sua et eis per preceptum regis liberabit, cariari faciant ad regem et reginam particulatim prout eos capi contigerit; et hoc non omittant: et, cum rex sciverit custum quod ad hoc posuerint, rex illud eis faciet allocari.

De damis datis.—Mandatum est Ricardo de Munfichet, custodi foreste regis Essex', quod loco duorum damorum quos rex nuper dedit W. Taylard', sacriste Westmonasterii, et quos nondum habuit, ut dicit, faciat habere eidem sacriste iij. damas in foresta predicta de dono regis. Teste rege apud Westmonasterium vij. die Decembris.

Pro Radulfo de Querenden.—Quia constat regi per inspeccionem rotulorum de serjanciis arentatis quod Radulfus de Querenden finem fecit cum rege pro se et Simone de Neuvyle, Simone Avenel et Johanne filio Ricardi ad reddendum regi xxjs. per annum et ad faciendum regi servicium octave partis feodi unius militis pro lx^a. solidatis terre quam predicti Radulfus, Simon, Simon et Johannes tenent de serjancya Thome de Argentem in Cleydon', mandatum est vicecomiti Buk' quod, si predictus Radulfus non habeat seisinam suam de terra quod tenere debet de serjancya predicta et de serviciis predictorum Simonis, Simonis et Johannis, tunc eidem Radulfo plenam inde seisinam habere faciat, faciendo regi predicta servicia pro eadem terra, nisi jus suum alicui alteri dimiserit. Teste ut supra. Per Henricum de Bathonia et Philippum Lovel'.

De roba data.—Mandatum est Ricardo de Ewell' et Hugoni de Turri quod magistro Laurencio de Somerkot' clerico regis faciant habere robam integram de instanti termino Natalis Domini, videlicet tunicam, supertunicam et pallium cum pellura sibi competente, de dono regis. Teste rege apud Westmonasterium vij. die Decembris.
Mandatum est eisdem quod fratri Hamoni converso de Hayles faciant habere tunicam, capam et pallium sicut anno precedente habuit de dono regis. Teste ut supra.

Pro leprosis de Sterebrug'.—Mandatum est Johanni Waleraund, custodi episcopatus Eliensis, quod xx. solidos, quos leprosi Beate Marie Magdalene de Steresbregg' temporibus episcoporum Eliensium percipere consueverunt singulis annis de elemosina sua constituta, eisdem leprosis sine dilacione solvi faciat una cum arreragiis predictorum xx. solidorum. Et rex predictum redditum una cum arreragiis ei faciet allocari. Teste rege apud Westmonasterium ix. die Decembris.

Mandatum est Ricardo de Ewell' et Hugoni de Turri, captoribus garderobe regis, quod faciant habere de garderoba regis Petro de Nevill' robam suam de instanti termino Natalis Domini sicut aliis annis habere consuevit. Teste ut supra.

Pro Willelmo de Horsenden'.—Quia Willelmus de Horseden' fuit cum Willelmo de Wylton in servicio E. filii regis in Hibernia per preceptum regis tempore quo Willelmus le Breton et socii sui itineraverunt ad placita foreste in comitatu Wiltes', ita quod tunc interesse non potuit coram eis ad respondendum de attachiamentis foreste regis de Clarendon' de tempore quo fuit ballivus regis ejusdem foreste, mandatum est eisdem justiciariis quod si terras ejusdem Willelmi capi fecerint in manum regis, pro eo quod non fuit coram eis tempore predicto, tunc terras illas ei sine dilacione restituant, et, si ipsum ea occasione ammerciaverint, ammerciamentum illud remittant, salvo regi ammerciamento si pro alia transgressione ad aliquod coram eis fuit ammerciatus. Teste ut supra.

De roba data.—Mandatum est Ricardo de Ewell' et Hugoni de Turri quod faciant habere Petro de Nevile robam suam de instanti termino Natalis Domini sicut aliis annis habere consuevit. Teste ut supra.

De falconibus mittendis ad regem.—Mandatum est Roberto filio Nicholai quod falcones ardearios et leporarios qui fuerunt Radulfi filii Nicholai patris sui liberet Radulfo de Erlham deferendos ad regem. Teste ut supra.

Pro exequtoribus Radulfi filii Nicholai.—Mandatum est baronibus de Scaccario quod, si exequtores Radulfi filii Nicholai sufficientem eis prestiterint securitatem de reddendis regi debitis in quibus predictus Radulfus regi tenebatur, tunc permittant predictos exequtores habere liberam administracionem de omnibus bonis et catallis et wardis que fuerunt ipsius Radulfi ad exequcionem testamenti sui inde faciendam. Teste ut supra.

De roboribus datis.—Mandatum est constabulario de Sancto Briavello quod in foresta de Den' faciat habere Mathie Bezill vj. vetera robora cum escaetis de dono regis. Teste ut supra.

De robis datis.—Mandatum est Ricardo de Ewell' et Hugoni de Turri quod Benedicto de Anagnia et Petro de Verol', nunciis domini Pape, faciant habere duas robas sibi competentes de dono regis. Teste ut supra.

Pro rege Alemannie.—Quia rex Alemannie, frater regis, clamat catalla suspensorum in villa de Wylton' ad se pertinere et alias catalla hujusmodi optinuerit ibidem de gracia regis, mandatum est baronibus de Scaccario quod catalla Willelmi Isemberd' de Wylton', qui nuper suspensus fuit apud London' pro felonia quam fecit, eidem fratri regis habere faciant sicut ea habere consuevit, de gracia regis. Teste rege apud Westmonasterium xij. die Decembris anne regni etc. xlij.

De roba data.—Mandatum est Ricardo de Ewell' et Hugoni de Turri quod Willelmo de Malverne, clerico, faciant habere unam robam sibi competentem de dono regis.
Mandatum est eisdem quod Fortunato de Luk', militi, faciant habere unam robam cum furrura de cuniculis pro quadam roba sua quam rex nuper projecit in aquam. Teste ut supra.

Pro Willelmo de Insula.—Quia Petrus de Nevyle, Johannes de Gatesden', Willelmus de Say, Ricardus de Hemmington', Jacobus le Sauvag', Nicholaus de Cogenho, Philippus de Couele, Willelmus de Colevyle, Nicholaus de Lenham, Walterus filius Bernardi, Robertus de Pavylly, Walterus de Hida et Johannes de Nevyle manuceperunt ad habendum Willelmum de Insula, detentum in prisona regis de Flete, coram rege a die Sancti Hillarii in xv. dies ubicumque tunc rex fuerit in Anglia, vel alio die quem rex sibi duxerit prefigendum, ad standum recto super hiis pro quibus in carcere detinetur; mandatum est Philippo Lovel, thesaurario, et ceteris baronibus de Scaccario quod ipsum Willelmum predictis fidejussoribus suis tradi faciant in ballium, sicut predictum est. Teste rege apud Westmonasterium xij. die Decembris. Per regem et consilium suum.

Pro Petronilla de Orewell'.—Mandatum est justiciariis ad custodiam Judeorum assignatis quod per sacramentum proborum et legalium hominum extendi faciant terram Petronille de Orewell', que est vadium Isaak de Sancto Licio, Auncere que fuit uxor Isaak de Cauntebr', Bonenfaunt le Fyz le Mester, Diaye fratris ejus, Doecaic' de Kaleys et Leon' filii Isaak, Judei, videlicet quantum valeat per annum in dominicis, redditibus, vilenagiis et omnibus aliis exitibus terre et, secundum valorem ejusdem terre et quantitatem debiti in quo predictis Judeis tenetur, eidem Petronille racionabilem finem et racionabiles terminos habere faciant. Teste ut supra.

De bissis datis.—Mandatum est Ricardo de Muntfichet, custodi foreste de Essex, quod in eadem foresta faciat habere F. Londoniensi episcopo tres bissas de dono regis. Teste rege apud Westmonasterium xiij. die Decembris.

De denariis solutis in garderoba regis.—Willelmus Kave solvit in garderoba regis die Jovis proxima post festum Sancti Nicholai anno regni regis quadragesimo secundo Petro de Rivallis, custodi ejusdem garderobe, quadraginta solidos; Anketillus de Wikewanum viginti solidos; Alexander de Rovinton unam marcam; Thomas Pary viginti solidos; Radulfus Andreu viginti solidos; homines comitis Warwik' de burgo Warwik' quadraginta solidos; homines Beate Marie de Warwik viginti solidos, et homines prioris Sancti Sepulchri Warwik' viginti solidos, ad quos omnes predicti anno preterito amerciati fuerunt coram Willelmo de Axem', custode mercati regis, pro pluribus transgressionibus; et quieti sunt. Teste rege apud Westmonasterium xiij. die Decembris.

De quietancia prise.—Rex concessit A. Wintoniensi electo quod vj^xx. vj. dolia vini, que emi fecit ad opus suum de Johanne de Gisorc', habeat hac vice quieta de omnimoda prisa regis salva regi debita et antiqua prisa regis: et mandatum est camerariis de London.

Pro episcopo Londoniensi.—Quia testificatum est coram rege quod F. Londoniensis episcopus et predecessores sui semper habere consueverunt decimam venacionis regis capte in foresta regis Essex, mandatum est Ricardo de Muntfichet, senescallo foreste predicte, quod eidem episcopo faciat habere decimam venacionis regis quam decetero capi continget in eadem foresta sicut prius habere consuevit. Teste ut supra.

Pro Nicholao de Caverham. De catallis suis restituendis.— Significavit regi venerabilis pater S. Norwicensis electus per litteras suas patentes quod, cum Nicholaus de Caverham, clericus Norwicensis diocesis, coram justiciariis regis ultimo itinerantibus in comitatu Norf' appellatus esset de morte Girardi de Humeleg', et postea, ab officiali dicti electi a prefatis justiciariis tanquam clericus requisitus et ei liberatus, idem Nicholaus canonica purgacione ei secundum morem ecclesie a dicto officiali indicta innocenciam suam super dicto crimine canonice et legitime purgavit coram officiali supradicto. Et mandatum est vicecomiti Norf' quod terras et catallo dicti Nicholai capta in manum regis occasione predicta eidem Nicholai restitui faciat sine mora. Teste rege apud Westmonasterium xiiij. Decembris.

De panno ad elemosinam regis.—Mandatum est Ricardo de Ewell' et Hugoni de Turri quod faciant habere Johanni capellano, elemosinario regis, pannum ad cl^a. tunicas ad opus pauperum conversorum ad mandatum regis et regine: et pannum ad xxi. tunicas ad opus pauperum ad mandatum liberorum regis inde faciendum contra instans festum Natalis Domini, prout moris est. Teste ut supra.

[m. 13.]

Pro priore de Lewes.—Monstravit regi Willelmus prior de Lewes quod, cum in adventu justiciariorum regis ultimo itinerantium apud Eboracum dictus prioratus vacans esset per cessionem predecessoris sui, iidem justiciarii ignorantes vacacionem illam dictum priorem pro communi summonicione coram eis facta de itinere suo in comitatu predicto ad x. marcas amerciaverunt; et mandatum est baronibus de scaccario quod, si ita est, eundem priorem de predictis x. marcis quietum esse faciant: quia, si dicta domus in adventu predictorum justiciariorum apud Eboracum, sicut predictum est, vacavit, rex easdem x. marcas ei remisit. Teste rege apud Westmonasterium xiiij. die Decembris. Per regem et consilium suum.

De novo milite.—Mandatum est Ricardo de Ewell' et Hugoni de Turri quod Ingramo de Percy, vatletto regis, quem rex faciet militem in hoc festo Natalis Domini, faciant habere honorifice ea que ad miliciam suam pertinent sicut rex aliis specialibus suis invenire consuevit. Teste rege apud Westmonasterium xv. die Decembris.

De roba data.—Mandatum est eisdem quod magistro Rogero de Cantuar', clerico regis, faciant habere robam suam integram videlicet tunicam et supertunicam cum furrura de scurellis et pallium cum penula de bissis contra instans festum Natalis Domini. Teste ut supra.

De vinis capiendis ad opus regis.—Mandatum est Petro de Gisorc', captori vinorum regis, quod sine dilacione capiat ad opus regis apud Suthamp' vel Portesm' viij^xx. dolia vini et ea liberet ballivis regis Suth' carianda ad diversa loca ad muniendum celaria regis locorum illorum, sicut rex eis injunxit. Teste rege apud Westmonasterium xv. die Decembris.

De quietancia prise.—Mandatum est eidem Petro quod duas navatas vini quas Wintoniensis electus duci fecit de Wasconia usque Suth' permittat eidem electo habere quietas de prisa regis salva regi debita prisa sua. Teste etc.

De robis datis.—Mandatum est Ricardo de Ewell' et Hugoni de Turri quod Reymundo Makayn civi Burdegale faciant habere robam competentem sicut uni militum regis contra instans festum Natalis Domini de dono regis. Teste ut supra.
Mandatum est Ricardo de Ewell' et Hugoni de Turri quod magistro Gilberto de Mileriis faciant habere robam suam integram de instanti termino Natalis Domini sicut eam habere consuevit. Teste ut supra.

De damis datis.—Mandatum est Johanni de Eyvill', justiciario foreste regis ultra Trentam, quod in foresta regis de Gautric' faciat habere Willelmo le Latimer sex damas de dono regis. Teste rege apud Westmonasterium xvij. die Decembris anno etc. xlij°.

Rex Willelmo de Valenc' salutem. Quia Willelmum de Insula quondam vicecomitem nostrum Norhamt', captum et detentum in prisona nostra de Flete pro quibusdam transgressionibus ei impositis, tradi fecimus in ballium usque ad quindenam Sancti Hillarii proximo futuram ad standum recto super hiis que ei imponebantur; vobis mandamus quod terras et catalla sua que sunt in manu nostra ei deliberari faciatis donec aliud inde preceperimus. Teste ut supra.
Eodem modo mandatum est F. Londoniensi episcopo et Philippo Basset, custodibus terrarum R. regis Alemannie, de terris et catallis ipsius Willelmi que sunt in manu sua. Teste ut supra. (Both entries cancelled) quia aliter inferius.

De terris episcopatus Eliensis seminandis.—Mandatum est Roberto Walerand, custodi episcopatus Eliensis, quod permittat priorem Eliensem libere et sine aliquo impedimento facere seminare et excolere omnes terras episcopatus Eliensis in manu regis existentis, prout melius viderit expedire, quousque episcopus Eliensis ad regem venerit et de temporalibus ejusdem episcopatus graciam regiam optinuerit, salvis tantum regi interim omnibus proventibus, emolumentis, redditibus et escaetis episcopatus predicti. Teste ut supra.

Pro abbate Glaston'.—Quia Rogerus abbas Glaston' profectus est in nuncium regis ad curiam Romanam propter quod minus plene fecit regi servicium suum in ultimo excercitu regis Wallie, sicut rex intellexit, rex concessit eidem quod totum scutagium de singulis feodis que de ipso abbate tenentur levare possit per ballivos suos et inde per manum suam ad scaccarium regis respondere.

De damis datis.—Mandatum est custodi foreste regis de Fekham quod in eadem foresta faciat habere abbati de Pers' iij. damas de dono regis. Teste rege apud Westmonasterium xv. die Decembris.
Mandatum est Roberto Waler', custodi foreste regis citra Trentam, quod Petro de Monte Forti faciat habere tres bissas et tres damas de dono regis in foresta regis Salop'. Teste ut supra.

Pro Willelmo de Insula.—Quia rex Willelmum de Insula quondam vicecomitem Northampt', captum et detentum in prisona regis de Flete pro quibusdam transgressionibus ei impositis, tradi fecit in ballium usque ad quindenam Sancti Hillarii proximo futuri ad standum recto super hiis que ei imponebantur, mandatum est F. Londoniensi episcopo et Philippo Basset, custodibus terrarum regis Allemannie in Anglia, quod terra (sic) et catalla ipsius Willelmi, que sunt in manu eorum, cum omnibus exitibus earundem terrarum a tempore quo dicte terre ad manus suas occasione predicta devenerunt, ei deliberari faciant donec rex aliud inde preceperit, salvo eis custo, si quod in dictis terris excolendis et custodiendis apposuerint. Teste ut supra.
Et mandatum est vicecomiti Bed' quod terras et catalla dicti Willelmi in balliva sua, in que Willelmus de Salynes se intrusit ut dicitur occasione capcionis predicte, cum omnibus exitibus earundem terrarum a tempore intrusionis predicte eidem Willelmo de Insula liberari faciat donec etc. ut supra. Salvo etc. ut supra. Teste etc.
Eodem modo mandatum est Willelmo de Valencia fratri regis. Teste ut supra.

De roba data.—Mandatum est Ricardo de Ewell' et Hugoni de Turri quod Willelmo Frank' de Tholos', mercatori, faciant habere unam robam de dono regis. Teste ut supra.
Mandatum est eisdem Ricardo et Hugoni quod faciant habere Martino de Vilers, Everardo de Castelvileyn et Willelmo de la Besage robas hac vice de dono regis. Teste ut supra.
Mandatum est P. de Rivall', custodi garderobe regis, quod de garderoba regis faciat habere Henrico filio regis Alemannie robam integram decentem, videlicet, tunicam, supertunicam, pallium et capam cum pellura de bissis vel minuto vario prout viderit expedire; et quinque militibus suis habere faciat robas decentes sicut militibus regis, de dono regis. Teste rege apud Westmonasterium xviij. die Decembris.

De robis datis.—Mandatum est eidem Petro quod de garderoba regis faciat habere Aymoni Turbert robam suam de instanti termino Natalis Domini sicut aliis annis habere consuevit. Et, nisi habuerit robam suam de termino Pentecostes proximo preterito, eam ei similiter habere faciat. Teste ut supra.
Mandatum est eidem quod Philippo Lovel, thesaurario, et Eduuardo de Westmonasterio decetero faciant habere robas suas integras sicut eas antiquitus habere consueverunt. Teste ut supra. Per regem.
Mandatum est Petro de Rivall', custodi garderobe regis, quod Willelmo de Pikering, clerico, qui sequtus fuit cancellariam regis in Walliam faciat habere unam robam hac vice pro Deo de gracia regis. Teste ut supra.

De damis datis.—Mandatum est Ade de Pirithon', custodi foreste de Braden', quod in eadem foresta faciat habere H. de Malo Lacu, clerico domini regis, duas damas de dono regis. Teste ut supra.
Mandatum est Ricardo de Munfichet, senescallo foreste regis Essex, quod in eadem foresta faciat habere Willelmo le Bretun duas damas de dono regis. Teste ut supra.

De estoveriis ad castra Merleberg'.—Mandatum est custodi foreste de Savernak' quod habere faciat Stephano Fromund, constabulario regis de Merleberg, racionabilia estoveria in dicta foresta ad castrum regis et bertonam regis de Merleberg' et molendina regis ibidem sustinenda. Teste ut supra.

De robis datis.—Mandatum est Ricardo de Ewell' et Hugoni de Turri quod magistro Petro de Ispannia, pictori regis, faciant habere unam robam sibi convenientem de dono regis.
Mandatum est Ricardo de Ewell' quod faciat habere dilecto clerico regis Johanni de Somercot' robam suam de hoc termino Natalis Domini qualem prius de nobis percipere consuevit. Teste ut supra.

Pro persona de Brampton'.—Mandatum est custodi foreste de Huntindon' quod permittat Percevallum de Lavan', personam ecclesie de Brampton', habere cheminum per forestam regis predictam ad cariandum racionabilia estoveria sua sibi debita in bosco de Brampton', sicut habere debet et predecessores sui habere consueverunt; et amerciamentum ad quod idem amerciatus extitit coram eodem custode pro expeditacione canum suorum eidem relaxari faciat, permittentes ipsum habere canes suos non expeditatos de gracia regis speciali. Teste ut supra.

De robis datis.—Mandatum est Petro de Rivallis, custodi garderobe regis, quod faciat habere Odeline, uxori Perotti barbatoris S. comitis Leic', robam integram, videlicet, tunicam supertunicam et pallium cum penula de bissis ad pallium hac vice de gracia regis. Teste rege apud Westmonasterium xviij. die Decembris. Per Robertum Walerand'.

Pro Bartholomeo Peche.—Rex perdonavit Bartholomeum Peche duas marcas viijs. x. denarios, qui ab eo exiguntur per summonicionem scaccarii racione terrarum et heredum Roberti Turrevill' in custodia sua existentium, pro arreragiis auxilii regi concessi ad sororem suam maritandam; et mandatum est baronibus de scaccario quod ipsum Bartholomeum de predictis denariis quietum esse faciant. Teste ut supra.

De robis datis.—Mandatum est P. de Rivallis etc. quod Ade de Greynvyle faciat habere robam suam sicut eam prius habere consuevit. Teste ut supra.
Mandatum est eidem quod Elye Barbe et Arnaldo Massayn, civibus Burdegale, faciat habere duas robas contra instans festum Natalis Domini. Teste rege apud Westmonasterium xix. die Decembris.
Mandatum est eidem quod Roberto de Hauvyle, qui fuit falconarius quondam Radulfi filii Nicholai, faciat habere unam robam de gracia regis. Teste ut supra.
Mandatum est eidem quod Ricardo de Funtenay et Thome de Sancto Laudo, pauperibus (fn. 1) militibus, faciat habere duas robas (sibi convenientes (fn. 1) ) contra instans festum Natalis Domini, de gracia regis. Teste.

Quia rex tenetur Willelmo Russinol in multis debitis, mandatum est eidem P. quod eidem Willelmo faciat habere unam robam hac vice de dono regis. Teste etc.
Mandatum est eidem P. quod Johanne uxori Reginaldi de Drumare faciat habere unam robam integram, videlicet tunicam supertunicam et pallium, de dono regis. Teste.
Mandatum est eidem quod Willelmo le Weyte et Henrico le Arblaster, servientibus regis, faciat habere duas robas et Willelmo de Vilers et Willelmo de Sancto Germano, quondam servientibus regis ad arma, duas robas contra instans festum Natalis Domini de gracia regis speciali. Teste rege apud Westmonasterium xix. die Decembris.

Pro Willelmo capellano.—Rex concessit Willelmo capellano celebranti divina in capella Sancti Stephani apud Westmonasterium illos duos denarios diurnos quos Walterus capellanus percipere consuevit per manus vicecomitum London' de elemosina regis constituta: et l^a. solidos annuos quos idem Walterus percipere consuevit per manus vicecomitis Essex, percipiendos a tempore mortis predicti Walteri quamdiu honeste se habuerit in servicio regis. Et mandatum est baronibus de Scaccario quod predictos denarios diurnos et l^a. solidos annuos eidem Willelmo capellano sicut predictum est habere faciant et predictis vicecomitibus allocari. Teste ut supra.

De roba data.—Mandatum est Petro de Rivallis quod Waltero de Rudham faciat habere unam robam sicut uni de clericis cancellarie regis contra instans Natale Domini de dono regis. Teste ut supra.

Pro Alexandro carpentario.—Cum rex concesserit magistro Alexandro carpentario duas robas singulis annis percipiendas de garderoba sua quoad vixerit cum pellura quales familiares milites regis percipiunt, mandatum est Petro de Rivallis quod eidem Alexandro faciat habere pelluram qualem dicti milites regis et magister Johannes de Glouc', cementarius regis, percipiunt de garderoba predicta. Teste ut supra.

De robis datis.—Mandatum est Petro de Rivallis quod faciat habere uxori Imberti Pugeys unam robam integram videlicet tunicam, supertunicam et pallium cum pellura de bissis, de dono regis.
Mandatum est eidem Petro quod habere faciat David de Lindes' et Alano Ostiario robas integras, videlicet tunicam, supertunicam et pallium cum penula de bissis, et duobus militibus suis tunicam et supertunicam cum pelluris competentibus, de dono regis. Teste rege apud Westmonasterium xxj. die Decembris.
Mandatum est eidem Petro quod habere faciat Matheo Bukerel, camerario regis London' et de Saundwyc', robam hac vice de gracia regis speciali. Teste ut supra.
Mandatum est eidem Petro quod faciat habere dilecto clerico regis, Ricardo de Shyreburn', escaetori regis ultra Trentam, robam suam de instanti termino Natalis Domini. Teste ut supra.

Mandatum est eidem Petro quod faciat habere duobus capellanis regis ministrantibus apud Turrim regis London' duas robas hac vice de gracia regis speciali. Teste ut supra.
Quia Robertus de Beverl', clericus dilecti et fidelis regis Rogeri de Thurkilbi, frequenter laboravit in deferendo regi extracta rotulorum itineris prefati domini sui et sociorum suorum, mandatum est eidem Petro quod habere faciat eidem Roberto de garderoba regis hac vice unam bonam robam de dono regis. Teste ut supra.
Quia Petrus de Gannok, clericus domini regis, diu extitit in servicio regis apud Gannok' et alibi, mandatum est eidem Petro quod eidem Petro faciat habere hac vice unam robam de garderoba regis de dono regis.
Quia Ricardus Brun nuper in servicio regis captus fuit et detentus in prisona in partibus Wallie a Wallensibus rebellibus regis, mandatum est eidem Petro quod eidem Ricardo faciat habere hac vice de garderoba regis unam robam de dono regis. Teste rege apud Westmonasterium xxj. die Decembris.
Mandatum est eidem Petro quod faciat habere Petro Bariler, civi Burdeg', unam robam competentem sicut uni militum regis, contra instans festum Natalis Domini de dono regis, quia ivit in nuncium regis ad Wasconiam pro vinis ad opus regis contra expedicionem regis Wallie in estate futura.
Mandatum est eidem quod Bonacio Lumbard, clerico regis, faciat habere robam suam sicut habere consuevit. Teste rege apud Westmonasterium xxj. die Decembris.
Mandatum est eidem Petro quod faciat habere dilecto clerico regis, Radulfo de Norwic', unam robam integram contra instans festum Natalis Domini, videlicet tunicam, supertunicam et pallium cum pellura sibi conveniente, de dono regis. Teste rege apud Westmonasterium xxj. die Decembris.
Mandatum est eidem quod magistro Willelmo de Watford, clerico regis, faciat habere unam robam contra instans festum Natalis Domini cum furrura de scurellis de dono regis. Teste ut supra.
Mandatum est eidem quod Hamadeo, clerico Ottoboni Cardinalis, faciat habere unam bonam robam cum furrura de scurellis de dono regis. Teste rege apud Westmonasterium xxij. die Decembris.
Mandatum est eidem quod Martino le Arblaster, Martino socio suo et Garsie Petri cognato eorum et Reynero Cabot faciat habere robas hac vice sicut ceteris servientibus regis ad arma de dono regis. Teste ut supra.

De operacionibus apud Brug' et Salop'.—Mandatum est vicecomiti Staff' et Salop' quod in castro regis de Bruges' domos que necessario indigent reparacione reparari faciat, et cameram regis et regine in eodem castro lambruscari, et in predicta camera regis duas fenestras et in camera regine alias duas fenestras fieri: et domos in castro regis de Salop' que necessario indigent reparacione similiter reparari faciat, et in eodem castro unam novam coquinam fieri faciat. Et custum etc. rex faciet ei allocari. Testeregeapud Westmonasterium xxij. die Decembris.

De robis datis.—Mandatum est Petro de Rivallis quod magistro Johanni de Sancto Albano, sculptori imaginum regis, faciat habere unam robam hac vice de gracia regis. Teste ut supra.
Mandatum est eidem quod Willelmo Talbot, qui nuper rediit de Curia Romana cum negociis regis, faciat habere unam robam de dono regis. Teste ut supra.
Mandatum est eidem quod Olivero de Asprevyle, militi regis, faciat habere robam suam contra instans festum Natalis Domini sicut eam habere consuevit. Teste rege apud Westmonasterium xxiij. die Decembris.
Mandatum est eidem quod Roberto de Stopham, ballivo de Clarendon, robam suam de instanti termino Natalis Domini, qualem habere consuevit, de dono regis.
Mandatum est eidem quod Roberto filio Bernardi, pauperi militi, faciat habere hac vice unam robam de dono regis. Teste etc.
Mandatum est eidem quod faciat habere Alano Balum unam robam hac vice de gracia regis.
Mandatum est eidem quod Henrico de la Bere, qui diu regi servivit, faciat habere hac vice unam robam de dono regis.
Quia Johannes de Ely diu regi est obsequtus, necdum sustentacioni sue ut deceret provisum est, mandatum est P. de Rivallis quod eidem Johanni decetero faciat habere robas suas per annum sicut prius percipere consuevit. Teste ut supra.
Mandatum est eidem quod uxori Elye marescalli equorum regis faciat habere unam robam, videlicet tunicam, supertunicam et pallium cum pellura sibi conveniente, de dono regis.
Mandatum est eidem quod uxori Bartholomei le Bigod faciat habere unam robam integram cum pelluris uxori militis convenientibus de dono regis.
Mandatum est eidem quod de eadem garderoba faciat habere Johanni Marescallo, qui lumen oculorum suorum amisit in servicio regis in Wasconia, unam sibi competentem hac vice de dono regis. Teste rege apud Westmonasterium xxviij. die Decembris.
Mandatum est eidem quod Alano de Balum, qui diu regi est obsecutus, decetero faciat habere duas robas per annum, sicut prius percipere consuevit, de dono regis. Teste ut supra.

Pro abbate de Burgo.—Mandatum est custodi foreste de Clive quod in eadem foresta faciat habere abbati de Burgo Sancti Petri x. damas pro decimo venacionis nuper capte ad opus regis contra festum Natalis in foresta predicta. Teste ut supra.

De damis datis.—Mandatum est R. Wallerand', senescallo foreste citra Trentam, quod in foresta regis de Savernak' faciat habere priori de Ockeburn, duas damas de dono regis. Teste ut supra.
Mandatum est Ade de Puriton, custodi foreste de Braden, quod in eadem foresta faciat habere H. de Bohun comiti Essex et Hereford' viij. damas de dono regis. Teste ut supra.

Pro comite Herf'.—Rex concessit eidem comiti quod lx^a. dolia vini, que emi fecit in Wasconia et cariari facit London' in navi Ricardi Ailret de Goseford, habeat hac vice quieta de prisa regis salva regi recta et antiqua prisa sua. Et mandatum est camerariis Lond' quod sic fieri permittant. Teste rege apud Westmonasterium xxix. die Decembris.

Schedule.

Rex mittit Hugonem Franciscum et Johannem le Naper, venatores suos, ad capiendum iiij^xx. et quinque damas ad opus regis in foresta Essex: et mandatum est Ricardo de Muntfichet, custodi foreste predicte, quod ipsos venatores dictas damas capere in eadem foresta permittat ubi magis expedire viderit: et eis ad hoc auxilians sit et consulens. Teste rege apud Westmonasterium xxvij. die Decembris.

[m. 12.]

Pro Petro de Watford.—Mandatum est Petro de Rivallis, custodi garderobe regis, quod Petro de Watford, clerico paneterie regis, faciat habere robas suas per annum dum fuerit in officio paneterie regis, sicut alii clerici ejusdem officii percipere consueverunt. Teste rege apud Westmonasterium xxviij. die Decembris.

De coronatore eligendo.—Rex per cartam suam concessit Roberto de Elingham quod non sit escaetor aut coronator contra voluntatem suam: mandatum est vicecomiti Norf' quod in pleno comitatu suo loco ipsius Roberti eligi faciat quendam alium coronatorem, qui prestito sacramento etc. faciat et conservet ea que etc. et talem eum eligi faciat etc. Et nomen ejus regi scire faciat. Teste ut supra.

De dolio vini dato.—Mandatum est camerariis regis London' quod de vinis que ceperunt ad opus regis Lond' faciant habere Philippo de Sancto Maxencio, clerico capelle regis, unum dolium boni vini de dono regis. Teste ut supra.

Pro electo Cestrensi.—Quia R. Coventrensis et Lichefeldensis episcopus nuper coram rege vendicavit ad se pertinere catalla que fuerunt Philippi persone ecclesie de Croston', qui suspendit se ipsum et qui nulla catalla habuit ut dicitur nisi ecclesiastica; mandatum est vicecomiti Lanc' et coronatoribus ejusdem comitatus quod, facta appresciacione omnium catallorum suorum per probos et legales homines, ea eidem electo sine dilacione liberari faciant, donec rex sciat utrum ad regem an ad ipsum electum debeant pertinere. Teste rege apud Westmonasterium xxviij. die Decembris.

De escaetore substituendo.—Quia Simon de Stanford', escaetor regis in comitatu Essex, senio confectus est, rex ipsum amovit ab officio escaeterie: et mandatum est vicecomiti Essex quod loco suo alium escaetorem substituat, qui prestito sacramento etc. Teste ut supra.

De damis capiendis ad opus regis.—Rex mittit Hugonem Franciscum, servientem suum, ad capiendum ad opus regis xij. damas in parco de Haveryng contra instans festum Sancti Eduuardi Regis: et mandatum custodi parci predicti quod ipsum ad hoc admittat. Teste.

Pro Ebulone de Montibus.—Rex remisit Ebuloni de Montibus scutagium quod pro exercitu regis Wallie anno regni regis quadragesimo primo ad opus suum rex levari precepit, racione episcopatus Elyensis vacantis et in manu regis existentis, de feodis militum que idem Ebulo tenet de episcopatu predicto: et mandatum est Roberto Walerand, custodi episcopatus Elyensis, vel Johanni Walerand fratri suo, quod ipsum Ebulonem de predicto scutagio quietum esse permittant; et, si quam ei ea occasione fecerint districcionem, ipsam penitus relaxent. Teste ut supra.

De viridario eligendo.—Mandatum est vicecomiti North' quod loco Willelmi de la Chaumbr', quem rex propter debilitatem et impotenciam suam ab officio viridarie absolvit, eligi faciat unum viridarium, qui prestito sacramento etc. et talem etc.

De vinis aquietandis.—Mandatum est Petro de Gisorc' quod de exitibus vendicionis, quam de vinis in celariis regis per Angliam existentibus fecit per preceptum regis, sine dilacione aquietet l^a. vel lx^a. dolia vini de viij^xx. doliis vini que per eundem apud Suth' vel Portesm' rex nuper capi precepit ad opus suum. Et, cum rex sciverit custum, rex allocari faciet etc. Teste rege apud Westmonasterium xxx. die Decembris.

De dolio vini dato.—Mandatum est Thome Esporun et Matheo Bokerel, camerariis regis London', quod de vinis regis que sunt in custodia sua faciant habere Guidoni de Rupe Forti unum dolium boni vini de dono regis. Teste etc.

De roba data.—Mandatum est Petro de Rivallis, custodi garderobe regis, quod Hereberto Denemede, servienti regis ad arma, faciat habere robam suam de termino Natalis Domini proximo preterito sicut alii servientes ad arma perceperunt. Teste.

Pro episcopo Wigorniensi.—Rex vicecomiti Glouc' salutem. Cum venerabilis pater Walterus Wigorniensis episcopus et predecessores sui retornum brevium nostrorum infra libertatem suam in comitatu tuo hucusque ut dicitur habere consueverint, formam tibi in qua dictum returnum fieri debet presentibus litteris significamus, videlicet, ut de omnibus brevibus libertatem suam et ecclesie sue tangentibus, tam de placitis quam de summonicionibus scaccarii nostri, de verbo ad verbum plenarie sub sigillo tuo, si presens fueris, vel sub sigillo subvicecomitis tui, si absens fueris, returnum sibi fiat; ita quod ballivi episcopi de debitis nostris tibi ad comitatum respondeant secundum formam summonicionis predicte; et de summonicionibus et attachiamentis placitorum respondeat ballivus dicti episcopi secundum returnum ei inde factum, ita quod occasione dicti returni nulla brevia ad vicecomitem spectantia in curia episcopi placitentur nisi brevia de placito vetiti namii, quod quidem placitum dicto episcopo et ecclesie sue per cartam nostram concessimus, nec eciam boves de disseisina ad ipsum vel successores suos pertinebunt occasione hujusmodi returnorum. Et ideo tibi precipimus quod de retornis dicto episcopo faciendis hanc formam facias decetero observari. Teste me ipso apud Westmonasterium xxxj. die Decembris. Per Henricum de Bathon' et Walterum de Merton'.
Eodem modo mandatum est vicecomiti Warr'. Teste ut supra.