Close Rolls, March 1258

Close Rolls, March 1258

Pro Guidone de Rupe Forti.—Rex illas xx. marcas quas burgenses de Colecestr' regi debent pro bono adventu regis, et quas per vicecomitem Essex levari precepit rex solvendas in garderoba sua, rex concessit Guidoni de Rupe Forte super feodum suum de termino Pasche proximo venturo: et rex mandavit predictis burgensibus quod denarios illos ei habere faciant: et mandatum est predicto vicecomiti quod districtionem quam facit pro eisdem denariis ei liberandis ad opus regis eis penitus relaxet. Teste rege apud Westmonasterium j°. die Marcii.
(In margin) et allocabuntur super feodum suum.

Pro Guidone de Rupe Forti.—Mandatum est Ricardo de Muntfichet, senescallo foreste regis Essex, quod in bosco regis de Kingeswode faciat habere Guidoni de Rupe Forti constabulario Colec' iiij^or. tortos postes ad quandam aulam inde construendam infra castrum predictum. Teste ut supra.

Pro archiepiscopo Cantuariensi.—Rex baronibus suis de Scaccario salutem. Quia per dilectum et fidelem nostrum Philippum Luvel, thesaurarium nostrum, et per vos ipsos intelleximus quod venerabilis pater B. Cantuariensis archiepiscopus, totius Anglie primas, habere debet et solet amerciamenta hominum suorum et catalla dampnatorum et fugitivorum suorum, vobis mandamus quod predicta amerciamenta et catalla ad idem scaccarium nostrum, prout justum fuerit, eidem archiepiscopo faciatis allocari. Teste rege apud Westmonasterium ij. die Marcii.

De columpnis marmoreis et lapidibus francis datis ad operaciones ecclesie Sancti Martini London'.—Rex magistro Johanni de Glouc' cementario et aliis custodibus operacionum suarum Westmonasterii salutem. Precipimus vobis quod faciatis habere custodi operacionis Sancti Martini London columpnas marmoreas sufficientes et xl^a. lapides francos in auxilium cujusdam pulputi faciendi ibidem, de dono nostro. Teste ut supra.

Pro archiepiscopo Cantuariensi.—Mandatum est vicecomiti Norf' et Suff' quod habere faciat B. Cantuariensi archiepiscopo returnum brevium regis clausorum, cum ad ipsum pervenerint, de hominibus tenentibus de archiepiscopatu Cantuariensi et de prioratu Sancte Trinitatis Cant' similiter. Teste ut supra.

Pro Willelmo de Sancta Ermina.—Cum Ricardus le Sauvage, filius et heres Roberti le Sauvage, pro quadam summa pecunie, in qua regi tenebatur, regi dedit totam terram suam quam habuit in Taddeham Dammesford et xij. acras terre cum pertinenciis in Heyshete, et rex pro laudabili servicio quod Willelmus de Sancta Ermina regi impendit ei rex dedit terram predictam, mandatum est vicecomiti Sussex quod eidem Willelmo vel ballivo suo ad opus ipsius Willelmi de predictis terris que fuerunt predicti Roberti in predictis villis cum omnibus pertinenciis suis plenam seisinam habere faciat. Teste ut supra.

Pro Willelmo de Sancta Ermina.—Eodem modo mandatum est vicecomiti Glouc' de tota terra que fuit ipsius Ricardi in Culverden', Twyggewrth et Haytherl'. Teste ut supra.

De pisce capiendo ad opus regis.—Rex mittit Henricum de Norwic', servientem suum, una cum Willelmo piscatore suo ad capiendum pisces ad opus regis in vivario de Havering' prout viderint expedire; et mandatum est custodi domorum regis et vivarii predicti quod ipsos ibidem piscare permittat et eis ad hoc consilium et auxilium efficaciter impendat; et quemdam batellum apud Berking' vel alibi eis de prestito habere faciat. Teste ut supra.

Mandatum est custodi vivarii regis de Havering quod in predicto vivario faciat habere Willelmo de Sancta Ermina sex matrices bremas de dono regis. Teste rege apud Westmonasterium v. die Marcii.

De damis et bissis capiendis ad opus regis.—Mandatum est custodi foreste regis de Brehull' quod permittat Willelmum Luvel, venatorem regis, capere x. damas in balliva sua ad opus regis contra instans festum Pasche; et permittat Ricardum de Candevere et Willelmum filium Philippi, venatores regis, capere v. bissas vel vj. in eadem balliva sua ad opus regis contra festum predictum. Teste rege apud Westmonasterium vij. die Marcii.
Mandatum est custodi foreste de Wolvemere quod permittat Henricum de Candevere capere x. damas in Axiholt ad opus regis contra instans festum Pasche. Teste rege ut supra.

De ponendo per ballium.—Walterus le Canun, captus et detentus in prisona regis de Pech' pro morte Ricardi le Moyne unde appellatus est, habet litteras regis vicecomiti Essex' quod ponatur per ballium. Teste ut supra.

Pro herede Johannis de Clopton'.—Cum Johannes filius Roberti de Clopton teneretur Gamaliel Judeo London' in xvj. libris et j. marca per cyrographum inter eos confectum; et predictus Judeus recognoverit coram justiciariis ad custodiam Judeorum assignatis se recepisse quatuor marcas de predicto debito, sicut rex per ipsos justiciarios intellexit; et rex concessit Willelmo de Hatentot, custodi terrarum et heredis predicti Johannis, quod de xiij^cim. libris, que aretro sunt de predicto debito, habeat respectum usque ad plenam etatem predicti heredis, ita quod interim usure non currant nec distringatur pro predicto debito, et quod idem heres, cum ad etatem pervenerit, solvat predicto Judeo v. marcas per annum ad duos terminos, scilicet ad Pascha ij. marcas et dimidiam, et ad festum Sancti Michaelis proximo sequens ij. marcas et dimidiam, donec predicte xiij^cim. libre persolvantur. Et mandatum est predictis justiciariis quod sic fieri et inrotulari faciant. Teste rege apud Westmonasterium viij°. die Marcii.

De maeremio ad operaciones castri Norhamt'.—Mandatum est custodi foreste regis de Salseto quod habere faciat custodibus operacionum castri regis Norhamt' maeremium in foresta predicta ad reparacionem pontis ejusdem castri per talliam inter illum et ipsos custodes factam de numero quercuum. Teste ut supra.

De coronatore eligendo.—Quia Radulfus de Suthington', quondam coronator regis in comitatu Wigorn', diem clausit extremum, ut rex accepit, mandatum est vicecomiti Wigorn' quod in pleno comitatu suo et per assensum ejusdem comitatus de legalioribus etc. eligi faciat etc. qui prestito sacramento etc. et nomen ejus regi scire faciat. Teste rege apud Westmonasterium ix. die Marcii.

De quodam mercato tenendo apud Bolesovr'.—Rex ad melioracionem manerii sui de Bolesovere vult quod quoddam mercatum teneatur ibidem singulis septimanis per diem Jovis. Et mandatum est vicecomiti Notingh' quod mercatum illud publice clamari et firmiter teneri faciat. Teste ut supra.

Pro Johanne de Bayllol'.—Rex baronibus suis de scaccario salutem. Mandamus vobis quod, si dilectus et fidelis noster Johannes de Bayllol amerciatus fuerit coram justiciariis nostris ultimo itinerantibus in comitatu Derb' pro communi summonicione, ipsum de amerciamento illo quietum esse faciatis, et, si quam districcionem fieri feceritis pro amerciamento illo, ei sine more dispendio relaxari faciatis, quia idem Johannes fuit tempore in servicio nostro in partibus Scocie. Teste ut supra.

De terris que fuerunt Griffini de Brumfeld' extendendis.— Cum Griffinus de Brumfeud' a regis fide recesserit, mandatum est vicecomiti Salop' quod, assumptis secum custodibus placitorum corone regis, in propria persona sua accedat ad Legh Cumbrey et per sacramentum proborum et legalium hominum de visneto per quos rei veritas melius sciri poterit extendi faciat totam terram cum pertinenciis quam predictus Griffinus tenuit in dotem uxoris sue in eadem villa de hereditate heredis Henrici Tuschet', qui est infra etatem et in custodia Johannis Mansell', thesaurarii Ebor', videlicet, quantum terra illa valeat per annum in omnibus exitibus: et extentam inde distincte et aperte factam regi sub sigillo suo et sigillis eorum per quos facta fuerit regi sine dilacione mittat et hoc breve: et dictam terram cum pertinenciis committat prefato Johanni tenendam donec aliud inde rex preceperit. Teste ut supra.
Eodem modo mandatum est escaetori regis in eodem comitatu.

De roba data.—Quia Elyas de Bleyve, civis Burdig', regi et Edwardo filio suo laudabiliter obsequtus est in Vasconia, mandatum est Ricardo de Ewell' et Hugoni de Turri quid eidem Elye faciant habere unam robam, videlicet, tunicam, supertunicam et capam cum pellura de scurellis, hac vice de dono regis. Teste ut supra.
Mandatum est Ricardo de Ewell' et Hugoni de Turri quod Matheo Pikard' faciant habere robam suam de termino Natalis Domini proximo preterito. Teste rege apud Westmonasterium x. die Marcii.

De ponendo per ballium.—Johannes de Pascy, captus et detentus in prisona regis Notingh' pro morte Johannis Staft unde rettatus, habet litteras regis vicecomiti Notingh' quod ponatur per ballium. Teste ut supra.

Pro regina.—Cum rex concesserit regine sue custodiam terrarum que fuerunt Reginaldi de Mohun cum omnibus ad custodiam illam pertinentibus, mandatum est escaetori regis in comitatu Sumers' quod omnes exitus et proventus quos inde percepit post mortem dicti Reginaldi ballivis dicte regine ad opus ejusdem regine sine dilacione habere faciat. Teste ut supra.

Pro Johanne de Hertinges.—Quia, sicut rex intellexit, Nicholaus de Molis, constabularius Dovor', invenire debet carpentario et fabris castri regis Dovor' stipendia sua de denariis ei assignatis ad custodiam ejusdem castri, mandatum est eidem Nicholao de Molis quod Johanni de Hertinges, carpentario dicti castri, inveniat stipendia sua sicut Reginaldus de Cobbeham, quondam constabularius ejusdem castri, ei invenire consuevit: et, cum dictus carpentarius pro operacionibus dicti castri extra idem castrum laboraverit, eidem racionabiles expensas suas de custo earumdem operacionum habere faciat sicut tempore predicti Reginaldi fieri consuevit. Teste rege apud Westmonasterium xij. die Marcii.

De bremis datis.—Mandatum est ballivo regis de Fekham quod in vivario regis de Fekham faciat habere Johanni Walerand decem matrices bremas de dono regis. Teste ut supra.

Mandatum est Rogero le Bigod, comiti Norf' et marescallo Anglie, quod de debitis que regi debet, quamcitius poterit, faciat habere Luce de Luk', mercatori, c. libras, in quibus ei rex tenetur pro pannis ad aurum et cendallis captis ad opus regis per Artaldum de Sancto Romano, quondam custodem garderobe regis, Rogerum le Taillur, quondam captorem garderobe regis, et Hugonem de Turri socium suum et Petrum de Wintonia, clericum garderobe predicte: et rex predictas c. libras (fn. 1) in primis terminis solucionis debitorum predictorum ei allocari faciet. Teste rege apud Westmonasterium xiij. die Marcii. (Cancelled) Vacat quia aliter in rotulo patentium.

De quercubus datis.—Mandatum est Roberto Walerand, senescallo foreste regis, quod habere faciat Willelmo de Aldeswrth', capellano Petri de Monte Forti, ij. quercus in foresta regis de Qwichewod' ad maremium inde faciendum de dono regis. Teste ut supra.

De coronatore substituendo.—Cum vicecomiti regis Heref' nuper rex dedit in preceptis quod per assensum comitatus Heref' de legalioribus hominibus ejusdem comitatus eligi faceret unum coronatorem in comitatu predicto; et homines ejusdem comitatus communi assensu elegerint Radulfum de Sancto Owano in coronatorem ut rex audivit; mandatum est eidem Radulfo quod officio illi in comitatu predicto sit amodo intendens. Teste ut supra.

De ponendo per ballium.—Quia Galfridus de la Bure, captus et detentus in prisona regis civitatis regis Winton' pro transgressione cujusdam verberacionis sibi imposite, ut dicitur, invenit regi Herbertum filium Walteri de Merston', Thomam filium Ernulphi de eadem, Johannem Franchumme de eadem, Rogerum Harding de eadem, Henricum filium Willelmi de eadem, Radulfum le Careter de eadem, Nicholaum filium Rogeri de Trisecot, Henricum filium Ailwyni de eadem, Adam de Westton' de Puteham, Ricardum Fabrum de eadem, Galfridum clericum de eadem et Walkunum filium Edwardi de eadem, plegios de comitatu Hertf', qui eum manuceperunt habere coram justiciariis ad primam assisam cum in partes illas venerint ad standum recto, si quis versus eum de transgressionibus predictis loqui voluerit, mandatum est vicecomiti Suhamt' quod ipsium Galfridum a prisona predicta sine dilacione deliberari faciat: et habeat coram justiciariis regis predictis hoc breve.

Pro Roberto filio Willelmi Boleyne.—Rex ad instanciam Guidonis de Rupe Forti, custodis castri regis Colecestr', concessit Roberto filio Willelmi Boleyne, janitori predicti castri, quod per biennium ab instanti festo Pasche non ponatur in assisis, juratis vel recognicionibus aliquibus: et mandatum est vicecomiti Essex' quod ipsum Robertum contra hanc concessionem regis non vexet nec molestet. Teste rege apud Westmonasterium xiiij. die Marcii.

De panno ad elemosinam regis.—Mandatum est Ricardo de Ewell' et Hugoni de Turri quod Johanni capellano, elemosinario regis, faciant habere pannum ad centum et quinquaginta tunicas ad opus pauperum conversorum ad mandatum regis et regine, et pannum ad xxj. tunicam ad opus pauperum ad mandatum liberorum regis, inde faciendas contra instans festum Pasche, sicut moris est. Teste rege apud Westmonasterium xiiij. die Marcii.

De ponendo per ballium.—Willelmus le Carpenter, captus et detentus in prisona regis Norwic' pro morte Galfridi Pycun unde rettatus est, habet breve vicecomiti Norf' quod ponatur per ballium. Teste ut supra.

De baculis ad vineam Windes'.—Mandatum est Henrico de Farl' quod de subbosco parci regis de Windles faciat habere custodi gardini regis de Windles' baculos ad supportandum vineam regis in eodem gardino et ad eandem vineam reparandam, prout dictus custos magis viderit expedire. Teste rege apud Merton' vj. die Aprilis.

[m. 9.]

Pro abbate Sancti Eadmundi.—Cum abbas de Sancto Eadmundo nuper regem supplicaverit quod libertates suas, que diu extiterunt in demanda ad scaccarium regis et que propter minorem expressionem adhuc tenentur in suspenso ad idem scaccarium, eidem abbati confirmaret, et rex mandaverit baronibus suis de scaccario quod demandas illas, quas predicto abbati per summonicionem scaccarii predicti faciunt de libertatibus predictis, ponerent in respectum usque ad quindenam Sancte Trinitatis anno etc. xlj.; et pro eo quod in dicto negocio rex procedere noluit sine consilio eorundem baronum, cum rex ignoret utrum libertates predicte ad regem vel ad predictum abbatem in toto vel in parte pertineant, nec rex adhuc propter occupacionem variorum negociorum discussioni predicti negocii vacare possit; mandatum est eisdem baronibus quod predictas demandas ponant in respectum usque ad festum Sancti Michaelis proximo futurum, ut tunc eorumdem baronum et aliorum fidelium regis consilio mediante jus regis et predicti abbatis in libertatibus predictis discutiatur, et rex inde faciat quod fuerit faciendum. Teste etc.

De dote assignanda.—Cum Eustachius de La Val, qui de rege tenuit in capite, diem clauserit extremum et Cristiana relicta ejusdem adeo senex sit et debilis quod ad regem laborare nequit, sicut rex intellexit, mandatum est Ricardo de Shireburn', escaetori regis ultra Trentam, quod, si terre que fuerunt ejusdem Eustachii sint in manu regis occasione mortis sue, accepta securitate a predicta Cristiana quod non maritabit se sine licencia regis, eidem racionabilem dotem suam de terris predictis in manu regis existentibus de quibus predictus Eustachius fuit seisitus in dominico suo ut de feodo per legitimam extentam inde factam per visum et testimonium proborum et legalium hominum assignari faciat. Teste rege apud Westmonasterium xv. die Marcii.

Pro abbate Glaston'.—Quia Rogerus abbas Glaston' invenit regi partem servicii sui in exercitu Wallie et alias multum laboravit in servicio regis in partibus transmarinis, rex concessit ei scutagium suum de singulis feodis militum que de rege tenet in capite; et mandatum est baronibus de scaccario quod ipsum abbatem de predicto scutagio quietum esse et sic fieri et inrotulari faciant. Teste ut supra.
Et mandatum est vicecomitibus Somers', Dors' et Wiltes' quod ipsum abbatem scutagium illud habere permittant sicut predictum est.

Pro marinellis de Sandwic' (sic).—Rex concessit marinellis de Caleys, qui duxerunt quandam navem suam, per quam Johannes Acelyn de Grenewiz per infortunium submersus fuit, et que regi remansit occasione illius infortunii, quod ipsi navem illam habeant pro eodem precio ad quod appreciata est per vicecomites London' et coronatores regis civitatis London'; ita quod medietatem ejusdem precii faciant habere uxori et pueris predicti submersi, et aliam medietatem sanctimonialibus de Keleburn' de dono regis et gracia regis speciali: et mandatum est vicecomitibus predictis quod predictis marinellis predictam navem sicut predictum est deliberari faciant. Teste rege apud Westmonasterium xx. die Marcii.
Per Johannem Maunsell et Imbertum Pugeys.

Pro Waltero Brid.—Cum Walterus Brid, clericus, captus esset et imprisonatus in prisona regis de Neugate per appellum cuiusdam probatoris, et idem probator confessus esset coram Imberto Pugeys et Willelmo Bonquer eundem clericum esse immunem penitus de crimine quod ipse sibi imponebat, prout ex assercione predictorum fidelium rex accepit; mandatum est vicecomitibus London' quod clericum illum ordinariis qui illum exegerint sine dilacione tradant usque ad proximam deliberacionem gaole predicte secundum quod fieri consuevit in regno Anglie. Teste rege apud Westmonasterium xx. die Marcii.

De terris capiendis in manum regis.—Quia Henricus le Fauconer de Humberstayn, qui de rege tenuit in capite, diem clausit extremum, mandatum est escaetori regis in comitatu Linc' quod omnes terras et tenement a que idem Henricus tenuit in balliva sua, et de quibus fuit seisitus in dominica sua ut de feodo die quo obiit, in manum regis capiat et ea salvo custodiat donec aliud inde rex preceperit: et per sacramentum proborum et legalium hominum de comitatu predicto per quos rei veritas melius scire poterit diligenter inquirat quantum terre predictus Henricus de rege tenuit in capite, et quantum de aliis, et per quod servicium, et quantum terre ille valeant per annum in omnibus exitibus terre, et quis propinquior heres ejus sit, et cujus etatis. Et inquisicionem inde factam sub sigillo suo et sigillis eorum per quos facta fuerit regi sine dilacione mittat, et hoc breve. Teste rege apud Westmonasterium xxiij. die Marcii.

Pro Adam de Huketon. De terris et catallis restituendis.— Significavit regi S. Norwicensis episcopus per litteras suas patentes quod, cum Adam filius Willelmi de Huketon, clericus Norwicensis diocesis, coram justiciariis regis ultimo itinerantibus apud Cateshull' diffamatus esset de morte Roberti Darnel, et postea a prefatis justiciariis tanquam clericus ab eodem episcopo requisitus et ei liberatus; idem Adam canonica purgacione secundum morem ecclesie ab eodem episcopo indicta innocenciam suam super dicto crimine coram prefato episcopo canonice et legitime purgavit: et mandatum est vicecomiti Suff' quod terras et catalla predicti Ade capta in manum regis occasione predicta eidem Ade restitui faciat sine mora. Teste rege apud Westmonasterium xxvij. die Marcii.

Pro fratre J. de Balsham.—Quia rex intellexit quod vicecomes Oxon' invenit in judeismo Oxonie quasdam pecias, videlicet xxiij. de biblia fratris J. de Balsham, de quibus diligenter querendis alias recepit mandatum regis; mandatum est eidem vicecomiti quod omnes pecias predictas sine dilacione restitui faciat predicto fratri. Et rex per sacramentum tam Christianorum quam Judeorum quantum illi Judeo pro peciis illis ei impignoratis debetur allocari faciet, cum per inquisicionem ab eodem vicecomite faciendam regi constiterit de quantitate illius debiti. Teste ut supra.

(In margin) Hic recessit H. de Wingh' infirmus a curia.

Pro Bathoniensi episcopo.—Quia W. Bathoniensis et Wellensis episcopus vendicat se habere quietanciam per cartam regis de amerciamentis suis et hominum suorum, mandatum est vicecomiti Sumers' quod demandam l^a. marcarum quam facit eidem episcopo, ad quas coram rege amerciatus fuit pro injusta capcione et detencione averiorum abbatis Glaston', ponat in respectum usque in quindenam Sancti Michaelis proximo futuram. Teste ut supra.

Mandatum est Roberto Walerand quod in parco regis de Freidmantel faciat habere Johanne de Sumery duas damas et unum capriolum de dono regis. Teste ut supra.
(In margin) non habuit breve.

De prisonibus custodiendis apud Neugat'.—Mandatum est ballivo Willelmi de Valenc' de Hertf' quod iiij^or. homines, quos nuper cepit et in prisona Hertf' detinet pro falsa moneta in manibus eorum inventa, cariari faciat usque Neugate liberandos ibidem custodi gayole regis, cui rex precepit quod eos recipiat et salvo custodiat donec aliud rex inde preceperit. Teste ut supra.

Pro Gilberto Engayne.—Quia rex accepit per inquisicionem quam per Ricardum de Shyreburne escaetorem regis ultra Trentam quod Gilbertus Engayne defunctus nichil tenuit de rege in capite nec de Roberto le Thurp, cujus heres est infra etatem et in custodia regis, per quod custodia terrarum et tenementorum que fuerunt ejusdem Gilberti ad regem aliquo jure debeat pertinere, mandatum est eidem escaetori quod terras et tenementa de quibus idem Gilbertus fuit seisitus in dominico suo ut de feodo die quo obiit et que occasione mortis sue cepit in manum regis, eo quod tenuit de quibusdam hominibus in Edenhal' de feodo predicti Roberti, sine dilacione restituat Gilberto Engayne, filio et heredi predicti Gilberti. Teste ut supra.

Pro Gerardo Belet.—Mandatum est Willelmo le Fort quod de decem marcis quas regi reddere tenetur ad scaccarium suum Pasche proximo futurum de xx^ti. marcis, ad quas rex atterminavit debita que regi debet de debitis patris sui, habere faciat Gerardo Belet cs. de termino Pasche anno etc xlij°. de annuo feodo suo c. solidorum quod ei rex concessit percipiendum ad scaccarium regis. Et, cum eos ei liberaverit, eos sibi allocari rex faciet. Teste ut supra.

Magister hospitalis Sancti Jacobi extra London', qui de licencia regis profectus est in Hiberniam pro negociis domus sue, habet litteras de proteccione cum clausula duraturas usque festum Sancti Michaelis proximo futurum. (Cancelled) vacat quia in rotulo patentium.

Pro Henrico Trenchart et Willelmo de Whitchurch.—Quia constat regi quod per surrepcionem curie regis processum est per justiciarios regis ultimo itinerantes ad placita foreste in comitatu Wiltes' ad utlagariam promulgandam in personas Henrici Trenchard et Willelmi de Whitchurch, familiarium Hugonis le Bigod, pro transgressione venacionis in foresta de Melkesham, quam quidem transgressionem eisdem Henrico et Willelmo ad instanciam dicti Hugonis rex remisit; rex, habito super hoc tractatu cum consilio suo, decrevit utlagariam illam nullam esse. Et mandatum est vicecomiti Wiltes' quod in pleno comitatu suo dictam utlagariam nullam esse denunciat, et hoc per ballivam suam publice clamari faciat: et, si terras aut catalla dictorum Henrici et Willelmi ea occasione ceperit in manum regis, ea eis sine dilacione restitui faciat. Teste ut supra. Per Henricum de Bathonia.

De robis datis.—Mandatum est P. de Rivallis quod sine dilacione faciat habere Gerardo de Zudindor, Allemanno, et socio suo, qui nuper venerunt ad regem ex parte Coloniensis archiepiscopi, duas bonas robas sibi competentes sicut vatlettis regis, de dono regis.

Pro Roberto de Nevyle.—Rex baronibus suis de Scaccario salutem. Cum injunxerimus dilecto et fideli nostro Roberto de Nevill', vicecomiti nostro Norhumbr', quod una cum Willelmo le Latimer, vicecomite nostro Ebor', intendat quibusdam agendis in Scocia contra quosdam magnates Scocie infestos amicis nostris de Scocia, vobis mandamus quod subvicecomitem ejusdem Roberti ad respondendum pro eo et ad omnia alia facienda que agenda habuerit coram vobis occasione ballive sue predicte loco ipsius admittatis dum idem Robertus intenderit negociis supradictis. Teste rege apud Merton j. die Aprilis anno xlij°. Per Johannem Maunsell'.
Et mandatum eidem Roberto quod exitus ballive sue predicte penes se retineat et in prosecucione negocii predicti per consilium prefati Willelmi, si ipsum Willelmum ibidem adesse contigerit, prout ad commodum regis melius expedire viderit, eos ponat si necesse fuerit. Teste ut supra. Per Johannem Maunsell'.

De quercubus datis.—Mandatum est Roberto Walerand', senescallo foreste citra Trentam, quod in foresta regis de Melkesham, videlicet in bosco regis qui vocatur Enfald', faciat habere Nicholao de Sancto Mauro duodecim quercus de dono regis. Teste ut supra. Per ipsum regem ad instanciam Willelmi de Sancta Ermina.