Close Rolls, March 1263

Calendar of Close Rolls, Henry III: Volume 12, 1261-1264. Originally published by His Majesty's Stationery Office, London, 1936.

This premium content was digitised by double rekeying. All rights reserved.

'Close Rolls, March 1263', in Calendar of Close Rolls, Henry III: Volume 12, 1261-1264, (London, 1936) pp. 216-223. British History Online https://www.british-history.ac.uk/cal-close-rolls/hen3/vol12/pp216-223 [accessed 27 March 2024]

Image
Image
Image
Image
Image
Image
Image
Image

Close Rolls, March 1263

De denariis liberandis magistro Henrico de Gandavo.— Mandatum est Roberto de Fulleham, custodi abbacie de Burgo, quod omnes denarios quos recepturus est de exitibus ejusdem abbacie sine dilacione liberari faciat magistro Henrico de Gaunt, custodi ejusdem garderobe, liberandos Ricardo de Ewell et Hugoni de Turri, emptoribus garderobe predicte, ad emciones regis in instantibus nundinis Stanf' inde acquietandas. Et hoc nullatenus omittat. Et, cum rex sciverit quantum eis liberaverit, illud vobis faciet allocari. Teste rege apud Westmonasterium viij. die Marcii. Per regem.

Pro J. Wintoniensi episcopo.—Rex perdonavit J. Wintoniensi episcopo, quondam cancellario Ebor', demandam quam barones de scaccario sibi faciunt per summonicionem scaccarii regis de xx. marcis ad quas amerciatus fuit, tempore quo fuit cancellarius Ebor', coram justiciariis regis ultimo itinerantibus ad placita foreste in comitatu Ebor' pro defalta. Et mandatum est predictis baronibus quod ipsum episcopum de predictis xx. marcis quietum esse faciant. Teste rege apud Westmonasterium viij. die Marcii. Per regem.

De pisce et capiendo et mittendo ad regem.—Mandatum est Roberto de Fulham, custodi abbacie de Burgo, quod in vivariis ejusdem abbacie sine dilacione piscari et piscem quem capi contigerit in eisdem ad regem sine dilacione mitti faciat. Et, cum rex sciverit custum quod ad hoc posuerit, illud sibi faciet allocari. Teste etc.

[m. 9.]

Pro Willelmo de Sancto Leodeg'.—Rex perdonavit Willelmo de Sancto Leodegario unam marcam, ad quam amerciatus fuit coram justiciariis regis ultimo itinerantibus ad placita foreste in comitatu Norhamt' pro defalta. Et mandatum est baronibus de scaccario quod ipsum inde quietum esse faciant. Teste rege apud Westmonasterium viij. die Marcii. Per regem.

De bobus providendis et mittendis ad regem.—Cum rex nuper mandaverit Johanni le Bel, custodi episcopatus Sarr', quod de exitibus ejusdem episcopatus faceret habere Ricardo de Ewell, emptori garderobe regis, quadraginta libras ad robas Fratrum Predicatorum inde emendas, mandatum est prefato Johanni quod preter illas xl. libras nichilominus provideat regi de quinquaginta tam bobus quam vaccis contra instans Pascha proximo futurum. Et, cum rex sciverit custum quod ad hoc posuerit, illud sibi faciet allocari. Teste ut supra. Per ipsum regem.

De denariis liberandis in garderoba regis.—Preceptum est vicecomiti Norff' et Suff' quod ducentas libras quas abbas de Burgo, thesaurarius regis, nuper defunctus de exitibus comitatuum predictorum per se levari precepit ad opus regis liberandas hac instanti media quadragesima ad scaccarium regis, sine dilacione venire faciat et in garderoba regis liberari. Et hoc nullo modo omittat. Et cum eas ibidem liberaverit rex breve suum de allocate ei inde habere faciet. Teste ut supra viij. die Marcii.
Eodem modo preceptum est vicecomiti Buk' et Bed' de c. marcis.

Pro Roberto Waleraund'.—Rex Willelmo de Weilond', escaetori suo citra Trentam, salutem. Cum nuper concesserimus dilecto et fideli nostro Roberto Waler' cc. marcatas terre de custodia terrarum que fuerunt ejusdem (sic) de Gatesden' usque ad legittimam etatem heredum ejusdem Johannis, ac eidem Roberto de predictis cc. marcatis aretro sint quadraginta marcate, tres solidate, quatuor denariate et una obolata terre, nos manerium de Dureton' quod fuit predicti Johannis et in manu nostra existit racione custodie predicte, quodque per vos extensum est ad xj. libras per annum, prefato Roberto assignavimus in partem satisfaccionis predictarum quadraginta marcatarum, trium solidatarum, quatuor denariatarum et unius obolate terre, tenendum usque ad legittimam etatem heredum predictorum. Et ideo vobis mandamus quod prefato Roberto de predicto manerio sine dilacione plenam seisinam habere faciatis. Teste rege apud Westmonasterium viij. die Marcii.

Pro Thoma de Boulton'.—Rex Petro de Percy, custodi castri sui Ebor', salutem. Cum ad instanciam Edwardi filii nostri perdonaverimus Thome de Boulton' servienti ejusdem filii nostri transgressionem quam antecessores Alienore quondam uxoris ejusdem Thome fecerunt serjanciam custodie porte castri nostri Ebor' sine licencia nostra et predecessorum nostrorum regum Anglie, (fn. 1) occasione cujus transgressionis serjancia illa capta fuit in manum nostram, vobis mandamus quod predicto Thome de officio custodie porte predicte plenam seisinam (sine (fn. 2) ) dilacione habere facias. Ita quod predictus Thomas et heredes sui vel eorum sufficientes attornati quos ad hoc loco suo attornaverint nobis et etiam vobis et aliis constabulariis nostris castri predicti decetero fidelitatem faciant de officio predicto fideliter custodiendo. Teste rege apud Westmonasterium, x. die Marcii.

Pro Cecilia uxore Roberti de Baldreston'.—Rex vicecomiti Lanc' salutem. Sciatis quod intuitu pietatis dedimus Cecilie uxori Roberti de Baldreston' omnia catalla que fuerunt ejusdem Roberti et que capta sunt in manum nostram occasione felonie quam fecit pro qua se a regno nostro subtraxit ut dicitur. Et ideo tibi precipimus quod prefate Cecilie catalla predicta sine dilacione habere facias de gracia nostra speciali. Teste etc.

Pro comitissa Glouc'.—Rex Gerardo la Grue et Willelmo de Haselbech', custodibus honoris de Clar', salutem. Cum assignaverimus M. comitisse Glouc' manerium de Clar' cum omnibus pertinenciis suis in partem dotis sue, et compertum sit quod placita et perquisita magne curie de Clar' que extensa sunt ad xx. libras continentur in extenta per quam ei assignavimus manerium predictum, vobis mandamus quod placita et perquisita illa eidem comitisse habere faciatis tenenda tanquam pertinencia ad assignacionem quam ei facimus de manerio predicto. Teste.

De quodam ingenio existenti in Turri Lond'.—Rex Ricardo de Tillebir', constabulario Turris sue Londonie salutem. Mandamus vobis quod ingenium turneicium quod vocatur La Truye, et quod est in custodia vestra in Turri predicta, sine dilacione liberetis magistro Odoni carpentario nostro ad maeremium nostrum domorum nostrarum Westmonasterii mde levandum. Ita quod ingenium illud, expleto negocio supradicto, ad vos remittatur. Teste rege apud Westmonasterium, x. die Marcii.

De venacione capienda ad opus regis.—Rex mittit Ricardum Fige et Henricum de Candover', venatorem regis, ad capiendum in foresta regis de Bere sex capriolos et duodecim tam damas quam brokettos ad opus regis. Et mandatum est custodi foreste de Ber' quod ipsos Ricardum et Henricum predictos capriolos, damas et brokettos capere permittat et eis ad hoc consilium et auxilium impendat. Teste rege apud Westmonasterium xv. die Marcii.

De venacione capienda ad opus regis.—Eodem modo mandatum est custodi foreste de Papenholt' quod predictos Ricardum et Henricum permittat capere ad opus regis tres capriolos et consilium et auxilium impendat. Teste supra.

De centum marcis liberandis in garderobe regis.—Mandatum est vicecomiti Surr' et Sussex' quod tam de exitibus comitatuum predictorum quam itineris justiciariorum regis ultimo itinerantium in comitatibus illis centum marcas ad regem venire faciat, liberandas in garderoba regis ad expensas hospitii regis. Et hoc nullo modo omittat. Et, cum eas ibidem liberaverit, rex breve suum de Allocate ei inde habere faciet. Teste rege apud Westmonasterium xv. die Marcii.

De venacione capienda ad opus regis.—Rex mittit Johannem le Naper, venatorem suum, ad capiendum in predicto parco regis sex brokettos ad opus regis. Et mandatum est custodi parci de Wudestok quod ipsum Johannem ad predictos brokettos capiendos admittat et ei ad eos capiendos consilium et auxilium impendat. Teste ut supra.
Eodem modo mandatum est custodi foreste de Stauwod' quod ipsum Johannem permittat capere ad opus regis in eadem foresta sex capriolos et tres bissas. Teste ut supra.
Eodem modo mandatum est custodi foreste de Wichewod' quod permittat ipsum Johannem duodecim tam brokettos quam damas capere ad opus regis in foresta predicta. Teste ut supra.
Mandatum est constabulario regis de Sancto Briavello quod in foresta regis de Den' faciat habere Edwardo filio regis x. bissas et xxx. damas contra instans festum Pasche celebrandum apud Hereford' de dono regis.

De bremiis datis.—Mandatum est custodi vivarii de Clive quod in eodem vivario faciat habere Petro de Nevill vque. bremias de dono regis. Teste ut supra. Per regem.

De panno ad tunicas sororum domus dei Norhamt'.—Mandatum est Ricardo de Ewell' et Hugoni de Turri, emptoribus garderobe regis, quod faciant habere quinque sororibus Domus Dei Norhampt' pannum ad quinque tunicas de dono regis. Teste rege apud Westmonasterium xviij. die Marcii. Per regem.

De panno ad elemosinas regis.—Mandatum est Ricardo de Ewell' et Hugoni de Turri, emptoribus garderobe sue, quod habere faciant Johanni de Colecestr', elemosinario regis, pannum ad tunicas clxxij. pauperum ad mandatum regis et regine inde faciendas contra instans festum Pasche proximo futuro. Teste rege apud Westmonasterium xviij. die Marcii.

Pro Olivero de Wy.—Oliverus de Wy solvit in garderobe regis die Veneris in crastino beati Thome anno xlvjto tunc custodi ejusdem garderobe xxx. libras, per quas idem Oliverus, Ricardus Randolf et Willelmus Aleyn finem fecerunt cum rege pro catallis que fuerunt Gilberti le Waider de Norwic' in Gernem' habendis. Et mandatum est baronibus de scaccario quod prefatos Oliverum, Ricardum, Ricardum (sic) et Willelmum de predictis xxx. libris quietos esse faciant. Teste rege apud Westmonasterium xx. die Marcii.

Pro Benedicto Gernet.—Preceptum est vicecomiti Lanc' quod demandam, quam facit Benedicto Gernet per summonicionem scaccarii regis de decem marcis et quindecim solidis, ponat in respectum usque ad octabas Sancte Trinitatis, accepta prius ab eodem Benedicto sufficienti securitate quod illos decem marcas et xv. solidos tunc solvet per manum suam propriam ad scaccarium predictum. Et districcionem si quam occasione predicte demande fecerit interim sub securitate predicta sibi relaxet. Teste rege apud Westmonasterium xxij. die Marcii.

De (fn. 3) ponendo per ballium.—Quia rex accepit per inquisicionem quam per Willelmum de Weilond' escaetorem citra Trentam (sic) quod Thomas de Carleton' captus et detentus in prisona regis Norwic' pro morte Roberti Blund, unde rettatus est, de morte illa non est culpabilis; mandatum est vicecomiti Norff' quod, si predictus Thomas invenerit sibi xij. probos et legales homines qui etc., tunc ipsum predictis xij. etc. Teste rege apud Westmonasterium xxiij. die Marcii.

Pro Grecia Bleche.—Quia rex accepit per inquisicionem, quam per vicecomitem Surr' fieri precepit, quod illud mesuagium, quod Gilbertus Bleche nuper defunctus tenuit de rege in Gildeford', et quod occasione mortis predicti Gilberti cepit in manum regis, non est escaeta regis et quod Grecia Bleche, soror predicti Gilberti, propinquior heres ejus est, preceptum est vicecomiti Somers' (sic) quod eidem Grecie de predicto mesuagio cum pertinenciis plenam seisinam habere faciat. Teste rege apud Westmonasterium xxij. die Marcii.

Pro priore de Andover'.—Rex Matheo de Columbariis, custodi foreste de Winkel', salutem. Cum dudum concesserimus priori de Andever' et successoribus suis in liberam et perpetuam elemosinam singulis septimanis dua carrettatas de mortuo et sicco bosco et de spinis in bosco nostro de Andover ad focum suum sine impedimento per visum et liberacionem forestarii nostri ejusdem foreste, et prior ejusdem loci jam impeditus sit quominus predictas duas carretatas habere possit secundum formam concessionis nostre predicte, nolentes nostram concessionem quam in liberam et perpetuam elemosinam fecimus sibi subtrahi, vobis mandamus quod dictas duas carrettatas ei habere permittatis in forma supradicta, nisi tale forisfactum intervenerit in hac parte per quod concessionem nostram predictam amittere debeat. Et, si quid tale intervenerit, id nobis sine dilacione significetis, quia nolumus dictam concessionem nostram sibi subtrahi, nisi de tali transgressione per quam eam amittere debeat nobis constiterit evidenter. Teste rege apud Westmonasterium xxv. die Marcii etc.

Pro Isabella de Feugers'.—Rex vicecomiti Stafford' salutem. Monstravit nobis Isabella de Feugers graviter conquerendo quod, cum Henricus filius suus, anno jam elapso, per infortunium interfecisset Robertum de Bracebrigg' in domo prefate Isabelle in Elmehirst', ipsa penitus ignorante et in nullo consentiente, tu ea occasione tenementa et catalla ejusdem Isabelle cepisti in manum nostram. Et, cum non sit moris in regno nostro quod aliquis racione hujusmodi eventus, dum tamen non sit inde culpabilis, tenementis vel catallis suis destituatur, set quod secundum legem et consuetudinem Anglie attachietur quod compareat coram justiciariis nostris in primo adventu suo post eventum predictum pro conservacione pacis nostre, tibi precipimus quod, si dicta Isabella de morte predicta non sit rettata, tunc eidem Isabelle tenementa et catalla sua capta in manum nostram occasione predicta sine dilacione restitui facias, accepta prius ab ea sufficienti securitate quod compareat coram justiciariis nostris ad primam assisam cum in partes illas venerint ut secundum legem et consuetudinem regni nostri rei veritas in hac parte melius sciri valeat et inquiri. Et habeas ibi hoc breve. Teste rege apud Westmonasterium xxiiij. die Marcii.

Pro Willelmo de Valenc'.—Rex thesaurario et camerariis suis salutem. Cum assignaverimus Willelmo de Valenc' omnes exitus ultimorum itinerum justiciariorum regis in comitatibus Essex' et Hertford' in partem solucionis debitorum in quibus sibi tenemur, ac vicecomes noster eorundem comitatuum nuper libera veritad scaccarium nostrum c. libras de exitibus predictis, vobis mandamus quod eidem fratri nostro dictas c. libras sine dilacione habere faciatis. Teste rege apud Westmonasterium xxvj. die Marcii anno regno etc.

Rex vicecomiti Essex' et Hertford' salutem. Cum assignaverimus Willelmo de Valenc' omnes exitus ultimorum itinerum justiciariorum regis in comitatibus predictis in partem solucionis debitorum in quibus sibi tenemur, tibi precipimus quod citra quindenam instantis Pasche omnes denarios quos poteris levare facias de exitibus predictis et eos eidem Willelmo habere facias, receptis ab eo litteris suis patentibus summam recepcionis denariorum illorum contingentibus. Et tu ipse cum litteris illis sis coram baronibus nostris de scaccario in quindena predicta ut denarii illi secundum continenciam dictarum litterarum sibi valeant allocari in debitis predictis. Teste ut supra.

De ponendis per ballium.—Nicholas le Especer, captus et detentus in prisona regis de Gernem' pro morte Henrici le Caretter unde rettatus est, habet breve vicecomiti Norff' quod ponatur per ballium. Teste rege apud Westmonasterium xxvij. die Marcii.
Herbertus Austyn, captus et detentus in prisona regis de Gernem' pro morte Simonis Gase unde rettatus est habet breve vicecomiti Norff' quod ponatur per ballium. Teste ut supra.
Henricus Hardeman, captus et detentus in prisona regis de Gernemuth' pro morte Henrici le Caretter unde rettatus est, habet breve vicecomiti Norff' quod ponatur per ballium. Teste ut supra.
Walterus Brun, captus et detentus in prisona regis de Gernem' pro morte predicti Henrici unde rettatus est, habet breve vicecomiti Norff' quod ponatur per ballium.
Willelmus Flach, captus et detentus in prisona regis de Gernem' pro morte predicti Henrici unde rettatus est, habet breve vicecomiti Norff' quod ponatur per ballium.
Ricardus Thurkild, captus et detentus in prisona regis de Gernem' pro morte Simonis Gase unde rettatus est, habet breve vicecomiti Norff' quod ponatur per ballium.
Johannes Hardman, captus et detentus in prisona regis de Gern' pro morte Nicholai de Enges unde rettatus est, habet breve vicecomiti Norff' quod ponatur per ballium.
Robertus Thurkild, captus et detentus in prisona regis de Gern' pro morte predicti Nicholai unde rettatus est, habet breve vicecomiti Norff' quod ponatur per ballium.
Gilbertus Hardeman, captus et detentus in prisona regis de Gern' pro morte Simonis Gase unde rettatus est, habet breve vicecomiti Norff' quod ponatur per ballium.
Stephanus Hardeman, captus et detentus in prisona regis de Gern' pro morte Nicholai de Enges unde rettatus est, habet breve vicecomiti Norff' quod ponatur per ballium. Teste supra.

De prisone recipiendo et cariando.—Rex custodi castri de Hanley salutem. Precipimus tibi quod Griffinum de Bedwas, captum et detentum in prisona nostra de Kaerdif pro pluribus transgressionibus eidem impositis et quem cariari precipimus usque castrum de Hanley liberandum tibi et custodiendum in castro predicto, recipias et in prisona ejusdem castri salvo custodiri facias donec aliud inde preceperimus. Teste rege apud Westmonasterium xxvij. die Marcii anno etc.
Rex vicecomiti Hereford salutem. Cum tibi alias preceperimus quod Griffinum de Bedeways, captum et detentum in prisona nostra Kaerdif pro pluribus transgressionibus eidem impositis, cariari faceres usque castrum nostrum Glouc' liberandum custodi ejusdem castri et custodiendum in prisona ejusdem castri donec aliud inde preceperimus, ac tu id facere hactenus distulisti, super quo miramur quam plurimum et movemur, tibi precipimus quod eundem Griffinum cariari facias usque castrum de Hanley liberandum custodi ejusdem castri ad custodiendum in prisona ejusdem castri prout custodi predicto injunximus. Teste ut supra.

Footnotes

  • 1. Sic an omission in MS.
  • 2. Omitted in MS.
  • 3. de repeated.