Close Rolls, February 1264

Close Rolls, February 1264

De ponendo per ballium.—Ricardus de Harade, captus et detentus in prisona regis de Norhampton' pro morte Simonis filii Simonis le Plumer unde rettatus est, habet breve vicecomiti Norhampt' quod ponatur per ballium. Teste R. rege Allemannie fratre regis apud Windes' v. die Februarii.

Pro Roberto Waler'.—Cum Robertus Waler' de licencia regis aliquamdiu moram traxerit in castro regis Sarr', quod rex Radulfo Russel una cum comitatu Wiltes' commisit custodiendum, et castrum illud ipso Roberto ibidem existente gente sua per moram suam in instanti turbacione regni regis extiterit sufficienter munitum, ac idem Robertus propter repentinas invasiones rebellium regis in marchias Wallie profectus fuerit ibidem ad presens cum R. rege Alemannie fratre regis et Edwardo primogenito regis, propter quod oportebit ipsum Radulfum personaliter moram facere in castro predicto ad securitatem ejusdem castri; mandatum est baronibus de scaccario quod compotum suum de tempore quo fuit vicecomes Wiltes' prorogari faciant usque ad quindenam Pasche proximo venturam. Teste R. rege Allemannie fratre regis apud Wigorniam ix. die Februarii. Per consilium.

Pro Willelmo Potel.—Rex coronatoribus suis in comitatu Hereford' salutem. Monstravit nobis Willelmus Potel quod, cum Johannes de Penros nuper interfectus esset in comitatu predicto et vos prout moris est et ad officium vestrum pertinuit in presencia vicecomitis nostri predicti comitatus inquisicionem feceritis de morte predicti Johannis, per quam compertum fuit ut dicitur ipsum Willelmum de morte predicto nullo modo fuisse culpabilem, vos nihilominus bona et catalla predicti Willelmi occasione mortis predicte cepistis in manum nostram et capta eidem Willelmo detinetis. Et ideo vobis precipimus quod, si ita sit, et predictus Willelmus invenerit vobis duodecim probos et legales homines de comitatu predicto qui manucapiant nobis respondere de bonis et catallis predictis vel precio eorundem coram justiciariis nostris ad primam assisam cum in partes illas venerint, si quis de morte predicta versus ipsum Willelmum loqui voluerit, tunc bona et catalla predicta eidem Willelmo per manucapcionem predictam sine diminucione aliqua deliberari faciatis. Teste rege Alemannie fratre regis apud Hereford xviij. die Februarii.
Postea mandatum fuit hoc idem vicecomiti Hereford quia dicti coronatores nichil inde fecerunt.

De roboribus datis.—Mandatum est custodi foreste de Bernewode quod in bosco de Shottover, qui est infra forestam predictam, faciat habere Theobaldo filio Johannis de Verdun quatuor robora ad focum suum de dono regis. Teste ut supra.

De damis datis.—Mandatum est eidem quod in foresta regis predicta faciat habere Bogoni de Clare duas damas de dono regis. Teste ut supra.

Littere post reditum regis in Angliam.

De ponendo per ballium.—Galfridus de Colne et Matildis filia Ade de Redburn, capti et detenti in prisona regis de Sancto Albano pro morte cujusdam hominis ignoti unde rettati sunt, habent breve vicecomiti Hertford quod ponantur per ballium. Teste rege apud Oxoniam x. die Marcii.

De estoveriis ad castrum de Pikering.—Mandatum est forestariis foreste de Pikering' quod per visum viridariorum ejusdem foreste faciant habere constabulario castri regis de Pikering' racionabile estoverium ad focum in eodem et domos in eodem castro reparandas. Teste rege apud Oxoniam ut supra.

De blado triturando et cariando ad opus regis.—Preceptum est Johanni le Pouer, ballivo regis de Wodestok et Brehull', quod visis litteris istis sine omni dilacione totum bladum regis apud Wodestok et Brehull' triturari et illud ad regem usque Oxoniam sub omni celeritate cariari faciat. Et hoc nullatinus omittat. Et rex debitam allocacionem sibi inde habere faciet. Teste ut supra.

De quercubus datis.—Mandatum est custodi foreste de Shottor' quod in eadem foresta faciat habere probis hominibus Oxonie quatuor quercus ad barreras in villa sua inde faciendas. Teste ut supra.
Mandatum est Alano la Zuche, justiciario foreste citra Trentam, quod in foresta de Shotouer faciat habere priori et conventui Sancte Fredeswide Oxonie duas quercus ad maeremium ad barreras faciendas de dono regis. Teste ut supra.