Close Rolls, February 1264

Calendar of Close Rolls, Henry III: Volume 12, 1261-1264. Originally published by His Majesty's Stationery Office, London, 1936.

This premium content was digitised by double rekeying. All rights reserved.

'Close Rolls, February 1264', in Calendar of Close Rolls, Henry III: Volume 12, 1261-1264, (London, 1936) pp. 374-375. British History Online https://www.british-history.ac.uk/cal-close-rolls/hen3/vol12/pp374-375 [accessed 26 March 2024]

Image
Image

Close Rolls, February 1264

De pontibus diruendis et prosternendis.—Rex Rogero de Clifford vicecomiti Wigorn' (fn. 1) salutem. Cum jam pro certo intellexerimus quod quidam de baronibus nostris per aquam Sabrine transierint vel in brevi transire proponant cum equis et armis et toto posse suo ad aggrediendum hostiliter una cum Lewelino filio Griffini et complicibus suis, inimicis nostris, dilectum et fidelem nostrum Rogerum de Mortuo Mari et ad obsidendum castra sua in partibus Marchie ad grave dampnum ipsius Rogeri et turbacionem regni nostri manifestam; vobis mandamus in fide et homagio quibus nobis tenemini et sub confidencia quam de vobis gerimus firmiter injungentes quatinus omnes pontes super aquam Sabrine infra ballivam vestram per quos transitus ad partes Marchie fieri possit, excepto ponte Glouc', quem salvo custodiri et muniri faciatis ne aliqui ibidem transeant ad dampnum nostrum, dirui et prosterni, et eciam omnes batellos, bargias et naves submergi et frangi, et vada et passagia per que hujusmodi transitus fieri possit versus partes predictas similiter obstrui faciatis ita caute et circumspecte quod securitati nostre et partium illarum necnon indempnitati prefati Rogeri ad plenum prospiciatur; taliter vos habentes in hac parte quod circumspeccionem, fidelitatem et diligenciam vestram merito commendare debeamus. Teste R. rege Alemannie fratre regis apud Windes' iiij. die Februarii. Per Edwardum filium regis, Henricum filium regis Alemannie.
Eodem modo mandatum est Hamoni Extraneo vicecomiti Salop' et Staff' etc. ut supra excepta illa addicione excepto ponte etc.
Eodem modo mandatum est Willelmo de Bello Campo vicecomiti Wigorn' etc. excepto ponte etc.

Rex Rogero le Flemeng' de Suthamt' salutem. Cum Johannes de Swineford, captor vinorum nostrorum, vos nuper assignaverit ad vina nostra in villa Suthamt' capienda, ac nolumus ad presens quod officio illo intendatis, propter quod Johannem le Blund' loco vestro ad hoc substituimus donec aliud inde duxerimus ordinandum; vobis mandamus quod de officio illi (sic) vos non intromittatis. Teste R. rege Alemannie fratre regis apud Windes' iiij. die Februarii. Per Edwardum filium regis.
Et mandatum est Johanni le Blund quod officio predicto diligenter intendat donec rex aliud inde duxerit ordinandum. Teste ut supra.

Rex concessit N. de Haudlo facere ei debitas et racionabiles allocaciones de tempore quo fuit custos regis episcopatus Wintoniensis; unde habet brevia etc. Istud fuit preceptum apud Windes'.

Post reditum regis in Angliam.

Footnotes

  • 1. rectius Glouc'.