Close Rolls, October 1264

Close Rolls, October 1264

CLOSE ROLLS. 49 HENRY III.

1264.

[m. 12.]

Pro Galfrido filio Alexandri de Hakethorn'.—Rex justiciariis suis ad custodiam Judeorum assignatis salutem. Sciatis nos caritatis intuitu et de gracia nostra speciali remisisse Galfrido filio Alexandri de Hakethorn', valetto comitis Glouc', feodum et omnes usuras in quibus idem Galfridus tenebatur Abrahee de Kanc', Judeo Linc', per cartam suam; (Ita quod sortem sive mutuum quod a Judeo predicto per cartas ejusdem Alexandri cancelled), ita quod sortem sive mutuum, quod a Judeo predicto per cartas ejusdem Alexandri recepit, predicto Judeo, si in regno nostro presens vel superstes fuerit, vel ipsius heredibus, si dictus Judeus mortuus fuerit, persolvat vel, si dicta debita ad nos pertineant, dictum mutuum nobis reddat ad scaccarium nostrum. Et ideo vobis mandamus quod cartas predicti Galfridi ab archa cirograforum Judeorum Linc' extrahi et prefato Galfrido liberari et ipsum de predicto feodo et usuris predictis quietum esse et sic fieri et irrotulari faciatis, ita tamen quod sortem sive mutuum quod a Judeo predicto per cartas suas recepit predicto Judeo, si in regno nostro presens vel superstes fuerit, vel ipsius heredibus, si dictus Judeus mortuus fuerit, persolvat vel, si dicta debita ad nos pertineant, dictum mutuum nobis reddat ad scaccarium nostrum sicut predictum est. Teste rege apud Westmonasterium xxx. die Octobris.