Close Rolls, December 1265

Close Rolls, December 1265

De damis datis.—Mandatum est Rogero de Clifford', justiciario foreste sue citra Trentam, quod in foresta de Braden faciat habere Philippo Basset quinque damos vivos et quindecim damas vivas de dono regis. Teste rege apud Westmonasterium xiij. die Decembris.

Pro priore de Avingham. De terminis dandis de debito.— Rex baronibus suis de scaccario salutem. Sciatis quod de debitis que prior de Avingham ordinis de Semplingham nobis debet ad scaccarium nostrum de debitis Alicie de Nevill' concessimus eidem priori quod reddat nobis ad scaccarium nostrum Pasche proximo futuri centum solidos, et sic de anno in annum centum solidos ad eundem terminum, donec predicta debita nobis persolvantur. Et ideo vobis mandamus quod terminos illos ei habere et sic fieri et irrotulari faciatis. Teste rege ut supra.

De frumento providendo ad opus regis.—Rex ballivis suis Northamt' salutem. Precipimus vobis quod statim visis litteris istis in villa vestra predicta provideri faciatis ad opus nostrum de sexaginta quartariis frumenti et ea magistro Radulpho pistori nostro liberari faciatis sine mora, ad panem inde ad opus nostrum conficiendum contra adventum nostrum ibidem. Et custum etc. reddi faciemus in adventu nostro predicto. Teste rege ut supra.

De robis datis.—Mandatum est Ricardo de Ewell' et Hugoni de Turri, emptoribus garderobe domini regis, quod habere faciant Johanni le Moyne, justiciario ad custodiam Judeorum assignato, robas suas per annum, sicut unus justiciariorum Judeorum predictorum habere consuevit, de dono regis. Teste ut supra.

De robis datis.—Mandatum est Ricardo de Ewell' et Hugoni de Turri, emptoribus garderobe domini regis, quod habere faciant Willelmo de Middelton', clerico scaccarii Judeorum domini regis, duas robas per annum, videlicet unam robam ad festum Natalis, Domini et aliam robam ad Pentecosten, quamdiu steterit in officio predicto, de dono regis. Teste ut supra.

De quadam porcione assignata conversis Lond'.—Cum porcio quam Hugo et Johannes, capellani ministrantes in capella domus conversorum extra London', percipiunt de bonis ejusdem nimium extet exilis ad eorum et clericorum suorum necnon luminarium et ornamentorum ejusdem capelle sustentacionem, ut rex accepit, mandatum est Ade de Cestreton' magistro domus predicte quod illos octo denarios ebdomadales quos Matildis de Grimmesby, conversa, que pro felonia quam fecit fugam fecit extra regnum regis, ut dicitur, percipere consuevit de bonis predictis, prefatis capellanis assignet ad augmentacionem sustentacionis antedicte. Teste ut supra.

Pro Roberto le Large. De manucapcione.—Robertus le Large, captus et detentus in prisona Noting' pro morte Alicie la Large unde rettatus est, habet litteras regis vicecomiti Noting' quod ponatur per ballium. Teste rege apud Westmonasterium vij. die Decembris.

Pro Isabella Wyteman. De terra sibi data.—Quia rex accepit per inquisicionem, quam per Willelmum de Clifford', escaetorem citra Trentam, fieri fecit, quod Isabella Wyteman est propinquior heres Willelmi Wyteman, qui se ipsum suspendit, ut dicitur, et plene etatis, rex eidem Isabelle graciam facere volens, reddidit ei octo acras terre et dimidiam et unam rodam in manerio de Gumcestr', que idem Willelmus tenuit in manerio regis de Gumcestr' die quo obiit, faciendo inde omnia servicia debita et consueta. Et mandatum est prefato escaetori quod eidem Isabelle plenam seisinam etc. habere faciat. Teste ut supra.

Pro Johanne piscatore de Grenewich'.—Rex dilecte consanguinee sue M. comitisse Flandr' et Hanath' salutem. Cum vos bona et mercimonia mercatorum terre nostre, occasione arestacionis bonorum et cattallorum mercatorum terre vestre in regno nostro facte tempore turbacionis habite in eodem infra potestatem vestram inventa nuper arestari feceritis, inter que quedam pecunie summa Johannis piscatoris de Grenewich', hominis dilecti nobis in Christo prioris de Leuesham, videlicet septemdecim libras et quinque solidos sterlingorum, in villa vestra de Bruges arestata est et detenta eidem ad ipsius Johannis grave dampnum et jacturam manifestam; cumque bona et cattalla mercatorum terre vestre in regno nostro, ut predictum est, arestata et detenta, ad instanciam et requisicionem vestram deliberari preceperimus, vos affectuose requirimus et rogamus quatinus totam predictam pecuniam ipsius Johannis in villa vestra ut predictum est arestatam et detentam sine ulteriori dilacione deliberari concedatis eidem, et commodum suum, prout viderit expedire, ipsum inde facere permittatis; pro quo vobis teneri debeamus ad grates. Teste ut supra.

Pro Ricardo de Oxehaye.—Rex concessit Ricardo de Oxehaye, camerario recepte scaccarii Westmonasterii, quod non distringatur ad wardam faciendam ad castrum Windes' quamdiu terre et feoda Willelmi de Windes' sufficiunt ad wardam illam faciendam: et mandatum est constabulario castri predicti quod ipsum Ricardum non distringat ad wardam illam faciendam sett eam levari faciat de terris et feodo predicti Willelmi, sicut prius fieri consuevit. Teste rege ut supra.

De una roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant magistro Willelmo le Plumer unam robam hac vice, de dono regis.

De feris datis.—Mandatum est custodi foreste de Rokingham quod in eadem foresta faciat habere Johanni de Kirkeby quatuor feras de dono regis. Teste ut supra.

De vinis datis.—Mandatum est ballivis Suthamt' quod de vinis regis que sunt in custodia sua habere faciant Edmundo filio regis sex dolia vini de dono regis. Teste rege apud Windes' x. Decembris.

Pro Michaele de Hispania.—Rex vicecomiti Essex' salutemCum Michael de Hispania, vallettus venerabilis patris R. Coven. trensis et Lichefeldensis episcopi, quandam terram suam in comitatu predicto dudum permutaverit cum Philippo Pady nuper defuncto pro quadam alia terra que fuit ipsius Philippi in eodem comitatu, sub hac condicione quod, si idem Philippus sine herede de corpore suo, veniente (sic) prefato Michaele, moreretur, tota terra que fuit ipsius Philippi in comitatu predicto per permutacionem predictam ad ipsum Michaelem reverteretur; ac quidam pacis nostre perturbatores occasione turbacionis habite in regno nostro statim post mortem predicti Philippi terram illam occupaverunt, occasione (turbacionis cancelled) cujus occupacionis eadem terra, sicut et alie per regnum nostrum sic occupate, reddita fuit in manum nostram et adhuc in manu nostra existat, et prefatus Michael fidei nostre et Edwardi primogeniti nostri hactenus constanter adheserit, sicut ex testimonio. venerabilis patris W. Bathoniensis et Wellensis episcopi plenius intelleximus, nos indempnitati sue prospicere volentes, ut tenemur; tibi precipimus quod, si tibi constiterit dictam permutacionem sic fuisse factam, tunc eidem Michaeli plenam seisinam de terra predicta habere facias. Teste rege apud Windes' x. die Decembris.

De ponendo per ballium.—Godringus de Rype, captus et detentus in prisona de Maidenstan pro morte Hugonis Spirneprud' unde appellatus est, habet litteras regis vicecomiti Kanc' quod ponatur per ballium. Teste rege apud Windes' xij. die Decembris.

Pro Ricardo Fyge.—Rex baronibus suis de scaccario salutem. Sciatis quod pro laudabili servicio quod Ricardus Fige, serviens noster, nobis impendit dedimus et concessimus eidem Ricardo illos tres denarios diurnos quos Ricardus de Funteny nuper defunctus percipere consuevit ad scaccarium nostrum de elemosina nostra constituta percipiendos ibidem quoad vixerit eodem modo quo prefatus Ricardus de Funteny eos percipere consuevit. Et ideo vobis mandamus quod prefato Ricardo Fige dictos tres denarios diurnos habere et sic fieri et irrotulari faciatis. Teste rege ut supra.

De robis liberandis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Henrico, atilliatori ballistarum nostrarum de Windes', robas suas decetero, sicut eas prius habere consuevit. Teste rege apud Windes' xiij. die Decembris.

Pro Johanne Malemort.—Rex ballivis suis Glouc' salutem. Quia volumus quod Johannes de Malemorte, dudum commorans in castro Sancti Briavelli ad quarellos nostros ibidem fabricandos, ad statum suum in eodem castro reponatur, et quod vadia sua percipiat, sicut ea prius percipere consuevit, vobis mandamus firmiter injungentes quod eidem Johanni vadia sua de firma ville vestre decetero habere faciatis, sicut ea retroactis temporibus habere consuevit: et hoc nullatenus omittatis. Et nos ea vobis in exitibus predictis vobis faciemus allocari.

De cera ad opus regis aquietanda.—Rex Ricardo de Bamfeud' et Willelmo filio Ricardi, custodibus cambii sui Lond', salutem. Mandamus vobis quod de exitibus cambii predicti emi et acquietari faciatis unum miliare et quingentas libras cere ad opus nostrum, et ea habere faciatis Hugoni de Turri, emptori garderobe nostre, ad faciendum inde quod ei injunximus. Et, cum sciverimus custum etc. Teste rege apud Windes' xiiij. die Decembris.

De obsidibus existentibus in Turri Lond' ducendis usque ad castrum Roff'.—Rex Johanni Walerand et Johanni de la Lynde, custodibus civitatis sue Lond', salutem. Mandamus vobis firmiter injungentes quod duodecim de obsidibus quos habetis in custodia vestra in Turri civitatis predicte, de quorum mora ibidem majoris suspicio periculi habetur, usque ad castrum nostrum Roff' caute et sub salvo conductu sine dilacione duci faciatis. Et, cum sciverimus custum quod ad hoc posueritis, illud vobis allocari faciemus. Teste ut supra in proxima.

De roboribus datis.—Mandatum est custodi foreste de Whichewode' quod in eadem foresta faciat habere magistro hospitalis Sancti Johannis extra portam orientalem Oxonie quinque robora ad focum suum de dono regis.

De quercubus datis.—Mandatum est constabulario castri Windes' quod in foresta de Windes' faciat habere Thome Burnel tres quercus aptas ad maeremium de dono regis.

De roboribus datis.—Mandatum est eidem constabulario quod in foresta predicta faciat habere Henrico de Westmonasterio, clerico regis, tria robora ad focum suum de dono regis.

De robis liberandis.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Willelmo de Blauncpumer singulis annis quoad vixerit robas suas de dono regis.

De robis datis.—Mandatum est eisdem Ricardo et Hugoni quod habere faciant Nicholao Tann et Nicholao Harlewin, servientibus regis commorantibus in castro Wyndes', duas robas, videlicet utrique eorum unam robam, hac vice de dono regis, nisi eas per aliud breve prius habuerint. Teste ut supra.

De roba data.—Mandatum est eisdem Ricardo et Hugoni quod habere faciant Gilberto le Macun unam robam de dono regis.

[m. 8.]

Pro Ada de Cestreton'.—Rex baronibus suis de scaccario salutem. Sciatis quod pro diutino et laudabili servicio quod dilectus clericus noster Adam de Cestreton' nobis impendit, et pro dampnis et jacturis que idem clericus noster pro nobis sustinuit tempore turbacionis habite in regno nostro, et eciam pro expensis suis quas nuper fecit in eundo in nuncium nostrum ad partes Norf' et Suff', ibidem morando, et inde ad nos redeundo, perdonavimus ei triginta marcas de quibus dudum cepimus nos ad ipsum pro hominibus subscriptis; vicelicet, pro Waltero de Wasingle pro libertate ne poneretur in assisis vel juratis, v. marcas; pro Waltero de Lindes' quinque marcas que nobis restiterunt reddendo (sic) de fine duarum marcarum auri pro respectu milicie; pro Willelmo de Waldis quinque marcas pro eodem; pro Johanne de Helpeston' v. marcas pro eodem; et pro Henrico Engayne decem marcas, que nobis restiterunt reddende de fine unius marce auri et dimidie pro carta nostra habenda de quodam bosco suo claudendo: et ideo vobis mandamus quod predictum Adam de predictis triginta marcis quietum esse faciatis. Teste rege apud Hamslape xviij. die Decembris.

De ponendo per ballium.—Leticia, uxor Henrici de Brunston', capta et detenta in prisona de Witeby pro morte Willelmi de Filing' unde rettata est, habet litteras regis vicecomiti Ebor' quod ponatur per ballium.

De quercubus datis.—Mandatum est Rogero de Clifford', custodi foreste citra Trentam, quod in foresta de Salseto faciat habere Petro le Blund' de Hamslep' duas quercus, de dono regis.

De ponendo per ballium.—Robertus le Butiler et Robertus de la Hide, capti et detenti in prisona Oxonie pro morte Roberti Race unde rettati sunt, habent litteras regis vicecomiti Oxon' quod ponantur per ballium. Teste rege apud Northamt' xx. die Decembris.

De balistis et quarellis mittendis a Turri Lond' usque Northampt.—Mandatum est constabulario Turris Lond' et custodibus ejusdem civitatis quod duodecim balistas ad duos pedes et quarellos usque ad quatuor bukettos sine dilacione ad regem usque Northamt' venire faciant; et hoc nullo modo omittant. Teste rege apud Northamt' xxiij. die Decembris.

De quercubus datis.—Mandatum est Rogero de Clifford', justiciario foreste citra Trentam, quod in parco de Hanleg', qui est infra forestam de Wittlewod', faciat habere Thome de Turbervill' decem quercus ad maeremium de dono regis. Teste.

De quercubus datis.—Mandatum est eidem justiciario quod in foresta de Salseto faciat habere priorisse de Siwardeleye decem quercus ad maeremium de dono regis. Teste rege ut supra.

Pro Roberto de Lacy et Amicia uxore ejus.—Rex vicecomiti Salop' salutem. Cum Robertus de Lacy nuper interfecerit Willelmum filium Hugonis de Chenye se defendendo, sicut accepimus, et postmodum, antequam utlagere (sic) pro morte illa in ipsum promulgata fuisset, perdonaverimus ei sectam pacis nostre que ad nos pertinet pro morte predicta et firmam pacem nostram ei inde concesserimus, ita quod stet recto in curia nostra si quis versus eum inde loqui voluerit; nos ad instanciam quorundam fidelium nostrorum, ei graciam facere volentes uberiorem, concessimus ei quod omnes terre et tenementa tam ipsum quam Amiciam uxorem ejus hereditarie contingencia et que occasione predicta capta fuerunt in manum nostram, restituantur eisdem; et ideo tibi precipimus quod eisdem Roberto et Amicie de terris et tenementis suis predictis in balliva tua existentibus seisinam suam sine dilacione rehabere facias in forma predicta. Teste etc. ut supra.

De quercubus datis.—Mandatum est Rogero de Clifford, justiciario foreste citra Trentam, quod in foresta de Salseto faciat habere magistro Gilberto de Milers quindecim quercus ad maeremium de dono regis.
Mandatum est eidem justiciario quod in foresta de Salseto faciat habere abbatisse et monialibus Sancte Marie de Pratis extra Northamt' decem quercus ad maeremium de dono regis. Teste rege apud Northamt' xxiij. die Decembris.
Mandatum est Elie de Tingewik', custodi foreste de Salseto et parci de Haleg', quod in foresta de Salseto faciat habere Fratribus Predicatoribus Northamt' novem quercus et in parco de Haleg' sex quercus ad maeremium, de dono regis. Teste rege apud Northamt' xxiiij. die Decembris.

De una roba data.—Mandatum est Ricardo de Ewell' et Hugoni de Turri, emptoribus garderobe regis, quod habere faciant Johanni Malemorte, fabricanti quarellos in castro de Sancto Briavello, unam robam hac vice de dono regis, nisi eam prius habuerit per aliud breve regis.

Pro Nicholao de Barbeflet.—Rex dedit Nicholao de Barbeflet de Merleberg' respectum usque ad mediam quadragesimam proximo futuram de omnibus debitis que idem Nicholaus debet quibuscumque Judeis Anglie. Et mandatum est justiciariis ad custodiam Judeorum assignatis quod respectum illum ei sic habere faciant. Teste rege apud North' xxvj. die Decembris.

Pro Johanne de Wauton'.—Rex perdonavit Johanni de Wauton' quatuordecim libras quas regi debet pro Ricardo de Crumhal' de arreragiis exituum comitatus Glouc' de tempore quo idem Ricardus extitit vicecomes regis ejusdem comitatus. Et mandatum est baronibus de scaccario quod ipsum Johannem de predictis quatuordecim libris quietum esse faciant. Teste rege apud North' xxviij. die Decembris.

Pro abbate de Burgo Sancti Petri.—Rex baronibus suis de scaccario salutem. Sciatis quod de fine quingentarum marcarum quem abbas de Burgo Sancti Petri nuper fecit nobiscum apud Wintoniam pro gracia nostra habenda, liberavit idem abbas per preceptum nostrum Ricardo de Ewell' et Hugoni de Turri, emptoribus garderobe nostre, die Martis in crastino Beati Thome apostoli anno regni nostri l° apud Lond' quadringentas marcas ad quasdam empciones garderobe nostre predicte inde faciendas, testificatas per predictum Hugonem. Et ideo vobis mandamus quod ipsum abbatem de predictis quadringentis marcis quietum esse faciatis. Teste ut supra.

De quercubus liberandis ad castrum de Sancto Briavello inde reparandum.—Mandatum est custodi foreste de Den' quod in eadem foresta faciat habere constabulario castri Edwardi filii regis de Munemuth' triginta quercus ad reparacionem ejusdem castri, de dono regis. Teste rege ut supra.

Pro magistro Johanne de Chyshull'.—Rex dilecto et fideli suo Bertramo de Burgo, coronatori suo in comitatu Staff', salutem. Cum dilectus clericus noster magister Johannes de Chishull', prepositus Beverlaci, quandam terram in Tettehal' jam pridem assignaverit ecclesie Sancti Michaelis de Tettehal' ad sustentacionem unius capellani perpetuo divina celebrantis in eadem in honore Beate Marie Virginis una cum bobus et aliis animalibus, bladis et aliis bonis, que de capellano in capellanum, sive cesserint vel decesserint, illi capellano qui ad officium illud successerit, ibidem cedere debent ad ipsius usum et sustentacionem; ac Willelmus capellanus, qui per prefatum magistrum Johannem ad celebracionem predictam extitit deputatus, pro felonia quam fecit jam abjuraverit regnum nostrum, per quod aliqua de bonis et animalibus supradictis per vos juxta debitum officii vestri capta sunt in manum nostram, nos, prefato magistro Johanni graciam facere volentes in hac parte, maxime cum votum suum predictum pium esse censeamus, vobis mandamus quatinus boves, animalia, blada et omnia alia bona antedicta eidem magistro Johanni vel certo suo attornato habere faciatis ad sustentacionem capellani futuri ad celebracionem divinorum ibidem, ut predictum est. Teste rege ut supra.

Pro heredibus Thome le Parker.—Rex magistro Willelmo de Clifford', escaetori suo citra Trentam, salutem. Cum nuper, credentes habere jus conferendi custodiam terrarum et tenementorum que fuerunt Thome le Parker defuncti apud Lillingstan, custodiam eorundem contulerimus magistro Thome cirurgico nostro, et postmodum perpendentes nos jus conferendi custodiam predictam non habere collacionem dicto magistro Thome inde factam jam revocaverimus, per quod idem magister Thomas nobis custodiam predictam reddidit; vobis mandamus quod predictas terras et tenementa rectis heredibus predicti Thome le Parker sine dilacione reddi faciatis. Teste rege ut supra.