Calendar of Close Rolls, Henry III: Volume 13, 1264-1268. Originally published by His Majesty's Stationery Office, London, 1937.
This premium content was digitised by double rekeying. All rights reserved.
'Close Rolls, December 1264', in Calendar of Close Rolls, Henry III: Volume 13, 1264-1268, (London, 1937) pp. 82-84. British History Online https://www.british-history.ac.uk/cal-close-rolls/hen3/vol13/pp82-84 [accessed 19 April 2024]
Close Rolls, December 1264
Rex Stephano de Vien', archidiacono Cantuariensi, salutem.
Cum W. Bathoniensis et Wellensis episcopus ad B. Cantuariensem
archiepiscopum, dominum vestrum, accedat pro quibusdam
negociis suis expediendis coram eodem, vos amicabiliter rogamus
quatinus circa promocionem dictorum negociorum apud archiepiscopum antedictum amore nostri talem diligenciam apponere
velitis quod mediante vestro juvamine sortiri valeant optatum
effectum, pro quo vobis grates scire debeamus speciales. Teste
rege apud Oxoniam iij. die Decembris.
Eodem modo mandatum est magistro Hugoni de Mortuo
Mari etc.
Et mandatum est archiepiscopo Cantuariensi quod ipsum
habeat recommendatum etc.
Rex Norwycensi episcopo salutem. Cum nuper per prelatos et magnates regni nostri provisum esset unanimiter et concessum quod decime proventum omnium beneficiorum ecclesiasticorum in regno nostro darentur ad communem utilitatem ejusdem regni et ecclesie anglicane, et quod hujusmodi decime per locorum episcopos levarentur et ad nos mitterentur, et tunc vobis mandaverimus quod juxta provisionem predictam in vestra diocesi de beneficiis ecclesiasticis hujusmodi decimas levari et ad nos mitti faceretis, indilate convertendas in communem utilitatem regni nostri et ecclesie predicte, quod hucusque facere distulistis; de quo miramur quam plurimum et movemur; vobis iterato mandamus firmiter injungentes quatinus hujusmodi decimam sine dilacione levari et eam usque Lond' modis omnibus transmitti faciatis, liberandam venerabilibus patribus H. Londoniensi et W. Wygorniensi episcopis, quibus injunximus quod eam recipiant et salvo custodiant, donec aliud inde preceperimus; ita quod eam habeant in vigilia Epiphanie Domini proximo futura ad ultimum. Et hoc sicut vos et honorem vestrum diligitis nullo modo omittatis; scituri quod, nisi feceritis, mandavimus vicecomiti nostro Norff' et Suff' quod usque ad septingentas marcas, in partem solucionis predicte, de bonis et catallis vestris in comitatibus predictis sine dilacione levari et ad nos mitti faciat sine mora. Per regem, Radulphum de Cameys, Egidium de Argent', Londoniensem et Wygorniensem episcopos.
Rex Warino de Bassingburn' et Roberto Burnel, clerico Edwardi primogeniti sui, salutem. Cum nuper durante turba cione regni nostri Robertus de Ferr', comes Derb', archam cirographorum judeorum nostrorum Wygornie una cum cartis in ea inventis usque castrum suum de Tuttebir' adduci et ibidem custodiri fecerit, ac idem filius noster, in ejusdem castri capcione, archam illam fregerit et cartas in ea inventas usque Bristoll' miserit, et quas ad presens in custodia vestra habetis, ut dicitur; nos, volentes quod carte ille usque Wygorniam reducantur, vobis mandamus quod Pagano le Bugeys et Johanni filio Alexandri, cirographariis judeorum Wygornie, cartas predictas per cirographum de cartis predictis inter vos et ipsos Paganum et Johannem conficiendum liberetis, ita quod cartas predictas usque Wygorniam reduci et ibidem in quadam archa judeorum reponi faciatis, ut predictum est; proviso quod cirographum illud habeatis coram justiciariis nostris ad custodiam judeorum assignatis Lond' in octabis Sancti Hillarii proximo futuris, quod quidem cirographum eisdem justiciariis liberari faciatis ibidem. Et hoc nullatenus omittatis. Teste rege apud Wygorniam xiij. die Decembris.
Rex Willelmo le Marescall' salutem. Cum Johannes de
Gray, cui castrum nostrum Notingh' dudum comisimus custodiendum, ad pacem nostram venerit et castrum predictum nobis
reddidit, per quod de consilio procerum et magnatum nostrorum
qui sunt de consilio nostro ipsum et omnes terras et tenementa sua
in proteccionem nostram et defensionem suscepimus, et jam de
consilio nostro predicto provisum sit quod omnes terre et tenementa ipsius Johannis occasione turbacionis in regno nostro
nuper habite per quoscunque occupata sibi restituantur, ac vos
terras et tenementa ipsius Johannis in comitatu Northamt'
occupaveritis et ea detineatis occupata occasione turbacionis
predicte, ut accepimus; vobis de consilio nostro predicto
mandamus, in fide et homagio quibus nobis tenemini firmiter
injungentes, quod omnes terras et tenementa predicta per vos et
vestros sic occupata sine dilacione restituatis eidem. Et hoc
sicut vos et honorem vestrum diligitis nullatenus omittatis.
Quia ea que per nos et proceres et magnates nostros predictos
provisa sunt et ordinata firmiter volumus observari et in omnibus
adimpleri, ita vos habentes in hac parte ne nos et consilium
nostrum super hoc oporteat ulterius sollicitari. Sciturus quod,
si secus egeritis, mandavimus vicecomiti nostro comitatus
predicti quod in propria persona sua accedat ad terras et tenementa
predicta et ea in manum nostram capiat et sibi restituat sicut
predictum est. Teste H. le Despenser, justiciario Anglie, apud
Wygorniam, xviij. die Decembris.
Eodem modo mandatum est vicecomiti Northamt', de consilio
procerum et magnatum regis, quod nisi idem Willelmus le
Marescall' terras et tenementa ipsius Johannis in comitatu predicto
sibi restituat, ut predictum est, ipse in propria persona accedat
ad terras et tenementa predicta, et ea in manum regis capiat, et
eidem Johanni restituat, sicut predictum est. Et hoc sicut se et
sua diligit nullo modo omittat.