Close Rolls, November 1270

Close Rolls, November 1270

Rex baronibus de scaccario salutem. Cum dudum viginti et quatuor acras terre que fuerunt Henrici Deyroll in Haneworth' sine licencia et voluntate ipsius Henrici infra parcum nostrum de Kenington' includi fecerimus, et recompensacionem inde prefato Henrico facere promiserimus, quam sibi ut heredibus suis non fecimus usque modo, et vos pro quibusdam assartis per Robertum Passelewe infra metas foreste nostre de Wytlewode dudum arrentatis decem et novem solidos per summonicionem scaccarii nostri predicti a prefato Henrico et heredibus suis annuatim exigatis, ut accepimus; nos in recompensacionem terre predicte Radulpho Deyroll, filio et heredi ipsius Henrici, graciam facere volentes remisimus et quietum clamavimus pro nobis et heredibus nostris eidem Radulpho et heredibus suis redditum decem et novem solidorum predictorum imperpetuum. Et ideo vobis mandamus quod ipsum Radulphum et heredes suos predictos de predictis decem et novem solidis annuis et arreragiis eorundem quietos esse, et sic fieri et inrotulari faciatis. Teste ut supra. Teste rege apud Windes' primo die Novembris.

Ricardus filius Emelyne de Fecham, captus et detentus in prisona regis Wygorn' pro morte Hultonis Everard de Fecham, habet litteras regis vicecomiti Wygorn' quod ponatur per ballium. Teste rege ut supra.

Willelmus Culverd' et Rogerus fiz le Provost, capti et detenti in prisona Salop' pro morte Nicholai Bust, habent litteras regis vicecomiti Salop' quod ponantur per ballium. Teste ut supra.

Nicholaus Schyne de Legh' et Walterus le Hunte, capti et detenti in prisona regis Salop' pro morte Nicholai Bust, habent litteras regis vicecomiti Salop' quod ponantur per ballium. Teste ut supra.

Rogerus Raven et Ricardus Raven, capti et detenti in prisona regis Salop' pro morte Hugonis Bust habent litteras regis vicecomiti Salop' quod ponantur per ballium. Teste ut supra.

Nicholaus de Sancto Vigore, captus et detentus in prisona regis de Shireburne pro transgressione foreste de Selewode', habet litteras regis vicecomiti Somers' quod ponatur per ballium. Teste rege apud Wind' iiij^to. die Novembris.

Rex baronibus de scaccario salutem. Sciatis quod perdonavimus Roberto de Halstede, valetto Alianore consortis Edwardi primogeniti nostri, viginti et quatuor libras de illis quadraginta et octo libris quas nobis debet ad scaccarium nostrum de debitis antecessorum suorum. Et ideo vobis mandamus quod predictum Robertum de predictis viginti et quatuor libris quietum esse faciatis. Teste ut supra.

Mandatum est custodi foreste de Morf quod in bosco de Jaspoll', qui est infra forestam predictam, faciat habere magistro Bonetto de Quintino, decano de Bruges, quatuor bonas quercus aptas ad maeremium de dono regis. Teste ut supra.

Mandatum est Nicholao de Yattindene, constabulario castri de Windes', quod in foresta de Windes' habere faciat Alano Burnel quatuor robora ad focum suum de dono regis. Teste rege apud Rading' vij. die Novembris.

Mandatum est Poncio de la More, emptori vinorum regis, quod de vinis regis que emit ad opus suum habere faciat eidem Alano unum dolium boni vini de dono regis. Teste rege ut supra.

Mandatum est Ricardo de Ewelle et Johanni de Sutton', emptoribus garderobe regis, quod habere faciant eidem Alano unam robam cum furura competenti hac vice de dono regis. Teste rege ut supra.

Matillis de Pyle et Cristiana filia ejus, Nicholaus de la Pyle, Elyas et Hugo fratres ejus, capti et detenti in prisona de Cranburn' pro morte Radulphi de Cruce, unde rettati sunt, habent litteras regis vicecomiti Dors' quod ponantur per ballium. Teste rege apud Rading' vij. die Novembris.

Mandatum est Rogero de Cliff' juniori, justiciario foreste citra Trentam, quod in foresta regis de Canok' faciat habere Philippo Marmyun duas damas et unam bissam de dono regis. Teste ut supra.

Rex baronibus suis de scaccario salutem. Cum dudum concessissemus dilecto et fideli nostro Johanni de Turbervill' quod de quadringentis marcis, in quibus nobis tenebatur pro custodia terrarum et heredis Johannis de Venuz defuncti habenda, redderet nobis per annum quinquaginta marcas ad scaccarium predictum donec predicte quingente marce nobis essent persolute, ac idem Johannes nobis adhuc teneatur ibidem in centum sexaginta et tribus libris de quadringentis marcis predictis, prout nobis significastis, ac nos teneamur dilecto et fideli nostro Willelmo la Zuch' in septies viginti et sex libris decem et septem solidis et septem denariis et obolo pro arreragiis expensarum suarum, quas fecit circa custodiam Insule de Ely de tempore quo habuit custodiam ejusdem; nos volentes quod prefatus Johannes de predictis centum sexaginta et tribus libris, que nobis a retro sunt, sicut predictum est, respondeat prefato Willelmo in partem solucionis predictarum septies viginti et sex librarum decem et septem solidorum et septem denariorum et oboli, videlicet de quinquaginta marcis per annum ad eosdem terminos ad quos idem Johannes predictas quinquaginta marcas annuas ad scaccarium predictum prius solvere consuevit, quousque sibi de predictis centum sexaginta et tribus libris satisfecerit; vobis mandamus quod predictas centum sexaginta et tres libras ad predictos terminos levari, et eas prefato Willelmo habere, et sic fieri et irrotulari faciatis, proviso quod facta solucione illa, sicut predictum est, prefato Johanni debitam quietanciam inde habere faciatis prout de jure fuerit faciendum. Teste ut supra.

Rex baronibus suis de scaccario salutem. Sciatis quod ad instanciam dilecti clerici nostri, magistri Radulphi de Freningham, perdonavimus Henrico Pirot dimidiam marcam, Alicie de Ros dimidiam marcam, Radulpho de Ros filio et heredi Walteri de Ros viginti denarios, qui ab eis exiguntur per summonicionem scaccarii nostri pro defalta communis summonicionis facte coram Nicholao de Turri et sociis suis, justiciariis nostris ultimo itinerantibus in comitatu Kanc'; perdonavimus etiam predicte Alicie dimidiam marcam que ab ea exigitur per summonicionem predicti scaccarii et ad quam amerciata fuit coram prefatis justiciariis pro falso clamore ut dicitur. Et ideo vobis mandamus quod predictos Henricum, Aliciam et Radulphum quietos inde esse, et sic fieri et irrotulari faciatis. Teste rege apud Rading' viij. die Novembris.

Willelmus de Eclyng' et Ricardus de Edenbrok', capti et detenti in prisona de Bruges pro morte Philippi le Simple unde appellati sunt, habent litteras regis vicecomiti Staff' quod ponantur per ballium. Teste ut supra.

Johannes Russel de Wherewell', captus et detentus in prisona nostra Wyntonie pro transgressione foreste regis de la Neuforeste unde rettatus est, habet litteras regis vicecomiti Suhampt' quod ponatur per ballium. Teste ut supra.

Gilbertus Barill, captus et detentus in prisona de Ivelcestre pro transgressione venacionis, habet litteras regis vicecomiti Somers' quod ponatur per ballium. Teste rege apud Clarendon' xv. die Novembris.

Willelmus de la Mouche, Willelmus Jordan et Henricus Sely, capti et detenti in prisona regis de Rokingham pro transgressione venacionis, habent litteras regis senescallo foreste inter pontes Oxon' et Stamf' quod ponentur (sic) per ballium. Teste ut supra.

Rex Ricardo de Ewelle et Johanni de Sutton', emptoribus garderobe sue, salutem. Mandamus vobis quod de garderoba predicta habere faciatis dilecto et fideli nostro Reginaldo de Drumare robam suam contra instans festum Natalis Domini, sicut retroactis temporibus habere consuevit, et Johanne uxori ejus, Isabelle, Matilli, et Mabillie, filiabus ipsorum Reginaldi et Johanne, quatuor robas, videlicet unicuique ipsorum unam robam sibi competentem, hac vice, de dono nostro speciali. Teste rege apud Clar' xvj. die Novembris.

Rex Poncio de Mora, emptori vinorum suorum, salutem. Mandamus vobis sicut alias mandavimus firmiter injungentes quod de vinis nostris, que cepistis vel capturi estis ad opus nostrum, habere faciatis dilecto et fideli nostro Reginaldo de Drumare unum dolium vini, quod ei nuper concessimus de dono nostro. Et hoc nullatenus omittatis. Teste ut supra.

Rex Stephano de Eddeworth, custodi foreste sue de Clarendon', salutem. Mandamus vobis quod balliam illam que est infra forestam nostram de Clarendon', et quam Edmundus de Meleford nuper tenuit, et quam ex causa certa cepistis in manum nostram, liberetis dilecto et fideli nostro Reginaldo de Drumare custodiendam quamdiu nobis placuerit. Teste rege apud Clar' xvj. die Novembris.

Rex dilecto clerico suo magistro Ricardo de Cliff', escaetori suo citra Trentam, salutem. Sciatis quod prior et conventus de Lilleshull' finem fecerunt nobiscum per viginti marcas pro custodia domus sue in instanti vacacione ejusdem habenda, de quibus nobis satisfecerunt in garderoba nostra. Et ideo vobis mandamus quod de custodia ejusdem domus in vacacione predicta vos in nullo intromittatis. Et, si quid inde medio tempore receperitis, id eis sine dilacione restituatis. Teste ut supra.

Rex justiciariis suis ad custodiam Judeorum assignatis salutem. Quia Radulphus de Estane tenetur diversis Judeis nostris Anglie in pluribus debitis ad que bona et catalla sua non sufficiunt, ut intelleximus, nos sibi graciam facere volentes vobis mandamus quod facta extenta omnium terrarum et tenementorum ipsius Radulphi, quantum videlicet valeant per annum ut in dominicis, serviciis, redditibus, villenagiis, et omnibus aliis exitibus terre, eidem Radulpho racionabiles terminos ad quos debita sua solvere possit, salvo contenemento suo, habere, et sic fieri (fn. 1) et irrotulari faciatis. Teste ut supra.

Mandatum est ballivo manerii regis de Wodest' quod in parco regis ibidem permittat Edmundum filium Rogeri de Mortuo Mari, thesaurarium Ebor', capere duas damas ad opus suum de dono regis. Teste rege ut supra.

Thomas Bramh', Nicholaus de la Mare et Egidius de Flory, capti et detenti in prisona regis de Shyreburn' pro transgressione foreste, habent litteram vicecomiti Sum' et Dor' de ponendo per ballium. Teste ut supra.

Robertus de Vernun et Edmundus frater ejus, capti et detenti in prisona regis Sarr' pro transgressione foreste, habent litteras regis vicecomiti Wilt' quod ponantur per ballium. Teste ut supra.

Mandatum est senescallo foreste inter pontes Oxon' et Stamf' quod in foresta de Shotovre faciat habere uxori Hugonis de Plessetis unam damam de dono regis. Teste rege apud Clarendon' xx. die Novembris.

Mandatum est Stephano de Edworth, custodi foreste de Clarendon', quod in eadem foresta faciat habere Mauricio le Taylur de Larkestok unam quercum ad domos suas reparandas de dono regis.

Mandatum est custodi foreste de Clarendon' quod in eadem foresta faciat habere Philippo Basset canonico Sar' duas quercus de dono regis. Teste rege apud Clarendon xxij. die Novembris.

Rogerus le Provost de Langeford', Willelmus Frithe, et Osbertus Frithe, capti et detenti in prisona Exon' pro morte Rogeri de la Porte unde rettati sunt, habent litteras regis vicecomiti Devon' quod ponantur per ballium.

Ricardus le Paumer, Walterus le Paumer et Ricardus filius Willelmi de Gelucroft, capti et detenti in prisona Norhampt' pro morte Walteri Ingold' et Simonis fiz le Provost unde rettati sunt, habent litteras regis vicecomiti Norhampt' quod ponantur per ballium. Teste rege apud Wintoniam xxvij. die Novembris.

Hugo Cory, captus et detentus in prisona regis Bed' pro morte Cristiane filie Agathe unde rettatus est, habet litteras regis vicecomiti Bed' quod ponatur per ballium. Teste ut supra.

Johannes filius Margerie de Skrapetoft, Ricardus frater ejus, Henricus filius David, Thomas David, Radulphus Elynor, Robertus filius ejus, Ricardus a la Funteyne, Willelmus filius Roberti le Clerc, Thomas frater ejus, Radulphus filius Matillis, Robertus frater ejus, David filius Matillis, Simon de Suham, Henricus Brun, Ricardus Brun, Ricardus filius Matillis, Ricardus a leglyse, Robertus frater ejus, Simon le Feure, Ricardus Beneton', Johannes Gamel', Johannes Bonevent, Ricardus Sprakely, Robertus filius Reginaldi, Ricardus Curteys, Willelmus le Vykere, Radulphus Andreu, Robertus le Serjaunt, Robertus filius Amiz, (fn. 2) Johannes frater ejus, Willelmus Benetun, Ricardus Humfray, Ricardus David et Henricus filius Ivette, capti et detenti in prisona Warr' pro morte Willelmi de Henton', habent litteras regis vicecomiti Warr' quod ponantur per ballium. Teste ut supra.

Mandatum est Poncio de la More, emptori vinorum regis per Angliam, quod de vinis regis que sunt in custodia sua habere faciat Roberto de Axemue, panetario regis, unum dolium vini de dono regis. Teste ut supra.

Mandatum est custodi foreste de Clarendon' quod in eadem foresta faciat habere priori de Ivycherch' duo robora de dono regis. Teste ut supra.