Close Rolls, October 1232

Calendar of Close Rolls, Henry III: Volume 2, 1231-1234. Originally published by His Majesty's Stationery Office, London, 1905.

This premium content was digitised by double rekeying. All rights reserved.

'Close Rolls, October 1232', in Calendar of Close Rolls, Henry III: Volume 2, 1231-1234, (London, 1905) pp. 160-162. British History Online https://www.british-history.ac.uk/cal-close-rolls/hen3/vol2/pp160-162 [accessed 27 March 2024]

Image
Image
Image

Close Rolls, October 1232

Rex vicecomiti Cantebrigie et Hunted' salutem. Scias quod assignavimus dilectos et fideles nostros Henricum le Evesk', Warinum de Saham, Matheum Christien et Thomam de Stagno ad xl. omnium mobilium H. Elyensis episcopi et [hominum] de terris et libertatibus suis in comitatibus Cantebrigie et Hunted' assidendam et colligendam. Et ideo tibi precipimus quod, occasione precepti nostri quod tibi alias fecimus, ut venire faceres coram generalibus assessoribus dicte xl. in comitatibus predictis [de] singulis villis iiij. homines et prepositum, de terris et libertatibus ipsius episcopi predictos homines et prepositum coram eis venire non facias; quoniam ipse episcopus ad mandatum nostrum coram predictis assessoribus ad hoc specialiter datis venire faciet, quibus intendens sis in omnibus aliis que dictum negotium contingunt in eadem forma quam de precepto nostro teneris intendere predictis generalibus assessoribus nostris comitatuum predictorum, ne tibi possit improperari [quod] vel hii vel alii in executione predicti negotii per defectum tui impediantur, pro quo ad te nos graviter capere merito debeamus. Teste rege apud Rading', xviij. die Octobris.
Et mandatum est generalibus assessoribus in eisdem comitatibus per diversas literas quod occasione mandati regis, quod eis fecit de predicta xl. illorum comitatuum generaliter facienda, in nullo se intromittant de xl. mobilium ipsius episcopi vel hominum suorum de terris et libertatibus suis. Teste ut supra.

Rex Elyensi episcopo salutem. Quia ad instantiam vestram speciales assignavimus assessores ad xl. mobilium vestrorum et mobilium hominum de terris et libertatibus vestris assidendam et colligendam; videlicet, in comitatibus Cantebrigie et Hunt', Henricum le Eveske, Warinum de Saham, Matheum Christien et Thomam de Stagno; in comitatibus Norf' et Suff', Robertum de Halsted', Walterum de Stanham, Ricardum filium Martini et I . . . . Hervi; et in comitatibus Essex' et Hertford', Walterum de Ely, Ricardum de Chawell, Johannem de Litlebir' et Galfridum de Verly; et precepimus vicecomitibus nostris predictorum comitatuum quod occasione generalis mandati nostri prius facti de collectione predicte xl., villatas de terris et libertatibus vestris coram generalibus assessoribus nostris comitatuum predictorum venire non faciant; vobis mandamus rogantes quatenus nostre providentes indempnitati in hac [parte] sicut nos facimus vestre, singulas villatas de terris et libertatibus vestris coram predictis specialibus assessoribus ad hoc datis diebus et locis quos ipsi ad hoc providebunt et vobis scire facient, venire faciatis; ita quidem quod negotium illud ad ultimum incipiatur, in singulis comitatibus predictis, in crastino Animarum anno etc. xvij., et de die in diem continuetur donec perficiatur; vos igitur juxta fiduciam quam de paternitate vestra reportamus, ea que dictum negotium deposcit, . . . vestris exequi faciatis, quod diligentia vestra debeat inde merito commendari, cum gratiarum actione speciali. Teste ut supra.
Istis specialibus assessoribus scribitur in forma qua superius scribitur generalibus assessoribus, mutatis tamen articulis secundum quod prenotatum est.
Et memorandum quod nomina istorum assessorum de singulis comitatibus scripta sunt in brevi dicto episcopo directo.
Mandatum est vicecomiti Essex' quod, si aliquando bene custodierit Hubertum de Burgo comitem, ipsum multo melius et diligentius custodiat, ita quod nullo modo capellam, in qua se tenet, exeat quin statim capiatur cum exierit, et ducatur incontinenti usque ad Turrim Lond', sub pena iiij. milium librarum. Teste rege apud Rading', xvj. die Octobris.
Mandatum est vicecomiti Norf' et Suff' quod, si Margareta uxor H. de Burgo comitis Kancie, exeat libertatem Sancti Edmundi, statim eam capiat et ducat usque ad Turrim Lond', constabulario ejusdem Turris liberandam. Teste ut supra.
Mandatum est vicecomiti Essex' et Hertford' quod, sicut se ipsum diligit, non permittat de cetero quod aliquis, sive vir religiosus sive alius, sine speciali mandato regis accessum habeat ad H. de Burgo, nec cum eo loquatur nec literam (?) vel mandatum aliquod ei deferat; nec etiam homines sui qui de licentia regis cibum suum parabant et ei serviebant, aliquando decetero ad eum accedant vel cibaria sua ei deferant, set, quando cibaria sua parata fuerint, deferant ea usque ad clausum extra capellam et tunc per aliquos de suis ad hoc assignatos, et qui prius juraverunt quod nullum nuntium vel mandatum ei deferent vel ab eo suscipient alicui alii nuntiandum, cibaria sua in capellam ad ipsum faciat (?) deferri. Parvum etiam sigillum suum, quod ipse adhuc retinuit apud se, in presentia sua visis literis faciat confringi et comminui. Teste rege apud Rading', xviij. die Octobris.
Mandatum est eidem vicecomiti quod, sicut se ipsum diligit, non permittat quod aliquis hominum loquatur aliquod verbum cum H. de Burgo, comite Kancie, nec quod decetero comedat nisi semel in die, et tunc non habeat nisi unum panem oboli et unam magnam cofatam cervisie. Salterium etiam ejus ab eo faciat amoveri, ita quod decetero inspectionem ejus non habeat. Teste rege apud Rading', xxij. die Octobris.
Mandatum est vicecomiti Essex' quod per transmissos ad H. de Burgo etc. duos barones regis qui de rege tenent in capite, summoneri faciat eum quod veniat ad Curiam Regis ad standum recto et judicium ejusdem curie subeundum super transgressionibus quas regi fecit, et super querelis quas alii de regno faciunt adversus eum; et sic de tercio die in tercium summoneri eum faciat semel, secundo et tercio, donec tres habeat summonitiones. Comitatum autem tuum assideri faciat apud Boisars . . . . . . . oct . . . Omnium Sanctorum; ita quod eo die eum possis utlagare per preceptum regis. Et videat ipse vicecomes quod tot et tales habeat eo die circa capellam ad ipsam custodiendam, quod ipse H. nullo modo inde queat exire quin statim capiatur. Teste . . . . . . xx[iij.] die Octobris.

[m. 17.]

De quercubus datis.—Mandatum est P. de Rivall' quod habere faciat priorisse et sanctimonialibus de Merlaue v. quercus in foresta de Windles' ad scindulas faciendas ad domos suas cooperiendas, de dono regis. Teste rege apud Wycumbe, xxix. die Octobris anno etc. xvij. Per Radulfum filium Nicholai.

Mandatum est P. de Rivall' quod habere faciat leprosis de hospitali Sancti Bartholomei extra Oxoniam sex quercus in foresta de Pauncehal' ad scindulas etc. ut supra.

Pro monialibus de Litlemora.—Rex concessit priorisse et monialibus de Litlemore et successoribus earum quod habeant de dono regis inperpetuum illam hidam terre cum pertinenciis in Henred', quam rex Ricardus avunculus regis dedit Johanni de Edgareston' habendam tota vita sua, et quam idem Johannes eis concessit ad eundem terminum, sicut plenius in carta eis inde confecta continetur. Et mandatum est vicecomiti Berk' quod eisdem priorisse et monialibus de predicta hida terre cum pertinentiis sine dilatione plenam saisinam habere faciat. Teste ut supra.