Calendar of Close Rolls, Henry III: Volume 2, 1231-1234. Originally published by His Majesty's Stationery Office, London, 1905.
This premium content was digitised by double rekeying. All rights reserved.
'Close Rolls, July 1234', in Calendar of Close Rolls, Henry III: Volume 2, 1231-1234, (London, 1905) pp. 580-583. British History Online https://www.british-history.ac.uk/cal-close-rolls/hen3/vol2/pp580-583 [accessed 19 April 2024]
Close Rolls, July 1234
Inquisitores in Lond' et comitatu Middelsex' de prisis vinorum et
aliis prisis occasione Camerarie Lond' factis per P. de Rivall' etc. et
de ceteris articulis.—Rex dilectis et fidelibus suis, magistro Alexandro
de Swereford', thesaurario Sancti Pauli London', Hugoni Gyffard',
constabulario Turris London', Andree Bukerel, majori London', et
Gerardo Bat, salutem. Sciatis quod constituimus vos justiciarios
nostros ad inquisitionem faciendam de prisis vinorum London' et de
omnibus aliis prisis occasione Camerarie nostre London' factis per
Petrum de Rivall' vel Robertum Passelewe vel ballivos eorum postquam
idem Petrus ballivam illam suscepit; et similiter ad inquisitionem
faciendam de omnibus terris, tenementis, denariis et aliis mobilibus
et omnibus aliis quibuscumque rebus datis predicto Petro vel Roberto
Passelewe vel ballivis eorum in London' et in comitatu Middelsex' per
districtiones vel per fines, vel alio quocumque modo data
fuerint sive ablata, ubicumqne et a quocumque et quibus
occasionibus, et que blada et que catalla vendiderint et per quod
pretium, et si fideliter ea vendiderint vel non. Et ideo vobis
mandamus quod in fide qua nobis tenemini, conveniatis apud
London' in crastino Assumptionis Beate Marie, anno regni nostri
xviij., et postea ad diem quem videritis expedire in comitatu
Middels', et vocatis coram vobis quos ad hoc videritis esse necessarios,
inquisitionem illam ita diligenter distincte et aperte faciatis, ut
discretionem vestram et diligentiam habere debeamus merito commendatam. Mandavimus enim vicecomitibus nostris London' et
Middelsex' quod ad dies et loca que ei (fn. 1) scire facietis, venire faciant
coram vobis omnes illos per quos inquisitionem illam melius facere
poteritis, et quos ad hoc magis videritis esse necessarios. In cujus
rei testimonium etc. Teste rege apud Westmonasterium, xxviij. die
Julii.
H. Dei gratia rex Anglie etc. vicecomitibus London' salutem.
Precipimus vobis quod sicut vos ipsos et omnia vestra diligitis,
statim visis litteris istis, omni occasione et dilatione postpositis,
clamari faciatis per civitatem nostram London' et per totam ballivam
vestram tam in burgis quam mercatis et hundredis, quod omnes illi
tam viri religiosi quam clerici et laici, qui terras et tenementa,
denarios vel alia mobilia vel quascumque alias res per districtiones
vel per fines vel de prisis vinorum vel de omnibus aliis prisis factis
occasione Camerarie nostre London' vel Cambii nostri London',
dederint Petro de Rivall' et Roberto Passelewe vel ballivis suis, sint
coram dilectis et fidelibus nostris Alexandro de Swereford', thesaurario
Sancti Pauli London', Hugone Giffard', constabulario Turris London',
Andrea Bukerel, majori London', et Gerardo Bat, justiciariis nostris
ad hoc assignatis, et coram vobis tam in civitate nostra London'
quam in singulis hundredis de comitatu Middelsex' ad diem
et locum quos iidem justiciarii nostri vobis scire facient, ad
certificandum super sacramentum suum eosdem justiciarios nostros
de donis receptis et ablatis et prisis occasione Camerarie nostre
vel Cambii nostri London' factis per eosdem Petrum et Robertum
vel ballivos suos et similiter ad certificandum eosdem justiciarios nostros de omnibus terris, tenementis, denariis et aliis
mobilibus et omnibus aliis quibuscumque rebus datis predictis Petro
et Roberto vel ballivis suis in eodem comitatu Middelsex'. Precipimus
etiam vobis quod ad diem et locum quos iidem justiciarii nostri
vobis scire facient, venire faciatis coram eis in comitatu Middelsex'
sex tam milites quam alios liberos, legales et discretos homines, per
quos rei veritas melius sciri poterit, de singulis hundredis ad certificandum predictos justiciarios nostros super sacramentum suum de
predictis donis, ablatis et prisis, et occasionibus predictorum donorum,
ablatorum et prisarum, tam de illis qui coram eisdem justiciariis
presentes fuerint, quam de hiis qui fuerint absentes, qui interim ita
sibi provideant de predictis ne odio, gratia vel timore vel amore
corupti veritatem inde celare presumant, propter quod tam ad vos
quam ad eos graviter nos capere debeamus. Et habeatis ibi nomina
militum et hoc breve. Teste rege apud Westmonasterium, xxviij.
die Julii.
De prisis Suht'.—Eodem modo scribitur Johanni de Colemere,
Johanni de la Bulehus' et Michaeli de Amblie de prisis vinorum
Suhampt' et de omnibus aliis prisis occasione Camerarie Suhampton'
factis per Petrum de Rivall' etc. sicut superius scribitur magistro
Alexandro de Swereford' et sociis suis de prisis occasione Camerarie
Lond', etc.
Rex vicecomiti Suht' salutem. Scias quod constituimus dilectos
et fideles nostros Johannem de Colemere, Johannem de la Bulehus'
et Michaelem de Amblye justiciarios nostros ad inquisitionem faciendam
de prisis vinorum Suht' et de omnibus aliis prisis occasione Camerarie
nostre Suht' factis per Petrum de Rivall' vel ballivos suos, postquam
idem Petrus ballivam illam suscepit. Et ideo tibi precipimus quod
sicut te ipsum et omnia tua diligis, ad dies et loca que predicti
justiciarii nostri tibi scire facient, venire facias coram eis omnes illos,
per quos inquisitionem illam melius facere poterunt, et quos ad hoc
viderint esse magis neccessarios, ad certificandum super sacramentum
suum predictos justiciarios nostros de prisi (sic) vinorum et de omnibus
aliis prisis occasione Camerarie nostre Suht' factis per predictum
Petrum et ballivos suos. Et taliter te super hoc intromittas ne
nos ad te et tua graviter capere debeamus. Teste rege apud
Westmonasterium, xxix. die Julii.
H. Dei gratia rex Anglie etc. majori Lond' salutem. Precipimus
tibi quod assumptis tecum dilectis et fidelibus nostris, magistro
Alexandro de Swereford', thesaurario Sancti Pauli Lond', Hugone
Giffard', constabulario Turris nostre Lond', et Gerardo Bat, diligentem
fieri facias serchiam secundum consuetudinem civitatis nostre Lond'
de prisis vinorum Lond' et de omnibus aliis prisis occasione
Camerarie nostre Lond' factis per Petrum de Rivall' vel Robertum
Passelawe vel ballivos eorum, postquam idem Petrus ballivam illam
suscepit; et similiter de omnibus terris, tenementis, denariis, sicut
continetur supra in litteris de inquisitione facienda. Et ad serchiam
illam faciendam venire facias coram te et predictis fidelibus nostris
omnes illos de civitate nostra Lond' quos ad hoc videris esse
neccessarios, in crastino Decollationis Sancti Johannis, anno etc.
xviij. Et ita distincte et aperte cerchiam illam fieri facias quod
inde diligenciam tuam possimus commendare. Mandavimus quidem
predictis fidelibus nostris quod ad predictum diem una tecum ad
predictum negocium expediendum conveniant, et ad hoc tecum
diligenter intendant. Hoc autem probis hominibus nostris Lond'
concessimus pro libertatibus civitatis nostre Lond' conservandis.
Teste rege apud Geudeford', xxvij. die Augusti, anno xviij. Et
mandatum est predictis fidelibus domini regis quod ad hoc una cum
predicto majore intendant, per litteras patentes continentes consimilem
formam. Teste ut supra.