Close Rolls, February 1238

Calendar of Close Rolls, Henry III: Volume 4, 1237-1242. Originally published by His Majesty's Stationery Office, London, 1911.

This premium content was digitised by double rekeying. All rights reserved.

'Close Rolls, February 1238', in Calendar of Close Rolls, Henry III: Volume 4, 1237-1242, (London, 1911) pp. 24-30. British History Online https://www.british-history.ac.uk/cal-close-rolls/hen3/vol4/pp24-30 [accessed 27 March 2024]

Image
Image
Image
Image
Image
Image
Image

Close Rolls, February 1238

Pro Roberto de Quency et uxore ejus.—Mandatum est vicecomiti Norhampt' quod de maneriis de Fodringh', Nassinton' et Jarewell', que fuerunt Johannis, quondam comitis Cestrie et Hunt', sine dilatione plenam seisinam habere faciat heredibus ipsius comitis, qui quidem heredes per preceptum regis predicta maneria liberabunt W. comiti Albemarl', et idem comes de precepto regis ea liberabit Roberto de Quency et Elene, comitisse Cestrie et Hunt', uxori ejus, in tenantiam donec terre, que fuerunt predicti comitis Cestrie et Hunt,' et terre, quas predicta comitisa tenet de terris que fuerunt predicti comitis, fuerint extente; ita quod ex quo extente earundem terrarum facte fuerint, si predicti Robertus et comitissa habeant sufficientem dotem de predictis terris, tunc id eis remaneat, et, si ipsi plus habeant de predictis terris quam ad eos pertinet, habendum nomine dotis ipsius comitisse, id amensuretur et ad predictos heredes revertatur quod inde superfuerit, et, si ipsi minus habeant de predictis terris quam habere debent nomine dotis, id quod eis defuerit per predictos heredes eis perficietur. Teste rege apud Westmonasterium, j die Februarii.
Eodem modo scribitur vicecomitibus—
Bedef', de manerio de Kemeston';
Midd', de manerio de Totenham;
Hunt', de maneriis de Brampton, Cunington et de Lymmynges;
Essex', de manerio de Badewe;
Rotel', de manerio de Exton'.

Pro Stephano de Seinges, de pace roberie.—Mandatum est vicecomiti Norf' quod, si Stephanus de Seignes invenerit ei xij. salvos et securos plegios ad standum recto si quis versus eum loqui voluerit de roberia et pace regis fracta unde rettatus est in comitatu Essex', tunc scire faciat vicecomiti Essex' per literas suas patentes nomina plegiorum ut ipsi Stephano pacem inde habere faciat usque ad primam assisam cum justiciarii in partes illas venerint, sicut rex ei precepit. Teste ut supra.

Et mandatum est vicecomiti Essex' quod ex quo vicecomes Norf' etc. Teste ut supra. Per W. de Ral'.

[m. 19.]

De tradendis in ballium.—Mandatum est vicecomiti Norf' quod singuli subscriptorum, Cle[me]ntis de Stamford', Rogeri le Lingedraper, Roberti de Hahill', Simonis Shipman, Ricardi coci, Willelmi Nothe, Willelmi Sharpe, Willelmi de Beauton', Edmundi le Cordewaner, Willelmi de Lakeham', Rogeri clerici, duorum servientum Radulfi de Banigham, Walteri le Seignur, Roberti Godwine, Rogeri Houteman, Willelm Fis, Galfridi Mutun, Hereman Crede, Alani le Taillur, Walteri le Cuver, Gerini scriptoris, Alani le Geliner, Widonis le Geliner, Juliane Waukel, Johannis Fox, Johannis Sabin clerici, Claricie Chiken, Henrici de Wangeford', Galfridi Galun et Willelmi Gukemund, capti et detenti in prisona regis apud Norwic' pro fractione domorum Judeorum Norwic' et depredatione eorundem Judeorum, de qua fractione et depredatione eorundem Judeorum ipsi culpabiles non sint, [ut] rex accepit per inquisitionem factam per preceptum suum, [si] invenerint eidem vicecomiti sex probos et legales homines de comitatu suo qui eos manucapiant habere coram justiciariis ad primam assisam etc. ad standum inde recto si quis etc.; tunc singulos ipsorum tradat in ballium ipsis sex probis et legalibus hominibus sicut predictum est. Et habeat etc. Teste rege apud Westmonasterium', j. die Februarii.

De tradendis in baillium.—J. comes Linc. manucepit Eustachium de Pavilly, Reginaldum de Pavilly, Johannem de Clere, Egidium de Manquency, Thomam de Binetr', Thomam de Anteny, Radulfum de Condon', Johannem le Taillur, Willelmum Frage et Galfridum de Burghall habendos coram justiciariis etc. ad primam assisam etc. ad standum recto de appello quod Egidius de Patesl' facit versus eos de morte Bertrami de Happesburg'. Et mandatum est vicecomiti Norf' quod eos per manucaptionem ejusdem comitis pacem inde habere permittat; et habeat ibi hoc breve. Teste ut supra.

Mandatum est vicecomiti Norf' quod, si Henricus Russel', Galfridus de Budevill', Tholy de Norwod', Gobelin le Messeger, Ricardus Faceben, Ricardus Beuchamp, Ricardus Carpenter, Johannes Burdun et Philippus de Nortwold', qui appellati sunt in comitatu suo de morte Bertram de Happesburg', invenerint ei xij. etc. qui eos manucapiant habere coram justiciariis etc. ad standum inde recto, tunc illos tradat in ballium ipsis xij. etc.

Pro Hectore de Arraz mercatore.—Mandatum est P. Wyntoniensi episcopo quod catalla Hectoris de Araz mercatoris inventa apud Suht' et [que] sunt in manu sua ibidem, de catallis que a quodam homine ipsius Hectoris transeunte per partes Aulton' ablata fuerunt, ut dicit, si idem Hector probare poterit catalla illa sua esse, tunc ea ipsi Hectori reddi faciat. Teste rege apud Westmonasterium, iiij. die Februarii.

Pro Thoma de Alta Villa et uxore ejus.—Mandatum est vicecomiti Leic' quod de terra que fuit Randulfi de Hurle in Stapelford' in ballia sua et quam cepit in manum regis occasione terre quam idem Randulfus tenuit de ballio regis in Norton in comitatu Sumers', Thome de Alta [Ripa erased] Villa et Margarete uxori ejus, filie et heredi predicti Randulfi, plenam seisinam habere faciat. Teste ut supra.

De scindulis ad domos regis cooperiendas.—Mandatum est Johanni de Nevill' quod habere faciat Waltero de Burgo maeremium in ballia sua ad scindulas faciendas ad domos regis de Clive, Brikestok', Geitinton' et Selveston' cooperiendas. Teste ut supra.

De latronibus recipiendis.—Mandatum est vicecomiti Glouc' quod duos latrones quos Willelmus Brito, serviens Engelardi de Cygony de Duresl', ei liberabit recipiat et de eis fieri faciat quod secundum legem terre fieri debeat. Teste rege apud Kenynton, vj. die Februarii.

De terra extendenda.—Mandatum est justiciariis ad custodiam Judeorum assignatis quod extendi faciant terram Willelmi le Chamberleng in comitatu Glouc' et extentam scire faciant regi et interim cessent usure. Teste apud Keninton', vij. die Februarii. Per fratrem G. elemosinarium.

De ballia Radulfi de Aundevill' in foresta de Feckeham.—Mandatum est baillivo de Fekeham quod bailliam foreste de Fekeham, quam Radulfus de Aundevill' habuit, capiat in manum regis et eam bene custodiat donec dominus rex aliud inde preceperit; et si ipsum Radulfum vel aliquos de suis inveneris (sic) itinerantes in foresta illa occasione illius baillie tunc corpora illorum arestari faciat et salvo custodiat donec rex aliud inde preceperit. Teste ut supra.

Mandatum est forestariis, viridariis et aliis de eadem baillia quod eidem baillivo, tanquam custodi ejusdem baillie, intendentes sint et respondentes in omnibus que ad forestam illam pertinent. Teste ut supra.

Pro Roberto de Gouiz.—Mandatum est baronibus de Scaccario quod, non obstante eo quod Robertus de Gouiz non servavit terminos suos de x. marcis regi reddendis per annum de debito Judeorum quod regi debet, permittant ipsum Robertum reddere v. marcas ad eosdem terminos ad quos predictos x. marcas prius reddere solebat, sicut rex ei concessit per alias litteras suas ipsis baronibus directas quas penes se habent. Teste rege apud Kenynton, viij. die Februarii.

De quercu data ad pontem de Stanes reparandum.—Mandatum est Engelardo de Cygoyny quod faciat habere Radulfo, custodi pontis de Stanes, quandam quercum in foresta de Windlesor' ad reparationem ejusdem pontis, de dono regis. Teste rege apud Windles'. ix. die Februarii, anno xxij.

De quibus[dam] operibus faciendis apud Westmonasterium.—Mandatum est H. de Path', thesaurario, quod de marmore, quem (sic) habet penes se et qui (sic) debuit retineri ad opus Thome de Muleton', fieri faciat decentes gradus ante altare in capella Sancti Stephani apud Westmonasterium et de residuo ejusdem marmoris fieri faciat gradus ante altare in capella regine apud Westmonasterium ex quo perfecta fuerit; et si marmor ille (sic) non sufficiat ad utrumque opus tunc de tegula picta gradus illos fieri faciat; parvam etiam capellam apud Westmonasterium tegula picta decenter paveari faciatis (sic) et a tergo ultra sedem regis in eadem capella faciat depingi historiam Joseph; cameram etiam regine et garderobam subtus cameram illam faciat bene lambruschari et ornari et in fenestra barrata ferro que est in ultima camera ejusdem garderobe fieri et poni faciat quandam fenestram vitream albam, ita quod camera illa non sit ita ventosa sicut esse consuevit; et dominus rex custum quod [sic] ad hoc posuerit ei allocari faciet. Teste rege apud Westmonasterium, x. die Februarii.

De robore dato.—Mandatum est Engelardo de Cygoyny quod faciat habere Thome Baldewini hospiti Petri de Malo Lacu [duo robora erased] unum robur in baillia sua ad focum [predicti Petri erased] suum de dono regis. Teste rege ut supra.

De damis datis.—Mandatum est custodi foreste de Melkesham quod faciat habere Drogoni de Barentin et Nicholao de Bolevill' duas damas in predicta foresta, de dono regis. Teste rege apud Windl', xj. die Februarii.

De catallis quorundam oppressorum apud Glouc'.—Mandatum est vicecomiti Glouc' quod omnia catalla et bona, que fuerunt Stephani de Hereford' et Matildis uxoris ejus, oppressorum in villa Glouc' una cum quibusdam aliis per ruinam cujusdam muri, in cujuscumque manu inventa fuerint, sine dilatione habere faciat liberis ipsorum Stephani et Matildis, si qui superstites fuerint, per visum Walteri de Glouc', clerici et aliorum propinquiorum parentum eorundem liberorum; et si forte superstites non fuerint, tunc omnia catalla et bona predicta habere faciat propinquioribus parentibus ipsorum oppressorum ad erogandum pro animabus predictorum Stephani et Matildis et liberorum suorum secundum quod melius viderint expedire; et si quid de catallis et bonis predictis quocumque modo amotum fuerit vel distractum, id sine dilatione faciat revocari et predictis liberis et oppressorum parentibus liberari ad disponendum inde sicut predictum est. Teste ut supra.

Mandatum est vicecomiti Glouc' quod omnia catalla et bona, que fuerunt Cristiane quondam uxoris Ricardi filii Katerine oppressa (sic) in villa Glouc' per ruinam muri predicti, sine dilatione faciat habere propinquioribus parentibus ipsius Cristiane ad disponendum inde et distribuendum inter eos et alios parentes ejusdem per visum proborum et legalium hominum ejusdem ville secundum quod melius viderint expedire; et si quid inde amotum fuerit id eisdem faciat deliberari. Teste rege ut supra.

Pro constabulario Divisarum.—Mandatum est custodi foreste de Melkesham quod permittat J. de Pless', constabularium Divisarum, capere rationabile estoverium ad opus suum et suorum commorantium cum ipso in predicto castro in predicta foresta ad focum suum per visum forestariorum et viridariorum. Teste ut supra.

De lampredis perquirendis.—Mandatum est vicecomiti Glouc' quod ad denarios suos omnes quos poterit lampredas perquirat, et custum ad hoc appositum rex ei allocari faciet. Teste ut supra.

Pro Philippo Pedefer.—Mandatum est ballivis Suhamt' quod si Philippus Pedefer. mercator de Cadamo probare possit duos saccos lane suos esse, quos emit, ut dicit, de Willelmo Den, homine Andree Bukerel, qui postea arestati fuerunt per Walterum le Flemeng et eadem occasione sunt penes vos detenti et quod pro lana illa pacaverit secundum quod inter eos inde convenit, tunc duos saccos lane predicto mercatori liberari faciat. Teste rege apud Windl', xiij. die Februarii.

Pro Henrico de Lingiure.—Mandatum est vicecomiti Oxonie, quia rex cepit homagium Henrici de Lyngiuere, filii et heredis Roberti de Lyngiuere, de feodo unius militis cum pertinentiis in Adburgbury, quod predictus Robertus tenuit de rege in capite, quod predicto Henrico eandem seisinam de predicto feodo habere faciat qualem predictus Robertus pater ejus inde habuit die quo obiit, quia rex perdonavit ei relevium suum. Teste ut supra.

De quercubus datis.—Mandatum est Johanni de Nevill' quod faciat habere Henrico de Longo Campo duas quercus in bosco de Brikestok' extra parcum ad maeremium faciendum. Teste ut supra.

Pro Rogero de Helpeston'.—Mandatum est justiciariis ad custodiam Judeorum assignatis quod terram Rogeri de Helpeston' in comitatu Norhamt', que est vadium quorundam Judeorum de Stamford', extendi faciant et, secundum quantitatem debiti et valorem predicte terre, predicto Rogero rationabilem finem et rationabiles terminos habere faciatis (sic) ad predictum debitum predictis Judeis reddendum. Teste rege apud Kenynton, xvj. die Februarii.

De tradendo in baillio.—Quia rex accepit per inquisitionem factam per preceptum suum quod Hamo de Dele, captus et detentus in prisona regis Cantuarie pro morte Ricardi de Buniton', unde rettatus est, inde rettatus est odio et athia etc. mandatum est vicecomiti Kancie quod, si idem Hamo invenerit ei xij. etc. qui eum manucapiant habere etc. tunc tradat etc. Teste ut supra.

Consimiles literas habet Walterus de Sancto Milione, captus et detentus in prisona apud Bray pro morte Willelmi (sic) de Scorchevill' unde appellatus est; et diriguntur litere vicecomiti Berk' etc. Teste ut supra.

De maeremio habendo.—Mandatum est Hugoni de Vyvon' quod in bosco regis de Furch' faciat habere ballivis regis Bristoll' merem[i]um necessarium ad sustentationem molendinorum regis Bristoll', ita quod de quercubus, quas eis ad hoc habere faciet, habeat penes se unam talliam et predicti ballivi contratailliam. Teste rege apud Westmonasterium, xvij. die Februarii.

De extenta facienda.—Rex justiciariis suis ad custodiam Judeorum assignatis, salutem. Mandamus vobis quod per sacramentum proborum et legalium hominum extendi faciatis terram Willelmi le Chamberleng in comitatu Glouc', quantum valeat per annum in dominicis etc. et secundum valorem illius terre et quantitatem debiti quod predictus Willelmus debet Aaron Blundo, Aaron filio Abrahe, Elye le prestre, Isaac filio Jocei, de Lond', Bonefey, de Bristoll' et Lioon', de Wintonia, rationabilem finem et rationabiles terminos predicto Willelmo habere faciatis ad reddendum dictis Judeis predictum debitum. Teste rege ut supra. Per G. elemosinarium.

De respectu.—Rex custodi episcopatus Dunholmensis, salutem. Precipimus tibi quod loquelas que sunt in hundredo de Sedbern' inter Robertum filium Meandr' et Johannem de Bailloll' et homines suos et inter abbatem de Ryvall' et eundem Johannem et homines suos de Alowent' et de Middlinton' de molendinis et aliis contentionibus poni facias in respectum usque ad octabas Clausi Pasch', ita quod loquele ille tunc sint in eodem statu quo nunc sunt, quia ipsum Johannem in servitio nostro nobiscum retinuimus. Teste rege apud Westmonasterium, xviij. die Februarii.

Pro Hugone Paynel.—Mandatum est constabulario de Corf' quod permittat Hugonem Paynel in presenti seisona currere ad vulpem in warenna de Corf. Teste ut supra.

Pro Johanne de Grey.—Mandatum est Galfrido Esturmy quod faciat habere Johanni de Grey unum postem et duas virgas ad quoddam molendinum suum ad ventum, de dono regis. Teste ut supra.

De nuntio comitis Flandr' deliberando.—Mandatum est ballivis Dovr' quod Egidium le Brun, nuntium comitis Flandr', quem arestaverunt, deliberari faciant et sine impedimento permittant abire quo voluerit. Teste rege apud Westmonasterium, xx. die Februarii. Per Amauricum de Sancto Amando.

De maeremio habendo.—Mandatum est Roberto de Everingeham' quod in bosco de Mamefeld' habere faciat constabulario Noting' maeremium ad reparandum pontem turneicium castri Noting' et coquinam in eodem castro. Teste ut supra.

De perdonatione xxxe.—Rex assessoribus et collectoribus tricesime in comitatu Cantebrigie, salutem. Sciatis quod perdonavimus priorisse de Strafford' xliij. solidos et iij. quadrantes de xxxa. sua et hominum suorum in comitatu predicto; et ideo vobis mandamus quod de predicta xxxa. predictam priorissam quietam esse permittatis et, si xxxam. ipsam receperitis, eam sine dilatione eidem priorisse reddi faciatis. Teste rege apud Westmonasterium, xx. die Februarii.

Eodem modo scribitur assessoribus et collectoribus xxxe. in comitatu Middlesex' pro eadem priorissa.

De vivario de Wudestok' frangendo.—Rex Waltero de Burgo, salutem. Mandamus vobis quod per visum quatuor legalium hominum de baillia vestra extra Wudestock frangi faciatis vivarium nostrum de Wudestok' prope domos nostras ibidem in competentiori loco ubi frangi poterit et grossum piscem quem ibi inveneritis tam de lusceis quam de aliis salvo custodiri faciatis ad opus nostrum in aliquo loco ubi compententius possit custodiri donec eum habere velimus et minutum piscem, quem ibidem inveneritis, exponatis venditioni facientes inde commodum nostrum sicut melius videritis expedire per visum predictorum iiij. hominum. Teste ut supra.

De tradendo in baillio.—Mandatum est vicecomiti Suff' quod, si Willelmus Seman et Margareta uxor ejus, appellati de combustione, invenerint ei xij. probos et legales homines qui manucapiant eum (sic) habere coram justiciariis itinerantibus, tunc eos tradat in baillio. Teste rege apud Westmonasterium, xxij die Februarii.

De perdonatione.—Rex perdonavit Petro de Russell' viij. libras que ab eo exiguntur per summonitionem Scaccarii de tempore quo fuit vicecomes Devon. Et mandatum est baronibus de Scaccario quod ipsum inde quietum esse faciant. Teste rege apud Turrim Lond', xxiiij. die Februarii.

Mandatum est ballivis de Shorham quod de navi que nuper applicuit ibi faciant arestari ad opus regis fraellos ficuum ad pondus ccc. librarum et de uvis passis l. cofinos et iiij. milia dactilorum (sic) et unum mille cere. Teste ut supra.

De perdonatione.—Rex perdonavit Henrico de Trublevill' lxxiij. libras que ab eo exiguntur per summonitionem Scaccarii de prestito; perdonavit etiam eidem Henrico xxxvij. marcas que ab eo exiguntur per summonitionem Scaccarii de xviij. feodis et dimidio de honore de Breyles pro auxilio sorore regis imperatoris (sic) Alemannorum. Teste apud Turrim Lond', xxv. die Februarii. Per ipsum regem coram electo Valentino.

De saisina.—Quia rex accepit per inquisitionem, quam fieri fecit per vicecomitem Buk', quod tres acre, quas Herbertus Sheittbit, qui utlagatus fuit, tenuit in Dagenhall, exstiterunt in manu regis per unum annum et unum diem et quod tenuit eas in capite de Isabella Muschet', mandatum est eidem vicecomiti quod predicte Isabelle de predictis tribus acris cum pertinentiis plenam seisinam habere faciat. Teste apud Turrim Lond', xxviij. die Februarii.

[m. 18.]

De tradendo in baillio.—Quia rex accepit per inquisitionem quod Agnes de Hanl' appellavit Walterum de Sancto Milione de morte Roberti (sic) Scorcheveill' odio et atia et non eo quod inde culpabilis sit, mandatum est vicecomiti Berk' quod, si predictus Walterus invenerit ei xij. probos et legales homines ad standum inde recto, tunc ipsum tradat in baillio. Teste ut supra.

Hybernia.—Dominus rex concessit Ade de Keusac quod habeat unum mercatum per diem Jovis singulis septimanis apud Kyllen nisi mercatum illud sit etc. Et mandatum est M. filio Geroldi quod mercatum illud clamari [faciat] et ibidem teneri, sicut predictum est. Teste ut supra.