Close Rolls, February 1242

Close Rolls, February 1242

De tricesima carianda.—Mandatum est collectoribus tricesime in comitatu Linc' quod thesaurum de predicta xxx^a collectum tradant vicecomiti Linc', cui mandatum est quod illum recipiat cariandum London'. Teste rege apud Westm', iij. die Februarii.

[m. 10.]

De tradendo in ballio.—Mandatum est Johanni filio Galfridi, justiciario foreste, quod, si Andreas Luvel, captus et in prisona apud Roking' (sic) detentus pro transgressione venacionis, invenerit ei vj. legales homines qui eum manucapiant habere coram justiciariis ad placita foreste in comitatu Roking' (sic), ad standum inde recto, si quis [versus] eum inde loqui voluerit, tunc illum predictis sex tradat in ballium sicut predictum est. Teste rege apud Westm', xxviij. die Januarii.

Hybernia.—Rex M. filio Geraldi, justiciario Hybernie, salutem. Cum alias ad mandatum nostrum venerabili patri, Armachano archiepiscopo, restitueritis redditus [quos] de terris suis post confirmacionem suam perceperitis, vobis mandamus quod quicquid percepistis post predictam confirmacionem de firma terrarum ejusdem archiepiscopi, que ante confirmacionem suam tradite fuerunt ad firmam, eidem restitui faciatis. Teste ut supra.

De quercubus datis.—Mandatum est baillivis de Esenden' quod faciant habere, de dono regis, Matheo Bezyl' quatuor quercus in bosco de Esenden'. Teste rege apud Westm', xxx. die Januarii.

De tradendo in ballio.—Mandatum est vicecomiti Suhamt' quod, si Willelmus le Paumer, captus et detentus in prisona apud Winton' pro morte Roberti Wassepok', qui rettatus est de morte illa odio et atia et non eo quod inde culpabilis sit, invenerit ei xij. legales homines qui manucapiant etc., tunc tradat in baillium etc. Teste ut supra.

De assensu adhibito.—Rex adhibuit assensum regium electioni facte de Flandrina de Braos', moniali de Godestowe, in abbatissam de Godestowe, mandatum est vicecomiti Oxon' quod de terris ad ipsam abbaciam pertinentibus saisinam habere faciat. Teste ut supra.

De terris Katerine de Monte Acuto tradandis Hugoni de Vivon'.— Mandatum est vicecomitibus Sussex' et Sumers' quod capiant in manum regis omnes terras Katerine de Monte Acuto et eas Hugoni de Vivon' trada[n]t, donec rex aliud inde preceperit. Teste ut supra.

Pro comitissa Linc'.—Rex etc. vicecomiti Lancastr', salutem. Scias quod servicium Roberti de Middilton' qui tenet feodum unius militis, et servicium Hugonis de Audelee qui tenet duodecimam partem unius militis, et servicium Roberti de Stokeport qui tenet vicesimam partem unius militis, et servicium Roberti de Witel' qui tenet decimam partem unius militis, assignavimus Margarete, comitisse Linc', in partem dotis sue, et ideo tibi precipimus quod de predictis serviciis predicte comitisse plenam saisinam habere facias. Teste me ipso apud Westm', iij. die Februarii anno regni nostri xxvj.

Rex etc. vicecomiti Norht', salutem. Scias quod assignavimus servicium Galfridi de Buris qui tenet octavam partem feodi unius militis Margarete, comitisse Lincoln', in partem dotis sue, et ideo tibi precipimus quod de predicto servicio predicte comitisse plenam seysinam habere facias. Teste me ipso apud Westm', iij. die Februarii anno regni nostri xxvj.

De vinis datis.—Mandatum est custodi vinorum Eboraci quod de veteribus regis faciat habere Nicholao de Molis tria dolia, de dono regis. Teste ut supra.

Pro Beatricia de Fay.—Mandatum est vicecomiti Surr' quod Beatricie de Fay uxori Hugonis de Plaiz de terris, quas prius habuit per preceptum regis ad se sustentandam durante causa divorcii inter ipsam et predictum Hugonem virum suum et unde ipsa Beatricia postea disseisita fuit per preceptum regis, quando dicebatur quod fuit sentencia excommunicacionis ligata (sic). Teste ut supra.

Eodem modo scribitur vicecomiti Sussex'.

De vinis cariandis.—[Rex, erased] Mandatum est Michaeli emptori vinorum suorum, quod quatuor dolia vinorum nostrorum de prisa apud Suhamt' et viij. dolia que baillivi Suhamt' debuerunt regi pro hominibus de Portesm' et Merleberg' que sunt in custodia sua ad opus regis per preceptum senescallorum regis sine dilacione liberari faciat baillivis Suhamt' carianda quo rex precepit. Teste ut supra.

De thesauro custodiendo.—Mandatum est W. de Haverhull' et fratri H. de Stocton' et aliis custodibus thesauri in Turri Lond', quod thesaurum collectum de tricesima in comitatu Linc', quem vicecomes Linc' eis liberabit, recipiat et in predicta Turri salvo custodiri faciat, donec rex aliud inde preceperit. Teste ut supra.

De tradendo in ballio.—Quia rex accepit per inquisitionem quam fieri fecit quod Adam Page et Henricus Manel, capti et detenti in prisona Colecestrie pro morte Bricii de Cadamo, unde appellati sunt, appellati sunt odio et atia et non eo quod inde culpabiles sint, mandatum est vicecomiti Essex' quod, si uterque eorum invenerit etc., tunc tradat eos etc. Teste rege apud Westm', v. die Februarii.

Pro burgensibus Wygornie.—Rex baronibus suis de Scaccario, salutem. Sciatis quod recepimus de burgensibus nostris Wigornie xx. libras in garderoba nostra pro transgressione mercati sui, et ideo vobis mandamus quod ipsos inde quietos esse faciatis. Teste ut supra.

De perdonacione pro Gilberto de Kirketon'.—Rex perdonavit Gileberto de Kyrketon' de xx. libris ad quas amerciatus fuit coram rege pro eo quod non attachiavit quosdam nominatos in quodam brevi de nova disseisina, sicut ei preceptum fuerit, xv. libras; mandatum est baronibus de Scaccario quod ipsum inde quietum esse faciant. Teste ut supra.

De quercubus datis.—Rex constabulario Divisarum, salutem. Precipimus tibi quod habere facias Galfrido de Seinmor duas quercus in foresta nostra de Chipeham ad emendendum molendina de Chipha que tenet de nobis ad feodi firman, de dono nostro. Teste rege apud Windl', vij. die Februarii.

De damis et cuniculis capiendis.—Dominus rex mittit usque Geudeford' Robertum des Mares et Jacobum Hosatum, vatlettos suos, ad capiendum in parco de Guldeford' xv. damas ad opus regis et xxx. cuniculos vel xl. in cunera ibidem, secundum quod invenerint prefatam cuneram fertilem. Et mandatum est custodi parci predicti quod ipsos ad hoc admittat. Teste ut supra.

De conpoto audiendo.—Mandatum est baronibus de Scaccario quod audiant conpotum Henrici de Neketon' de tempore quo fuit custos episcopatus Dunelm' et allocacionem expensarum ipsius quas fecit tempore predicto ponant in respectum, donec rex aliud inde mandaverit. Teste rege apud Windles', x. die Februarii.

Pro Alicia filia Thome Bukerel.—Rex vicecomitibus Lond', salutem. Precipimus vobis quod Alicie filie et heredi Thome Bukerel de omnibus terris et tenementis que fuerunt ipsius Thome in London', de quibus idem Thomas fuit seisitus ut de feodo die quo obiit, in cujuscumque manu sint, sine dilacione plenam saisinam habere faciatis. Teste rege apud Windl', x. die Februarii.

De carettis et barellis faciendis.—Mandatum est W. de Haverhull', thesaurario, quod fieri faciat xij. longas carettas cum omni apparatu eorundem contra transfretacionem regis et barillos ad deferendum lx. milia librarum et duos magnos furnos ferreos ponendos in nave regis, et cum rex scierit custum, breve de Liberate ei inde habere faciat. Teste ut supra.

Pro Rogero Walensi.—Mandatum est Hugoni Giffard' quod Rogero Walensi, nuncio Edwardi filii regis, necessaria ad unum equum inveniat, quia rex concessit ei quod unum equum habeat ad custum regis. Teste rege apud Windl', xij. die Februarii anno regni nostri xxvj.

De perdonacione.—Rex perdonavit Waltero de Clifford' x. libras ad quas amerciatus fuit coram justiciario de foresta pro transgressione cujusdam cervi et mandatum est baronibus de Scaccario quod eum inde quietum esse faciant. Teste rege apud Windl', xij. die Februarii.

De compoto recipiendo.—Rex baronibus de Scaccario, salutem. Mandamus vobis quod recipiatis compotum Magistri Henrici de Cern' de tempore quo fuit unus custodum operacionum castri nostri Winton' per rotulos et tallias visorum earundem operacionum quos eorundem visorum heredes habent, eo non obstante quod ipsi visores mortui sunt, et quod eidem Henrico esse videritis allocandum ei faciatis allocari. Teste rege apud Windl', xij. die Februarii.

Pro Simone filio Ade.—Rex eisdem, salutem. Sciatis quod Adam filius Willelmi finem fecit nobiscum per quater xx. marcas pro habenda custodia terre et heredis Roberti de Tyllebroc, unde idem Adam ante obitum suum solvit nobis xxx. marcas, et nos statim post obitum suum custodiam illam commisimus ad voluntatem nostram Johanni Maunsel; et mandatum est baronibus de Scaccario quod de demanda quinquaginta marcarum quam faciunt Simoni filio et heredi predicti Ade ipsum S. quietum esse faciant. Teste ut supra.

De perdonacione.—Dominus rex perdonavit Terrico filio Willelmi et Alicie matri ejus dimidiam marcam, et Thome Swere dimidiam marcam, et Ade filio Jordani, Ricardo de Hurl' et Roberto de Cocdun' x. solidos, et Reginaldo forestario, pro misericordia sua in qua inciderunt tamquam dissesitores in quadam assisa nove disseisine capta, eo quod postea recognitum fuit quod non fuerunt disseisitores. Mandatum est baronibus de Scaccario quod ipsos inde quietos esse faciant. Teste ut supra.

De navi Johannis de Ferariis.—Mandatum est ballivis de Sandwic' quod navem Johannis de Ferrariis, vinis carcatam et in portu suo arestatam, libere abire permittant, accepta ab ipso Johanne securitate quod alias non se divertet quam ad partes London', non obstante mandato de navibus arestandis in portu predicto. Teste ut supra.

De quercubus datis.—Rex Waltero de Eneford', salutem. Mandamus vobis quod faciatis habere Fratribus Minoribus de Norhamt' vj. quercus cum branchiis et eschaetis in foresta nostra de Salceto, de dono nostro. Teste rege apud Windl', xiij. die Februarii.

De roboribus datis.—Mandatum est B. de Sabaudia quod faciat habere uxori Walerami Teutonici tria robora in foresta de Windl' ad focum suum, de dono regis. Teste rege apud Windl', xiij. die Februarii.

De foresta de Hatfeld' et de Writel' custodienda.—Mandatum est Ricardo de Muntfichet quod forestam de Hathfeld' et de Writel' custodiat, sicut melius tempore suo custodiri solet, et non permittat quod Ysabella de Bruys boscum predicte foreste destruat vel essartet, quia dominus rex manerium illud cum boscis eidem Ysabelle concessit, salva regi et heredibus suis venacione ejusdem foreste, que, si boscus predicte foreste destrueretur, nichil domino regi vel heredibus suis prodesset. Teste ut supra.
Inhibuit eciam dominus rex eidem Ysabelle quod nichil inde destruat pro quo venacio regis depereat.

De inhibicione perambulacionis.—Rex dilecto et fideli suo Roberto de Ros', justiciario suo foreste, salutem. Mandamus vobis quod nullam perambulacionem fieri faciatis inter dominicam forestam nostram de Galtris et boscos thesaurarii et canonicorum Eborac' in eadem foresta, donec inde speciale preceptum a nobis receperitis. Teste rege apud Wind'shour,' xv. die Februarii.

De damis capiendis.—Mandatum est constabulario regis de Farnham quod permittat Robertum de Mares, vaslettum regis, capere decem damas in parco de Farnham quem rex illuc ad hoc misit. Teste rege apud Rading', xvj. die Februarii.

De quercubus datis.—Mandatum est constabulario de Sancto Breavello quod habere faciat Fratribus Predicatoribus Gluovern' sex quercus in foresta regis de Den' ad operacionem claustri sui, de dono regis. Teste rege ut supra.

De thesauro regis liberando et cariando.—Mandatum est custodibus thesauri regis de Bristoll' quod [de thesaur' suum (sic) quod, erased] mdcxxxviij. libras quas habent in custodia sua liberent vicecomiti Glouc' cariandas usque Wint', cui rex mandavit quod illum ab eis recipiat. Teste ut supra.
Eodem modo mandatum est custodibus thesauri regis de Divisis de illo liberando vicecomiti Wyltesir' et kariando usque Wynton'. Teste ut supra.

De quadam navi preparanda.—Mandatum est [baronibus, erased] baillivis suis de Portesm' quod sine dilacione atornari et bene muniri faciant in omnibus quandam navem ad opus regis ad eundum in servicium suum, et probis gentibus suis quas illuc mittet ad transfretandum in navi ipsa, ita quod ipsam promptam habere possit apud Portesm' ad Cineres et quod tunc sit eschippata et in omnibus prompta. Teste rege ut supra.

Pro Willelmo de Horton'.—Mandatum est vicecomiti Northant' quod, quia rex accepit per inquisitionem quam rex ab eo fieri precepit quod viginti denarate redditus cum pertinenciis in Quenton' que fuerunt Ricardi filii Mathei, qui abjuravit regnum Anglie pro morte hominis extiterunt in manu regis per unum annum et unum diem et quod predictus Ricardus tenuit tenementa unde redditus ille proveniebat de Willelmo de Horton', predicto Willelmo de predicto redditu plenam seisinam habere faciat. Teste ut supra.

De damis datis.—Mandatum est Johanni filio Galfridi, justiciario foreste, quod faciat habere magistro Milicie Templi in Anglia tres damos et quinque damas vivos in foresta de Blakemor' ad quendam parcum suum instaurandum, de dono regis. Teste rege ut supra.

Wasconia.—Mandatum est Rusteng' de Solers', senescallo Wasconie, quod nullatenus omittat quin perquirat et retineat ad opus regis quingentos balistarios, ita quod ipsos promptos habere possit rex ad servicium suum in adventu suo ad partes Wasconie. Teste ut supra.

[m. 9.]

Pro Roberto de Bello Campo.—Mandatum est vicecomiti Surr' quod, non obstante precepto regis quod ei fecit de retibus piscantibus supra gurgitem de Brainford' arestandis, deliberari faciat cimbam et rete Roberti de Bello Campo que ea occasione cepit. Et si prior de Merton' sibi viderit per deliberacionem predicte cumbe et retis, ad regem inde querelam deferat, si voluerit, et rex ei inde justiciam exhibebit. Teste ut supra.

De Judeis removendis ab uno loco ad alium.—Rex concessit R. comiti Pictavie et Cornubie, quod Judei regis qui manent in Berchamested', transferant se usque Walingford' et ibi maneant secundum easdem consuetudines Judeorum secundum quas apud Berchamested' manere consueverunt, archamque quam habent apud Berchamested' similiter habeant apud Walingford' et eodem modo quo ipsam habuerunt apud Berchamested'. Et mandatum est justiciariis ad custodiam Judeorum assignatis quod sic fieri permittant. Teste ut supra.

Pro Willelmo de Hutercumb'.—Mandatum est vicecomiti Bedeford' quod non distringat Willelmum de Huntercumb' ad arma capienda et districtionem quam propter hoc facit ei penitus remittat et pacem ei inde habere permittat. Teste ut supra.

De vinis custodiendis.—Mandatum est custodibus vinorum regis de Suthant' quod omnia dolia vinorum que Michael, emptor vinorum regis, eis liberabit ab eo recipiant et in celariis regis salvo custodiant, donec aliud inde eis rex preceperit. Teste ut supra.

Ne vina vendantur quousque vina regis vendantur.—Mandatum est baillivis de Guldeford' quod non permittant quod aliqua vina vendi (sic) in villa de Guldeford', donec vina regis que ibi habent vendenda vendantur. Teste rege ut supra.
Eodem modo mandatum est vicecomiti Wyltesir' de villa de Sarr', et de villa de Wylton'. Teste ut supra.

De j. dolio vini dato.—Rex custodibus vinorum suorum de Oxonia, salutem. Precipimus vobis quod de vinis nostris que sunt in custodia vestra faciatis habere fratribus hospitalis Sancti Johannis extra portam orientalem Oxonie unnum (sic) dolium vini, de dono nostro. Teste rege apud Rading', xx^o die Februarii.

De maeremio dato.—Rex concessit Henrico de Bathon' quod capere possit in bosco suo de Lindon' infra forestam regis de Den' maeremium ad unam cameram faciendam apud manerium suum de Westbr'. Et mandatum est constabulario suo de Sancto Breavello quod id fieri permittat. Teste ut supra.

De probatore recipiendo.—Mandatum est custodibus gaiole de Newgat' quod probatorem regis quem vicecomes Wyltesir' eis liberabit recipiant et salvo custodiant, donec aliud inde rex precipiat. Teste ut supra.

Pro Roberto Pelerin.—Mandatum est baillivis Suthant' quod, accepta bona securitate de Roberto Pelerin quod habebit navem suam promptam ad Pascha Floridum apud Portesm' ad eundum in servicium nostrum, tunc ipsum Robertum cum predicta navi sua interim permittant facere quod voluerit. Teste ut supra.

Pro Johanne Bone.—Mandatum est eisdem quod navem Johannis Bone de Wynch'lese que est apud Suthant' sine dilacione deliberari faciant, ita quod rex ipsam promptam habere possit ibidem ad diem Cinerum ad eundum in servicium suum quo precipiet. Teste ut supra.

De damis capiendis.—Rex misit ad Reginaldum le Forester de Waltham', Willelmum Luvell' et Robertum de Stopham' ad capiendum in bailliva sua novem damas ad opus regis; et mandatum est eidem Reginaldo quod easdem damas eos capere permittat. Teste ut supra.

De roboribus datis.—Rex dedit Willelmo de Ferariis tria robora in foresta de Rokingham' ad focum suum et mandatum est Johanni filio Galfridi, justiciario foreste, quod ei ea robora faciat habere. Teste ut supra.

De lampredis.—Rex misit Simonem Hurtaut ad vicecomitem Glouc' et mandatum est vicecomiti Glouc' quod omnes lampredas quas poterit perquirere in bailliva sua per ipsum regi mittat et cum sciverit custum et numerum illarum per breve suum ei faciet allocari. Teste ut supra.

Pro priore de Hurl'.—Mandatum est vicecomiti Bercsir' quod non distringat priorem de Hurul' vel homines suos in bailliva sua pro amerciamentis justiciariorum ultimo itinerancium, vel pro finibus de licencia concordandi, vel pro catallis fugitivorum vel dampnatorum hominum ipsius prioris, unde quietanciam habent per libertatem carte regis quam rex eisdem fieri fecit. Teste ut supra.

De quercubus datis.—Rex dedit R. comiti Pictavie et Cornubie, duas quercus in parco de Odiham'; et mandatum est Engel' de Cygony quod eas ei habere faciat. Teste ut supra.
Rex custodibus episcopatus Wintoniensis, salutem. Mandamus vobis quod faciatis habere W. Eboracensi archiepiscopo, duodecim quercus ad maeremium in bosco de Weregrave, de dono nostro. Teste ut supra.

Pro Hugone Peche.—Rex vicecomiti Suff', salutem. Quia testificatum est coram nobis quod Hamo Pech', dum adhuc superstes esset in Sancta Terra, dedit Hugoni Pech' filio suo custodiam terre et heredis Gileberti de Mineres qui de eo tenuit per servicium militare, tibi precipimus quod eidem Hugoni de predicta terra cum pertinenciis una cum predicto herede plenam seisinam habere facias. Teste ut supra.

Pro abbate de Basingwerk'.—Mandatum est Johanni Extraneo, justiciario Cestrie, quod non permittat abbatem de Basingewerc' inplacitari de tenementis suis que tenet in comitatu Cestr' extra eundem comitatum, contra libertates ejusdem comitatus. Teste ut supra.

De dote assignanda.—Rex vicecomiti Glouc', salutem. Precipimus tibi quod assignari facias Sibille que fuit uxor Willelmi Grassi primogeniti racionabilem dotem suam que eam contingit de terris et tenementis que fuerunt predicti Willelmi in Sobbur' et que sunt in manu nostra racione custodie terrarum Ricardi de Clar' in manu nostra existentis. Teste ut supra.

De damis datis.—Mandatum est Nicholao de Molis quod in parco de Ponte Fracto faciat habere Johanni Talebot duas damas, de dono regis. Teste ut supra.

Pro Willelmo Wynniun.—Mandatum est baillivis de Portesm' quod Willelmum Wynniun, prepositum de Barbflet, permittant libere abire et redire quandocunque voluerit cum eadem navi in qua venit et ipsam navem similiter, usque ad transfretacionem regis. Teste ut supra.

Wasconia.—Rex dilecto et fideli suo Rusteng' de Solers, senescallo Wasconie, salutem. Mandamus vobis quatinus duas galeas de Burdegala et quatuor galeas de Baion' bene preparari et muniri tam de gentibus quam de omnibus aliis faciatis, et eas mittatis ad costeram maris de Sancto Matheo et ibi expectent adventum nostrum et ponant insidias inimicis nostris de quibus nos premuniant, quando viderint faciendas. Et nos expensas ad hoc positas in adventu nostro solvi faciemus. Teste ut supra.

De navibus arestandis.—Mandatum est vicecomiti Nortf' quod in propria persona sua accedat ad omnes portus de bailliva sua et, sicut alias ei precepit (sic), omnes naves quas invenire poterit que possunt portare quindecim equos et amplius arestari faciat, ita quod bonam securitatem habeat quod prompte erunt et parate ad Pascha Floridum apud Portesm' ad eundum in servicium regis, et scire faciat regi de quot navibus possit esse securus in bailliva sua. Teste ut supra.

De lampredis et alosis.—Mandatum est baillivis Glouc' firmiter precipiendo quod omnes lampredas et alosas quas poterunt perquirant ad opus regis et illas regi mittant et, cum fecerint regi custum scire, rex eis illud allocari faciet. Teste rege apud Rading', xxiiij^o die Februarii.

De coronatore.—Mandatum est vicecomiti Cornub' quod loco Odonis le Petit, coronatoris regis, qui nuper obiit presentari faciat in pleno comitatu suo Ricardum de Lancuk', coronatorem regis, et in eodem comitatu sacramentum ab eo recipiat quod coronam regis et eam (sic) que ad eam spectant de cetero fideliter custodiet. Teste ut supra.

De tradendis in ballio.—Rex vicecomiti Northant', salutem. Precipimus tibi quod, si singuli subscriptorum, scilicet Isabella de la Musch', Johannes Gubiun, Simon Gubiun, Ivo de la Musch', Willelmus Lamberti, Robertus de Forho', Johannes Frere, Willelmus le Musner, Johannes Tayllefer, Adam de Winehal', Walterus de Henl' et Henricus Mauveysin, capti et detenti in prisona nostra Northant' pro morte Hugonis Baiun, unde Agnes que fuit uxor ejusdem Hugonis eos appellat, appellati sint inde non de facto set solum de precepto et consensu et invenerint tibi xij. probos et legales homines qui eos manucapiant habere coram justiciariis nostris ad primam assisam, cum in partes illas venerint, ad standum inde recto, si quis versus eos inde loqui voluerit, tunc singulos eorum singulis xij. tradas in baillium, sicut predictum est, et habeas ibi nomina singulorum xij. et hoc breve. Teste ut supra.

De quercubus datis.—Mandatum est constabulario de Sancto Breavello quod faciat habere W. Wigorniensi episcopo, quindecim quercus in foresta de Den' ad maeremium, de dono regis. Teste ut supra.

De securitate capienda a quadam navi.—Mandatum est baillivis de Portesm' quod, accepta securitate ab hiis qui ducunt navem Thome filii Umfridi que vocatur la Cuntesse de Rumenall' quod erit apud Portesm' ad Clausum Pasche parata ire in servicium regis, tunc navem illam abire permittant quo voluerit. Teste ut supra.

De quercubus datis.—Mandatum est Walerano Teotonico quod Willelmo de Tresgoz faciat habere sex quercus, de dono regis, in foresta de Grosmund'. Teste ut supra.

De navibus ad opus regis retinendis.—Mandatum est baillivis Bristoll' quod per visum Johannis filii Galfridi retineant ad opus regis quatuor de melioribus navibus Bristoll' et illas paratas habeant apud Portesm' ad Clausum Pasche ad eundum in servicium regis, quo tunc precipiet, et alias naves abire permittant quo voluerint. Teste ut supra.

Suthant'. Pro fratribus Hospitalis Jerusalem de Grenham.—Quia rex acceptit per inquisitionem quam fieri precepit quod terra que fuit Willelmi le Wudeward' in Addebir', fugitivi pro morte hominis, extitit in manu regis per unum annum et unum diem et quod quandam porcionem terre tenuit de fratribus Hospitalis Sancti Johannis Jerusalem de Grenham, vicecomiti Suthant' precepit rex quod eisdem fratribus de predicta porcione plenam seisinam habere faciat. Teste rege ut supra.

Mandatum est [constabulario de Farnham, erased] parcario de Guldeford' quod in parco de [Farnham, erased], Guldeford' permittat Robertum des Mares capere duas damas ad opus Hugonis de Doll' quas rex ei dedit ad instanciam abbatis de Evesham. Teste ut supra.

[m. 8.]

De ecclesia de Scaldeford'.—Rex officiali archidiaconi Surr', salutem. Quia per inquisitionem factam de ecclesia de Scaldeford' et per testimonium dilecti et fidelis nostri Willelmi de Eboraco, prepositi Beverlaci, et eciam per inspectionem rotulorum suorum de itinere suo didicimus quod jus patronatus ejusdem ecclesie ad nos pertinet, vobis mandamus quod dilectum clericum nostrum Artaldum de Sancto Romano quem ad eandem ecclesiam vobis nuper presentavimus sine difficultate admittatis et personam instituatis juxta tenorem litterarum nostrarum patencium quas vobis inde alias transmisimus. Teste rege ut supra.

Pro Johanne filio Galfridi.—Mandatum est baillivis Bristoll' quod de quatuor navibus quas per visum Johannis filii Galfridi precepit rex retineri ad eundum in servicium suum duas naves liberent eidem Johanni ad homines, equos et hernesium suum in eis deferendos. Teste ut supra.

De debitis regis.—Rex vicecomiti Eborac', salutem. Precipimus tibi quod in fide qua nobis teneris et sicut te ipsum et terras et catalla tua diligis habeas in propria persona tua apud Westm' in crastino Clausi Pasche omnia debita, que nobis debentur in bailliva tua, unde recepisti summonitionem Scaccarii nostri, undecumque et a quibuscumque nobis debeantur et taliter te habeas in districtione pro debitis illis facienda, ne opporteat in te manum aggravare. Teste ut supra.
Eodem modo mandatum est vicecomitibus Linc', Notingham' et Dereb', Salopsir', Stafford', Devon', Sumerset', Dorset', Wyltesir', Surr', Suthant', Wygorn', Kanc', Northumberland', Cumberland', Lanc', Westmeriland', Roteland', Northant', Cauntebrug', Huntend', Nortf' et Suff', Essex', Hertford', Oxon', Bukingham' et Bedeford', Glouc', War' et Leicestr', Cornub', Middelsex', Lond', et Bercsir'.

De quercubus datis.—Mandatum est custodi episcopatus Lond' quod faciat habere Waltero de Linton' quatuor quercus in bosco de Haring', de dono regis. Teste rege ut supra.
Mandatum est Johanni filio Galfridi quod faciat habere abbati de Nutl' iiij^or quercus in foresta de Bernewud', de dono regis, ad postes faciendos. Teste rege apud Windl', xxvij. die Februarii.

De balistis corneis.—Mandatum est Edwardo filio Odonis quod x. balistas corneas que remanserunt in camera regine et sunt in custodia sua mittat usque Windlesour', liberandas ibidem B. de Sabaudia, constabulario castri ibidem. Teste ut supra.

Rex thesaurario et camerariis, salutem. Liberate de thesauro nostro Engelardo, de Cygoyny l. libras, videlicet xxv. libras de termino Sancti Hyllarii, anno regni nostri xxvj. et xxv. libras ad Scaccarium Pasche anno eodem, de annuo feodo suo l. librarum, nisi eas prius habuerit per aliud breve nostrum de Liberate quod vobis misimus. Teste rege apud Windl', xxviij. die Februarii.

Rex custodibus terrarum que fuerunt Johannis de Veteri Ponte in comitatu Westmeril', salutem. Precipimus vobis quod de bladis, que sunt in grangiis que fuerunt predicti Johannis capiatis ad liberaciones servientium et ad terras dominicas que fuerunt ipsius Johannis seminandas et excolendas, et parcos que fuerunt predicti Johannis custodiri et claudi faciatis ubi necesse fuerit, et custum etc. computabitur vobis ad Scaccarium. Teste ut supra.
[Cancelled] Quia in rotulo de Liberate.