Close Rolls, August 1249

Calendar of Close Rolls, Henry III: Volume 6, 1247-1251. Originally published by His Majesty's Stationery Office, London, 1922.

This premium content was digitised by double rekeying. All rights reserved.

'Close Rolls, August 1249', in Calendar of Close Rolls, Henry III: Volume 6, 1247-1251, (London, 1922) pp. 226-231. British History Online https://www.british-history.ac.uk/cal-close-rolls/hen3/vol6/pp226-231 [accessed 25 March 2024]

Image
Image
Image
Image
Image
Image

Close Rolls, August 1249

Rex venerabilibus patribus archiepiscopis et episcopis per regnum Anglie constitutis, salutem. Sciatis nos habere litteras apostolicas in hec verba. Innocencius episcopus etc. karissimo in Christo filio, regi Anglie illustri, salutem et apostolicam benediccionem. Tanto libencius celsitudinis tue precibus benignum impertimur assensum quanto inter reges et principes Christianos te specialius in domino reputamus dilectum filium et devotum. Tuis itaque supplicacionibus inclinati districcius inhibemus ne aliquis ordinarius, aut etiam delegatus vel subdelegatus in capellas regias et oratoria earumdem ecclesie Romane immediate subjecta, seu canonicos vel servitores eorumdem, contra tenorem privilegiorum aut indulgenciarum apostolice sedis excommunicacionis vel interdicti sentenciam audeat promulgare, seu aliquod ipsis onus imponere, quod aliis exemptis ecclesiis consuevit imponi, absque mandato sedis apostolice speciali, quod expressam faciat de imhibicione hujusmodi mencionem. Nulli ergo omnino hominum liceat hanc paginam nostre [confirmacionis cancelled] inhibicionis infringere, vel ei ausu temerario contraire. Siquis autem hoc attemptare presumpserit, indignacionem omnipotentis Dei et bonorum apostolorum Petri et Pauli se noverit incursurum. Date Lugduni xij. kal. Augusti pontificis nostri anno secundo. Volentes igitur privilegium predictum perpetuam firmitatem habere, vos rogamus et hortamur attente quatinus illud inviolabiter observetis, et faciatis a vestris subditis observari; et ne aliquid attemptet aliquid contra illud sedem apostolicam appellamus. Teste rege apud Norht' v. die Augusti anno etc. xxxiij°.

Universis Christi fidelibus ad quos presentes littere pervenerint Robertus de Tottehal', salutem. Sciatis quod remisi et quietum clamavi per preceptum domini regis domino Simoni le Bret donum quod mihi fecit de terra sua in Herdwik'. In cujus etc.
Idem Simon constitutus in presencia domini regis confitebatur se nunquam dedisse vel vendidisse predicto Roberto terram illam, nec umquam seisinam inde habuit predictus Robertus, verumtamen bene voluit quod post mortem suam idem Robertus seisinam inde haberet, et hoc modo cepit homagium suum.
Et idem Robertus requisitus quis eorum esset in seisina respondit quod uterque eorum.

Sciant presentes et futuri quod ego Ricardus de Amundevill' concessi et presenti carta mea confirmavi Ricardo de Amundevill', filio meo primogenito et heredi, quod ipse libere possit dotare Ysabellam sororem Johannis filii Alani, quam de assensu et voluntate mea desponsavit, de tercia parte omnium terrarum et tenementorum que habui in manu mea die quo eam desponsavit, ita quod si contingat ipsum Ricardum filium meum in fata ante me decedere, quod predicta Ysabella habeat et teneat terciam partem omnium terrarum et tenementorum meorum, sicut predictum est, tota vita sua nomine dotis sine contradiccione mei vel heredum meorum. Et ut hoc firmum sit et stabile, huic scripto sigillum meum apposui. Hiis testibus, Johanne Maunsel', preposito Beverlaci, Radulfo filio Nicholai, Henrico de Bathonia, Paulino Payvere, Roberto le Noreys, Radulfo de Wauncy, Rogero de Lokinton', et aliis.

[m. 5d.]

Magister Simon de Wauton' constitutus est justiciarius una cum hiis etc. ad assisam nove disseisine capiendam, quam Willelmus de Sancto Georgio arramiavit versus Radulfum de la Lawe et alios, de tenemento in Nene; et ad assisam nove disseisine capiendam, quam idem Willelmus arramiavit versus eundem Radulfum et alios, de quodam fossato levato in Nene ad nocumentum etc. Et mandatum est vicecomiti Salop' [unfinished].

Gilbertus de Preston' constitutus est justiciarius una etc. ad assisam etc. capiendam, quam Ricardus filius Christiane et Sarra uxor ejus arramiaverunt versus Thomam capellanum et alios, de tenemento in Magna Oxendon. Et mandatum est vicecomiti Northt' etc.

Magister Simon de Wauton' constitutus est justiciarius una etc. ad assisam nove disseisine capiendam, quam Walterus Furmentyn arramiavit versus Walterum de Snipston' de communa pasture in Snipston'. Et mandatum est vicecomiti Leic' quod ad diem et locum etc.

Gilbertus de Preston' constitutus est justiciarius una etc. ad assisam nove disseisine capiendam, quam Sarra que fuit uxor Walteri de Derneford arramiavit versus Gilbertum filium Walteri et alios, de tenemento in Subburg'. Et mandatum est vicecomiti Norhampt' etc.

Rogerus de Thurkilby constitutus est justiciarius una cum hiis etc. ad assisam nove disseisine capiendam, quam Willelmus de Cheddeworth et Agnes uxor ejus arramiaverunt versus Robertum filium Ade et alios, de tenemento in Sinderby et Pakehal'. Et mandatum est vicecomiti Eboraci etc.

Willelmus de Wilton' constitutus est justiciarius una cum hiis etc. ad assisam nove disseisine capiendam, quam abbas de Morgan arramiavit versus Radulfum de Whitefeld et alios, de tenemento in Sautemareys. Et mandatum est vicecomiti Glouc' quod ad diem et locum etc.

Magister Simon de Wauton' constitutus est justiciarius una cum hiis etc. ad assisam nove disseisine capiendam, quam Thomas filius Nicholai arramiavit versus Thomam de la Beauveysmere, Robertum et Johannem fratrem (sic) ejus, de tenemento in Standeford'. Et mandatum est vicecomiti Leyc' quod ad diem et locum etc.

Gilbertus de Preston' constitutus est justiciarius una cum hiis etc. ad assisam nove disseisine capiendam, quam Rogerus le Frankeleyn arramiavit versus Robertum filium Nigelli et alios, de tenemento in Magna Kenebell'; et ad assisam nove disseisine capiendam, quam Hugo de la Ford arramiavit versus Stephanum de Culverdon' et alios, de tenemento in Parva Ryseberg'; et ad assisam nove disseisine capiendam, quam idem Hugo arramiavit versus abbatem de Messenden', de tenemento in eadem villa. Et mandatum est vicecomiti Buk' etc.

Idem Gilbertus constitutus est justiciarius una etc. ad assisam nove disseisine capiendam, quam Willelmus filius Baldewini et Margeria uxor ejus arramiaverunt versus Ricardum filium Radulfi, de tenemento in Sivelesho; et ad assisam nove disseisine capiendam, quam Willelmus filius Ricardi arramiavit versus predictum Ricardum, de tenemento in eadem villa; et ad assisam nove disseisine capiendam, quam Stephanus Albon arramiavit versus Hugonem Gubyun et Willelmum de Faldho de communa pasture in Hecham. Et mandatum est vicecomiti Bed' quod ad diem et locum etc.

Gilbertus de Preston' constitutus est justiciarius una cum hiis etc. ad assisam nove disseisine capiendam, quam Margeria de Olneye arramiavit versus Willelmum de Merflet et Michaelem Wayok', de tenemento in Horton'. Et mandatum est vicecomiti Norhampton' quod ad diem et locum etc.

Rogerus de Thurkilby constitutus est justiciarius una cum hiis etc. ad assisam nove disseisine capiendam, quam Rogerus de Munegheden' arramiavit versus Simonem de Kirkewell' et alios, de tenemento in Sutton'. Et mandatum est vicecomiti Suff' quod ad diem et locum etc.

Gilbertus de Preston' constitutus est justiciarius una cum hiis etc. ad assisam nove disseisine capiendam, quam priorissa de Huntindon' arramiavit versus Johannem Talebot, de tenemento in Hameldun'. Et mandatum est vicecomiti Roteland' quod ad diem et locum etc. Teste ut supra.

Gilbertus de Preston' constitutus est justiciarius una cum hiis etc. ad assisam nove disseisine capiendam, quam Juliana que fuit uxor Ricardi filii Radulfi arramiavit versus Thomam de Graunt Curt et Anastasiam uxorem ejus, de tenemento in Hanescomp'. Et mandatum est vicecomiti Bed' quod ad diem et locum etc.

Idem Gilbertus constitutus est justiciarius una cum hiis etc. ad assisam nove disseisine capiendam, quam Adam filius Simonis de Holewell' arramiavit versus Philippum de Wilie et alios, de tenemento in Turveye. Et mandatum est vicecomiti Bed' quod ad diem et locum etc.

Gilbertus de Preston' constitutus est justiciarius una etc. ad assisam nove disseisine capiendam, quam Robertus filius Radulfi arramiavit versus Ricardum filium Radulfi et alios, de tenemento in Brumham. Et mandatum est vicecomiti Bed' quod ad diem et locum etc.

Jeremias de Kaxton' constitutus est justiciarius una cum hiis etc. ad assisam nove disseisine capiendam, quam Rogerus de la Lade arramiavit versus Magistrum Johannem de la Lade et alios, de tenemento in Eltesleg'. Et mandatum est vicecomiti Cantebr' quod ad diem et locum etc.

Henricus de Bathonia constitutus est justiciarius una cum hiis etc. ad assisam nove disseisine capiendam, quam Alexander de Brinne arramiavit versus Gilbertum Luc' et alios, de tenemento in Stanford'. Et mandatum est vicecomiti Linc' quod ad diem et locum etc.

Idem Henricus constitutus est justiciarius una cum hiis etc. ad assisam nove disseisine capiendam, quam Petrus le Gram arramiavit versus Petrum de Mymbur', de tenemento in Whitedic. Et mandatum est vicecomiti Wiltes' quod ad diem et locum etc. Teste ut supra.

Jeremias de Caxton' constitutus est etc. una etc. ad assisam nove disseisine capiendam, quam Willelmus de Ely arramiavit versus Henricum Kockel et alios, de tenemento in Snaylewell'. Et mandatum est vicecomiti Cantebr' quod ad diem et locum [etc.].

Magister Simon de Wauton' constitutus una etc. ad assisam nove disseisine capiendam, quam Ingeramus de Solar' arramiavit versus Henricum de Acle, de tenemento in Newent. Et mandatum est vicecomiti Glouc' quod ad diem etc.

Idem Magister constitutus etc. una etc. ad assisam nove disseisine capiendam, quam Hugo de Brichampton' arramiavit versus Robertum filium Reginaldi, de tenemento de Stawerton'. Et mandatum est vicecomiti Glouc' quod ad diem etc.

Idem Magister constitutus est ut supra ad assisam nove disseisine capiendam, quam Robertus de Chaundos arramiavit etc. versus Reginaldum filium Petri et alios, de tenemento in Alencestr'. Et mandatum est vicecomiti Warr' quod ad diem etc.

Idem Magister constitutus etc. ad assisam nove disseisine capiendam, quam Philippus Guthmund' arramiavit versus Hugonem filium Baldewini de tenemento in Byford. Et mandatum est vicecomiti Hereford' quod capiat securitatem. Teste etc.

Rogerus de Thurkelbi constitutus est justiciarius una cum etc. ad assisam nove disseisine capiendam, quam Scolastica filia Hugonis le Prestr' arramiavit etc. versus Alexandrum de Buketon', de tenemento in Buketon'. Et mandatum est vicecomiti Norf' quod ad diem et locum etc.

Sumers'.—Galfridus de Langel' constitutus una etc. ad assisam nove disseisine capiendam, quam prior de Henton', ordinis Cartusiensis, arramiavit versus Alexandrum de Monte Forti et alios, de tenemento in Henton'. Et mandatum est vicecomiti Sumers' quod ad diem et locum etc.

Magister Simon de Wauton' constitutus etc. una [etc.] ad assisam nove disseisine capiendam, quam Alanus filius Rogeri et Johanna uxor ejus arramiavit versus Ricardum de Bredewell' et alios, de tenemento in Bykenhull'. Et mandatum [est] vicecomiti Warr' quod ad diem et locum etc.

Surr'.—Henricus de Bathonia constitutus est justiciarius una etc. ad assisam nove disseisine capiendam, quam Alicia que fuit uxor Willelmi de Codinton' arramiavit etc. versus Galfridum de Burgo et alios, de tenemento in Suwerc'. Et mandatum est vicecomiti Surr' quod ad diem et locum etc.

[m. 4d.]

Hybernia.—Rex justiciario suo Hybernie, salutem. Monstravit nobis abbas de Wetheney quod, cum quidam abbas ejusdem loci, predecessor suus, terram de Meyfern' Galfrido de Mariscis dimisisset ad terminum xv. annorum, quam quidem terram postea ab eodem Galfrido cepit pro quinque marcis eidem singulis annis quamdiu terminus suus predictus duraret reddendis; et cum postmodum idem Galfridus feloniam commisisset, pro qua utlagatus fuit, ballivi nostri Hybernie, dicentes prefatum redditum eidem Galfrido deberi ut de feodo, compulerunt eundem abbatem a termino predicto dudum transacto, ut dicitur, solvere nobis singulis annis pro terra predicta quinque marcas; et ideo vobis mandamus quod facta diligenti inquisicione de premissis, si rem gestam sic inveneritis, tunc prefatum abbatem a prestacione predicti redditus penitus absolvatis, et ipsum inde quietum esse faciatis imperpetuum. Teste rege apud Wautham xxix. die Augusti.

Anno regni regis Henrici filii regis Johannis xxxiij° convenit inter Odonem de Hodenet ex una parte et Germanum, scissorem regis, ex altera, videlicet quod predictus Germanus vendidit predicto Odoni custodiam terre et heredum Ricardi de Saumford' una cum maritagio predictorum heredum, usque ad legittimam etatem eorundem, ita quod non disparagentur, pro c. et xiij. marcis, de quibus idem O. pacavit premanibus eidem Germano lx. marcas, et de residuo debiti solvit eidem Germano, vel ejus certo attornato, apud Novum Templum London' ad festum Purificacionis Sancte Marie anno regni ejusdem regis xxxiiijto, xxvj. marcas et dimidiam, et in quindena Pasche proximo sequenti xxvj. marcas et dimidiam; ita quod, si in solucione dicte peccunie in aliquo predictorum terminorum cessaverit, concessit idem Odo statim ipso facto per terras et catalla sua per vicecomitem Salop' sine aliqua contradiccione posse compelli ad solucionem debitorum premissorum, et si quid humanitus infra terminos prenominatos de predicto Odone contingat, nulla executoribus testamenti ipsius O. de bonis suis attribuetur administracio, donec eidem G., vel ejus certo attornato, super debitis premissis fuerit satisfactum. In cujus rei testimonium presens scriptum inter partes est cirographatum, cujus una pars eidem G. signo predicti Odonis remanet signata, et altera pars penes eundem Odonem signo predicti Germani residet sigillata. Hiis testibus domino Johanne Maunsel, preposito Beverlaci, Paulino Peyvre, Galfrido de Childewik', Willelmo Tregoz, Magistro Willelmo de Kilk', Roberto de Schotendon', Wiberto de Kancia, Hugone le Potter, Thoma le Barber et aliis.
[In margin] Reddidit et quietus est.