Close Rolls, May 1248

Calendar of Close Rolls, Henry III: Volume 6, 1247-1251. Originally published by His Majesty's Stationery Office, London, 1922.

This premium content was digitised by double rekeying. All rights reserved.

'Close Rolls, May 1248', in Calendar of Close Rolls, Henry III: Volume 6, 1247-1251, (London, 1922) pp. 42-55. British History Online https://www.british-history.ac.uk/cal-close-rolls/hen3/vol6/pp42-55 [accessed 25 March 2024]

Image
Image
Image
Image
Image
Image
Image
Image
Image
Image
Image
Image
Image
Image

Close Rolls, May 1248

Pro Aymaro fratre regis.—Mandatum est baronibus de Scaccario quod dent in mandatis vicecomiti Essex' quod cum quanta poterit festinacione levari faciat de exitibus comitatus sui et amerciamentis ultimi itineris justiciariorum regis in eodem comitatu cc. marcas ad opus Aymari fratris regis, quas dudum ab eo recepisse debuit, prout rex ei injunxerat, de dono regis. Nec hoc aliquo modo omittant propter terminum quem rex concessit de amerciamentis predictis. Teste rege apud Windles' primo die Maii.

Rex commisit Roberto Wallerand' comitatum suum de Glouc' custodiendum quamdiu regi placuerit regi (sic).

De providencia boum et multonum.—Mandatum est Willelmo de Axemue, custodi abbacie de Hyda, quod provideat de grassis bobus et pinguibus multonibus et carne salita et de aliis victualibus necessariis contra festum Pentecost', de exitibus predicte abbacie, et omnia predicta in aliquo tuto loco juxta Wintoniam reponi faciat, ita quod rex diligenciam suam habere debeat commendatam. Teste rege apud Windles' primo die Maii.

De viridario eligendo.—Mandatum est Roberto de Ros, justiciario foreste, quod loco Simonis de Lucre, qui est de familia Eustachii de Bailol, alium viridarium eligi faciat, qui officio illi sciat et possit diligenter intendere. Teste ut supra.

Pro heredibus Henrici Dayrel.—Rex relaxavit heredibus Henrici Dayrel xvij. solidos de xviij. solidis quos rex exigebat a prefato Henrico pro quodam assarto quod idem Henricus fecit in bosco de Lillingeston' infra metas foreste regis de Whitlewode pro xvij. acris terre quas rex comprehendit ad parcum suum claudendum de Keninton'. Et mandatum est baronibus de Scaccario quod predictos heredes pro predicto assarto decetero non distringat, nisi tantummodo pro xij. denariis, et ipsos de predictis xvij. solidis quietos esse faciant. Teste ut supra.

Pro S. de Monte Forti, comite Leic.'—Mandatum est baronibus de Scaccario quod omnes demandas quas faciunt dilecto et fideli regis Simoni de Monte Forti, comiti Leic', per summonicionem Scaccarii, de debitis, quecumque fuerint debita illa, ponant in respectum usque in xv. dies a die Sancti Michaelis anno etc. xxxij°. Teste ut supra.

Pro Philippo de Columbariis.—Rex concessit per cartam suam Philippo de Columbariis quod ipse et heredes sui imperpetuum habeant parcum clausum fossato et haya, et liberam warennam in omnibus dominicis terris suis, in manerio suo de Staweya, et in dominicis terris maneriorum suorum de Hunybere et de Wulaviton' in comitatu Sumers', et in dominicis terris suis manerii sui de Podlinges in comitatu Kancie, et manerii sui de Botereford' in comitatu Suff', et manerii sui de Shages in comitatu Berk'. Et mandatum est predictis vicecomitibus quod predictas warennas clamari et teneri faciant. Teste ut supra.

De castro de Sancto Briavello.—Mandatum est vicecomiti Glouc' quod, assumptis probis et legalibus hominibus de comitatu suo, tam militibus quam aliis, in propria persona sua accedat usque castrum regis de Sancto Breavello et ad forestam de Den', que rex commisit dilecto clerico et fideli suo, Petro Chaceporc, custodienda quamdiu regi placuerit, ad videndum in quo statu illa admiserit, et statum suum sub sigillo suo et sigillis eorum quos illuc secum adduxerit regi scire faciat. Teste ut supra.

Pro Willelmo Maudut.—Rex dedit respectum Willelmo Maudut usque ad festum Sancte Trinitatis ad providendum sibi in officio camerarie de quodam milite qui officium illud loco sui gerere possit; et mandatum est baronibus de Scaccario quod clericos ipsius Willelmi nunc gerentes officium illud usque ad tempus predictum gerere permittant. Teste rege apud Windles' ij. die Maii.
Mandatum est thesaurario et baronibus de Scaccario quod deliberent. (Unfinished.)

Pro Nicholao de Stradeshet'.—Mandatum est vicecomiti Norff' quod, accepta bona securitate a Nicholao de Stradeshet' de transgressione quod (sic) idem Nicholaus fecit Ade Talebot in itinere regis, cum ultimo fuit in comitatu predicto, quod stabit inde recto si qui versus eum loqui voluerint, tunc terras ipsius Nicholai et capta catalla in manum regis occasione predicta sine dilacione deliberari faciat. Teste ut supra.

Pro Arnaldo de Mirmaunde.—Mandatum est Ricardo de Grey, senescallo Wasconie, quod faciat inquiri si castrum de Taillecheval jus fuerit et hereditas Agenesye de Taillecheval, ita quod illud dare vel vendere possit cui voluerit, et si castrum illud vendiderit Arnaldo de Mirmaunde, ut dicunt; et si invenerit per inquisicionem illam quod castrum illud jus fuerit et hereditas predicte Agenesie, et quod illud predicto Arnaldo vendiderit, tunc predicto Arnaldo plenam inde seisinam habere faciat, accepta ab eo fidelitate inde regi debita, donec ad regem redierit facturus regi plenius quod inde regi facere debebit. Teste ut supra.

Pro Judeis Cantebr'.—Judei Cantebr' liberaverunt in garderobam regis apud Sanctum Edmundum, die Lune proxima post Cineres, quinque marcas, de quibus predicti Judei promiserunt regi respiciendos in adventu regis apud Cantebrigiam; et mandatum est justiciariis ad custodiam Judeorum assignatis quod pro predictis vque. marcis ipsos Judeos non distringant. Teste ut supra.

Pro Waltero de Bathonia.—Mandatum est thesaurario et baronibus de Scaccario quod deliberent Walterum de Bathonia, qui arestatus fuit eo quod permisit malam monetam currere in comitatu suo. Teste ut supra.

Pro regina.—Rex concessit regine terras que fuerunt Elye Giffard cum omnibus exitibus eorundem a tempore quo devenerunt in manum regis, tenendas usque ad legitimam etatem heredis ipsius Elye, in auxilium sustentacionis Eadwardi filii regis, salva ei que fuit uxor ipsius Elye racionabili dote sua de terris predictis. Et mandatum est Henrico de Wengham quod de terra predicta plenam ei seisinam habere faciat. Teste ut supra.

Pro Willelmo de Valencia.—Mandatum est J. filio Galfridi, justiciario Hybernie, quod c. marcas faciat habere Willelmo de Valencia, fratri regis, liberandas Gwidoni de Rocheford', sicut rex ei injunxit, et totum residuum omnium denariorum regis quamcito poterit regi mittat. Teste ut supra.

Pro Paulino Peyvre.—Rex dedit Paulino Peyvre omnes exitus qui provenerunt de terris que fuerunt Radulfi de Sancto Amando, et quarum custodiam eidem P. dimisit usque ad legitimam etatem heredis ipsius Radulfi, usque ad diem quo illi dimisimus (sic) custodiam predictam. Et mandatum est baronibus de Scaccario quod predictos exitus ei habere faciant [pro eisdem exitibus regi reddendis nullam districtionem fieri faciant cancelled]. Teste rege apud Windles' v. die Maii.

Pro Eynon filio Edeneveth.—Mandatum est Walleramo Teutonico, vicecomiti Heref', quod Eynon filium Edenevet obsidem deliberari faciat, acceptis ab eo ad opus regis in exitu suo a prisona 1. marcas, prout offert, et accepta ab eo securitate de residuis 1. marcis regi solvendis ad terminos quos inter eos providerit, et quod erit ad fidem et servicium regis. Deliberari etiam faciat alios obsides quos habet in prisona regis, si quos habeant qui pro eis loqui et finem facere voluerint, prout melius poterit ad commodum regis, accepta ab eis similiter securitate de finibus illis, et quod fideliter stabunt ad fidem regis. Teste ut supra.

Pro Ernaldo de Saut et Reymundo filio suo.—Mandatum est baronibus de Scaccario quod de cc. marcis que restant reddende Ernaldo de Saut et Reymundo filio suo, de quadringentis marcis in quibus rex eis tenebatur, et unde receperunt breve regis de Liberate, predictis Ernaldo et Reymundo sine dilacione liberent c. marcas ad hoc Scaccarium Pasche, et predicto Reymundo quatuor marcas ad expensas suas; et residuas c. marcas ad Scaccarium Sancti Michaelis rex eis reddi faciet. Teste ut supra.

[m. 9.]

De monetaria regis.—Mandatum est Willelmo Hardel, custodi cambii sui, quod acceptis secum quot necesse fuerit per consilium Willelmi de Haverhull' et Edwardi de Westmonasterio, clericis regis, et fidelibus et discretis de officio monetarie, eat per singulas villas in quibus rex cambium habet, ad ordinandum et instruendum qualiter moneta regis bene et fideliter fiat, sicut fieri debet, sicut rex ei injunxit, et sicut provisum fuit nuper coram rege apud Windles' in presencia comitis Cornubie: et rex expensas racionabiles et necessarias, quas tam ad hoc quam in omnibus cambiis regis sustentandis posuerit, cum illas sciverit, ei in exitibus dicti cambii faciet allocari. Teste ut supra.

Pro Walensibus obsidibus.—Mandatum est J. de Grey, justiciario Cestrie, quod Rethericum fratrem Oweyn et Wrennoc' Abhelyn, obsides, a prisona regis deliberari faciat, accepta ab eis securitate quod fideliter stabunt ad fidem regis, et capta a predicto Wrennoc' redempcione qua poterit. Teste ut supra.

Rex perdonavit Simoni de Kyme cx. marcas de cclxx. marcis quas regi debuit in universo et de residuis. (Unfinished). (Cancelled. Non habuit.)

De castris de Gannoc et Dissard muniendis.—Mandatum est Johanni de Grey, justiciario Cestrie et constabulario de Pecco, quod de exitibus comitatus Cestrie et ballive de Pecco faciat habere Ade de Bocking', clerico regis, quem rex attornavit ad castra regis de Gannoc et Dissard munienda, denarios ad emendum vina, blada et alia necessaria ad municionem predictorum castrorum. Et cum rex sciverit quantum ei liberaverit, breve suum de Allocate eis habere faciet. Teste ut supra.

De galea eskippanda.—Mandatum est Johanni de Grey, justiciario Cestrie, quod galeam regis que est apud Cestriam preparari faciat bonis armamentis et eskippari bonis marinallis, ita quod festinanter ire possit usque in Hyberniam ad victualia deferenda ab eisdem partibus ad municionem castrorum regis de Gannoc et Dissard. Teste ut supra.

Rex electioni facte de Gilberto, archidiacono Duacensi, in episcopum ejusdem loci, eo non obstante quod licentia eligendi per canonicos ejusdem loci prius a rege minime fuerat petita vel optenta, speciali gracia rex hac vice ob dicti electi merita assensum regium adhibuit et favorem; et mandatum est justiciario Hybernie quod bonas et expressas litteras patentes capituli Duacensis a canonicis predictis capiat quod nunquam inposterum ad aliquam electionem episcopi sui procedent, nisi prius a rege vel heredibus suis licentiam eligendi petierint et optinuerint. Quibus litteris optentis confirmacionem dicti electi in nullo impediat, set ipso confirmato liberam administracionem temporalium ad dictum episcopatum pertinencium eidem sine dilacione habere faciat. Teste ut supra.
Eodem modo scribitur eidem justiciario de L. quondam decano Cassilensi, episcopo Korkagersi.

De armis datis.—Mandatum est Willelmo Hardell' quod de exitibus cambii regis faciat habere fratri H. Giffard quandam loricam et unum par caligarum ferrearum, de dono regis; et cum rex sciverit custum, faciet ei allocari. Teste ut supra.

De prisone recipiendo.—Mandatum est custodi gaiole de Neugat' quod Reginaldum prisonem, quem ei habere faciet constabularius Windles', recipiat et salvo custodiat in predicta prisona donec rex aliud inde preceperit. Teste ut supra.

De maeremio ad opus regis.—Mandatum est Godefrido de Liston', custodi foreste de Windles', quod faciat habere constabulario de Windles' maeremeum in predicta foresta, ad minus dampnum foreste, ad apparatum vinee regis infra idem castrum, prout rex ei injunxit, et clausturam ad claudendum purpresturam regis extra idem castrum. Teste ut supra.

Pro Imberto de Salinis.—Rex dedit Imberto de Salinis omnia catalla que fuerunt Remigii de Esthall', qui submersit se ipsum: et mandatum est vicecomiti Susex' quod catalla illa eidem Imberto sine dilacione faciat habere. Teste ut supra.

Pro uxore Morgani de Karleon.—Rex Waleran' Teutonico, salutem. Mandamus vobis quod de terris et tenementis que fuerunt Morgani de Karleon in bailliva vestra Hawisie que fuit uxor ejusdem Morgani racionabilem dotem suam [secundum consuetudinem parcium illarum cancelled] faciatis assignari. Teste rege apud Rading' ix. die Maii anno etc.

De viridariis eligendis.—Rex vicecomiti Surr', salutem. Precipimus tibi quod in pleno comitatu tuo et per assensum ejusdem comitatus eligi facias de discrecioribus militibus ejusdem comitatus loco Petri de Perefrith, quondam viridarii nostri de foresta nostra Windes', in baillia tua, qui mortuus est, et loco Henrici de Middelton', qui languidus est, alios qui melius possint esse viridarii nostri de eadem foresta, et qui melius perhibere velint fidele testimonium forestariis nostris de hiis que ad forestam pertinent, accepto ab eis prius sacramento quod fidele perhibebunt testimonium predictis forestariis, et quod jura nostra fideliter observabunt in hiis que ad forestam nostram pertinent, et eis precipias ex parte nostra quod officio viridarie fideliter et diligenter intendant, et nomina illorum nobis scire facias. Teste rege apud Rading' ix. die Maii.
Eodem modo scribitur vicecomiti Berk' quod loco Ricardi Bulloc et Johannis de Suningehull', qui mortui sunt, et loco Willelmi de Benetfeld, qui cecus est, qui fuerunt viridarii de eadem foresta, alios eligi faciat.

De eo quod non fuget.—Mandatum est Petro de Geneve, constabulario castri de Wind', et firmiter inhibitum ne alicubi sub cooperto foreste de Windes' fugari faciat ad lepores vel vulpes. Teste ut supra.

Pro Sarrisburiensi episcopo.—Mandatum est camerario Lond' quod permittat pincernam W. Sarisburiensis episcopi emere xx. dolia boni vini de vinis que venerunt usque civitatem regis London', ad opus ejusdem episcopi. Teste ut supra.
Eodem modo scribitur maiori et Ricardo de Prisa Suhampt' de xx. doliis vini de vinis que venerunt usque Suhampt'. Teste ut supra.

Pro abbate et monachis Sancte Crucis Burdegale.—Mandatum est Ricardo de Grey, senescallo suo Wasconie, quod de consuetudinibus civitatis regis Burdegale habere faciat abbati et monachis Sancte Crucis Burdegale xl. libras Burdegale, quas eis concessimus per annum inde recipiendas per cartam nostram: eosdem etiam habere permittatis pedagium xv. modiorum salis quas similiter eis concessimus per cartam nostram. Teste rege apud Rading', x. die Maii.

Pro probis hominibus Hybernie.—Rex de omnibus articulis unde respectum concessit probis hominibus Hybernie justiciarius Hybernie usque Pentecost' anno etc. xxxij° concessit eis respectum, et terminum illum prolongavit in eodem modo quo justiciarius illum concessit usque ad festum Sancti Petri ad Vincula: et mandatum est predicto justiciario quod respectum illum eos habere permittat. Teste ut supra.

Pro Fratribus Minoribus Oxonie.—Mandatum est vicecomiti Oxonie quod de sex doliis vini, que cepit in manum regis de vinis illorum qui nuper interfecerunt quendam clericum in villa Oxonie, faciat habere Fratribus Minoribus Oxonie unum dolium vini; magistro hospitalis regis Sancti Johannis extra portam orientalem Oxonie, unum dolium vini: et Matillidi uxori Galfridi de Langel', unum dolium vini: de dono regis. Teste rege apud Wudestok' xij. die Maii.

Memorandum quod J. de Lessinton' recessit a curia die Lune decimo die Maii de Walingef' postquam sigillaverat, et rediit ad curiam apud Wudestok' die Jovis proximo ante sigillacionem [in margin].

Pro Johanne filio Alani.—Mandatum est baronibus de Scaccario quod demandam quam faciunt per summonicionem Scaccarii Johanni filio Alani de decem milibus marcarum, de debitis Willelmi filii Alani, avunculi ejusdem Johannis, ponant in respectum usque in tres septimanas a die Nativitatis Sancti Johannis Baptiste anno regni regis xxxij° Teste ut supra.

Pro Reginaldo de Kalne.—Mandatum est baronibus de Scaccario quod demandam quam faciunt per sumonicionem Scaccarii Reginaldo de Kalne de v. marcis, ad quas amerciatus fuit in ultimo itinere Roberti Passelewe et aliorum justiciariorum regis ad placita foreste in comitatu Wiltes' pro transgressione riparie regis, ponant in respectum usque in quindecim dies a die Sancti Michaelis anno regni regis xxxij°. Teste rege ibidem xiiij. die Maii.

Pro abbate de Strata Florida in Wallia.—Rex dedit respectum abbati de Strata Florida in Wallia usque a die Sancti Johannis Baptiste in quindecim dies de septingentis marcis, que ab eo exiguntur per summonicionem Scaccarii de quodam tallagio de tempore domini Johannis regis, et mandatum est baronibus de Scaccario etc. Teste ut supra.
Eodem modo mandatum est Nicholao de Molis.

De electione de Godestowe.—Rex adhibuit assensum electioni facte de Emma Bloet, sanctimoniali de Godestowe, in abbatissam ejusdem loci, et ipsius abbatisse recepit fidelitatem; et mandatum est Ade de Eston', custodi ejusdem abbacie, quod de predicta abbacia et omnibus terris et tenementis ad eandem pertinentibus eidem abbatisse sine dilacione plenam seisinam habere faciat. Teste rege ibidem xvj. die Maii.

De terra capienda in manum domini regis.—Mandatum est vicecomiti Cumberland' quod totam terram que fuit Johanne de Morevill', tam illam quam Ricardus de Vernun et Helewisa uxor ejus quam illam quam Radulfus de Levinton' et Ada uxor ejus tenent de hereditate predicte Johanne, matris ipsarum, cujus heredes ipse sunt, capiat in manum regis; et dicat predictis Ricardo et Helewise, Radulfo et Ade quod sint coram rege a die Nativitatis Sancti Johannis Baptiste in xv. dies, jus suum prosecuturi si voluerint. Teste ut supra.

Pro Bruno Calciat.—Mandatum est W. de Plessetis quod faciat habere Bruno Calciat, civi Burdegale, robam integram, scilicet tunicam supertunicam et pallium, de dono regis. Teste rege ibidem xvij. die Maii.

De hernesio ad milites faciendos.—Mandatum est eidem quod totum ornatum sive hernesium novum, videlicet quicquid necessarium est ad tres novos milites faciendos, emat et provideat sine dilacione; ita quod hoc quod unus eorundem militum habere debet pulcrius et decencius sit aliis quibus socii sui debent uti, et quod totum predictum hernesium sit ad regem apud Wudestok' die tercio proximo ante instans festum Ascensionis Domini ad ultimum. Teste ut supra.

Pro Radulfo filio Nicholai.—Mandatum est Roberto Passelewe quod in foresta regis de Brehull', in bosco de Pancehal', faciat habere Radulfo filio Nicholai sex quercus ad meiremium (sic), de dono regis. Teste ut supra.

Pro Aaron Judeo Eboraci.—Rex dedit respectum Aaron Judeo Eboraci de centum libris quas regi solvisse debuit ad Scaccarium Pasche anno regni regis xxxij. usque ad quindenam Sancti Johannis Baptiste anno eodem; et mandatum est baronibus de Scaccario quod respectum illum ei habere faciant. Teste ut supra.

Pro Thoma Kynne.—Mandatum est vicecomiti Norhampt' quod, quia Saerus de Wahull' cum familia sua et aliis fautoribus suis vi et armis restitit et resistit ei, ne ad mandatum regis ponere possit Thomam Kynne in seisinam manerii de Pateshull', secundum quod consideratum fuit in curia regis coram justiciariis apud Hertford', ipsum Saerum et alios qui ei restiterunt, et quos invenerit resistentes, capiat et in prisona regis custodiat, donec rex aliud inde preceperit. Teste ut supra.

Pro H. de Boun comite Essex' et Hereford'.—Rex dedit respectum H. de Boun, comiti Hereford' et Essex', de debitis que regi debet usque ad quindenam Sancti Johannis Baptiste anno regni regis xxxij.; et mandatum est baronibus de Scaccario quod respectum illum ei habere faciant, et interim scrutari faciant in quantis et in quibus debitis idem comes regi tenetur, et regem inde ad dictum terminum distincte et aperte certificent. Teste ut supra.

Pro abbate de Flexle.—Mandatum est constabulario de Sancto Breavello quod, cum non sit intentionis regis quod aliquem disseisiri faciat de aliquo tenemento suo injuste et sine judicio curie regis, abbati et monachis de Flexle de fabricis et aliis que habent in foresta de Den', et que cepit in manum regis, seisinam suam rehabere faciat qualem habuerunt die quo illa cepit in manum regis. Teste ut supra.

Pro abbate de Fiscamp'.—Mandatum est ballivis regis de la Rye quod occasione escambii quod rex fecit cum abbate de Fiscann' pro villa de la Rye, ipsum abbatem vel homines suos de forinsecis terris quas sibi retinuit extra metas ville predicte, et que terre excipiuntur in escambio nostro, non distringant, vel ab eis aliquid capiant. Et si quid ab eis occasione predicta ceperunt, id eis sine dilacione restitui faciant. Teste ut supra.

Pro comite Marchie.—Mandatum est Willelmo de Plessetis quod sine dilacione faciat habere latori litterarum ad opus nobilis viri H. le Brun, comitis Marchie, euntis in Terram Sanctam, lectum integrum qui bonus sit et pulcher et tantum deceat virum. Teste ut supra.
Mandatum est Willelmo Hardel quod sine dilacione faciat habere latori litterarum ad opus nobilis viri H. comitis Marchie, euntis in Terram Sanctam, unam cuppam ponderis sex marcarum ad minus, que sit pulcra et deceat tantum virum. Teste ut supra.

De respectu milicie.—Rex dedit respectum Henrico de Breyllesford' de se milite faciendo usque ad Natale Domini anno regni regis xxxiij, et mandatum est vicecomiti Derb' etc. Teste ut supra.

Pro Eadmundo Cake.—Mandatum est vicecomiti Norf' quod, quia rex accepit per inquisicionem quam ab eo fieri fecit, quod Seynerettus, Judeus de Norwico, qui utlagatus est pro felonia, tenuit unum mesuagium de Eadmundo Cake, capellano in Norwico, et quod manerium illud exstitit in manu regis per unum annum et unum diem, eidem Eadmundo de mesuagio illo plenam seisinam habere faciat. Teste rege ibidem xviij. die Maii.

De perambulacione facienda.—Rex vicecomiti Staff', salutem. Precipimus tibi quod, assumptis tecum xij. legalibus militibus de comitatu tuo, in propria persona tua accedas ad terram abbatis de Crokesden' in Oke, et terram Egidii de Erdintun', decani de Wulvrehampt', in Coddeshal', et per eorum sacramentum fieri facias perambulacionem inter terram ipsius abbatis in Oke et terram ipsius Egidii in Coddeshal', ita quod perambulacio illa fiat per certas metas et divisas; quia ipsi abbas et Egidius posuerunt se coram nobis in perambulacionem illam; et scire facias justiciariis nostris ad primam assisam, cum in partes illas venerint, sub sigillo tuo et per iiijor milites qui perambulacioni illi interfuerunt, per quas metas et divisas perambulacio illa facta fuerit. Et habeas ibi nomina militum et hoc breve. Teste ut supra.

Pro Eynolfo filio Oweyn.—Mandatum est Johanni de Grey, justiciario Cestrie, quod permittat Eynolfum filium Oweyn, habere terram suam de Riw cum redditibus ad eam spectantibus, et cum libertatibus ipsius terre quibus hucusque usus est, donec super hoc cum eo colloquium habuerit. Teste ut supra.

Pro Griffino filio Madoci.—Rex perdonavit Griffino filio Madoci x. marcas que ab eo exiguntur per summonicionem Scaccarii de debitis que predictus Madocus, pater ejus, regi debebat; et mandatum est baronibus de Scaccario quod ipsum inde quietum esse faciant. Teste ut supra.

Pro leprosis Sancti Bartholomei extra Oxoniam.—Mandatum est vicecomiti Oxonie quod de exitibus ville Oxonie de tempore quo fuit in manu regis pro morte Gilberti de Bunfermelyn (sic), clerici Scocie interfecti, habere faciat sine dilacione leprosis Sancti Bartholomei hoc quod consueverunt percipere ad sustentacionem suam singulis septimanis de eadem villa. Teste ut supra.

De hernesio ad milites faciendos.—Mandatum est Willelmo de Plessetis quod totum ornatum et hernesium novum et decens, et quicquid necessarium fuerit, ad novos milites faciendos, ad regem venire faciat usque Wintoniam contra Pentecosten, ad opus Ricardi de Burgo, se sexto sociorum, et similiter apparatum ad opus Radulfi de Montibus, nepotis Ebuli (sic) de Montibus. Teste rege ibidem xix. die Maii.

Pro Magistro Johanne de Alvithechirch'.—Mandatum est baronibus de Scaccario quod demandam quam faciunt per summonicionem Scaccarii Magistro Johanni de Alvithechirch' de quinque marcis pro transgressione foreste, ponant in respectum usque a die Sancti Michaelis in quindecim dies. Teste rege ibidem xx. die Maii.

De perambulacione terrarum.—Rex vicecomiti Leyc', salutem. Precipimus tibi quod, assumptis tecum xij. legalibus militibus de comitatu tuo, in propria persona tua accedas ad terram magistri milicie Templi in Anglia in Stounesby, et terram abbatis de Croxton' in Waltham, et per eorum sacramentum fieri facias perambulacionem inter terram ipsius magistri in Stounesby et terram predicti abbatis in Waltham, ita quod perambulacio illa fiat per certas metas et divisas; quia predicti magister et abbas posuerunt se coram nobis in peram bulacione illa. Et scire facias justiciariis nostris ad primam assisam, cum in partes illas venerint, sub sigillo tuo et per quatuor milites ex illis qui perambulacioni illi interfuerunt, per quas metas et divisas perambulacio illa facta fuerit. Et habeas ibi nomina militum et hoc breve. Teste ut supra.

Pro comite Wintonie.—Rex concessit R. de Quency, comiti Wintonie, quod possit onerare hac vice duas naves vinis et victualibus in quocumque portu Hybernie voluerit, et illas duas naves sic oneratas inde abducere, quo sibi placuerit. Et mandatum est J. filio Galfridi, justiciario Hybernie, quod eum vel certum nuncium suum hoc facere permittat. Teste ut supra.

[m. 8.]

Pro Adam de Eston'.—Rex baronibus de Scaccario, salutem. Sciatis quod Adam de Eston', clericus de cancellaria nostra, solvit in garderoba nostra apud Wudestok', die Sancti Athelberti, Thome de Wintonia centum solidos de exitibus et proventibus abbacie de Godestowe, quam habuit in custodia per preceptum nostrum, et residuum eorundem exituum et proventuum dedimus abbatisse et conventui ejusdem loci. Et ideo vobis mandamus quod eundem Adam tam de predictis c. solidis quam de predictis exitibus et proventibus quietum esse faciatis. Teste rege apud Wudestok' xxiij. die Maii.

Pro Karleolensi episcopo.—Mandatum est Roberto Passelewe quod faciant (sic) habere S. Karleolensi episcopo tres damos in foresta de Rokingeham, de dono regis. Teste ut supra.
Mandatum est Roberto de Ros, justiciario foreste ultra Trentam, quod faciat ha bere eidem episcopo xx. quercus ad meiremium (sic) in foresta de Ingelwod', de dono regis. Teste ut supra.

Pro Jeremya de Kaxton'.—Mandatum est custodibus vinorum regis apud Rading' quod faciant habere Jeremye de Kaxton' unum dolium vini de prestito. Teste rege ibidem xxij. die Maii.

Pro Johanne de Cycestria.—Mandatum est Roberto Passelewe quod faciat habere Johanni de Cicestria, clerico regis, tres quercus cum eschaetis in Wakefeld', infram (sic) forestam regis de Whittlewod', de dono regis. Teste ut supra.

Pro priore Huntindon'.—Mandatum est eidem, quod faciat habere priori Huntendon' sex quercus ad meiremium (sic) in foresta de Clyve extra parcum, ubi capi possint ad minus dampnum foreste, de dono regis. Teste ut supra.

Pro Willelmo de Albiniaco.—Mandatum est constabulario de Sancto Breavello quod faciat habere Willelmo de Albiniaco unam quercum in foresta de Den' ad focum suum, de dono regis. Teste rege ibidem xxiij. die Maii.

Pro Warino de Munchanes'.—Mandatum est justiciariis itinerantibus apud Hertford' quod omnia placita et querelas, si que sint inter regem et Warinum de Muntchanes', ponant in respectum usque in quindenam Sancti Johannis Baptiste. Teste ut supra.

Pro abbate de Gresting'.—Rex perdonavit abbati de Gresting' amerciamentum ad quod illum amerciarunt, ut dicit, justiciarii itinerantes apud Hertford', eo quod, cum transitum faceret prope locum ubi placita sua tenuerunt, non venit coram eis; et mandatum est eisdem justiciariis quod non ponant amerciamentum illud in summonicionem, set eum inde quietum esse faciant. Teste ut supra.

Pro abbate Sancti Jacobi Norhampton'.—Mandatum est Roberto Passelewe quod faciat habere abbati Sancti Jacobi Norhampton' quindecim quercus in foresta Norhampton', ubi viderit quod ad minus nocumentum foreste capi possint, ad refectorium suum, de dono regis. Teste rege ibidem xxiiij. die Maii.

De panno ad pauperes vestiendos.—Mandatum est Willelmo de Plessetis quod novies centum et xl. septem ulnas ad pauperes vestiendos contra festum Pentecostes venire faciat usque Wintoniam contra festum memoratum. Teste rege ibidem xxv. die Maii.

Pro Johanne de Verdun.—Mandatum est Henrico de Wingeham et choescaetori suo in comitatu Hereford' quod, quia rex accepit per in quisicionem quam fieri fecit quod Rogerus Pichard tenuit terras suas in comitatu Hereford' de Johanne de Verdun, et non de nobis in capite de custodia earundem terrarum, quam in manum regis seisiverunt, eidem Johanni sine dilacione plenam seisinam habere faciant. Teste ut supra.

De vino dato.—Mandatum est custodibus vinorum regis de Bristollo quod faciant habere Aleisie uxori Willelmi le Moyne unum dolium vini, de dono regis. Teste ut supra.

Pro Magistro Nicholao de Viann'.—Rex perdonavit Magistro Nicholao de Viann' xj. marcas et dimidiam ad quas amerciatus fuit coram justiciariis de foresta in comitatu Suhampt' pro capcione unius cervi; et mandatum est baronibus de Scaccario quod ipsum inde quietum esse faciant. Teste ut supra.

Pro constabulario de Sancto Briavello.—Mandatum est Roberto Passelewe quod, quia coram justiciariis ultimo itinerantibus ad placita foreste regis de Den' recognitum fuit per veredictum forestariorum, viridariorum et aliorum fidelium hominum de eadem foresta, quod cableicium ejusdem foreste pertinet ad constabulariam castri de Sancto Breavello, cableicium ejusdem foreste de anno regni regis xxxij. constabulario ejusdem castri sine dilacione habere faciat. Teste ut supra. Per Robertum Passelewe.

Pro Roberto de Nevill'.—Mandatum est Roberto de Crepping' quod, quia rex accepit per inquisicionem quam fieri fecit a vicecomite Eboraci quod Robertus de Pathorn tenuit terram suam in Pathorn de Henrico de Nevill' per servicium militare, et quod Robertus de Nevill' heres ejus est, et quod custodia illius terre ea racione ad ipsum Robertum de Nevill' pertinet, et quod Isabella que fuit uxor Gilberti de Braken berg' recognovit se nichil juris clamare in custodia illa, eidem Roberto de Nevill' de custodia illa plenam seisinam sine dilacione habere faciat. Teste rege ibidem xxvj. die Maii.

Pro Petro de Albeson.—Mandatum est vicecomiti Oxonie quod illud dolium vini, quod de precepto regis liberasse debuerat Fratribus Minoribus Oxonie, liberet Petro de Albecon, consanguineo regis, de dono regis. Teste ut supra.

Pro Johanne de Mulesford'.—Rex perdonavit Johanni de Mulesford' infortunium quod accidit ei in ducendo quandam carettam, que per ejus incuriam cecidit, per quam fractum fuit quoddam dolium vini regis, et idem vinum deperditum, quod cariari debuit usque Wudestok'; et mandatum est ballivis Suhampt' quod equos suos et carettam, quos ea occasione detinent, ei sine dilacione liberari faciant. Teste ut supra.

De denariis levandis.—Mandatum est vicecomiti Glouc' quod de bonis et catallis Stephani de Harnhull' levari faciat sine dilacione xix. libras tres solidos et quatuor denarios de arreragiis in quibus tenetur regi de officio eschaeterie dum fuit choeschaetor in comitatu illo, et pecuniam illam liberet Henrico de Wingeham deferendam regi usque Wintoniam. Teste rege ibidem xxvij. die Maii.

De homine ponendo per ballium.—Mandatum est vicecomiti Roteland' quod, quia rex accepit per in quisicionem quam fieri precepit, quod Alicia que fuit uxor Alani de Casterton' appellat Galfridum le Mouner, captum et detentum in prisona regis de Pylton' pro morte predicti Alani, viri sui, odio et atya, ponatur per ballium. Teste ut supra.

Pro comite Dereb'.—Rex perdonavit Willelmo de Ferrariis, comiti Dereb', omnia ammerciamenta in que incidit coram rege in itinere suorum justiciariorum in comitatu Staff' ultimo itinerancium; et mandatum est predictis justiciariis quod ipsum comitem de predictis ammerciamentis quietum esse, et eadem anmerciamenta (sic), que inserta sunt in rotulis suis, ab eis extrahi faciant. Teste ut supra.

Mandatum est Roberto Passelewe quod in foresta regis de Whitlewod' faciat habere W. comiti Dereb' duos damos, de dono regis. Teste rege apud Wodestok' xxix die Maii.

Pro Sahero de Bredeford'.—Rex perdonavit Sahero de Bredeford' transgressionem quam fecit de prostracione trium latronum qui suspensi fuerunt apud Colecestriam, quando justiciarii regis ultimo itineraverunt in comitatu Essex', quorum latronum unus evasit vivus; propter quam evasionem iidem justiciarii capi fecerunt terram ipsius Saheri in manum regis, et rex super hoc ei dedit pacem suam; et mandatum est vicecomiti Essex' quod predicto Sahero omnia catalla sua, si que occasione predicte transgressionis cepit, restituat, et ei predictam terram sine dilacione reddat. Teste ut supra.

De fusto dato.—Mandatum est Godefrido de Liston' quod faciat habere abbati Westm' quoddam fustum in foresta Windles' ad unum standardum inde faciendum ad molendinum, de dono regis. Teste ut supra.

De quercubus datis.—Mandatum est Roberto Passelewe quod faciat habere Theobaldo de Engleschevill' quatuor quercus ad maeremium in foresta de Chipenham, de dono regis, ubi ad minus nocumentum ejusdem foreste capi poterunt. Teste ut supra.

De providencia contra Pentecosten.—Mandatum est Waltero le Flemeng quod in villa Suhampton' arestari faciat d. congruos d. mulvellos salitos ad opus regis contra instans festum Pentecostes; et illos venire faciat usque Wintoniam, ad expensas domus regis, per diem Veneris et diem Sabbati in vigilia ejusdem festi. Et rex custum, cum illud sciverit, reddi faciet. Teste rege apud Wodestok' xxx. die Maii.
Similiter mandatum est ballivis de Wincheles', quod de villa sua venire faciant contra idem festum usque Wintoniam mille plaicia ad opus regis; ita quod rex habeat ibidem ccc. plaicia die Jovis ante Pentecosten ad vesperam, vel die Veneris in crastino summo mane. Et septingenta plaicia in vigilia Pentecostes valde tempestive. Et custum etc. Teste ut supra.
Et mandatum est Henrico Kingesune, Ade Bruning, et Galfrido le Rus quod fieri faciant per visum Rogeri lardenarii regis, quadringentos pastillos, unde una pars sit de salmonibus, et alia pars de turbuttis, et alia pars de deauratis, et illos liberari faciant eidem Rogero ad opus regis. Et custum etc. ut supra. Teste ut supra.

De cleiis faciendis.—Mandatum est Godefrido de Liston' quod faciat habere custodibus operacionum regis Windleshor' de alnetis et cleiis prout opus fuerit ad faciendum inde escaufacia ad picturas quas rex injunxit Magistro Willelmo, pictori, faciendas in capella regis Windles'. Teste ut supra.

De transfretacione.—Mandatum est B. de Crioyl quod permittat Bertramum Ayndre et Emericum Sunevill', milites, et octo armigeros et vij. garciones de familia que fuit Oliveri de Chaleys, cum equis et hernesio suo sine aliquo impedimento transfretare. Teste ut supra.

Pro comite Wintonie.—Rex concessit R. comiti Wintonie respectum de omnimodis contencionibus ortis inter homines regis Hertford' et homines ejusdem comitis de Ware usque a die Sancti Johannis Baptiste in unum mensem. Et mandatum est vicecomiti Hertford' quod eosdem homines de Ware pacem inde interim habere permittat. Teste ut supra.

Pro comite Warr'.—Mandatum est Roberto Passelewe quod in foresta de Pauncehal' faciat habere Johanni de Plessetis quatuor quercus ad maeremium, de dono regis. Teste ut supra.

De vino dato.—Mandatum est vicecomiti Oxonie quod de residuis tribus doliis vini que capta fuerunt in manum regis de vinis illorum qui nuper interfecerunt quendam clericum in villa Oxonie faciat habere abbatisse de Godestowe unum dolium vini, de dono regis. Teste ut supra.