Close Rolls, September 1251

Calendar of Close Rolls, Henry III: Volume 6, 1247-1251. Originally published by His Majesty's Stationery Office, London, 1922.

This premium content was digitised by double rekeying. All rights reserved.

'Close Rolls, September 1251', in Calendar of Close Rolls, Henry III: Volume 6, 1247-1251, (London, 1922) pp. 557-564. British History Online https://www.british-history.ac.uk/cal-close-rolls/hen3/vol6/pp557-564 [accessed 25 March 2024]

Image
Image
Image
Image
Image
Image
Image
Image

Close Rolls, September 1251

Mandatum est balliyo de Kermerdin quod omnes illos de balliva sua qui tenentur Salomoni de Haverford' et Abrahe socio (?), Judeis, in aliquibus debitis, et quos idem Salomon ei nominabit, ad debita illa eis reddenda sine dilacione distringat, ita quod de medietate eorundem debitorum regi respondeat ad Scaccarium et aliam medietatem liberet dicto Salomoni, non permittens ei dum fuerit in adquisicione debitorum illorum injuste molestiam aut gravamen inferri. Teste rege apud Wind' secundo die Septembris.

Sussex'.—Nicholaus de Wauncy recognovit pro se et uxore ejus et heredibus eorum totam terram et tenementa cum pertinenciis que Radulfus Ruffus, Nicholaus Ruffus, et Amicia quondam uxor P. de la Custan', tenuerunt in Slindefold', esse jus ecclesie Cycestrie pertinens ad prebendam de Ipethorn', coram B. de Crioll', S. Bauchan, Roberto de Shotend', H. de Mauley, et aliis fidelibus regis, apud Guldeford' xvj. die Septembris in curia domini regis.

Anglia.—Mandatum est vicecomiti Kancie quod omnes illos de balliva sua qui habent xx. libratas terre vel feodum militis integrum valens xx. libras per annum, et milites esse debent et non sunt, distringat ad se milites faciendos citra festum Purificacionis Beate Marie proximo futurum. Teste rege apud Wauth' xxvj. die Augusti.

Hibernia.—Eodem modo mandatum est J. filio G., justiciario Hibernie, de novis militibus faciendis in Hibernia citra Pentecostem proximo futurum. Teste ut supra.

Essex'.—Abbas de Wautham, Galfridus de Sancta Osida, celer' de Wautham', Willelmus Romanus de Wautham' canonicus, Rann' de Braham posuerunt loco suo Galfridum le Poer et Thomam Gerland', vel alterum eorum, in loquela que est coram rege inter Johannem de Lexinton', Simonem Carettarium et Kipot' filium Salomonis, et ipsos, de transgressione facta in Wautham'.

Gloucestria.—Matillis uxor Johannis de Witten', Agneta uxor Nicholai Coci, et Elicia, soror earum, posuerunt loco suo ipsum Johannem, virum dicte Matillidis, et Jollanum de Curford', vel alterum eorum, in loquela que est inter ipsos (sic) et Willelmum filium Nicholai de Bristoll' et alios de transgressione eis facta in Bristoll'.

Mandatum est ballivis nundinarum Sancti Egidii Wintonie, quod in instantibus nundinis ibidem publice clamari faciant quod omnes mercatores tam transmarini quam cismarini secure veniant cum mercimoniis suis ad nundinas Beati Edwardi Westmonasterii, et quod quieti erunt ab omnimodis prisis regis et theloneo, quia rex ipsos et eorum bona in suam proteccionem suscepit. Teste rege apud Windles' secundo die Septembris. Per ipsum regem.

Mandatum est vicecomiti Derb' quod fieri faciat perambulacionem inter terram Ricardi de Vernun in Bascelawe et terram Johannis de Eyncurt in Hobnefeld'; et scire faciat justiciariis ad primam assisam etc.

N. quondam Dunolmensis episcopus habet quietanciam de communi sumonicione coram justiciariis regis proximo itineraturis ad communia placita in comitatu Eboraci.
Willelmus de Stutevill' similiter in eodem comitatu, Thomas Maunsell', archiepiscopus Rothomagensis, Andreas Luterel, Johannes de Scrutevill'.
Warinus de Monte Caniso habet eandem quietanciam in eodem comitatu; Robertus de Cantilupo, Jacobus de Paunton'.

Mandatum est vicecomiti Norht' quod averia hominum regis de Selveston' que pro arreragiis Albrici de Burton' de tempore quo idem Albricus de rege habuit manerium regis de Selveston' ad firmam cepit, eis sine redempcione aliqua deliberet usque a die Sancti Michaelis in xv. dies, et prefatum Albricum per terras et catalla que habet in balliva sua distringat quod sit coram justiciariis et baronibus de Scaccario nostro responsurus de predictis arreragiis, quia videtur regi quod idem Albricus pocius teneatur reddere arreragia illa quam prefati homines regis, cum nec plegii prefati Albrici de predicta firma regi reddenda fuerunt, nec eciam pro eo reddere manuceperunt, ut dicunt. Teste etc. Per ipsum regem.

Rex mittit usque forestam de Everl' Hugonem le Franc', Ingeramum de Percy, et Robertum de Soning', ad capiendum in eadem foresta duos cervos et unum damum [tot damos quot capere poterunt cancelled] citra Nativitatem Beate Marie proximo futuram; et mandatum est custodi foreste de Everl' quod ipsos ad hoc admittat et consilium et auxilium impendat. Teste etc.

Rex injunxit G. de Langel', justiciario foreste, quod forestas regis et parcos regis per Angliam agistari faciat; et mandatum est Roberto de Stopham, ballivo de Clarendon', quod de hoc sine ipso se non intromittat, verumtamen si non venerit vel tempestive non miserit ad dictam forestam aggistandam, tunc ipso non exspectato forestam illam ad commodum regis aggistari faciat de parcis, prout fieri consuevit. Teste ut supra.

Memorandum quod Ricardus de Hemmigtun' venit coram rege in crastino Nativitatis Beate Marie apud Windes' et petiit terram Johannis de Bailloll' et Derverguile, uxoris ejus, sibi replegiari, que capta fuit in manum regis pro defectu facta coram rege a die Pasche in tres septimanas versus Radulfum de Pratellis.

Henricus de Colevill', vicecomes Cantebrigie et Huntedonie, attornavit coram rege loco suo Henricum de Bursicot et Willelmum Luvel ad reddendum et perficiendum compotum pro eodem vicecomite, unde debet computare ad Scaccarium de exitibus predictorum comitatuum; et mandatum est baronibus de Scaccario quod ipsos vel eorum alterum, si ambo interesse non possint, loco ipsius vicecomitis ad hoc admittant. Teste rege apud Guldef' xiiij. die Septembris.

Norff'.—Willelmus de Valenc' posuit loco suo Ricardum de Bansted' et Willelmum Oen, vel alterum eorum, ad lucrandum etc. in loquela que est coram rege inter ipsum Willelmum et Simonem de Wichton', Alexandrum, servientem Willelmi de Clar', Rogerum de Nuiun et alios, de placito transgressionis eidem Willelmo facte apud Stivekeh'.

Rex justiciariis suis proximo itinerantibus ad communia placita in comitatu Eboraci, salutem. Mandamus vobis quod in assisa mortis antecessoris quam Willelmus de Vivill' arramia vit coram vobis per preceptum nostrum versus Willelmum de Landa de tenemento in Lengeby, Ledemer', et Colton', celerem justiciam prefato Willelmo faciatis exhiberi; et si forte contingat opponi eidem Willelmo de Wivill' quod seisinam habuit de predicto tenemento post mortem Eustachie, matris ejusdem Willelmi, cujus heres ipse est, ut dicit, et quod prefatus Willelmus de Landa de precepto nostro dicto Willelmo erecto (sic) recuperavit inde seisinam, pro eo quod prolem suscitasse debuerat de uxore sua, nolimus assisam illam propter hoc inpediri nec excepcionem illam prefato Willelmo de Wyvill' aliquatenus obsistere. Teste rege apud Guldef' xvj. die Septembris, anno regni nostri xxxv.
Eodem modo mandatum est Alano de Watsaund', justiciario assingnato ad quandam aliam assisam mortis antecessoris capiendam in comitatu Norht', de tenemento in Welleford'. Teste ut supra.

[m. 4d.]

Norhampt'.—Willelmus le Bretun et W. de Axem' constituti sunt justiciarii ad juratam capiendam quam Petrus de Sancto Elerio arramiavit versus Simonem de Throp' de convincendo per xxiiijor milites juratos assisam nove disseisine que nuper summonita fuit et capta inter eos coram justiciariis ad hoc assignatis de quodam fossato prostrato in Horpoll'; et mandatum est vicecomiti Norhampt' quod ad diem et locum etc.

Cantebrigia.—Willelmus le Bretun constitutus est justiciarius una cum hiis etc. ad assisam mortis antecessoris capiendam quam Robertus filius Rogeri arramiavit versus Saherum de Sancto Andrea et Matillidem, uxorem ejus, et alios, de duabus virgatis, tercia parte unius virgate, lxx. acris terre cum pertinenciis, exceptis tribus mesuagiis, in Hengeston'; et mandatum est vicecomiti Cantebrigie quod ad diem et locum etc.

Dors'.—Henricus de Bretton' constitutus est justiciarius ad juratam capiendam quam Nicholaus de Neubur' arramiavit versus Johannem Picot ad convincendum per xxiiijor milites juratos assisam nove disseisine que inter eos summonita fuit et capta coram Nicholao de Turri apud Brideport, et mandatum est vicecomiti Dors' etc.

Sumers'.—Henricus de Bretton' constitutus est justiciarius una cum hiis etc. ad assisam nove disseisine capiendam quam abbas de Mucheln' arramiavit versus Nicholaam de Chamflur' et alios de tenemento in Chippestapel'; et mandatum est vicecomiti Sumers' quod ad diem et locum etc.

Norf'.—Willelmus le Bretun constitutus est justiciarius una cum hiis etc. ad assisam nove disseisine capiendam quam Robertus Capellanus de Crampesham arramiavit versus Matheum de Gynei de tenemento in Walpol; et mandatum est vicecomiti Norf' quod ad diem et locum etc.

Cantebrigia.—Idem Willelmus constitutus est justiciarius una cum hiis etc. ad assisam nove disseisine capiendam quam Galfridus le Oyselur arramiavit versus Millisentam Cappe et Radulfum le Bedel de tenemento in Knesewrth'; et mandatum est vicecomiti Cantebrigie quod ad diem et locum etc.

Idem Willelmus constitutus est justiciarius una cum hiis etc. ad assisam nove disseisine capiendam quam Matillis filia Rogeri le Clerc et Muriella, soror ejus, arramiaverunt versus abbatem de Langel' et alios de tenemento in Est Walton'; et mandatum est vicecomiti Norf' quod ad diem et locum etc.

Henricus de Mara constitutus est justiciarius una cum hiis etc. ad assisam nove disseisine quam Robertus filius Aron' et Levina, uxor ejus, arramiaverunt versus Henricum de Feleye et alios de tenemento in Reygat'; et mandatum est vicecomiti Surr' quod ad diem et locum etc.

Idem Henricus constitutus est justiciarius una cum hiis etc. ad assisam nove disseisine capiendam quam Hamo de Sicwod' arramiavit versus F. Londoniensem episcopum de tenemento in Wocking'; et mandatum est vicecomiti Surr' quod ad diem et locum etc.

Willelmus le Bretun constitutus est justiciarius una cum hiis etc. ad assisam nove disseisine capiendam quam Johannes Aldich' et Levina, uxor ejus, arramiaverunt versus Ricardum Selvestr' et alios de tenemento in Weston'; et mandatum est vicecomiti Cantebrigie quod ad diem et locum etc.

Magister Simon de Wauton' constitutus est justiciarius una cum hiis etc. ad assisam nove disseisine capiendam quam Nicholaus de Longebarue et Isabella, uxor ejus, arramiaverunt versus Walterum filium Benedicti de Tornebur' et alios de tenemento in Brockampton'; et mandatum est vicecomiti Herefordie quod ad diem et locum etc.

Rogerus de Thurkilby constitutus est justiciarius una cum hiis etc. ad assisam nove disseisine capiendam quam Ricardus, capellanus de Creton', arramiavit versus Ricardum de Lindon' de tenemento in Creton'; et mandatum est vicecomiti Lincolnie quod ad diem et locum etc.

Magister Simon de Wauton' constitutus est justiciarius una cum hiis etc. ad assisam nove disseisine capiendam quam Alicia filia Thome de la Hide, arramiavit versus Willelmum de Hamstalridewar' de tenemento in Hamstalridewar'; et mandatum est vicecomiti Staffordie quod ad diem et locum etc.

Ebor' et Norht'.—Memorandum quod dominus rex concessit Rogero de Mumbray quod seisina illa quam fecit Willelmo de Landa post mortem Eustachie de Wivill', quondam uxoris ejusdem Willelmi, de terris et tenementis que fuerunt predicte Eustachie pro eo quod idem Willelmus suscitaverat prolem de predicta Eustachia, ut dicitur, non cedat eidem Rogero vel heredibus suis in prejudicium seu exheredacionem quin habeant de predictis terris et tenementis custodiam, homagium et relevium cum acciderint tamquam domini feodi.

Alanus de Wassaund' constitutus est justiciarius una cum hiis etc. ad assisam nove disseisine capiendam quam Willelmus de Wivill' arramiavit versus Willelmum de la Lande de sex carucatis terre et dimidia cum pertinenciis in Welleford; et mandatum est vicecomiti Norht' quod ad diem et locum etc.

Henricus de Mara constitutus est justiciarius una cum hiis etc. ad assisam nove disseisine capiendam quam Willelmus filius Alani arramia vit versus Mauricium de Langenacr', [et] Simonem a la Feld' de tenemento in Wornham; et mandatum est vicecomiti Sussex' quod ad diem et locum etc.

Henricus de Bretton' constitutus est justiciarius una cum hiis etc. ad assisam nove disseisine capiendam quam Willelmus Coterel arramia vit versus Thomam de Kitincot et Willelmum de Crosc' de tenemento in Clive; et mandatum est vicecomiti Devonie quod ad diem et locum etc.

Henricus de Mara constitutus est justiciarius una cum hiis etc. ad assisam nove disseisine capiendam quam Alanus le Turnur arramia vit versus Willelmum Lune de tenemento in Wisebergh'; et mandatum est [vicecomiti] Sussex' quod ad diem et locum etc.

Magister Simon de Wautton' constitutus est justiciarius una cum hiis etc. ad assisam nove disseisine capiendam quam Thomas Grim arramiavit versus magistrum Radulfum de Lakoc de tenemento in Bratton'; et mandatum est vicecomiti Staffordie quod ad diem et locum etc.

Henricus de Mara constitutus est justiciarius una cum hiis etc. ad assisam mortis antecessoris capiendam quam Johannes le Bretun arramiavit versus Salerinam que fuit uxor Simonis Alrich', de uno mesuagio cum pertinenciis in Safford'; et mandatum est vicecomiti Sussex' quod ad diem et locum etc.

Willelmus de la More, Henricus le Rus, Thomas Gulafr', Willelmus de Kerdif, constituti sunt justiciarii ad gaiolam regis deliberandam apud Gloucestriam; et mandatum est vicecomiti quod a die Sancti Michaelis in quindecim dies omnes prisones ejusdem gaiole et eorum attachiamenta etc.

Willelmus le Bretun constitutus justiciarius una cum hiis etc. ad assisam nove disseisine capiendam quam prior de Bosegrave arramia vit versus Ricardum de Middelton' de tenemento in Middeltun'; et mandatum est vicecomiti Sussex' quod ad diem et locum etc.

Willelmus le Bretun constitutus est justiciarius una cum hiis etc. ad assisam nove disseisine capiendam quam Galfridus Claipol et Albreda, uxor ejus, arramiaverunt versus Johannem de Bekingh' de tenementis in Fenton'; et mandatum est vicecomiti Lincolnie quod ad diem et locum etc.

Henricus de Bratton constitutus est justiciarius una cum hiis ad assisam nove disseisine capiendam quam Willelmus de Buteport arramiavit versus Willelmum de Hamtonesford', Johannem de Litleham', Ivonem de Litleham' de tenemento in Buteport; et mandatum est vicecomiti Devonie quod ad diem et locum etc.

Robertus Waleraund' constitutus est justiciarius una cum hiis etc. ad assisam nove disseisine capiendam quam Henricus Payn arramiavit versus priorem de Lechelade et Philippum de Suthorp' de tenemento in Baudinton'; et mandatum est vicecomiti Gloucestrie, quod ad diem et locum etc.

Oxonia.—Mandatum est vicecomiti quod si communitas comitatus sui invenerit ei sufficientem securitatem de eo aquietando coram baronibus de Scaccario regis in crastino Sancti Michaelis de quatuordecim libris quas ab eadem communitate exigit per sumonicionem Scaccarii regis pro communi misericordia dicti comitatus, tunc districcionem quam facit pro predictis denariis interim relaxet; et quia eadem communitas firmiter asserit coram rege Alanum de Farnham', dum fuit vicecomes regis Oxonie, dictos denarios recepisse nec inde dictam communitatem aquietasse, ipsum Alanum per terras et catalla sua distringat, ita quod corpus ejus habeat ad predictum diem coram prefatis baronibus, ut tunc discuciatur coram illis quis vel qui debeant de predicta pecunia regi respondere. Teste rege apud Guldef' xviij. die Septembris.

Mandatum est S. Karliolensi episcopo, et R. de Turkelby et sociis suis justiciariis proximo itinerantibus in comitatu Eboraci quod quia Willelmus de Fortibus, comes Albemarle, intendit placitis foreste in comitatu Cumberl' quod omnes loquelas ipsum comitem tangentes in itinere suo in comitatu predicto ponant in respectum ut de die in diem quousque idem comes loquelis illis valeat intendere, dum tamen eedem loquele in prefato itinere apud Eboracum terminentur; libertates etiam prefati comitis quibus actenus racionabiliter usus est manutenea[n]t et conservari faciant illesas in itinere suo. Teste rege apud Windes' xx. die Septembris.
Eodem modo mandatum est eisdem quod libertates et jura J. Maunsel, prepositi Beverlaci, et ecclesie sue de Beverle, manuteneant et protegant, non permittentes eis molestiam inferri vel gravamen. Teste rege ut supra.

Rex ballivo suo de Gillingh', salutem. Precipimus tibi quod priori de Monte Acuto nullam molestiam inferas vel inferri permittas de villanis suis quos habet in manerio predicto quominus valeat de eisdem et rebus suis disponere prout melius comodo suo viderit expedire; et quicquid occasione prioratus sui vacan[ti]s et in manu nostra existentis de eisdem villanis cepisti, post creacionem suam in priorem, integre eidem restituas, ne super hoc ad nos clamor perveniat iteratus. Teste rege ut supra.

Berkes' de atornato.—Johannes Rembaud atornavit loco suo Radulfum le Frankelayn in assisa nove disseisine capienda de communa pasture quam idem J. arramiavit versus Walterum Alard' et alios coram rege in primo adventu suo apud Reding'.

[m. 3d.]

Rex G. de Langel', justiciario suo foreste, salutem. Sciatis quod dudum mandavimus iiijor militibus in singulis comitatibus ubi subboscus noster venditur quod, cum tempus advenerit, vendi faciant subboscos nostros in forma quam nobis singnificastis, unde habent litteras nostras patentes, ut inde respondeant ad Scaccarium nostrum; et ideo vobis mandamus quod per illos vendicionem illam fieri faciatis, prout videritis expedire. Teste rege apud Windes' xxiij. die Septembris.

Rex Margerie de Ripariis, comitisse Devonie, salutem. Prohibemus vobis ne de terris quas de nobis tenetis per serjanciam aliquas faciatis alienaciones, et quia baronie quam de nobis tenetis servicium grande ad nos dinoscitur pertinere, vobis mandamus rogantes quatinus nullas de eadem faciatis alienaciones, per quas per vos et heredes vestros servicium predictum in expedicionibus nostris et heredum nostrorum minus plene nobis inpendatur. Teste ut supra.

H. Dei gracia, etc. vicecomiti Norf' et Suff', salutem. Precipimus tibi quod sine more dispendio in propria persona tua accedas usque Dunewicum et hospitale quod dicitur Domus Dei ibidem capias in manum nostram, et Robertum filium Reginaldi, qui se in idem hospitale intrusit, ut dicitur, ab eodem amoveas, faciens omnia que per ipsum ablata sunt eidem hospitali restitui, et custodiam ejusdem de providencia tua tali committas qui sciat et possit ad comodum ipsius hospitalis de rebus ejusdem administrare, donec aliud inde a nobis habueris in mandatis. Pone eciam per vadia et salvos plegios predictum R. quod sit coram nobis a die Sancti Michaelis in tres septimanas, ubicumque tunc fuerimus in Anglia, ad respondendum nobis de transgressionibus eidem hospitali per ipsum illatis, et habeas ibi nomina plegiorum et hoc breve. Teste etc. apud Windes' xxvj. die Septembris.

Rex vicecomiti Suht', salutem. Quia nuper apud Suht' quibusdam ejusdem ville resistentibus non potuisti facere habere venerabili patri A. Wintoniensi electo, seisinam pro transgressione facta de mercandi[s]is venditis in villa Suht' tempore nundinarum e[x]istencium nuper super montem Sancti Egidii, Wintonie, licet assingnaveris eidem electo nomine seisine predicte unum saccum lane et quasdam alias res venales, tibi precipimus quod nomine seisine facias habere prefato electo catalla ad valenciam c. solidorum de bonis et rebus communitatis et hominum ejusdem ville ad abducendum quo voluerit; et villam predictam Suht' cum omnibus libertatibus suis capias in manum nostram pro eo quod non permiserunt te facere preceptum nostrum de predicta seisina facienda prefato electo; et venire facias coram nobis hac die Mercurii proxima post festum Sancti Michaelis, ubicunque tunc fuerimus in Anglia, xxiiijor de probioribus et legalioribus hominibus ejusdem ville, ad respondendum nobis de transgressione resistencie predicte, et Thurstanum Heyrun tamquam prisonem tunc una cum predictis venire facias coram nobis. Teste rege apud Windes' xxix. die Septembris. Per regem.
Postea prorogatus fuit predictus dies Mercurii usque ad diem Martis proximum ante festum Beati Edwardi, et quod vicecomes Suht' ad eundem diem venire faciat coram rege dictos xxiiij. et Thurstanum ad transgressiones suas emendandas, prout plenius continetur in alio brevi. Teste ut supra.