Close Rolls, March 1253

Calendar of Close Rolls, Henry III: Volume 7, 1251-1253. Originally published by His Majesty's Stationery Office, London, 1927.

This premium content was digitised by double rekeying. All rights reserved.

'Close Rolls, March 1253', in Calendar of Close Rolls, Henry III: Volume 7, 1251-1253, (London, 1927) pp. 325-336. British History Online https://www.british-history.ac.uk/cal-close-rolls/hen3/vol7/pp325-336 [accessed 25 March 2024]

Image
Image
Image
Image
Image
Image
Image
Image
Image
Image
Image
Image

Close Rolls, March 1253

De prisonibus recipiendis et custodiendis.—Mandatum est custodi gaiole de Flete quod omnes illos de comitatibus Dors' et Sumers', quos vicecomes Sumers' et Dors' pro verberacione et vulneracione Walteri de Burges, subvicecomitis regis predictorum comitatuum, ei liberabit, recipiat, et eos in predicta gaiola salvo custodiat donec rex aliud inde preceperit. Teste rege apud Westmonasterium ij° die Marcii. Per regem.

De custodia porte castri de Windes' commissa.—Rex commisit Johanni Poward' custodiam porte castri de Windes' quamdiu regi placuerit. Et mandatum est constabulario de Windes' quod ipsum Johannem custodiam predictam habere permittat (fn. 1) cum hiis que ad predictam custodiam pertinent. (fn. 1) Teste ut supra. Per regem.

De ponendo per ballium.—Henricus de Hertwell', Simon de Hertuuell' et Johannes de Hertuuell', capti et detenti in prisina (sic) Norhamt' pro transgressione foreste, unde rettati sunt, habent litteras vicecomiti Norhamt' quod ponantur per ballium usque adventum justiciariorum in partes illas ad placita foreste. Et terras et catalla sua, si que ea occasione in manum regis capta fuerint, interim eis deliberari faciat. Teste rege apud Westmonasterium iij. die Marcii.

De terra extendenda.—Mandatum est justiciariis ad custodiam Judeorum assignatis quod extendi faciant totam terram Ricardi Jocelin' et Radulfi filii ejus que est vadium Aaron filii Abrahe et Salomonis le Evesk', Judeorum, quantum scilicet terra illa valeat per annum in dominicis, redditibus, villenagiis et omnibus exitibus terre, et secundum extentam illam eisdem Ricardo et Radulfo competentem finem et racionabiles terminos habere faciant de debito in quo eisdem Judeis tenentur. Teste ut supra. Per regem.

Pro heredibus Hugonis de Saunford'.—Quia terre et tenementa que Johanna de Saunford' tenuit in dotem de hereditate Hugonis de Saunford', quondam viri sui, in Morton' et Wittenham in comitatu Berk' non dum sunt partita nec Hugoni de Plessetis nec Agneti Hose, heredibus predicti Hugonis de Saunford', assingnata, mandatum est abbati de Persore quod predictam dotem per equales porciones partiri et (per sortem cancelled) dictis heredibus assignari faciat. Teste ut supra. Per J. de Grey.

Pro Hamone de Hailes, converso.—Mandatum est Ricardo de Shireburn' et Rogero de Ros quod Hamoni de Hayles, converso, faciant habere robam, qualem habere consuevit, hac vice, de gratia regis. Teste ut supra. Per regem et J. Mansell'.

Pro Thoma de Clinton', escaetore regis.—Mandatum est vicecomiti Warr' quod Thome de Clinton', escaetori regis comitatus War', habere faciat plenam seisinam de manerio de Buckebroc', quod fuit Willelmi de Curly et cujus custodia ad regem pertinet, ut dicitur, et, si Petrum de Nevill' vel quemcumque alium invenerit eidem escaetori regis in eodem manerio resistentem, eum statim eiciat, et, si ille vel alius aliquod jus habeat in custodia manerii predicti, ad regem veniat et rex ei inde justiciam fieri faciet. Teste rege apud Westmonasterium iiijto die Marcii. Per regem et abbatem de Persor'.

De quercubus datis.—Mandatum est Ernaldo de Bosco, justiciario foreste citra Trentam, quod in foresta regis de Gillingham faciat habere Nicholao de Molis decem quercus, de dono regis. Teste ut supra. Per regem.

Pro Petro de Aubzun.—Mandatum est justiciariis ad custodiam Judeorum assignatis quod deliberari faciant Petro de Abbecun, consanguineo regis, vadia sua que sunt in custodia Elye le Evesk' et Licoric' de Winton', Judeorum, videlicet vadium quod Licoric' habet pro iiijor marcis in quibus idem Petrus ei tenetur et vadium quod predictus Elyas habet pro vque marcis. Et denarios predictos eisdem Judeis in tallagio suo faciant allocari. Teste ut supra. Per J. de Grey.

Pro Isabella de Albimiaco et Amaurico de Sancto Amando.—Mandatum est vicecomiti Bed' quod terras et feoda de quibus Johanna de Albimiaco (sic) fuit seisita in dominico suo ut de feodo die quo obiit in ballia sua equaliter partiri faciat inter Isabellam de Albimiaco et Amauricum de Sancto Amando, heredes predicte Johanne, et de porcione ipsam Isabellam de terris et feodis predictis contingente ei plenam seisinam habere faciat. De porcione autem ipsum Amauricum inde contingente Johanni de Grey, custodi predicti Amaurici, alterius heredum ipsius Johanne, qui infra etatem est, plenam seisinam habere faciat, tenenda usque ad legittimam etatem ejusdem Amaurici. Teste ut supra. Per Johannem de Grey.

De custodia hospitalis Sancti Jacobi extra Westmonasterium commissa. —Rex commisit Philippo Luvel, thesaurario suo, et successoribus suis inperpetuum thesaurariis Scaccarii nostri (sic) custodiam hospitalis Sancti Jacobi extra Westm'. Et mandatum est baronibus de Scaccario quod sic inrotulari faciant et teneri. Teste rege apud Westmonasterium vj. die Marcii. Per regem.

De quercubus datis.—Mandatum est custodi foreste de Chippeham quod in eadem foresta faciat habere abbati de Stanl' duas quercus ad maeremium, de dono regis. Teste ut supra.

Pro abbacia de Glaston'.—Mandatum est abbati de Persore, escaetori regis, quod maneria ad abbaciam de Glaston' pertinencia, que escaetores sui occasione vacacionis ejusdem abbacie ceperunt in manum regis, eidem abbacie sine dilacione restituant. Teste rege apud Westmonasterium vij. die Marcii. Per regem.

De prisonibus recipiendis.—Mandatum est custodi gaiole de Neugat' quod prisones quos vicecomes regis Essex' et Hertf' ei liberabit recipiat et eos in predicta prisona salvo custodiat donec rex aliud inde preceperit. Teste ut supra.

De homagio Willelmi Pikot capto.—Rex cepit homagium Willelmi, filii et heredis Willelmi Pikot, qui de rege tenuit in capite, de omnibus terris et tenementis que eum hereditarie contingunt de hereditate paterna, et mandatum est abbati de Persore quod de omnibus terris et tenementis cum pertinenciis que ipsum Willelmum hereditarie contingunt in comitatibus Essex' et Cauntebr', de quibus predictus Willelmus Picot, pater suus, fuit seisitus ut de feodo die quo obiit, eidem Willelmo sine dilacione plenam seisinam habere faciat. Teste rege apud Westmonasterium vij. die Marcii.
Et sciendum quod rex perdonavit ei relevium suum eo quod idem Willelmus fuit in custodia regis et rex postea dedit eandem custodiam Petro de Wakering', quondam clerico suo, ut patet per inrotulacionem clausarum de anno etc. xxij°. (fn. 2)

De roba data.—Mandatum est Ricardo de Shireburn' et Rogero de Ros quod Willelmo de Aling' unam robam habere faciant tanquam uni ex vadlettis regis, de dono regis. Teste rege apud Westmonasterium vij. die Marcii.

Pro pauperibus servientibus regis.—Mandatum est thesaurario et camerariis quod de tempore W. de Haverhull', quondam thesaurarii regis, faciant habere pauperibus servientibus regis arreragia liberacionum suarum de quibus habent penes eos brevia regis de Liberate' et quas percipere consueverunt ad Scaccarium regis, scilicet a crastino Assumpcionis Beate Marie anno etc. xxxvj. usque ad festum Sancti Michaelis eodem anno, utroque die computato. Teste ut supra. Per Philippum Luvel.

De quibusdam recipiendis in prisonam.—Mandatum est vicecomiti Buk' quod Robertum le Suur, Erlemm' filium ejus, Robertum le Smekere, Agnetem et Ceciliam, prisones, quos ei liberabunt Johannes Perdriz et Nicholaus le Forester, servientes Radulfi de Dunum, recipiat et in prisona salvo custodiat donec rex aliud inde recipiat (sic). Teste ut supra. Per regem.

De quercubus datis.—Mandatum est custodi foreste de Diggel' quod in predicta foresta faciat habere W. de Valenc' x. quercus cum omnibus escaetis suis ad scindulos inde faciendos, de dono regis. Teste rege apud Westmonasterium x. die Marcii. Per regem.

Pro Willelmo Paynel et Matillide uxore ejus.—Mandatum est abbati de Persore quod de manerio de Littelton' in comitatu Wiltes' et de xxxv. solidatis redditus cum pertinenciis in Abbodeston' et de duobus feodis militum cum pertinenciis in Dummere in comitatu Suhampton', que, occasione mortis Matthei Hose, cepit in manum regis, Willelmo Painel et Matillidi uxori ejus plenam seisinam habere faciat una cum omnibus exitibus a tempore capcionis predicte inde perceptis, permittens eos de redditibus, rebus mobilibus et omnibus aliis a predictum manerium, redditum et feoda illa pertinentibus liberam habere administracionem, salva regi inde quadam simplici seisina, accepta ab eisdem Willelmo et Matillide sufficienti securitate quod sint coram rege a die Pasche in quinque septimanas, ubicumque tunc rex fuerit in Anglia, ostensuri quo waranto maneria, redditum et feoda predicta sunt ingressi et habentes ibi hoc breve. Teste rege apud Westmonasterium xj. die Marcii. Per J. Maunsell.'

De quercubus datis.—Mandatum est Ernaldo de Bosco, justiciario foreste, quod in foresta regis de la Saucee faciat habere Willelmo Gaug', persone ecclesie de Grendon', vj. quercus ad maeremium cum escaetis suis, de dono regis. Teste ut supra. Per regem.

Pro Ricardo de Tillebir'.—Quia, ut rex audivit, post mortem Laurencii de Plumberge escaetor regis in comitatu Essex' omisit capere in manum regis quasdam terras et tenementa quas Thomas de Plumberge, pater predicti Laurencii, cujus heres ipse fuit, dimisit ad terminum, et quasdam terras et tenementa que idem Laurencius dimisit ad terminum, quas terras et tenementa iidem Thomas et Laurencius de rege tenuerunt in capite, mandatum est eidem escaetori quod easdem terras et tenementa capiat in manum regis et ea liberet Ricardo de Tillebir', cui rex commisit custodiam terrarum et heredum ipsius Laurencii usque ad legitimam etatem eorundem heredum. Teste ut supra. Per J. Maunsell'.

[m. 15.]

Pro Avicia (sic) que fuit uxor Ricardi filii Hugonis.—Quia ex relatu fidedignorum rex accepit quod catalla que fuerunt Ricardi filii Hugonis satis sufficiunt ad solucionem debitorum regis, in quibus dictus Ricardus regi tenebatur die quo obiit, et eciam ad execucionem testamenti sui faciendam, ut dicitur, exceptis catallis que sunt apud Chiggehale super dotem quam Amicia que fuit uxor ejusdem Ricardi habuit de primo viro suo, nisi catalla illa per quosdam executores suos sint maliciose districta; mandatum est vicecomiti Essex' quod per probos et legales homines catalla dictum Ricardum tangencia apud Chiggehale super dotem predictam appresciari et illa eidem Avicie liberari faciat per predictum precium ad respondendum inde regi si necesse fuerit et si alia predicta catalla ad debitum regis persolvendum non sufficiunt. Teste rege apud Westmonasterium xij. die Marcii. Per H. de Wengham.

De quercubus ad operaciones de Bruhill'.—Mandatum est custodi foreste de Brohull' quod in bosco de Pancehale in eadem foresta faciat habere vicecomiti Buk' quatuor quercus ad maeremium ad reparacionem pontis turnicii combusti apud manerium de Bruhille. Teste rege apud Westmonasterium xiij. die Marcii.

Pro Willelmo Lungesp'.—Rex concessit Willelmo Lungesp' quod debita, in quibus regi tenetur de debitis Willelmi Lungesp' patris sui, reddat regi ad terminos quos rex ei inde concessit et per easdem porciones; et mandatum est baronibus de Scaccario quod sic inrotulari faciant et teneri. Teste ut supra.

Pro Johanne de Camera.—Rex quantum ad ipsum pertinet, perdonavit Johanni de Camera transgressionem quam fecit veniendo noctanter cum hominibus utlagatis ad domum Willelmi Berenger et ei ibidem insultum prebendo et ipsum de bonis suis depredando et alia gravamina ei inferendo, super qua convictus fuit in curia regis et pro qua ipsum capi et in prisona detrudi et terram suam in manum suam rex capi precepit; et mandatum est vicecomiti Wygorn' quod ipsum Johannem occasione predicta non capiat et ei de terra sua, quam ea occasione in manum regis cepit, plenam seisinam sine dilacione habere faciat. Teste ut supra. Per regem. Et pro hoc brevi dedit dimidiam marcam auri P. de Sabaudia. (fn. 3)
Et mandatum est justiciariis proximo itineraturis in dicto comitatu quod idem Johannes non occasionetur coram eis occasione predicte transgressionis set, quantum ad regem pertinet, ipsum inde pacem habere permittant.

De quercubus datis.—Mandatum est Ernaldo de Bosco quod in foresta de Roking' extra hayam faciat habere J. de Plessetis, comiti Warr', quatuor quercus cum escaetis suis ad maeremium, de dono regis. Teste ut supra.

Pro Elya de Rabayn.—Rex Petro de Burdegala, custodi terre sue Wasconie, salutem. Sciatis quod dudum concessimus Elye de Rabayn totum redditum illum cum pertinenciis in Insula nostra Oleron' quem Galfridus de Rabayn, frater ipsius Elye, qui est ad fidelitatem regis Francie, aliquando percipere consuevit in Insula predicta, habendum et tenendum eidem Elye quamdiu predicta Insula et terre, quas idem Galfridus tenet de predicto rege Francie super nos occupatas, nobis fuerint ad invicem adversantes et idem Galfridus adheserit fidelitati predicti regis Francie contra nos vel heredes nostros, salva Simoni de Monte Forti, comiti Leyc,' concessione et convencione inter nos et ipsum factis de eadem Insula Oleron' durante termino senescalcie sue Wasconie: et quia terminus predicte senescalcie jam preteriit, vobis mandamus quod eidem Elye de toto predicto reddito cum pertinenciis plenam seisinam habere facias, sicut predictum est. Teste rege apud Westmonasterium xiij. die Marcii.
Eodem modo mandatum est majori et preposito Oleron'. Teste ut supra.

De ponendo per ballium.—Adam le Ruter, captus et detentus in prisona regis Linc' pro morte Gilberti, unde appellatus est, habet litteras vicecomiti Linc' quod ponatur per ballium. Teste ut supra.

Pro abbate de Wautham'.—Quia rex talliari fecit dominica sua, mandatum est vicecomiti Essex quod faciat habere abbati de Wautham racionabile tallagium de hominibus regis tenentibus de dominicis manerii regis de Wautham, quod idem abbas tenet de rege ad feodi firmam, si iidem homines consueverint talliari. Teste ut supra.

De seisina capienda ad opus regis.—Quia Matheus Hose, qui defunctus est, tenuit de rege in capite, mandatum est Thome de Stanford', escaetori regis, quod de manerio de Egrun, quod fuit predicti Mathei, quandam simplicem seisinam ad opus regis capiat, salvo jure cujuslibet. Teste ut supra. Per J. Mansell'.

Pro Radulfo Hardel et aliis de civitate Lond'.—Rex camerario suo Lond', salutem. Precipimus tibi quod de vinis captis ad opus nostrum facias habere Radulfo Hardel' xj. dolia vini et tria dolia vini Angl' (sic), Ricardo Picard' xij. dolia vini et tria dolia vini Angl', Petro de Gisorc' iiijor dolia vini et duo dolia vini Angl', et Johanni de Lung' duo dolia vini, et Alexandro de Suff' unum dolium vini, et Reginaldo de Suff' duo dolia vini, Johanni Saher unum dolium vini, Hugoni le Buk' tria dolia vini, Stephano de Chelmeresford' duo dolia vini, Galfrido de Trie unum dolium vini, Ricardo Derekin iiijor dolia vini, Thome Wympler vij. dolia vini, Simoni de Sancto Martino unum dolium vini, Johanni de Ispann' unum dolium vini, Radulfo Bullok' unum dolium vini, Johanni Hardel' unum dolium vini, Roberto Hardel' unium dolium vini, Henrico de Coventr' duo dolia vini, Johanni de Wudeham duo dolia vini, Roberto Dagun unum dolium vini Angl', Johanni Bedeleg' unum dolium vini, Thome Gace unum dolium vini Kerebr' et unum dolium vini, Henrico de Sidingburn' duo dolia vini Angl', Roberto de Winton' unum dolium vini, et Willelmo de Sancto Martino duo dolia vini, pro totidem doliis vini captis ab eis ad opus nostrum. Teste rege apud Westmonasterium xv. die Marcii. Per senescallum.

De Edmundo filio regis consolando.—Rex mittit magistrum Ricardum le Harpur ad consolandum Emundum filium suum, et mandatum est R. de Muscegros, quod vadia sua acquietare faciat donec status ipsius Edmundi melioretur. Teste ut supra.

De quercubus datis.—Mandatum est custodi foreste de Shireuuode quod in eadem foresta faciat habere Elye de Rabayn xl. quercus ad maeremium de dono regis. Teste ut supra.

De quodam misso ad lampredas emendas.—Rex mittit Matheo Bezille Walterum de Gisney, servientem suum, cum c. solidis ad lampredas emendas ad opus regis: et mandatum est eidem Matheo quod diligenciam apponat ad lampredas illas emendas ad forum de quo dixit, videlicet lampredam pro duobus solidis si possit, ita quod rex habeat copiam lampredarum. Teste rege apud Westmonasterium xvij. die Marcii.

De pisce emendo ad opus regis.—Eodem modo mandatum est ballivis Wincheles' quod intendentes sint et consulentes Stephano Fromund', quem rex mittit ad eos ad pisces bonos, recentes et salsol (sic) emendos ad opus regis, et cariagium ad dictum piscem inveniant. Teste ut supra.

De operacionibus Notingh'.—Mandatum est vicecomiti Noting' quod operaciones regis Noting' perfici faciat, et ad eas faciendas capiat firmam ville sue Noting' et exitus comitatus sui salvo regi tallagio suo. Teste rege apud Westmonasterium xviij. die Marcii.

De quercubus datis.—Mandatum est custodi foreste de Wulmer' quod habere faciat abbati de Dureford' quatuor quercus in haya regis de Axissolt ad maeremium inde faciendum ad stallos inde faciendos, de dono regis. Teste ut supra.

De quodam rogo faciendo ad operaciones Colecestr'.—Mandatum est constabulario suo Colecestr' et visoribus operacionum ejusdem castri quod couperones quercuum, quas F. Londoniensis et L. Roffensis episcopi et alii boscos habentes vicinos predicto castro regis ad peticionem suam daturi sunt ad predictas operaciones faciendas, cariari faciant ad predictum castrum et inde fieri faciant unum rogum ad easdem operaciones inde faciendas. Teste rege apud Westmonasterium xviij. die Marcii.

De quercubus datis.—Mandatum est Ernaldo de Bosco, justiciario foreste, quod in foresta de Brohill' faciat habere Willelmo Belet quatuor quercus ad maeremium, de dono regis. Teste ut supra.

De homagio capto.—Rex cepit homagium Avicie que fuit uxor Roberti de Blakeford' de omnibus terris et tenementis que idem Robertus tenuit de rege in capite de hereditate predicte Avicie, quondam uxoris sue, et ei reddidit terras et tenementa predicta: et mandatum est baronibus de Scaccario quod eidem Avicie de omnibus terris et tenementis predictis et de aliis omnibus terris et tenementis, que occasione mortis predicti Roberti de hereditate predicte Avicie cepit in manum regis, plenam seisinam habere faciat, una cum omnibus exitibus inde medio tempore perceptis. Teste ut supra.

Pro Waltero le Avener.—Rex dedit et concessit pro se et heredibus suis Waltero le Avener illas vj. marcas annuas quas Ricardus le Norman, quondam marescallus regis, nuper defunctus, percipere consuevit, ex dono regis ad vitam suam, de Johanne de la Done in Bradeuuell' in comitatu suo percipiendas singulis annis, quamdiu vixerit, ad sustentacionem suam eodem modo quo prefatus Ricardus eas precepit (sic): et mandatum est vicecomiti Essex' quod eidem Waltero de predictis sex marcis annuis plenam seisinam habere faciat, sicut predictum est. Teste rege apud Westmonasterium xxj. die Marcii.

Pro abbate de Stanleg'.—Mandatum est Ernaldo de Bosco, justiciario foreste, quod permittat abbatem de Stanleg' in Wiltes' tenere fossata et hayas suas in foresta regis de Seleuuode in eodem statu in quo ea tenuit tempore Galfridi de Langel', quondam justiciarii regis foreste, donec inde veritatem rex plenius inquisierit. Teste ut supra. Per ipsum regem.

De uno dolio vini dato.—Mandatum est camerario London' quod habere faciat uxori Bartholomei le Bigot unum dolium vini de dono regis. Teste ut supra.
Postea mutata fuit data sic:—apud Westmonasterium ix. die Junii.

Pro Petro de Nevill' et Alicia uxore ejus.—Quia rex accepit per inquisicionem quam fieri fecit quod Willelmus de Curly non tenuit de rege in capite, mandatum est escaetori regis in comitatu Warr' quod de terris, que fuerunt ipsius Willelmi in comitatu suo et que occasione mortis ejusdem Willelmi cepit in manum regis, Petro de Nevill' et Alicie uxori ejus, Roberto Hasteng' et Johanne uxori ejus, heredibus predicti Willelmi, plenam seisinam habere faciat; et de catallis et bonis ejusdem Willelmi executoribus testamenti sui liberam administracionem habere faciat, accepta ab illis sufficienti securitate de debitis regi reddendis, si que idem Willelmus regi debuit die quo obiit. Teste ut supra.

De duobus doliis vini datis.—Mandatum est camerario Lond' quod de vinis regis que sunt in custodia sua faciat habere Johanni de Sumercot' duo dolia vini, videlicet unum dolium vini de dono regis et aliud dolium vini pro uno dolio quod habere fecit magistro Alberto notario domini Pape ex parte regis de dono suo. Teste ut supra.

De quercubus datis.—Mandatum est custodi foreste de Roking' quod in bosco de Deresleg' faciat habere Roberto de Maneby x. quercus ad maeremium cum escaetis suis ad quendam capellam construendam apud Hetherinton', de dono regis. Teste ut supra.

Pro Willelmo Lungesp'.—Mandatum est Godefrido de Liston, custodi foreste de Windles', quod permittat Willelmo Lungesp' capere in bosco suo, qui est infra metas predicte foreste, capere xv. quercus ad maeremium et illas cariare quo voluerit ad edificandum. Teste ut supra.

Pro villata de Wudestoke.—Quia rex accepit per inquisicionem, quam per abbatem de Persor' escaetorem suum fieri precepit, quod villata de Wodestok' nunquam talliari consuevit tempore domini J. regis, patris regis, nec tempore regis, quando alia dominica regis talliantur, mandatum est vicecomiti Oxon' quod districcioni faciende pro tallagio ejusdem ville supersedeat donec rex aliud inde preceperit; et si quam districcionem fecerit occasione predicta, eam relaxet. Teste ut supra.

De coronatore eligendo.—Mandatum est vicecomiti Noting' quod in pleno comitatu suo et per assensum ejusdem comitatus loco Thome de Chawurt', quem rex ab officio coronatoris absolvit, eligi faciat alium coronatorem, qui prestito sacramento etc. Teste rege apud Westmonasterium xxij. die Marcii.

Pro abbate et conventu de Loco Sancti Eduuardi.—Quia rex accepit per inquisicionem quam fieri fecit quod ad minus dampnum et nocumentum Nove Foreste sue poterit assignare abbati de conventui de Loco Sancti Eduuardi extra coopertum ejusdem foreste tres carucatas terre in loco qui dicitur Deliton' inter regale cheminum quod se extendit de Brokenhurst versus pontem de Bolre et aliud cheminum qui se extendit a terra prioris de Brummore versus la Salteweye que se extendit versus la Mennesseved et sic per rivulum usque in agrum de Bolre: mandatum est abbati de Persor' quod eidem abbati et conventui de predictis tribus carucatis terre plenam seisinam habere faciat, assignans eis in loco predicto per perticam regis c. acras pro qualibet carucata terre: rescribens regi apertius per quas metas et divisas secure possit terram illam rex eis incartare. Teste ut supra.
Consimiles litteras habuit postea Ernaldus de Bosco justiciarius foreste.

De pecunia assignanda ad operaciones de Gillingh'.—Quia datum est regi intelligi quod per amocionem ballivi de Gillingham cessant operaciones regis ibidem, mandatum est abbati de Persore quod de exitibus et proventibus predicti manerii, preter quam de tallagio, assingnari faciat aliquam certam summam pecunie unde eedem operaciones fieri possint, ita quod nullatenus cessent: et cum rex sciverit quantum ad hoc fuerit assingnatum et liberatum, rex ballivo ejusdem manerii faciet allocari. Teste ut supra.

De roboribus datis.—Mandatum est Ricardo de Munfichet, custodi foreste sue Essex', quod in eadem foresta faciat habere Philippo Luvel, thesaurario suo, xv. robora ad comburendum, ubi proprius aque Thamisie capi poterunt, de dono regis. Teste ut supra.

[m. 14.]

Pro burgensibus de Staunford'.—Rex per finem, quem burgenses de Staunford' fecerunt cum rege, reddidit eis villam suam de Staunford' que capta fuit in manum regis per consideracionem baronum de Scaccario propter defaltam ipsorum burgensium et arreragia firme sue. Et mandatum est vicecomiti Linc' quod villam illam cum pertinenciis eis restituat, quia manuceperunt coram rege respondere ad predictum Scaccarium de predictis arreragiis super proximum compotum suum. Teste rege apud Westmonasterium xxiiij. die Marcii.

De quercubus datis.—Mandatum est Johanni de Lessinton', justiciario foreste ultra Trentam, in foresta de Shireuuod' in loco competenti faciat habere Petro de Sabaudia la bonas quercus ad maeremium, de dono regis, ad edificandum apud manerium suum de Beninto quod rex ei dedit. Teste ut supra.

Pro abbate de Evesham.—Rex per finem quem abbas de Evesham fecit cum rege, reddidit ei libertatem suam que capta fuit in manum regis per consideracionem baronum de scaccario propter defaltam ipsius abbatis et ballivorum suorum ad predictum scaccarium. Et mandatum eisdem baronibus quod libertatem illam eis rehabere faciant cum omnibus inde a tempore capcionis predicte perceptis: quia idem abbas manucepit respondere ad predictum Scaccarium de arreragiis suis in quindena Pasche anno etc. xxxvij. Teste ut supra.

Pro executoribus Radulfi de Merstone.—Mandatum est vicecomiti Bed' quod accepta securitate ab executoribus testamenti Radulfi de Merstone quod ad summonicionem regis reddent ei debita, si que idem Radulfus regi debebat, eisdem executoribus plenam administracionem habere faciat de omnibus bonis et catallis que fuerunt ipsius Radulfi in balliva sua ad execucionem testamenti sui faciendam. Teste ut supra.

De pisce dato.—Mandatum est vicecomiti Ebor' quod in vivario regis de Fosse faciat habere Petro de Sabaudia c. tenchias vivas ad quoddam vivarium suum instaurandum, de dono regis. Teste.

De quercubus datis.—Mandatum est custodi foreste de Roteland' quod in bosco de Warleg' faciat habere Johanni Peverel quatuor quercus ad maeremium, de dono regis. Teste rege apud Westmonasterium xxv. die Marcii.

De tradendo in ballium.—Quia rex accepit per inquisicionem, quam a vicecomiti Linc' fieri fecit, quod Robertus de Linne captus et detentus in prisona Linc' pro morte Aylethe de Flecte, unde rettatus est, non est culpabilis, etc., mandatum est vicecomiti Linc' quod ipsum tradat in ballium. Teste ut supra.

Pro Baldewino de Caumbray.—Rex dedit et concessit Baldewino de Caumbray, vadletto marescalcie sue, illos duos denarios diurnos quos Ricardus le Normand', quondam marescallus regis percipere consuevit ad scaccarium suum de elemosina regis constituta, percipiendos omnibus diebus vite sue ad sustentacionem suam eodem modo quo prefatus Ricardus, nuper defunctus, percepit. Et mandatum est baronibus de Scaccario quod denarios illos eidem Baldewino habere faciant, sicut predictum est. Teste rege apud Westmonasterium xxvj. die Marcii.

Pro Ricardo de Tillebir'.—Mandatum est vicecomiti Hertford' quod faciat habere Ricardo de Tyllebir' heredes Sabine que fuit soror Laurencii de Plumberge, ubicunque inventi fuerint in balliva sua. Teste ut supra.

De quercubus ad elemosinariam de Havering'.—Mandatum est custodi parci de Havering' quod in eodem parco faciat habere ballivo de Havering' duas quercus ad maeremium ad elemosinariam regis de Havering' faciendam. Teste rege apud Watham xxviij. die Marcii.

Pro Roberto Waler'.—Cum custodia et maritagium Beatricis filie Roberti de Briwes ad regem pertineant, mandatum est predicto Roberto quod abbati de Persor', escaetori regis, vel certe nuncio suo has litteras regis deferenti, predictam Beatricem liberari faciat sine dilacione; sciturus quod, si huic mandato regis non obtemperavit, rex ad hoc aliter manum apponet; et quid inde fecerit regi scire faciat. Teste rege apud Waltham xxviijo die Marcii.
Et mandatum est predicto abbati quod cum ipsam receperit illam liberari faciet Roberto Wallerand' cui rex custodiam et maritagium ejusdem dedit. Teste ut supra.

De auro perquirendo ad opus regis.—Mandatum est Edwardo de Westmonasterio quod placita civitatis regis London' secundem consuetudinem civitatis illius teneri faciat et aurum, quantum secundum justiciam poterit, inde ad opus regis citra Pascha perquirat et illud in bizantiis regi mittat. Teste ut supra.

Pro Ernaldo Fedin.—Rex dedit Ernaldo Fedy, valleto suo, omnes exitus terrarum que fuerunt Petri de Goldinton', que devenerunt ad manum regis post mortem predicti Petri antequam eidem Ernaldo rex dedisset custodiam earundem terrarum; et mandatum est custodi honoris Peverell' in comitatu Norhampton' quod exitus quos recepit de terris predictis tempore predicto eidem Ernaldo vel certo nuncio suo sine dilacione liberari faciat. Teste ut supra.

Pro domino Papa.—Quia dominus Papa nuper regem rogavit per litteras suas quod quandam summam pecunie, ante crucesignacionem regis collectam et depositam apud Sanctum Thomam Dublin' et alibi ad opus ejusdem domini Pape, procuratori suo restitui faceret rex; mandatum est justiciario Hibernie quod si peccunia illa collecta fuerit ad opus ejusdem domini Pape ante diem Dominicam qua cantatur 'Letare Jerusalem' anno gracie mo cco xlixo tunc eam certo procuratori suo liberari faciat. Teste ut supra.

De alosis emendis ad opus regis.—Mandatum est ballivis Glouc' quod in villa sua emant ad opus regis alosas et illas ad regem successive mittant bis vel semel in septimana pro ut poterint: et rex, cum sciverit custum, illud eis faciet allocari. Teste rege apud Waltham xxx. die Marcii.

Pro Petro de Sabaudia.—Rex Thome de Staunford', escaetori suo in comitatu Ebor', salutem. Datum est nobis intelligi quod vos occasione quarundem terrarum quas Hugo Fitun quondam tenuit in comitatu Cestr', que nunc sunt in manu nostra, cepistis in manum nostram quandam terram quam idem Hugo tenuit de honore Richemund', quem dedimus de (sic) Petro de Sabaudia: et quia plus juris nobis vendicare non poterimus extra comitatum Cestrie racione predicti comitatus quam Ranulfus quondam comes Cestrie, si superstes esset, vobis mandamus quod prefato Petro de prefata terra quam tenetis in manu nostra occasione predicta infra honorem predictum plenam seisinam habere faciatis. Teste ut supra. Per regem.

De viridario eligendo.—Mandatum est vicecomiti Essex' quod in pleno comitatu suo loco Henrici de Helchinton', quem ab officio viridarii rex absolvit, eligi faciat alium viridarium, qui prestito etc. Teste ut supra.

De uno dolio vini dato.—Mandatum est custodi vinorum regis Winton' quod de vinis que sunt in custodia sua faciat habere uxori magistri Ricardi Coci unum dolium vini de dono regis. Teste ut supra.

De quibusdam distringendis pro una marca auri.—Quia constat regi per inquisicionem quam pluries fieri precepit quod plures de ballia vicecomitis Essex' pontem de Stratford' reparare deberent, et nondum illum pontem reparaverunt prout debuerunt, mandatum est vicecomiti Essex quod omnes illos in ballia sua distringas (sic) per terras et catalla ad reddendum regi unam marcam auri cum qua poterit festinacione occasione pontis predicti non reparati. Teste ut supra.

Pro civibus Lond'.—Rex reddidit civibus suis Lond' civitatem Lond', quam rex nuper cepit in manum suam; et mandatum est Philippo Luvel et Eduuardo de Westmonasterio quod de predicta civitate cum pertinenciis plenam seisinam habere faciant cum omnibus exitibus inde medio tempore perceptis. Teste ut supra.

De coronatore eligendo.—Mandatum est vicecomiti Hertford' quod in pleno comitatu suo et per assensum ejusdem comitatus loco Johannis de Gatesbir', quondam coronatoris, eligi faciat alium coronatorem, qui prestito etc. Teste rege apud Wautham xxxj. die Marcii.

De ponte de Stratford' reparando.—Quia rex in transitu suo versus Stratford' invenit ex parte ballive vicecomitis Midd' pontem de Stratford' irreparatum, quem homines comitatus sui, ut regi datur intelligi, de jure reparare deberent: mandatum est vicecomiti Midd' quod homines de balliva sua distringat ad reddendum regi unam marcam auri occasione pontis predicti non reparati; et aurum predictum liberari faciat vicecomiti Essex' quem rex assingnavit ad aurum illud recipiendum. Et pontem illum cum qua poterit celeritate ad custum hominum de balliva sua, secundum quod de jure fuerit faciendum, faciat reparari. Teste ut supra.

Pro Richero filio Willelmi Bonde.—Mandatum est vicecomiti Essex' quod in propria persona sua, assumptis secum posse comitatus sui, ingrediatur villam Colecestr' et Richerum filium Willelmi Bond', quem homines ejusdem ville ceperunt et imprisonaverunt, deliberari faciat, et litteras regis patentes de perdonacione utlagarie, quas rex ei concessit et quas ei abstulerunt, eidem Richero reddi faciat: diligenter eciam inquirat qui transgressionem illam fecerunt et omnes illos, quos inde culpabiles invenerit, capiat, et in prisona salvo custodiat donec rex aliud inde preceperit; villam eciam Colecestr' et libertatem ejusdem ville pro transgressione predicta capiat in manum regis similiter et retineat donec rex aliud inde preceperit. Teste ut supra.

De damis datis.—Mandatum est Ernaldo de Bosco, justiciario foreste, quod in foresta de Wytleuuode permittat Johannem de Grey capere ad opus suum v. damos et decem damas, de dono regis. Teste ut supra.

De pisce capiendo ad opus regis.—Rex mittit Willelmum, piscatorem suum, ad capiendum ad opus regis sex luceos in vivario regis de Wodestok'; et mandatum est custodibus manerii de Wodestok' quod ipsum ad hoc admittant et eos saliri et ad regem sine dilacione venire faciant. Teste ut supra.

Footnotes

  • 1. *. . .* These words are interlineated and marked to be inserted after Windes'.
  • 2. Close Rolls 1237–1242, p. 9.
  • 3. Altered from Per regem Henrico de Weng' procurante.