Close Rolls, February 1252

Close Rolls, Febuary 1252

De ponendo per ballium.—Robertus Wastefile, captus et detentus in prisona regis Wygornie pro morte Ade de Besseford, unde rettatus est, habet litteras vicecomiti Wygornie quod ponatur per ballium. Teste rege apud Wodestok' ij. die Februarii.

Pro hominibus de Mammesfeld'.—Mandatum est G. de Langel', justiciario foreste, quod demandam, quam fieri fecit hominibus manerii regis de Mamesfeud', de pannagio, ponat in respectum usque ad quindenam Pasche, ut interim inquiratur per rotulos regis si pannagium illud extendatur in firma sua nec ne. Teste ut supra. Per regem.

De quercubus capiendis ad operaciones regis.—Mandatum est Johanni de Scrutevill, custodi manerii regis de Melleburn', quod capiat per visum et testimonium legalium hominum l. quercus ad unum novum molendinum aquaticum et unam piscariam faciendam, in aqua de Trente in predicto manerio nostro, et ad domos nostras ejusdem manerii reparandas, et alias operaciones nostras ibidem faciendas. Teste rege apud Wudestoc' iij. die Februarii. Per abbatem de Persore.

[m. 24.]

De manerio de Lyford' capiendo in manum regis.—Mandatum est vicecomiti Berk' quod cum requisitus fuerit a Johanne de Turbervill', escaetore regis in comitatu suo, personaliter accedat una cum ipso ad manerium de Lyford', quod fuit Fulconis de Coudray, ad capiendum idem manerium in manu regis, racione custodie terre et heredis predicti Fulconis in manu regis existentis, et ad ammovendum omnem vim laicam que se tenet in eodem manerio; ita quod predictus escaetor manerium illud tenere possit in manum regis, sicut rex ei injunxit, et quod nullus ei in hac parte inputari possit defectus. Teste ut supra. Per abbatem de Persor'.

De roboribus datis.—Mandatum est G. de Langel, justiciario foreste, quod in foresta de Brohill' faciat habere Fratribus Predicatoribus Oxonie quatuor robora, et Fratribus Minoribus quatuor robora, ad focum suum, de dono regis. Teste ut supra. Per regem.

De homine cariando.—Mandatum est vicecomiti Norhampt' quod unum tunellum cere et quendam hominem nuper vulneratum in foresta de Selvestun' cariari faciat usque Wudestok', et rex, cum sciverit custum, illud ei faciet allocari. Teste ut supra. Per regem.

Pro aggistatoribus foreste.—Agistatores foreste regis de Witlewode liberaverunt in garderoba regis P. Chacepork', custodi ejusdem garderobe, in crastino Purificacionis Beate Marie, anno etc. xxxvj., vj. libras iij. solidos et viiij. denarios de exitibus pannagii annorum xxxiiij. et xxxv., per manus Radulfi de Chaenny et Ricardi le Godeman; et mandatum est baronibus de Scaccario quod ipsos inde quietos esse faciant. Teste rege apud Wudestok' iiij. die Februarii.

Pro Thoma de Haytun' et participibus suis.—Rex concessit Thome de Haytun', Willelmo fratri ejus, Rogero de Rodescayn, et Waltero filio ejus, quod lxxviij. marcas, in quibus tenentur Aaroni filio Abrahe, Elye le Evesk, Judeis Lond', Issac' filio Joscei Crespin, Mosseo filio Magistri Aaronis, Issac' filio Magistri Joscei, filii Magistri Aaronis, Samueli nepoti Leonis, et Avegaye, Judeis Eboraci, reddant eisdem Judeis ad hos terminos subscriptos, videlicet, ad Pascha anno etc. xxxvj., v. marcas, et ad festum Sancti Michaelis anno eodem sequens v. marcas, et sic de anno in annum x. marcas ad eosdem terminos, donec predicte lx. et x, marce eisdem Judeis reddantur, et residuas viij. marcas reddant eis ad eosdem terminos, scilicet, iiij. marcas ad unum terminum et iiij. marcas ad alium terminum. Et mandatum est justiciariis ad custodiam Judeorum assingnatis quod sic fieri et inrotulari faciant. Teste ut supra. Per P. de Rivall'.

De quercubus ad operaciones regis.—Mandatum est G. de Langel', justiciario foreste, quod habere faciat custodibus operacionum nostrarum de Feckenham, in parco nostro de Feckenham xl. quercus, in Bercia xx. quercus, in Wirtwode xl. quercus, ad easdem operaciones faciendas. Teste ut supra. Per regem.

De denariis liberandis ad operaciones castri Glouc'.—Mandatum est abbati de Glouc' quod custodibus operacionum regis castri Glouc' faciat habere xxv. libras ad operaciones regis ibi faciendas, et eas rex ei faciet allocari in firma regis de la Berton'. Teste ut supra. Per regem.

De damis datis.—Mandatum est G. de Langel', justiciario foreste, quod in foresta regis de Witlewode, faciat habere Roberto Passelewe, archidiacono Lewensi, iiij. damas, de dono regis. Teste ut supra. Per regem.

De panno dato.—Mandatum est Johanni de Sumercote et Rogero Scissori quod habere faciant abbati de Persor' unum pannum ad aurum, de dono regis. Teste rege apud Wudestok' v. die Februarii. Per regem.

De vino dato.—Mandatum est custodibus vinorum regis Staumford' quod de vinis regis que sunt in custodia sua faciant habere J. de Sumercote unum dolium vini, de dono regis. Teste ut supra. Per regem.

Mandatum est forestariis et viridariis foreste de Roteland' quod in eadem foresta fieri faciant septem trencheyas ubi commodius fieri poterunt ad deducciones regis et ad minus dampnum ejusdem foreste; ita quod de exitibus bosci prostrati pro eisdem trencheyis regi respondeant ad Scaccarium suum. Teste ut supra. (Cancelled) quia in rotulo de finibus.

De quercubus datis.—Mandatum est G. de Langel', justiciario foreste, quod in bosco regis de Brincumb', que est in foresta regis de Selewode, faciat habere Roberto de Muscegros vij. quercus ad maeremium, de dono regis. Teste ut supra. Per regem.

De hominibus deliberandis pro venacione.—Mandatum est G. de Langel', justiciario foreste, quod Thomam de Saltford' et Radulfum de Glimpton', arestatos apud Wudestok' pro quodam fohone mortuo extra parcum regis ibidem, sine dilacione deliberari faciat. Teste ut supra. Per G. de Langel'.

De virgis capiendis ad operaciones.—Mandatum est Johanni de Henneberg' et Petro de Leg' quod in forinseco bosco de Wudestok' capiant virgas ad cleyas inde faciendas ad operaciones regis de Wudestok'. Teste ut supra. Per regem.
Mandatum est ballivo de Wotton' quod in bosco regis de Wotton' permittat custodes operacionum regis de Wudestok' capere virgas ad cleyas predictas faciendas. Teste ut supra.

Pro G. de Langel'.—Mandatum est agistatoribus forestarum comitatuum Staff' et Salop' quod de exitibus agistamentorum in comitatibus predictis faciant habere G. de Langel', justiciario foreste, x. marcas pro expensis suis, quas fecit circa capcionem bissarum in foresta de Englewode et damorum in ballia sua citra ripam Trente et ultra; et illas x. marcas in compoto suo eis faciet rex allocari. Teste ut supra. Per R. Waler'.

Mandatum est G. de Langel', justiciario foreste (Cancelled.)

De maeremio ad operaciones regis de Wodestok'.—Mandatum est Willelmo de Langel', custodi foreste de Wycchewude, quod in predicta foresta faciat habere Johanni de Haneberge et Petro de Leg', custodibus operacionum regis de Wodestok', per visum viridariorum et forestariorum ejusdem foreste, maeremium quantum necesse fuerit ad unam novam cameram, duo appenticia, et unam astellariam faciendam apud Wudestok', per talliam inter ipsum et predictos custodes de numero quercuum. Teste ut supra. Per regem.

De probatore recipiendo.—Mandatum est custodi gaiole de Niwegate quod Willelmum de Tisho, probatorem, quem vicecomes Oxon' ei liberabit, recipiat et salvo custodiat donec a rege aliud habuerit in preceptis. Teste ut supra.

De coronatore eligendo.—Mandatum est vicecomiti Berk' quod loco Willelmi Danastr' (sic), quondam coronatoris ejusdem comitatus, eligi faciat unum coronatorem, qui prestito etc. Teste ut supra.

De pluribus emendis ad operaciones.—Mandatum est ballivis regis Suhampt' quod in predicta villa emi faciant lx. borda, xij. milia clavorum ferri, iiij. cordas ad maeremium levandum, ducenta ferri, et ferramentum ad unam carettam; et ista omnia venire faciant usque Freymantel, liberanda ibidem custodibus operacionum regis ibidem ad easdem operaciones faciendas. Et rex, cum sciverit custum, etc. Teste ut supra. Per regem.

De coronatore eligendo.—Mandatum est vicecomiti Norhampt' quod loco Roberti de Plumton', coronatoris regis, quem rex ab officio illo absolvit, alium eligat coronatorem, qui prestito sacramento etc. Teste ut supra.

De quercubus datis.—Mandatum est G. de Langel', justiciario foreste, quod in foresta de Wycchewod' faciat habere Reginaldo filio Petri xx. quercus ad maeremium, quas rex dedit uxori sue. Teste ut supra. Per regem.

De c. libris ponendis in operacionibus de Kardigan.—Mandatum est R. Walerand' quod c. libras, quas Hugo Gargat ei liberabit, ponat in operacionibus turris regis de Cardigan per visum et testimonium legalium hominum. Teste ut supra. Per regem.

De vino dato.—Mandatum est custodibus vinorum regis apud Suhampt' quod de vinis regis que sunt in custodia sua faciant habere Reginaldo de Drumar' unum dolium vini, de dono regis. Teste ut supra. Per P. de Rivall'.

De respectu milicie.—Rex respectum dedit Willelmo Bluet de se milite faciendo usque ad Natale Domini; et mandatum est vicecomiti Suhampt' quod ipsum interim propter hoc non distringat. Teste ut supra. Per P. de Rivall'.
Eodem modo mandatum est vicecomiti Wiltes' pro eodem. Teste ut supra.

Pro abbate de Quarrera.—Mandatum est Rogero le Flemeng' et aliis captoribus vinorum regis apud Suhampt' quod, si habeant bona vina ad sufficienciam ad opus regis, tunc xij. dolia vini, que nuper ceperunt apud Suhampt' de vinis abbatis de Quarera, eidem abbati deliberari faciant, salva tamen regi antiqua prisa de duobus doliis vini. Teste rege apud Walingef' viij. die Februarii. Per R. Waler'.

Pro hominibus hundredi de Mereden'.—Quia datum est regi intelligi quod homines hundredi de Mereden' separatim per se respondere solent coram justiciariis nostris itinerantibus, tam de misericordiis quam de tallagiis et aliis, et non cum hundredo de Middelton', mandatum est vicecomiti Kanc' quod prefatos homines de Mereden' sic teneri faciat, quia hoc comodo regis credit convenire, et hoc idem prius rex fieri precepit per Ricardum de Ponte, tunc ballivum regis utriusque hundredi de Midelton' et de Mereden'. Teste rege apud Rading' ix. die Februarii. Per R. Waler' et alios de consilio.

Pro Willelmo de Valenc'.—Mandatum est Thome Maunsel', escaetori regis, quod non permittat quod executores testamenti Fulconis de Coudray aliquam habeant administracionem de bonis et catallis que fuerunt ejusdem Fulconis in ballia sua ad execucionem testamenti sui faciendam, donec satisfactum fuerit Willelmo de Valenc' de c. solidis in quibus idem Fulco ei tenebatur pro quodam relevio. Teste rege apud Windes' x. die Februarii. Per regem.

Quod subboscus non vendatur.—Quia datum est regi intelligi quod vendicio subosci regis in comitatu Stafford' est ad dampnum regis et nocumentum foreste sue, mandatum est Roberto de Haleweton', Nicholao Meverel', Willelmo de Wasteneys et Hugoni de Acovere quod de cetero nullum subboscum vendant in foresta regis comitatus predicti. Teste ut supra. Per R. Waler'.

De roba data.—Mandatum est J. de Sumercote et Rogero Scissori quod habere faciant vadletto Willelmi de Chaveny sororis (sic) domini regis, latori presencium, unam robam, de dono regis. Teste ut supra. Per regem.

Pro magistro Ricardo, coco regis.—Mandatum est Rogero le Flemeng' et aliis captoribus vinorum regis apud Suhampt' quod viij. dolia vini, que ceperunt ad opus regis de vinis magistri Ricardi, coci regis, sine dilacione ei deliberari faciant abducenda quo voluerit. Teste ut supra. Per regem.

Pro aggistatoribus foreste.—Agistatores foreste regis de Salseto liberaverunt in garderoba regis P. Chacepor, custodi ejusdem garderobe, die lune ante Carnisprivium, anno etc. xxxvj., lxvj. solidos de pannagio ejusdem foreste de anno xxxij., et xxiiij. solidos et unum denarium de anno xxxv., per manus Ricardi filii Ogeri de Quenton' et Willelmi de Hertwell'; et mandatum est baronibus de Scaccario quod ipsos inde quietos esse faciant. Teste rege apud Windes' xij. die Februarii.

Pro Judeis.—Rex perdonavit Florie, uxori Elye Blundi, et Pigone, uxori Aaron Blundi, wayveriam quam in eis justiciarii Judeorum promulgaverunt pro fuga quam fecerunt pro tallagio regis super predictos Elyam et Aaron assesso. Et mandatum est predictis justiciariis quod predictas Floriam et Pigonam propter hoc non occasionent. Teste ut supra. Per ipsum regem.

De vino dato.—Mandatum est custodibus vinorum regis Winton' quod de vinis regis que sunt in custodia sua faciant habere priori et conventui de Shireburn' unum dolium boni vini ad celebrandum divina in domo sua, de dono regis. Teste ut supra. Per regem.

Pro Willelmo filio Amar'.—Mandatum est vicecomiti Wygorn' quod replegiari faciat Willelmo filio Amar' terram suam, pro receptacione latronum in manum regis captam, ne amplius ad regem pro defectu sui propter hoc clamor perveniat. Teste ut supra. Per R. Waler' et alios consiliarios.

De roba data.—Mandatum est J. de Sumercote et Rogero le Tayllur quod faciant habere Siwsmeames, istrioni Guydonis de Lezingn', unam robam, de dono regis. Teste ut supra. Per P. de Rivall'.

De lampredis alosis ad opus regis.—Mandatum est vicecomiti Glouc' quod per visum Rogeri le Galiot, servientis regis, quem rex mittit ad partes Glouc' emi faciat omnes lampredas, alosas et salmones, quos invenire poterit in ballia sua, ad opus regis, et eos ad regem vicissim mittat, sicut eos inveniri continget. Et rex, cum sciverit custum quod ad hoc posuerit, illud ei faciet allocari. Teste rege apud Windes' xiij. die Februarii.
Eadem modo mandatum est ballivis Glouc' et de Newenham. Teste ut supra. Per senescallum.

De quercubus ad operaciones regis.—Mandatum est custodi parci de Geudeford quod habere faciat magistro Johanni carpentario et aliis custodibus operacionum molendinorum regis de Gudeford illas vj. quercus, que nuper prostrate fuerunt per ventum in predicto parco, ad predictas operaciones faciendas. Teste ut supra. Per regem.

De damis capiendis ad parcum regis instaurandum.—Rex mittit Willelmum Luvel et Philippum de Candevere et socios suos, venatores, ad capiendum in foresta de Melkesham et Chippenham 1. damos et c. damas vivas, ad parcum regis de Freymauntel' instaurandum. Et mandatum est custodi foreste de Melkesham et Chippenham quod ipsos ad hoc admittat, et eis ad feras illas capiendas auxilium habere faciat. Teste ut supra. Per regem.

De allece liberando ad elemosinas regis.—Mandatum est preceptori domus Novi Templi Lond' quod xxv. lestas allecis regis, excepto uno miliario, que sunt in custodia sua, liberari faciat fratri Rogero, elemosinario regis, ad elemosinas regis inde faciendas. Teste ut supra. Per regem.

De coronatore eligendo.—Mandatum est vicecomiti Berk' quod in pleno comitatu suo et per assensum tocius comitatus, loco Willelmi Banastr', quondam coronatoris, qui mortuus est, eligi faciat unum coronatorem, qui prestito etc. Teste rege apud Windes' xiiij. die Februarii.

De castro de Penros custodiendo.—Mandatum est vicecomiti Hereford' quod si Johannes de Munemuth' ei liberare voluerit castrum suum de Penros, tunc illud recipiat et ad custum ipsius Johannis illud salvo custodiat, donec aliud inde rex preceperit. Teste ut supra. Per R. Waler'.

Mandatum est vicecomiti Lanc' quod illas ccc. marcas, quas de itinere G. de Langel' et sociorum suorum, justiciariorum regis ultimo itinerancium ad placita foreste in comitatu suo, rex levari et ad se mitti precepit, sine dilacione levari et usque Windleshour' mitti faciat, liberandas ibidem custodi garderobe regine regis (sic) ad expensas ejusdem regine. Et cum illas ibi liberaverit, rex breve suum de Allocate ei fieri faciet. Teste rege apud Windles' xv. die Februarii. (Cancelled) quia redditum fuit breve.

De bremiis capiendis.—Rex mittit usque Merleberge Willelmum, piscatorem suum, ad capiendum in magno vivario regis cc. braemias ponendas in fossatum circa castrum regis ibidem; et mandatum est constabulario de Merleberge quod ipsum Willelmum ad hoc admittat, et eidem consulens sit et auxilians in premissis. Teste ut supra. Per regem.

De exitibus abbacie de Berking'.—Mandatum est custodibus abbacie de Berking' quod omnes denarios provenientes de custodia predicte abbacie colligi et (usque Windles' cancelled) ad regem mitti faciant liberandas (sic) ibidem (Radulfo de Dungun et aliis custodibus operacionum regis ibidem cancelled) in garderoba sua. Et cum rex sciverit quantum (eis cancelled) liberaverint, breve suum de Allocate eis inde habere faciet. Teste ut supra. Per regem.

De busca ad rogum faciendum.—Mandatum est G. de Lyston' quod in foresta regis de Windles' faciat habere custodibus operacionum castri regis de Windles' buscam vento prostratam ad quendam rogum faciendum ad operaciones predictas. Teste ut supra. Per regem.

De instauro piscis emendo.—Mandatum est Godefrido de Lyston' quod perquirat, ubi melius viderit expedire, ad denarios regis d. lucettos et duo milia rochiarum et perchiarum, et illos per visum et testimonium Roberti de Muscegros poni faciat in vivarium parci regis de Windles'. Et cum rex sciverit custum, quod ad hoc posuerit, rex illud ei faciet allocari. Teste ut supra. Per R. Waler'.

De braemiis datis.—Mandatum est constabulario de Merleberg' quod in vivario regis de Merleberg' faciat habere Roberto Wallerand' x. braemias, de dono regis. Teste ut supra. Per regem.

[m. 23.]

De vino dato.—Mandatum est custodibus vinorum apud Norhampton' quod de vinis regis que sunt in custodia sua faciant habere Anketillo Mallore unum dolium vini, de dono regis. Teste rege apud Westmonasterium xvij°. die Februarii. Per R. Waler'.

De prisone cariando et recipiendo.—Mandatum est vicecomiti Salop' quod una cum Ada de Bosco, de quo cariando usque London' et liberando ibidem custodi gaiole regis de Neugat' breve regis de computabitur nuper recepit, sub salva custodia cariari faciat usque London' Hamekinum, captum et detentum in prisona de Brug' pro roberia facta in Ardern', liberandum ibidem custodi gaiole predicte. Teste ut supra.
Et mandatum est custodi gaiole predicte quod ipsum recipiat et in prisona regis salvo custodiat, donec rex aliud inde preceperit. Teste ut supra. Per regem et consilium.

De reparacione molendinorum regis de Guldeford'.—Singnificaverunt regi custodes operacionum suorum de Gudeford' quod de arboribus vento prostratis in eodem parco et mortuo bosco fieri poterit maeremium sufficient' (sic) ad reparacionem molendinorum regis ibidem; et mandatum est custodi parci sui de Geudeford' quod per visum et testimonium legalium hominum permittat maeremium capi in eodem parco de premissis, sine dampno regis, ad reparacionem molendinorum predictorum. Teste rege apud Westmonasterium xviij. die Februarii. Per regem.

De respectu milicie.—Quia testificatum est coram rege quod Ricardus de Hanerad' in quibusdam debitis que regi debentur in Judaissmo est obligatus, rex dedit respectum eidem Ricardo usque ad festum Sancti Michaelis anno etc. xxxvj. de armis capiendis et se milite faciendo. Et mandatum est vicecomiti Norht' quod respectum illum ei habere permittat. Teste ut supra.
Eodem modo mandatum est vicecomiti Berk'. Per regem.

Pro Roberto filio Ricardi.—Quia rex accepit per inquisicionem quam fieri fecit quod quinque acre terre cum pertinenciis in Wyleby, que fuerunt Thome Codwalays, utlagati pro latrocinio, extiterunt in manu regis per unum annum et unum diem, et quod idem Thomas terram illam tenuit de Roberto filio Ricardi, mandatum est vicecomiti Norht' quod de predictis quinque acris terre cum pertinenciis heredi ejusdem Roberti plenam seisinam habere faciat. Teste ut supra.

De roboribus datis.—Quia rex nuper cum esset apud Geytinton' remansit Petrus de Stanford' serviens ejus infirmus ibidem et injunxit custodi foreste de Geytinton' quod ei habere faceret buscam ad ardendum coram ipso et ad faciendum prandium suum, nec aliquid inde fecit ut rex audivit, mandatum est custodi ejusdem foreste quod, in recompensacionem busce combuste et comburende coram ipso in egritudine sua, duo robora ei habere faciat, de dono regis, in foresta predicta. Teste rege apud Westmonasterium xix. die Februarii. Per regem.

De vino dato.—Mandatum est custodibus vinorum regis apud Clarendon' quod de vinis regis ibidem que sunt in custodia sua faciant habere Elyoni (sic) de Rabayn unum dolium vini, de dono regis. Teste ut supra. Per regem.

Pro Adam Koc.—Quia rex accepit per inspectionem rotulorum suorum quod concessit Ade Coc totam terram quam tenet in Hakeneston', tenendam sibi et heredibus suis in feodo et hereditate de rege et heredibus suis inperpetuum, mandatum est vicecomiti Wiltes' quod, si terram illam ceperit in manum regis, eo quod rex credidit quod eam teneret ad vitam suam, tunc eandem terram eidem sine dilacione rehabere faciat. Teste rege apud Westmonasterium xx. die Februarii.

Pro hospitali extra portam orientalem Oxonie.—Mandatum est vicecomiti Oxon' quod non permittat quod prior Sancte Fredeswide Oxonie ingrediatur feodum hospitalis regis extra portam orientalem Oxonie ad emendum terras aut tenementa infra feodum predictum, vel ad edificandum ibidem sine licencia regis speciali. Teste ut supra. Per regem.

De denariis solutis in garderoba.—Nicholaus de Cugenho solvit in garderoba regis P. Chaceporc, custodi ejusdem garderobe, apud Westmonasterium, unam marcam auri, ad quam rex remisit ei xxx. marcas, per quas finem fecit cum rege pro quietancia de assisis, juratis, et recognicionibus, et pro warenna habenda; et mandatum est baronibus de Scaccario quod ipsum Nicholaum inde quietum esse faciant. Teste ut supra. Per regem.

De aggistamento parci et foreste.—Mandatum est custodi parci de Havering' quod distringat agistatores ejusdem parci ad reddendum regi sine dilacione in garderoba sua omnes denarios quos receperunt ad opus regis de exitibus pannagii regis de tempore suo. Teste ut supra. Per regem.
Eodem modo mandatum est agistatoribus foreste de Essex'. Teste ut supra.

De scindulis faciendis ad operaciones domini regis.—Quia rex mandavit constabulario castri de Sancto Briavello quod fieri faciat lx. milia scindularum ad operaciones regis Glouc', mandatum est viridariis foreste regis de Dene quod ad hoc una cum predicto constabulario diligenter intendant, et provideant quod maeremium ad hoc capiatur ubi ad minus dampnum ejusdem foreste capi posset, et idem maeremium ita custodiatur ne occasione escaetarum rex magnum dampnum incurrat. Teste ut supra. Per regem.

De vino dato.—Mandatum est Roberto de Acr', custodi vinorum regis, quod magistro Rogero, scissori regis, faciat habere unum dolium vini de vinis regis que sunt in custodia sua, de dono regis. Teste ut supra. Per regem.

De denariis ad operaciones de Kardigan.—Mandatum est Johanni de Aure, escaetori regis in comitatu Sumers', quod omnes denarios quos perquisierit de exitibus terrarum que fuerunt Roberti de Bello Campo de tempore quo fuerunt in manu regis, sine dilacione habere faciat Roberto Wallerand' ad operaciones turris regis de Cardigan. Et cum rex sciverit quantum ei liberaverit, rex illud ei faciet allocari. Teste ut supra. Per regem. (Cancelled) quia redditum fuit breve et habuit breve de Allocate.
Eodem modo mandatum est Johanni de Vernun, escaetori regis in comitatu Wiltes'. Teste ut supra.

De vino dato.—Mandatum est custodibus vinorum regis Salop' quod de vinis regis que sunt in custodia sua faciant habere Guydoni de Rocheford' duo dolia vini, de dono regis. Teste ut supra. Per regem.

De ponendo per ballium.—Willelmus, serviens Ranulphi le Breton', captus et detentus in prisona regis Linc' pro morte Walteri filii Thome de Gedeneye, unde appellatus est, habet litteras vicecomiti Linc' quod ponatur per ballium. Teste ut supra.
Willelmus de Novo Castro, captus et detentus in eadem prisona pro morte Walteri filii Thome et Radulfi de Pudding', unde appellatus est, habet litteras eidem vicecomiti quod ponatur ut supra. Teste ut supra.
Willelmus de Sancte Michaele, captus et detentus in prisona regis (cancelled).

De ponendo per ballium.—Si Willelmus de Sancto Michaele paratus se ponere in prisona regis pro morte Willelmi filii Galfridi, unde Galfridus filius Radulfi clerici, pater suus, eum appellat, invenerit xij. etc., man datum est vicecomiti Hereford' quod ipsum tradat in ballium. Teste ut supra. Per ipsum regem.
Robertus Atteheth, captus et detentus in prisona regis de Guldeford' pro morte Johannis Attehone, unde apellatus est, habet litteras vicecomiti Surr' quod ponatur etc. Teste ut supra.

De vino dato.—Mandatum est custodibus vinorum suorum Wintonie quod de vinis regis que sunt in custodia sua faciant habere Emeryco de Sacy unum dolium vini, de dono regis. Teste rege apud Westmonasterium xxj. die Februarii. Per regem.

De reparacione castri de Gerner'.—Mandatum est Drogoni de Barentin quod turrim castri regis de Gerner', capellam, et domos vento dirutas, et murum ejusdem castri, reparari faciat reparacione qua indigent; et rex, cum sciverit custum quod ad hoc posuerit, illud ei faciet allocari. Teste ut supra. Per regem.

De auro liberato in garderoba.—Robertus de Maris liberavit in garderoba regis P. Chaceporc, custodi ejusdem garderobe, dimidiam marcam auri pro x. marcis argenti, quas regi solvisse debuit ad Scaccarium regis ad Natale Domini proximo preteritum, de xx. marcis quas habuit de prestito regis per vicecomitem Norht'. Et mandatum est baronibus de Scaccario quod ipsum Robertum de predictis x. marcis quietum esse faciant. Teste ut supra.

De castro restituendo.—Mandatum est vicecomiti Hereford' quod, si cepit in manum regis castrum de Penros, illud restituat sine mora Johanni de Munemuth'. Teste ut supra. Per ipsum regem.

Mandatum est Drogoni de Barentin quod turrim castri regis de Gerner', capellam, et domos vento dirutas, et murum ejusdem castri, reparari faciat reparacione qua indigent. Et cum rex sciverit custum quod ad hoc posuerit, rex illud ei faciet allocari. Teste ut supra. Per ipsum regem. (Cancelled) quia superius.

De escaetore substituto.—Mandatum est vicecomiti Salop' quod loco Briani de Brampton', escaetoris regis, quem ab officio escaetarie rex absolvit, Thomam de Roshal' poni faciat, accepto ab eo sacramento in pleno comitatu suo quod officio illi fideliter et diligenter intendet. Teste ut supra. Per abbatem de Persor'.
Et mandatum est predicto Thome quod officio illi fideliter et diligenter intendat. Teste ut supra.

Pro agistatoribus haiarum de Waberge et Sappel'.—Aggistatores hayarum regis de Wauberge et de Sappel' liberaverunt in garderoba regis Petro Chaceporc, custodi ejusdem garderobe, die Mercurii proximo post Cineres, apud Westmonasterium, de exitibus pannagii predictarum hayarum xxxiij. solidos iiij. denarios de anno etc. xxxv., et ix. libras et viij. solidos et ij. denarios de anno etc. xxxvj., per manus Henrici de Ripton' et Roberti de Stivecl'; et mandatum est baronibus de Scaccario quod ipsos inde quietos esse faciant. Teste ut supra.

Pro Christiana de Boseham, abbatissa de Berking'.—Rex cepit fidelitatem Cristine de Boseham, abbatisse de Berking; et mandatum est (abbati de Persor', escaetori regis, cancelled) Ricardo Ruffo et Roberto de Chiltham quod de omnibus terris et tenementis que ad predictam abbaciam pertinent, et que cepit in manum regis, eidem abbatisse plenam seisinam habere faciant, (fn. 1) cum catallis in eis inventis. Teste rege apud Westmonasterium xxij. die Februarii. Per regem.

De damis datis.—Mandatum est G. de Langel', justiciario foreste, quod in foresta regis de Rokingham faciat habere Willelmo de Ferrar', comiti Dereb' v^que. damos et xv. damas vivas ad quendam parcum suum instaurandum, de dono regis. Teste ut supra. Per regem.

De inquisicione mercati de la Pole.—Mandatum est vicecomiti Salop' quod per sacramentum proborum et legalium hominum de comitatu suo diligenter inquirat si mercatum Griffini filii Wenunwin' de la Pole, quod rex ei concessit per cartam suam, sit ad nocumentum mercati regis de Mungomery an non. Et si per inquisicionem illam ei constiterit quod predictum mercatum de la Pole sit ad nocumentum predicti mercati regis de Mungumery, tunc predictum mercatum de la Pole prohiberi faciat ne decetero teneatur. Teste ut supra. Per regem, procurante Guydone de Rochef'.

Mandatum est custodibus vinorum regis de Bristoll' quod de vinis regis que sunt in custodia sua faciant habere Roberto Walleram unum dolium vini, de dono regis. Teste ut supra. Per regem. (Cancelled) quia redditum fuit breve, et est aliter in rotulo de Computabitur.

De vinis cariandis.—Mandatum est captoribus vinorum regis apud Suhampton' quod capiant ad opus regis apud Suhampton', et illa (sic) liberent ballivis regis ibidem, carianda quo rex eis injunxit. Teste ut supra. Per senescallum.

De roba data.—Mandatum est J. de Sumercote et Rogero Scissori quod habere faciant Galfrido, capellano regis de Kenyton', unam robam, de dono regis. Teste ut supra. Per regem.
Rex perdonavit Johanni le Gerdler' de Lond' (Cancelled).

De quercubus datis.—Mandatum est G. de Langel', justiciario foreste, quod Matillidi de Cantilupo vel certo nuncio suo habere faciat in foresta regis de (Bernewode cancelled) Pencehale sex quercus, de dono regis, ad maeremium inde faciendum. Teste ut supra. Per regem.

De lampredis emendis.—Mandatum est ballivis Glouc' quod de lampredis quas ement ad opus regis per visum Rogeri le Galiot, servientis regis, mittat (sic) terciam partem illarum lampredarum regine usque Windles'. Teste ut supra. Per regem.

De ponendo per ballium.—Johannes le Wing', captus et detentus in prisona regis de Guldeford' pro morte cujusdam hominis ignoti, qui interfectus fuit in bosco de Clopham, habet litteras vicecomiti Surr' quod ponatur per ballium. Teste rege apud Westmonasterium xxv. die Februarii.

Pro abbatissa de Berking'.—Mandatum est Ricardo Ruffo et Roberto de Chilham quod de omnibus bonis et catallis spectantibus ad abbaciam de Berking', una cum exitibus inde perceptis ad opus regis postquam abbacia illa vacans fuit et in manu regis, plenam seisinam habere faciant Christiane de Boseham, abbatisse ejusdem loci. Teste ut supra. Per regem.

Pro heredibus Benedicti Crespin, Judei.—Rex concessit Aaron, Josceo et Vives, filiis et heredibus Benedicti Crespin, quod decetero habeant et teneant eundem finem et eosdem terminos, quos predictus Benedictus, pater eorum, de veteribus debitis suis habuit die quo obiit. Et mandatum est justiciariis ad custodiam Judeorum assingnatis quod eisdem Judeis predictos finem et terminos, cum terris et catallis que fuerunt ejusdem Benedicti in manu regis existentis (sic), habere et sic inrotulari faciant. Teste ut supra. Per regem.

Pro abbate et canonicis de Crek'.—Quia constat regi per inspectionem carte, quam fieri fecit abbati et canonicis de Crek,' quod si aliquis hominum suorum pro delicto suo vitam vel membrum amittere debeat, vel fugerit et judicio noluerit stare, vel delictum aliquod fecerit pro quo catalla sua amittere debeat, ipsa catalla debent esse predictorum abbatis et canonicorum; mandatum est vicecomiti Norf' quod catalla Hiredman de Mortuo Mari, fugitivi pro felonia hominis ipsorum, ut dicunt, ipsis abbati et canonicis secundum tenorem carte sue habere faciat, si ita est. Teste ut supra.

De agistatoribus distringendis.—Rex vicecomiti Suhampt', salutem. Precipimus tibi quod distringas omnes agistatores forestarum, boscorum, haiarum et parcorum nostrorum in balliva tua ad reddendum nobis ad Scaccarium nostrum a die Pasche in xv. dies omnes denarios provenientes de exitibus agistamentorum forestarum, boscorum, hayarum et parcorum, a tempore quo justiciarii nostri ultimo itineraverunt ad placita in comitatibus predictis usque ad predictum diem, et ad reddendum ibidem compotum suum de exitibus predictis; et hoc nullatenus omittatis. Teste ut supra. Per regem.
Eodem modo mandatum est vicecomitibus Sumers', Dors', Wiltes', Hereford', Glouc', Wigorn,' Salop' et Staff'.

[m. 22.]

De quercubus ad operaciones de Freymantel.—Mandatum est custodi foreste regis de Pember' quod in eadem foresta faciat habere custodibus operacionum nostrarum de Freymantel c. quercus ad maeremium ad capellam regis et cameram regine ibidem, et permittat illos qui boscos habent in balliva sua infra regardum vendere eisdem custodibus cheverones de alno ad scalcofaga sine occasione, sicut rex alias ei precepit. Teste rege apud Westmonasterium xxiiij. die Februarii. Per regem.
Mandatum est custodi foreste de Cette quod in bosco de Diggerl' faciat habere custodibus operacionum regis de Freymantel lx. quercus ad scindulas inde faciendas ad operaciones predictas, et permittat eosdem custodes capere in eodem bosco virgas ad c. cleyas faciendas, et xij. carettatas virgarum ad easdem operaciones. Teste ut supra.

Hybernia. De maneriis capiendis in manum regis.—Monstravit regi Willelmus de Valenc', frater regis, quod ipse satisfecit Reginaldo de Moyun et uxori ejus et coheredibus suis de porcione terrarum ipsos contingente in Hybernia pro dote M. comitisse Linc' et Pembr'. Et mandatum est J. filio Galfridi, justiciario Hybernie, quod de maneriis de Fernes et Odon', vel de parte illorum maneriorum, nulli seisinam habere faciat, set maneria illa capiat in manum regis, donec rex aliud inde preceperit. Teste ut supra. Presente J. Maunsell' et aliis de consilio regis.

Pro Thoma de Winton' clerico.—Mandatum est Galfrido de Baggeshet', forestario suo de feodo in foresta de Windles', salutem (sic), quod permittat Thomam de Winton', clericum regis, habere cheminagium per forestam regis de Windles' sine aliqua occasione, ad subboscum quem prosterni faciet in bosco suo de Haydon', qui est in manerio de Weston', quo voluerit cariandum. Et si quid occasione predicti cheminagii ceperit, id eidem Thome vel ballivo suo restitui faciat. Teste rege apud Westmonasterium xxvj. die Februarii. Per regem.

De terris que fuerunt Sibille de Huntigfeld seminandis.—Mandatum est Thome Maunsel, escaetori regis in comitatu Buking', quod seminari faciat terras que fuerunt Sibille de Huntingfeld in Lutegareshal', que sunt in manu regis, prout comodo regis melius viderit expedire. Et rex cum sciverit custum, illud ei faciet allocari. Teste ut supra. Per abbatem de Persor'.

De compoto Johannis de Gatesdene audiendo.—Mandatum est baronibus de Scaccario quod audiant compotum Johannis de Gatesdene, ita quod respondeat de toto tempore quo ipse et Robertus de Ferles tenuerunt ad firmam honorem de Aquila, quem rex eis commisit pro cc. libris in anno etc. xxv. Teste ut supra.

De ponendo per ballium.—Robertus filius Leticie de Segrave, Hugo filius Hawisie, Hugo filius Ricardi, Hugo le Caretter, Radulfus Gagge, et Robertus (sic), capti et detenti in prisona regis Warr' pro morte Gilberti Babbay, unde appellati sunt, habent litteras vicecomiti Leyc' quod ponantur per ballium. Teste ut supra.

De inhibucione (sic) facta mercatoribus ultramarinis pro rege.— Memorandum quod die Dominica proxima post festum Beati Mathie apostoli anno etc. xxxvj^to dominus rex inhibuit mercatoribus Floren', Senen', et aliis ultra montanas, ne decetero aliquam pecuniam dent ad usuram in Anglia, nec usuras capiant ab aliquo. Et si super hoc postea convicti fuerint, omnia bona sua, tam mobilia quam inmobilia, cedant in usus domini regis. Per regem et consilium.

De coloribus ad depingendum garderobam regine.—Mandatum est Radulfo de Dungun, custodi liberorum regis, quod magistro Willelmo, pictori regis, habere faciat colores ad depingendum parvam garderobam regine regis (sic), et emendandum picturam magne camere regis et camere regine. Teste ut supra. Per regem.

De quercubus datis.—Mandatum est (ballivis de Havering' cancelled) G. de Langel', justiciario foreste, quod in dominico bosco regis foreste de Havering' extra parcum faciat habere priorisse de Straford' v^que quercus ad maeremium inde faciendum, de dono regis. Teste ut supra.

De vinis capiendis et cariandis ad opus regis.—Mandatum est camerariis London' quod sine dilacione capiant in balliva sua xxx^av. dolia vini, de quibus cariari faciant usque Westmonasterium xx. dolia, usque Keninton' v^que dolia, usque Windles' x. dolia, ponenda in celariis regis. Et cum rex sciverit custum illius cariagii, rex illud eis reddi faciet. Teste rege apud Wodestok' primo die Februarii. Per senescallum.

Pro Johanne le Flemeng'.—Mandatum est vicecomiti Berk' quod terram Johannis le Flemeg', quam cepit in manum regis per preceptum suum, eidem Johanni restituat sine mora. Teste ut supra. Per ipsum regem.

De robis datis.—Mandatum est J. de Sumercote et Rogero Scissori quod Willelmo de Aubervill', Gervasio Purcel, Herlewino le Normaunt, et Willelmo del Blanc Primer, servientibus regis ad arma morantibus in castro nostro Windes', habere faciant robas hac vice, de dono regis. Teste ut supra. Per J. Maunsel'.

Pro Ada, garcione Ade filii Rogeri.—Mandatum est vicecomitibus Lond' quod si Adam, garcio Ade filii Rogeri, sanatus sit a plagis quas Randel, homo Deutayt Guillelmi, ei fecit, tunc ipsum Randel a prisona deliberent, ita quod leso satisfaciat de premissis. Teste ut supra. Per J. Mansel.

De ponendo per ballium.—Simon le Parmenter, captus et detentus in prisona regis de Huntedon' pro morte Ricardi Tusard, unde appellatus est, habet litteras vicecomiti Hunted' quod ponatur per ballium. Teste rege apud Roffam, xxviij. die Februarii.

Pro executoribus Radulfi Perot.—Mandatum est abbati de Persore, escaetori regis, quod, accepta bona securitate ab executoribus Radulfi (fn. 2) Perot quod regi reddent debita, si forte dictus Radulfus in aliquibus debitis regi tenebatur, tunc eisdem executoribus de omnibus bonis ad testamentum dicti defuncti spectantibus plenam administracionem habere faciat. Teste ut supra. Per ipsum regem.