Close Rolls, February 1254

Close Rolls, February 1254

Pro Guidone de Rupe Forti.—Mandatum est eidem quod, de centum marcis, quas rex dedit Guidoni de Rupe Forti usque ad festum Pentecostes preter vadia sua, faciat habere eidem Guidoni quinquaginta marcas ad presens una cum arreragiis vadiorum suorum; et residuas quinquaginta marcas cum thesaurus noster venerit ab Anglia. Teste etc. xiiij. die Februarii.

Pro rege. De quarellis mittendis usque Rokebrun'.—Mandatum est Drogoni de Barantin' quod de quarellis de Millan deferri faciat usque Rokebrun', liberanda constabulario ibidem, quot viderit expedire. Teste ut supra.

Pro Hugone de Vivon'.—Mandatum est P. Chacep' quod Hugoni Vivon' et Savarico, fratri ejus, triginta marcas pro duobus equis quos amiserunt in servicio regis; et eciam areragia vadiorum.

Pro Johanne de Suineford'.—Mandatum est eidem quod de viginti libris quas rex concessit Johanni de Suyneford', clerico suo, per annum percipiendas, quamdiu esset in servicio regis in Vasconia, ad sustentacionem suam, de quibus nondum recepit nisi duodecim libras, satisfaciat ei competenter. Teste ut supra.

Pro Johanne de Amblion'.—Mandatum est P. Chacep', thesaurario, quod faciat habere Johanni de Ambiliun, capellano domini pape, centum et duodecim marcas, tam pro arreragiis quam pro expensis faciendis circa prosecucionem negocii quod ei injunctum fuit; et hoc faciat sine omni dilacione et more periculo. (fn. 1)

Pro Petro de Visin'.—Et Petro de Visina, canonico Hereford', quem rex mittit cum ipso Johanne ad legatum in Francia pro eodem negocio, similiter habere faciat viginti marcas ad expensas suas. Teste xv. die Februarii.

Pro Eustachio de Bailol'.—Mandatum est (eidem quod Eustachio de Baillo, lined through) thesaurario et camerariis quod habere faciant Eustachio de Bailol' id quod ei aretro est de termino Sancti Michaelis proximo preterito de annuo feodo suo. Teste ut supra.

Pro Rogero converso.—Mandatum est P. Chacep' quod habere faciat Rogero converso decem marcas pro equis suis amissis. Per J. Mansell'.

Pro Petro Roset et aliis prisonibus custodiendis per Johannem de Suwerk'.—Rex mittit Johanni de Suwerk' per Ricardum Mauncan', Petrum de Roset et Bern' Dulay, cives Baion', appellatos in curia regis de sedicione regis, ut eos recipiat et in custodia turris Burdeg' teneat, donec rex aliud mandaverit, proviso quod non superonerentur ferro, sed quod securus sit de eorum corporibus et quod habeant copiam victualium ad custum eorundem. Teste ut supra.

[m. 11.]

Pro Ebulone de Genour'.—Mandatum est P. Chaceporc quod Ebuloni de Genour' faciat habere sexaginta marcas de dono regis ad se sustentandum in servicio regis, et viginti marcas pro uno equo quem amisit et reddidit Radulpho de la Haye: et cum thesaurus regis venerit ab Anglia centum libras ei habere faciat. Teste ut supra.

Pro Nicholao de Sancto Mauro.—Mandatum est magistro W. de Kilkenny archidiacono Coventr' quod scrutatis rotulis cancellarie videat in quanto (rex expunged) Nicholaus de Sancto Mauro a retro est de annuo feodo suo decem librarum, quod ei primo concessimus, et eciam quantum ei a retro est de annuo feodo suo viginti librarum quod rex ei postea concessit; et de eo quod ei a retro est de (terminis expunged) feodo predicto, breve regis de Liberate ei habere faciat. Teste ut supra.

Pro uxore magistri Thome cirugici.—Mandatum est Philippo Luvel quod habere faciat uxori magistri Thome, cyrugici domini regis, robam integram, videlicet tunicam, supertunicam et pallium cum penula de bissis ad pallium et centum solidos ad expensas suas, de dono regis. Teste ut supra.

Pro Willelmo de Abecun.—Mandatum est P. Chacep' quod habere faciat Willelmo de Abecun feodum suum de termino Pasche preteriti, id quod ei a retro est, sicut illud habere debet. Teste ut supra.

Pro Magno Magmurch'.—Magnus Magmurcheth' habet litteras regis de protectione clausas directas justiciario Hibernie.

Pro Nicholao de Molis.—Mandatum est J. filio Galfridi, justiciario suo Hibernie, quod habere faciat Nicholao de Molis centum libras ad expensas suas acquietandas, de dono regis, quia anno elapso nichil a rege recepit. Teste ut supra.

Pro eodem.—Eodem modo mandatum est P. Chacep', thesaurario, pro eodem de sexaginta marcis.

Pro Fulcone de Mastac.—Quia Fulco de Mastac petiit a rege licenciam revertendi in patriam suam, et promisit eidem sexaginta marcas ultra vadia sua percipiendas, quando ad regem redierit, mandatum est P. Chacep' quod, cum idem Fulco ad regem reversus fuerit in Vasconiam, predictas sexaginta marcas habere faciat ad se sustentandum in servicio regis. Teste ut supra.

Pro Willelmo de Valenc'.—Quamvis rex a multis rogatus sit quod eis faciat diversimode provideri de escaetis suis et eis litteras suas super hiis fecerit, rex tamen precise mandat regine et R. comiti Cornubie quod de primis escaetis regis, cum acciderint, habere faciant Willelmo de Valenc' quod ei superest reddendum de quingentis libratis quas rex ei concessit per cartam suam de predictis escaetis, exceptis hiis que de predictis escaetis ad opus predicti comitis retinebunt, cui pre ceteris providere tenetur, sicut in carta regis quam inde habet plene continetur; quia rex vult quod idem Willelmus preferatur omnibus aliis in provisionibus predictis preter personam predicti comitis. Teste ut supra.

Pro Waltero de Cerre.—Mandatum Rogero Cissori et Bonacio quod habere faciant Waltero de Cerre unam robam de dono regis.

Pro Willelmo presbitero de Vasato.—Mandatum eisdem quod habere faciant Willelmo, presbitero ecclesie Sancti Johannis de Vasato, robam integram, videlicet tunicam, supertunicam et pallium cum penula et furura de agnis, de dono regis. Teste ut supra. Per priorem de Novo Burgo.

Pro Hereberto de Enemed'.—Mandatum est P. Chacep' quod habere faciat Herberto de Enemed', eunti in nuncium regis ad legatum Francie, centum solidos ad expensas suas. Teste ut supra.

Pro militibus Burgund'.—Mandatum est eidem, vel ejus locum tenenti, quod denarios quos rex eis solvi mandavit militibus Burgund' eis habere faciat in sterling' vel thuronens'. Teste ut supra.

Pro Ern' domino de Miremunt.—Mandatum est eidem quod habere faciat Ern' domino de Miremunt viginti marcas et, cum thesaurus venerit ab Anglia, decem, de dono regis, ad se sustentandum in servicio.

Pro Willelmo Reler'.—Mandatum est eidem quod habere faciat Willelmo Reyler id quod ei aretro est de termino Sancti Michaelis proximo preterito de annuo feodo suo. Teste ut supra.

Pro Johanne de Blais.—Mandatum est eidem quod Johanni de Blays habere faciat viginti solidos super vadia. Teste ut supra.

Pro Petro de Roset.—Mandatum est Johanni de Suwerk' quod Petrum de Roset et Bern' de Lay curialiter custodiat sicut Willelmus de Axemuh' oretenus ei dicet proviso quod a custodia nec a prisona regis ullo modo evadant. Teste ut supra.

Pro magistro Roberto Anket'.—Mandatum est regine et comiti quod scrutatis rotulis cancellarie nostre et scaccarii nostri faciant habere magistro Roberto (Angl' expunged) Anketill' in Hibernia areragia feodi sui; et mandatum est justiciario Hibernie quod permittat ipsum residere ad scaccarium Hibernie tanquam baronem. Teste ut supra.

Pro Agatha filia comitis Derb'.—Mandatum est W. de Ferr' comiti Derb' quod Agatham filiam suam sine dilacione liberari faciat domine regine (fn. 2) R. comiti Cornubie moraturam cum ipsa regina. Teste ut supra.

Pro Eudone la Zucch'.—Mandatum est eisdem regine et comiti quod, quamcitius habeant eandem domicellam, quod eam liberent Eudoni la Zucch', cui rex dedit ejusdem maritagium. Teste xxvj. die Februarii.

Pro Willelmo de Valers.—Mandatum est P. Chacep', thesaurario, quod visis litteris faciat habere Willelmo de Valer', valletto regine, arreragia vadiorum suorum de novem septimanis preteritis, scilicet ix. denariorum per diem, et duas marcas ad expensas suas versus Angliam de dono regis. Teste ut supra xx. die Februarii.

Pro Rogero de Monte Alto.—Rex dedit Rogero de Monte Alto centum marcas quas recepit per manum P. Chacep' apud Portesmuh' de prestito et centum libras sterlingorum ad se sustentandum in servicio regis usque ad festum Pentecostes; et mandatum est eidem P. quod eundem Rogerum de predictis centum marcis quietum esse faciat et aliarum centum librarum quam citius poterit ei faciat habere unam medietatem et aliam medietatem cum thesaurus regis venerit ab Anglia. Teste ut supra.

Pro Patricio de Chawvorc'.—Mandatum est eidem quod habere faciat Patricio de Chaworc' viginti libras qui ei aretro sunt, ut dicit, de promissione quam rex ei fecit ante arrepcionem itineris sui versus partes Baion', salvis denariis de quibus rex mandavit solvendis garnisioni regis et expensis domus sue. Teste ut supra.

Pro uxore Reginaldi de Drumar'.—Mandatum est regine et R. comiti Cornubie quod habere faciant uxori Reginaldi de Drumar' robam integram, tunicam, supertunicam et pallium cum penula de bissis ad pallium et capam furratam, et uni filiarum suarum robam competentem; et viginti marcas et unum dolium vini ad sustentationem ejusdem uxoris et puerorum suorum. Teste ut supra.

Pro Willelmo Beneit.—Rex perdonavit Willelmo Beneyt unum dolium vini quod recepit de custodibus vinorum regis apud Glouc'; et mandatum est baronibus de Scaccario quod ipsum inde quietum esse faciant.
Et mandatum est vicecomiti Wigorn' quod ipsum propter hoc non distringat. Teste ut supra.

Pro rege. De allece perquirendo.—Mandatum est Johanni Suwerk' quod provideat ad opus regis de decem lastis allecis et illa mittat usque Langon' cum festinatione. Teste ut supra.

Pro Hunfrido de Bohun juniore.—Rex dedit Hunfrido de Bohun' juniori centum libras ad se sustentandum usque ad Pentecosten proximo futuram; et mandatum est P. Chacep' quod de eisdem centum libris habere ei faciat quinquaginta libras ad presens et residuas quinquaginta cum thesaurus regis venerit ab Anglia. Teste ut supra.

Pro Humfrido de Bohun, comiti.—Mandatum est Arnaldo de Bosco, justiciario regis forreste, quod Humfrido de Bohun' comiti Her' et Essex, in forresta de Den' faciat habere sex quercus de dono regis. Teste ut supra.

Pro W. de Valenc'.—Monstravit regi Willelmus de Valenc' quod W. Wigorniensis episcopus certificavit R. comitem Cornubie quod ipse Wigorniensis episcopus et R. quondam Lincolniensis episcopus assignarunt ei, auctoritate domini pape, duo milia et ducentas marcas de denariis crucesignatorum ad votum crucis, quod assumpsit exequendum antequam rex crucem assumpsit, unde in parte eidem Willelmo fuit satisfactum. Et mandatum est eidem comiti Cornubie quod, si inde sit certificatus per eundem episcopum similiter et quantum ei restiterit de predictis duobus milibus et ducentis marcis reddendum, tunc illud residuum, ab illis qui denarios crucis ad opus regis colligunt in Anglia eidem Willelmo reddi faciat. Teste ibidem xxv. die Februarii anno etc.

Pro Roberto de Saunford, coco W. de Valencia.—Mandatum Ernaldo de Bosco, justiciario regis forreste, quod in forresta regis de Bernewod' faciat habere magistro Roberto de Saunford', coco Willelmi de Valenc', tres quercus ad maeremium, de dono regis. Teste ut supra.

Pro Radulfo de Bakep'.—Mandatum est magistro W. de Kilkenny, archidiacono Coventr', quod scrutari faciat rotulos cancellarie a quo tempore Radulfus de Bakep' habuit decem libras de annuo feodo quod rex ei concessit, et quod ei habere faciat breve de Liberate de areragiis suis. Teste ut supra.

Pro Galfrido de Lezinnan, Guidone de Rupe Forti et Hugone Chacep'.—Mandatum est P. Chacep', thesaurario, quod capiat mutuo apud Burdegalam vina, coria et alias mercandisas et ea vendi faciat, eciam si amittere debeat medietatem precii, ad satisfaciendum Galfrido de Lezinnan, Guidoni de Rupe Forti, Ebuloni fratri ejus, et Hugoni Chacep' de denariis de quibus rex prius ei mandavit, et eciam Hugoni predicto areragia vadiorum suorum. Teste ut supra.

Pro Waltero de Ingeham.—Mandatum est eidem quod habere faciat Waltero de Ingeham decem libras ad quendam equum. Teste ut supra.

Pro Henrico de la Mar'.—Rex commisit Henrico de la Mare castrum de Merleberg' cum forresta et bertona et omnibus aliis pertinenciis quamdiu regi placuerit, que Robertus de Mucegros tenuit. Teste ut supra.

Pro Mathia Bezill'.—Item loco ejusdem Roberti rex fecit Matiam Bezill' senescallum regine, donec rex aliter ordinaverit.

Pro Baldewino de Villa.—Mandatum est P. Chacep' quod habere faciat Baldewino de Villa decem marcas de dono et septem marcas de areragiis stipendiorum; et quod habere faciat Guidoni de Chauntenay decem marcas de dono et duas marcas et dimidiam de areragiis stipendiorum. Teste ut supra.

Pro Willelmo de Mortuo Mari.—Mandatum est eidem quod habere faciat Willelmo de Mortuo Mari octo marcas de areragiis stipendiorum. Teste ut supra.

Pro Rogero de Monte Alto, Johanne de Burg' et sociis suis.— Quia rex promisit Rogero de Monte Alto centum libras sterlingorum ad morandum usque Pentecosten, et Johanni de Burgo centum marcas pro eodem, et Johanni de Vallibus quinquaginta marcas, et Willelmo de Bello Campo quinquaginta marcas, et Philippo Marmiun viginti libras, mandatum est P. Chacep', thesaurario, quod eis, omni occasione postposita, faciat habere medietatem sue porcionis. Teste ut supra.
Item quod mittat regi ducentas vel trescentas marcas ad sustentationem hospicii sui.

Pro Guidone de Rupe Forti.—Mandatum est eidem quod faciat habere Guidoni de Rupe Forti triginta marcas ad unum equum de dono regis. Teste ut supra.

Pro Ern' Cotin.—Mandatum est eidem quod de primis denariis regis qui venient ab Anglia faciat habere Ern' Cotin feodum suum cum areragiis suis. Teste ut supra.