Close Rolls, September 1256

Close Rolls, September 1256

Pro abbate de Lyra.—Gilbertus de Haya, abbas de Lira, ex concessione regis constituit fratrem Andream le Cornu et Ricardum de Preus, monacos suos, atornatos suos in Anglia sub alternacione, dans eis, vel eorum alteri, potestatem constituendi atornatum vel atornatos nomine abbatis ad prosequendum et defendendum loco suo omnes loquelas suas motas et movendas ipsum abbatem tangentes a festo Nativitatis Beate Marie anno etc. xl. per quatuor annos sequentes. Teste rege apud Westmonasterium ij. die Septembris. Per Walterum de Merton'.

De terra replegianda.—Henricus de Stok' venit coram rege die Sabbati proxima post festum Sancti Bartholomei et petiit redditum Johannis de Gatesden' in Shorham ei replegiari, qui etc. propter defaltam' etc. versus Walterum de Clifford et Margeriam uxorem ejus. Et hoc demandatum est justiciariis de banco. Teste ut supra.
Idem Henricus venit coram rege eodem die et petiit terram Agnete de Cumbes in Tacheham ei replegiari, que capta etc. propter defaltam etc. versus predictos Walterum et Margeriam. Et hoc mandatum est justiciariis de banco.
Nicholaus Belemeyns et Philippus, filius ejus, venerunt die Jovis in vigilia Nativitatis Beate Marie et petierunt terram suam in Saret sibi replegiari, que capta etc. propter defaltam etc. versus Mabiliam que fuit uxor Roberti Cokayn. Et hoc mandatum est justiciariis de banco. Teste etc.

De denariis levandis.—Mandatum est vicecomiti Northumbr' quod levari faciat omnes denarios provenientes de terris Roberti de Ros in balliva sua, ita quod eos habeat ad instans festum Sancti Michaelis, liberandos in garderoba regis sine ulteriori dilacione; et, cum eos ibi liberaverit, rex eos faciet ei allocari; quia rex vult quod omnes exitus predictarum terrarum liberentur in garderoba sua et non alibi. Teste.

De heremitorio de Charring'.—Rex Edwardo de Westmonasterio, salutem. Mandamus vobis quod supra altaria que sunt in capella hermitagii nostri de Charring' lambruscari faciatis, et quandam crucem cum crucifixo et ymaginibus Beate Virginis et Beati Johannis magnitudinis unius pedis et dimidie emi et ante summum altere ibidem apponi faciatis. Et, cum sciverimus custum omnium premissorum, illud vobis reddi faciemus. Teste etc.

De providencia contra festum Sancti Eduuardi.—Rex mittit Willelmum, piscatorem suum, ad capiendum ad opus regis xij. lucios et lx. bremas in vivario regis de Clyve contra instans festum Sancti Eduuardi. Et mandatum est ballivis regis de Clyve quod ipsum ad hoc admittant, et ei consilium etc. Et lucios illos saliri et bremas illas in pane poni, et eos usque Westmonasterium cariari faciant contra festum predictum, liberandos custodi lardarii regis. Et custum etc. rex faciet eis allocari. Teste.
Eodem modo mandatum est ballivis de Selveston' de decem luciis capiendis per predictum Willelmum in vivario regis de Selveston'. Teste.

Eodem modo mandatum est ballivis regis de Brikestok' de xx. luciis capiendis per eundem Willelmum in vivario regis de Brikest'. Teste.
Mandatum est vicecomitibus London' quod contra festum predictum provideant regi in London' de xx. libratis boni et pulcri panis, et iiij. panes ad denarium, et panem illum venire faciant usque Westmonasterium, ita quod sit ibi in vigilia festi predicti liberandus custodi paneterie regis. Et rex custum illius panis eis reddi vel allocari faciet. Teste.
Eodem modo mandatum est ballivis de Sancto Albano de c. solidatis panis, ita quod panis ille sit ibidem tercio die ante festum predictum. Et rex custum illius panis et cariagii etc.
Eodem modo mandatum est ballivis de Wycumb' de c. solidatis panis.
Ballivis de Waltham de lx. solidatis panis.
Ballivis de Kingeston' de lx. solidatis panis. Teste etc.
Mandatum est ballivo de Kingeston' quod contra festum predictum provideat regi de quinque milibus lampronum, ij. milibus dars' et roch', xx. galonibus de loch', et ea omnia venire faciat usque Westmonasterium, ita quod sint ibi in vigilia festi predicti summo mane ad tardius, liberanda custodi lardarii regis. Et, cum rex sciverit custum etc.
Eodem modo mandatum est vicecomiti Cant' et Huntend' de xxx. luciis recentibus, quorum x. sint trium pedum, x. duorum pedum et dimidii, et x. duorum pedum, et de centum grossis steyling', xxv. stykes anguillarum que dicuntur scoftling' et de cl. stykes pimpernellorum: et ea omnia etc. ut supra.
Eodem modo mandatum est vicecomiti Kanc' de x. porpeys, c. peciis storgonum, c. congruis recentibus, vj. summis haddocorum et mullonum recentium et de tribus milibus allecii recentis; et ea etc.
Rex mittit magistrum Hugonem emptorem suum ad portum de Winchels' ad providendum regi de x. libratis piscis maris contra festum predictum; et mandatum est baronibus et ballivis regis de Winch' quod piscem illum aquietent et cariari faciant usque Westmonasterium; et, cum rex sciverit etc. illud eis reddi faciet. Teste.
Mandatum est ballivis de Suthamp' quod cum omni festinacione in pipis vel barillis vel alio modo quo melius sciverint et poterunt, mittant regi unum dolium musci quod nuper applicuit in portu suo de Suth': et, cum rex sciverit custum, etc. Teste etc.
Mandatum est Philippo Luvel et Eduuardo de Westm' quod contra instans festum Sancti Eduuardi fieri faciant unum pannum de tribus pannis sericis cum bordura, offerendum feretro Beati Eduuardi.

Rex episcopo Bethlemitano, salutem. Dum veram cordis amiciciam, qua nos et genus nostrum innata vobis bonitas hactenus est amplexa, dingna laude pensamus quanto tempora longius procedunt et intervalla locorum latius inter nos se extendunt, tanto manifestius eam conspicimus constancie suscipere incrementum in quo dingne sibi vendicat et meretur ut ei grata gratiarum vicissitudine fortius astringamur; sane super eo quod nostrorum profectuum in tam remotis agentium vos nuper non obliti nos de federe matrimoniali contrahendo inter Edmundum, karissimum natum nostrum, et illustrem reginam Cypri, nec non et inter filium predicte regine, heredem regni Cypri, et unam de filiabus nostris per vestras litteras consulere decrevistis ad magnas vobis assurgimus gratiarum actiones, videntes vos et scientes circa nostrorum commodum et honorem sollicitos esse et intentos, verum, quia in adventu nuncii predicte regine ad nos cum litteris vestris memoratis agebant quidam de consilio nostro in remotis, quorum consilia in premissis sunt specialius requirenda, propter quod eundem nuncium nobiscum duximus diutius retinendum, necdum eorundem presenciam habere potuimus, certum vobis de predictis responsum ad presens dare non valemus, set dictorum consiliariorum nostrorum obtenta presencia, cum de premissis plenius deliberaverimus speciales nuncios nostros ad vos statim transmittemus et voluntatem nostram vobis apertius scire faciemus. Teste etc.
Eodem modo scribitur albo cardinali.

[m. 3d.]

Memorandum quod rex die Nativitatis Beate Marie anno etc. xl°. apponi fecit sigillum suum cuidam scripto ad testificandum quoddam depositum thesauri positum in abbacia Westmonasterii per magistros Bernardum de Sen', W. de Lichefeld' etN. de Plimpton'.

De quadam navi periclitata.—Ex parte Saeri filii Simonis de Gant, Rogeri le Bake, Leonis de Saloc', Saeri filii Alexandri, mercatorum de Gaunt, et Simonis de Gaunt, civis London', regi est ostensum quod quedam navis eorum, lanis et aliis bonis carcata, nuper periclitata fuit in costera maris extra Bernem' (sic) et jam applicuit in portu de Bernem', nautis omnibus ejusdem navis, ut dicitur, evadentibus; et mandatum est vicecomiti Norf' quod navem predictam cum lanis et omnibus aliis bonis in ea inventis sine dilacione capiat in manum regis et salvo custodiri faciat, donec predicti mercatores vel aliqui alii navem ipsam et bona predicta disracionaverint coram rege secundum legem et consuetudinem regni regis. Et interim non permittat aliquam distractionem fieri de bonis predictis. Teste rege apud Westm' xij. die Septembris.

De atornatis.—Isabella de Albiniaco, comitissa Arundell', attornavit coram rege Johannem de Olneye, clericum, et Galfridum le Paumer sub alternatim (sic) ad lucrandum etc. in loquela que est coram rege inter ipsam Isabellam et Adam de Brymton' de eo quod maritavit Johannem de Pratell', filium et heredem Radulfi de Pratell', existentem infra etatem et in custodia ipsius comitisse, sine assensu et voluntate ejusdem comitisse. Teste ut supra.

Pro Willelmo de Hastentot.—Mandatum est vicecomiti Norhumbr' quod demandam, quam facit per summonicionem Scaccarii hominibus Willelmi de Hastentot de Glentel' de quodam amerciamento ad quod amerciati fuerunt coram justiciariis regis ultimo itinerantibus in comitatu predicto, pro quadam disseisina, ponat in respectum usque ad festum Sancti Martini proximo futurum. Teste rege apud Westm' xij. die Septembris.

De terra replegianda.—Frater Laurentius, monachus de Bello Loco, venit coram rege die Mercurii in vigilia Exaltacionis Sancte Crucis apud Westmonasterium et petiit ex parte abbatis de Bello Loco terram suam in Soberton' ei replegiari, que capta etc. propter defaltam quam Henricus, heres Galfridi de Caritate, quem predictus abbas vocavit ad warantum de predicta terra, fecit coram rege versus Agnetam que fuit uxor Galfridi de Caritate.

De atornato.—Rogerus de Hyda attornavit coram rege loco suo Johannem Hirdman ad lucrandum etc. in assisa nove disseisine quam idem Rogerus arramiavit coram rege in proximo adventu suo apud Windes' versus Laurencium personam ecclesie de Tedmers et Julianam de Bendeng' de tenementis in Pangeburn' et Lething'. Per Walterum de Merton'. Robertus Fulconis recepit atornatum predictum.

De terra replegianda.—Johannes de Hibaldeston' venit coram rege die Martis ante festum Sancti Mathei apostoli et petiit terram prioris de Thorgarton' in Owethorp' ei replegiari, que capta etc. propter defaltam etc. versus Matillidem que fuit uxor Radulfi de Wynstaneston'. Et hoc mandatum est justiciariis de banco. Teste rege apud Maydenston xx. die Septembris.
Hubertus filius Reginaldi venit coram rege die Mercurii in vigilia Sancti Mathei apostoli et petiit terram suam in Parva Becheton' sibi replegiari, que capta etc. propter defaltam etc. versus Gerardum Overmer. Et hoc demandatum est justiciariis de banco. Teste ut supra.
Thomas de Hecham venit coram rege in crastino Sancti Mathei apostoli et petiit tria mesuagia (fn. 1) terram suam et redditum in Sidingburn ei replegiari, que capta etc. propter defaltam etc. versus Julianam filiam Elye. Et mandatum est justiciariis de banco etc.

De atornatis.—Henricus episcopus Lincolniensis posuit loco suo Ricardum de Colecestr' et Willelmum Busse sub alternacione ad lucrandum etc. versus dominum regem de placito quod est coram ipso rege de advocacione prioratus de Hagh'.

De quadam casula emenda ad opus regis.—Mandatum est Eduuardo de Westm' quod quandam pulcram casulam de samito mediocris precii quam invenire poterit venalem emat ad opus regis sine dilacione, et eam regi per aliquem de suis sub festinacione mittat, offerendam ad altare Beati Eadmundi de Pontiniaco in ecclesia Christi Cantuar'. Et rex de precio ejusdem ei satisfieri faciet. Teste rege apud Maydenest' xxj. die Septembris.

De terra replegianda.—Robertus de Godyveton' venit coram rege die Dominica ante festum Sancti Michaelis et petiit quintam partem ccxxv. acrarum terre, pasturam ad c. oves, viij. solidatas ix. denariatas redditus in Hokkeling', Estcherch' et Leysdon' sibi replegiari, que capta etc. propter defaltam etc. versus Hawisiam de Hokeling', ut dicitur. Et hoc mandatum est justiciariis de banco. Teste.
Willelmus de Manewik venit coram rege die Sancti Michaelis et petiit unum mesuagium et terram suam in Cotton' sibi replegiari, que capta etc. propter defaltam etc. versus Ricardum de Cotton'. Et hoc mandatum est justiciariis de banco.
Georgius le Chanu venit eodem die et petiit terram suam et redditum in Leg' et Holmden' sibi replegiari, qui capti etc. propter defaltam etc. versus Ricardum Chanu et Thomam, fratres ejus. Et hoc mandatum est justiciariis de banco.
Frater Adam de Tonebrugg' venit eodem die et petiit l. acras terre, v. acras prati, xxx. solidatas, xij. denariatas redditus cum pertinenciis in Leg', et advocacionem ecclesie ejusdem ville priori de Tonebrugg', priori de Tenring', Willelmo de Ros, Ricardo filio Rollandi, Matillidi filie Hunfridi et Johanne sorori ejus, Eustacio de Welkenestede, Katerine que fuit uxor Johannis le Chanu, Thome de Dutton', Sibille uxori ejus, Thome le Carpenter, Thome Taterel, Johanni, Willelmo et Clementi, fratribus suis, replegiari, que capta etc. propter defaltam etc. versus Ricardum le Chanu, Thomam fratrem ejus, et Georgium filium Johannis. Et hoc mandatum est justiciariis de banco. Teste.