Extracts from the Records: 1532

Pages 56-59

Extracts From the Records of the Burgh of Edinburgh, 1528-1557. Originally published by Scottish Burgh Records Society, Edinburgh, 1871.

This free content was digitised by double rekeying. All rights reserved.



24 January 1531.


The quhilk day, in presens of the provest baillies and counsale, Jhonne Lawsoun fleschour comperit and granttit that he sauld and deliuerit to Alexander Mauchane the xj scheip skynnis and oblist him to warrand the said Alexander thairof at all handis as accordis vpoun the law, and als the said Jhonne oblissis him of his awin consent neuir till by onye skinnis till sell agane to ony merchand vther nor his awin slauchter, vnder the pane [of] banissing the toun.

24 March 1531.

Kyllis and barnys.

The quhilk day, the prouest baillies and counsale ordanis all the personis that hes tane aikerris of the Borrowmure, quhilkis ar oblist till big killys and barnys, that thay compleit and mak thair sadis kyllis and barnys sufficientlie for making of malt betuix this and Sanct Gelys day nixt to cum, vnder the pane of fourtye pundis to be tane of thame that faillis thairintill, to be applyit to the commoun warkis of the toun, but fauouris.

27 March 1532.

The tenants of the mure.

The quhilk day, the provest baillies counsale and dekynnis dissasenttis that ony persoun quhilk hes gottin akerris of the Borrowmure change or haue ony vther aker of thair mure hot the samyn that is fallin to thame of before be cawill, and als that na man bruke na mair bot ane pairt allanerlie.

29 May 1532.

[Websters and Walkers, Sherars and Bonnetmakers.]

The twentynyne day of the moneth of Maij the yeir of God ane thousand five hundreth thretty and twa yeris, the quhilk day, in presens of the provest baillies and counsall sittand in jugement comperit the dekin kirkmasteris and brethir of the craft of Wobstaris on that ane pairt, the dekin heidisman and brethir of the Walkaris Scheraris and Bonetmakaris on that vther pairt, and thare in presens forsaid the saidis dekin heidisman and brethir of the saidis Walkaris Scheraris and Bonetmakaris contentit and paiit to the saidis dekin and brethir of the Wobstaris the sovme of ten pundis vsuall money of Scotland for the annuell of xiij s. iiij d. quhilk thai war decernit to pay yeirlie to the saidis Wobstaris, efter the forme of the decreit and act of the tovne maid thairupon of the dait the nyneteyne day of Maij the yeir of God jm vc and xxxj yeris, quhilk ten pundis the saidis dekin and brethir of Wobstaris grantit thame till haif ressauit fra the saidis Walkaris Scheraris and Bonetmakaris for the said annuell of xiij s. iiij d. yeirlie eftir the forme of the said act, and grantis the said merk of annuell lauchfully redemyt fra thame, and tharfor for thame and thare successouris renuncis all richt and titill of richt that euir thai had to the said xiij s. iiij d. yeirlie, and quytclamis and dischargis the saidis Walkaris Scheraris and Bonetmakaris and thare successouris thairof now and for euir, promittand neuir till clame nor thar successouris tharfor in jugement nor vtouth jugement in na tymes tocum; and the saidis pairtiis craftismen oblissis thame ilkane till vtheris that nane of thame sall perturb nor iniure ane another nouthir in word nor deid in preue nor in pert in tyme tocum vndir the payne of that persone that dois in the contrair to be ryalii pvnist be the avise and sicht of the provest baillies and counsall of this tovne to the rigour but fauouris. Extractum de libro actorum curie consilij Burgi de Edinburgh per me Johanem Foular notarium publicum ac communem scribam dicti Burgi, sub meis signo et subscriptione manualibus, ac sub sigillo commune ad causas predicti Burgi, in fidem robur et testimonium omnium et singulorum premissorum. [Extracted from the book of the Acts of the Court of the Council of the Burgh of Edinburgh, by me, John Foular, notary public, and common clerk of the said Burgh, under my sign and subscription manual, and under the common seal of causes of the foresaid Burgh, in faith, strength, and testimony of all and sundry the premises.
Jo. Foular.]

18 June 1532.

New calsay.

The quhilk day, in presens of the prouest baillies and counsale sittand in jugement, it is appoynttit and finallie concordit betuix the said provest baillies and counsall on that ane pairt, Jhonne Mayser and Bartrahame Foliot, franche men, calsay makaris on that vther pairt, in this maner, that is to say, The saidis Jhonne and Bartrahame oblissis thame till mak and big the calsay of the toun, and sall wyn the stanys thairof in the querrell, and sall dres thame and lay thame in the calsay, and the gude toun till furnis sand and carye the stanys to the calsay, and to mak the red and carye the samyn away, and sall content and pay to the saidis calsay makaris for ilk scottis rude, that is to say vj elnis of lenth and vj elnis of breid, xxx schillingis Scottis, and this threttie schilling is to be payit oulklie or als sone as thai haue wrocht and mett the said rude.

12 September 1532.

The gyft of Sanct Nicholace alter.

The quhilk day, in the presens of the prouest baillies and counsale, Gilbert Lauder, procuratour and in the name and behalf of Sir Gilbert Lauder, renuncit and purelie and simplie resignit the alterage and seruice of Sanct Nicholace alter, scituat within the College Kirk of Sanct Geyll, in the handis of the prouest baillies and counsale as patronis to the samyn, and incontinent the said prouest baillies and counsale gaif the said alterage to Sir Dauid Purdome, be the deliuering of ane bouet as vse is, efter the foundatioun.

19 September 1532.

To furneis men of weyr to the king aganis Ingland.

The quhilk day, the provest baillies counsale and dekynnis of craftis consenttis and granttis till furnys thre hundreth men, weill abulyeit at all poynttis for weyr, till our Souerane Lord, to pas with his Graces armye aganis his inimeis of Ingland at all tymes quhen His Grace requyris thame thairto.

25 September 1532.

Nota.—The patroneg of Pettrawy in Fyfe the townys.

The quhilk day, the prouest baillies counsale and communitie granttis till Gilbert Lauder the landis of Petravye in Fyfe in few, as thay that ar patronis to the samyn quhilk now Sir Gilbert Lauder chaiplane of Sanct Nycholace alter, in augmentatioun of the rentale of the said chaiplanrie, viz. for xxvj merkis, that is vj merkis mair nor it wes wont till gyf, to be brukit and joysit be the said Gilbert and his airis, induellaris within the toun of Edinburgh, and granttis till his charter thairof thair commoun seill in the best forme can be maid.

5 October 1532.

The laid of malt to contene ix fyrlottis.

Maister James Lawsoun prouest. The prouest baillies and counsale decernis and ordanis all the maltmen and makaris of malt within the jurisdictioun of this toun to sell thair malt to all oure Souerane Lordis lieges, browstaris and vtheris, for xxxij s. the laid, and the laid to contene nyne fyrlottis.

24 November 1532.

Nota.—Sanct Rokis kyrk on the mure.

The quhilk day, the prouest baillies counsale and communitie, movit of deuotioun, hes for the honour of God and his blissit moder the Virgen Marie and the hallye confessour Sanct Rok, for sufferage and prayerris to be done in Sanct Rokis kirk on the Borrowmure for the saullis that lyis in the said kirk and kirkyaird, hes gevin and granttit and be thir presentis gevis and granttis till Sir Jhonne Young chaiplane of the said kirk and to his successouris during the prouest baillies counsale and communiteis will, all and hale thre akerris of thair landis of thair Burromure with ane vther aiker of land to big yaird and houssis vpoun, and ordanis ane baillie and vtherris of the counsale till pas ken and assing the said Sir Jhonne the saidis akerris of land, he and his successouris vphaldand the said kirk in sclatis watterticht glaswyndois and all vther necessour thingis as efferis.

29 November 1532.

Quhat mwlter malt sall pay

The quhild day, the prouest baillies and counsale hes statute for the commoun weill this gude toun, and for till eschew and ceis murmure and discord betuix the maltmen duelland within the fredome of the burgh and vtheris reparand to thair commoun mylnis anent the paying of thair multer for grynding of thair said malt, that in tyme to cum all maner of personis maltmen or vtheris that gryndis ony malt at thair commoun mylnis sall pay for ilk thre bollis of malt groundin ane pek multer malt to the gude toun or fymouris of the samyn, with vther dewiteis to the myllaris as vse and wont hes bene in tymes bigane, and gyf ony maltmen bringis thair gyst to the mylnis to grynd and gryndis ane pairt thairof and lattis ane vther pairtlu vnground, that malt that is vnground sall pay siclike multer to the gude toun or firmoris as the vther malt that is ground, sua that the mylnis ly nocht idille.