Extracts from the Records: 1589, Jul-Sept

Page 546

Extracts From the Records of the Burgh of Edinburgh, 1573-1589. Originally published by Scottish Burgh Records Society, Edinburgh, 1882.

This free content was digitised by double rekeying. All rights reserved.


1589, Jul-Sept

2 July 1589.

Capitane of the Castell, Lord Mortoun.

Ordanis Jhonn Moresoun, thesaurer, to caus ansuer the Lord Mortoun and the capitane of the Castell, ilk ane of twa mylne staynes furth of the commoun mylnis, vpoun thair resonabill expenssis.

18 July 1589.

Commissio, Bruce, minister.

Jhonn Arnott, provest, the baillies, dene of gild, thesaurer and counsall, for the maist pairt, beand convenit, fynds it expedient that ane be direct to attend vpoun maister Robert Bruce, minister, quhill his hamecvming furth of Sanctandrois and to haif him hamewart, and appoyntis James Dalyell, younger, with ane lettre to be direct with him to that effect.

25 July 1589.

Watsoun, minister.

Grantis and gevis to maister William Watsoun, ane of thair ordinare pastoris, the sowm of ane hunder merkis, yeirly, in augmentation of his former stipend induring his seruice.