LXXVI: Act of Parliament in favour of the College of Glasgow (1587)

Charters and Documents Relating To the City of Glasgow 1175-1649 Part 2. Originally published by Scottish Burgh Records Society, Glasgow, 1894.

This free content was digitised by double rekeying. All rights reserved.

'LXXVI: Act of Parliament in favour of the College of Glasgow (1587)', in Charters and Documents Relating To the City of Glasgow 1175-1649 Part 2, (Glasgow, 1894) pp. 211-213. British History Online https://www.british-history.ac.uk/glasgow-charters/1175-1649/no2/pp211-213 [accessed 1 March 2024]

LXXVI. Act of Parliament in favour of the College of Glasgow, ratifying and confirming, inter alia, Nos. lxvii., lxiii., lix., lxii., lxxiii., and lxx. Edinburgh, 29 July 1587.

In the parliament, haldin at Edinburgh, the tuenty nynt day of Julie, the yeare of God jm vc fourscoir seavne yeares. Oure Souerane Lord and Three Estaittis of this present parliament, ratifies, apprevis, and for his Hienes and his successouris, perpetuallie confermis the charter of annexatioun and mortificatioun of the personage and vicarage of Govane, liand within the diocie of Glasgw, with all and sindrie teindis, profittis, emolumentis, gleib, and kirkland of the samin, annext, gevin, grantit, and mortifiit be his Hienes to the College of Glasgw, be his charter vnder his grite seill of the dait the xiij day of Julij, the yeir of God jm vc lxxvij yeiris, efter the forme and tennour of the foundatioun insert at lenth in the said annexatioun, as the same at mair lenth beiris: Togidder with ane vther annexatioun maid be the provest, baillies, counsall and communitie of the Citie of Glasgw to the said College, of all landis, tenementis, houssis, yairdis, annuelrentis, lyand alsweill within the fredome of the said Citie as in ony vther pairt within this realme, quhilkis pertenit of befoir to quhatsumeuer ordour of Freris, alteris or chappellanreis of quhatsumeuir kirk situat within the said Citie, and of all vther proffittis and commodities contenit in the said annexatioun, as is at mair lenth contenit in the samin. Quhilkis landis with the annuelrentis, vther proffitis, and commodities foirsaidis, be his Hienes vmquhile derrest moder of worthie memorie wer disponit to the saidis prouest, baillies, counsall, and communitie, and thairefter wer annext be thame to the said College for sustentatioun of the maisteris regentis and studentis in the samin, efter the forme and tennour of the said annexatioun of the dait the aucht day of Januar, the yeir of God jm vc lxxij yeirs. Quhilk dispositioun maid be our said Souerane Lordis derrest moder in maner foirsaid to the saidis provest, baillies, counsall, and communitie, of the landis, annuelrentis, and vtheris abouewrittin, his Hienes ratifies and appreves, and for him and his successouris perpetuallie confermis; Togidder with the donatioun, vnioun, and annexatioun maid be the Archiebischop for the tyme, with consent of the chaptour of the samin, to the said College of the customes of the tron wechtis, and of all merchandice and geir vsit to be weyit at the said tron, with all mesouris, grite and small, vsit within the said citie of Glasgw and liberty of the samin, ratifiet and approvin of befoir, be his Hienes lettres vnder his privie seall, as at mair lenth lykwyss is contenit in the samin; Togidder with the immvnitie grantit be his Maiestie of befoir to the said College that the haill rentis of the samin salbe in all tymes cuming frie of all taxatiounis and impositionis, as in the said lettre of dait the xxvj day of Maij, the yeir of God jm vc threscoir nyntene yeiris, at lenth is contenit; Togidder with all and sindrie liberties and privilegeis grantit to the said College of auld be quhatsumeuer personis. Attour his Hienes, for the ardent, zeall and affectioun quhilk he hes and beiris to the propagatioun of guid lettres and sustentatioun of the professouris thairof, of new hes gevin, grantit, annext and mortifit, and be thir presentis gevis, grantis, annexis and mortifeis to the said College, and to the Principall, Maisteris, Regentis, Studentis, and vtheris office men specifiet in the said Fundatioun, and to thair successouris in all tyme cuming, All And Sindrie the foirsaidis landis, with the rentis, tenementis, annuelrentis, teyndscheves, vtheris teyndis, custumes, afoirnameit, immvnties and priuileges specifiit particulairlie in the foundationis, annexationis, mortificationis, and donationis, respective abouewrittin, and efter the forme, tennour, circumstances, and conditionis contenit in the samin; and that not withstanding the annexatioun of the ecclesiasticall landis laitly annext to the croun of this realme, and the generall revocatioun or vther restauratioun quhatsumeuer, in the quhilkis his Hienes willis and declairis the saidis landis, tenementis, annuelrentis, custumes, teyndis, mortifiet and annext to the said College as said is, on nawyse salbe comprehendit.