House of Lords Journal Volume 1: Anno Quinto Regine Elizabethe

Anno Quinto Regine Elizabeth.

(fn. 1) MEMORANDUM, quod hodie, 2 die Octobris, Anno Regni Elizabethe, Dei Gratia, Anglie, Francie, et Hibernie Regine, Fidei Defensoris, &c. Quinto, in quem diem, 10 die Aprilis ultimo elapso, prorogatum fuit hoc presens Parliamentum, ex Mandato dicte Domine Regine, convenerunt Domini tam Spirituales quam Temporales, quorum nomina subsequuntur:

Parliament prorogued.

QUI cum convenissent, adstantibusque tunc etiam Populi, Burgensiumque, ut vocant, satis magna Frequentia, dictus Dominus Thesaurarius, paucis verbis, declaravit Conventum Procerum et Populi, quem Parliamentum vocant, in hunc diem destinatum, a dicta Domina Regina, certis quibusdam Causis et Considerationibus Illam ad id specialiter moventibus, maxime propter Infectionem Aëris Pestiferi, per Civitates London et Westm. ac Suburbia earundem, ad presens grassantem, differri in quintum diem Octobris, quod erit in Anno Domini Millesimo Quingentesimo Sexagesimo quarto; atque, ut tam Proceribus quam Populo palam fieret Regiam Majestatem ita constituisse, Literas Commissarias dicte Domine Regine Francisco Spelman, Armigero, Clerico Parliamenti, publice et clara voce legendas, in manus tradidit. Earum autem tenor hic erat:

Writ for the Prorogation.

"Elizabetha, Dei Gratia, Anglie, Francie, et Hibernie Regina, Fidei Defensor, &c;. Charissimo Consanguineo et Consiliario suo Willielmo Marchioni Winton, Thesaurario Anglie, ac Reverendis in Christo Patribus Edmundo Episcopo London. Roberto Episcopo Winton. Willielmo Episcopo Cicestren. nec non Predilectis et Fidelibus suis Henrico Domino Morleye, Arthuro Domino Graye de Wilton, Edwardo Domino Wyndesor, et Johanni Domino Mordaunt, Salutem.

"Cum Nos nuper, pro quibusdam arduis et urgentibus Negotiis, Nos, Statum et Defensionem Regni Nostri Anglie ac Ecclesie Anglicane concernentibus, presens hoc Parliamentum Nostrum, apud Civitatem Nostram Westm. duodecimo die Januarii, Anno Regni Quinto, inchoari et teneri ordinaverimus; a quo die idem Parliamentum Nostrum tunc et ibidem tentum et continuatum fuerat usque decimum diem Aprilis tunc proxime sequentem; eodemque decimo die Aprilis idem Parliamentum Nostrum usque ad et (fn. 2) in instantem secundum diem Octobris prorogatum fuerat, ibidemque tunc tenendum et continuandum: Sciatis, quod Nos, certis urgentibus Causis et Considerationibus Nos specialiter moventibus, et precipue propter Infectionem Aëris Pestiferi, ubique per Civitates Nostras London. et Westm. et earundem Suburbia ad presens invalescentem; de Fidelitate, Prudentia, et Circumspectione, vestris plurimum confidentes, de Avisamento et Assensu Consilii Nostri, Assignavimus vos, et duos vestrum, dantes vobis, et duobus vestrum, tenore presentium, plenam Potestatem, Facultatem, et Auctoritatem, hac instante die Sabbati, ad presens Parliamentum Nostrum, nomine Nostro, ad et in quintum diem Octobris, quod erit in Anno Domini Millesimo Quingentesimo Sexagesimo quarto, usque Civitatem Nostram Westm. predictam, prorogandum et continuandum, ibidemque tunc tenendum et prosequendum. Et ideo vobis mandamus, quod circa premissa diligenter intendatis, ac ea in forma predicta effectualiter expleatis. Damus autem universis et singulis Archiepiscopis, Ducibus, Marchionibus, Comitibus, Vicecomitibus, Episcopis, Baronibus, Militibus, Civibus, et Burgensibus, ac omnibus aliis quorum interest ad dictum Parliamentum Nostrum conventuris, tenore presentium, firmiter in Mandatis, quod vobis, in premissis faciendis, agendis, et exequendis, pareant, obediant, et intendant, prout decet. In cujus rei Testimonium, has Literas Nostras fieri fecimus Patentes. Teste Meipsa, apud Castrum Nostrum de Wyndesor, secundo die Octobris, Anno Regni Nostri Quinto."