House of Lords Journal Volume 1: Anno Sexto Regine Elizabethe

Anno Sexto Regine Elizabeth.

MEMORANDUM, quod hodie, 5 die Octobris, Anno Regni Elizabethe, Dei Gratia, Anglie, Francie, et Hibernie Regine, Fidei Defensoris, &c. Sexto, in quem diem presens hoc Parliamentum prorogatum fuerat, convenerunt Domini tam Spirituales quam Temporales, quorum nomina subsequuntur:

Parliament prorogued.

QUI cum convenissent, una cum Populi atque Burgensium, ut vocant, satis magna Frequentia, predictus Archiepiscopus Cantuarien. paucis verbis, declaravit Conventum Procerum et Populi, quem Parliamentum vocant, in hunc diem destinatum a dicta Domina Regina, certis quibusdam de Causis et Considerationibus Illam ad id specialiter moventibus, differri in tricesimum diem Aprilis proxime futurum; atque, ut tam Proceribus quam Populo palam fieret Regiam Majestatem ita constituisse, Literas Commissorias dicte Domine Regine Francisco Spelman, Armigero, Clerico Parliamenti, publice et clara voce legendas, in manus tradidit. Earum autem tenor sequitur in hec verba:

Writ for the Prorogation.

"Elizabetha, Dei Gratia, Anglie, Francie, et Hibernie Regina, fidei Defensor, &c. Reverendissimo in Christo Patri Matheo Cantuar. Archiepiscopo, totius Anglie Primati et Metropolitano, ac Charissimo Consanguineo et Consiliario suo Willielmo Marchioni Winton, Thesaurario Anglie, nec non Charissimis Consanguineis suis Thome Comiti Sussex, Henrico Comiti Huntington, Reverendisque in Christo Patribus Edmundo Episcopo London. Edmundo Episcopo Roffen. ac etiam predilectis et fidelibus Consiliariis suis Edwardo Domino Clynton, Magno Admirallo suo Anglie, Willielmo Domino Howarde de Effingham, Domino Camerario suo, ac Predilectis et Fidelibus suis Willielmo Domino Cobham, Gardiano, sive Custodi, Quinque Portuum suorum, et Henrico Domino Hunsdon, Salutem.

"Cum nuper, pro quibusdam arduis et urgentibus Negotiis, Nos, Statum et Defensionem Regni Nostri Anglie ac Ecclesie Anglicane concernentibus, presens hoc Parliamentum Nostrum, apud Civitatem Nostram Westm. duodecimo die Januarii, Anno Regni Nostri Quinto, inchoari et teneri ordinaverimus; a quo die idem Parliamentum Nostrum tunc et ibidem tentum et continuatum fuerat usque decimum diem Aprilis tunc proxime sequentem; ac, post diversas Prorogationes, idem Parliamentum Nostrum usque ad et in instantem quintum diem Octobris prorogatum, ibidemque tunc tenendum et prosequendum: Sciatis tamen, certis urgentibus Causis et Considerationibus Nos specialiter moventibus, idem Parliamentum Nostrum ulterius prorogandum duximus. De Fidelitate igitur, Prudentia, et Circumspectione, vestris plurimum confidentes, de Avisamento et Assensu Consilii Nostri, assignavimus vos, et tres vestrum, dantes vobis, novem, octo, septem, sex, quinque, quatuor, et tribus vestrum, tenore presentium, plenam Potestatem, Facultatem, et Auctoritatem, hoc instante die Jovis, ad presens Parliamentum Nostrum, nomine Nostro, ad et in tricesimum diem Aprilis proxime futurum, usque predictam Civitatem Nostram Westm. prorogandum et continuandum, ibidemque tunc tenendum et prosequendum. Et ideo vobismandamus, quod circa premissadiligenter intendatis, ac ea in forma predicta effectualiter expleatis. Damus autem universis et singulis Archiepiscopis, Ducibus, Marchionibus, Comitibus, Vicecomitibus, Episcopis, Baronibus, Militibus, Civibus, ac Burgensibus, ac omnibus aliis quorum interest ad dictum Parliamentum conventuris, tenore presentium, firmiter in Mandatis, quod vobis, in premissis faciendis, pareant, obediant, et intendant, prout decet. In cujus rei Testimonium, has Literas Nostras fieri fecimus Patentes. Teste Meipsa, apud Westm. 5 die Octobris, Anno Regni Nostri Sexto."