m. 1: Cy ensuent les corones

Richard II and the English Royal Treasure: Inventory. Originally published by Boydell & Brewer, Woodbridge, 2012.

This free content was Born digital. All rights reserved.

Citation:

'm. 1: Cy ensuent les corones', in Richard II and the English Royal Treasure: Inventory, ed. Jenny Stratford( Woodbridge, 2012), British History Online https://www.british-history.ac.uk/no-series/inventory-ric-ii-treasure/pp145-147 [accessed 22 July 2024].

'm. 1: Cy ensuent les corones', in Richard II and the English Royal Treasure: Inventory. Edited by Jenny Stratford( Woodbridge, 2012), British History Online, accessed July 22, 2024, https://www.british-history.ac.uk/no-series/inventory-ric-ii-treasure/pp145-147.

"m. 1: Cy ensuent les corones". Richard II and the English Royal Treasure: Inventory. Ed. Jenny Stratford(Woodbridge, 2012), , British History Online. Web. 22 July 2024. https://www.british-history.ac.uk/no-series/inventory-ric-ii-treasure/pp145-147.

m. 1: Cy ensuent les corones

R 1    Premierement, une corone en la quele a viij florons, c'est assavoir iiij granz faitz en manere de flour de litz overez de cosses [et] de moron', garniz chescun d'une grosse saphir en milieu, iiij balays autour, iiij troches autour chescun de iiij grosses perles et un diamant en milieu, (fn. 1) et les autres iiij petitz florons, garniz chescun d'un balays, iij saphirs autour et iij troches chescun de iij perles et au desus un plus grosse perle. Item, en la chapell' de la dite coronne a viij pieces de oevre, dont il en ad iiij granz sur quoy gisont le quatre granz florons desus dictes et en milieu de chescun de queles granz pieces a j grand saphir de taille, iij grosses balays cabouchanz, iij troches chescun de iiij perles, dont faut j perle et j diamant en milieu, et les autres iiij petitz pieces sur queux gisont les iiij petitz florons d'icelle coronne, garniz chescun d'un grosse balay, iij saphirs de taille, iij troches chescun troche de iiij perles et en milieu de chescun troche j diamant, poisant vij marcz vij unc' et di., et vaut outre Mli.vjclxvj li. xiijs. iiijd., dont la somme, Mli.vijcxl li. xiijs. iiijd.

      [J 2]

R 2    Item, une coronne d'or ove iiij grosses florons roundes, dont ij chescun garniz ove ij saphirs, iiij balays, iij esmeraudes, x troches de perles chescun de iij perles et vj perles d'aconte et l'autre ij florons ove v balaces, j saphir, iij esmeraudes, x troches de perles et vj perles d'aconte, et les autres iiij petitz florons garniz chescun ove j esmeraude, ij balayes, ij saphirs, iij troches chescun de iij perles et ij autres perles le troche (fn. 2) d'icelle y a viij overages, dont iiij garniz chescun d'un balay, iiij perles, iiij saphirs et les autres iiij overages chescun garniz ove j saphir, iiij balays et iiij troches chescun troche de iiij perles et j diamant et entre les florons viij petitz bastons, dont iiij garniz chescun d'un saphir et viij perles et les autres iiij chescun d'un balay et viij perles d'aconte, pois' vij li. iij unc', et vaut outre iiijc li., dont la somme, Dcxvj li.

R 3    Item, une coronne la cercle de quele il a x overages, dont v sont garniz et chescun ove une esmeraude et viij balays, et les autres v garniz chescun ove j balay et quater esmeraudes et iiij cercles chescun de iiij perles d'aconte, et y a v grosses florons chescun garniz ove iiij balays, iiij esmeraudes, ij diamantz, iiij perles et en milieu un saphir et sur le summet iij grosses perles et j petit diamant, dont faut j diamant et ij scales des esmeraudes. Item, v petitz florons de la dicte coronne, garniz chescun d'un saphir, ij balays, j diamant et iij perles et j petit diamant sur le summet, dont faut j petit diamant, poisant iij li. x unc., et vaut outre iijciiijxx li., dont la somme, iiijcxlj li. vjs. viijd.

R 4    Item, une autre coronne le cercle de quele y a xij overages, dont vj sont garniz chescun de ij balays, j esmeraude et xiij perles, et les v autres overaiges garniz chescun de j balay, iij esmeraudes et iij petitz balays, et le sisme garniz de ij balays et ij esmeraudes, dont faut ij esmeraudes, et les vj autres florons ove popinioys chescun garniz ove j leverer blanc, iiij balays, iij esmeraudes et xvij perles, pois' iiij li., et vaut outre iiijxx li., dont la somme, Cxliiij li.

R 5    Item, une coronne d'or en la quele sont x overages, dont v chescun garnisez d'un grosse esmeraud' et iiij troches, chescun de iij perles ove xij petitz diamantz, dont faut j, et les autres v overaigues, chescun garniz ove j grosse emeraud', iiij balays et iiij diamantz, ove x florons, dont v grenderes, chescun garniz ove v balays, iij emeraudes et vij perles, et les autres v chescun garniz d'un grosse saphir, ij emeraudes, ij balays et v perles, pois' iiij li. vij unc', et vaut outre Mli.CCxl li., dont la somme, Mli.CCCxiij li. vjs. viijd.

R 6    Item, une coronne ove un cercle en quel il y a viij pieces de oevre d'oeurfevre, dont les iiij sont garniz chescun d'un balay environne de x perles d'aconte, et les iiij autres pieces chescun garniz d'une esmeraude environne de xij grosses perles d'acompt, et entre les x (fn. 3) pieces a viij petitz bastons garniz chescun d'une balay, et auxi en la dit coronne y a viij florons, c'est assavoir chescun garniz ove iiij esmeraudes, j balay en milieu, xij grosses perles (fn. 4) entour et j diamant au bout, et iiij des petitz florons garniz chescun de iiij balay, j esmeraude en milieu, vij groses perles entour et j diamant au bout, pris per estimacionem, ijml li. (fn. 5)

      [J 1]

R 7   Item, j coronne de xj overages, garniz de xj saphirs, xxxiij balays et Cxxxij perles, xxxiij diamantz, dont viij contrefaitz. Item, vj florons chescun d'un balays, v saphirs chescun de ix perles, dont defaut en tout vij perles. Item, vj meyndres (fn. 6) florons, chescun d'un saphirs (fn. 7), iiij petitz balays, j emeraud', dont defaut j emeraud' et ij petitz perles en chescun, pois' v marcz vij unc' (fn. 8), et vaut outre CC li., dont la somme, CCxlvj li. xiijs. iiijd.

      [P 175]

R 8    Item, j veill' coronne d'or, garniz de vij greindres florons et vj meindres, xiiij (fn. 9) grosses balays, xxviij baleys meindres et xiiij emeraud', pois' ij li. vij unc', et vaut outre Cxij li., la somme, Cxlviij li. iijs. iiijd.

      [P 178]

R 9    Item, une grand' coronne d'or, garnisez ove ij grosses rubies, balays, saphirz, emeraudes et perles d'Escoce, pois' de Troix xxiij marcz, et vaut outre cynkant mill' marcz, dont la somme, xxxiijmlDiiijxxiiij li.

R 10    Item, une coronne d'or, garnisez de emeraudes, balays et perles, pois' de Troix ix marcz et iiij unc', et vaut outre xml li., summa, xmlCj li. vjs. viijd.

R 11    Item, j petit coronne d'or, pois' de nobles xxxs., et vaut, xxxs.

Footnotes

  • 1.    J adds et au dessus de chascune a une troche de iij grosses perles et un dyament ou milieu.
  • 2.    Perhaps read cercle.
  • 3.    MS les x, read lesdictes.
  • 4.    perles repeated.
  • 5.    pris per estimacionem repeated with the total in the right hand margin.
  • 6.    meyndres interlined.
  • 7.    saphirs written over an erasure.
  • 8.    ij unc' altered to vij unc', v added in the margin.
  • 9.    xiij altered to xiiij.