Close Rolls, April 1267

Calendar of Close Rolls, Henry III: Volume 13, 1264-1268. Originally published by His Majesty's Stationery Office, London, 1937.

This premium content was digitised by double rekeying. All rights reserved.

'Close Rolls, April 1267', in Calendar of Close Rolls, Henry III: Volume 13, 1264-1268, (London, 1937) pp. 303-307. British History Online https://www.british-history.ac.uk/cal-close-rolls/hen3/vol13/pp303-307 [accessed 25 March 2024]

Image
Image
Image
Image
Image

Close Rolls, April 1267

Pro Alienora que fuit uxor Galfridi de Scalar'.—Rex vicecomiti Cantebr' salutem. Cum nuper concesserimus dilecte nobis Alienore que fuit uxor Galfridi de Scalariis nuper defuncti, qui de nobis tenuit in capite, custodiam terrarum et heredum Galfridi predicti habendam usque ad legitimam etatem heredum predictorum, nos, eidem Alienore graciam facere volentes uberiorem, concessimus ei quod homines sui tenentes de custodia predicta, necnon et Galfridus de Scalariis pater predicti Galfridi, qui ipsum de terris predictis feoffavit tali conditione quod ipse defunctus et heredes sui ipsum Galfridum patrem suum acquietarent de omnibus demandis que exigerentur ab eo, quieti sint de sectis comitatuum, hundredorum debitis et omnimodis exactionibus ad nos pertinentibus usque ad legitimam etatem heredum predictorum. Et ideo tibi precipimus quod prefatam Alienoram seu predictum Galfridum aut homines ipsorum non vexes vel vexari permittas contra concessionem nostram predictam, sed ipsos inde penitus quietos esse permittas in forma predicta. Teste rege apud Cantebr' primo die Aprilis.
Eodem modo scribitur vicecomiti Cantebr' pro predictis Alienora et Galfrido.

De quercubus datis.—Mandatum est Rogero de Clifford, justiciario foreste citra Trentam, quod in bosco de Kingeswod', qui est infra forestam de Essex', faciat habere Johanni capellano regis quatuor quercus ad maeremium de dono regis. Teste rege apud Cantebr' v. die Aprilis.
Mandatum est senescallo foreste regis Essex' quod in eadem foresta faciat habere Fratribus Predicatoribus Lond' xij. quercus ad maeremium de dono regis.

De servientibus ponendis in municione castri Shireburn'.— Rex vicecomiti Dors' salutem. Volentes castrum nostrum de Shireburn' propter instantia pericula temporum muniri, tibi precipimus quod Radulpho Russel constabulario ejusdem castri facias habere decem servientes equites ad arma et decem balistarios pedites ad commorandum in municione castri predicti et eis stipendia sua necessaria de exitibus ballive tue per quadraginta dies habere facias. Et cum sciverimus (fn. 1) quantum eis liberaveritis, nos illud tibi allocari faciemus. Teste ut supra.

De quercubus datis.—Mandatum est custodi foreste de Porrecestr' quod in eadem foresta habere faciat Johanni le Fauconer, clerico regis, duodecim quercus ad maeremium de dono regis. Teste rege apud Cantebr' x. die Aprilis.
Mandatum est Warino de Bassingburn' quod in foresta de Salseto faciat habere Alano la Zuche viginti quercus ad maeremium de dono regis.
Mandatum est eidem Warino quod in foresta de Clive faciat habere Johanni le Spigurnel duas quercus ad maeremium cum escaetis suis de dono regis.

Pro Alano de Lindes' nuncio regis.—Rex thesaurario et baronibus suis de scaccario salutem. Sciatis quod pro diutino servicio quod Alanus de Lindes' nuncius noster nobis impendit, dedimus et concessimus eidem Alano unum denarium et unum quadrantem diurnos quos Willelmus Cholle, quondam nuncius noster, defunctus percipere consuevit per manus vicecomitis nostri Hereford' de elemosina nostra constituta, percipiendos eodem modo per manum vicecomitis nostri comitatus predicti qui pro tempore fuerit quoad vixerit quo prefatus Willelmus eos ibidem in vita sua percipere consuevit. Et ideo vobis mandamus quod prefato Alano dictos denarios et quadrantem diurnos habere et sic fieri et irrotulari faciatis. Teste rege apud Cantebr' xviij. die Aprilis.

De quercubus datis.—Mandatum est Rogero de Clifford, justiciario foreste citra Trentam, quod in foresta de Wauberg' faciat habere Hugoni Saunzaver decem quercus ad maeremium de dono regis.

Pro Edmundo Pecok.—Rex baronibus suis de scaccario salutem. Sciatis quod pro diutino servicio quod dilectus serviens noster Edmundus Pacok nobis impendit concessimus ei officium illud quod Johannes de Fraxino defunctus ad vitam suam habuit ad scaccarium predictum una cum tribus denariis diurnis quos ibidem percipere consuevit, habendum et percipiendum eodem modo quoad vixerit quo prefatus Johannes officium illud habut et dictos tres denarios diurnos ibidem percipere consuevit. Et ideo vobis mandamus quod prefato Edmundo officium illud una cum tribus denariis diurnis predictis habere et sic fieri et irrotulari faciatis. Teste rege apud Cantebr' xviij. die Aprilis.

Pro Johanne de Maundevill'.—Rex justiciariis suis ad custodiam Judeorum assignatis salutem. Volentes valetto nostro Johanni de Maundevill' graciam facere specialem concedimus ei quod totum debitum in quo idem Johannes tenetur Jacobo de London' Judeo Oxonie per cartam suam, ponatur in respectum ut (sic) ad quindenam Sancte Trinitatis proximo futuram, ita quod debitum illud sit dicto die in eodem statu quo nunc est et quod usure aut pene eidem Johanni interim non currant de debito supradicto. Et ideo vobis mandamus quod prefato Johanni respectum illum habere et sic fieri et irrotulari faciatis. Teste me ipso apud Cantebr' xx. die Aprilis anno ljmo.

Pro Eboracensi archiepiscopo.—Rex venerabili patri in Christo N. eadem gracia Wigorniensi episcopo salutem. Quia venerabilis pater W. Eboracensis electus nobis satisfecit de decima nostra ipsum contingente tam pro prioratu suo Sancti Osewaldi Glouc' quam pro aliis terris et tenementis suis in vestra diocesi existentibus, vobis mandamus quatinus de collectione decime contingente eundem electum tam racione dicti prioratus sui quam eciam terrarum et tenementorum in diocesi vestra existentium, in nullo vos intromittatis. Teste me ipso apud Cantebr' xx. die Aprilis anno . . . . .

De damis et quercubus datis.—Mandatum est Rogero de Clifford', justiciario foreste regis citra Trentam, quod habere faciat magistro Godfrido Giffard cancellario in foresta de Bernewod' tres damos et eciam in foresta de Gillingham tres damos et sex quercus ad maeremium de dono regis. Teste rege apud Cantebr' xx. die Aprilis.

Pro Rogero de Leyburn'.—Rex vicecomiti Kancie salutem. Precipimus tibi quod omnem pecuniam quam de exitibus comitatus tui recepisti et quam tam de corpore ejusdem comitatus quam de firmis hundredorum, dominicorum et aliorum debitorum nostrorum que in eodem comitatu exiguntur per summonicionem scaccarii nostri, et eciam quam de consilio dilecti et fidelis nostri Rogeri de Leyburn' quocumque modo in eodem comitatu racionabiliter perquirere et levare poteritis (sic) sine dilacione habere facias eidem Rogero ad ea inde facienda que ei injunximus; et cum sciverimus sibi inde liberatum, debitam allocacionem tibi inde habere faciemus. Et tam diligenter te habeas in hoc mandato nostro exequendo quod ob defectum tui nos ad te graviter capere (fn. 2) debeamus. Teste etc.

De quarellis et stipendiis acquietandis.—Mandatum est Willelmo de Charles et Hugoni de Kendal' quod de denariis regis quos habent in custodia sua per visum P. de Nevill' quarellos regis apud Len' acquietari et carpentariis regis ibidem stipendia sua habere faciant, prout idem P. eis dicet ex parte regis. Teste rege apud Cantebr' xxiij. die Aprilis.

De quercubus datis.—Mandatum est Rogero de Clifford, justiciario foreste citra Trentam, quod in bosco regis de Hanl', qui est infra forestam de Wytlewod', faciat habere magistro Willelmo de Clifford octo quercus aptas ad maeremium de dono regis. Teste ut supra.

Pro Willelmo de Sancto Phileberto.—Rex vicecomiti Norhamt' salutem. Cum quamdam ordinacionem et formam pacis inter Edwardum primogenitum nostrum et Alienoram comitissam Leyc' sororem nostram post conflictum de Evesham de quibusdam de castro Dover' existentibus factam ratam habeamus et acceptam, ac nos secundum ordinacionem illam Willelmo de Sancto Phileberto, qui fuit in castro predicto et qui a tempore ordinacionis illius bene et fideliter hactenus se habuit ad fidem nostram, omnes terras redditus et tenementa sua occasione turbacionis in regno nostro habite in manum nostram capta eidem reddiderimus, tibi precipimus quod de omnibus terris, redditibus et tenementis predictis, in quoruncumque manibus existant, plenam seisinam habere facias habendis secundum formam ordinacionis predicte. Teste ut supra.
Consimilis littera dirigitur pro eodem vicecomiti Suthamt'.

Pro Eudone de Elmete.—Rex vicecomiti Derb' salutem. Cum nos ad instanciam dilecti et fidelis nostri Willelmi de Say perdonaverimus Eudoni de Elmete sectam pacis nostre que ad nos pertinet pro morte Johannis filii Simonis de Ekent', quem per infortunium interfecit ut dicitur, et firmam pacem nostram ei inde concesserimus, ita tamen quod stet recto in curia nostra si quis versus eum inde loqui voluerit, nos eciam eidem Eudoni ad instanciam ejusdem Willelmi graciam facere volentes uberiorem, concessimus ei quantum in nobis est omnia bona et catalla sua eadem occasione capta et arrestata ad quorumcumque manus devenerint; tibi precipimus quod eidem Eudoni omnia bona et catalla sua predicta sic arrestata sine dilacione deliberari facias. Teste rege apud Cantebr' xxiiij. die Aprilis.

Pro Willelmo de Goldinton'.—Rex justiciariis suis ad custodiam Judeorum assignatis salutem. Sciatis quod de sexdecim libris et duobus solidis quos Willelmus de Goldinton' debet Mansero filio Aaron, Judeo Lond', dedimus ei respectum usque ad quindenam Sancti Michaelis proximo futuram, ita quod usure debiti predicti interim non currant. Et ideo vobis mandamus quod eidem Willelmo hujusmodi respectum habere et sic fieri et irrotulari faciatis. Teste ut supra.

De damis datis.—Mandatum est Rogero de Clifford, justiciario foreste citra Trentam, quod in foresta de Bernwod' faciat habere magistro Stephano de Grumvill' tres damos ad festum incepcionis sue inde tenendum de dono regis. Teste.

De quercubus datis.—Mandatum est constabulario castri Windes' quod in foresta de Windes' faciat habere Thome Corbet duas quercus ad maeremium de dono regis. Teste ut supra.

Footnotes

  • 1. The first three letters of this word have been altered.
  • 2. Supply non.