Close Rolls, May 1270

Close Rolls, May 1270

[m. 8d cont.]

Memorandum quod die dominica in crastino Invencionis Sancte Crucis anno etc. liiij^to venit Rogerus le Bigod, filius Hugonis le Bigod, nepos Rogeri le Bigod comitis Norff' et marescalli Anglia cum litteris ejusdem pendentibus huic rotulo per quas idem comes rogavit dominum regem ut ad officium marescalcie nomine predicti Rogeri comitis faciendum, dilectum nepotem suum dominum Rogerum le Bigod predictum suum facit attornatum, quem idem comes ad dictum officium exequendum necnon illum quem ad hoc loco suo posuerit admitteret sicut in litteris predictis plenius continetur. Et dominus rex habito super hoc tractatu cum domino Edwardo filio suo ipsum admisit ad officium marescalcie nomine predicti comitis faciendum, quamdiu eidem domino regi placuerit. Et pro bono et fideli servicio quod predictus Hugo pater suus regi impendit rex concessit eidem Rogero nepoti predicti comitis quod aliquem fidelem loco suo ad officium illud faciendum deputare possit ad voluntatem domini regis. Presentes fuerunt predictus dominus Edwardus, W. de Bello Campo comes Warr', Rogerus de Mortuo Mari, Robertus Waler', Robertus Aguillun, Reginaldus filius Petri, Walterus de Merton', Reginaldus de Grey et plures alii magnates. Teste rege apud Westmonasterium iiij^o. die Maii.

Noverint universi quod ego Henricus de Dunye reddidi, remisi et quietumclamavi pro me et heredibus meis inperpetuum nobili viro domino Eadmundo illustris regis Anglie filio omnes terras et tenementa cum pertinenciis que habui in Redlegh' et Dunye die confeccionis hujus scripti absque aliquo retenemento et que de ipso domino Eadmundo tenui in eisdem videlicet unum messuagium, quadraginta et duas acras terre, sexdecim acras prati, sex acras bosci, unum molendinum, octo solidos et septem denarios redditus percipiendos de tenentibus subscriptis, videlicet de abbate de Flaxeleye unum denarium, de Henrico de Burnhull' unum obolum, de Waltero de Helyun unum denarium, de Alicia de Nasse duos denarios, de Willelmo de Eston' sex denarios, de Johanne de Hemelemore quatuor solidos, de Waltero molendinario duodecim denarios, de Rogero de Hemelemore decem denarios, de Henrico de Hemelemore tres denarios et obolum, de Reginaldo Hirdmon tres denarios, de Rogero Haylmund unum denarium, et de Elya filio Ranulphi quindecim denarios, cum omnibus serviciis eorundem et aliis ad predictas terras et tenementa pertinentibus, ita quod ego vel heredes mei aliquid juris vel clamii in predictis terris et tenementis cum pertinenciis decetero vendicare non possumus. In cujus rei testimonium presenti scripto sigillum meum apposui, hiis testibus, dominis Rogero de Somery, Roberto Waleraund', Gilberto Talebot, Johanne de Oketon', Ricardo Fukeram, Laurencio de Sancto Mauro, Roberto de Turbrevill' juniore, Willelmo Paynel, militibus, Thoma de Bray et aliis.

Rogerus de Bradeleye recognovit se debere Johanni filio Alani domino Arundell' quater viginti marcas argenti, solvendas eidem Johanni quadraginta marcas ad festum Sancti Petri ad Vincula et quadraginta marcas ad festum Sancti Michaelis proximo sequens, ut reddat Isabelle de Bradeleye seisinam terrarum et tenementorum que fuerunt Philippi de Thongelond', que dicta Isabella habuit ex dono dicti Philippi in feodo predicti Johannis. Et, nisi idem Rogerus predictas quater viginti marcas reddiderit terminis supradictis, concessit pro se et heredibus suis quod vicecomites Salop' et Hereford' dictam pecuniam levari faciant de terris et catallis suis in comitatibus predictis.

Nicholaus filius Martini recognovit in cancellaria regis se debere Willelmo de Valenc' cccc. marcas de fine cccc. iiij^xx. librarum, quem idem Nicholaus fecit cum eodem Willelmo pro quodam feodo annuo l. marcarum in quibus Petrus filius Mathei et heredes. sui tenebantur eidem Willelmo (fn. 1) heredibus suis, unde solvet eidem Willelmo cc. marcas in octabis Sancte Trinitatis proximo futuris, et cc. marcas in festo Purificacionis Beate Marie proximo sequens. Et, nisi fecerit, concessit quod dicta pecunia levetur de terris et catallis suis in comitatu Devon'.

Robertus de Nodariis, Eudo la Zuch', Willelmus de Nodariis et magister Thomas de la Leye recognoverunt in cancellaria regis se debere Gerardo de Fanencurt vel executoribus seu assignatis suis quinquaginta et tres marcas, unde solvent ei quadraginta et tres marcas die Sancti Johannis Baptiste proximo futuro et residuas decem marcas die Purificacionis Beate Marie proximo sequenti. Et fiet solucio pecunie predicte apud fratres minores Notingh' diebus supradictis. Et predictus Robertus recognovit se conservare indempnes predictos Eudonem, Willelmum et Thomam de pecunia predicta sicut predictum est. Et, nisi fecerint, concesserunt quod dicta pecunia levetur de terris bonis et catallis suis in comitatibus Norhampt', Leyc', Rotel' et Linc'.

Robertus de Molecastre' recognovit se debere Rogero le Bygot centum marcas solvendas eidem Rogero in octabis Sancti Johannis Baptiste proximo futuris. Et, nisi fecerit, concessit quod dicta pecunia levetur de terris et catallis suis in comitatu Comberl'.

Paganus de Cadurc' recognovit se debere Johanni Luvel' c. marcas solvendas in festo Sancti Johannis Baptiste proximo futuro apud Novum Templum Lond'. Et, nisi fecerit, concessit quod levetur de terris et catallis suis.

Prior de Stodley recognovit se debere Waltero de Kanc' clerico xiij. libras solvendas in octabis Sancte Trinitatis proximo futuris. Et, nisi fecerit, concessit quod dicta pecunia levetur de terris et catallis suis in comitatu Warr'.

Omnibus Christi fidelibus ad quos presens scriptum pervenerit Johannes de Poleny miles salutem in Domino sempiternam. Noveritis me concessisse domino Radulpho de Arundel militi pro quinque marcis sterlingorum redempcionem octo libratarum de terra Reymfredi de Arundel' in Jowe in comitatu Devon', quas Nicholaus filius Martini et socii sui, justiciarii de terris datis occasione turbacionis nuper habite in regno Anglie, mihi assignaverunt in comitatu predicto per preceptum domini regis. In cujus etc. sigillum meum apposui huic scripto. Datum apud Westmonasterium anno regni etc. liiij., presentibus dominis Willelmo de Biksleg', Warino de Sicca Villa et aliis.

Johannes de Bohun recognovit se debere Roberto de Auuere decem libras solvendas eidem Roberto in festo Sancti Michaelis proximo futuro. Et, nisi fecerit, concessit quod dicta pecunia levetur de terris et catallis suis in comitatibus Berk' et Glouc'.

Jacobus de Audeleye recognovit se debere executoribus testamenti Willelmi filii Ricardi civis London' triginta et duas libras quatuor solidos et undecim denarios, solvendos eisdem, videlicet, medietatem in quindena Sancti Michaelis proximo futura et alteram medietatem in quindena Pasche proximo sequenti. Et, nisi fecerit, concessit quod dicta pecunia levetur de terris et catallis suis in comitatu Staff'.

Ricardus de Kyngesleyte venit coram rege die Sabbati proxima post festum Sancti Johannis ante Portam Latinam et petiit terram suam in Etewell' sibi replegiari, que capta est in manum regis propter defaltam etc. quam idem Ricardus fecit versus Aliciam que fuit uxor Willelmi filii Willelmi de Etewell'. Et mandatum est justiciariis de banco.

Scolastica de Wayford' recognovit se debere Johanni de Sumersete lx. marcas, unde solvet in festo Sancti Johannis Baptiste proximo futuro xx. marcas, et in festo Omnium Sanctorum xx. marcas, et in festo Pasche proximo sequenti residuas xx. marcas. Et, nisi fecerit, concessit quod dicta pecunia levetur de terris et catallis suis in comitatu Sumers'. Et ad hoc faciendum invenit fidejussores, scilicet Radulphum de Gorges, Thomam Maudut et Johannem de Ortyay qui eodem modo se obligarunt. (Cancelled.) Vacat quia satisfecerunt eidem Johanni ad plenum.

Willelmus la Zuch et Eudo la Zuch recognoverunt se debere Johanni de Warrenn' comiti Surr' cc. marcas, unde solvent unam medietatem in festo Natalis Domini proximo futuro et aliam medietatem ad festum Pasche proximo sequens. Et, nisi fecerint, concesserunt quod dicta pecunia levetur de terris et catallis suis in comitatu etc.
Et ad hoc faciendum invenit Jacobum de Aldithel', Alanum la Zuch (fn. 2) et Willelmum de Sancto Omero (fn. 2) fidejussores, qui similiter concesserunt quod nisi fecerint quod ipsi solvent infra quindenam post terminos predictos. Et nisi fecerint concesserunt ut supra.

Petronilla de Suthampt' recognovit se debere Johanni de Sumers' x. marcas, solvendas in festo Pasche proximo futuro. Et, nisi fecerit, concessit quod dicta pecunia levetur de terris et catallis suis in comitatu Suthampt'.

Willelmus la Zuch recognovit se debere Johanni de Sumers' xviij. marcas solvendas a festo Pasche proximo futuro in unum annum sequentem completum. Et, nisi fecerit, concessit quod dicta pecunia levetur de terris et catallis suis in comitatu Dors'.
(Margin.) Soluit et quietum est prout idem Johannes recognovit.

Johannes le Rus recognovit se debere Johanni de Sancto Walerico c. libras unde solvet in festo Sancti Martini proximo futuro xx. libras et in festo Sancti Martini proximo sequenti xx. libras et in festo Sancti Martini proximo sequenti xx. libras et in festo Sancti Martini proximo sequenti xx. libras et in festo Sancti Martini proximo sequenti residuas xx. libras. Et, nisi fecerit, concessit quod dicta pecunia levetur de terris et catallis suis in comitatu Sumers'.

Hugo Bogard' recognovit se debere magistro Simoni de Preston' decem et octo marcas, solvendas eidem Simoni in festo Sancti Michaelis proximo futuro. Et, nisi fecerit, concessit idem Hugo quod dicta pecunia levetur de terris et catallis suis in comitatu Lancastr'.

Willelmus de Bidesham venit coram rege die Jovis proximo ante festum Sancti Dunstani et petiit terram Mauricii Buche et Margerie uxoris ejus in Tornok eisdem Mauricio et Margerie replegiari, que capta est in manum regis propter defaltam quam iidem Mauricius et Margeria fecerunt coram justiciariis de banco versus Thomam Balle ut dicitur.

Rex thesaurario et baronibus de scaccario salutem. Quia provisum est per nos et Edwardum primogenitum nostrum et alios fideles de consilio nostro ad melioracionem status terre nostre et ad relevacionem christianorum a gravaminibus que hactenus habuerunt per Judeos et Judaismum nostrum Anglie quod omnia debita Judeorum, que sunt feoda et que die Sancti Hillarii anno regni nostri liij^o fuerunt in manibus Judeorum et que non fuerunt data vel vendita Christianis, ita quod ante diem illum essent confirmata per nos vel irrotulata in rotulis nostris ad scaccarium nostrum Judeorum, quieta sint Christianis quia (fn. 3) debent et eorum heredibus imperpetuum una cum arreragiis eorundem debitorum, et quod carte de hujusmodi feodis, ubicunque erunt invente, sint liberate Christianis qui talia feoda debent vel eorum heredibus, et quod, si forte aliqua hujusmodi carta sit posita vel inventa in archa cyrographariorum vel extra amodo nullius sit valoris. Et quod nullus Judeus a predicto die in antea talita (sic) debita de feodo recipiat vel faciat. Et similiter quod nullus Judeus talia feoda Christianis vendat a predicto tempore super forisfacturam vite sue et catallorum ipsius, nec Christianus ea emat super forisfacturam catallorum ipsius et sue hereditatis; vobis mandamus quod omnia chirographa super hujusmodi feodis per quoscunque confecta coram vobis ad scaccarium nostrum venire faciatis et ea que ante predictum diem Sancti Hilarii non fuerunt per nos confirmata nec in rotulis nostris ad scaccarium nostrum Judeorum irrotulata, prout superius est expressum, cancellari faciatis, et creditoribus vel eorum heredibus quieta reddatis. Teste rege apud Westmonasterium xiiij. die Maii.

Johannes filius Gely recognovit se debere Galfrido de Chanketon' unam marcam, solvendam in festo Sancti Martini proximo futuro. Et, nisi fecerit, concessit quod dicta pecunia levetur de terris et catallis in comitatu Nor . . .

[m. 7d.]

Rogerus a la Barre de Windes' recognovit se debere Henrico de Norwico quinquaginta et octo solidos, solvendos eidem, medietatem in octabis Sancti Johannis Baptiste proximo futuris, et aliam medietatem in festo ad Vincula Sancti Petri. Et, nisi fecerit, concessit quod dicta pecunia levetur de terris et catallis suis in comitatu Berk'. Et ad hoc invenit plegios, videlicet, Simonem de la Croyce et Radulphum Gerard', qui concesserunt quod dicta pecunia levetur de terris et catallis suis in comitatu Berk' si idem Rogerus defecerit in solucione pecunie predicte terminis supradictis.

Episcopus Bathoniensis habet quietanciam de communi summonicione in comitatu Somers'.
Consimilem quietanciam habet Robertus de Erleya in comitatu Sumers'.

Robertus filius David de Engymur de Weston' venit coram rege die Lune proxima post festum Ascensionis Domini et petiit terram suam in Tholnetham sibi replegiari, que capta est in manum regis propter defaltam quam idem Robertus fecit coram justiciariis regis de banco versus Johannem de Lyvermere ut dicitur.

Omnibus Christi fidelibus ad quos presentes littere pervenerint Rogerus de Sancto Phileberto salutem. Noveritis me teneri Rogero de Mortuo Mari in quaterviginti marcis sterlingorum solvendis eidem Rogero et heredibus vel assignatis suis per me et heredes vel executores meos in abbacia de Radinges ad terminos subscriptos, videlicet, ad festum Sancti Michaelis anno ab Incarnacione Domini m^o. cc.^o septuagesimo quadraginta marcas et ad festum Omnium Sanctorum proximo sequens quadraginta marcas. Si vero a solucione dictorum denariorum terminis et loco prenominatis cessaverimus in toto vel in parte, tunc volo et concedo quod idem Rogerus et heredes vel assignati sui distringant me et heredes meos vel executores meos per omnia bona nostra mobilia et immobilia ubicunque fuerint inventa quousque eisdem tam de principali debito quam dampnis et expensis que pro defectu solucionis incurrerent plenarie fuerit satisfactum, vel quod seisiant, ingrediant, optineant et possideant totam terram et tenementum meum de Clafford' in comitatu Suhampt' cum omnibus pertinenciis suis, et omnes exitus et proventus inde percipiant et eandem terram habeant et teneant libere et quiete absque ulla reclamacione vel recuperacione mei vel heredum meorum quousque eidem tam de principali debito quam dampnis et expensis ut predictum est similiter fuerit satisfactum, non allocatis nobis nec computatis exitibus predictis que interim perceperint in aliqua solucione dicte pecunie vel dampnorum et expensorum predictorum renuncians quo ad hoc omnia et singula omni jure (sic) vel consuetudinis remedio que mih vel heredibus meis possent prodesse et eisdem obesse, et specialiter omni impetracioni litteris domini regis. Et, si forte humanitus de me interim contingat, tunc volo et concedo quod executores mei nullam habeant administracionem bonorum meorum nec distribucionem aliquam inde faciant quousque de predicta pecunia eis plene fuerit satisfactum. In hujus autem rei testimonium presenti scripto sigillum meum apposui. Datum London' die Jovis proxima post festum Sanctorum Nerey et Achilley anno predicto.

Abbas Sancti Eadmundi habet aquietanciam communis summonicionis in comitatibus Essex' et Northampt' coram justiciariis ad placita foreste in comitatibus predictis.

Ricardus le Beel recognovit se debere Petro de Winton' viginti et tres solidos, solvendos eidem Petro in octabis Sancti Johannis Baptiste proximo futuris. Et, nisi fecerit, concessit quod dicta pecunia levetur de terris et catallis suis in comitatu Suhampt'.

Alyanora que fuit uxor Galfridi de Scalar' recognovit se debere Nicholao le Chaundeler undecim libras et tresdecim solidos solvendos in festo Omnium Sanctorum proximo futuro. Et, nisi fecerit, concessit quod dicta pecunia levetur de terris et catallis suis in comitatu Cantebr'. Et ad majorem securitatem eadem Alyanora invenit plegios, videlicet, Willelmum de Renham et Robertum de Wadon', qui concesserunt dictam pecuniam levari de terris et catallis suis in comitatibus Norff' et Cant', si ipsa in solucione pecunie predicte defecerit in festo predicto.
(Cancelled.) Vacat quia solvit et quieta est.

Hugo le Utelagh' venit coram rege die Sabbati in vigilia Sancte Trinitatis et petiit terram Thome de Lose, Willelmi Dagun, Bartholomei filii Radulphi de Toftes, Hugonis filii Nicholai, Ricardi de Camera, Martini Godard', Thome filii Nicholai, Johannis Hervy, Henrici filii Thome et Margerie uxoris ejus, Georgii Bacun, Isabelle filie Thome, Ricardi filii Agnetis, Ricardi de Berkele, Johannis le Veyl et Lucye uxoris ejus in Hanstede et Plumstede eisdem Thome, Willelmo etc. replegiari, que capta est in manum nostram propter defaltam quam iidem Thomas, Willelmus etc. fecerunt in curia nostra coram justiciariis nostris de banco versus Beatricem que fuit uxor Stephani de Causton' ut dicitur.

Willelmus filius Ade venit coram rege die Sabbati in vigilia Sancte Trinitatis et petiit terram suam et terram Roberti atte Cherche, Willelmi Hereman, Willelmi de Tibehull', Johannis Seinthe, Georgii Bacun, Ricardi Russell', Nicholai de Sibehull' et Petri Hereman in Bacumes (sic) Thorp' sibi et eisdem Roberti, Willelmi etc. (sic) replegiari, que capta est in manum regis propter defaltam quam fecerunt in curia regis coram justiciariis regis de banco versus Philippum Curtays ut dicitur.

Hugo le Utlagh' venit coram rege in octabis Sancte Trinitatis et petiit terram Thome le Utlagh in Wodeham eidem Thome replegiari, que capta etc. propter defaltam quam fecit versus Ranulphum filium Willelmi ut dicitur coram justiciariis de banco.

Rex de gracia sua speciali dedit respectum priorisse et monialibus Sancte Marie de Pratis extra Sanctum Albanum de vicesima bonorum suorum regi solvenda usque ad festum Sancti Michaelis proximo futurum.

Willelmus de Valenc' ponit loco suo Willelmum de Wintreshull' et Galfridum de Neubaud ad lucrandum vel perdendum in loquela que est coram justiciariis regis de banco inter Robertum de Stotevill' et Johannam uxorem ejus et ipsum Willelmum de duabus partibus manerii de Geynesburg' cum pertinenciiis exceptis duodecim bovatis et sexaginta acris terre octo toftis xx^ti. acris prati, c. acris bosci, l^ta. solidis redditus et advocacione ecclesie manerii predicti. Teste rege apud Westmonasterium xv. die Maij.

Essonia de malo veniendi coram rege in octabis Sancte Trinitatis.

Dors'. Johannes de Belyshall attornatus G. de Clar' comitis Glouc' et Hertford' versus regem de placito terre per Willelmum Penesel'.
Johannes de Stanes alter attornatus versus eundem de eodem per Robertum de Keremerdyn.

Karolus frater Willelmi Charles venit coram rege apud Waltham' die Lune in vigilia Sancti Botulphi et petiit terram predicti Willelmi in Latum eidem Willelmo replegiari, que capta est in manum regis propter defaltam quam idem Willelmus fecit coram justiciariis de banco versus . . . . (fn. 4) que fuit uxor Alani de Latun.

Abbas de Bildewas recognovit se debere Johanni le Fauconer et ceteris coexecutoribus testamenti Wiberti de Kanc' l. marcas, solvendas in quindena Sancti Michaelis proximo futura. Et, nisi fecerit, concessit quod dicta pecunia levetur de terris et catallis suis in comitatu Sallop'.

Robertus le Ceynturer recognovit se debere Petro de Basinges quindecim solidos, solvendos eidem in festo Sancti Michaelis proximo futuro. Et, nisi fecerit, concessit quod dicta pecunia levetur de terris et catallis suis in comitatu Buk'.