Close Rolls, May 1232

Close Rolls, May 1232

Rex vicecomiti Notingham et Dereb', salutem. Summone per bonos summonitores omnes archiepiscopos, episcopos, abbates, priores, comites, barones, milites et libere tenentes de tota balliva tua, et de qualibet villa iiij. legales homines et prepositum, et de quolibet burgo xij. legales burgenses, et omnes alios, qui coram justiciariis itinerantibus venire debent et solent, quod sint apud Noting' in crastino Sancte Trinitatis anno etc. xvj. coram dilectis et fidelibus nostris S. de Sedgrave, Adam de Novo Mercato, Willelmo Basset, Willelmo de Eboraco, magistro R. de Shardelawe et magistrum Walterum (sic) de Cantilup', Willelmo de Insula, quos justiciarios nostros constituimus, audituri et facturi preceptum nostrum. Facias etiam tunc venire coram eisdem justiciariis omnia placita corone, que placitata non sunt et que emerserunt postquam justiciarii nostri ultimo itineraverunt in partibus illis, ad omnia placita et omnia athachiamenta ad placita illa pertinentia, et omnes assisas et omnia placita que posita sunt ad primam assisam coram justiciariis, cum brevibus assisarum et placitorum; ita quod assise ille et placita pro defectu tui vel summonitionis tue non remaneant. Facias etiam clamari et sciri per totam bailliam tuam quod omnes assise et omnia placita que fuerunt atterminata et non finita coram justiciariis nostris apud Westmonasterium, vel coram justiciariis nostris, qui ultimo itineraverunt in comitatibus tuis de omnibus placitis, vel coram justiciariis nostris illuc missis ad assisas nove dissaisine capiendas et gaiolas deliberandas, tunc sint coram prefatis justiciariis nostris apud Noting' in eodem statu, in quo remanserunt per preceptum nostrum, vel per preceptum predictorum justiciariorum nostrorum itinerantium, vel per justiciarios nostros de Banco. Summone etiam per bonos summonitores omnes illos qui fuerunt vicecomites post ultimam itinerationem predictorum justiciariorum in partibus illis, quod tunc sint ibidem coram predictis justiciariis nostris cum brevibus de assisis et placitis que tempore suo receperunt, ad respondendum de tempore suo, sicut responderi debet, coram justiciariis itinerantibus. Et habeas ibi summonitores et hoc breve. Teste me ipso apud Westmonasterium, vij. die Maii, anno etc. xvj.

Eodem modo scribitur vicecomitibus Cantebrigie et Hunted', Essex' et Hertford' ad diem et locum, que predicti (fn. 1) justiciarii eisdem vicecomitibus mandabunt per literas suas.

Rex archiepiscopis, episcopis, abbatibus, prioribus, comitibus, baronibus, militibus, libere tenentibus et omnibus aliis de comitatibus Noting' et Dereb', Cantebrigie et Hunted', Essex' et Hertf', salutem. Sciatis quod constituimus dilectos et fideles nostros Stephanum de Sedgrave etc. ut supra, justiciarios nostros ad itinerandum per comitatus predictos de omnibus assisis et placitis, tam corone nostre quam aliis que emerserunt postquam justiciarii nostri ultimo itineraverunt in partibus illis, et de illis etiam que atterminata fuerunt et non finita coram justiciariis nostris apud Westmonasterium vel coram justiciariis nostris, qui ultimo itineraverunt in comitatibus predictis de omnibus placitis, vel tantum de assisis nove dissaisine (fn. 2) capiendis et gaiolis deliberandis, ut sint coram eis in eo statu in quo remanserunt per preceptum nostrum, vel per predictos justiciarios nostros itinerantes, vel per justiciarios nostros de Banco. Et mandavimus vicecomiti de predictis comitatibus Noting' et Dereb' quod in crastino Sancte Trinitatis anno etc. xvj. faciat coram eis apud Noting' summonitiones fieri et athachiamenta venire cum brevibus assisarum et placitorum predictorum. Mandavimus similiter vicecomitibus de predictis comitatibus Cantebrigie et Hunt', Essex' et Hertf', quod ad dies et loca, que ipsi justiciarii eis mandabunt, faciant coram eis summonitiones fieri et atachiamenta venire cum brevibus assisarum et placitorum predictorum. Et ideo vobis mandamus quod ad hoc predictis justiciariis nostris sitis intendentes. In cujus etc. fieri fecimus. Teste ut supra.

Rex dilecto et fideli suo Ade de Novo Mercato, salutem. Sciatis quod constituimus vos justiciarium nostrum una cum dilectis et fidelibus nostris S. de Sedgrave etc. ad itinerandum ad omnia placita in comitatibus Noting' et Dereb' et aliis, ut supra. Et ideo vobis mandamus quod in crastino Sancte Trinitatis predictis sociis vestris occurrentes apud Noting' ad dictum iter incipiendum, taliter negociis nostris in eodem expediendis intendatis, quod diligentiam vestram habentes commendatam, ipsam pro tempore digne respicere debeamus cum multiplici graciarum actione. Teste ut supra.

Sicut superius est inrotulatum de itinere predictorum justiciariorum in predictis comitatibus, eodem modo scribitur de itinere justiciariorum in comitatibus subscriptis.

W. de Ralegh', R. de Lexinton', R. Duket, Adam filius Willelmi, Radulfus filius Reginaldi, in comitatibus War' et Leic', Norhamt', Bedeford' et Buk', apud Leic' in crastino Sancte Trinitatis; et in aliis comitatibus ad diem et locum etc.